Chapter 218

śrīnārāyaṇa uvāca |
atha purīṃ samādraṣṭuṃ brahmā patnyā sahā''yayau |
bhavo bhavānyā sahito'nanto dharmaśca bhāskaraḥ || 1 ||
[Analyze grammar]

hutāśaśca kuberaśca varuṇaḥ pavano yamaḥ |
rudrāścaikādaśa candro mahendro vasavastathā || 2 ||
[Analyze grammar]

ādityāḥ kinnarā daityā gandharvā āyayustadā |
vimānasthairvaṭamūle sthitaḥ kṛṣṇaśca vanditaḥ || 3 ||
[Analyze grammar]

stutastairdvārikā dṛṣṭā ramyā cātimanoharā |
muktāmāṇikyahīrakaratnarājivirājitā || 4 ||
[Analyze grammar]

paritaścaturasrā ca daśayojanavistṛtā |
sāptabhiḥ parikhābhiśca gaṃbhīrābhiḥ suveṣṭitā || 5 ||
[Analyze grammar]

prākārairnavabhiryuktā jalakrīḍāsarovaraiḥ |
vividhairjalapadmaiśca kalhāraiḥ kamalaistathā || 6 ||
[Analyze grammar]

sarvatobhadravṛkṣaiśca puṣpodyānaiḥ samantataḥ |
śobhitā phullapuṣpaiścā'nilaiśca surabhīkṛtā || 7 ||
[Analyze grammar]

mandacandanavṛkṣaiśca tulasīdrubhirañcitā |
āmoditā sugandhibhiḥ pavanairmandaśītalaiḥ || 8 ||
[Analyze grammar]

nārikelataruṣaṇḍaiḥ pūgābhiratiśobhitā |
lakṣādhiguṇaguvākadrumaiścāpi vibhūṣitā || 9 ||
[Analyze grammar]

tato'pi ca caturguṇacūtavṛkṣaiḥ sumaṇḍitā |
prakāśitā paritaśca tāvadbhiḥ panasadrumaiḥ || 10 ||
[Analyze grammar]

tathā tāladrumairyuktā'śvatthabadarikādibhiḥ |
vaṭairāmrātakairbilvairjambūkadambavaṃśakaiḥ || 11 ||
[Analyze grammar]

śālmalītintiḍīnāgaraṃgairjambīradāḍimaiḥ |
campakairbakulairnāgeśvarairarjunakharjuraiḥ || 12 ||
[Analyze grammar]

ikṣubhiḥ kāṃcanairharītakīdhātrībhirindubhiḥ |
śālaiḥ priyālairhintālaiḥ śiśiraiḥ saptaparṇakaiḥ || 13 ||
[Analyze grammar]

vallībhiḥ parito vyāptā svarṇakalaśamaṇḍitā |
navalakṣaiḥ ramyasaudhaiḥ ramyoccamandirairyutā || 14 ||
[Analyze grammar]

ratnendrasāranirmāṇamuktāmāṇikyabhūṣitā |
māṇikyahīrakaratnasvarṇakalaśamandirā || 15 ||
[Analyze grammar]

maṇinirmitasopānakapāṭabhittikāyutā |
harinmaṇikṛtastambhaśvetasphaṭikasattalā || 16 ||
[Analyze grammar]

citravicitrasusūkṣmavastracāmaradarpaṇā |
padmarāgapariklṛptaprāṃgaṇā śvetasadgṛhā || 17 ||
[Analyze grammar]

indranīlamaṇivyāptarathyāvīthīsamanvitā |
ratnakhacitamadhyādirājamārgādiśobhitā || 18 ||
[Analyze grammar]

grīṣmamadhyāhnasūryābhā jvalitā ratnatejasā |
gavākṣalakṣasaṃyuktamahatsaudhādipaṃktikā || 19 ||
[Analyze grammar]

hastiśālā vājiśālā haṃsagaruḍajālikā |
dṛṣṭaivaṃ dvārikā ramyā devaiḥ sarvaiḥ samāgataiḥ || 20 ||
[Analyze grammar]

ānartaḥ śuśubhe deśaḥ śatayojanabhūtale |
dvārikayā militaśca dviguṇavat sa lakṣyate || 21 ||
[Analyze grammar]

atha kṛṣṇaḥ prasasmāra vasudevaṃ ca devakīm |
ugrasenaṃ yādavāṃśca pāṇḍavāṃśca samātṛkān || 22 ||
[Analyze grammar]

nandaṃ yaśodāṃ gopālān gandharvān kinnarān munīn |
āyayuḥ saṃsmṛtāḥ sarve kṛṣṇakṛṣṇetivādinaḥ || 23 ||
[Analyze grammar]

kṛṣṇapratāpād divyāste divyavyomagatiprabhāḥ |
vidyādharyaśca kinnaryo nartakyo gāyikāstathā || 24 ||
[Analyze grammar]

gāyakā vādyabhāṇḍāśca bhaṭṭā gaṇakabhikṣukāḥ |
anekadeśavāsīyā bhūpā vaidyāśca bhūsurāḥ || 25 ||
[Analyze grammar]

nyāsino yatayo vānaprasthāśca brahmacāriṇaḥ |
avadhūtāstathā siddhā āyayurmunayastathā || 26 ||
[Analyze grammar]

sanandaḥ sanakaḥ sanātanaḥ sanatkumārakaḥ |
sanatsujātaśca voḍhā pañcaśikhastathā''suriḥ || 27 ||
[Analyze grammar]

brahmacaryavratapālā āyayurlakṣaśo janāḥ |
daśasāhasraśiṣyāḍhyo durvāsāstatra cāyayau || 28 ||
[Analyze grammar]

patnīvrato mahābrahmasvarūpo bhagavānsvayam |
lakṣaśiṣyasahitaścāyayau kṛṣṇaniketanam || 29 ||
[Analyze grammar]

lakṣaśiṣyaiḥ kaśyapaśca vālmokaśca sahasrayuk |
lakṣaśiṣyairgautamaśca koṭidevairbṛhaspatiḥ || 30 ||
[Analyze grammar]

śukro'pi koṭiśiṣyaiśca bharadvājaḥ salakṣakaḥ |
aṃgiro'yutaśiṣyaiśca vasiṣṭho'yutaśiṣyakaḥ || 31 ||
[Analyze grammar]

pracetāḥ śataśiṣyaiśca pulastyaśca sahasrayuk |
agastyo'yutaśiṣyaśca pulahaśca sahasrayuk || 32 ||
[Analyze grammar]

śataśiṣyaḥ kratuścā'trirbhṛguścāpi tathā'nugaḥ |
tathā sahasraśiṣyaśca marīcistatra cāyayau || 33 ||
[Analyze grammar]

pañcaśatānugaḥ śatānandaśca pāṇinistathā |
sahasraśiṣyairyuktaśca ṛṣyaśṛṃgo vibhāṇḍakaḥ || 34 ||
[Analyze grammar]

kātyāyanastathā yājñavalkyaḥ sahasravān yayau |
sahasraśiṣyakairvyāso gargaḥ śiṣyaiḥ śatādhikaiḥ || 35 ||
[Analyze grammar]

gālavaśca śatenāpi saubharirviṃśatirjanaiḥ |
lomaśo daśalakṣaiśca mārkaṇḍeyastrilakṣakaiḥ || 36 ||
[Analyze grammar]

sāndīpanirdevalaśca svaśiṣyaiśca śataiḥ śataiḥ |
boḍhuḥ pañcaśikhaścaitau ṣaṣṭiśiṣyapraśiṣyakaiḥ || 37 ||
[Analyze grammar]

naro nārāyaṇaścaitau tāpasairbahusaṃkhyakaiḥ |
viśvāmitrastathā vatsaḥ yayau śiṣyasahasrakaiḥ || 38 ||
[Analyze grammar]

