Chapter 235

śrīlakṣmīruvāca |
hare kathaya ṣaḍviṃśatyekādaśīvratāni me |
kathaṃ kāryāṇi vidhinā pūjanīyaṃ ca yadyathā || 1 ||
[Analyze grammar]

kāni nāmāni patayaḥ phalaṃ karma vidhistathā |
ekādaśīnāṃ sarvāsāṃ pṛthaktvenopavarṇaya || 2 ||
[Analyze grammar]

śrīnārāyaṇa uvāca |
śṛṇu lakṣmi kathāṃ tāsāṃ pāvanīṃ mokṣadāṃ tathā |
mama yogavatīṃ divyāṃ vaikuṇṭhādipradāyinīm || 3 ||
[Analyze grammar]

unmīlanīṃ tathā pakṣavardhinīṃ cāpi me śṛṇu |
jāgaraṇaphalaṃ cāpi mano datvā nibodha me || 4 ||
[Analyze grammar]

ekādaśī hyahorātraṃ prabhāte ghaṭikā bhavet |
unmīlanī tu sā bodhyā hareścātipriyā'sti sā || 5 ||
[Analyze grammar]

trailokye yāni tīrthāni yāni puṇyasthalāni ca |
tapo vedā makhāstraite koṭyaṃśenāpi tāni vai || 6 ||
[Analyze grammar]

unmīlanīpratulyāni bhavantyeva na vai kvacit |
unmīlanīsamaṃ kiñcinna bhūtaṃ na bhaviṣyati || 7 ||
[Analyze grammar]

na kāśī na gayā naiva prayāgaḥ kurubhūmikā |
puṣkaraṃ na saro nārāyaṇaṃ no himavān giriḥ || 8 ||
[Analyze grammar]

raivato na ca vindhyādrirmalayo merurapyatha |
kuṃkumavāpī naimiṣaṃ kālakṣetraṃ vanaṃ na vā || 9 ||
[Analyze grammar]

candrabhāgā na kāverī sarayūśca na gomatī |
godāvarī narmadā na svarṇalekhā na vedikā || 10 ||
[Analyze grammar]

na tāpī nāpi vai bhadrā na ca sindhurna candanā |
śatruṃjitā na cojasvatī vipāśā na gaṇḍakī || 11 ||
[Analyze grammar]

na śoṇo no tuṃgabhadrā tathā nāpi sarasvatī |
anyānyapi ca tīrthāni nonmīlanīsamāni vai || 12 ||
[Analyze grammar]

nonmīlanīsamaṃ puṇyaṃ na devaḥ śrīhareḥ paraḥ |
unmīlanīdinaṃ prāpya yaiḥ kṛtaṃ haripūjanam || 12 ||
[Analyze grammar]

pāpapuñjaṃ vidhūyaiva yānti te dhāma cākṣaram |
yanmāse syādunmīlanyekādaśī tu śubhā tithiḥ || 14 ||
[Analyze grammar]

māsanāmnā svarṇamayo hariḥ kāryastamarcayet |
śraddhayā parayā bhaktyā bahubhiḥ sūpacārakaiḥ || 15 ||
[Analyze grammar]

pavitrajalasaṃyuktaṃ pañcaratnasamanvitam |
gandhapuṣpākṣatairyuktaṃ kuṃbhaṃ sragvastrabhūṣitam || 16 ||
[Analyze grammar]

nārīkelādiphalakaṃ sthāpayenmadhyamaṇḍale |
sarvatobhadrasaṃjñe'tra mūrtiṃ saṃsthāpya pūjayet || 17 ||
[Analyze grammar]

pātraṃ godhūmapūrṇaṃ ca nānāratnasamanvitam |
nānāgandhasamāyuktaṃ mallikāmodavāsitam || 18 ||
[Analyze grammar]

jātīkusumasaṃyuktaṃ sthāpayedvaṭasannidhau |
śvetākṣaistaṇḍulaiścaiva pūritaṃ pātramityapi || 19 ||
[Analyze grammar]

sthāpayettu ghaṭapārśve pūjayecca hariṃ muhuḥ |
pradadyādvastrayugmaṃ ca sottarīyopavītakam || 20 ||
[Analyze grammar]

