Chapter 213

śrīlakṣmīruvāca |
ṛṣivaṃśamaha śrotumicchāmi pāvanaṃ prabhau |
saṃkṣepāt tata samākhyāhi śrutvā hṛt pāvanāyate || 1 ||
[Analyze grammar]

śrīnārāyaṇa uvāca |
kaśyapo gotrakāmastu cacāra paramaṃ tapaḥ |
gotrasūtrau sutau me ca bhavetāmityacintayat || 2 ||
[Analyze grammar]

asito'pi ca vatsāro vrahmarūpau babhūvatuḥ |
vatsārasya nidhruvaśca raibhyaśceti sutāvubhau || 3 ||
[Analyze grammar]

raibhyāśca ṛṣayo raibhyāḥ saṃjātā bahukīrtayaḥ |
nidhruvasya sumedhāśca jātāśca kuṇḍapāyinaḥ || 4 ||
[Analyze grammar]

asitasyaikaparṇāyāṃ brahmiṣṭhaḥ samajāyata |
nidhruvāḥ śāṇḍilā raibhyāstrayaḥ ete tu kāśyapāḥ || 5 ||
[Analyze grammar]

devalasya varā prakhyā ṛṣayo hyabhavaṃstathā |
mānasasya ca riṣyantastasya dama iti smṛtaḥ || 6 ||
[Analyze grammar]

damasya tṛṇabinduśca maharṣiḥ samajāyata |
tṛṇabindusutā tviḍavilā pulastyasaṃpriyā || 7 ||
[Analyze grammar]

tasmācca viśravā jātastatpatnī devavarṇinī |
bṛhaspaterbṛhatkīrtistasyaiṣā kanyakā matā || 8 ||
[Analyze grammar]

tasyāṃ vaiśravaṇaḥ kubero vai jātaḥ kurūpakaḥ |
atrerdattaśca durvāsāścadraśceti trayaḥ sutāḥ || 9 ||
[Analyze grammar]

kaśyapānnāradaścaiva parvato'rundhatī tathā |
arundhatyāṃ vaśiṣṭhasya śaktiḥ putro'bhavacchubhaḥ || 10 ||
[Analyze grammar]

pulastyasya rāvaṇaśca kuṃbhakarṇo vibhīṣaṇaḥ |
tadvaṃśā rākṣasā jātā brāhmaṇā api sākṣarāḥ || 11 ||
[Analyze grammar]

bhṛgoḥ khyātirajījanat dhātṛvidhātṛsaṃjñakau |
ekāṃ kanyāṃ śrīṃ ca patnī jyeṣṭhā nārāyaṇasya sā || 12 ||
[Analyze grammar]

sādhvi nārāyaṇīyau ca balotsāhau sutau mama |
dhāturbhāryā niyatiśca vidhātustvāyatirmatā || 12 ||
[Analyze grammar]

tayoḥ putrau kramāt pāṇḍurmṛkaṇḍuśca sanātanau |
mṛkaṇḍośca manasvinyāṃ mārkaṇḍeyo vyajāyata || 14 ||
[Analyze grammar]

tasya vedaśirāḥ putro mūrdhanyāyāṃ vyajāyata |
tasya vaṃśo'bhavat sarvo mārkaṇḍeya itiprathaḥ || 15 ||
[Analyze grammar]

pāṇḍoḥ puṇḍarikāyāṃ ca dyutimān sṛjamānakaḥ |
tayoḥ putrāḥ prapautrāśca bhārgavāste prakīrtitāḥ || 16 ||
[Analyze grammar]

patnī marīceḥ saṃbhūtiḥ pūrṇamāsama vyajījanat |
kuṣṭiṃ puṣṭiṃ tviṣāṃ cā'pacitiṃ kanyācatuṣṭayam || 17 ||
[Analyze grammar]

pūrṇamāsaḥ sarasvatyāṃ virajaṃ parvasaṃ sutau |
virajasya sudhāmā'bhūt tasya vairājanāmakaḥ || 18 ||
[Analyze grammar]

gaurīputraḥ sudharmā ca lokapālo'bhavat tadā |
parvasaḥ parvasāyāṃ tu yajñavāmaṃ ca kāśyapam || 19 ||
[Analyze grammar]

āṃgirasaḥ smṛtirvyajījanat kanyācatuṣṭayam |
sinīvālīṃ kuhūṃ rākāmanumatiṃ ca kanyakāḥ || 20 ||
[Analyze grammar]

bharatāgniṃ kīrtimantaṃ putrau dvau lokaviśrutau |
agneḥ putrastu parjanyaḥ sahatyāṃ samajāyata || 11 ||
[Analyze grammar]

hiraṇyaromā parjanyāt mārīcyāṃ samabhūtsutaḥ |
kṣamā tu suṣuve putrān pulahasya prajāpateḥ || 22 ||
[Analyze grammar]

kardamaścāmbarīṣaśca sahiṣṇuśceti te trayaḥ |
ūrjāyāṃ tu vasiṣṭhasya vāsiṣṭhā bahavo'bhavan || 23 ||
[Analyze grammar]

vāśiṣṭheṣu kāśyapeṣu tathā bhagvaṃgiro'triṣu |
pañcasveteṣu jāyante gotreṣu brahmavādinaḥ || 24 ||
[Analyze grammar]

kratoḥ putrā vālakhilyā bhṛgoḥ śukraḥ suto'bhavat |
tvaṣṭā varūtrī śaṇḍaścā'markaśceti kaveḥ sutāḥ || 25 ||
[Analyze grammar]

yajanyāṃ devayānī ca śukrasya duhitā' bhavat |
triśirā viśvarūpastu tvaṣṭuḥ putro'bhavanmahān || 26 ||
[Analyze grammar]

yaśodharāyāmutpanno viśvakarmā'nujaḥ sutaḥ |
pracetasaścyavano'bhūt cyāvaneyāstato matāḥ || 27 ||
[Analyze grammar]

bhārgavasya ātmavāṃśca dadhīcaścetyubhau sutau |
ātmavataścorudeśādaurvaḥ prasamajāyata || 28 ||
[Analyze grammar]

ṛcīkasya jamadagniḥ satyavatyāṃ vyajāyata |
jamadagneḥ parśurāmo reṇukāyāṃ vyajāyata || 29 ||
[Analyze grammar]

atharvaṇasya dāyādo bṛhaspatiśca dhiṣṇukaḥ |
saṃvartaśca vicittiśca hyutathyo vāmadevakaḥ || 30 ||
[Analyze grammar]

utathyasya śaradvāṃśca hyete ātharvaṇā matāḥ |
bṛhaspaterbharadvājo bhāradvājaśca tatsutaḥ || 31 ||
[Analyze grammar]

marīcestvariṣṭanemiḥ kaśyapaśceti vai sutau |
somasya tu budhaḥ putro budhasya tu purūravā || 32 ||
[Analyze grammar]

tasya hyamāvasurattasya bhīmastasya ca kāṃcanaḥ |
tasya suhotrastasya jahnuryajjānostu jāhnavī || 33 ||
[Analyze grammar]

jahnorbhāryā ca kāverī tasyāṃ jātaḥ suhotrakaḥ |
tasyā'jakaśca tasyāpi balākāśca itīritaḥ || 34 ||
[Analyze grammar]

tasya kuśastasya sutaḥ kuśiko gādhināmakaḥ |
tasya viśvāmitraḥ putro brahmarṣirabhavatpurā || 35 ||
[Analyze grammar]

viśvāmitrasya putrastu devarāta iti smṛtaḥ |
kauśikā bahavo jātāḥ ṛṣayo vai tapodhanāḥ || 36 ||
[Analyze grammar]

viśvāmitraśca māndhātā saṃskṛtiśca kapistathā |
kapestu purukutsaśca satyaścānṛhavānṛthuḥ || 37 ||
[Analyze grammar]

ārṣṭiṣeṇo'jamīḍhaśca bhāgānyo'nyastathaiva ca |
kākṣīvaścaiva śijayastathā'nye ca mahārathāḥ || 38 ||
[Analyze grammar]

rathītaraśca rundhaśca viṣṇuvṛddhādayo nṛpāḥ |
kṣatropetāḥ smṛtā hyete tapasā ṛṣitāṃ gatāḥ || 39 ||
[Analyze grammar]

pururavasastvāyustasya sutahotrasaṃjñakaḥ |
tasya gṛtsamadastasya śunakastasya śaunakaḥ || 40 ||
[Analyze grammar]

suhotrasya śalastasya hyārṣṭiṣeṇastaponidhiḥ |
suhotrasya sutaḥ kāśastasya dīrghatapāḥ sutaḥ || 41 ||
[Analyze grammar]

dīrghatapasaḥ suputro vidvān dhanvantariḥ prabhuḥ |
dhanvantare ketumāṃśca divodāsaśca tatsutaḥ || 42 ||
[Analyze grammar]

tasya pratardanaḥ putrastasya gargaśca vatsakaḥ |
vatsaputro hyalarkaśca sannatistasya cātmajaḥ || 43 ||
[Analyze grammar]

tasya vaṃśe ca gārgyo vatsasya vātsyo'bhavadṛṣiḥ |
brāhmaṇāḥ kṣatriyāścaite maharṣayo'bhavaṃstathā || 44 ||
[Analyze grammar]

marutto hyabhavadrājā maharṣiḥ sātvataḥ paraḥ |
nahuṣasya yayātyādyā dhārmikā hyabhavan nṛpāḥ || 45 ||
[Analyze grammar]

ūśijo mamatāyāṃ ca dīrghatamā hyajāyata |
baleḥ kṣetre sudeṣṇāyāṃ dīrghatamo'karotsutam || 46 ||
[Analyze grammar]

sa kakṣīvānabhavacca tatputrāstu sahasraśaḥ |
ātreyo vaṃśajo medhātithiḥ kāṇṭhāyanā dvijāḥ || 47 ||
[Analyze grammar]

vṛhaspatermamatāyāṃ bharadvājo'bhavat sutaḥ |
tasya vaṃśe'bhavat trayyāruṇirnāmarṣipuṃgavaḥ || 48 ||
[Analyze grammar]

bṛhatkṣatrasya putro'bhūt suhotrasaṃjñakaḥ ṛṣiḥ |
tasya vaṃśe'bhavanmedhātithirnāma ṛṣirmahān || 49 ||
[Analyze grammar]

pauravaśca kauthumo'bhūt sāmavedasya śākhayā |
rikṣasya mudgalaḥ putro maudgalyāstasya vaṃśajāḥ || 50 ||
[Analyze grammar]

ahalyāyāḥ śatānandastasya sutaśca suvrataḥ |
cyavanasyoparicaravasustasya kuśāgrakaḥ || 51 ||
[Analyze grammar]

kuśāgrasya sutaḥ ṛṣabhākhyastasyārṣabharṣayaḥ |
brahmakṣatrā ime proktāḥ ṛṣayo lokapāvanāḥ || 52 ||
[Analyze grammar]

bhavantyanye'pi pṛthivyāmṛṣayo vedabodhakāḥ |
tāpasāścāpi jāyante tairvai saṃrakṣitaṃ jagat || 53 ||
[Analyze grammar]

karmakāṇḍaparāḥ kecit kecidbrahmaparāstathā |
kecidyogaparāścānye tapomātraparāstathā || 54 ||
[Analyze grammar]

siddhiparāstathā cānye hyupāsanāditatparāḥ |
bhavantyeva paraśreyaḥ pradāste puṇyaśālinaḥ || 55 ||
[Analyze grammar]

mukhyā hyete maharṣayo madaṃśasaṃbhavāḥ khalu |
kathitāste mahālakṣmi kimanyacchrotumicchasi || 56 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne brahmakṣatrarṣāṇāṃ vaṃśādipradarśananāmā trayodaśādhikadviśatatamo'dhyāyaḥ || 213 ||
[Analyze grammar]