jaratkārurāstīkaśca parśurāmaśca dakṣakaḥ |
saṃvarto jaiminiścāpi pailaścāpi nijānugaiḥ || 39 ||
[Analyze grammar]

upamanyuḥ śukadevaḥ kaco gauramukhastathā |
lālāyanādyāścāpyanye'śvatthāmā droṇa ityapi || 40 ||
[Analyze grammar]

kṛpo bhīṣmaśca karṇaśca tathā'nye yugadevatāḥ |
sudivyau kambharāgopālākhyau śiṣyaiḥ samāyayuḥ || 41 ||
[Analyze grammar]

sādhyā viśve marutaśca yakṣāśca vāstukarmaṇi |
cāraṇāḥ pitaro rudrā mātṛkā dikprapālakāḥ || 42 ||
[Analyze grammar]

catuḥkhanijadehyādyāḥ pātālādigatāstathā |
grahanakṣatratārāśca kṛṣṇavāstau samāyayuḥ || 43 ||
[Analyze grammar]

vasavo nidhayaścaiva pare saptarṣayastathā |
prajāpatayo manavo vālakhilyāḥ samagrata || 44 ||
[Analyze grammar]

dharmā'dharmakulotthāśca vasantādyāḥ ṣaḍartavaḥ |
kāmādyāścāpsarasaśca paryo devyaśca dāsikā || 45 ||
[Analyze grammar]

sādhavo yatayaḥ sādhvyaḥ sanyāsinyo virāgikāḥ |
sāṃkhyayoginya eveyuḥ kṛṣṇo vāstuṃ karoti vai || 46 ||
[Analyze grammar]

avadhūtyastathā caṇḍyo durgā māyā ramādikāḥ |
lakṣmyo jayāvijayādyāḥ sakhyo māṇikyakanyakāḥ || 47 ||
[Analyze grammar]

prabhā ca pārvatī gāyatrī sāvitrī sarasvatī |
gopyo gopā golokasthāstathā vaikuṇṭhavāsinaḥ || 48 ||
[Analyze grammar]

kumāryaśca kumārāśca brahmacāriṇya ityapi |
śaktayaḥ smṛddhayaḥ siddhimūrtayaścāyayustadā || 49 ||
[Analyze grammar]

tattvāni vedaśāstrāṇi vidyāśca vividhāḥ śubhāḥ |
guṇā aiśvaryasāmarthyamuktamuktānya āyayuḥ || 50 ||
[Analyze grammar]

catvāra āśramā varṇā dīnā anāthadehinaḥ |
lokā'lokā āyayurvai kṛṣṇo vāstuṃ karoti yat || 51 ||
[Analyze grammar]

śṛṇu lakṣmi yatra sarvatīrthatīrtheśvareśvarāḥ |
samāyayuśca sā bhūmirvarṇanīyā mayā kimu || 52 ||
[Analyze grammar]

sarvatīrthaparā śreṣṭhā dvārikā bahupuṇyadā |
yasyāṃ praveśamātreṇa janmamṛtyuvināśanam || 53 ||
[Analyze grammar]

dānaṃ śrāddhaṃ devapūjā'nantaguṇaphalapradam |
tīrthānāṃ tīrtharūpaṃ tat kiṃ tīrthaṃ dvārakāparam || 54 ||
[Analyze grammar]

ugraseno mahārājaḥ sadā kṛṣṇājñayā'vasat |
svālayaṃ dvārakāmadhye mahendrabhavanātparam || 55 ||
[Analyze grammar]

sahasrairdvārapālaiśca dvāraṃ dadarśa rakṣitam |
abhyantaraṃ ca śibiraṃ dvārebhyaḥ ṣaḍbhya eva ca || 56 ||
[Analyze grammar]

mandirāṇāṃ śatakaiścaratnaphalaśaśālinām |
mattāyutagajendrāṇāṃ turagāṇāṃ tathā'yutam || 57 ||
[Analyze grammar]

uṣṭrāṇāmayutaṃ cāpi rathānāmayutaṃ tathā |
ardhalakṣaṃ sārathīnāṃ dadarśa rājapuṃgavaḥ || 58 ||
[Analyze grammar]

dadarśābhyantare ramye devaughamunisaṃsthitām |
sudharmākhyāṃ sabhāṃ divyāṃ svarṇasiṃhāsanānvitām || 59 ||
[Analyze grammar]

śuddhāṃśukaiḥ pariṣkṛtāṃ ratnatejaḥsamujjvalām |
praviveśa sabhāṃ ramyāṃ śuśrāva śaṃkhasaddhvanim || 60 ||
[Analyze grammar]

ninādaṃ ca dundubhīnāṃ munīnāṃ vedaghoṣaṇām |
śrutvā sabhāṃ praviśantaṃ hyugrasenaṃ harirbalaḥ || 61 ||
[Analyze grammar]

brahmā śivastathā viṣṇuḥ śeṣaśca devapuṃgavāḥ |
samuttasthuḥ surāḥ sarve munayo mānavāstathā || 62 ||
[Analyze grammar]

ratnasiṃhāsane ramye samuvāsa nṛpeśvaraḥ |
ugrasenaśca devānāṃ harergargasya cā''jñayā || 63 ||
[Analyze grammar]

saptatīrthodakapūrṇakuṃbhena tatra nāradaḥ |
cakāra vedamantraiśca nṛpasyāpyabhiṣecanam || 64 ||
[Analyze grammar]

tasmai vastrayugaṃ dattaṃ varuṇena mahātmanā |
mālyaṃ ca pārijātānāṃ candanaṃ ratnabhūṣaṇam || 65 ||
[Analyze grammar]

ratnachatrādikaṃ tasmai baladevo dadau pṛthak |
dadau kamaṇḍaluṃ brahmā triśūlaṃ ca maheśvaraḥ || 66 ||
[Analyze grammar]

pārvatī ratnamālyaṃ ca mukuṭaṃ kṛṣṇa eva saḥ |
svarṇabhūṣāśca rājendrāḥ prajāścopāyanāni ca || 617 ||
[Analyze grammar]

anye caturdaśalokavāsāśca yautakaṃ daduḥ |
vasudevo dadau tasmai śvetaṃ tu cāmaradvayam || 68 ||
[Analyze grammar]

nando dadau kāmadhenuṃ yaśodā ratnamālikām |
dadhāra chatramakrūro bhaktyā śrīkṛṣṇadeśanāt || 69 ||
[Analyze grammar]

ratnasiṃhāsane ramye rājā dadarśa darpaṇam |
śuśrāva puṇyavācaśca bhaṭṭabhikṣukavedinām || 70 ||
[Analyze grammar]

daduḥ śubhāśiṣastasmai devāśca munayo dvijāḥ |
brāhmaṇobhyo bhikṣukebhyo dadau ratnāni koṭiśaḥ || 71 ||
[Analyze grammar]

vastrānnabhojanapānasvarṇapātrāṇi bhūriśaḥ |
sarvebhyo dānapātrebhyo dadau dānāni mādhavaḥ || 32 ||
[Analyze grammar]

vāstuyajñaṃ hariḥ kṛṣṇaścakāra sarvamaṃgalaḥ |
bhojayāmāsa sarvāṃścā'nnāni tadrucirāṇi vai || 73 ||
[Analyze grammar]

sabhāyāṃ śrīkṛṣṇadevaṃ nemurlokanivāsinaḥ |
prāhuśca bhagavan ramyā dvārikā'timanoharā || 74 ||
[Analyze grammar]

tava bāhuparitrāṇā pāvanī pāpanāśinī |
purī naitādṛśī cātra brahmāṇḍe'nyā hi vartate || 75 ||
[Analyze grammar]

