Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 182 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
athālpasamaye kānte menā mohavaśā priye |
uvāca haimaṃ śailendraṃ prahvībhūtamanomayī || 1 ||
[Analyze grammar]

daridrāya na dātavyā dātavyā dhanine sutā |
vivāhaṃ kuru kanyāyāḥ sundareṇa vareṇa hi || 2 ||
[Analyze grammar]

prāṇapriyā mama putrī komalā bhāgyaśālinī |
vardhitā vividhairbhogyaiḥ sukhasampatsamṛddhibhiḥ || 3 ||
[Analyze grammar]

ato'syāśca vivāho'pi sarvasampanmaye gṛhe |
vareṇa sulakṣaṇasatkulodbhūtena yujyate || 4 ||
[Analyze grammar]

sadvaraṃ prāpya sukhinī yathā syāttattathā kuru |
śrutvā menāṃ tu śailendraḥ prāha śaṃkānivṛttaye || 5 ||
[Analyze grammar]

bhramaṃ tyaja priye patni dātavyā śaṃkarāya vai |
yadyasti te pratītirvai tadā dāsye'nyathā nahi || 6 ||
[Analyze grammar]

yadi snehaḥ sutāyāste sutāṃ śikṣaya sādaram |
śivopari tapaḥ kuryāt tapasā sādhyate śivaḥ || 7 ||
[Analyze grammar]

prasannaśca haro bhūtvā kālyāḥ pāṇiṃ grahīṣyati |
sarvaṃ vai śaṃkare cāsti sukhaṃ dravyaṃ smṛddhyādikam || 8 ||
[Analyze grammar]

amaṃgalāni sarvāṇi maṃgalāni śive sadā |
sarvavidhāni saukhyāni vartante ca śive sadā || 9 ||
[Analyze grammar]

akhaṇḍavīryatā śaṃbhau svāmitā suranākinām |
pūjyatā lokināṃ śaṃbhau hetutā bhūtadehinām || 10 ||
[Analyze grammar]

pṛthvī jalaṃ tathā tejaḥ pavano gaganaṃ tathā |
sūryacandrādayo yasya tanavaḥ santi sarvadā || 11 ||
[Analyze grammar]

śaṃbhostasya tanuṣveva nihitāḥ sarvasmṛddhayaḥ |
śivārthaṃ tapase putryai vinirdiśa śubhaṃ bhavet || 12 ||
[Analyze grammar]

menā śrutvā tapaḥ drākca sutāṃ saṃlokya komalām |
kṣaṇaṃ tu vivyathe sutāmupadeṣṭuṃ śaśāka na || 13 ||
[Analyze grammar]

atha sā pārvatī jñātvā provāca jananīṃ tadā |
mātaḥ śṛṇu mayā dṛṣṭaḥ svapno brāhmamuhūrtake || 14 ||
[Analyze grammar]

viprastapasvī suprītaḥ provāca vihituṃ tapaḥ |
śaṃkarasyetyupādiśya kṛtvā bhāle sucandrakam || 15 ||
[Analyze grammar]

karau manmastake datvā dhṛtvā māṃ vakṣasi svake |
āśīḥ prayujya gatavān surūpaḥ śaṃkaro yathā || 16 ||
[Analyze grammar]

tasmāttapaḥ kariṣye'haṃ smṛtvā taṃ puruṣaṃ hṛdi |
śrutvaitatsvapnamevārthaṃ kathayituṃ jagāma sā || 17 ||
[Analyze grammar]

giriṃ tāvat girīndro'pi svakaṃ svapnamuvāca ha |
śṛṇu mene'dya me svapne tapasvī jana āgataḥ || 18 ||
[Analyze grammar]

nāradoktasvarūpaḥ saḥ puropakaṇṭhamādarāt |
tapaḥ kartuṃ pravṛttaśca tatrā'haṃ nītavān sutām || 19 ||
[Analyze grammar]

mayā tu lakṣaṇairjñātaḥ śaṃkaro'yamiti dhruvam |
sevāyāṃ pārvatīṃ tasyopādiśyā'haṃ tapasvinaḥ || 20 ||
[Analyze grammar]

prārthitavāṃśca taṃ bālaṃ nāṃgīcakāra vai yadā |
mayā vedāntavijñānairbahudhā vāda ādṛtaḥ || 21 ||
[Analyze grammar]

yathākathaṃcit sa tato bālāṃ jagrāha sevane |
sāpi premṇā pārvatī taṃ sevate lokitaṃ mayā || 22 ||
[Analyze grammar]

tato'sti samayaḥ prāptaḥ samīpe phaladāyakaḥ |
pārvatīṃ tapase mene śikṣayā'cirasiddhaye || 23 ||
[Analyze grammar]

śrutvā menā'bhavad hṛṣṭā śikṣayāmāsa pārvatīm |
sāpi śaṃbhuṃ sadā dhyātvā tapase saṃsthitā satī || 24 ||
[Analyze grammar]

phalāni bhojane devī gṛhṇātyekasubhaktake |
yoginīva triṣavaṇaṃ snānaṃ śaṃkarapūjanam || 25 ||
[Analyze grammar]

mālikāyāḥ sahasraṃ tu śaṃbhunāmnā'nuvartanam |
netre sammīlya svastikāsane niṣadya cintanam || 26 ||
[Analyze grammar]

prātaḥ sāyaṃ śaṃkarasyā''rārtrikaraṇamarthanā |
stotrasya raṭaṇaṃ paścāt kiṃcijjāgaraṇaṃ tathā || 27 ||
[Analyze grammar]

svāpaḥ pṛthvyāṃ tṛṇāḍhyāyāṃ tathā valkaladhāraṇam |
maunaṃ cā'darśanaṃ pārśve tapaścaivaṃ cakāra sā || 28 ||
[Analyze grammar]

śaṃkaro'pi svayaṃ vetti tapaḥ karoti yatsatī |
vicaran vidhuraścamatkārāṃścakre hyalaukikān || 29 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne satītapaḥ satīhimālayayoḥ svapne śaṃbhunā tāpasaveṣeṇa dattadarśanamityādinirūpaṇanāmā |
dvyaśītyadhikaśatatamo'dhyāyaḥ || 182 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 182

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: