Chapter 241

śrīlakṣmīruvāca |
nārāyaṇa namastubhyaṃ purāṇapuruṣottama |
mokṣakaraṃ ca jīvānāṃ phaladaṃ ca vrataṃ śubham || 1 ||
[Analyze grammar]

śrāvayase yena pāparāśayaḥ prajvalanti vai |
pauṣaśuklasya ca yā vai bhavedekādaśī śubhā || 2 ||
[Analyze grammar]

kathayasva prasādena kiṃnāmnī ko vidhistathā |
ko devaḥ pūjyate tatra phalaṃ cāpi kiyanmatam || 3 ||
[Analyze grammar]

śrīnārāyaṇa uvāca |
lokānāṃ hitalābhāya kathayāmi priye ca tām |
pauṣasya śuklapakṣasyaikādaśī putradā'bhidhā || 4 ||
[Analyze grammar]

sarvapāpaharā bhaktaiḥ kartavyaiṣā prayatnataḥ |
sānandāpi ca sā proktā putrānandapradāyinī || 5 ||
[Analyze grammar]

nārāyaṇo'dhidevo'tra pūjyaśca padmayā saha |
sarvasiddhiprado devaḥ putrakāmaprapūrakaḥ || 6 ||
[Analyze grammar]

guggulapuṣpakaiḥ pūjyastathā'nyaiḥ kālasaṃbhavaiḥ |
cūrṇalaḍḍukanaivedyaṃ dadyācca paramātmane || 7 ||
[Analyze grammar]

arghyaṃ ca dāḍimaphalaṃ phalānyanyāni cāpi vai |
ghṛtapūrṇaghaṭo deyaḥ śrīpadmāpataye tathā || 8 ||
[Analyze grammar]

dakṣiṇāścāpi dātavyā svarṇarūpā viśeṣataḥ |
daśamyāṃ naktabhojī yo vratī pṛthvyāṃ śayīta ca || 9 ||
[Analyze grammar]

ekādaśyāṃ brāhmakāle samutthāya hariṃ smaret |
snātvā pūjopacārāṇi saṃgṛhya pūjayeddharim || 10 ||
[Analyze grammar]

satpātre ca samasthāpya paṃcāmṛtena vāriṇā |
snāpayed devadeveśaṃ vastrabhūṣādi dhārayet || 11 ||
[Analyze grammar]

lepayed dravyagandhādi puṣpahāraiśca śobhayet |
dhūpadīpā'kṣatapuṣpasāmagrībhiḥ prapūjayet || 12 ||
[Analyze grammar]

naivedyaṃ miṣṭabhojyādi jalapānādikaṃ dadet |
nīrājanastutipradakṣiṇādibhiḥ prasādayet || 13 ||
[Analyze grammar]

vratārthaṃ prārthayed devaṃ nārāyaṇaṃ punaḥ punaḥ |
putradāyā vrataṃ cāhaṃ karomi pūrṇatā vrajet || 14 ||
[Analyze grammar]

ityabhyarthya tataḥ saptadhānyaiśca racayecchubham |
maṇḍalaṃ sarvatobhadraṃ kartavyaṃ tatra vai ghaṭaḥ || 15 ||
[Analyze grammar]

sthāpanīyaḥ pallavādiyutastadupari sthale |
tilapūrṇaṃ śubhaṃ pātraṃ tatra mūrtirharestathā || 16 ||
[Analyze grammar]

pratiṣṭhāpya ṣoḍaśabhirvastubhiḥ pūjayetprabhum |
ārārtrikaṃ ca puṣpāṇāmaṃjaliṃ cārpayet tataḥ || 17 ||
[Analyze grammar]

prārthayet phalalābhāya tathā dānāni dāpayet |
madhyāhne'pi tathā pūjānaivedyādi samarpayet || 18 ||
[Analyze grammar]

sāyaṃkālottaraṃ cāpi viśiṣṭaṃ pūjanaṃ tathā |
jāgaraṇaṃ prakuryācca dvādaśyāṃ ca tathāvidham || 19 ||
[Analyze grammar]

pūjanaṃ vastudānaṃ ca kuryād vratī tato janān |
dvijān sādhūṃśca sādhvīśca bhojayetpāraṇāṃ svayam || 20 ||
[Analyze grammar]

kuryāccaiva vrataṃ pūrṇaṃ phalaṃ mokṣādikaṃ bhavet |
putradāyā vratameva yaḥ kuryād bhaktino janaḥ || 21 ||
[Analyze grammar]

putraputrīgajago'śvadhānyakṣetrādikaṃ śubham |
prāpnuyāccāpi muktiṃ ca śrīhareḥ kṛpayā vratī || 22 ||
[Analyze grammar]

atrārthe śṛṇu lakṣmi te pravakṣyāmi kathānakam |
putradāphalalābhātmasmṛddhidaṃ sukhadaṃ param || 23 ||
[Analyze grammar]

purā yuge tu saurāṣṭre bhadrāvatyabhidhe pure |
rājā''sīt ketumāṃstasya rājñī cumpā'bhidhā'bhavat || 24 ||
[Analyze grammar]

vārdhakyātisunaikaṭyaṃ gatasyāpi ca bhūpateḥ |
putro nā'bhūd yato'putraḥ śocatyanudinaṃ nṛpaḥ || 25 ||
[Analyze grammar]

kālo yāti na cāśāsti putrārthe svastriyā api |
tābhyāṃ pracintitaṃ putraprāptidaṃ dānapūjanam || 26 ||
[Analyze grammar]

kṛtaṃ ca vividhaṃ yādṛg viprairvai darśitaṃ tathā |
bahubhirbahudhā proktaṃ kṛtaṃ tad vividhaṃ śubham || 27 ||
[Analyze grammar]

naivātmajaṃ nṛpo lebhe vaṃśakartāramapyatha |
kiṃ karomi kva gacchāmi vārdhakyaṃ dṛśyate puraḥ || 28 ||
[Analyze grammar]

kathaṃcitprāntakālepi sutaprāptiryathā bhavet |
tathopāyāḥ prakartavyā niścityeti nṛpaḥ punaḥ || 29 ||
[Analyze grammar]

yāti bahusthalaprakhyān sāmarthyāḍhyān sato janān |
āśīrvādāṃśca gṛhṇāti viphalāśca bhavanti te || 30 ||
[Analyze grammar]

na rāṣṭrasya na rājyasya sukhaṃ lebhe suketumān |
sādhvyā rātryā samaṃ nityaṃ duḥkhito vartate bhṛśam || 31 ||
[Analyze grammar]

cintāśokaparābhyāṃ ca tābhyāṃ dattaṃ jalādikam |
śrāddhe tu pitaraḥ sarve kavoṣṇamupabhuṃjate || 32 ||
[Analyze grammar]

ketumati mṛte paścād vaṃśajaṃ tarpaṇāya naḥ |
paśyāmo nahi kiṃ kurmo yo'smākaṃ tarpayiṣyati || 33 ||
[Analyze grammar]

ityevaṃ duḥkhitā sarve pitaro yānti niḥsukhāḥ |
na ca bandhujanā mitrajanā amātyamantriṇaḥ || 34 ||
[Analyze grammar]

suhṛdaśca prajā dāsā dāsyaḥ samṛddhayo gajāḥ |
rocayantyasya rājño vai svapne'pi duḥkhakāriṇaḥ || 35 ||
[Analyze grammar]

nityaṃ tasya mano'svasthaṃ nairāśyena vidūyate |
aputrasya janasyātra khalu tatrāpi bhūpateḥ || 36 ||
[Analyze grammar]

smṛddhasya rājyabharturvai nāstyeva janmanaḥ phalam |
aputrasya gṛhaṃ dārāḥ smṛddhiḥ śūnyaṃ hi dṛśyate || 37 ||
[Analyze grammar]

sutaṃ vinā ṛṇaṃ pitṛdevarṣīṇāṃ na mucyate |
aurasaṃ sutamāsādyā'nṛṇatvaṃ paitradaivatam || 38 ||
[Analyze grammar]

labhyate ca yaśastvatra paraloke śubhā gatiḥ |
putreṇa jāyate tasmāt sutamutpādayejjanaḥ || 39 ||
[Analyze grammar]

putrastu puṇyakartṝṇāṃ jāyate sukhadaḥ sadā |
āyuṣyārogyasampattidhanadhānyapravardhakaḥ || 40 ||
[Analyze grammar]

hareḥ kṛpāṃ tathā puṇyaṃ vinā putrajanirna vai |
na ca puṇyakṛtāṃ lokaprāptiścāpi sutaṃ vinā || 41 ||
[Analyze grammar]

putro dhanaṃ mahatproktaṃ putro vai sampaducyate |
putro gṛhaṃ sutaḥ sambandho'pi lokeṣu gīyate || 42 ||
[Analyze grammar]

sutaṃ vinā na sambandho na taṃ vinā kuṭumbitā |
tāṃ vinā na yaśo loke tadvinā na svaravyayam || 43 ||
[Analyze grammar]

rātriṃdivā svayaṃ rājā cintayan labhate na śam |
ātmanāśaṃ cet karomi tvātmaghāte'tidurgatiḥ || 44 ||
[Analyze grammar]

anaśane'pi loke'tra hāhākāraśca durgatiḥ |
tasmānmayā ca kiṃ kāryaṃ vicāryaivaṃ divāniśam || 45 ||
[Analyze grammar]

varaṃ tapasā dehasya kṣapaṇaṃ cetimānasaḥ |
rātrāvaśvaṃ samāruhya jagāmāraṇyamekalaḥ || 46 ||
[Analyze grammar]

na jānanti prajāścāsya gṛhadārādayastathā |
kva gato'yaṃ mahārāja ityabhūvan vicintitāḥ || 47 ||
[Analyze grammar]

cintāparā'tiduḥkhāste yayustanmārgaṇāya vai |
aśvapādapravinyāsān dṛṣṭvā dṛṣṭvā yayurvanam || 48 ||
[Analyze grammar]

śādvale'tighane deśe vājipādāvalekhanam |
yadā dṛṣṭaṃ na tairbhūmau tadā te svapuraṃ prati || 49 ||
[Analyze grammar]

āyayuḥ śokacintāśca preṣayāmāsurāśritān |
vanyān vane mārgaṇāya tairapyāpto na bhūpatiḥ || 50 ||
[Analyze grammar]

vanādanyavanaṃ rājā tatopi gahanaṃ vanam |
dūraṃ dūraṃ siṃhahastisevitaṃ praviveśa ha || 51 ||
[Analyze grammar]

bhāgyayogānna vai kaiściddhiṃsairvyāpādito nṛpaḥ |
nāśvo'pi maraṇaṃ prāpto daivayogāddhi jīvataḥ || 52 ||
[Analyze grammar]

vanavṛkṣānvaṭān bilvānkadambānpanasāndhavān |
kharjūrān pippalānsvarṇacampakāṃśca vilokayan || 193 ||
[Analyze grammar]

tathā tālānsarjatarūṃstamālāṃsūtilakān vaṭān |
bakulānsaptaparṇāṃśca tintiḍīśca vilokayan || 54 ||
[Analyze grammar]

iṅgudīrbadarīścaiva jambūṃśca karamardakān |
vaṃśānaśokānkadalīnāryaṃgānnārikelakān || 55 ||
[Analyze grammar]

paśyan yayau vanaṃ ghoraṃ paśyansiṃhānmṛgānkhagān |
analānhaṃsakāraṇḍabakāṃścamarīgośaśān || 56 ||
[Analyze grammar]

vyāghrāṃśca bhallukān genḍānśṛṃgamṛgāṃśca śallakām |
gajāṃśca gavayānvanyamahiṣānbhujagāṃstathā || 57 ||
[Analyze grammar]

paśyannāścaryasaṃyukto'dṛṣṭapūrvāṃśca dehinaḥ |
śṛṇvannulūkajambūkarkṣamṛgādirutāni saḥ || 58 ||
[Analyze grammar]

vanyāni bhakṣayan puṣpaphalāni ca yayau nṛpaḥ |
tṛṣitaścintayāmāsa saḥ śuṣkagalakandharaḥ || 59 ||
[Analyze grammar]

mārgayāmāsa salilāśayaṃ pakṣirutānugaḥ |
tatra divyajalaṃ suṣṭhu saro dṛṣṭvā nisargajam || 60 ||
[Analyze grammar]

aśvapaṭṭaitikhyātaṃ raivatādreḥ prapūrvagam |
mīnamakaramatsyādiśobhitaṃ kamalairyutam || 61 ||
[Analyze grammar]

haṃsaiḥ kāraṇḍavaiścakravākaiścānalapakṣibhiḥ |
śobhitaṃ paridṛṣṭvaiva yayāvānandamuttamam || 62 ||
[Analyze grammar]

jagāma tvarito bhūpo jalapānārthamutsukaḥ |
tadā netraṃ karo vakṣaḥ prāsphurad dakṣiṇaṃ śubham || 63 ||
[Analyze grammar]

jale tu snānakartṝn sa divyāndevānvyalokayat |
gatvā tatra nanāmāsau hayāduttīrya cāgragaḥ || 64 ||
[Analyze grammar]

pṛthakpṛthagvavande'sau devānmunisvarūpiṇaḥ |
japataḥ śrīharerjāpānvratakarṣitavigrahān || 65 ||
[Analyze grammar]

baddhāṃjalirgadgado'bhūddaṇḍavatpracakāra ca |
āśīrvādaiḥ plāvito'yaṃ nṛpaḥ papraccha tānsurān || 66 ||
[Analyze grammar]

ke bhavanto'tra gahane nirjale'raṇyake jale |
snātuṃ samāgatāḥ santi yatra vāso na mānuṣaḥ || 67 ||
[Analyze grammar]

yāthātathyaṃ vadantvatra yena me'pi śubhaṃ bhavet |
duḥkhino duḥkhanāśāya satāṃ vai darśanaṃ matam || 68 ||
[Analyze grammar]

iti pṛṣṭāśca te devāḥ prāhustaṃ bhāgyasanmukham |
viśvedevā vayaṃ rājan devāḥ svarganivāsinaḥ || 69 ||
[Analyze grammar]

munisvarūpaiścā''yātāḥ snānārthaṃ putradāvrate |
adyaivaikādaśī cāsti putradānāmanāmataḥ || 70 ||
[Analyze grammar]

tatra snātuṃ vayaṃ yātā tīrthe'smin raivatācalāt |
snātvā svargaṃ gamiṣyāmo vrataṃ cādyāsti vai mahat || 71 ||
[Analyze grammar]

kathaṃ bhavānsamāyāto nirjane gahane vane |
śrutvā rājātisaṃhṛṣṭo kṣuttṛḍbhyāṃ duḥkhito'pi san || 72 ||
[Analyze grammar]

svānukūlaṃ sukhaṃ matvā jalaṃ naiva papau tadā |
vrataṃ naisargato jātaṃ matvā putraphalapradam || 73 ||
[Analyze grammar]

uvāca tānmunīn rājā hyaputro'haṃ sutecchayā |
kṛtavānbahupuṇyāni sutaṃ tathāpi nā'labham || 74 ||
[Analyze grammar]

tataḥ śokaparītāṃgastapase'tra samāgataḥ |
kariṣye ca tapaścātra putrārthaṃ kṛpayātra vaḥ || 75 ||
[Analyze grammar]

munayaśca tadā prāhurbhūpate putradāvratāt |
putraprāptikaraṃ puṇyaṃ jātaṃ te mā tapaḥ kuru || 76 ||
[Analyze grammar]

rātrau jāgaraṇaṃ kuryāḥ prātaḥ sampūjya keśavam |
jalasya pāraṇāṃ kṛtvā patrapuṣpādinā tathā || 77 ||
[Analyze grammar]

yāhi gṛhaṃ ca te putro bhaviṣyati narādhipaḥ |
ityevaṃ daivayogena vratasya karaṇāttathā || 78 ||
[Analyze grammar]

āśīrvādāṃśca devānāmupalabdhvā gṛhāgataḥ |
rājñī garbhaṃ dadhau kāle putro jāto'tibhāgyavān || 79 ||
[Analyze grammar]

dīrghajīvī prajāpālo babhūva sa narādhipaḥ |
nāmnā ca kuṃkumān yasya saurāṣṭraṃ kaṃkasaṃjñayā || 80 ||
[Analyze grammar]

rājyaṃ khyātamabhūttasya vaṃśopi vaiṣṇavo hyabhūt |
tasmāllakṣmi prakartavyaṃ putradaikādaśīvratam || 81 ||
[Analyze grammar]

lokānāṃ ca hitārthāya mayaitat kathitaṃ tava |
ye'tra janāḥ kariṣyanti putradāyā vrataṃ śubham || 82 ||
[Analyze grammar]

putrānprāpyeha loke te svargaṃ yāsyanti vai mṛtāḥ |
dhanaṃ dhānyaṃ paśūn putrān dīrghamāyuṣyamityapi || 83 ||
[Analyze grammar]

patnīṃ śubhāṃ patiṃ saumyaṃ kṣetraṃ smṛddhiṃ mahattamām |
prāpsyantyavaśyamevaitadvratasya karaṇājjanāḥ || 84 ||
[Analyze grammar]

asyāśca paṭhanāllakṣmi śravaṇātsmaraṇāttathā |
putraprāptiphalaṃ tadvaccāgniṣṭomaphalaṃ bhavet || 85 ||
[Analyze grammar]

iti śrīlakṣmīnārāyaṇīyasaṃhitāyā prathame kṛtayugasantāne pauṣaśuklaputraikādaśīvratamāhātmyaketumādrājarṣiputralābhanirūpaṇanāmaikacatvāriṃśadadhikadviśatatamo |
'dhyāya || 241 ||
[Analyze grammar]