asmākaṃ yāni bhaumāni vismṛtānyeva darśanāt |
naitādṛśaṃ paraṃ divyaṃ sthānaṃ kvāpi vilokyate || 76 ||
[Analyze grammar]

ityevaṃ sā praśaṃsitā nagarī dvārakā suraiḥ |
atha kṛṣṇa upadāśca tebhyo dātuṃ pracakrame || 77 ||
[Analyze grammar]

tadā brahmādayo devā īśvarā lokapālakāḥ |
ṛṣayo munayo devyo devajātaya eva yāḥ || 78 ||
[Analyze grammar]

samudrāḥ sarito divyāḥ parvatāḥ kṣetrabhūmayaḥ |
araṇyāni ca dhāmāni pūryo vanāni cāpagāḥ || 79 ||
[Analyze grammar]

sarāṃsi ca taḍāgāśca śikharāṇi ca kandarāḥ |
devālayāstathā khātā akhātāḥ pāvanastarāḥ || 80 ||
[Analyze grammar]

mūrtimanto hariṃ natvā prārthayāmāsurādarāt |
bhagavanparameśāna tavāśiṣaḥ śubhāvahāḥ || 81 ||
[Analyze grammar]

śreyomokṣapradāḥ sarvā upadā nātiricyate |
upadāstu cārthayāmo yadi te rocate prabho || 82 ||
[Analyze grammar]

divyarūpaiḥ sadā'smābhiḥ stheyaṃ cātra pade tava |
tava yogānmahānando bhaviṣyatyeva naḥ sadā || 83 ||
[Analyze grammar]

pāvanāśca bhaviṣyāmastīrthasaṃghāstavaspṛśeḥ |
dvārakāyāṃ sadā'smāṃstvaṃ rakṣaya śrīhare prabho || 84 ||
[Analyze grammar]

kṛpāṃ kuru kṛpānātha vatsyāmo'tra pade tava |
anyatrā'smāsu pāpiṣṭhāḥ pāpāni kṣālayanti vai || 85 ||
[Analyze grammar]

datvā no yānti te sarve vayaṃ pāpena cāvṛtāḥ |
tava pāde patiṣyāmaḥ kṣālayiṣyāma eva ca || 86 ||
[Analyze grammar]

pāpāni ca bhaviṣyāmo pāvanāni pade tava |
tasmātprabho sadā''vāsa dehi cātra pure tava || 87 ||
[Analyze grammar]

yatra kvāpi prasīmnyatra vane tīre bahistathā |
paritaḥ pārśvataścāpi nivatsyāmaḥ sukhaṃ sadā || 88 ||
[Analyze grammar]

darśanaṃ te kariṣyāmo'mṛtaṃ pāsyāma eva te |
pādaprakṣālanapūtaṃ vahiṣyāmaḥ śiraḥsu ca || 89 ||
[Analyze grammar]

sārthakyaṃ janmanāmatra yāsyāmastava pādayoḥ |
ityarthanāṃ hariḥ śrutvā prāha sarvān prabhūn tadā || 90 ||
[Analyze grammar]

sarve vasantu sukhino dvārikāyāṃ yathāyatham |
nārado'yaṃ mama bhaktaḥ sthalīḥ sandarśayiṣyati || 91 ||
[Analyze grammar]

tīrthāni tāni yuṣmākaṃ bhaviṣyanti ca nāmabhiḥ |
tatra tatra sthale stheyaṃ mayā saha nirantaram || 92 ||
[Analyze grammar]

ityājñāṃ samanuprāpya śrīkṛṣṇasya parātmanaḥ |
sarvadevādhitīrthāni nyūṣurānartabhūstare || 93 ||
[Analyze grammar]

pūrve nagaraparyantaṃ dakṣiṇe raivatācalam |
uttarenārāyaṇākhyasaro'vadhi bhūvatsalam || 94 ||
[Analyze grammar]

sarvaṃ tīrthamayaṃ devamayaṃ pade pade'bhavat |
tataḥ kṛṣṇaśca tān sarvānāhūya kṛtavāsakān || 15 ||
[Analyze grammar]

