Chapter 254

śrīlakṣmīruvāca |
śrīkṛṣṇasya hareryogāt sarvaṃ bhavati nirguṇam |
svargadaṃ mokṣadaṃ cāpi caturbāhusvarūpadam || 1 ||
[Analyze grammar]

yatkiṃcitkarma kāmyaṃ vā phalecchāvidhuraṃ ca vā |
kṛṣṇatuṣṭyai kṛtaṃ sarvaṃ golokapradameva tat || 2 ||
[Analyze grammar]

tadvrataṃ sā kriyā ramyā sa dharmastattu pūjanam |
yena tuṣṭo bhavetsvāmī harikṛṣṇaḥ satāṃ patiḥ || 3 ||
[Analyze grammar]

cāturmāsyavrataṃ tadvai yena tuṣyati mādhavaḥ |
yamāśca niyamāste vai yena tuṣṭo hyadhokṣajaḥ || 4 ||
[Analyze grammar]

vada śrāvaṇakṛṣṇe me kiṃnāmnyekādaśī matā |
ko devaḥ ko vidhistasyāḥ kiṃ puṇyaṃ kathaya prabho || 5 ||
[Analyze grammar]

śrīnārāyaṇa uvāca |
śṛṇu lakṣmi ca te vakṣye lokānāṃ hitakāmyayā |
śrāvaṇaikādaśī kṛṣṇā kāmikā nāma nāmataḥ || 6 ||
[Analyze grammar]

acyuto vijayāyuktaḥ sampūjyastatra bhaktitaḥ |
puṣpeṣu pārijātāni bilvamarghye phalaṃ matam || 7 ||
[Analyze grammar]

śatacchidrādi naivedye dānaṃ strīpuṃsuvastrayoḥ |
deyaṃ tu vratinā sarvamacyutapremakārakam || 8 ||
[Analyze grammar]

na gaṃgāyāṃ na ca kāśyāṃ naimiṣe na na puṣkare |
satphalaṃ labhyate yadvai phalaṃ śrīkṛṣṇapūjanāt || 9 ||
[Analyze grammar]

godāvaryāṃ gurau siṃhe vyatīpāte ca daṇḍake |
yatphalaṃ labhyate tasmādadhikaṃ phalamucyate || 10 ||
[Analyze grammar]

sasāgaravanopetāṃ yo dadāti vasundharām |
kāmikāvratavāṃstasmādadhikaṃ phalamaśnute || 11 ||
[Analyze grammar]

dhenuṃ sopaskarāṃ dadyād yastu cobhayatomukhīm |
tato'dhikaṃ phalaṃ tasya jāyate kāmikāvratāt || 12 ||
[Analyze grammar]

śrāvaṇe śrīdharaṃ kṛṣṇaṃ pūjayed yo vratī janaḥ |
tena saṃpūjitā devā gandharvoragapannagāḥ || 13 ||
[Analyze grammar]

saṃsārārṇavamagnānāṃ kāmikāvratamuttamam |
tatpāraprāpakaṃ potaṃ vidyate harinirmitam || 14 ||
[Analyze grammar]

adhyātmavidyāprāpyaṃ ca phalaṃ vai kāmikāvratāt |
sajāgaraṃ vrataṃ kṛtvā durgatiṃ naiva gacchati || 15 ||
[Analyze grammar]

na paśyati yamaṃ raudraṃ kuyoniṃ naiva vindati |
kāmikāvratapuṇyena kaivalyaṃ yogino yayuḥ || 16 ||
[Analyze grammar]

tulasīprabhavaiḥ patrairyo janaḥ pūjayeddharim |
lipyate na sa pāpena padmapatramivāṃbhasā || 17 ||
[Analyze grammar]

suvarṇaṃ bhāramekaṃ ca rajataṃ ca caturguṇam |
arpyate tatphalāvāptistulasīdalapūjanāt || 18 ||
[Analyze grammar]

raktamauktikavaidūryapravālādibhirarcitaḥ |
na tuṣyati tathā kṛṣṇastulasīdalato yathā || 19 ||
[Analyze grammar]

tulasīmaṃjarībhiḥ saṃpūjito yena mādhavaḥ |
anekajanmapāpāni tasya yānti hi saṃkṣayam || 20 ||
[Analyze grammar]

yā dṛṣṭā pāpaśamanī spṛṣṭā dehasya pāvanī |
stutā roganirasanī siktā'ntakanivāriṇī || 21 ||
[Analyze grammar]

ropitā kṛṣṇacaraṇapratyāsattividhāyinī |
arpitā muktiphaladā tattulasyai namo namaḥ || 22 ||
[Analyze grammar]

ityuktvā tulasīṃ dadyād devāya paramātmane |
kṛṣṇāgre dīpako yasya jvalatyekādaśītithau || 23 ||
[Analyze grammar]

pitarastasya tṛpyanti hyamṛtena divi sthitāḥ |
dīpadānaṃ tu śikhare kartavyaṃ vai harerdine || 24 ||
[Analyze grammar]

tasya puṇyasya saṃkhyāṃ tu viṣṇuścāpi na vettyalam |
ghṛtasya tilatailasya dīpī deyo hi mandire || 25 ||
[Analyze grammar]

dātā prayāti dyulokaṃ dīpakoṭiśatojjvalaḥ |
brahmahatyāpaharaṇī mahāpuṇyaphalapradā || 26 ||
[Analyze grammar]

tridivasthānadātrī ca bhrūṇahatyādināśinī |
kartavyaikādaśī kāmapūraṇī śraddhayā priye || 27 ||
[Analyze grammar]

vratakartā pāvano vai bhūtvā bhaktisamanvitaḥ |
viṣṇulokamavāpnoti bhuṃkte sukhaṃ tu śāśvatam || 28 ||
[Analyze grammar]

daśamyāmekabhojī syād bhūśāyī ca bhavenniśi |
brahmacārī bhaveccaiva prātarutthāya ca vratī || 29 ||
[Analyze grammar]

snātvā nityārcanaṃ kṛtvā maṇḍapaṃ kārayecchubham |
dhānyaiśca sarvatobhadraṃ maṇḍalaṃ kārayettataḥ || 30 ||
[Analyze grammar]

acyutasya svarṇamūrtiṃ vijayāsahitasya vai |
pūjayedvidhinā tatrā''vāhanādibhirādarāt || 31 ||
[Analyze grammar]

pañcāmṛtairjalaiścāpi snapayenmārjayettataḥ |
vastrabhūṣādyalaṃkāraśṛṃgāraiśca praśobhitām || 32 ||
[Analyze grammar]

sthāpayitvā tilapātre nyasyetpātraṃ ghaṭopari |
pañcaratnasupallavaphalavārisamanvitam || 33 ||
[Analyze grammar]

bhojayed vividhairbhojyaistāmbūlādi samarpayet |
nīrājayet stutiṃ pradakṣiṇāṃjalī samarpayet || 34 ||
[Analyze grammar]

nirvidhnaṃ me vrataṃ bhūyādityevamarthayeddharim |
madhyāhne'pi sumiṣṭānnaistarpayedacyutaṃ vratī || 35 ||
[Analyze grammar]

sāyaṃ cāpi tathā kuryānmahāpūjādikaṃ vratī |
bhojayetpūjayedāndolayedaṃgāni mardayet || 36 ||
[Analyze grammar]

jāgaraṇaṃ prakuryācca dvādaśyāṃ prātareva tu |
snātvā'rcayitvā dānāni dadyācca vividhāni vai || 37 ||
[Analyze grammar]

sataḥ sādhvīrbhojayecca bālān kuryācca pāraṇām |
sukāmikāvrataṃ tvevaṃ sarvakāmaphalapradam || 38 ||
[Analyze grammar]

dhanārthī dhanamāpnoti putrārthī labhate sutam |
bhāryārthī tvāpnuyād bhāryāṃ svāmikāmā patiṃ labhet || 39 ||
[Analyze grammar]

gṛhakṣetrapaśusmṛddhidhānyārthī labhate tu tat |
kīrtyārogyasusammānarājyasattārthī tallabhet || 40 ||
[Analyze grammar]

dharmārthakāmamokṣārthī vrataṃ kṛtvā'rjayettu tat |
śatrūpadravavighnāttikṣayārthī tatkṣayaṃ vrajet || 41 ||
[Analyze grammar]

evaṃ sarvapradaṃ tvetat kāmikāvratamuttamam |
svargadaṃ satyadaṃ tadvai tathā vairājalokadam || 42 ||
[Analyze grammar]

golokadaṃ vrataṃ caitadakṣarapradamuttamam |
sarvasiddhipradaṃ tvasyā ākhyānaṃ śṛṇu pūrvajam || 43 ||
[Analyze grammar]

śravaṇāḥ pitaraḥ pūrvaṃ dharmarājakulodbhavāḥ |
dharmeṇa yojitāḥ prāṇivṛttāntānayanāya te || 44 ||
[Analyze grammar]

yatra gacchanti jīvānāṃ vṛttāntānayanāya te |
na śṛṇvanti na paśyanti karma sūkṣmāt susūkṣmakam || 45 ||
[Analyze grammar]

na jānanti ca vṛttāntaṃ tvānayeyuḥ kathaṃ tu te |
ajānanto yama te nivedayeyuḥ kathaṃ tadā || 46 ||
[Analyze grammar]

iti cintāparā sarve militvā''huryamaṃ puraḥ |
sūkṣmakarmakṛtāṃ sarvaṃ yathā vidmo vayaṃ tathā || 47 ||
[Analyze grammar]

dharmarāja vidhehyeva jānīmo jīvakarma yat |
vayaṃ dvādaśasaṃkhyākā jīvāścāsaṃkhyakoṭayaḥ || 48 ||
[Analyze grammar]

kathaṃ kutra bhaved vyāptirasmākaṃ siddhimantarā |
tasmāt siddhiṃ pradehi tvaṃ yadvā darśaya tattapaḥ || 49 ||
[Analyze grammar]

yena syāma tavāgre vai sarvā''vedanaśaktayaḥ |
śrutvā yamastu tānprāha sevadhvaṃ kāmikāvratam || 50 ||
[Analyze grammar]

śrāvaṇe kṛṣṇapakṣe sā kāmikaikādaśī matā |
sarvakāmasusaṃsiddhiyātrī tvaiśvaryasamprada || 51 ||
[Analyze grammar]

vidhiṃ śrutvā kāmikāyā vratasya śravaṇāstataḥ |
cakrurvrataṃ kāmikāyā dadurdānāni bhūriśaḥ || 52 ||
[Analyze grammar]

dvādaśyāṃ pāraṇākāle prasanno dharmarājakaḥ |
svayaṃ viprasvarūpeṇā'tithirbhūtvā samāgataḥ || 53 ||
[Analyze grammar]

bhikṣāṃ dehīti sūccārya tasthau tvaṃgaṇabhūtale |
śravaṇairarpitāṃ bhikṣāṃ jagrāha bahubhāvataḥ || 54 ||
[Analyze grammar]

varaṃ vṛṇuta bho kṣatrāḥ prasanno'smi vratena vaḥ |
ityāha tān dharmadevo'cyutasya janakaḥ svayam || 55 ||
[Analyze grammar]

prāhuste śravaṇā taṃ vai jīvānāṃ sūkṣmakarmakam |
yathā jānīma evātra sārvajñyaṃ dehi tadvidham || 56 ||
[Analyze grammar]

dūraśravaṇamevāpi dūradarśanamityapi |
guptakartavyavettṛtvaṃ bahurūpadhṛtiṃ tathā || 57 ||
[Analyze grammar]

sarvadeśādisaṃstheṣu jīveṣu vyāpitāṃ tathā |
sarveṣāṃ sarvathā sarvavettṛtvaśaktimuttamām || 58 ||
[Analyze grammar]

śāśvatīṃ tatsmṛtiṃ cāpi yathārthāṃ dehi yadyathā |
śrutvaivaṃ dharmarājastu samuvāca tu tāṃstadā || 59 ||
[Analyze grammar]

kāmikāyā vrataṃ yuṣmābhiḥ kṛtaṃ tatphalaṃ bahu |
sarvasiddhimayaṃ ceṣṭapradaṃ labdhaṃ yato hyaham || 60 ||
[Analyze grammar]

dadāmi sarvasiddhīśca tathā yūyaṃ bhavantviti |
īśavatsarvadā sarvajīvānāmitivṛttajam || 61 ||
[Analyze grammar]

sarvaṃ jñānaṃ bhavatsveva bhavatviti dadāmyaham |
evaṃ varaṃ paraṃ datvā dharmarājastirodadhe || 62 ||
[Analyze grammar]

śravaṇā dvādaśasaṃkhyāstata āramya sarvadā |
asaṃkhyarūpadhartāro jīvakarma nivedakāḥ || 63 ||
[Analyze grammar]

sarvajñā iva saṃjātāścitraguptāgrataḥ sadā |
nivedayanti vṛttāntaṃ mṛtānāṃ pūrvagāminām || 64 ||
[Analyze grammar]

sarvakāmaphalaṃ prāptāḥ kāmikāyā vratena te |
sarvasiddhipradā tasmātkartavyā kāmikā janaiḥ || 65 ||
[Analyze grammar]

śṛṇu tvanyakathāṃ lakṣmi raterjātāṃ purā yathā |
śaṃkareṇa yadā dagdhaḥ kāmadevo himālaye || 66 ||
[Analyze grammar]

kāmapatnī ratirjātā vidhavā patimantarā |
bahu sā pīḍitā jātā vaidhavyā''rttyatikarṣitā || 67 ||
[Analyze grammar]

śaṃkaraṃ prati gatvā sā prāha nātha kṛpāṃ kuru |
patiṃ vinā tu me prāptaṃ hyamāṃgalyaṃ duḥkhapradam || 68 ||
[Analyze grammar]

tanme vināśayā''rttinyāḥ śaṃbho śaṃ kuru yoṣitaḥ |
śrutvā śaṃbhuśca tāṃ prāha kāmikāyā vrataṃ kuru || 69 ||
[Analyze grammar]

amāṃgalyaṃ sadā te vai dūraṃ yāsyati niścitam |
adeho'pi patiste vai ratisthāne miliṣyati || 70 ||
[Analyze grammar]

avaidhavyamamāṃgalyaṃ sarvaṃ te yāsyati kṣayam |
kṛṣṇaputrastu vai pradyumnanāmā te patistataḥ || 71 ||
[Analyze grammar]

suśarīro'tisaubhāgyavatyā vai prāpsyate tvayā |
śrutvaivaṃ sā kāmikāyā vrataṃ cakre ratirmudā || 72 ||
[Analyze grammar]

vidhivacca dadau sarvadānāni bahubhaktitaḥ |
śaṃbhustu pāraṇākāle bhūtvā bhikṣuka eva ha || 73 ||
[Analyze grammar]

samāyayau subhikṣārthaṃ tayā bhikṣā samarpitā |
bhuktvā prāha tataḥ śaṃbhurvaraṃ yācasva dadmyaham || 74 ||
[Analyze grammar]

kāmikāyā vratenāsmi prasannaḥ śaṃkaraḥ svayam |
śrutvā ratistadā prāha patiṃ kāmaṃ pradehi me || 75 ||
[Analyze grammar]

tathāstviti samuccāryā'dṛśyo'bhūcchaṃkarastataḥ |
ratyā labdhaḥ patiḥ svasyā ratyāḥ kāle pratisthale || 76 ||
[Analyze grammar]

bhūte bhūte sarvayonau pati prāptaḥ sa maithune |
mūrtaḥ pradyumnanāmāpi prāptaḥ kṛṣṇasutastataḥ || 77 ||
[Analyze grammar]

evaṃ vrataprabhāveṇa ratiḥ saubhāgyatāṃ gatā |
brahmāṇḍaprāṇiṣu vyāptiṃ prāptā siddhiṃ tu śāśvatīm || 78 ||
[Analyze grammar]

vrataṃ tvevaṃ kāmikāyāḥ sarvakāmaprasādhakam |
sarvasaṃkalpasiddhidhṛk sarvasmṛddhipradāyakam || 79 ||
[Analyze grammar]

sarvārttināśakaṃ saumyaṃ svargamokṣapradaṃ śubham |
sarvayajñaphaladātṛ yogasiddhikaraṃ tathā || 80 ||
[Analyze grammar]

naṣṭavastupradaṃ cāpi sadaiśvaryapradaṃ mahat |
ratidaṃ kāmadaṃ patnīpradaṃ svāmipradaṃ tathā || 81 ||
[Analyze grammar]

duḥkhaghnaṃ tvārttiśamanaṃ kāmabhogasukhapradam |
vighnanāśakaraṃ vāñchāpūrakaṃ narayoṣitām || 82 ||
[Analyze grammar]

kartavyaṃ sarvathā lakṣmi  cā'vaidhavyakaraṃ param |
ratiśaktikāmaśaktisiddhidaṃ kāmyamityapi || 83 ||
[Analyze grammar]

niṣkāmānāṃ tu vaikuṇṭhaprāpakaṃ puṇyabhājanam |
lakṣā'śvamedhayajñānāṃ puṇyadaṃ śravaṇādapi || 858 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śrāvaṇakṛṣṇakāmikaikādaśīmāhātmyaṃ śravaṇākhyapitṝṇāṃ sarvasiddhiprāptiḥ rateśca kāmākhyapatiprāptiścetinirūpaṇanāmā catuḥpaṃcāśadadhikadviśatatamo'dhyāyaḥ || 254 ||
[Analyze grammar]