upānahau cātapatraṃ sthālīṃ jalakamaṇḍalum |
saptadhānyaprapātrāṇi tilān dadyācca bhūriśaḥ || 21 ||
[Analyze grammar]

rūpyaṃ svarṇaṃ pradadyācca kārpāsaṃ pāyasaṃ tathā |
mudrikā ūrmikāścaiva dhenūrdadyācca śobhanā || 22 ||
[Analyze grammar]

alaṃkārān pradadyācca pātrāṇi vividhāni ca |
svarṇaśṛgīṃ raupyakhurīṃ tāmrapṛṣṭhīṃ sajhullikām || 23 ||
[Analyze grammar]

kāṃsyadohāṃ ratnapucchāṃ gāṃ dadyād gurave tadā |
śayyāṃ dadyāt saparyaṃkāṃ gendukopaskarānvitām || 24 ||
[Analyze grammar]

dhūpaṃ dīpaṃ ca naivedyaṃ phalaṃ patrādi cārpayet |
tulasīpatrakamalapuṣpāṇi vividhāni ca || 25 ||
[Analyze grammar]

pūjāyāṃ haraye dadyād dakṣiṇā vividhāstataḥ |
cintayecchrīharermūrti pratyaṃgaṃ ca viśeṣataḥ || 26 ||
[Analyze grammar]

māsanāmnā tu caraṇau viṣṇunāmnā ca jānunī |
śrīśanāmnā praguhyaṃ ca kṛṣṇanāmnā kaṭiṃ smaret || 27 ||
[Analyze grammar]

brahmanāmnā smarennābhimudaraṃ viśvapākhyayā |
hṛd vai jñātrākhyayā kaṇṭhaṃ vaikuṇṭhavāsivācinā || 28 ||
[Analyze grammar]

lalāṭaṃ gurunāmnā ca pareṇa brahmaṇā śiraḥ |
sarvāṃgāni tathā'ntaryāmināmnā saṃsmared budhaḥ || 29 ||
[Analyze grammar]

āyudhāni vibhūṣāśca vastrālaṃkaraṇāni ca |
dhyānaṃ kṛtvā pūjayed vai bhaktyā'rghyādīni cārpayet || 30 ||
[Analyze grammar]

śaṃkhopari phalaṃ kṛtvā gandhapuṣpākṣatānvitam |
sūtreṇa veṣṭanaṃ kṛtvā dadyādarghyaṃ ca bhāvataḥ || 31 ||
[Analyze grammar]

evaṃ vai ṣoḍaśavastupravaryaiḥ pūjayeddharim |
prārthayecca hariṃ natvā samuddhara mahārṇavāt || 32 ||
[Analyze grammar]

samuddhārāya kiñcidvai kṛtaṃ no sukṛtaṃ mayā |
tathāpi tvaṃ mama svāmī samuddhara mahārṇavāt || 33 ||
[Analyze grammar]

unmilinyā vratenātra pūrvajānme samuddhara |
viyoniṃ ca gatānpāpān vimṛtyaṃ gamitāṃstathā || 34 ||
[Analyze grammar]

atītān bhāvinaścānyān samuddhara mahārṇavāt |
pretānsarvānmahāmuktiṃ dehi śrīkṛṣṇa mādhava || 35 ||
[Analyze grammar]

ārtasya mama mūrtau te bhaktiṃ dehi ca śāśvatīm |
evaṃ dhūpaistathā dīpairnaivedyairjalabhojanaiḥ || 36 ||
[Analyze grammar]

stotrairnīrājanairnṛtyaiḥ śrīhariṃ sampratoṣayet |
vastradānaiśca godānairbhojanaiḥ sevanaistathā || 37 ||
[Analyze grammar]

guruṃ santoṣayed bhakto yathā santoṣamāpnuyāt |
tathā tathā vidhātavyaṃ gurau tuṣṭe phalaṃ mahat || 38 ||
[Analyze grammar]

lokānāṃ tāraṇārthāya dhātrā sṛṣṭo gururyataḥ |
ataḥ sarvasvasevādyairguruṃ santoṣayet sadā || 39 ||
[Analyze grammar]

guroḥ pūjā prakartavyā mokṣado'sti gururhariḥ |
ahitaṃ mocayed yo vai suhitaṃ darśayet sadā || 40 ||
[Analyze grammar]

