Chapter 245

śrīlakṣmīruvāca |
svayaṃ kṛṣṇaḥ paraṃbrahma lokarakṣaṇahetave |
avatāraṃ parigṛhya karotyapi vrataṃ svakam || 1 ||
[Analyze grammar]

lokasaṃgrahakāryāya samācarati vai svayam |
śikṣayati janān sattvamayān cā''caryyamityapi || 2 ||
[Analyze grammar]

vada kṛṣṇa mayā'pyatra bhavateva vrataṃ śubham |
kāryaṃ yasya pratāpena muktiḥ syāddhastagāminī || 3 ||
[Analyze grammar]

janā api vrataṃ kṛtvā paraṃ phalamavāpnuyuḥ |
phālgunasyā'rjune pakṣe yannāmnyekādaśī matā || 4 ||
[Analyze grammar]

vada tāṃ dharmaputra tvaṃ nārāyaṇa pate mama |
ityāpṛṣṭo harirviṣṇurvrataṃ provāca tāṃ priyām || 5 ||
[Analyze grammar]

śrīnārāyaṇa uvāca |
śṛṇu kalyāṇade devi sarvasampatkari priye |
yadvratena janānāṃ susmṛddhayo yānti poṣaṇam || 6 ||
[Analyze grammar]

vardhante ca sadā lakṣmyaḥ sampadaśca bhavanti vai |
bahumuktirmahāmuktistasya saṃkalpavartinī || 7 ||
[Analyze grammar]

phālgunasyā'rjune pakṣe bhavetyekādaśī śubhā |
āmalakītināmnā sā viṣṇulokaphalapradā || 8 ||
[Analyze grammar]

vaikuṇṭhe śrīharirlakṣmī papraccha kimapekṣyate |
kimiṣyate tvayā lakṣmi yat tad brūhi dadāmi te || 9 ||
[Analyze grammar]

nā'navāptamavāptavyaṃ tvatkṛte brahmarūpiṇī |
yanmadīyaṃ tu tatsarvaṃ tvadīyaṃ ca tvadātmakam || 10 ||
[Analyze grammar]

tasmādvaraya bhadraṃ te karomi tava kāmanām |
mā saṃkocaṃ vaha lakṣmi yattavāsti mamāsti tat || 11 ||
[Analyze grammar]

lakṣmīrevaṃ hareḥ śrutvā provāca bhagavanmama |
lalāṭabhūṣā preṣṭhā'sti tantikā dehi tāṃ prabho || 12 ||
[Analyze grammar]

haristadānīṃ saṃkalpyā''bhūṣaṇārthaṃ navaṃ śubham |
suvarṇavarṇaṃ sarasaṃ lalāṭe śītalaṃkaram || 13 ||
[Analyze grammar]

svacchaṃ divyaṃ maṇiprakhyaṃ śaśitulyaṃ guṇānvitam |
prakaṭīkṛtavān bhāle bindvātmakaṃ vibhūṣaṇam || 14 ||
[Analyze grammar]

binduḥ sa phalarūpo'bhūnmaṇiśreṣṭhaḥ prabhānvitaḥ |
akṣato vartulaḥ saumyaḥ suvarṇamaṇisadṛśaḥ || 15 ||
[Analyze grammar]

tasmāccānye'pi maṇayo divyā jātāstvanekaśaḥ |
hārastantimayasteṣāṃ kṛto'laṃkāraśobhanaḥ || 16 ||
[Analyze grammar]

sūryakāntanibho dṛśye candrakāntasamo guṇe |
kaustubhena samo hṛdye tantikābhūṣaṇātmakaḥ || 17 ||
[Analyze grammar]

cūḍāmaṇisamo dhārye spṛśye komalapeśalaḥ |
puṇye viṣṇuśilātulyo dhārye candanaśītalaḥ || 18 ||
[Analyze grammar]

sugandhe divyagandhāḍhyaḥ puṣṭau stanyasamastathā |
śāśvataśca mahādivyo harerbhālasya bindujaḥ || 19 ||
[Analyze grammar]

tantikātmakabhūṣākhyo hāro nirmalanūtanaḥ |
saṃskṛto hariṇā caikacatvāriṃśatphalātmakaḥ || 20 ||
[Analyze grammar]

madhye saptaphalānyatra pārśvayośca dvisūtrayoḥ |
aṣṭāviṃśatimaṇyāḍhyaḥ prāntayoḥ ṣaḍphalātmakaḥ || 21 ||
[Analyze grammar]

arpitaśca mahālakṣmyai hariṇā paramātmanā |
samprāpya sūryasadṛśaṃ tejasvinaṃ praśītalam || 22 ||
[Analyze grammar]

sarasaṃ śāśvataṃ hāraṃ jaharṣa prajaharṣa sā |
jighrāti spṛśati cainaṃ vilokayati sādaram || 23 ||
[Analyze grammar]

muhurbhāle dhārayati paśyati sma punaḥ punaḥ |
nūtanaṃ kanakaprakhyaṃ sugandharasasaṃbhṛtam || 24 ||
[Analyze grammar]

lalāṭe śāntidaṃ snigdhasparśaṃ rekhābhiranvitam |
svakṛte eva hariṇā kṛtaṃ vīkṣya mumoda sā || 25 ||
[Analyze grammar]

stauti praśaṃsati haste gṛhṇāti sma muhurmuhuḥ |
sakhībhyaḥ sma darśayati prasannā saṃbabhūva sā || 26 ||
[Analyze grammar]

nārāyaṇo'pi bhagavān āsamantāt phalasya vai |
nairmalyaṃ tu vilokyaiva nāmā'karod yathāguṇam || 27 ||
[Analyze grammar]

āmalakaṃ phalaṃ ceti tantikā''malakaiḥ kṛtā |
bhāle babandha lakṣmīstāṃ śuśubhe sarvato'dhikā || 28 ||
[Analyze grammar]

dyauryathā'nekaśaśikṛtpaṃktibhiḥ śobhate tathā |
śuśubhe tu mahālakṣmī samāsādya sutantikām || 29 ||
[Analyze grammar]

evaṃ jāte mahānande sṛṣṭāvatrāpi vedhasaḥ |
kalpādau prākṛte jāte sarge sthāvarajaṃgame || 30 ||
[Analyze grammar]

lakṣmyā yuto hariḥ sākṣātparamātmā parātparaḥ |
samājagāma bhūmau ca lakṣmīkāntaḥ samādarāt || 31 ||
[Analyze grammar]

lakṣmyā lalāṭadeśācca tantikāyāḥ śubhaṃ phalam |
śrīhariḥ pātayāmāsa pṛthvyāṃ tatsattvasiddhaye || 32 ||
[Analyze grammar]

tasyātphalātsamutpannaḥ phalabhāreṇa nāmitaḥ |
śākhāpraśākhābahulaḥ svayaṃ dhātrītarurmahān || 33 ||
[Analyze grammar]

sarveṣāṃ caiva vṛkṣāṇāmatiśreṣṭhaḥ sa kīrtitaḥ |
svarṇanibhaphalopeto vṛkṣo lakṣmīpriyaḥ śubhaḥ || 34 ||
[Analyze grammar]

yathā nārāyaṇabhālaṃ priyaṃ vṛkṣaḥ priyastathā |
nārāyaṇasvarūpo'yaṃ nārāyaṇena nirmitaḥ || 35 ||
[Analyze grammar]

nārāyaṇyāḥ kṛte so'yaṃ muktido bhuktidastathā |
badarikāśrame so'yaṃ prathamaḥ prakaṭīkṛtaḥ || 36 ||
[Analyze grammar]

tasmācca raivatādrau saḥ samāyātastarurmahān |
ta ete muktidāḥ sarve vṛkṣā āmalakāhvayāḥ || 37 ||
[Analyze grammar]

yasmindine hariṇā'yaṃ vṛkṣastu prakaṭīkṛtaḥ |
so'yaṃ tu divaso'pyāsīdekādaśīsamāhvayaḥ || 38 ||
[Analyze grammar]

tatra tvāmalakīvṛkṣotpatterekādaśī tithiḥ |
āmalakītināmnā vai kṛtā devarṣisattamaiḥ || 39 ||
[Analyze grammar]

devadānavagandharvayakṣarākṣasapannagāḥ |
kinnarā mānavā nāgāḥ ṛṣayo munayo'pare || 40 ||
[Analyze grammar]

vidyādhrāḥ kiṃpuruṣāśca yogino bhūsurāstathā |
yatayo nyāsinaḥ sādhvyo yoginyo brahmacaryagāḥ || 41 ||
[Analyze grammar]

sudivyadṛṣṭayo'pyanye ye'bhavan vedhasā kṛtāḥ |
te sarve'pi yayustvatyāścaryaṃ śrutvā''maladrumam || 42 ||
[Analyze grammar]

sāścaryā āmalakīdruṃ cintayanto yayuśca te |
praśaṃsanto'tibhūṣārhaphalānyāmalakāni ca || 43 ||
[Analyze grammar]

ājagmustatra devādyā yatra dhātrī haripriyā |
tāṃ dṛṣṭvā te ca tatpatnyaḥ paraṃ vismayamāgatāḥ || 44 ||
[Analyze grammar]

viṣṇuḥ prāha svayaṃ tebhyaḥ pravaro vaiṣṇavo hyayam |
āmalakīdrumaścāsya smṛtergodānajaṃ phalam || 45 ||
[Analyze grammar]

sparśanāddviguṇaṃ puṇyaṃ triguṇaṃ bhakṣaṇāttathā |
āmalakāni vai bhāle karṇayorgalahastayoḥ || 46 ||
[Analyze grammar]

yena dhṛtāni teṣāṃ vai vaikuṇṭhe vasatirdhruvā |
āmalakaṃ madutpannaṃ sarvapāpaharaṃ priyam || 87 ||
[Analyze grammar]

vaiṣṇavaṃ viṣṇugamakaṃ bhakṣaṇātpāpaśodhakam |
tasmāt sarvaprayatnena sevyā tvāmalakī janaiḥ || 48 ||
[Analyze grammar]

evaṃ vadati śrīkṛṣṇe devyaḥ prāhurhariṃ tadā |
ābhūṣaṇārthaṃ deveśa dehi phalāni no vibho || 49 ||
[Analyze grammar]

tadā śrīhariṇā tatra phalānyasaṃkhyakāni vai |
saṃkalpya prakaṭīkṛtyā'rpitāni tābhya ityapi || 50 ||
[Analyze grammar]

tābhiḥ kṛtāni tatraivā''bharaṇāni bahūnyatha |
dhṛtāni bhālakaṇṭhādau karakarṇādikeṣvapi || 51 ||
[Analyze grammar]

prajahṛṣuścātitamā yatheṣṭaṃ jagṛhustathā |
atha devādayo'pyenaṃ nārāyaṇaṃ jagadgurum || 52 ||
[Analyze grammar]

prāhurnārāyaṇa viṣṇo śṛṇu no'bhyarthanaṃ prabho |
vṛkṣo'yaṃ rocate'smabhyaṃ dīyatāṃ no'dhivāsanam || 53 ||
[Analyze grammar]

yadvāsena sadā'smākaṃ paraṃ niḥśreyasaṃ bhavet |
hariḥ prāha tadā devān yogyaṃ yuṣmābhirarthitam || 54 ||
[Analyze grammar]

yadyatsthalaṃ nivāsāya rocate tu viśantu tat |
ityāśrutya harervākyaṃ devā rucyanusārataḥ || 55 ||
[Analyze grammar]

praviṣṭā āmalakīdrau vasanti sma ca nityadā |
tasya mūle sthito viṣṇustadūrdhvaṃ tu pitāmahaḥ || 56 ||
[Analyze grammar]

skandhe ca bhagavān rudraḥ śākhāsu munayaḥ sthitāḥ |
devāstvanye praśākhāsu parṇeṣu vasavaḥ sthitāḥ || 57 ||
[Analyze grammar]

puṣpeṣu marutaḥ sarve phaleṣu ca prajeśvarāḥ |
patraśalākāsvarṣayastvaci brahma svayaṃ sthitam || 58 ||
[Analyze grammar]

rase'vasadbrahmarasastṛptī rūpe vyavasthitā |
sugandhe brahmasāyujyaṃ sparśe muktirvyavasthitā || 59 ||
[Analyze grammar]

muktāḥ phalānāṃ tantvādau bīje śrīpatirāsthitaḥ |
sarvadevamayī hyeṣā dhātrī bodhyā jagatprasūḥ || 60 ||
[Analyze grammar]

lakṣmīpradā ramā sevyā sampatpradā'tivallabhā |
tasmātpūjyatamā hyeṣā sarvairbhaktiparāyaṇaiḥ || 61 ||
[Analyze grammar]

phālgune cāmalakyāstu vratavanto hi mānavāḥ |
gaccheyurāmalakyāstu chāyāyāṃ bhajanāya me || 62 ||
[Analyze grammar]

vrataṃ jāgaraṇaṃ tatra kuryād bhaktipuraḥsaram |
dvādaśyāmapi tatraiva gatvā kuryācca pāraṇām || 63 ||
[Analyze grammar]

tatphalaṃ śāśvataṃ proktaṃ matsambandhātsureśvarāḥ |
kārtike phālgune cāpi hyāmalakītaroradhaḥ || 64 ||
[Analyze grammar]

bhojanādi prakurvīta phalaṃ tasya tu śāśvatam |
dhātrīphalaviliptāṃgo dhātrīphalavibhūṣaṇaḥ || 65 ||
[Analyze grammar]

dhātrīphalakṛtāhāro mānavo mokṣamāpnuyāt |
dhātrīchāyāṃ samāśritya yo'rcayeccakradhāriṇam || 66 ||
[Analyze grammar]

puṣpe puṣpe bhavettasya rājasūyaphalaṃ priye |
hariṃ kṛṣṇaṃ samabhyarcya dhātrīvṛkṣatalasthale || 67 ||
[Analyze grammar]

brāhmaṇān bhojayet sādhūn vaikuṇṭhaṃ sa vrajed dhruvam |
dhātrīvṛkṣatale dānaṃ kurvan svargamavāpnuyāt || 68 ||
[Analyze grammar]

dhātrīphalarasāsvādaṃ gṛhṇan nirguṇatāṃ vrajet |
dhātrīphalaṃ prabhuñjan vai divyamuktiṃ vrajedvratī || 69 ||
[Analyze grammar]

dhātrīdhātrīti tannāma gṛṇan yāti mṛtiṃ yadi |
dhātrīva lakṣmīrāyāti nārāyaṇena saṃyutā || 70 ||
[Analyze grammar]

nayatyenaṃ harerdhāma divyaṃ vaikuṇṭhamakṣaram |
dhātrīsamudbhavo yatra dine jātastadīyakam || 71 ||
[Analyze grammar]

vrataṃ caikādaśīrūpaṃ kartavyaṃ muktimicchatā |
dhanadhānyapradaṃ puṇyamātmanastuṣṭikārakam || 72 ||
[Analyze grammar]

alpāyāsaṃ bahuphalaṃ vratānāṃ vratamuttamam |
kṛtena yena manujo viṣṇuloke mahīyate || 73 ||
[Analyze grammar]

phālgune śuklapakṣe tu puṣyeṇa dvādaśī yadi |
bhavet saikādaśī puṇyā mahāpātakanāśini || 74 ||
[Analyze grammar]

kartavyā vratinā saiṣā bhuktimuktipradāyinī |
daśamyāṃ tvekabhuktatvaṃ rātrau bhūśayanaṃ tathā || 75 ||
[Analyze grammar]

brahmacāritvamevāpi rakṣaṇīyaṃ vratārthinā |
ekādaśyāṃ brāhmakāle samutthāyā''ntare nije || 76 ||
[Analyze grammar]

hariṃ smṛtvā tathā dhyātvā snānaṃ tīrthe samācaret |
hareragre samāgatya vrataṃ saṃkalpayet tataḥ || 77 ||
[Analyze grammar]

adya devaprasādena kariṣye nirjalaṃ vratam |
tadvai saṃpūrṇatāṃ yātu mā vighno me bhavetprabho || 78 ||
[Analyze grammar]

ityabhyarthyā''camanaṃ vai kuryāt sandhyādikaṃ caret |
naityakaṃ pūjanaṃ kuryād viṣṇornārāyaṇasya ca || 79 ||
[Analyze grammar]

tato vai maṇḍale sarvatobhadrākhye'nnanirmite |
madhye svarṇakṛtaṃ tāmraṃ ghaṭaṃ vā pañcaratnakam || 80 ||
[Analyze grammar]

vastrapallavasalilatantuphalādiyojitam |
sthāpayecca tilasthālīṃ nyasyettatra suśobhanām || 81 ||
[Analyze grammar]

āmalakyā adhipatiṃ govindaṃ svarṇanirmitam |
candravatyā saha patnyā sthāpayettatra pūjayet || 82 ||
[Analyze grammar]

āvāhanāt samārabhya puṣpāñjalyantakaṃ tadā |
pūjanaṃ tatra kartavyaṃ vratinā divyavastubhiḥ || 83 ||
[Analyze grammar]

ṣoḍaśasūpacāraiśca tathā'nyairupacārakaiḥ |
nīrājanastutibhojyajalatāmbūlavastubhiḥ || 84 ||
[Analyze grammar]

guladāvadikāpuṣpaiḥ kamalādibhirityapi |
pūjayettandulairdevaṃ kuṃkumā'gurucandanaiḥ || 85 ||
[Analyze grammar]

nivedane viśeṣeṇa kaṃsārapūrikādikam |
arpayedatibhaktyā cā''kṣoḍaṃ prapūjane phalam || 86 ||
[Analyze grammar]

tilapātraṃ tathā dadyād dāne svarṇādikaṃ dhanam |
evaṃ prātaḥ samarcāṃ tu kṛtvā bhaktiṃ samācaret || 87 ||
[Analyze grammar]

madhyāhne tu viśeṣeṇa pūjā dhātrīdine matā |
nadyāṃ taḍāge kūpe vā gṛhe vā niyatātmavān || 88 ||
[Analyze grammar]

śarīre mṛttikāṃ datvā tataḥ snānaṃ samācaret |
sarvatīrthāni cāyāntu tatra snānaṃ karomyaham || 89 ||
[Analyze grammar]

evaṃ snātvā tathā śuddhe vastre dhṛtvā'tha puṇḍrakam |
tilakaṃ candrakaṃ kṛtvā gacchedāmalakīdrumam || 90 ||
[Analyze grammar]

sarvopaskarasaṃyuktaḥ pūjopakaraṇairyutaḥ |
dhātrīchāyāṃ samāśritya saṃśodhyāpi samantataḥ || 91 ||
[Analyze grammar]

racayet sarvatobhadramaṇḍalaṃ saptadhānyajam |
madhye tu sthāpayetkuṃbhaṃ svarṇajaṃ tāmrajaṃ ca vā || 92 ||
[Analyze grammar]

pañcaratnasamopetaṃ divyagandhādhivāsitam |
chatropānadvastrayuktaṃ sitacandanacarcitam || 93 ||
[Analyze grammar]

sraṅmālālambitagrīvaṃ sarvadhūpavidhūpitam |
dīpamālākulaṃ ramyaṃ sarvataḥ sumanoharam || 94 ||
[Analyze grammar]

pātre nyasyet tadūrdhve ca divyalājāprapūritam |
tilapātre ca lājāyāḥ sthālyāṃ candrāvatīyutam || 95 ||
[Analyze grammar]

jāmadagnyaṃ hariṃ rāma saparaśuṃ hiraṇmayam |
sthāpayecca tathā dhātrīṃ svarṇamūrtimayī śubhām || 96 ||
[Analyze grammar]

āvāhanaṃ cāsanaṃ ca pādyamarghyaṃ jalena ca |
dadyādācamanaṃ paṃcāmṛtaiḥ saṃsnapayet prabhum || 97 ||
[Analyze grammar]

tatastīrthajalairdevaṃ snāpayenmārjanaṃ caret |
vastre sandhārayedyajñopavītaṃ dāpayenmaṇim || 98 ||
[Analyze grammar]

ābhūṣaṇāni sarvāṇi mukuṭādīni cārpayet |
sugandhacandanādīnyattaratailādi cārpayet || 99 ||
[Analyze grammar]

gulālakuṃkumā'bīrā'gurudravyā'kṣataistathā |
puṣpairnānāvidhairdevaṃ dhūpadīpanivedanaiḥ || 100 ||
[Analyze grammar]

nīrājanena vidhinā jalatāmbūlasatphalaiḥ |
daṇḍavatstutinamanairaparādhakṣamārthanaiḥ || 101 ||
[Analyze grammar]

pradakṣiṇādakṣiṇābhiḥ satpuṣpāṃjalinā tathā |
arcayed devaveśaṃ dhātrīvṛkṣatale śubhe || 102 ||
[Analyze grammar]

dhyāyettu bhagavadrūpaṃ saumyābhaṃ pādayoḥ svayam |
jānvostu viśvarūpaṃ ca sakthnoḥ tejaḥsvarūpakam || 103 ||
[Analyze grammar]

kaṭyāṃ dāmodaraṃ dhyāyetpadmanābhaṃ tathodare |
vakṣasi śrīvatsayutaṃ vāmabāhau tu cakriṇam || 104 ||
[Analyze grammar]

gadinaṃ dakṣiṇe bāhau kaṇṭhe vaikuṇṭhamityapi |
āsye yajñamukhaṃ dhyāyennāsāyāṃ sukhasāgaram || 105 ||
[Analyze grammar]

akṣṇordhyāyedvāsudevaṃ lalāṭe vāmanaṃ tathā |
sarvātmānaṃ brahmarandhre dhyātvā'ṅgāni vicintayet || 106 ||
[Analyze grammar]

namaste devadeveśa jāmadagnya namo'stu te |
mayā kṛtāṃ mahāpūjāṃ dhātrīphalārpaṇānvitām || 107 ||
[Analyze grammar]

gṛhāṇa paramaprītyā bhuktimuktiprado bhava |
ityabhyarcya samāpyaiva tato vai bhojanādikam || 108 ||
[Analyze grammar]

gobhyo dadyāttathā sūkṣmajantubhyo'pi pradāpayet |
dhātrīmūle prasādaśca samarpyo devabhāvataḥ || 109 ||
[Analyze grammar]

jalaṃ deyaṃ dhātrikāyāḥ mūle pitṛpratarpakam |
sūryāya tvaṃjaliṃ dadyāt pitṝnuddiśya bhāvataḥ || 110 ||
[Analyze grammar]

bhūtebhyastu prasādāṃśaṃ dadyād bālebhya eva ca |
śeṣaṃ prasādaṃ tvanayet svagṛhaṃ rakṣayecca tam || 111 ||
[Analyze grammar]

dvādaśyāmupabhuñjīta phalaṃ jalaṃ tu taddine |
vratinā yadi grāhyaṃ syānna vrataghnaṃ hi tadbhavet || 112 ||
[Analyze grammar]

evaṃ kṛtvā tu dānāni maṇisvarṇamayāni hi |
ābhūṣaṇāni vastrāṇi vividhānnāni bhūmayaḥ || 113 ||
[Analyze grammar]

gomahiṣyo gṛhodyānayānavāhanakāni ca |
atiśreṣṭhāni ratnāni miṣṭānnāni bahūnyapi || 114 ||
[Analyze grammar]

dadyāddhātrītale tasya phalaṃ brahmaṇi śāśvatam |
svargaṃ tasyā'kṣayaṃ cāpi niratiśayameva ca || 115 ||
[Analyze grammar]

evaṃvidhaṃ vrataṃ dānaṃ svargamokṣaphalapradam |
sarvānsantoṣya dānena jalenānnena vāsasā || 116 ||
[Analyze grammar]

namaskṛtya hariṃ natvā dattvā dvijāya cetarat |
gṛhaṃ yāyāt parabhaktyā cāparāhṇepi sarvathā || 117 ||
[Analyze grammar]

samayaṃ kīrtanabhaktyā yāpayecca tathā niśi |
pūjanaṃ vidhivat kṛtvā kṛtvā cārārtrikādikam || 118 ||
[Analyze grammar]

naivedyaṃ ca jalaṃ gandhaṃ tāmbūlaṃ prasamarpya ca |
devaṃ tvāndolayetpreṃkhādolādau jāgaraṃ tathā || 119 ||
[Analyze grammar]

kuryānnṛtyaistathā gītairvāditrādyaiḥ kathāmṛtaiḥ |
dharmākhyānaistathā kṛṣṇaśṛṃgārapadagāyanaiḥ || 120 ||
[Analyze grammar]

gṛhe vā mandire yadvā dhātrīvṛkṣatale vratī |
paraśurāmamūrtiṃ ca sthāpayitvā dine niśi || 121 ||
[Analyze grammar]

pūjanaṃ ca vrataṃ jāgaraṇaṃ kuryād drumasthale |
vaiṣṇavāmuktidā''khyānairyāpayeyurniśāmimām || 122 ||
[Analyze grammar]

pradakṣiṇāstataḥ kuryāddhātrīdrau viṣṇunāmabhiḥ |
aṣṭādhikaśataṃ cāpi hyaṣṭāviṃśatimityapi || 123 ||
[Analyze grammar]

dhātrīvṛkṣaṃ hariṃ jñātvā prātaḥ pūjanamācaret |
snātvā nīrājanaṃ kṛtvā pūjayitvā tu bhūsuram || 124 ||
[Analyze grammar]

guruṃ samarcya dānārhaṃ sarvaṃ tasmai nivedayet |
jāmadagnyaṃ ghaṭaṃ svarṇaṃ vastrayugmamupānahau || 125 ||
[Analyze grammar]

jāmadagnyasvarūpāya gurave tvarpayettataḥ |
vadedāmalakīṃ spṛṣṭvā kṛtvā caiva pradakṣiṇām || 126 ||
[Analyze grammar]

jāmadagnyasvarūpeṇa prīyatāṃ mama keśava |
dadyādbhaktajanebhyaśca viṣṇuprasādamuttamam || 127 ||
[Analyze grammar]

āśritebhyo vidhānena datvā tvannaṃ jalaṃ tathā |
viprān bālān bhojayecca sādhūn sādhvīśca bālikāḥ || 128 ||
[Analyze grammar]

tataḥ svayaṃ samaśnīyāt kuṭumbena samāvṛtaḥ |
evaṃkṛtena puṇyaṃ tu śāśvataṃ mokṣadaṃ bhavet || 129 ||
[Analyze grammar]

sarvatīrtheṣu yatpuṇyaṃ sarvadāneṣu yatphalam |
sarvayajñeṣu yatpuṇyaṃ tatphalaṃ labhate vratī || 130 ||
[Analyze grammar]

sarvapāpavinirmuktaḥ parāmuktiṃ prapadyate |
āmalakīvratakarturviṣṇuloko dhruvo mataḥ || 131 ||
[Analyze grammar]

etatte kathitaṃ sarvaṃ vratānāṃ vratamuttamam |
putradaṃ jayadaṃ kāntipradaṃ mokṣapradaṃ tathā || 132 ||
[Analyze grammar]

avyāhatagatisvargapradaṃ siddhipradaṃ drutam |
sarvasaṃkalpaphaladaṃ lakṣmīprasannatāpradam || 133 ||
[Analyze grammar]

yānavāhanasadbhūṣopaskārādipradaṃ śubham |
vratametaddurādharṣaṃ sarvapāpavimocakam || 134 ||
[Analyze grammar]

nāryā lakṣmīsvarūpatvaprada ramātvadāyakam |
narasya tu caturbāhuviṣṇurūpatvasampradam || 135 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne phālgunaśuklā''malakīnāmnyekādaśīvratamāhātmyaṃ lakṣmīlalāṭabhūṣārtham āmalakīprāvirbhāvaḥ pṛthivyāṃ vṛkṣarūpasyaikādaśīvrate pūjanamāhātmyaṃ cetyādinirūpaṇanāmā pañcacatvāriṃśadadhikadviśatatamo'dhyāyaḥ || 245 ||
[Analyze grammar]