bhāvataḥ pūjanaṃ kṛtvā bhojayāmāsa sadrasān |
sadannāni sumunyannottamāni peyavāri ca || 96 ||
[Analyze grammar]

pūjāṃ cakāra sarveṣāṃ munīnāṃ ca yathāyatham |
maṇiratnaṃ pravālaṃ ca suvarṇaṃ paramaṃ dhanam || 97 ||
[Analyze grammar]

muktāmāṇikyahīrādi hyāgatebhyo dadau mudā |
gajaratnaṃ dhenuratnaṃ ghoṭakāṃśca manoharān || 98 ||
[Analyze grammar]

āsanāni ca pātrāṇi bhūṣaṇāni maṇīṃstathā |
dhānyānyapi ca sasyāni vastrāṇi ca dadau bahūn || 99 ||
[Analyze grammar]

yānāni vāhanānyeva vimānāni ca mādhavaḥ |
dāpayāmāsa sāmagrīrgṛhayogyāśca keśavaḥ || 100 ||
[Analyze grammar]

dundubhīnvādayāmāsa kārayāmāsa maṃgalam |
sarvāṃśca bhojayāmāsa vāsayāmāsa sarvataḥ || 101 ||
[Analyze grammar]

atha tīrthāni cāhūya bhagavānāha tattvataḥ |
kalau samāgate pāpā bhaviṣyanti ca mānavāḥ || 102 ||
[Analyze grammar]

dvārikā divyanagarī teṣāmuddhārahetave |
sarvatīrthādhivāseyaṃ mayā vai sthāpitā bhuvi || 103 ||
[Analyze grammar]

kalikalmaṣakṛṣṇā ye janāścātra jale sthale |
tīrthavidhiṃ kariṣyanti yāsyanti dhāma te mama || 104 ||
[Analyze grammar]

janmamṛtyujarāvyādhiharaṃ harṣakaraṃ param |
śokasantāpaharaṇaṃ karmamūlanikṛntanam || 105 ||
[Analyze grammar]

dvārikāsthaṃ paraṃbrahma bhagavantaṃ ca māṃ harim |
dhyāyaṃ dhyāyaṃ ca māṃ bhaktiṃ labdhvā yāntu paraṃ padam || 106 ||
[Analyze grammar]

yadā kaliḥ samāyāti dharmamūlanikṛntanaḥ |
strīpuṃsorniyamau nāsti jātīnāṃ niyamo'pi na || 107 ||
[Analyze grammar]

vipre sandhyādikaṃ nāsti cihnaṃ yajñopavītakam |
yajñasūtraṃ ca tilakaṃ śeṣaṃ luptaṃ bhaviṣyati || 108 ||
[Analyze grammar]

divā vyavāyaniratā viratā dharmakarmaṇi |
bhaviṣyanti tathā caurā narā nāryo gṛhe gṛhe || 109 ||
[Analyze grammar]

yajñānāṃ ca vratānāṃ ca tapasāṃ lopa eva ca |
svacchandagāminīnārīvaśe patiḥ sadā bhavet || 110 ||
[Analyze grammar]

tāḍayed bhartsayed vā strī patiṃ nārī pradhānabhūḥ |
kalau ca yoṣitaḥ sarvā jārasevāsu tatparāḥ || 111 ||
[Analyze grammar]

