Chapter 208

śrīnārāyaṇa uvāca |
śṛṇu lakṣmi tato yayau nāradaḥ somakuṇḍakam |
tapaścacāra bhagavān somo yatra sthale purā || 1 ||
[Analyze grammar]

atrestu tanayaḥ somaḥ divyaṃ svargasukhaṃ mahat |
gandharvebhyo'sakṛcchrutvā pitaraṃ prāptikāraṇam || 2 ||
[Analyze grammar]

papraccha ca punaḥ prāha bhavāmyahaṃ yathā pitaḥ |
grahanakṣatratārāṇāmoṣadhīnāṃ patiḥ paraḥ || 3 ||
[Analyze grammar]

tathā me sādhanaṃ brūhi śrutvā'triḥ samuvāca tam |
tapasā prāpyate sarvaṃ samārādhya hariṃ tathā || 4 ||
[Analyze grammar]

na cāsti durlabhaṃ kiñcitsādhūnāmubhayatra vai |
tādṛśaṃ ca paraṃ tīrthaṃ badrikāśramamasti hi || 5 ||
[Analyze grammar]

śrutvā jagāma badarīṃ somo viṣṇoḥ prapūjanam |
aṣṭākṣaramanorjāpapūrvakaṃ pracakāra vai || 6 ||
[Analyze grammar]

aṣṭāśītisahasrāṇi varṣāṇi bhagavatparaḥ |
nityatriṣavaṇasnāyī tapastepe'tidāruṇam || 7 ||
[Analyze grammar]

śrīharistattapasā ca prasannaḥ san samāgataḥ |
somaṃ provāca tu varaṃ varayeti muhurmuhuḥ || 8 ||
[Analyze grammar]

somo natvā hariṃ tatra daṃḍavat prahasaṃstadā |
grahanakṣatratārāṇāmoṣadhīnāmahaṃ patiḥ || 9 ||
[Analyze grammar]

dvijānāmapi sarveṣāṃ bhūyāsaṃ te prasādataḥ |
hariḥ prāha na te tādṛk tapo'styanyadvṛṇuṣva ca || 10 ||
[Analyze grammar]

somo nānyaṃ yayāce vai varaṃ tepe punastapaḥ |
triṃśadvarṣasahasrāṇi tataśca bhagavānagāt || 11 ||
[Analyze grammar]

varaṃ varaya somaṃ ca prāha somo'pi tādṛśam |
vavre śrutvā'ntardadhe ca hariḥ somaḥ punastadā || 12 ||
[Analyze grammar]

catvāriṃśatsahasrāṇi tapastepe'tidāruṇam |
tatastuṣṭo haristatra śaṃkhacakragadābjadhṛk || 13 ||
[Analyze grammar]

prāvirbabhūva covāca vṛṇuṣva varadānakam |
somaḥ prāha yadi tuṣṭastaṃ varaṃ saṃprayaccha me || 14 ||
[Analyze grammar]

grahanakṣatratārāṇāmādhipatyaṃ prayaccha me |
tathauṣadhīnāṃ viprāṇāṃ yāminyāśca jagatpate || 15 ||
[Analyze grammar]

bhagavānāha somaṃ vai prārthitaṃ durlabhaṃ tvayā |
tathāpi vitarāmyadya bhava rājā tathāvidhaḥ || 16 ||
[Analyze grammar]

tato divaukasaḥ sarve militā badarīvane |
abhiṣiṣicurvidhivatsomaṃ rājānamādṛtāḥ || 17 ||
[Analyze grammar]

tato vimānamāruhya rājā bhūtvā niśākaraḥ |
divaṃ yātaśca tīrthaṃ tatsomakuṇḍeti viśrutam || 18 ||
[Analyze grammar]

darśanādgatadoṣāḥ syuḥ somalokaṃ prayānti ca |
tatsparśanād yadvā snānādviṣṇulokaṃ prayānti ca || 19 ||
[Analyze grammar]

na teṣāṃ punarāvṛttiḥ kalpakoṭiśatairapi |
trirātreṇa sthito mantraṃ japan siddhiṃ suvindati || 20 ||
[Analyze grammar]

somatīrthaṃ tadā kṛtvā yayau śrīnārado muniḥ |
dvādaśā''dityatīrthe saḥ snānaṃ cakre vidhānataḥ || 21 ||
[Analyze grammar]

kaśyapasyā'diteḥ putrāstapastaptvā'tidāruṇam |
ādityāḥ sūryatāṃ prāptāstīrthaṃ pāpaharaṃ hi tat || 22 ||
[Analyze grammar]

ravivāreṣu saptamyāṃ saṃkrāntyāṃ vidhivajjanaḥ |
snānena saptajanmā''ptapāpanāśaṃ karoti hi || 23 ||
[Analyze grammar]

pārākakṛchravrataṃ tu vidhivacca karoti yaḥ |
sūryaloke sukhaṃ bhuktvā viṣṇulokaṃ prayāti saḥ || 24 ||
[Analyze grammar]

snātvā pītvā mahārogānmucyate nātra saṃśayaḥ |
tīrthaṃ kṛtvā yayau catuḥsrotaṃ tīrthavaraṃ tataḥ || 25 ||
[Analyze grammar]

dharmārthakāmamokṣāśca vartante'tra dravātmakāḥ |
pūrvādidikṣu kramaśo bhūtānāṃ muktirūpakāḥ || 26 ||
[Analyze grammar]

vartante'tra pare kṣetre harerājñānusārataḥ |
nānyakṣetre milantyete devānāmapi durlabhaḥ || 27 ||
[Analyze grammar]

puruṣārthānmūrtimantaste paśyantyatra sāttvikāḥ |
yaistu puṇyānyarjitāni nārāyaṇasya sevayā || 28 ||
[Analyze grammar]

pumarthatīrthe brahmādyāḥ ṛṣayo munayastathā |
parvaṇi prayatāḥ snātumāyānti tatprasiddhaye || 29 ||
[Analyze grammar]

tattīrthaṃ samanuṣṭhāya yayau śrīnārado naraḥ |
tīrthaṃ satyapadaṃ nāma trikoṇakuṇḍamaṇḍitam || 30 ||
[Analyze grammar]

brahmā viṣṇuśca rudraśca trikoṇasthāḥ samāhitāḥ |
tapaḥ kurvanti lokānāṃ toṣāya saharṣibhiḥ || 31 ||
[Analyze grammar]

ekādaśyāṃ haristatra svayamāyāti pāvanaḥ |
ṛṣayo munayaścaiva surāścānye tapodhanāḥ || 32 ||
[Analyze grammar]

snātumāyānti kuṇḍe'tra harerbhaktiparāyaṇāḥ |
japaṃ tapaḥ stutiṃ dhyānaṃ vaṃdanaṃ pūjanaṃ hareḥ || 33 ||
[Analyze grammar]

kurvatāṃ brahmaṇā puṇyapuñjaṃ vaktuṃ na pāryate |
snātvā kṛtvā copavāsaṃ pūjayitvā hariṃ prabhum || 34 ||
[Analyze grammar]

jīvanmuktaścātra bhūtvā brahmamuktastato bhavet |
snātvā prāpya satyalokaṃ tato mokṣapadaṃ vrajet || 35 ||
[Analyze grammar]

gandharvā'psarasāṃ yatra madhyāhne harivāsare |
gānaṃ divyaṃ śrūyate vai satyavrataparāyaṇaiḥ || 36 ||
[Analyze grammar]

darśanātpātakādīni līyante tatpratāpataḥ |
yayau tīrthavidhiṃ kṛtvā naranārāyaṇāśramam || 37 ||
[Analyze grammar]

tīrthaṃ tīrthādimūrdhanyaṃ jalaṃ paramanirmalam |
dvividhaṃ dṛśyate tatra śvetaṃ cā'śvetamityapi || 38 ||
[Analyze grammar]

tatra snātvā pūjayitvā hariṃ pāpāt pramucyate |
tatra tīrthavidhiṃ kṛtvā hyurvaśītīrthamuttamam || 39 ||
[Analyze grammar]

yayau nārāyaṇā''vāsaśikhare vimalaṃ jalam |
vartate yatra śaityāḍhyaṃ nārado munirāṭ tataḥ || 40 ||
[Analyze grammar]

papraccha ca naraṃ tasya vṛttāntaṃ prāha vai naraḥ |
dharmasya patnī mūrtyāsīnnaranārāyaṇau tayoḥ || 41 ||
[Analyze grammar]

putrau jātau tu bhagavān harirakṣaradhāmavān |
naro'kṣara iti prokto nārāyaṇo hariḥ svayam || 42 ||
[Analyze grammar]

tau ca tapo vidhātuṃ vai sthitau ca nagayordvayoḥ |
pitroḥ samājñayā śaśvat tepāte dāruṇaṃ tapaḥ || 43 ||
[Analyze grammar]

prajārakṣārthamevaitau dharmarakṣārthamityapi |
indrastattapasā bhīto rājyanāśābhiśaṃkitaḥ || 44 ||
[Analyze grammar]

preṣayāmāsa sagaṇaṃ kāmaṃ vasantapārśvakam |
harṣaḥ premā tathā bāṇāḥ dhanuścāpsarasastathā || 45 ||
[Analyze grammar]

pavanaśca sugandhāḍhyaḥ śītalo modakṛttathā |
meghakaṇairmiśritaśca niśāyāḥ samayaḥ śubhaḥ || 46 ||
[Analyze grammar]

cāndrajyotsnāpi dhavalā kokilāścātakāstathā |
mayūrā gāyakāścaiva nartakā vādakāstathā || 47 ||
[Analyze grammar]

evaṃ sarve militvaiva na nyūnaṃ sādhanaṃ bhavet |
tathendrasyā''jñayā sarve kāmena saha saṃgatāḥ || 48 ||
[Analyze grammar]

yayuryatra naranārāyaṇau tapataḥ sanmunī |
prathamaṃ candramāstatra jyotsnāṃ vistārayan sthitaḥ || 49 ||
[Analyze grammar]

sarvaṃ śāntaṃ ca dhāvalyadhautamivā'bhavattalam |
niśā'pi rājasaṃ vegamacchatimirabhāsayā || 50 ||
[Analyze grammar]

samaprāsārayattatra samayo'pi ca rājasaḥ |
rajaḥsaṃkalpamādadhan prottejako'bhavanmuhuḥ || 51 ||
[Analyze grammar]

kokilā devalokasthā menāścaiva mayūrakāḥ |
kūjanāni miṣṭaśabdān kekāścārebhire śanaiḥ || 52 ||
[Analyze grammar]

āmrāḥ puṣpairmañjarībhiḥ śobhante kāmabodhakāḥ |
vasanto vṛkṣavallīṣu surabhipuṣparūpabhāk || 53 ||
[Analyze grammar]

sugandhāḍhyāstadā jāto mandaśca śītalo'nilaḥ |
gāyakā nartakāḥ sarve vādakāścānurūpataḥ || 54 ||
[Analyze grammar]

gāyanaṃ nartanaṃ vādyaṃ hyakurvan kāmamiśritam |
harṣaḥ premā viviśaturnaranārāyaṇau tadā || 55 ||
[Analyze grammar]

dhanuṣā mohanādyāśca bāṇāḥ kṣiptā manobhuvā |
apsarasāṃ gaṇo divyo hāvabhāvavilāsakṛt || 56 ||
[Analyze grammar]

vividhāṃgapracālanapradarśanapramohanam |
cakāronapañcadaśavarṣarūpadharastadā || 57 ||
[Analyze grammar]

naranārāyaṇayośca pādau mamarda bhāvataḥ |
cucumba bahudhā pārśve gatvā gatvā punaḥ punaḥ || 58 ||
[Analyze grammar]

kāmasparśāṃstathā cakre gaṇḍahastakasakthiṣu |
kāmo mumoca vai bāṇān pariśramamagāt tataḥ || 59 ||
[Analyze grammar]

sarvavikārayoge'pi naranārāyaṇau yathā |
sthitau tu niścalanetrau tapasyeva tathā sthitau || 60 ||
[Analyze grammar]

manāgapi na calitau dhyānamagnau tathā sthitau |
samājaśca tadā kāmadevasya niṣphalo'bhavat || 61 ||
[Analyze grammar]

tapodhvaṃsaṃ prakartuṃ te samarthā nā'bhavanyadā |
vimanaskā gatāḥ sarve mahendramūcurasthirāḥ || 62 ||
[Analyze grammar]

na tatrā'smadbalaṃ kiñcidvikramate hi niṣphalam |
sarvaṃ jātaṃ kṛtaṃ yadyat kūrmaścājñāṃ yathā hareḥ || 63 ||
[Analyze grammar]

indraḥ śrutvā ca tānsarvān nītvā tatsthalamāyayau |
punaḥ kāmaprayogāṃśca kārayāmāsa tāṃstathā || 64 ||
[Analyze grammar]

niṣphalā abhavan samyak samādhisthahareḥ puraḥ |
nārāyaṇaḥ svayaṃ dhyānādutthāyā''ha samāgatān || 65 ||
[Analyze grammar]

kimarthamāgatā yūyamātithyaṃ gṛhyatāmiti |
ityuktvā phalamūlāni tebhyo dadau sa bhūriśaḥ || 66 ||
[Analyze grammar]

nārāyaṇastataḥ prāha naraṃ paśyendramaṇḍalam |
apsarobhirmahendro'yaṃ garvaṃ karoti mānase || 67 ||
[Analyze grammar]

naitādṛśyo'nyatra santi mohikā vai surāṃganāḥ |
na ca jānātyayaṃ me tvaiśvaryaleśaṃ vimohitaḥ || 68 ||
[Analyze grammar]

mayaiva racitāḥ sarvā mayi līnā bhavanti ca |
mayaiva poṣitā rūpavatyo jānāti naiva saḥ || 69 ||
[Analyze grammar]

tasmādānaya cāmrāṇāṃ mañjarīrgaccha mā ciram |
tāśca vāmena sakthnā tvaṃ mardayā'tra hi sannidhau || 70 ||
[Analyze grammar]

naraiṇaivaṃ kṛte tatrotpannā nārī mahojjvalā |
ūrorjātā corvaśī sā dvādaśādvāpi kāmukī || 71 ||
[Analyze grammar]

rūpānurūpā'vayavā yadagre'psaraso'sitāḥ |
nistejaskāstadā jātāḥ kāmo'pi garvakhaṇḍitaḥ || 72 ||
[Analyze grammar]

indro mlānānano jāto dṛṣṭvorvaśīṃ navīkṛtām |
yasya sparśena puṣpādvai śreṣṭhaṃ trilokasundaram || 73 ||
[Analyze grammar]

nārīratnaṃ samutpannaṃ kastaṃ mohayituṃ kṣamaḥ |
matvaivaṃ ca kṣamāyācanārthaṃ nārāyaṇaṃ yayau || 74 ||
[Analyze grammar]

patitaḥ pādayoḥ śīghraṃ trāhi kṛtāparādhataḥ |
uvāca vihvalo bhūtvā cāparādhīva mānavaḥ || 75 ||
[Analyze grammar]

nārāyaṇastadā prāha tava kāryaṃ kṛtaṃ tvayā |
gaṇayāmi nā'parādhaṃ svargaṃ yāhi sukhī bhava || 76 ||
[Analyze grammar]

tapaścarāmi lokānāṃ prasukhārthaṃ na tṛṣṇayā |
rājyasya tava cānyasya pārameṣṭhyasya vā kṛte || 77 ||
[Analyze grammar]

na me tṛṣṇāsti rājyasya na te rājye spṛhā mama |
vaikuṇṭhaṃ cidacitsarvaṃ mama rājyaṃ hi śāśvatam || 78 ||
[Analyze grammar]

mayā kṛtamidaṃ viśvaṃ nāhaṃ muhyāmi tatra vai |
tvaṃ yathā prākṛtaṃ matvā mohayituṃ ca tāpasam || 79 ||
[Analyze grammar]

kṛtavānvai śramaṃ sarvaṃ vṛthā nārāyaṇe mayi |
indro nārāyaṇaṃ natvā mohito corvaśīmaye || 80 ||
[Analyze grammar]

māyākārye surūpe ca yayāce tāṃ hareḥ punaḥ |
bhagavannīdṛśaṃ ratnaṃ tāpasānāṃ ca vighnakṛt || 81 ||
[Analyze grammar]

svargayogyaṃ ca me bhāti nā'nayā te prayojanam |
dehi tasmācca me nātha yāce'haṃ kiṃkarastava || 82 ||
[Analyze grammar]

punarnaivā'parādhaṃ vai kariṣye te tapovidhau |
nārāyaṇena śrutvaitaddattorvaśī ca sundarī || 83 ||
[Analyze grammar]

indrāya so'pi hṛṣṭaḥ san yayau svargaṃ samaṇḍalaḥ |
yatrorvaśī samutpannānarasakthipramardanāt || 84 ||
[Analyze grammar]

tatsthale jalasampannamurvaśīkuṇḍatīrthakam |
tatra snātvā vidhānena hyupoṣya rajanīdvayam || 85 ||
[Analyze grammar]

pūjayitvā hariṃ tatra naro nārāyaṇo bhavet |
sakāmasya corvaśīsannibhā devī bhaved divi || 86 ||
[Analyze grammar]

urvaśīkuṇḍamāsādya kāmanāprabalo janaḥ |
urvaśīlokamāpnuyāt snānamātreṇa bhāvataḥ || 87 ||
[Analyze grammar]

sadaiva bhagavāṃstatra corvaśīkuṇḍasannidhau |
prāṇināṃ kampayan śreyastapomūrtirvyavasthitaḥ || 88 ||
[Analyze grammar]

kīṭāḥ pataṃgāḥ śakuntā hasanti divi devatāḥ |
bhuktimuktisamāyuktā vayaṃ yūyaṃ vimuktidāḥ || 89 ||
[Analyze grammar]

urvaśīkuṇḍamāsādya dinamekaṃ vasennaraḥ |
urvaśīdakṣiṇe bhāge hyāyudhāni jagatpateḥ || 90 ||
[Analyze grammar]

vidyante darśanātteṣāṃ na śastrabhayabhāgbhavet |
bahūni santi tīrthāni girau nārāyaṇāśrite || 91 ||
[Analyze grammar]

tānyahaṃ veda sarvāṇi nānyo vai prākṛto janaḥ |
ya idaṃ śṛṇuyādbhaktyā śrāvayedvā samāhitaḥ || 92 ||
[Analyze grammar]

paṭhedvā pāṭhayettasya tattattīrthaphalaṃ bhavet |
sarvapāpāni nirdhūya sālokyaṃ prāpnuyāddhareḥ || 93 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne somakuṇḍatīrthādityatīrtha catuḥpuruṣārthatīrthorvaśīsamutpattitīrthādivarṇananāmā'ṣṭā'dhikadviśata |
tamo'dhyāyaḥ || 208 ||
[Analyze grammar]