Chapter 251

śrīlakṣmīruvāca |
asāre'smiṃstu saṃsāre sārastu bhagavān svayam |
yaṃ bhajitvā narā yānti nirvāṇapadamakṣaram || 1 ||
[Analyze grammar]

kṛṣṇayogāt kṛṣṇatithiḥ kṛṣṇatulyaphalapradā |
yadvrataṃ vidhivat kṛtvā dehī yāti parāṃ gatim || 2 ||
[Analyze grammar]

jyeṣṭhaśuklapakṣīyaikādaśī kimabhidhā matā |
tasyā devo vratavidhirdānaṃ phalaṃ ca kīdṛśam || 3 ||
[Analyze grammar]

vad me śrīhare kṛṣṇa kṛpānātha ramāpate |
svīyānāṃ cā'hetukā'nugrahakartā'sti yadbhavān || 4 ||
[Analyze grammar]

śrīnārāyaṇa uvāca |
jyeṣṭhaśukladalīyaikādaśī vai nirjalābhidhā |
padmākṣyā sahitastrivikramākhyaḥ pūjya iṣyate || 5 ||
[Analyze grammar]

yūthikākusumaiḥ pūjyaścārghye tvāmraphalaṃ matam |
dadhibhaktādi naivedyaṃ chatradānādi ceṣyate || 6 ||
[Analyze grammar]

daśamyāmekabhaktena naktena nirvahed vratī |
rātrau śayīta pṛthvyāṃ ca brahmacārī bhaved vratī || 7 ||
[Analyze grammar]

prātarutthāya lakṣmīśaṃ dhyāyedaṃgāni cintayet |
snātvā taṃ pūjayedbhakto bhāvayuktaistu vastubhiḥ || 8 ||
[Analyze grammar]

āvāhanaṃ samārabhya snānaṃ paṃcāmṛtādinā |
śṛṃgāraṃ kārayitvā'pi vastrabhūṣāsugandhibhiḥ || 9 ||
[Analyze grammar]

patrakuṃkumakastūrīhārāliśekharādibhiḥ |
ārārtrikasunaivedyapānatāmbūladakṣiṇaiḥ || 10 ||
[Analyze grammar]

namaḥstutikṣamāvākyaiḥ puṣpāṃjalyādinā hareḥ |
pūjāṃ kṛtvā tato dhānyaiḥ sarvatobhadramaṇḍalam || 11 ||
[Analyze grammar]

kārayetsthāpayenmadhye ghaṭaṃ kāṃcananirmitam |
tāmrajaṃ vā ghaṭaṃ tadvadaṣṭadikṣu ghaṭāṣṭakam || 12 ||
[Analyze grammar]

sthāpayitvā paṃcaratnaphalapallavataṇḍulān |
vastraṃ sthālīṃ tilayuktāṃ sugandhaṃ candanādikam || 1 || re |
vinyasyettu kalaśeṣu mūrtiṃ trivikramasya ca |
padmākṣyā nirjalayā ca sahitāṃ kanakodbhavām || 14 ||
[Analyze grammar]

pūjayed vidhinā bhakto vratārthaṃ ca vicārayet |
karomi pūjanaṃ kṛṣṇa nirjalāvratasiddhaye || 1 || || 9 ||
[Analyze grammar]

kṛpayā paripūrṇaṃ te jāyatāṃ sarvakāmadam |
ityabhyarthya tataḥ kṛṣṇāvatāraṃ gaṇanāyakam || 16 ||
[Analyze grammar]

pūjayed dūrvayā sindūrā'gurucandanā'kṣataiḥ |
modakānarpayet paścāt trivikramaṃ samarcayet || 17 ||
[Analyze grammar]

āvāhanādikaṃ kṛtvā paṃcāmṛtaiśca gobhavaiḥ |
śuddhodakena saugandhayuktena snapayeddharim || 18 ||
[Analyze grammar]

arpayecchuklavastrāṇi brahmasūtrādikāni ca |
mukuṭā''bhūṣaṇādīni hārakeyūrakāṇi ca || 19 ||
[Analyze grammar]

sugandhitailadravyādikajjalālaktakānyapi |
dhūpadīpasunaivedyajalatāmbūlakāni ca || 20 ||
[Analyze grammar]