śataputrasamasnehastāsāṃ jāre bhaviṣyati |
dadāti pataye bhakṣyaṃ yathābhṛtyāya kopataḥ || 112 ||
[Analyze grammar]

sasmitā sāmṛtadṛṣṭyā jāraṃ paśyati kāmataḥ |
viṣadṛṣṭyā krūradṛṣṭyā patiṃ paśyati roṣataḥ || 113 ||
[Analyze grammar]

satataṃ gauravaṃ tasyā snehaṃ jāre ca tādṛśe |
patyau karaprahāraṃ ca nityaṃ nityaṃ karoti vai || 114 ||
[Analyze grammar]

miṣṭānnaṃ śraddhayā bhaktyā jārāya pradadāti ca |
veṣayuktā ca satataṃ jārasevanatatparā || 115 ||
[Analyze grammar]

prāṇā bandhurgatiścātmā kalau jāraśca yoṣitaḥ |
luptā cātithisevā ca praluptaṃ viṣṇusevanam || 116 ||
[Analyze grammar]

pitṛdevārcanaṃ luptaṃ bhaviṣyati kalau yuge |
viṣṇuvaiṣṇavayordveṣakartāro mānavāḥ kalau || 117 ||
[Analyze grammar]

bhaviṣyanti vāmadharmagrahitāro janāstadā |
śālagrāmaṃ ca tulasīṃ kuśaṃ gaṃgodakaṃ tathā || 118 ||
[Analyze grammar]

na spṛśenmānavo dhūrto mlecchācāraparāyaṇaḥ |
kaleḥ pañcasahasrordhvaṃ madarcā tu vilupyati || 119 ||
[Analyze grammar]

catuḥsahasrakālordhvaṃ gaṃgā yamī sarasvatī |
tīrthāni viṣṇubhaktāśca vinaṃkṣyanti bhuvastale || 120 ||
[Analyze grammar]

etadante kalau sarve pagsparavimiśritāḥ |
ekavarṇā bhaviṣyanti cāṇḍālā balinaḥ śaṭhāḥ || 121 ||
[Analyze grammar]

pitroḥ sevā guroḥ sevā sevā ca devaviprayoḥ |
vivarjyate janaiḥ sarvaiścātithīnāṃ tathaiva ca || 122 ||
[Analyze grammar]

sasyahīnā bhavet pṛthvī vṛṣṭihīnā vasundharā |
phalahīnāstathā vṛkṣā jalahīnāstathā''pagāḥ || 1223 ||
[Analyze grammar]

vedahīno brāhaṇaśca balahīnaśca bhūpatiḥ |
jātihīnā janāḥ sarve mlecchā bhūpatayastathā || 124 ||
[Analyze grammar]

bhṛtyavat tāḍayet tātaṃ putraḥ śiṣyastathā gurum |
kāntaṃ ca tāḍayet kāntā lubdhakukkuṭavad gṛhī || 125 ||
[Analyze grammar]

dharmo layaṃ yadā yāto bhaviṣyati tadā janāḥ |
hṛdyeṣu mṛṣākalpā bhaviṣyanti kalau yuge || 126 ||
[Analyze grammar]

svārtha eva susambandho bhaviṣyati navo navaḥ |
pratārakāḥ kalipuṣṭā bhaviṣyanti gurūttamāḥ || 127 ||
[Analyze grammar]

adhamebhyopyadhamāśca nīcakarmāṇa eva ca |
harerbhaktiṃ vinā naiva tariṣyanti kalau khalāḥ || 128 ||
[Analyze grammar]

teṣāmuddharaṇārthāya dvārakā sarvapāvanī |
sarvatīrthamayī bhūmiḥ kāleyatāraṇakṣamā || 129 ||
[Analyze grammar]

yatra nāsti kalerleśastādṛśī sthāpitā bhuvi |
tatra snānaṃ darśanaṃ ca vrataṃ cārcanamarthanam || 130 ||
[Analyze grammar]

bhajanaṃ jalapānaṃ ca rajaḥsnānaṃ ca kīrtanam |
kariṣyanti janā bhāvāt te yāsyanti paraṃ padam || 131 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne divyadvārikāvarṇanaṃ śrīkṛṣṇatmatā'saṃkhyasuramunyādyāgamanatatpūjanatannivasana tattīrthamāhātmyakalitāraṇapratāpāścetyādinirūpaṇanāmā'ṣṭādaśādhikadviśatatamo'dhyāyaḥ || 218 ||
[Analyze grammar]