Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 253 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīlakṣmīruvāca |
kālo māyā tathā''tmānaḥ śaktayaḥ santi yasya tāḥ |
namastasmai bhagavate śaktisvāmiparātmane || 1 ||
[Analyze grammar]

yoginīphaladātre te yogapuṇyaphalātmane |
yogilabhyāya yogāya yoginīpataye namaḥ || 2 ||
[Analyze grammar]

tvameva phaladātā'si tvamevā'si ca muktikṛt |
tvamevā'dhipatiścāsi namastasmai mahātmane || 3 ||
[Analyze grammar]

sarvadevasvarūpastvaṃ sarvatīrthātmako'si ca |
sarvavratātmakastvaṃ vai tasmai sarvātmane namaḥ || 4 ||
[Analyze grammar]

āṣāḍhasya site pakṣe kiṃnāmnyekādaśī bhavet |
ko devaḥ ko vidhistvasyāḥ phalaṃ dānaṃ ca me vada || 5 ||
[Analyze grammar]

śrīnārāyaṇa uvāca |
kathayāmi mahāpuṇyāṃ svargamokṣapradāyinīm |
śayanīṃ nāma nāmnā tu sarvapāpavināśinīm || 6 ||
[Analyze grammar]

niyamāṃ bhāmikāṃ cāpi tāmeva viddhi nāmataḥ |
yasyā vratena pāpātmā pūto bhavati tatkṣaṇāt || 7 ||
[Analyze grammar]

yasyāḥ śravaṇamātreṇa vājapeyaphalaṃ bhavet |
ataḥ parā na cānyāsti svargamokṣapradā śubhā || 8 ||
[Analyze grammar]

asyāstvadhipatirdevo vāmano'sti haristataḥ |
kamalākhyapriyāyuktaḥ pūjanīyo hi vāmanaḥ || 9 ||
[Analyze grammar]

vāmanaḥ pūjito yena kamalaiḥ kamalekṣaṇaḥ |
niyamākhyaśayanyāṃ tu tenārcitaṃ jagattrayam || 10 ||
[Analyze grammar]

trayo devāḥ pūjitāśca pūjitāḥ sarvadevatāḥ |
kṛtā tvekādaśī yena harivāsara uttamaḥ || 11 ||
[Analyze grammar]

āṣāḍhaśuklaikādaśyāṃ śete kṣīranidhau hariḥ |
sarvendriyapravāhāṃstu parāvṛtyātiyogataḥ || 12 ||
[Analyze grammar]

tasya pūjā tvapāmārgaiḥ pūrikādinivedanaiḥ |
nālikerīphalādyaiśca svarṇagodānapūrvikā || 13 ||
[Analyze grammar]

kartavyā vratinā bhaktyā niyamagrahaṇaṃ tathā |
śrūyatāṃ ca mahālakṣmi kathā puṇyapradāyinī || 14 ||
[Analyze grammar]

balirvai dānavaḥ pūrvamāsīt tretāyuge priye |
pūjayaṃścaiva māṃ nityaṃ madbhakto matparāyaṇaḥ || 15 ||
[Analyze grammar]

yajñaistu bahubhirdaityo vidhinā yajati sma mām |
parayā snehasadbhaktyā vratopoṣaṇapūjanaiḥ || 16 ||
[Analyze grammar]

evaṃ puṇyaprabhāveṇa mamopāsanayā tathā |
rasātalātsamāyātaḥ pṛthivyāṃ sa nṛpo'bhavat || 17 ||
[Analyze grammar]

pṛthvyāṃ cāpi mama pūjābalena vardhito'bhavat |
svargaṃ tenaiva dehena yayau puṇyaprabhāvataḥ || 18 ||
[Analyze grammar]

kṛtaṃ rājyaṃ vaśe svasya svargabhūlokasaṃyutam |
indrādayo'pi tasyā'gre tvabhavannirbalāḥ surāḥ || 19 ||
[Analyze grammar]

dānavā vardhitāḥ puṣṭāstrilokyāmabhavannṛpāḥ |
indrādibhistadā devairarthitaḥ parameśvaraḥ || 20 ||
[Analyze grammar]

hariḥ śaṃbhustathā brahmā taistu yuktiḥ parā kṛtā |
baliḥ karotu yajñaṃ ca dātā bhavatu cādhvare || 21 ||
[Analyze grammar]

bhūtvā tu bhikṣukaḥ kṛṣṇo mahībhikṣāṃ karotu saḥ |
evaṃ tu samayaṃ kṛtvā yajñārthaṃ prairayad balim || 22 ||
[Analyze grammar]

ṛṣayo munayo devā hyahaṃ sarve gatāḥ kṛtau |
revatācalasānnidhye yatra yajñaḥ pravartate || 23 ||
[Analyze grammar]

tatra vāmanarūpeṇa hyavatāre hi paṃcame |
atimahatsvarūpeṇa sarvabrahmāṇḍayoginā || 24 ||
[Analyze grammar]

vākchalena jito dātā satyamāśritya yaḥ sthitaḥ |
śukrastaṃ vārayāmāsa yannārāyaṇa ityaham || 25 ||
[Analyze grammar]

yācitā vasudhā lakṣmi mayā sārdhapadatrayā |
saṃkalpodakamātre tu kare tenaiva cārpite || 26 ||
[Analyze grammar]

rūpaṃ brahmāṇḍapūrṇaṃ vai tadā lakṣmi mayā kṛtam |
bhūrloke caraṇau nyasya bhuvarloke tu jānunī || 27 ||
[Analyze grammar]

svarloke tu kaṭiṃ kṛtvā maharloke tadodaram |
janaloke tu hṛdayaṃ tapoloke galaṃ tathā || 28 ||
[Analyze grammar]

satyaloke mukhaṃ nyasya vairāje mastakaṃ nyadhām |
sūryacandragrahatārā nakṣatradhūmraketavaḥ || 29 ||
[Analyze grammar]

devāḥ sendrāśca nāgāśca yakṣagandharvakinnarāḥ |
astuvanvedamantraiste sūktaiśca vividhaistadā || 30 ||
[Analyze grammar]

baliṃ dhṛtvā kare tatra padenā''pūritā mahī |
dvitīyena svarāptaṃ cāṇḍakaṭāhasamanvitam || 31 ||
[Analyze grammar]

tṛtīyaṃ tu baleḥ pṛṣṭhe tadā nyastaṃ padaṃ mayā |
gato rasātalaṃ lakṣmi dānavo mama pūjakaḥ || 32 ||
[Analyze grammar]

nyasto rasātale rājye so'pi māmabhajattataḥ |
prārthayanmāṃ bhavane sve sadā sthātuṃ sa bhaktarāṭ || 33 ||
[Analyze grammar]

tadā'haṃ vinayī bhūtvā nijabhaktaparāyaṇaḥ |
akurvityubhayaṃ rūpaṃ tvekena tadgṛhe sthitaḥ || 34 ||
[Analyze grammar]

apareṇa svarūpeṇa śeṣe śayanamāsthitaḥ |
aṣāḍhaśuklaikādaśyāṃ śayanaṃ śramanuttaye || 35 ||
[Analyze grammar]

naimittikaṃ gṛhītaṃ vai mayā tasmāddināttataḥ |
bhaktāstāṃ śayanīṃ prāhustvekādaśīṃ supuṇyadām || 36 ||
[Analyze grammar]

ityevaṃ śeṣapṛṣṭhe vai kṣīrasāgaramadhyataḥ |
svapimyahaṃ mahālakṣmi yāvadāgāmikārtikī || 37 ||
[Analyze grammar]

cāturmāsyaṃ tu tatproktaṃ bhuktimuktipradaṃ param |
śayanīvratakṛccāpi bhuktiṃmuktimavāpnuyāt || 38 ||
[Analyze grammar]

śayanīṃ tu samārabhya cātumāsyāvadhiṃ pumān |
tāvadbhavetsudharmātmā vratādiniyamī yamī || 39 ||
[Analyze grammar]

nā'taḥ parataraṃ kiṃcidvrataṃ yāvadvratottamam |
yatra svapiti deveśaḥ śaṃkhacakragadādharaḥ || 40 ||
[Analyze grammar]

evaṃ yaḥ kurute lakṣmi śayanyāstu vratottamam |
sarvapāpaharaṃ cāpi bhuktimuktipradāyakam || 41 ||
[Analyze grammar]

sa tu kṣudro'pi me loke jāyate me priyaṃkaraḥ |
daśamyāmekabhuktena naktenāpi suvartayet || 42 ||
[Analyze grammar]

rātrau ca brahmacārī syātprātarvai brāhmasaṃjñake |
kāle tūtthāya bhagavatsmaraṇaṃ saṃvidhāya ca || 43 ||
[Analyze grammar]

snātvā devārcanaṃ kṛtvā ṣoḍaśopasuvastubhiḥ |
pūjāyā naityakaṃ sarvaṃ samāpyātha svayaṃ vratī || 44 ||
[Analyze grammar]

kārayennavadhānyaistu sarvatobhadramaṇḍalam |
madhye svarṇaghaṭaṃ pañcaratnapallavasaṃyutam || 45 ||
[Analyze grammar]

jalavastraphalāḍhyaṃ vai sthāpayet taṃ prapūjayet |
tilapātraṃ sthāpayitvā vāmanaṃ tatra pūjayet || 46 ||
[Analyze grammar]

kamalāṃ śayanīṃ cāpi pūjayed bahuvastubhiḥ |
āvāhanādikaṃ kuryāt pañcāmṛtasusecanam || 47 ||
[Analyze grammar]

vastrālaṃkārabhūṣādihāracandanakajjalam |
sarvaśṛṃgārarāgāṃśca tvarpayettilakādikam || 48 ||
[Analyze grammar]

dhūpadīpasunaivedyajalatāmbūlasatphalam |
nīrājananamaskārastutibandikṣamāpanam || 49 ||
[Analyze grammar]

visarjanāṃ'jaliṃ datvā svīyavratasya pūrtaye |
nirvighnaṃ me vrataṃ cāstu prārthayedevameva ha || 50 ||
[Analyze grammar]

baladravyānusāreṇa mahāpūjādi kārayet |
maṇḍapaṃ kārayedramyaṃ rājyamaṇḍapasannibham || 51 ||
[Analyze grammar]

vaiṣṇavānpūjayetprātardānāni prā'rpayettathā |
sādhūnāmagrataḥ sthitvā cāturmāsyavratāni ca || 52 ||
[Analyze grammar]

dhārayenniyamāṃścāpi sukhamokṣakarāṃstadā |
jaihvaśaiśnaniyamān saṃgṛhṇīyāttu tapaḥkṛte || 53 ||
[Analyze grammar]

haryagre vā guroragre gṛhṇīyānniyamān vratam |
śārīraniyamauṃstadvanmānasānsayamāṃstathā || 54 ||
[Analyze grammar]

bhogyabhautikaniyamānmuktidānniyamānapi |
vratāni dānaniyamāngṛhṇīyātprātareva hi || 15 ||
[Analyze grammar]

indriyāṇāṃ manasaśca vṛttīnāṃ saṃyamastapaḥ |
abhyāsena tu kartavyaścāturmāsye viśeṣataḥ || 56 ||
[Analyze grammar]

viṣayāḥ parihartavyāḥ kṣobhakā vighnakāriṇaḥ |
rasapuṣṭirna vai kāryā yataḥ sā kṣobhikā matā || 57 ||
[Analyze grammar]

raso jaihvyo mahān doṣaḥ sarvendriyasupuṣṭikṛt |
jetavyaḥ sa viśeṣeṇa cātumāsyavratārthibhiḥ || 58 ||
[Analyze grammar]

phalāhāraḥ payaḥpānaṃ hyekānnamekabhojanam |
śākāhāraḥ śākavarjyo ghṛtatyāgo'thavā tapaḥ || 59 ||
[Analyze grammar]

dadhityāgastilatyāgo dadhiprāśastilādanam |
kandāhāraḥ kaṇāhāro bhājāhāro dalādanam || 60 ||
[Analyze grammar]

jalāhāraḥ śarkarāyāstyāgo gūḍhasya nīrasaḥ |
śrāvaṇe śākavarjyaṃ ca bhādre dadhivivarjitam || 61 ||
[Analyze grammar]

āśvine dugdhahīnaṃ ca kārtike dvidalojjhitam |
bhuñjīta mūlakaṃ kandaṃ vṛntākaṃ na kaliṃgakam || 62 ||
[Analyze grammar]

varjayed vratamevoktaṃ cāturmāsye śubhe tapaḥ |
dhāraṇāpāraṇākhyaṃ vā vrataṃ proktaṃ mahāphalam || 63 ||
[Analyze grammar]

maunaṃ dhāryaṃ kathā kāryā harernāmnā ca mālikāḥ |
uccāraṇena yuktāścā''vartanīyāḥ śataṃmitāḥ || 64 ||
[Analyze grammar]

rūpāṇāṃ darśanaṃ nātikartavyaṃ cakṣuṣorvratam |
śabdānāṃ śravaṇaṃ nātikartavyaṃ karṇayorvratam || 65 ||
[Analyze grammar]

gandhāstu rājasā nātigrāhyāstannāsikāvratam |
nārīnaramithaḥsparśo nātikāryastvaco vratam || 66 ||
[Analyze grammar]

cāturmāsye sadaikatra vastavyaṃ pādayorvratam |
patraśākhādyabhaṃgaśca hastayoḥ paramaṃ vratam || 67 ||
[Analyze grammar]

vīryādeḥ rakṣaṇaṃ tvetad brahmacaryaṃ mahad vratam |
vātulaṃ tāmasaṃ nā'danīyaṃ daihyaṃ mahattapaḥ || 68 ||
[Analyze grammar]

pañcāgnitapanaṃ vṛkṣālambanaṃ sūryadarśanam |
ekapādena saṃsthānaṃ hastasyordhvavidhāpanam || 69 ||
[Analyze grammar]

adhomastakatādhāro nakhādyakartanaṃ tapaḥ |
keśānāṃ vardhanaṃ bhasmadhūlīkardamamardanam || 70 ||
[Analyze grammar]

anupānattayā stheyaṃ vivastreṇa viśeṣataḥ |
jaladhārātale stheyaṃ jale stheyaṃ tathā''tape || 71 ||
[Analyze grammar]

avitāne sadā stheyaṃ vṛkṣādhovāsa ityapi |
bhūmau vāso bhūśayanaṃ vālukāśayanaṃ tathā || 72 ||
[Analyze grammar]

bāṇaśayyā lohaśayyā kaṇṭake śayanaṃ tathā |
aśayanamanidrā ca jalapānaṃ tu no punaḥ || 73 ||
[Analyze grammar]

snānaṃ triṣavaṇaṃ caiva mūrteścāpi vicintanam |
dhyānaṃ ca smaraṇaṃ cāpi pūjanaṃ pañcadhā dine || 74 ||
[Analyze grammar]

mantrajapastadarthasyābhidhyānaṃ mānasaṃ tapaḥ |
aikāgryaṃ dhāraṇā ceti kartavyaṃ tu viśeṣataḥ || 75 ||
[Analyze grammar]

ahiṃsā manasā vācā śarīreṇāpi sarvathā |
jātyā deśena kālena prasaṃgenāpi varjitā || 76 ||
[Analyze grammar]

tṛṇacchedopi no kāryo vrataṃ cā'hiṃsanaṃ hi tat |
adrohaḥ sarvabhūtānāmanindā ca mahadvratam || 77 ||
[Analyze grammar]

anyavṛttā'navalokanādikaṃ paramaṃ vratam |
satyaṃ priyaṃ hitaṃ tathyaṃ sukhakṛdvacanaṃ tapaḥ || 78 ||
[Analyze grammar]

asteyaṃ sarvathā sarvairindriyairmanasā tapaḥ |
kāmanāyā vicārasyānudbhavaḥ paramaṃ tapaḥ || 79 ||
[Analyze grammar]

agrāhyaṃ tu na rakṣyaṃ vai kiṃciccāpi mahattapaḥ |
bhikṣānirvāha evāstu dehayātrā paraṃ tapaḥ || 80 ||
[Analyze grammar]

yadṛcchayā tu saṃlābhe tvanāsaktirmahattapaḥ |
parasaukhyapradātṛtva paropakaraṇaṃ tapaḥ || 81 ||
[Analyze grammar]

parārthaṃ ca dayālutvaṃ dehenāpi paraṃ tapaḥ |
śaucaṃ jñānajalābhyāṃ ca nairmalyaṃ paramaṃ tapaḥ || 82 ||
[Analyze grammar]

akāpaṭyaṃ hṛdi vāci kriyāyāmekatā tapaḥ |
santoṣo nātitṛṣṇatvamanāśā paramaṃ tapaḥ || 83 ||
[Analyze grammar]

svīye tṛptiḥ parakīye praudāsīnyaṃ paraṃ tapaḥ |
mokṣamārgāvalambastu tapasāṃ tapa uttamam || 84 ||
[Analyze grammar]

akleśaḥ sarvadā śāntirakrodhastu mahadvratam |
anudvego'nadhikṣepo nā''krośo nakalittapaḥ || 85 ||
[Analyze grammar]

aluṃcāgrahaṇaṃ nānyadravyāśā mānasaṃ tapaḥ |
īśadatte sadā tṛptiḥ parakīye na vāñcchanā || 86 ||
[Analyze grammar]

bhogyaṃ nāryādikaṃ tyājyaṃ khaṭvāgendukapārśvakam |
sugandhastailamardādi bhūṣaṇaṃ ca surūpaṇam || 87 ||
[Analyze grammar]

vastraśṛṃgārasantyāgo bhogatyāgo viśeṣataḥ |
bhogyasādhanasaṃtyāgo dehināṃ paramaṃ tapaḥ || 88 ||
[Analyze grammar]

yānavāhanadhūmrādipānadyūtasunāṭanam |
vyasanaṃ miṣṭapānaṃ ca tyājyaṃ ceti paraṃ tapaḥ || 89 ||
[Analyze grammar]

cāturmāsye pratipātaḥ sādhūnāṃ caraṇāmṛtam |
pātavyaṃ ca prasādaśca bhakṣaṇīyaṃ itivratam || 90 ||
[Analyze grammar]

sādhūnāṃ ca satīnāṃ ca sādhvīnāṃ pūjanaṃ tathā |
pādayormardanaṃ tvaṃgavāhanaṃ muktidaṃ vratam || 91 ||
[Analyze grammar]

dehena manasā vāṇyā dhanenānnena vāsasā |
putreṇa priyayā sākaṃ toṣaṇaṃ vai mahadvratam || 92 ||
[Analyze grammar]

darśanaṃ sparśanaṃ nityaṃ namanaṃ pādasevanam |
pūjanaṃ bhojanaṃ sādhostoṣaṇaṃ tanmahadvratam || 93 ||
[Analyze grammar]

satāṃ nikaṭe saṃvāsaḥ snānajñānakriyādiṣu |
śuśrūṣaṇaṃ sadā kāryaṃ pāvanāḥ sādhavo yataḥ || 94 ||
[Analyze grammar]

devasevā pitṛsevā sādhusevā mahāvratam |
patnītoṣaḥ svāmisevā vrataṃ patyuḥ pratoṣaṇam || 95 ||
[Analyze grammar]

yasyāpekṣitamevaitaddātavyaṃ premagarbhitam |
akṣayaṃ tasya puṇyaṃ syāt tasmānnāsti paraṃ vratam || 96 ||
[Analyze grammar]

svāśritānāṃ toṣaṇaṃ ca svarṇā'nnajñānakā'rpaṇam |
grāmakṣetramaṇiratnodyānā''layajalārpaṇam || 97 ||
[Analyze grammar]

dehena sevanaṃ nityaṃ sārvabhaumaṃ vrataṃ bhavet |
kṣamā dayā'nasūyā cā'nīrṣyā doṣavivarjanam || 98 ||
[Analyze grammar]

guṇagrāho yaśaḥkīrtikāritā paramaṃ tapaḥ |
amānitvaṃ mānadatvaṃ samānātmā'valokanam || 99 ||
[Analyze grammar]

anauṣṇyaṃ vaiparītye'pi śaityaṃ nāpyanukūlake |
harṣā'marṣabhayodvegavarjanaṃ paramaṃ tapaḥ || 100 ||
[Analyze grammar]

phaladhānyadalapatrapuṣpakaṇatṛṇādikam |
arpaṇīyaṃ śrīharaye navaṃ nityaṃ vrataṃ mahat || 101 ||
[Analyze grammar]

kāṣṭhakarīṣaśākhāpraśākhānālakaraṇḍakam |
pratyahaṃ tvarpaṇīyaṃ tad yathāyogyaṃ śubhaṃ vratam || 102 ||
[Analyze grammar]

śākapākasumiṣṭānnalavaṇārdrakadhānakam |
bharjitaṃ taṇḍulādyaṃ ca deyaṃ nityaṃ tu tad vratam || 103 ||
[Analyze grammar]

khādyaṃ peyaṃ bhakṣyabhojye coṣyaṃ svādyaṃ ca lehyakam |
dugdhaṃ dadhi raso miṣṭaḥ kaṇā deyā vrataṃ mahat || 104 ||
[Analyze grammar]

vastraṃ bhūṣā kajjalaṃ candanaṃ cāttaramuttamam |
kastūrī kuṃkumaṃ cūrṇaṃ deyaṃ tvalaktakaṃ vratam || 105 ||
[Analyze grammar]

etāni svargadānyatra sukhadāni vratāni vai |
śrīhareḥ smaraṇaṃ bhaktiḥ pūjanaṃ ca nivedanam || 106 ||
[Analyze grammar]

dvātriṃśadbhirupacārairarcanaṃ muktidaṃ vratam |
paropakaraṇaṃ kṛṣṇabuddhyā puṇyapradaṃ vratam || 107 ||
[Analyze grammar]

yajanaṃ vividhairyajñairdīnānāṃ ca sahāyatā |
kūpānāṃ khananaṃ vṛkṣāropaṇaṃ cāpi tad vratam || 108 ||
[Analyze grammar]

mārgāṇāṃ cāpi nirmāṇaṃ tvāśramasthalabandhanam |
āśrayasatraśālādinirmāṇaṃ svargadaṃ vratam || 109 ||
[Analyze grammar]

kalākauśalyaśikṣā ca kṛṣyuttejanamityapi |
yantravāhopakārādi svargadaṃ sukhadaṃ vratam || 110 ||
[Analyze grammar]

matsyapipīlīkādīnāṃ piṣṭadānaṃ sadāvratam |
vṛkṣāṇāṃ jalrasekaśca tṛṣitānāṃ jalārpaṇam || 111 ||
[Analyze grammar]

kṣudhitānāṃ bhojyadānaṃ nagnānāṃ vāsaso'rpaṇam |
ārtānāṃ vividhānāṃ tu tadārtiśamanaṃ vratam || 112 ||
[Analyze grammar]

rogiṇāmoṣadhadānaṃ vṛttidānaṃ ca jīvikā |
poṣaṇaṃ pālanaṃ cāpi rakṣaṇaṃ paramaṃ vratam || 113 ||
[Analyze grammar]

nityamadhyātmayogasyā'bhyasanaṃ śāstravācanam |
kṛṣṇakathāśravaṇaṃ ca mokṣadaṃ paramaṃ vratam || 114 ||
[Analyze grammar]

daṇḍavacca namaskārāḥ pradakṣiṇaṃ ca tad vratam |
dīpadānaṃ vāridānaṃ naivedyādyarpaṇaṃ vratam || 115 ||
[Analyze grammar]

nityaṃ phalārpaṇaṃ dhānyārpaṇaṃ cāpi rasārpaṇam |
śarkarākhaṇḍikāgūḍamadhvādyarpaṇakaṃ vratam || 116 ||
[Analyze grammar]

mārjanaṃ lepanaṃ svacchīkaraṇaṃ maṃjanaṃ vratam |
pātravastrakṣālanaṃ ca nīrājanasamarpaṇam || 117 ||
[Analyze grammar]

netrairmūrteḥ prapānaṃ ca prapāsatrādicālanam |
mandirāgryayasusaudhādinirmāṇaṃ paramaṃ vratam || 118 ||
[Analyze grammar]

