Chapter 246

śrīlakṣmīruvāca |
aho cātiprahṛṣṭaṃ me cittaṃ bhavati keśava |
āmalakyā vrataṃ śrutvā dhātrīmāhātmyamityapi || 1 ||
[Analyze grammar]

caitrasya kṛṣṇapakṣe tu kiṃnāmnyekādaśī matā |
ko devastatra pūjyo'sti kā ca patnī harestathā || 2 ||
[Analyze grammar]

kiṃ phalaṃ ca vidhānaṃ ca dānaṃ pūjāṃ ca me vada |
śrutvā lakṣmīvacaḥ kṛṣṇo nārāyaṇohyuvāca tām || 3 ||
[Analyze grammar]

śrīnārāyaṇa uvāca |
śṛṇu lakṣmi pravakṣyāmi caitrasya prathame dale |
ekādaśīṃ pāpamocanikānāmnīṃ mahāphalām || 4 ||
[Analyze grammar]

kāmānāṃ pūraṇī siddhidāyinī dharmavardhinī |
nirjalā tu kṛtā yena prāpnuyādbrahma sa vratī || 5 ||
[Analyze grammar]

daśamyāṃ naktabhojī ca rātrau bhūśayanastathā |
brahmacārī vratī prātaścāniruddhaṃ vicintayet || 6 ||
[Analyze grammar]

suśilāsahitaṃ devaṃ pāpamocanikāyutam |
pūjāyāṃ kundakalikāpuṣpāṇi tvarpayettathā || 7 ||
[Analyze grammar]

naivedye sevikāṃ dadyādarghye badarikāphalam |
tathānyāni phalānyatra miṣṭānnāni bahūnyapi || 8 ||
[Analyze grammar]

dadyāccā'pyaniruddhāya dāne tu tilagaurmatā |
evaṃ prātaḥ samutthāya dhyātvā hariṃ tu mānase || 9 ||
[Analyze grammar]

snātvā ca mānasaṃ cāniruddhasya pūjanaṃ caret |
arpayenmānasānyevopakaraṇāni ṣoḍaśa || 10 ||
[Analyze grammar]

tato vai bāhyapūjāṃ tu kuryādvai kramaśo vratī |
āvāhayedaniruddhaṃ suśīlāsahitaṃ prabhum || 11 ||
[Analyze grammar]

svarṇamūrtau samāhūyā''sanaṃ dadyānmahattamam |
pādyaṃ cārghyaṃ tathā dadyādācamanīyakaṃ jalam || 12 ||
[Analyze grammar]

paṃcāmṛtakṛtaṃ snānaṃ tvabhiṣekaṃ samarpayet |
vastrairaṃgajalānāṃ ca pramārjanamathā''caret || 13 ||
[Analyze grammar]

tato vastre'rpayed dhaute bahumūlye hyubhe śubhe |
anyānyapi susūkṣmāṇi tvarpayet tṛptihetave || 14 ||
[Analyze grammar]

yajñopavītaṃ dadyācca maṇiratnāni cārpayet |
keśaprasādhanadravyadantikātailadarpaṇam || 15 ||
[Analyze grammar]

arpayeddharaye cāpi prakṛṣṭābharaṇāni ca |
kajjalaṃ kuṃkumābīragulālākṣatacandanam || 16 ||
[Analyze grammar]

puṣpāṇi tvarpayeccāpi tulasīdalamityapi |
phalāni cārpayettasmai dhūpadīpanivedanam || 17 ||
[Analyze grammar]

bhojanaṃ vividhaṃ dadyād dugdhaṃ ca śarkarāyutam |
jalaṃ phalaṃ mukhavāsaṃ tāmbūlaṃ gandhacūrṇakam || 18 ||
[Analyze grammar]

dadyāttvattaratailādi sugandhyarthaṃ tu śārṅgiṇe |
ārārtrikaṃ tataḥ kuryānnamaḥ stotraṃ kṣamāpanam || 19 ||
[Analyze grammar]

pradakṣiṇaṃ daṇḍavacca puṣpāṃjaliṃ ca dakṣiṇām |
dadyācca vratakaraṇāyārthayetparameśvaram || 20 ||
[Analyze grammar]

adyaikādaśikā nāmnā pāpamocanakāriṇī |
mayā vratāya manasā vṛtāsti parameśvara || 21 ||
[Analyze grammar]

asyāḥ kṛta vrataṃ mayā nirvighnaṃ syājjanārdana |
prasanno bhava deveśa suśīlādhipa keśava || 22 ||
[Analyze grammar]

iti vai pūjanaṃ cātha samāpya saptadhānyakam |
maṇḍalaṃ sarvatobhadraṃ kārayetsthāpayettataḥ || 23 ||
[Analyze grammar]

ghaṭaṃ kanakajaṃ kimvā tāmrajaṃ pañcapallavaiḥ |
ratnaiḥ pañcavidhaiścāpi jalavastrādibhiryutam || 24 ||
[Analyze grammar]

tasyopari śubhaṃ pātraṃ tilaiḥ saṃbhṛtamarpayet |
tatra mūrtiṃ suśīlāyāścāniruddhasya vai prabhoḥ || 25 ||
[Analyze grammar]

sthāpayitvā'rcayet ṣoḍaśopacārairvratī tataḥ |
nīrājayettu vidhinā namaskārādi cācaret || 26 ||
[Analyze grammar]

paryaṃkaṃ gendukaṃ guptadorakaṃ śayanāya ca |
śiraskaṃ pārśvake cāpi chatraṃ copānahau śubhau || 27 ||
[Analyze grammar]

sthālīṃ sakalaśāṃ cāpi vaṭikāṃ vyajanaṃ tathā |
darpaṇaṃ cāmare yaṣṭiṃ pāduke naktakaṃ śubham || 28 ||
[Analyze grammar]

śāṭīṃ ca pracchadapaṭīṃ kaṃcukīṃ kucalīṃ tathā |
karpaṭikāṃ sacandrāṃ ca ghargharī ceti vai dadet || 29 ||
[Analyze grammar]

ghaṭaṃ yajñopavītaṃ ca śītasalilapūritam |
candanaṃ ca sugandhaṃ cāniruddhāyārpayedvratī || 30 ||
[Analyze grammar]

phalāni cāmlamiṣṭāni laḍḍukān śarkarānvitān |
cārpayedaniruddhāya sarvatobhadramaṇḍale || 31 ||
[Analyze grammar]

ghṛtadīpamakhaṇḍaṃ tu kārayennikaṭe vratī |
evaṃ pūjāṃ tadā kṛtvā svakāryaṃ sa samācaret || 32 ||
[Analyze grammar]

madhyāhne tu vratī snātvā pūjayitvā vidhānataḥ |
naivedyaṃ vividhaṃ miṣṭaṃ jalaṃ ca haraye'rpayet || 33 ||
[Analyze grammar]

phalaṃ tāmbulamelāṃ ca lavaṃgaṃ mukhavāsanam |
phalaṃ pūgīphalaṃ cāpi vratī śrīharaye'rpayet || 34 ||
[Analyze grammar]

sāyaṃ ca kadalīstaṃbhairmaṇḍapaṃ kārayecchubham |
savitānaṃ sakalaśaṃ haritpratrāditoraṇam || 35 ||
[Analyze grammar]

madhye tu vedikāṃ kuryāt dolāṃ ca bandhayettathā |
sthāpayitvā'tra muralīdharaṃ tvāndolayed vratī || 36 ||
[Analyze grammar]

nīrājanaṃ tathā dhūpaṃ dīpaṃ naivedyamarcanam |
jalapānaṃ mukhavāsaṃ kārayet kīrtayedguṇān || 37 ||
[Analyze grammar]

rātrau jāgaraṇaṃ nṛtyagītavāditrasaṃyutam |
kuryātprātaḥ pūjanaṃ ca tathā dānāni dāpayet || 38 ||
[Analyze grammar]

yathāśakti yathāvastu vratāṃgāni prapūrayet |
sarvaṃ vai gurave dadyādevaṃ samāpayed vratam || 39 ||
[Analyze grammar]

sādhūnsādhvīstathā viprāndīnāndhakṛpaṇādikān |
bālāṃśca bhojayedbhaktyā vividhānnāni vai vratī || 40 ||
[Analyze grammar]

tataḥ svīyān bhojayitvā bālikāstvatha pāraṇām |
svayaṃ kuryād vratī bhakto bhuktiṃ muktiṃ sa vai vrajet || 41 ||
[Analyze grammar]

śṛṇvāścaryakathāṃ lakṣmi prāgvṛttāṃ pāpanāśinīm |
purā caitrarathodyāne vanamadhye himālaye || 42 ||
[Analyze grammar]

hariti śādvale divye phalapuṣpabharadrume |
vanadevīśrite deśe hyapsarogaṇasevite || 43 ||
[Analyze grammar]

vasantasamaye'raṇye ṣaṭapadairabhinādite |
kokilākūjite ramye manobhavasupuṣṭide || 44 ||
[Analyze grammar]

gandharvakanyakā vādyaiḥ ramante saha kiṃkaraiḥ |
mahendrādyāśca surapāḥ krīḍanti tridivaukasaḥ || 45 ||
[Analyze grammar]

ṛṣayo munayaḥ sarve tapanti bahulaṃ tapaḥ |
sādhavo yoginaḥ sādhvyaḥ satyo yoginya ityapi || 46 ||
[Analyze grammar]

tapanti brahmalābhārthaṃ yatra śīlavratasthitāḥ |
nāparaṃ sukhadaṃ tasmāccaitrarathād vanasthalam || 47 ||
[Analyze grammar]

trilokavāsinastatra pariśramavinuttaye |
sāyaṃ nityaṃ samāyānti yānti ca svasvakālayān || 48 ||
[Analyze grammar]

mañjughoṣā'psarā tatra ramate vanavāsinī |
munīnāṃ sevanaṃ cāpi premṇā karotyaharniśam || 49 ||
[Analyze grammar]

dāsīva kiṃkarīveyaṃ mokṣecchayā tu sevate |
natu nikṛṣṭamanasā kintu śuddhena cetasā || 50 ||
[Analyze grammar]

sevate sma muniṃ bālaṃ yuvānaṃ vṛddhamityapi |
munipatnīrbālikā vā kiṃkarīva prasevate || 51 ||
[Analyze grammar]

evaṃ nityaṃ munīnāmāśrameṣu bahubhāvataḥ |
vāsaṃ karoti sā mañjughoṣā'thaikadine śubhe || 52 ||
[Analyze grammar]

medhāvinaṃ nāma ṛṣiṃ krośamātravane sthitam |
tapantaṃ brahmacaryasthaṃ yauvanaṃ puṣṭiśālinam || 53 ||
[Analyze grammar]

surūpaṃ sughaṭaṃ svarṇatantusamajaṭānvitam |
prodbhinnaśmaśrusadrekhaṃ raktauṣṭhaṃ vartulānanam || 54 ||
[Analyze grammar]

padmapatranibhanetra sthalapadmaśarīrakam |
prasannatānidhiṃ kāntiparidhivyāptakaṃdharam || 55 ||
[Analyze grammar]

sūkṣmacandranibhanakhaṃ svasyā api surūpiṇam |
śrutvā rājasabhāvena sevanārthaṃ gatā'ntikam || 56 ||
[Analyze grammar]

prathamaṃ tu bhayāttasya sthitā tvāśramasannidhau |
kiñciddūramuṣitvainaṃ prasādayituṃ cakrame || 57 ||
[Analyze grammar]

jagau sā madhuraṃ sādhu mārjayāmāsa cāśramam |
vipañcikāṃ tadā ramyāṃ vādayāmāsa cādarāt || 58 ||
[Analyze grammar]

sevanārthaṃ tu sā kuṭyāṃ jagāma ca tvarānvitā |
śanaiḥ śanaiḥ ṛṣiṃ vīkṣya pasparśa tāpasī yathā || 59 ||
[Analyze grammar]

puṣpasugandhakastūrīkesaracandanārcitā |
sevābuddhyā hāvabhāvān vilāsān samadarśayat || 60 ||
[Analyze grammar]

medhāvinastu nikaṭe śanairnanarta śobhanam |
namaścakāra hastābhyāṃ netrābhyāṃ svīkṛtiṃ dadau || 61 ||
[Analyze grammar]

nyavedayatsubhaktāṃ svāṃ kare jagrāha tamṛṣim |
mānase niścikāyāpi sevālābho bhaviṣyati || 62 ||
[Analyze grammar]

yuvānaṃ surūpatejasvinaṃ prāpyā'tiharṣitā |
cakitā mānase bhāve tvākṛṣṭā yūni sā munau || 63 ||
[Analyze grammar]

rājasī rajasā vyāptā'bhavadāliṃgane muneḥ |
kṛtābhyāse pathi prāyastādṛśīnāṃ vrajenmanaḥ || 64 ||
[Analyze grammar]

tasyāḥ śarīre saṃvāsamakarodvai manobhavaḥ |
evameva jayākāṃkṣī medhāvinyakarot sthalam || 65 ||
[Analyze grammar]

ubhayoḥ kāmanāvyāptau dehau jātau suvikṛtau |
manasī cā'naṃgavegāviṣṭe jāte punaḥ punaḥ || 66 ||
[Analyze grammar]

tadā medhāvinā tatra medhayā tu vicāritam |
nāryāḥ prasaṃgajaḥ kāmaḥ ko'yaṃ māṃ bādhate'dhunā || 67 ||
[Analyze grammar]

kṣamāṃ dhairyaṃ samālambya gacchāmyanyadvanaṃ yataḥ |
rakṣaṇaṃ me tapasaḥ syāt kāmavego'pi yāsyati || 68 ||
[Analyze grammar]

vicāryaivaṃ sa medhāvī śīghraṃ sthānāt sthalāntaram |
yāvadgacchati viprendrastāvatkāmo'pi vegavān || 69 ||
[Analyze grammar]

śivabhaktaṃ vijetuṃ vai vane bahiḥ sumūrtimān |
abhavacca prayantaṃ saṃcakāra sarvatomukham || 70 ||
[Analyze grammar]

kṛtvā bhruvaṃ dhanuṣkoṭi guṇaṃ kṛtvā kaṭākṣakam |
mārgaṇe nayane kṛtvā pakṣmayukte yathākramam || 71 ||
[Analyze grammar]

kucau kṛtvā parakuṭau mohanāyopacakrame |
mañjughoṣā'bhavattasya kāmasyātra varūthinī || 72 ||
[Analyze grammar]

kāmena pañcabāṇāstu ṛṣerupari cāhitāḥ |
camatkṛtaṃ tu prathamaṃ dvitīyaṃ jāgratātmakam || 73 ||
[Analyze grammar]

tṛtīyaṃ rasavāhākhyaṃ caturthaṃ mohanātmakam |
paṃcamaṃ mithunībhāvagamakaṃ sa mumoca ha || 74 ||
[Analyze grammar]

medhāvī tadvaśaṃ nīto yuyuje mañjughoṣayā |
medhāvinaṃ muniṃ dṛṣṭvā sāpi kāmena pīḍitā || 75 ||
[Analyze grammar]

yauvanodbhinnadehena yuyuje ṛṣiṇā tadā |
gāḍhamāliṃgya tau tatra rājete smarayojitau || 76 ||
[Analyze grammar]

sitopavītasaṃyukto dṛṣṭaḥ smara ivāparaḥ |
mañjughoṣāyuto vipro rājate dyauryutaḥ śaśī || 77 ||
[Analyze grammar]

suratasya vaśaṃ yātā mandaṃ mandaṃ jahāsa sā |
raṇadvalayahastābhyāmāślikṣat taṃ muniṃ hṛdi || 78 ||
[Analyze grammar]

premakaṇṭhasvaraṃ sūkṣmaṃ līnaṃ kṛtvā tu mūkavat |
netre pramīlya cauṣṭhābhyāmāsvādayadṛṣermukham || 79 ||
[Analyze grammar]

sparśamagnā''nandamagnā śāntanūpuramekhalā |
sparśaibhāvaistathā netrairvarṣmaṇā sasvaje munim || 80 ||
[Analyze grammar]

vīṇā tu patitā bhūmau patitā svaṃ ca sasvaje |
balādiva latā vṛkṣaṃ vātavegena kampitam || 81 ||
[Analyze grammar]

sopi reme tayā sārdhaṃ kāmabhedairanekaśaḥ |
śivatattvaṃ tu vismṛtya kāmatattvavaśaṃgataḥ || 82 ||
[Analyze grammar]

tapasā sādhite saudhe sodyāne savimānake |
vāhane copakaraṇe bhakṣyabhojyasulehyake || 83 ||
[Analyze grammar]

dhāraṇe'laṃkaraṇe cotsave samānake ṛtau |
vividhe gṛhayogye ca bhogye tatsādhane sati || 84 ||
[Analyze grammar]

niratiśayatāṃ prāpte tṛptiṃ lebhe tayā saha |
punastṛṣṇāṃ punastṛptiṃ punastṛṣṇāṃ jagāma saḥ || 85 ||
[Analyze grammar]

tṛṣṇāyā naiva cāntosti bhuktvā bhuktvā vivardhate |
evaṃ tāruṇyabharayā tṛṣṇayā taruṇo'pi saḥ || 86 ||
[Analyze grammar]

na niśāṃ na dinaṃ sopi ramañjānāti kāmukaḥ |
dīrghaḥ kālo gato ramamāṇasyācāralopataḥ || 87 ||
[Analyze grammar]

navaśatāni varṣāṇāṃ gatānyasya tayā saha |
sā reme muninā tasya niśārdhamiva cā'bhavat || 88 ||
[Analyze grammar]

mañjughoṣā devaloke gamanāyopacakrame |
sannaddhā taṃ pratyuvāca satṛṣṇaṃ munisattamam || 89 ||
[Analyze grammar]

ājñā me dīyatāṃ vipra svarlokagamanāya vai |
medhāvī tu samākarṇya tāmuvāca vimohitaḥ || 90 ||
[Analyze grammar]

yāvatprabhātasandhyā syāt tāvattiṣṭha mamāntike |
śrutvā vicārayāmāsa mañjughoṣā hṛdantare || 051 ||
[Analyze grammar]

aho kāmena vaiklavyaṃ jānātyayaṃ na vatsarān |
niśārdhamātraṃ jānāti kāmamūrchāparājitaḥ || 92 ||
[Analyze grammar]

pratyākhyāne śāpabhītisamudvignā babhūva sā |
punarvai ramayāmāsa tamṛṣiṃ bahuvatsarān || 93 ||
[Analyze grammar]

varṣāṇāṃ pañcapañcāśannava māsān dinatrayam |
sā taṃ punaruvācātha tathā kāle gate munim || 94 ||
[Analyze grammar]

ādeśo dīyatāṃ brahman gantavyaṃ svagṛhaṃ mayā |
medhāvyuvāca kāmāndhaḥ kālabhānavivarjiṃtaḥ || 95 ||
[Analyze grammar]

niśāntasamayastvāste śrūyatāṃ vacanaṃ mama |
kṣaṇaṃ māṃ ramayitvā tvaṃ gantumarhasi śobhane || 96 ||
[Analyze grammar]

tvāṃ vinā me kṣaṇaścāpi yugatulyo bhaviṣyati |
tvayā sārdhaṃ niśāmātraṃ vyatītaṃ tiṣṭha me ciram || 97 ||
[Analyze grammar]

punaḥ śāpaprabhītā sā ramayāmāsa tamṛṣim |
varṣāṇāṃ pañcacatvāriṃśadityadhikabhāvataḥ || 98 ||
[Analyze grammar]

punaḥ prāha muniṃ namrā brahmaṃstṛpto'si vā nahi |
ādeśo dīyatāṃ vipra gantavyaṃ svagṛhaṃ mayā || 99 ||
[Analyze grammar]

medhāvyuvāca tāṃ snigdhāṃ rakṣituṃ svāntike tadā |
prātaḥkālo'dhunā tvāste śrūyatāṃ vacanaṃ mama || 100 ||
[Analyze grammar]

sarvadā tiṣṭha me saudhe māṃ ca ramaya kāmataḥ |
ekā niśā sthitā cātra kā me tṛptirbhaved vada || 101 ||
[Analyze grammar]

sandhyāṃ yāvacca kurve'haṃ tāvattvaṃ vai sthirā bhava |
iti śrutvā munervākyaṃ smitaṃ kṛtvā hyuvāca tam || 102 ||
[Analyze grammar]

kiyatpramāṇā viprendra tava sandhyā gatā'dhunā |
kativatsarakālaste gataśceti vicāryatām || 103 ||
[Analyze grammar]

ekāṃ sandhyāṃ niśāṃ vetsi kā te suptiryugātmikā |
iti tasyā vacaḥ śrutvā prodbhinnāntaralocanaḥ || 104 ||
[Analyze grammar]

tāṃ pṛṣṭvā gatakālasya medhāvī mānamācarat |
navanavatyadhikāni navaśatāni saṃkhyayā || 105 ||
[Analyze grammar]

jātānyeva gatānyeva varṣāṇi priyayā saha |
suviditvaikonadaśaśatānyekaniśāmukhe || 106 ||
[Analyze grammar]

tathāpi tṛṣṇayā vyāpta iti svaṃ dhik cakāra saḥ |
cukrodha tasyai kāmāya svasmai ca yauvanāya ca || 107 ||
[Analyze grammar]

mokṣahāniṃ tapohāniṃ cātmahāniṃ vilokya ca |
netrābhyāṃ vispulliṃgānsa mumocātīva kopataḥ || 108 ||
[Analyze grammar]

tapaḥkṣayakarīṃ nārīṃ mṛtyurūpāṃ ca rākṣasīm |
ātmamuktirodhakartrī kaṣṭāptapuṇyabhakṣiṇīm || 109 ||
[Analyze grammar]

hānidāṃ tāṃ sakmpauṣṭho muniruvāca vegataḥ |
dhik tvāṃ priye durācāre kulaṭe kāmanāpriye || 110 ||
[Analyze grammar]

sevāmiṣeṇa muniṣu svairiṇi puṇyanāśini |
tapolopakari yāmyamārgasaṃsargadāyini || 111 ||
[Analyze grammar]

piśācī bhava duṣṭe tvaṃ kāmacchidrapradāyini |
medhāvī tāṃ śaśāpaivaṃ sāpi namrā hyuvāca tam || 112 ||
[Analyze grammar]

naikasyā me hi doṣo'sti yuvā tvaṃ suvicāraya |
dvayoḥ kārye jaye prāpte sabala paripūjyate || 113 ||
[Analyze grammar]

parājaye tu samprāpte nirbalastatra hanyate |
maivaṃ bhavatu medhāvin hāniste naiva kevalā || 114 ||
[Analyze grammar]

mamāpi svaparityāgastvayā tyaktā sadhikkṛtā |
ātmahānirlokahāniryaśohānistu me tathā || 115 ||
[Analyze grammar]

śāpaṃ dātuṃ samarthā'smi yathā vadasi tattathā |
tathāpi praṇayikānte naivaṃ kāryaṃ striyā kvacit || 116 ||
[Analyze grammar]

kṣamā dattā hi nārībhyo brahmaṇā parameṣṭhinā |
adoṣā api patyustāḥ sahante krauryamavyathāḥ || 117 ||
[Analyze grammar]

prasādaṃ kuru tasmāt tvaṃ śāpasyānugrahaṃ kuru |
satāṃ saṃgaḥ sukhakaraḥ sāptapadīna eva saḥ || 118 ||
[Analyze grammar]

tvayā saha mayā vipra yoṣitā patnīrūpayā |
nītāśca sevayā śaśvat kati sahasravatsarāḥ || 119 ||
[Analyze grammar]

etasmāt kāraṇātsvāmin tyaja krauryaṃ prasīda ca |
iti tathyaṃ priyāvākyaṃ doṣaṃ svīyaṃ ca cintayan || 120 ||
[Analyze grammar]

prahvībhāvaṃ tathā patnyā vilokyovāca tāṃ muniḥ |
śṛṇu me vacanaṃ bhadre śāpānugrahakārakam || 121 ||
[Analyze grammar]

kiṃ karomi tvayā sākaṃ kṣayaṃ nītaṃ mahātapaḥ |
gataṃ tattu gataṃ tveva naṣṭaṃ nāyāti vai punaḥ || 122 ||
[Analyze grammar]

punaḥ saṃpādayiṣyāmi tavāpi śubhamastu vai |
caitrasya kṛṣṇapakṣe tu bhavatyekādaśī śubhā || 12 || || 3 ||
[Analyze grammar]

pāpamocanikā nāma sarvaśāpakṣayaṃkarī |
tasyā vrate kṛte subhru piśācītvaṃ viyāsyati || 124 ||
[Analyze grammar]

śrutvaitanmañjughoṣā sā yayau vanāntaraṃ tadā |
piśācī tu babhūveyaṃ yāvaccaitro na saṃgataḥ || 125 ||
[Analyze grammar]

prāpte caitre mañjrughoṣā vrataṃ jātismarā tadā |
cakāra vidhinā caitrakṛṣṇaikādaśikādine || 126 ||
[Analyze grammar]

pupūja parayā bhaktyā śrīhariṃ mānase hi sā |
rātrau jāgaraṇaṃ kṛtvā prātaḥ kṛtyaṃ vidhāya ca || 127 ||
[Analyze grammar]

piśācītvādvinirmuktā pāpamocanikābalāt |
divyarūpadharā sā vai gatā svarge svake gṛhe || 128 ||
[Analyze grammar]

medhāvyapi tayā tyakto jagāma piturāśramam |
cyavanasya ṛṣerdivyaṃ tapastejo'tiśobhitam || 129 ||
[Analyze grammar]

nistejaskaṃ ciraṃ yāntaṃ vilokya cyavanaḥ pitā |
prāhaitat kiṃ kṛtaṃ putra tvayā puṇyakṣayaḥ kṛtaḥ || 130 ||
[Analyze grammar]

kathaṃ na dṛśyate tejastapobāhulyasaṃbhavam |
medhāvī prāha tātā'sminvane tu tapasā mayā || 131 ||
[Analyze grammar]

prāptā'psarā tayā sārdhaṃ pātakaṃ vai kṛtaṃ bahu |
ramitā bahukālaṃ sā tapo naṣṭaṃ mamā'dbhutam || 132 ||
[Analyze grammar]

prāyaścittaṃ brūhi tāta yena pāpakṣayo bhavet |
pitā prāha tadā putraṃ vrataṃ vacmi nibodha me || 133 ||
[Analyze grammar]

caitrasya tvasite pakṣe nāmnā tu pāpamocanī |
ekādaśī matā hyasyā vrate tu vidhitaḥ kṛte || 134 ||
[Analyze grammar]

pāparāśiḥ kṣayaṃ yāyānmuktiṃ cānte vrajed vratī |
iti śrutvā piturvākyaṃ kṛtaṃ tena vratottamam || 135 ||
[Analyze grammar]

gataṃ pāpaṃ kṣayaṃ tasya tapovṛddhirbabhūva ca |
tejo vyāpto'bhavacchīghraṃ pāpamocanikāvratāt || 136 ||
[Analyze grammar]

yathāpūrvaṃ tapoyukto hyabhūd् babhūva vai tathā |
pāpamocanikāṃ lakṣmi ye kurvanti janā bhuvi || 137 ||
[Analyze grammar]

teṣāṃ pāpaṃ tu yatkiṃcit sarvaṃ vilayatāṃ vrajet |
vājapeyasahasrasya phalaṃ tasyāpi jāyate || 138 ||
[Analyze grammar]

bhuktirmuktirmahāmuktiḥ sarvaṃ caikavratena hi |
prāpyetaitādṛśī śaktā phaladāne tviyaṃ tithiḥ || 139 ||
[Analyze grammar]

brahmahā hemahārī ca surāpo gurutalpagaḥ |
vratasya cāsya karaṇānmukto bhavati tadvratī || 140 ||
[Analyze grammar]

paṭhanācchravaṇāccāpi smaraṇātkīrtanādapi |
bahupuṇyapradaṃ caitad gosahasraphalapradam || 141 ||
[Analyze grammar]

kartavyaṃ sarvathā lakṣmi śāpapāpanivṛttaye |
nātaḥ parataraṃ bhuktimuktidaṃ sacarācare || 142 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne caitrakṛṣṇapāpamocanyekādaśīvratamāhātmyaṃ medhāvinā tapasvinā sahasravatsaraṃ bhuktāyā majjughoṣākhyā'psarāyāḥ ṛṣiśāpātpiśācītvamanugrahād vratakaraṇān muktiśceti nirūpaṇanāmā ṣaṭcatvāriṃśadadhikadviśatatamo'dhyāyaḥ || 246 ||
[Analyze grammar]