ārārtrikastutipradakṣiṇāprakramaṇāni ca |
kṣamāyācanakusumāṃjalivisarjanāni ca || 21 ||
[Analyze grammar]

evaṃ sarvavidhānena śrīkṛṣṇaṃ pūjayed vratī |
tataḥ kuryāt svakaṃ kāryaṃ madhyāhne'pi tathā''caret || 22 ||
[Analyze grammar]

śrīkhaṇḍasāraṃ naivedye pūrikā tvāmrasadrasam |
jalaṃ śītaṃ śarkarailāsugandhaṃ bhāvagarbhitam || 23 ||
[Analyze grammar]

dadyād devāya tu paścāt sāyaṃ dolādhirohaṇam |
kārayecchrīhariṃ puṣpodyāne druvāṭikābhuvi || 24 ||
[Analyze grammar]

jalasiktaśītalārdraśādvale mṛdulasthale |
vihārayeddhariṃ sāyaṃ śītavāyuprasevite || 25 ||
[Analyze grammar]

niśi tvārārtrikaṃ kuryāt stutyādyaṃ ca yathākramam |
takraṃ ca taralā dadyānnaivedye saghṛtāṃ śubhām || 26 ||
[Analyze grammar]

pānīyaṃ miṣṭasāraṃ ca dadyātpānārthamuttamam |
mukhaśuddhikaraṃ dravyaṃ pradadyācchayanaṃ śubham || 27 ||
[Analyze grammar]

bhakto jāgaraṇaṃ kuryānmilitvā'nekasātvataiḥ |
prātaḥ snātvā hariṃ natvā pūjayitvā tataḥ param || 28 ||
[Analyze grammar]

anyānpūjyān bhojayitvā kuryādvai jalapāraṇām |
tato vratī prakuryāttu bhojanaṃ haraye'rpitam || 29 ||
[Analyze grammar]

dānāni vividhānyeva dadyātsatphalalabdhaye |
nṛpo dadyādgajādīṃśca ratnāni nagarāṇi ca || 30 ||
[Analyze grammar]

vipro dadyātpustakādi vaiśyo dhānyadhanāni ca |
śūdro dadyātkalālabhyavastūni nūtanāni tu || 31 ||
[Analyze grammar]

sarvo dadyād yathāśakti yatsvāgre deyamasti tat |
gavāṃ dānaṃ ca bhūdānaṃ dānānyanyāni cācaret || 32 ||
[Analyze grammar]

yad yasyāgre svakaṃ sthāttatsatpātrāyā'rpayed vratī |
brahmaṇe tvarpayāmīti matvā dadyāttu śārṅgiṇe || 33 ||
[Analyze grammar]

lakṣmīnārāyaṇāyaiva dadyācchrīgurave tathā |
anāthāya daridrāya dadyāccāpyasahāyine || 34 ||
[Analyze grammar]

nāryai dadyādvidhavāyai hyanāthāyai tathā'rpayet |
bālakebhyo bālikābhyaḥ pradadyāccharkarādikam || 35 ||
[Analyze grammar]

bhikṣāṃ sadbhyaśca sādhvībhyo dadyādvratī ghṛtānvitām |
miṣṭānnāni tathā'nyāni bhojyānyapi samarpayet || 36 ||
[Analyze grammar]

evaṃ kṛtvā vrataṃ bhakto yāti svargaṃ ca mokṣaṇam |
vratametatsukhopāyaṃ sārabhūtaṃ mahāphalam || 37 ||
[Analyze grammar]

alpakleśaṃ svalpavastusādhyaṃ yacchraddhayā bhavet |
api pāpadurācārāḥ pāpiṣṭhā dharmavarjitāḥ || 38 ||
[Analyze grammar]

nirjalāyāṃ na bhuṃjanti no pibanti jalādikam |
harerbhaktiṃ prakurvanti na te yānti yamāntikam || 39 ||
[Analyze grammar]

śṛṇu vratakathāṃ tvasyā yā'bhūtpūrve kṛte yuge |
brahmaṇā bhavanaṃ sṛṣṭaṃ yathāpūrvaṃ yugādime || 40 ||
[Analyze grammar]

prathame tu dine tatra satyayuge ṛṣiḥ kratuḥ |
agnimukhaḥ kratuḥ putro vedhaso bahubhojyabhūt || 41 ||
[Analyze grammar]

yadyad bhakṣayati prāptaṃ bhasmībhavati tatkṣaṇe |
samakāle sahasrāṇi lakṣāṇi bhojanānyapi || 42 ||
[Analyze grammar]

asīmāni pradattāni bhuṃkte drāgeva caikalaḥ |
jīryanti tāni sarvāṇi ghaṭikānte bubhukṣitaḥ || 43 ||
[Analyze grammar]

jāṭharāgnikṛtadāvānalavyāpto bhavatyapi |
samicchatyatibhojyāni nāpyante tu yadā tadā || 44 ||
[Analyze grammar]

vanaṃ himālayāraṇyaṃ mervaraṇyaṃ mahattamam |
gacchatyeva ca tatratyaṃ sarvaṃ khādatyaharniśam || 45 ||
[Analyze grammar]

jalārthaṃ tu kṣīramiṣṭasāgare tu patatyayam |
pānīyaṃ pibati yāvat tṛptirbhavati tattathā || 46 ||
[Analyze grammar]

evaṃ tu gamyamānāyāṃ yātrāyāṃ varṣmaṇaḥ kratuḥ |
kvacitpurukṣudhāviṣṭo brahmāṇaṃ saṃjagāma ha || 47 ||
[Analyze grammar]

prārthayaccā''tṛptibhakṣyaṃ nityaṃ me prāpyatāmiti |
brahmā prāha kratuṃ putra tṛptiṃ tubhyaṃ dadāmyaham || 48 ||
[Analyze grammar]

yaḥ kopi cetanastubhyaṃ yajamānasvarūpakaḥ |
yajñe dāsyati yāvatyā bhakṣyaṃ bhāvanayā'tulam || 49 ||
[Analyze grammar]

tāvatī te kṣudhā tatra jāyatāṃ pācanāya vai |
bhāvanāyā abhāve tu kṣudhānāśopi te bhavet || 50 ||
[Analyze grammar]

tṛptistu tatra bhavatu yathābhāvanameva te |
ita ārabhya putra tvāṃ kṣudhā bādhiṣyate nahi || 51 ||
[Analyze grammar]

yathā hotaḥ prāgbabādhe tathā bādhiṣyate nahi |
kintu kratusvarūpāya havirdāsyanti te'dhikam || 52 ||
[Analyze grammar]

bahubhiḥ samakāle te hyapathyaṃ mā tadā bhavet |
itihetoḥ kṣudhā te vai svecchayā saṃbhaviṣyati || 53 ||
[Analyze grammar]

kaściddāsyati yāvatte tāvatte'stu tadā kṣudhā |
na dāsyati tadā kṣutte śamiṣyatīti sarvadā || 54 ||
[Analyze grammar]

sukhī bhava krato putra mā jihvālolyamīyatām |
sa kraturbrahmaṇā''śīrbhiryojito niryayau tataḥ || 55 ||
[Analyze grammar]

sa tvagnihotriṇāṃ nityā''vāseṣūvāsa śāntahṛt |
bhakṣayatyaniśaṃ tvagnau hotṝṇāṃ homakarmasu || 56 ||
[Analyze grammar]

havyaṃ bahuvidhaṃ prātarmadhye sāyaṃ ca naityakam |
bhuktvā bhuktvā kṣudhā tvasya nityamāhāramicchati || 57 ||
[Analyze grammar]

ityabhyāsavaśāttasya trivāraṃ bhojanaṃ dhruvam |
tato'pyadhikakālaṃ vā kartavyaṃ bhavati dhruvam || 58 ||
[Analyze grammar]

evaṃ sa bhojanābhyāsāt kāle kāle samicchati |
bhojanaṃ vividhaṃ havyaṃ hyadattaṃ dattameva vā || 59 ||
[Analyze grammar]

jihvālaulyād bhojanecchā jāyate tu muhurmuhuḥ |
svecchayā ca kṣudhā tvasya vardhate bahuveginī || 60 ||
[Analyze grammar]

evaṃ kratoḥ sthitau dakṣamarīcyādyā maharṣayaḥ |
yayurbadarikāraṇyaṃ draṣṭuṃ nārāyaṇaṃ naram || 61 ||
[Analyze grammar]

mandākinyāṃ ca te snātvā dṛṣṭvā nārāyaṇaṃ harim |
niṣīduḥ śrīharestatra sānnidhye badarīvane || 62 ||
[Analyze grammar]

rūpābhirūpāvayavaṃ himagrāvasamojjvalam |
brahmavratasvarūpaṃ ca tapomūrtiṃ pareśvaram || 63 ||
[Analyze grammar]

bhṛgurnatvā hariṃ smṛtvā papraccha parameśvaram |
dīnabandho kṛpāsindho baddhoddhārakara prabho || 64 ||
[Analyze grammar]

namāmaḥ śaraṇaṃ prāptāstvāṃ hṛtsthaṃ ca bahiḥsthitam |
vadā'smān saralaṃ puṇyapradaṃ bhuktipramuktidam || 61 ||
[Analyze grammar]

vrataṃ yenā'nnajā doṣā naśyeyuḥ sarvatomukhāḥ |
parānnajāstathā śuddhirahitānnasamudbhavāḥ || 66 ||
[Analyze grammar]

sūtakānnakṛtāścāpi saṃsṛṣṭānnagrahodbhavāḥ |
bhikṣānnajāstathā paryuṣitānnodbhavitāśca ye || 67 ||
[Analyze grammar]

te naśyeyuryathā doṣā jñānā'jñānakṛtāḥ prabho |
anarpitānnajā doṣāḥ svārthapaṃktiprabhedajāḥ || 68 ||
[Analyze grammar]

te doṣā yena naśyeyustādṛśaṃ brūhi sattapaḥ |
śrutvaivaṃ śrīhariḥ prāha śṛṇuta brāhmaṇottamāḥ || 69 ||
[Analyze grammar]

vrataṃ vratottamaṃ tvekādaśyā matamupoṣaṇam |
tapastapaḥpradhānaṃ ca pāpasaṃhārakārakam || 70 ||
[Analyze grammar]

annāśritānāṃ doṣāṇāṃ sarveṣāṃ śodhakaṃ param |
saralaṃ sulabhaṃ sūkṣmaṃ vrataṃ sarvaphalapradam || 71 ||
[Analyze grammar]

ekādaśyāṃ na bhuṃjīta pakṣayorubhayorapi |
sūtake'pi na bhoktavyaṃ nā''śauce'pi maharṣayaḥ || 72 ||
[Analyze grammar]

yāvajjīvaṃ vratametatkartavyaṃ śreya icchatā |
svargaṃ mokṣaṃ vāñcchatā'pi kartavyaṃ tad vrataṃ śubham || 73 ||
[Analyze grammar]

annāśritā'saṃkhyadoṣā vratakarturbhavanti na |
ekādaśyā avratānāṃ mokṣo naiva ca naiva ca || 74 ||
[Analyze grammar]

api vāpadurācārāḥ pāpiṣṭhā dharmavarjitāḥ |
ekādaśyāṃ na bhuṃjanti na te yānti yamāntikam || 75 ||
[Analyze grammar]

ekādaśyāṃ tu bhoktāro'nnādā yānti yamālayam |
iti tadvacanaṃ śrutvā kampito hṛdayāmbuje || 76 ||
[Analyze grammar]

kratuḥ prāha mahābhakṣyo naranārāyaṇaṃ prati |
bhagavannaiva śakto'smi bubhukṣā duḥsahā mama || 77 ||
[Analyze grammar]

prātarme bhojanā'labdhau madhyāhne maraṇaṃ bhavet |
nā'haṃ kṣudhāṃ samartho'smi soḍhuṃ vai kālapaṃcake || 78 ||
[Analyze grammar]

prātardevamukhairadmi pūrvāhṇe'gnimukhena ca |
madhyāhne cāparāhṇe cā'tithibhikṣukasanmukhaiḥ || 79 ||
[Analyze grammar]

sāyaṃ sarvamukhairadmi rātrau sthāvarajaṃgamaiḥ |
evaṃ vai bhojanaṃ me'sti sarvathā parinirmitam || 80 ||
[Analyze grammar]

kṣudhāpi bādhate yāvadabhyāsasamaye'nvaham |
tasmād dānāni dāsyāmi pūjayiṣyāmi keśavam || 81 ||
[Analyze grammar]

anyatpuṇyaṃ kariṣyāmi na kariṣyāmyupoṣaṇam |
ityuktvā virarāmā'sau prāha nārāyaṇastadā || 82 ||
[Analyze grammar]

yadi svargo'styabhīṣṭaste narako neṣyate tvayā |
ekādaśyāṃ na bhoktavyaṃ pakṣayorubhayorapi || 83 ||
[Analyze grammar]

kratuḥ prāha hariṃ nātha tathyaṃ vacmi tavā'grataḥ |
ekabhukte na śakto'smi tūpavāse kutaḥ kṣamaḥ || 84 ||
[Analyze grammar]

kro nāmā tvanalaḥ saptajihvastudati jāṭharaḥ |
nāmnā bhavāmi lakṣmīśa kratureva yathārthataḥ || 85 ||
[Analyze grammar]

kraḥ krūraḥ sa mahānagnirativelaṃ ca bhojanam |
atisnigdhaṃ yadā'śnāmi tadā so'pi praśāmyati || 86 ||
[Analyze grammar]

sarvāsāmupavāse tu mariṣyāmi na saṃśayaḥ |
tasmātkuru kṛpāṃ kṛṣṇa kartuṃ śaknomyahaṃ yathā || 87 ||
[Analyze grammar]

yenaiva prāpyate svargastatkartā'smi tavā''jñayā |
mokṣaścāpi bhavedyena tadekaṃ vada matkṛte || 88 ||
[Analyze grammar]

yadahaṃ sugamaṃ kurve yena śreyo'hamāpnuyām |
śrutvā nārāyaṇastasya dayālurbhaktavatsalaḥ || 89 ||
[Analyze grammar]

prāha yogyaṃ vicāryaiva tādṛśānāṃ kṛte vratam |
vṛṣasthe mithunasthe'rke yadā tvekādaśī bhavet || 90 ||
[Analyze grammar]

jyeṣṭhamāse prayatnena sopoṣyā jalavarjitā |
gaṇḍūṣācamanaṃ vāriṃ varjayitvā jalaṃ param || 91 ||
[Analyze grammar]

upabhuṃjīta naivātra nirjalā sā kṛtā bhavet |
nirjalāyāṃ jale graste vrataṃ nyūnabalaṃ bhavet || 92 ||
[Analyze grammar]

udayādudayaṃ yāvad varjayitvā jalaṃ vratī |
dvādaśaikādaśyupoṣaṇotthaṃ phalamavāpnuyāt || 93 ||
[Analyze grammar]

vrataṃ tu nirjalaṃ devārcanayuktaṃ sajāgaram |
kṛtvā prātardvādaśyāṃ ca jalasnānaṃ prapūjanam || 94 ||
[Analyze grammar]

sajalaṃ sasuvarṇaṃ ca ghaṭaṃ datvā dvijātaye |
annadānāni datvā ca bhuṃjīta pāraṇāṃ svakaiḥ || 95 ||
[Analyze grammar]

sādhūn sādhvīrbālikāśca bālān sabhojayed vratī |
saṃvatsaraikādaśīnāṃ phalaṃ vai vratino bhavet || 96 ||
[Analyze grammar]

sarvānvādānparityajya māmekaṃ śaraṇaṃ vrajet |
ekādaśyāṃ nirāhāraḥ sarvapāpāt pramucyate || 97 ||
[Analyze grammar]

ekādaśyāṃ na bhuṃjīta pakṣayorubhayorapi |
tatrāpi jyeṣṭhaśuklaikādaśyāṃ vai nirjalo bhavet || 98 ||
[Analyze grammar]

ekasyā api puṇyaṃ saṃvatsaraikādaśībhavam |
upoṣitā hi sarvāḥ syurekādaśyaḥ sitā'sitāḥ || 99 ||
[Analyze grammar]

dhanadhānyapradā tveṣā putrārogyādisampradā |
upoṣitā manovāñchitārthalābhapradā śubhā || 100 ||
[Analyze grammar]

yamadūtā mahākāyāḥ karālā vikaṭānanāḥ |
daṇḍapāśadharāḥ krūrā vratīnaṃ nābhiyanti hi || 101 ||
[Analyze grammar]

pītāmbaradharāḥ saumyāścakrahastā manojavāḥ |
vaiṣṇavāḥ saṃnayantyenaṃ hyante purīṃ tu vaiṣṇavīm || 102 ||
[Analyze grammar]

tasmātsarvaprayatnena krato tvaṃ tāṃ samācara |
nirjalāṃ śraddhayā putra vidhehyadbhirvivarjitām || 102 ||
[Analyze grammar]

tena te jāṭharastīvro niyamastho bhaviṣyati |
utsāhena prakartavyā sā'vadhānena nirjalā || 104 ||
[Analyze grammar]

svapne'nnabhakṣaṇaṃ vāripānaṃ vā jāyate yadi |
tadā me hyaparādho na vratabhaṃgo'tra mā'stu me || 105 ||
[Analyze grammar]

svapnadoṣe'pi me nātha vratabhaṃgo hi mā'stu me |
nidrālasyanimitte'pi vratabhaṃgo'pi mā'stu me || 106 ||
[Analyze grammar]

bhokṣye pare'hni deveśa hyaśanaṃ vāsarāddhareḥ |
ityabhyarthya hariṃ kṛṣṇamupavāsaparo bhavet || 107 ||
[Analyze grammar]

merulokālokatulyaṃ striyā puṃsā ca yatkṛtam |
sarvaṃ tadbhasmatāṃ yāti pāpamekādaśībalāt || 108 ||
[Analyze grammar]

jaladhenuḥ pradātavyā dvādaśīpāraṇādine |
sakāṃcanaḥ pradātavyo sughaṭo jalasaṃbhṛtaḥ || 109 ||
[Analyze grammar]

jalaṃ naiva hi pātavyaṃ hyasyāṃ yo niyamaṃ caret |
phalaṃ koṭisuvarṇānāṃ yāme yāme bhavettadā || 110 ||
[Analyze grammar]

snānaṃ dānaṃ japaṃ homaṃ karoti svalpakaṃ vratī |
tatsarvaṃ śāśvataṃ puṇyaṃ dadātyacyutavāgbalāt || 111 ||
[Analyze grammar]

kimanyena tu kṛtyena nirjalaikādaśī vinā |
suvarṇamannaṃ vāso vā yadasyāṃ saṃpradīyate || 112 ||
[Analyze grammar]

yo nirjalaṃ tūpavaset vaiṣṇavaṃ dhāma yāti saḥ |
yena yena kṛtaṃ puṇyaṃ sarvaṃ cāpyakṣayaṃ bhavet || 113 ||
[Analyze grammar]

ye tu dāsyanti dānāni dvādaśyāṃ pāraṇādine |
jyeṣṭhe site vratinaste prāpsyanti paramaṃ padam || 114 ||
[Analyze grammar]

brahmaghno madyapaścauro gurudveṣī vyavāyakṛt |
mucyante pātakairete yadi dvādaśyupoṣitā || 115 ||
[Analyze grammar]

krato śṛṇu viśeṣaṃ tvaṃ nirjalaikādaśīdine |
śraddhāyuktanarastrībhirjalaśāyī hariḥ svayam || 116 ||
[Analyze grammar]

pūjanīyastathā deyā dhenurjalamayī tadā |
pratyakṣā vā savatsā vā deyā muktipradā bhavet || 117 ||
[Analyze grammar]

śreṣṭhābhirdakṣiṇābhiśca miṣṭānnaiśca pṛthagvidhaiḥ |
toṣaṇīyā dvijāḥ santaḥ sādhvyo bālāśca bālikāḥ || 118 ||
[Analyze grammar]

teṣu tuṣṭeṣu kṛṣṇo'haṃ tuṣṭo bhavāmi mokṣadaḥ |
yairna vrataṃ kṛtaṃ tvasyā ātmaghnāste na saṃśayaḥ || 119 ||
[Analyze grammar]

ekādaśyāṃ dine yo'nnaṃ bhuṃjate'ghabhujo hi te |
pāpātmāno durācārā muṣṭāste nātra saṃśayaḥ || 120 ||
[Analyze grammar]

śāntairdāntairdānaparairarcayadbhistathā harim |
kurvadbhirjāgaraṃ rātrau yaireṣā samupoṣitā || 121 ||
[Analyze grammar]

kulānāṃ śatamāgāmi hyatītānāṃ tathā śatam |
ātmanā saha tairnītaṃ vāsudevasya mandiram || 122 ||
[Analyze grammar]

annaṃ gāvo mahiṣyaśca vastraṃ śayyāsanaṃ jalam |
daṇḍaḥ kamaṇḍaluśchatraṃ pātraṃ svarṇaṃ tilādikam || 123 ||
[Analyze grammar]

upānahau tathā'nyadvā kiṃcitpātre dadāti yaḥ |
sa sauvarṇena yānena svargaloke mahīyate || 124 ||
[Analyze grammar]

niyamena tu kartavyaṃ vrataṃ nirjalameva hi |
dvādaśyāṃ devadeveśaḥ pūjanīyastrivikramaḥ || 125 ||
[Analyze grammar]

saśarkarā jalakuṃbhā dātavyā viṣṇusannidhau |
bhojayitvā tato viprān svayaṃ bhuṃjīta pāraṇām || 126 ||
[Analyze grammar]

evaṃ yaḥ kurute pūrṇāṃ dvādaśīṃ pāpanāśinīm |
sarvapāpavinirmuktaḥ padaṃ gacchatyanāmayam || 127 ||
[Analyze grammar]

śrutvā natvā kratuḥ svasyāśramaṃ yāto mudānvitaḥ |
vrataṃ cakāra vidhivannirjalāyā dine tu saḥ || 128 ||
[Analyze grammar]

phalaṃ tu prāptavānsarvaṃ tathā'nyo'pi kariṣyati |
prāpsyatyeṣaścaturviṃśatyekādaśīkṛtaṃ phalam || 129 ||
[Analyze grammar]

yaścemāṃ śṛṇuyādbhaktyā yaścāpi parikīrtayet |
ubhau tau dyāmāpnuyātāṃ nātra kāryā vicāraṇā || 130 ||
[Analyze grammar]

yatphalaṃ tu sinīvālyāṃ rāhugraste divākare |
śrāddhaṃ kṛtvā japedyattat syādasyāḥ śravaṇādapi || 131 ||
[Analyze grammar]

paṭhanātpāṭhanāccāpi vratatulyaṃ phalaṃ bhavet |
vratāttu śāśvataṃ svargaṃ muktiśca śāśvatī bhavet || 132 ||
[Analyze grammar]

iti śrīlakṣmīnārāyaṇīyasaṃhitāryāṃ prathame kṛtayugasantāne jyeṣṭhaśuklanirjalaikādaśīvratamāhātmyaṃ bubhukṣitasya kratorvratena sopākhyāna kṣudhāśāntyādi phala |
prāptyādicetinirūpaṇanāmaikapaṃcāśadadhikadviśatatamo'dhyāyaḥ || 251 ||
[Analyze grammar]