jñānadānena cā'jñānaṃ nāśayet sukhado bhavet |
anādibandhanaṃ chindyāt śāśvataṃ sukhamarpayet || 41 ||
[Analyze grammar]

dharmārthakovidaṃ taṃ vai guruṃ hariṃ sadā''śrayet |
sevayet sarvadā bhaktyā vittaśāṭhyaṃ na cācaret || 42 ||
[Analyze grammar]

guroḥ prasādaḥ prāptavyaḥ paripūrṇaṃ vrataṃ bhavet |
dvādaśyāṃ ca kṛtasnāno bhakto hariṃ prapūjayet || 43 ||
[Analyze grammar]

guruṃ ca bhojayet paścād bahūn viprāṃśca bhojayet |
sādhūn sādhvīrbhojayitvā pāraṇāṃ svaḥ samācaret || 44 ||
[Analyze grammar]

kṛṣṇakathānakaiḥ kālo netavyo vratakāriṇā |
dānaṃ jñānasya dānaṃ vai nānyat tattulyamasti hi || 45 ||
[Analyze grammar]

pradātavyaṃ sadā jñānaṃ nityaṃ śāstrakathādibhiḥ |
viṣṇurjñāne pradātavyo dātā mokṣamavāpnuyāt || 46 ||
[Analyze grammar]

evaṃ yaḥ kurute conmīlanyaikādaśikāvratam |
anantakalpakālaṃ sa vaikuṇṭhe vasati dhruvam || 47 ||
[Analyze grammar]

vaiṣṇavaṃ vratamevaitallakṣmi tubhyaṃ prakīrtitam |
yacchrutvā pāpinaḥ sarve muktimāyānti tatkṣaṇāt || 48 ||
[Analyze grammar]

unmīlanīvratakartā svarge loke mahīyate |
devāśca pitaraścaiva divyāṃ gatimavāpnuyuḥ || 49 ||
[Analyze grammar]

vidyārthī labhate vidyāṃ sarvasmṛddhikarāṃ śubhām |
ekādaśyā vrataṃ viṣṇoḥ pūjanaṃ vaiṣṇavārcanam || 50 ||
[Analyze grammar]

sādhusādhvīsusevā ca durlabhaṃ taccatuṣṭayam |
etasyāḥ śravaṇānmucyedājanmamṛtyubandhanāt || 51 ||
[Analyze grammar]

viṣṇuśca vaiṣṇavāścaiva nā'pakāryāḥ kadācana |
pūjayitvā bhojayitvā tato bhojanamācaret || 52 ||
[Analyze grammar]

śālagrāmaḥ samabhyarcyo vaiṣṇavo'pi viśeṣataḥ |
dhūpamārārtrikaṃ śakhodakaṃ dadyācca viṣṇave || 53 ||
[Analyze grammar]

naivedyaṃ viṣṇave dadyād vaiṣṇavebhyastato'pi ca |
hyekādaśīvratakartā tato bhojanamācaret || 54 ||
[Analyze grammar]

dīpaṃ dadyāttathā gītaṃ nityaṃ kuryācca vandanam |
śyāmāṃ'kuraiḥ pūjanaṃ ca kuryātpremapariplutaḥ || 55 ||
[Analyze grammar]

pṛṣvīdānasamaṃ puṇyaṃ dūrvayā pūjane kṛte |
śyāmāṃkuraiśca dūrvāyāḥ pūjanaṃ cātivallabham || 56 ||
[Analyze grammar]

nāsti loke'tra dūrvāyā aṃkuraiḥ sadṛśaṃ śubham |
taiśca saṃpūjanaṃ kāryaṃ viṣṇusāyujyamicchatā || 57 ||
[Analyze grammar]

dūrvābhiśca yavaiścā'pyakṣataiḥ sampūjayeddharim |
pakṣe pakṣe ca vidhivad dvādaśyāṃ pūjanaṃ prage || 58 ||
[Analyze grammar]

mokṣadaṃ sukhadaṃ caiva tathā''yuṣyapradaṃ śubham |
etadviṣṇuvrataṃ proktaṃ vaiṣṇavānāṃ samṛddhidam || 59 ||
[Analyze grammar]

gṛhasthānāṃ tu sukhadaṃ yatīnāṃ muktidāyakam |
sarvarogādiśamanaṃ dehatrayaviśodhanam || 60 ||
[Analyze grammar]

daśamīvedharahitaṃ mahattūnmīlanīvratam |
sajāgaraṃ prakartavyaṃ bhuktimuktipradaṃ param || 61 ||
[Analyze grammar]

tulasīpatralakṣaiśca pūjayetparameśvaram |
gopīcandanacandraṃ ca tilakaṃ puṇḍramūrdhvagam || 62 ||
[Analyze grammar]

dhārayetpūjanārthāya darśanānmokṣadaṃ hi tat |
astraṃ ca vaiṣṇavaṃ varma dhārayed duḥkhanāśakam || 63 ||
[Analyze grammar]

brahmahā hemahārī ca madyapo māṃsabhakṣakaḥ |
agamyāgo mahāpāpo nindā'nṛtaprabhāṣakaḥ || 64 ||
[Analyze grammar]

te pāpānmuktimāyānti tūrdhvapuṃḍrasya dhāraṇāt |
kaṇṭhe dhātrīphalamālāṃ tulasīmālikāṃ tathā || 65 ||
[Analyze grammar]

dhārayed vaiṣṇavo bhakto pūjādīkṣāṃgarūpiṇīm |
cakraśilāṃ dvārakāyā gaṇḍakyā viṣṇumityapi || 66 ||
[Analyze grammar]

tulasyā pūjayennityaṃ bhuktimuktiphalaṃ bhavet |
savedho vāsaro viṣṇornopoṣitavya eva vai || 67 ||
[Analyze grammar]

savedho vāsaro yasya rājño rājye pravartate |
rājā ca lipyate tena pāpena nārakī bhavet || 68 ||
[Analyze grammar]

vedhaṃ sarvavidhaṃ tyaktvā samupoṣya harerdinam |
kulakoṭisamuddhāro viṣṇudhāmagatirbhavet || 69 ||
[Analyze grammar]

pañcapañcāśaddhaṭikā daśamyudayato'sti cet |
paradinaikādaśī sā viddhaikādaśikocyate || 70 ||
[Analyze grammar]

ekādaśī tvahorātraṃ daśamīghaṭikā'pi cet |
sā tithirna hyupoṣyā vai dvādaśīvratamiṣyate || 71 ||
[Analyze grammar]

ekādaśīdvaye prāpte paropoṣyā na pūrvajā |
dvādaśīdvitaye prāpte pūrvopoṣyā tu dvādaśī || 72 ||
[Analyze grammar]

ekādaśyāḥ kṣaye prāpte hyupoṣyā dvādaśī vrate |
daśamyāśca kṣaye prāpte hyupoṣyā dvādaśī vrate || 73 ||
[Analyze grammar]

daśamī yugale prāpte hyupoṣyaikādaśī tadā |
dvādaśyāśca kṣaye prāpte hyupoṣyaikādaśī bhavet || 74 ||
[Analyze grammar]

iti jñātvā vrataṃ kuryāt hariryāti prasannatām |
vratakartā harerdhāma yāti śrīharivāñchayā || 75 ||
[Analyze grammar]

dvādaśyāṃ ca prabhāte yā'ruṇodayottaraṃ bhavet |
ekāṭaśī ghaṭikā'pi dinonmīlanakālinī || 76 ||
[Analyze grammar]

manuṣyāṇāṃ tathonmīlanārthaprabodhakālinī |
tasmāttasyā unmīlanī nāma proktaṃ mayā priye || 77 ||
[Analyze grammar]

ut ūrdhvaṃ brahmavaikuṇṭhaṃ paraṃ dhāmā'kṣaraṃ tathā |
golokaṃ melayet sonmīlanī saṃkathitā mayā || 78 ||
[Analyze grammar]

ut ūrdhvaṃ vai paraṃbrahma kṛṣṇaṃ nārāyaṇaṃ harim |
melayedyā vratācārāt sonmīlanī samucyate || 79 ||
[Analyze grammar]

ajñānaṃ pāparūpaṃ ca bhayaṃ mṛtyuṃ vidārya yā |
ūrdhvaṃ lokaṃ prakāśaṃ ca melayet sārthakā hi sā || 80 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne unmīlanīnāmaikādaśīvratapūjādinirūpaṇanāmā pañcatriṃśadadhikadviśatatamo'dhyāyaḥ || 235 ||
[Analyze grammar]