citrādyaṃ śilpitādyaṃ ca vayanaṃ bhagavatkṛte |
grathanaṃ grantharacanaṃ chandaślokādivarṇanam || 119 ||
[Analyze grammar]

vyākhyānaṃ kathanaṃ bhaktavāñcchāpūraṇakaṃ vratam |
sukhadaṃ svargadaṃ mokṣapradaṃ copakṛtirvratam || 120 ||
[Analyze grammar]

vratānyanyāni vakṣyāmi śṛṇu lakṣmi tapāṃsi vai |
cāturmāsye kathā śravyā bhojanīyāśca sādhavaḥ || 121 ||
[Analyze grammar]

nityaṃ kāryā mahāpūjā vratatrayaṃ susiddhidam |
śrīkṛṣṇasya mahāpūjā nityaṃ kāryā mahadvratam || 122 ||
[Analyze grammar]

śatādisaṃkhyayā mālā''vartanaṃ mama nāmataḥ |
bhaktapūjā havirhomo'rcāsevā mokṣadaṃ vratam || 123 ||
[Analyze grammar]

ahantāmamatātyāgo brahmacaryaprapālanam |
pāyasaikṣavalāvaṇyaphāleyavarjanaṃ vratam || 124 ||
[Analyze grammar]

kṛṣṇasambandhidharmo yastadavrataṃ me paraṃ matam |
kṛtena vratinā yena bhagavāṃstajjanāstathā || 125 ||
[Analyze grammar]

prīyeraṃstadvrataṃ proktaṃ kartavyaṃ tu tadeva yat |
kārtike śuklapakṣe'tha dvādaśyāṃ devapūjanam || 126 ||
[Analyze grammar]

kṛtvā bhagavatastvagre nivedyaṃ bhaktibhāvataḥ |
idaṃ vrataṃ mayā deva kṛtaṃ tvatprītaye prabho || 127 ||
[Analyze grammar]

nyūnaṃ sampūrṇatāṃ yātu tena tuṣṭo bhavermayi |
evaṃ samāpya niyamān pāraṇāmācarettataḥ || 128 ||
[Analyze grammar]

prātaḥsnānaṃ devapūjāṃ nityaṃ vṛddhābhivandanam |
saṃvibhajyā''śritānāṃ ca bhojanādividhāpanam || 129 ||
[Analyze grammar]

akleśaśca sumelaśca kuṭumbe snehitā tvati |
miṣṭaṃ ceṣṭaṃ gṛhaṃ yasya svargaṃ tasyāsti bhūtale || 130 ||
[Analyze grammar]

vrateṣu yadvrataṃ cāturmāsye'tivāñchitam bhavet |
kartavyaṃ tacchayanīprabhātamārabhya sarvathā || 131 ||
[Analyze grammar]

madhyāhṇe haraye dadyād bhojanaṃ sujalaṃ tathā |
tāmbūlaṃ miṣṭapānaṃ ca sāyaṃ cāpi tathā''caret || 132 ||
[Analyze grammar]

ārārtrikaṃ stavanaṃ ca dolārohaṇamityapi |
āndolayeddhariṃ tatra bhojayeddugdhapūrikāḥ || 133 ||
[Analyze grammar]

rātrau jāgaraṇaṃ kuryānnṛtyagītakathāmṛtaiḥ |
dvādaśyāṃ brāhmakāle ca snātvā kṛṣṇārcanaṃ caret || 134 ||
[Analyze grammar]

dānāni svarṇamukhyāni dadyāt kuryācca pāraṇām |
bhojayettu sataḥ sādhvīstoṣayedvinayānvitaḥ || 135 ||
[Analyze grammar]

evaṃ tvāṣādaśuklāyā vrataṃ saniyamaṃ śubham |
kartavyaṃ sarvayajñānāṃ phaladaṃ bhuktimuktidam || 136 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne āṣāḍhaśuklaśayanyekādaśīvratamāhātmyaṃ vāmanāvatārakṛtaśayanaṃ cāturmāsye cāpi yamaniyamasaṃyamavratadamanatapaḥśoṣaṇatyāgasevanadānopakārādisadvratādi ceti nirūpaṇanāmā tripaṃcāśadadhikadviśatatamo'dhyāyaḥ || 253 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 253

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: