Chapter 242

śrīlakṣmīruvāca |
mahāviṣṇo hare vāsudeva lakṣmīpate prabho |
anugrahaṃ paraṃ kṛtvā vada māghā'site dale || 1 ||
[Analyze grammar]

ekādaśī ca kiṃnāmnī kaścādhipatirīśvaraḥ |
vidhiḥ phalaṃ ca dānāni vaiśeṣikaṃ ca yadbhavet || 2 ||
[Analyze grammar]

śrīnārāyaṇa uvāca |
śṛṇu priye māghakṛṣṇaikādaśī ṣaṭtilābhidhā |
nāmnāsti tatpatirvāsudevaḥ śrīpriyayā saha || 3 ||
[Analyze grammar]

pūjanīyaḥ sthalapadmairgulābjaiḥ komalaistathā |
naivedye ghṛtapūrāśca prārghyaṃ drākṣāphalāni ca || 4 ||
[Analyze grammar]

ūrṇāvastrāṇi deyāni kambalādīni bhāvataḥ |
methikāpākabhakṣyāṇi māṣalaḍḍukabhojanam || 5 ||
[Analyze grammar]

anyatpuṣṭikaraṃ dravyaṃ śītahārakakaṃcukam |
evamādīni deyāni pūjādānādikarmasu || 6 ||
[Analyze grammar]

tiladeyaṃ samākhyātā sarvapāpapraṇāśinī |
dālbhyaṃ prāha pulastyaḥ prāg vratamasyāḥ sukhapradam || 7 ||
[Analyze grammar]

manuṣyā yauvanopetā dāridryaduḥkhakarṣitāḥ |
jīvikārthaṃ ca pāpāni kurvanti tvavaśāśca ye || 8 ||
[Analyze grammar]

brahmahatyābālahatyāstrīhatyāgovadhādikam |
hiṃsanaṃ paradravyāpahāraṃ ca vyasanāni ca || 9 ||
[Analyze grammar]

svadāreṣvaprasakiṃ ca parasmṛddhivināśanam |
prasahya duḥkhadāyitvaṃ gurūnindā'nṛtāni ca || 10 ||
[Analyze grammar]

duṣṭakarmaprajīvitvaṃ kanyāvikrayaṇaṃ tathā |
rasā'niṣṭavimiśratvaṃ viśvāsaghātavañcanam || 11 ||
[Analyze grammar]

evamādīni pāpāni nareṣu yāni rāgataḥ |
bhavanti cātha jāyante teṣāṃ nāśakaraṃ vratam || 12 ||
[Analyze grammar]

tiladaikādaśīrūpaṃ sarvapāpapradāhakam |
prabalaṃ māghamāse tadvrataṃ kṛṣṇe dale kṛtam || 13 ||
[Analyze grammar]

śodhayeccāntaraṃ jantoḥ pāpāni kṣālayettathā |
naitādṛśaṃ vrataṃ cānyad drāgeva jantuśodhakam || 14 ||
[Analyze grammar]

māghasnāyī vratī māghe kṛṣṇe daśamīvāsare |
ekabhukto bhavet paścād rātrau pṛthvyāṃ śayīta ca || 15 ||
[Analyze grammar]

brahmacārī bhaveccaivaikādaśyāṃ brāhmasaṃjñake |
muhūrte ca samutthāya smarennārāyaṇaṃ hṛdi || 16 ||
[Analyze grammar]

gṛhṇīyācca varīṣṭhānāṃ satāṃ ca sātvatāṃ tathā |
nāmāni ca harernāmabhajanaṃ kṣaṇamācaret || 17 ||
[Analyze grammar]

tālikāṃ vādayitvā ca mūrtiṃ smṛtvā punaḥ punaḥ |
hare rāma ghanaśyāma svāmin nārāyaṇa prabho || 18 ||
[Analyze grammar]

tavāsmi nityadā bhakte mayi tiṣṭha pramokṣada |
iti stutvā tato yāyācchaucārthaṃ bahireva ca || 19 ||
[Analyze grammar]

mṛdā jalena śuddhiṃ ca kṛtvā gaṇḍūṣakāṃścaret |
tilacūrṇaṃ tato dehe samyagudvartayed vratī || 20 ||
[Analyze grammar]

satilasalilenātha snāyānnāma harergṛṇan |
tilahomaṃ prakuryācca tilavāri pibettathā || 21 ||
[Analyze grammar]

tiladānaṃ prakuryācca tilabhojanamācaret |
tilasnāyī tilodvartī tilahomī tilodakī || 22 ||
[Analyze grammar]

tiladātā tilabhoktā ṣaṭatilā pāpanāśinī |
tilaprarohājjāyante yāvacchākhāstilāni ca || 23 ||
[Analyze grammar]

tāvadvarṣasahasrāṇi svargaloke mahīyate |
kṛṣṇatilā matāḥ śreṣṭhāḥ snāne dāne prapūjane || 24 ||
[Analyze grammar]

snātvā vratī tiladāyāḥ prātareva prapūjayet |
vāsudevaṃ śriyā yuktaṃ navaiḥ ṣoḍaśavastubhiḥ || 25 ||
[Analyze grammar]

puṣpāṃjalipradāne ca prārthayecchaṭtilāvratam |
kariṣye nātha nirvighnaṃ me tadastu phalapradam || 26 ||
[Analyze grammar]

tava kṛpākaṇenāpi vratasampūrṇatā bhavet |
kāmakrodhādyahaṃlobhapaiśunyādi na me'stu vai || 27 ||
[Analyze grammar]

ityabhyarthya guruṃ natvā smṛtvā śrīharimeva ca |
prātaśca sarvatobhadramaṇḍalaṃ kārayed vratī || 28 ||
[Analyze grammar]

tanmadhye svarṇajaṃ yadvā tāmrajaṃ ghaṭamuttamam |
pañcapallavasadratnajalādyaiḥ saṃprapūritam || 29 ||
[Analyze grammar]

sthāpayettaṃ ca vastreṇa sūtreṇāpi ca veṣṭayet |
pūjayettaṃ tatastasyopari kṛṣṇatilabhṛtam || 30 ||
[Analyze grammar]

sthālīpātraṃ sthāpayecca tatra mūrtiṃ suvarṇajām |
vinyasyed vāsudevasya śrīpriyāṣaṭtilāyutām || 31 ||
[Analyze grammar]

pañcāmṛtajalaistāṃ ca snāpayedabhiṣecanaiḥ |
vastrādi ca vibhūṣādi tvalaṃkārāṃśca dhārayet || 32 ||
[Analyze grammar]

gulālakuṃkumā'bīracandanā'kṣatahārakaiḥ |
dhūpadīpasunaivedyajalatāmbūlasatphalaiḥ || 33 ||
[Analyze grammar]

kūṣmāṇḍairnārikelaiścā'mṛtaiśca bījapūrakaiḥ |
pradakṣiṇādaṇḍavatsunamaskārastavādibhiḥ || 34 ||
[Analyze grammar]

pūjayecchrīvāsudevaṃ kṣamāpayetpunaḥ punaḥ |
naivedyaṃ bhojayetpāne salilaṃ miṣṭamarpayet || 35 ||
[Analyze grammar]

tāmbūlaṃ karpūragandhailātvaṅlavaṃgayuk dadet |
paryaṃkaṃ sopakaraṇaṃ darpaṇaṃ vyajanaṃ tathā || 36 ||
[Analyze grammar]

cāmaraṃ puṣpagucchāṃśca bhaktitaḥ prasamarpayet |
nīrājayennavavāraṃ tato natvā ca keśavam || 37 ||
[Analyze grammar]

svavyāvahārikaṃ kuryād vrate vighnaṃ yathā na vai |
madhyāhne haraye dadyān miṣṭaṃ śubhaṃ subhojanam || 38 ||
[Analyze grammar]

jalaṃ dadyāt phalaṃ dadyānmukhaśuddhikalīṭikām |
sugandhasāraṃ gandhāḍhyasthalapadmārkavāri ca || 39 ||
[Analyze grammar]

sāyaṃ cāpi hareḥ samyak pūjanaṃ tvācared vratī |
ārārtrikādikaṃ sarve bhojanaṃ cāpi kārayet || 40 ||
[Analyze grammar]

pūrvaṃ daśadinebhyaśca vratī snāto janaḥ svayam |
bhūmyapatitaṃ saṃgṛhya gomayaṃ tatra sa vratī || 41 ||
[Analyze grammar]

tilānprakṣipya kārpāsaṃ piṇḍikāścaiva kārayet |
aṣṭottaraśatasaṃkhyāḥ yataḥ śuṣkā bhavanti te || 42 ||
[Analyze grammar]

atha māghe kṛṣṇapakṣasyaikādaśyāṃ ca mūlabhe |
ārdrāyāṃ vā niśi homaṃ harernāmatrirācaret || 43 ||
[Analyze grammar]

rātrau jāgaraṇaṃ kuryād viṣṇupadyāni gāpayet |
dvādaśyāṃ prātarutthāya snātvā pūjanamācaret || 44 ||
[Analyze grammar]

vastubhiḥ ṣoḍaśavidhairdānaṃ śrīgurave'rpayet |
kuṃbhaṃ svarṇamayīṃ mūrtiṃ mudrāḥ svarṇāśca rājatīḥ || 45 ||
[Analyze grammar]

tilapātraṃ ca śayyāṃ ca vastrāṇi dhānyasadrasān |
chatropānahapātrāṇi dadyānme prīyatāṃ hariḥ || 46 ||
[Analyze grammar]

kṛṣṇā dhenuḥ pradātavyā tilapātraṃ prapūritam |
gurave'rpaṇamatroktaṃ viprāya vā kuṭumbine || 47 ||
[Analyze grammar]

svargādau tvannapānādi labhyate tiladānataḥ |
mokṣe'pi śāśvatī tṛptirjāyate muktibhāginaḥ || 48 ||
[Analyze grammar]

kṛtaṃ sarvaṃ na kṛtaṃ cedannadānaṃ tilārpaṇam |
tadā'mutra milet sarvamannaṃ naiva milettataḥ || 49 ||
[Analyze grammar]

tilānnādi pradātavyaṃ sarvaṃ dātavyameva ca |
yadyat tvapekṣyate cātra strīputragṛhavāṭikāḥ || 50 ||
[Analyze grammar]

udyānāni gomahiṣyo gajā'śvājādayastathā |
vāhanāni vimānāni gṛhopakaraṇāni ca || 51 ||
[Analyze grammar]

daihāni sādhanānyatra dharmārthakāmanādayaḥ |
svarṇabhūṣāśca bhojyāni peyāni vividhāni ca || 52 ||
[Analyze grammar]

dṛśyānyathāpi bhogyāni śravyāṇi raṃjanāni ca |
deyānyekādaśīlābhe dānāni vividhāni ca || 53 ||
[Analyze grammar]

tāni lakṣaguṇānyeva prāpsyante'mutra puṇyataḥ |
tasmādekādaśīkarttā dātavyāni viśeṣataḥ || 54 ||
[Analyze grammar]

śṛṇvatrārthe kathāṃ prācyāṃ brāhmaṇyā romaharṣaṇām |
purā kṛtayuge nāmnā kapilā brāhmaṇī satī || 55 ||
[Analyze grammar]

vidyāvatī kumārī sā brahmacaryaparāyaṇā |
ātmajñānavatī devapūjāprītimatī sadā || 56 ||
[Analyze grammar]

svargādiphalavāñcchāḍhyā vartate smā'parigrahā |
śarīraṃ kleśitaṃ caiva tayopoṣaṇasadvrataiḥ || 57 ||
[Analyze grammar]

yadyadupārjyate vidyājñānādyaiśca gṛhādikam |
tattatsamarpyate dāne satpātre samaye śubhe || 58 ||
[Analyze grammar]

devānāṃ brāhmaṇānāṃ ca kumārīṇāṃ satāṃ tathā |
sādhvīnāṃ brahmaniṣṭhānāṃ pradadānā gṛhāṇi sā || 59 ||
[Analyze grammar]

anyānyupakaraṇāni pradadānā mahāsatī |
vartate sarvadā devapūjau sukhakāmyayā || 60 ||
[Analyze grammar]

atitṛṣṇāmahāmohavyāptā nārīsvabhāvataḥ |
ātmajñānaṃ ca kurute sukhecchāṃ na jahāti sā || 61 ||
[Analyze grammar]

annaṃ tu sulabhaṃ jñātvā dadātyannaṃ na bhikṣuke |
sādhavastarpitā naiva bālakā na ca bhojitāḥ || 62 ||
[Analyze grammar]

anyatsarvaṃ pradattaṃ vai na dattaṃ tvannamaṇvapi |
na dattā bhikṣuke bhikṣā kevalā'jñānaleśataḥ || 63 ||
[Analyze grammar]

ekadā mama bhaktāyāstasyā me'bhūt sucintanam |
śuddhamatyāḥ śarīraṃ hi vrataiḥ kṛcchrairna saṃśayaḥ || 64 ||
[Analyze grammar]

pūjitaśca harirdevo bahubhirvastubhirmuhuḥ |
arcito vaiṣṇavo lokaḥ kāyakleśena tattvataḥ || 65 ||
[Analyze grammar]

sarvaṃ kṛtaṃ sakāmaṃ sakāmanayā'nayā śubham |
svargaṃ tasyāḥ kṛte tvasti parantvatrā'nayā kvacit || 66 ||
[Analyze grammar]

na kṛtaṃ tvannadānaṃ hi nirmūlyaṃ vigaṇayya ca |
tato'syāḥ svargalokeṣu bhavennānnamupasthitam || 67 ||
[Analyze grammar]

annadānena bhojyaṃ cāmṛtaṃ svarge hyavāpyate |
dattaṃ vai prāpyate tatra yena tṛptiḥ parā bhavet || 68 ||
[Analyze grammar]

tasmānmayā svabhaktāyāḥ saukhyārthaṃ tatra sarvathā |
bhikṣukasya svarūpeṇa yācanīyaṃ hi bhojanam || 69 ||
[Analyze grammar]

annaṃ dāsyati mahyaṃ sā svarge tatphalamāpsyate |
evaṃ lakṣmi vicintyā'haṃ martyalokamupāgataḥ || 70 ||
[Analyze grammar]

kapilasvāmirūpeṇa bhikṣārthaṃ tadgṛhaṃ gataḥ |
bhavatī bhikṣāṃ dehīti bhikṣāṃ yācitavānaham || 71 ||
[Analyze grammar]

sā manmūrteśca madhyāhne pūjāyāṃ vyāpṛtā'bhavat |
vighnaṃ jñātvā'tha pūjāyāṃ bhikṣāphalaśatojjhitā || 72 ||
[Analyze grammar]

roṣavegācca tatkāle nāvocat kiṃcideva hi |
punareva mayā proktā dehi bhikṣāṃ tu sundari || 73 ||
[Analyze grammar]

pūjāprasattayā tatra tulasīmṛttikā tathā |
gṛhītā jalasiktā ca piṇḍarūpā svabhāvataḥ || 74 ||
[Analyze grammar]

tataḥ kopena mahatā mṛtpiṇḍastāmrabhājane |
mama pātre tayā kṣipto na dattaṃ tvannamaṇvapi || 75 ||
[Analyze grammar]

mayā'nnaṃ bhikṣitaṃ nāmnā nārpitaṃ tu tathāpi me |
gālīdānādinā cāhaṃ tayā niṣkāsito bahiḥ || 76 ||
[Analyze grammar]

gato'haṃ svasya vaikuṇṭhaṃ mṛtā kālena tāpasī |
brahmacaryaprabhāveṇa gṛhadānādinā tu sā || 77 ||
[Analyze grammar]

devī bhūtvā gatā svargaṃ devībhiḥ satkṛtā divi |
mṛtpiṇḍikāpradānasya phalaṃ prāptaṃ gṛhaṃ śubham || 78 ||
[Analyze grammar]

sarvasmṛddhibharaṃ kintu dhānyarāśivivarjitam |
gṛhaṃ divyaṃ paśyati sma bhojyaṃ kiñcinna dṛśyate || 79 ||
[Analyze grammar]

gṛhāttasmādviniṣkrāntā cāgatā mama mandiram |
jalopari dvitīyaṃ yadvaikuṇṭhaṃ me'sti tatra vai || 80 ||
[Analyze grammar]

brahmacaryaprabhāvā sā kapilā sūryasadṛśī |
krodhāviṣṭā hyavocanmāṃ bhojyaṃ kinna gṛhe mama || 81 ||
[Analyze grammar]

annahīno mahāsaudho labdho divyastriviṣṭape |
yatra nāstyamṛtaṃ kiñcit khādyaṃ peyaṃ na vidyate || 82 ||
[Analyze grammar]

bhogasthale mahāsvarge jīvitavyaṃ mayā katham |
tasmād dehi mahāviṣṇo bhaktāyai bhojanaṃ prabho || 83 ||
[Analyze grammar]

anyathā na mayā stheyaṃ śmaśānasadṛśe gṛhe |
mayoktaṃ ca tadā tasyai nā'nnaṃ dattaṃ tvayā kvacit || 84 ||
[Analyze grammar]

brāhmaṇebhyo'thavā sadbhyaḥ sādhvībhyo vā na cārpitam |
mayā bhikṣā'rthitā tvatto mṛtpiṇḍastvarpitastvayā || 85 ||
[Analyze grammar]

smaryate vā navā sādhvi tatphalaṃ nā'nnamāpyate |
karmabhūmau kṛtaṃ dattaṃ phalaṃ svarge tvavāpyate || 86 ||
[Analyze grammar]

tvayā'nnaṃ na pradattaṃ vai prapadyeta kuto divi |
tathāpi bhaktā tvaṃ hyanugrāhyā sadā mayā || 87 ||
[Analyze grammar]

mṛttikādānato bhikṣā phalaṃ te mṛttikā'pi vai |
annarūpeṇa bhavatu sadā bhuṃkṣyāmṛta phalam || 88 ||
[Analyze grammar]

tvayā vrataiśca kṛcchraiśca sūpavāsairanekaśaḥ |
pūjābhirarcitaścāhaṃ tatphalaṃ te gṛhe'mṛtam || 89 ||
[Analyze grammar]

bhavatānmā gṛhaṃ śūnyaṃ sadā me bhavatu priyā |
gaccha svargaṃ nūtanāṃ tvāṃ draṣṭuṃ kautuhalānvitāḥ || 90 ||
[Analyze grammar]

āgamiṣyanti devyaśca ṣaṭtilāvratakārikāḥ |
dvāraṃ nodghāṭanīyaṃ ca tvayā stheyamadarśane || 91 ||
[Analyze grammar]

yadi tāsāmāgrahaścet tava darśanakāraṇe |
vācyaṃ tābhyastadā devyo yadi darśanamiṣyate || 92 ||
[Analyze grammar]

dadata ṣaṭtilāpuṇyaṃ bhavatībhistu prākkṛtam |
udghāṭayāmi dvāraṃ ca māṃ paśyantu haripriyām || 93 ||
[Analyze grammar]

tābhirdattaṃ tadā puṇyaṃ ṣaṭtilaikādaśībhavam |
udghāṭitaṃ tato dvāraṃ dṛṣṭā tābhirharipriyā || 94 ||
[Analyze grammar]

na devī na ca gāndharvī nāsurī na ca pannagī |
nānyāpi tādṛśī divyā svarge'bhūt kapilā yathā || 95 ||
[Analyze grammar]

hareryogānmahālakṣmi tvatsamā sā'bhavad divi |
rūpakāntisamāyuktā vaiṣṇavī mama vallabhā || 96 ||
[Analyze grammar]

ṣaṭtilāphalalābhena saudho'nnāmṛtasaṃbhṛtaḥ |
samabhavattadā drākca nānyatrā'to'dhikaṃ hyabhūt || 97 ||
[Analyze grammar]

bhavanaṃ bahusampannaṃ ṣaṭtilāpuṇyalābhataḥ |
dhanadhānyasuvastrādisvarṇarūpyādisaṃbhṛtam || 98 ||
[Analyze grammar]

bhuktaṃ ca kalpaparyantaṃ tataḥ kapilayā tayā |
nitye laye samāyātā kapilā mama mandiram || 99 ||
[Analyze grammar]

caturbhujābhavattatra ramārūpā mama priyā |
bhajate māṃ sakhī te sā sevanānme'tibhāvataḥ || 100 ||
[Analyze grammar]

tato yaistu kṛtaṃ sākṣāt ṣaṭtilāvratamuttamam |
kiṃ kiṃ tena na cāpyeta sarvaṃ prāpyeta sarvathā || 101 ||
[Analyze grammar]

labhed bhuktiṃ ca muktiṃ ca madyogāttiladāvratī |
vittaśāṭhyaṃ na kartavyaṃ lobhaḥ kāryo na tu kvacit || 102 ||
[Analyze grammar]

dānaṃ sarvavidhaṃ deyaṃ dattaṃ prāpyeta bhāvini |
ātmavittānusāreṇa tilān dhānyāni dāpayet || 103 ||
[Analyze grammar]

vastrānnavāhanayānagṛhavāryupasādhanam |
nairogyaṃ labhate'mutra dadate yo'tra janmani || 104 ||
[Analyze grammar]

na dāridryaṃ na ca kaṣṭaṃ na daurbhāgyaṃ na śūnyatām |
na bhinnatvaṃ vrajed bhaktaḥ ṣaṭtilāyā upoṣaṇāt || 105 ||
[Analyze grammar]

tasmād vrataṃ prakartavyaṃ tiladānaṃ vidhānataḥ |
pātakairmucyate bhuktiṃ muktiṃ ca labhate'tigām || 106 ||
[Analyze grammar]

ya idaṃ śṛṇuyād yadvā śrāvayecca paṭhecca vā |
tasya puṇyaṃ ṣaṭtilāyā vratajaṃ bhavati priye || 107 ||
[Analyze grammar]

nāśubhaṃ śiṣyate kiṃcitparatrā'tra virodhakṛt |
ātmapuṇyaṃ vrajedvipro vijayaṃ kṣatriyo vrajet || 108 ||
[Analyze grammar]

dhanasmṛddhiṃ vrajed vaiśyaḥ sukhaṃ cānyo lasetparam |
dharmaṃ prāpnoti dharmārthī kāmārthī pramadāṃ labhet || 109 ||
[Analyze grammar]

dhanārthī dhanamāpnoti putrārthī satsutaṃ laset |
yaśovipulamāpnoti jñātimūrdhanyamityapi || 110 ||
[Analyze grammar]

acaṃcalā śriyaṃ labdhvā śreyaḥ paramavāpnuyāt |
bhayanāśo bhavatyasya tejovīryaṃ ca vindati || 111 ||
[Analyze grammar]

ṣaṭtilāvratasampannā nārī priyapatiṃ laset |
putrapautradhanadhānyā'khaṇḍasaubhāgyamāpnuyāt || 112 ||
[Analyze grammar]

labdhvā kāmasukhaṃ cātra divi devī pramodate |
vaiṣṇavī ca ramā bhūtvā hareḥ śayyāsu modate || 113 ||
[Analyze grammar]

vaikuṇṭhe cātha goloke yauvanārthasukhāni || 3 ||
[Analyze grammar]

aśnute svapatikṛṣṇahariṇā saha sarvadā || 114 ||
[Analyze grammar]

ṣaṭtilāyāḥ samaṃ cānyad vrataṃ nāsti sukhapradam |
padmayā ca kṛtaṃ pūrvaṃ sā tvaṃ lakṣmīrmamā'si vai || 115 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne māghakṛṣṇaṣaṭtilaikādaśīvratamāhātmyaṃ vratapuṇyāt kapilānāryā devītvaṃ ramātvaṃ cetyādinirū |
paṇanāmā dvicatvāriṃśadadhikadviśatatamo'dhyāyaḥ || 242 ||
[Analyze grammar]