Chapter 156

śrīlakṣmīruvāca |
bhagavan śrotumicchāmi dvādaśyāśca vidhānakam |
viṣṇoḥ pūjādikaṃ sarvaṃ kartavyaṃ ca yathā prabho || 1 ||
[Analyze grammar]

tasyāḥ puṇyaprabhāvaṃ ca samācakṣva mama priya |
mama vrataprabhāvastu śrotavyaḥ sarvathā mayā || 2 ||
[Analyze grammar]

śrīnārāyaṇa uvāca |
śṛṇu lakṣmi kathayāmi tava janmadinavratam |
tava vratasya saṃkalpāt santuṣṭaḥ syāmahaṃ sadā || 3 ||
[Analyze grammar]

ekādaśī mama patnī mamāṃ'gebhyo vyajāyata |
tathaiva tvaṃ mama patnī mama vāmāṃgasaṃbhavā || 4 ||
[Analyze grammar]

punaḥ samudrato jātā hyabdhijā kathyase tadā |
aruṇādrau ca padmākhyā bhṛgoḥ putrī tu bhārgavī || 5 ||
[Analyze grammar]

premṇo jātā kaṃbharā tvaṃ khanerjātā suvarṇikā |
vāraṃ vāraṃ prasūtāpi ramā vaikuṇṭhavāsinī || 6 ||
[Analyze grammar]

mama patnī sadā divyā yatrā'haṃ tvaṃ ca tatra vai |
gṛhe gṛhe sthitā tvaṃ tu māṃ vinā naiva tiṣṭhasi || 7 ||
[Analyze grammar]

yadā mayā pare dhāmni parabrahmasvarūpiṇā |
svasmād rūpaṃ dvitīyaṃ vai ramaṇārthaṃ samīhitam || 8 ||
[Analyze grammar]

tadā tvaṃ mama vāmāṃgasthitā'dṛśyā madicchayā |
matsvarūpādiṣadannyūnā sevikā samajāyathāḥ || 9 ||
[Analyze grammar]

rūpe guṇe tathaiśvarye sukhe bhoge vilāsane |
na nyūnā pramadābhāve puṃbhāvanyūnatā tu yā || 10 ||
[Analyze grammar]

saivā'sti nyūnatā nāryā nānyā vai nyūnatā mama |
mamaikādaśasaṃkhyākendriyāṇāṃ śaktayastu yāḥ || 11 ||
[Analyze grammar]

tāḥ saṃbhūya ca bhavatī jātā vai dvādaśī mama |
patnīrūpā hyato bodhyā dvādaśīti tvameva sā || 12 ||
[Analyze grammar]

tava prāvirbhāvarūpaṃ dvādaśaṃ samajāyata |
tasmāt tvaṃ dvādaśī proktā mama patnī mamāṃganā || 13 ||
[Analyze grammar]

mamāṃgaṃ tvaṃ harervāsād rakṣaṇāt harivāsaraḥ |
dvādaśī tvaṃ mama patnī mama vāsararūpiṇī || 14 ||
[Analyze grammar]

mama rūpaṃ mama vāso ratistvayi sadā mama |
tatastvameva harivāsaro dvādaśī matā || 15 ||
[Analyze grammar]

ityetattu rahasyaṃ vai guptaṃ tubhyaṃ mayoditam |
tataḥ punaḥ samudrasya manthane dvādaśīdine || 16 ||
[Analyze grammar]

prātastvaṃ vai samutpannā tato'pi dvādaśī tava |
janmajayantī prakhyātā sarvatra samajāyata || 17 ||
[Analyze grammar]

yatra yatra ca samaye harernārāyaṇasya me |
prākaṭyaṃ cāpi te lakṣmyāḥ sa kāle balavān bhavet || 18 ||
[Analyze grammar]

harerbalāt samayo'pi balavān puṇyado bhavet |
mama janma tava janma yadā vai jāyate'tra hi || 19 ||
[Analyze grammar]

tatra tatra mahotsāhāḥ kartavyā dānabhojanaiḥ |
gītavāditranṛtyaiśca pūjākīrtanabhaktibhiḥ || 20 ||
[Analyze grammar]

ekādaśyāṃ sadāptāyāṃ samupoṣyeha mānavāḥ |
sarvapāpavinirmuktā yānti viṣṇoḥ paraṃ padam || 21 ||
[Analyze grammar]

ekādaśyā vratasyā'tra pūrṇaṃ puṇyaṃ tadā bhavet |
dvādaśyāmāvayoḥ pūjāṃ tataḥ kuryācca pāraṇām || 22 ||
[Analyze grammar]

saptajanmā'rjitaṃ pāpaṃ jñānato'jñānataḥ kṛtam |
kṣaṇādeva layaṃ yāti dvādaśyāṃ nau prapūjanāt || 23 ||
[Analyze grammar]

aśvamedhasahasrāṇi vājapeyaśatāni ca |
ekādaśyupavāsasya kalāṃ nārhanti ṣoḍaśīm || 24 ||
[Analyze grammar]

dvādaśī puṇyadā dravyapradā kāmaprapūriṇī |
mokṣadā sarvalokānāṃ yatrā'haṃ tvaṃ ca pūjitau || 25 ||
[Analyze grammar]

ekādaśī ca yā devī mamendriyamahadbalam |
vrataṃ tayā'rthitaṃ tadvai nirannameva sarvathā || 26 ||
[Analyze grammar]

tatrānnaṃ naiva bhoktavyaṃ cānne pāpaṃ pratiṣṭhati |
ekādaśīsamaṃ kiñcit pāpatrāṇaṃ na vidyate || 27 ||
[Analyze grammar]

ekādaśendriyaiḥ pāpaṃ yatkṛtaṃ bhavati priye |
ekādaśyupavāsena tatsarvaṃ vilayaṃ vrajet || 28 ||
[Analyze grammar]

ekādaśyapi me patnī mama vāsara ucyate |
upavāsena tatrā'haṃ prasannaḥ syāṃ muhurmuhuḥ || 29 ||
[Analyze grammar]

dvādaśyāṃ mama naivedyaṃ kṛtvā kuryācca pāraṇām |
tenā'haṃ sarvadā tṛptaḥ prasanno'pi bhavāmi vai || 30 ||
[Analyze grammar]

mayi tṛpte jagattṛptaṃ sarvatṛptiphalaṃ bhavet |
raṭanti saṃhitāstvatra bhūyo bhūyo mama priye || 31 ||
[Analyze grammar]

ekādaśyāṃ na bhoktavyaṃ samprāpte harivāsare |
varṇānāmāśramāṇāṃ ca strībālānāṃ sadā priye || 32 ||
[Analyze grammar]

ekādaśyāmupavāsaḥ kartavya eva sarvathā |
ekādaśyāṃ yadi śrāddhaṃ mātāpitrormṛte'hani || 33 ||
[Analyze grammar]

dvādaśyāṃ tatpradātavyaṃ nopavāsadine kvacit |
vaiṣṇavāḥ pitaraḥ śrāddhaṃ nā'dantyekādaśīdine || 34 ||
[Analyze grammar]

daśamīmiśritāṃ tāṃ tu prayatnena vivarjayet |
aruṇodayavelāyāṃ dvādaśīmiśritā bhavet || 35 ||
[Analyze grammar]

tāṃ tyaktvā dvādaśīṃ śuddhāṃ prakuryādavicārayam |
trayodaśyāṃ tadā prātaḥ kṛtvā snānādi sattvaram || 36 ||
[Analyze grammar]

trayodaśīkalā cettu sūryodyāne pravartate |
tarhi tu dvādaśībhāge pūrvaṃ sūryodayācca vai || 37 ||
[Analyze grammar]

pāraṇaṃ khalu kartavyaṃ na tu trayodaśīpale |
dvādaśyāmupavāsaśca dvādaśyāmeva pāraṇam || 38 ||
[Analyze grammar]

niśā madhyagatā jāgaraṇayuktā tu tadvratam |
harivāsara ityuktaḥ sarvaśreṣṭho mama priyaḥ || 39 ||
[Analyze grammar]

vratametatparityajya yo hyanyadvratamācaret |
karasthaṃ sa mahārājyaṃ tyaktvā bhaikṣyaṃ tu yācate || 40 ||
[Analyze grammar]

kalā'pyekādaśī yatra dvādaśyāmudite ravau |
sarvāmekādaśīṃ tyaktvā tatraivopavased vratī || 41 ||
[Analyze grammar]

trayodaśyāṃ kalāyāṃ ca sūryasyodayanaṃ bhavet |
pūrvadine tadā śuddhā dvādaśyeva vrataṃ matam || 42 ||
[Analyze grammar]

daśamyāmekabhuktaḥ syād rātrāvanaṃgavarjitaḥ |
pṛthivīśayanaḥ prātardhātrīphalavilepanaḥ || 42 ||
[Analyze grammar]

snāyīta sandhyāṃ kurvīta pūjāṃ me vidadhīta ca |
upavāsī sāyamekādaśyāṃ saṃpūjayecca mām || 44 ||
[Analyze grammar]

gandhapuṣpairdhūpadauparvastrābharaṇabhojanaiḥ |
japaiḥ stotrairnamaskāraiḥ pūjayenniśi bhaktitaḥ || 45 ||
[Analyze grammar]

lakṣmīṃ ca pūjayed rātrau saubhāgyadravyavastubhiḥ |
keśān saṃsādhayet tatra puṣpamālāṃ tu dhārayet || 46 ||
[Analyze grammar]

grathnīyāt keśaveśaṃ ca kabarīṃ kārayet tataḥ |
sindūragandhitailādi dadyāt keśeṣu mastake || 47 ||
[Analyze grammar]

lalāṭe candanakuṃkumā'kṣatādīn suśṛṃkhalām |
tantrikāṃ pauraṭīṃ dadyāt candrakaṃ śobhanaṃ kriyāt || 48 ||
[Analyze grammar]

karṇabhūṣānāsikāsubhūṣaṇānyapi dhārayet |
kajjalaṃ netrayordadyādauṣṭhayoḥ rañjanaṃ kriyāt || 49 ||
[Analyze grammar]

gaṇḍayoḥ patrikāṃ dadyāt kapole sūkṣmatillikām |
kaṇṭhe svarṇavibhūṣāṃśca puṣpahārān sudhārayet || 50 ||
[Analyze grammar]

bhujayoḥ kaṭake dadyāt prakoṣṭhe ratnabaṃgiḍīḥ |
aṃguliṣūrmikā dadyāt kausuṃbhī kaṃcukīṃ dharet || 51 ||
[Analyze grammar]

śāṭikāṃ svarṇasūtrāntāṃ brahmasūtraṃ ca kaustubham |
lalantikāṃ phullapatrīṃ svarṇapaṭṭīṃ gale dharet || 52 ||
[Analyze grammar]

kaṭyāṃ suvarṇaraśanāṃ kausuṃbhīṃ ghargharīṃ dharet |
pādayoḥ kiṃkiṇīnaddhajharjharān svarṇatroṭakān || 53 ||
[Analyze grammar]

rūpyacchaṭān pradadyācca'laktakaṃ pattale'rcayet |
aṃguliṣūrmikākarṭān dhārayet pādayostu vai || 54 ||
[Analyze grammar]

svarṇatārabhṛte makhammalīyamṛdupāduke |
gandhasārasugandhena vāsayed bahumānataḥ || 55 ||
[Analyze grammar]

lakṣmīnārāyaṇayoścā''rārtrikaṃ pañcavartibhiḥ |
kuryāt pradakṣiṇaṃ daṇḍavat namaḥ stutikīrtanam || 56 ||
[Analyze grammar]

naivedyaṃ śarkarāghṛtaphalādyaṃ ca nivedayet |
pānīyaṃ mukhaśuddhiṃ ca tāmbūlaṃ cārpayet tataḥ || 57 ||
[Analyze grammar]

śayyāṃ sukhapradāṃ dadyāt komalagendukādikām |
śvetāṃ tūlapaṭīṃ citrāṃ rājāyanīṃ kabarhaṇam || 58 ||
[Analyze grammar]

śayyāyāṃ ca vikīryeta kausumāni dalāni vai |
vyajanenā'nilaṃ dadyātpādasaṃvāhanaṃ kriyāt || 59 ||
[Analyze grammar]

lakṣmīnārāyaṇayoścājñayā'ṅgamardanaṃ kriyāt |
svāpayitvā ca devau tau prātaḥ surabhivāribhiḥ || 60 ||
[Analyze grammar]

prabodhya snāpayedbhaktyā dantadhāvanapūrvakam |
vastreṇa mārjayed devau nūtnavastrāṇi dhārayet || 61 ||
[Analyze grammar]

tulasīmiśrasalilaistarpitvā pitṛdevatāḥ |
pūjayejjagatāmīśaṃ lakṣmyā saha janārdanam || 62 ||
[Analyze grammar]

komalaistulasīpatraiḥ kamalaiḥ sthalapadmakaiḥ |
sugandhyakṣatapuṣpaiḥ saubhāgyamaṃgalakārakaiḥ || 63 ||
[Analyze grammar]

jalaistathopakaraṇairvibhūṣābhiśca ratnakaiḥ |
dīpānnīrājayettatra śatamaṣṭottaraṃ tataḥ || 64 ||
[Analyze grammar]

śatapatrakṛtāṃ mālāṃ tābhyāṃ samyaṅ nivedayet |
dhūpaṃ dīpaṃ ca naivedyaṃ tāmbūlaṃ ca samarpayet || 65 ||
[Analyze grammar]

śarkarāsahitaṃ divyaṃ pāyasānnaṃ sakesaram |
sasujātīphalayuktaṃ cailācūrṇasugandhitam || 66 ||
[Analyze grammar]

pūrikāṃ polikāṃ śākān pakvānnāni hyanekaśaḥ |
takraṃ dadhi payaḥ sūpaṃ kvathikāmodanaṃ tathā || 67 ||
[Analyze grammar]

parpaṭān piṇḍakān dadyādāranālānyanekaśaḥ |
phalāni salilānyalpāṃ mukhaśuddhiṃ ca dakṣiṇām || 68 ||
[Analyze grammar]

pradakṣiṇaṃ namaskāraṃ kṣamāpanamathāpi ca |
pūjottaraṃ vṛṇuyādvai varaṃ sveṣṭaṃ sukhapradam || 69 ||
[Analyze grammar]

dhanaṃ dhānyaṃ sadā''rogyaṃ vastraṃ vāhanameva ca |
yānaṃ pātrāṇi bhūṣāśca kṣetraṃ sadvāṭikāṃ tathā || 70 ||
[Analyze grammar]

gomahiṣīvṛṣabhādīn patipatnīsukhaṃ tathā |
apatyaṃ dīrghajīvitvamavighnaṃ kāryamityapi || 71 ||
[Analyze grammar]

abhyudayaṃ mahāsattāṃ rājyaṃ gṛhaṃ ca rāṣṭrakam |
kuṭumbaṃ sukhasampattiṃ svargaṃ cānyad yadiṣṭakam || 72 ||
[Analyze grammar]

vṛṇīta devayoḥ sarvāṃ sukhasaubhāgyasampadam |
pīḍāmupadravaṃ duḥkhaṃ kleśaṃ cintāṃ vimocaya || 73 ||
[Analyze grammar]

vaidhavyamanapatyaṃ ca mā bhūnme vai kadācana |
putrapautraprapautrādikuṭumbaṃ sukhavad bhavet || 74 ||
[Analyze grammar]

ājyena juhuyād vahnau śatamaṣṭottaraṃ tathā |
bhaktyā puruṣasūktena śrīsūktena ca pāyasam || 75 ||
[Analyze grammar]

pratyṛcaṃ juhuyādbhaktyā viprān sādhūṃśca bhojayet |
svayaṃ cā''śritavargaṃ vai bhojayitvā'danaṃ kriyāt || 76 ||
[Analyze grammar]

saṃhitādiśravaṇena kṣapayecca dinaṃ śubham |
brahmacārī bhūmiśāyī nindādi varjayettathā || 77 ||
[Analyze grammar]

rātrau jāgaraṇaṃ kuryādevaṃ dvādaśikāvratam |
kuryāt prasanno bhagavān sarvā'bhīṣṭaprado dhruvam || 78 ||
[Analyze grammar]

harivāsaravratakṛdgṛhe'ṣṭau vasavo diviṃ |
nārāyaṇasya lakṣmyāśca varadānādvasanti vai || 79 ||
[Analyze grammar]

āmo bhavaśca somaśca dharaścaiva nalo'nilaḥ |
pratyūṣaśca prabhāvaśca vasavo'ṣṭau vasanti hi || 80 ||
[Analyze grammar]

yatra tīrthe tava pūjā gṛhe yatra tavā'rcanam |
yatrāraṇye smṛtiste ca yatrā'bdhau te'bhidhākathā || 81 ||
[Analyze grammar]

yatra loke śravaste'sti tatra sarvatra saṃvasa |
yatra brāhmamuhūrte te me ca dhyānaṃ tu mānasam || 82 ||
[Analyze grammar]

nāmasmṛtiśca bhajanaṃ tatra sākaṃ mayā vasa |
yatra prātarbālavargaḥ prasannau vartate sukhī || 83 ||
[Analyze grammar]

na ca rauti nākrośati tatra sākaṃ mayā vasa |
prātaryatra ca dampatyorna kleśastatra saṃvasa || 84 ||
[Analyze grammar]

prātaryatra dehaśuddhiḥ snānaprakṣālanādibhiḥ |
śayyāśuddhirvastraśuddhirnairmalye tatra saṃvasa || 85 ||
[Analyze grammar]

jalena mārjanenāpi lepanena gṛhā'cchatā |
raṃgolyā svastikenāpi māṃgalyaṃ tatra saṃvasa || 86 ||
[Analyze grammar]

pradīpasya cullikāgneḥ prātaryatra prakāśanam |
dadhi dugdhaṃ ghṛtaṃ miṣṭaṃ pakvānnaṃ tatra saṃvasa || 87 ||
[Analyze grammar]

piṣṭānnaṃ saktukānnaṃ ca taṇḍulādi surandhitam |
prātargodhūmapolyādi yatra tatra sadā vasa || 88 ||
[Analyze grammar]

prātaḥ kūpataḍāgādijalaṃ gṛhagataṃ bhṛtam |
udakuṃbhau jale tatra sadā pūjājale vasa || 89 ||
[Analyze grammar]

snānaṃ prātaḥ sadā yatra dhyānaṃ devādipūjanam |
pūjyānāṃ pūjanaṃ mānaṃ vṛddhānāṃ tatra saṃvasa || 90 ||
[Analyze grammar]

yatrā'ṅganaṃ ca goṣṭhādi mārjitaṃ prātareva ca |
paryuṣitādiśuddhiśca tatra lakṣmi sadā vasa || 91 ||
[Analyze grammar]

yatra prātarbrāhmaṇasya darśanaṃ ca satāṃ tathā |
sādhvīnāṃ haribhaktānāṃ pitrośca tatra saṃvasa || 92 ||
[Analyze grammar]

viduṣāṃ ca gurūṇāṃ ca satīnāṃ puṇyaśālinām |
devānāṃ ca gavāṃ prātardarśanaṃ tatra saṃvasa || 93 ||
[Analyze grammar]

puṇyaṃ ca candrako bhāle kajjala netrayostathā |
puṣpaṃ sugandhadravyaṃ ca yatrā'sti tanmukhe vasa || 94 ||
[Analyze grammar]

agnihotraṃ ca gāyatrī viṣṇupūjā śivārcanam |
devānāṃ pūjanaṃ prātarnaivedyaṃ tatra saṃvasa || 95 ||
[Analyze grammar]

kāṣṭhena dantaśuddhiśca śaucaṃ tu mṛjjalādibhiḥ |
snānaṃ saubhāgyabhūṣādi yatra tatra sadā vasa || 96 ||
[Analyze grammar]

bālānāṃ stanyapānādi vatsādīnāṃ ca sevanam |
paśūnāṃ tṛṇatoyādi sevā tatra sadā vasa || 97 ||
[Analyze grammar]

śukādipakṣiṇāṃ sārameyādīnāṃ ca rakṣaṇam |
saṃbhāvanā'nnatoyābhyāṃ yatra tatra sadā vasa || 98 ||
[Analyze grammar]

vṛṣabhāśvagajoṣṭrāṇāṃ vāhe trāso na yatra vai |
tathā'nyapaśusaṃtrāso yatra no tatra saṃvasa || 99 ||
[Analyze grammar]

gṛhodyānadrumavallīprabhṛtyudbhijjajātayaḥ |
jalaṃ khādyaṃ cāpnuvanti tatra tvaṃ sarvadā vasa || 100 ||
[Analyze grammar]

kīṭapipīlikādibhyo yatra piṣṭakaṇādikam |
prāpyate gṛhamedhibhyastadgṛhe tvaṃ sadā vasa || 101 ||
[Analyze grammar]

grāmasya paśavo yatra tāḍyante na vṛthā janaiḥ |
dayālūnāṃ gṛhe tatra vāmaste'stu mama priye || 102 ||
[Analyze grammar]

abhyāgatā'tithayo bhikṣukāḥ prāghūṇikāstathā |
yatra tṛpyantyannajalairvāṇyā ca tatra saṃvasa || 103 ||
[Analyze grammar]

svārthaṃ na bhojanaṃ yatra parārthaṃ devaśeṣitam |
paṃktibhedo na ca yatra na svārthastatra saṃvasa || 104 ||
[Analyze grammar]

śrāddhaṃ vratotsavā yatra dhārmikaṃ nṛtyagāyanam |
samājo jñātibhojyaṃ ca parārthaṃ tatra saṃvasa || 105 ||
[Analyze grammar]

sādhūnāṃ bhajanaṃ yatra santoṣo dānaśīlatā |
mahatāṃ cāpi sammānaṃ dīnānāṃ tatra saṃvasa || 106 ||
[Analyze grammar]

annavastrajalā''vāsaiḥ santoṣo'nāthadehinām |
bahūnāṃ jīvikā nyāyyā yatrāsti tatra saṃvasa || 107 ||
[Analyze grammar]

sādhūnāṃ brahmacārāṇāmanāthānāṃ ca yadgṛhe |
sevayā bahusantoṣaḥ sarvasve tatra saṃvasa || 108 ||
[Analyze grammar]

yadgṛhe naiva kāpaṭyaṃ na kleśo na pratāraṇā |
na śāṭhyaṃ naiva ca krauryaṃ suśāntistatra saṃvasa || 109 ||
[Analyze grammar]

lobho roṣo mahodvego matsaro'dharmavṛttitā |
īrṣyā'sūyā yatra daṃbho na santi tatra saṃvasa || 110 ||
[Analyze grammar]

tṛṣṇā nindā ca paiśūnyaṃ droho madaśca garvitā |
paradoṣaprakāśitvaṃ na santi tatra saṃvasa || 111 ||
[Analyze grammar]

anyāyā'nnaṃ bhikṣukānnaṃ parānnaṃ pāpināṃ tathā |
duṣṭānnaṃ pacyate naiva yatkukṣau tatra saṃvasa || 112 ||
[Analyze grammar]

vyāpāro nyāyato yatra nyāyyaśca vikrayaḥ krayaḥ |
kāpaṭyaṃ na tulāmāne'rjane dāne sadā vasa || 113 ||
[Analyze grammar]

jīrṇe ca nūtane yatra kāpaṭyaṃ miśraṇe nahi |
vāgdāne ca hṛdo dāne śāṭhyaṃ na tatra saṃvasa || 114 ||
[Analyze grammar]

paropakārapuṇyārthaṃ yajñārthaṃ rāṣṭrasvastaye |
dravyavyayo bhaved yatra parārthaṃ tatra saṃvasa || 115 ||
[Analyze grammar]

parādhīnapaśupakṣiprāṇināṃ hiṃsanaṃ tathā |
trāso yatra na vidyete tatra lakṣmi sukhaṃ vasa || 116 ||
[Analyze grammar]

bālānāṃ kanyakānāṃ ca sādhvīnāṃ ca satāṃ tathā |
dīnā'nāthadaridrāṇāmannasatre sadā vasa || 117 ||
[Analyze grammar]

vāpyāṃ kūpataḍāgādau nadyāṃ sarovare bhuvi |
khāte prasravaṇe'khāte prapāyāṃ ca sadā vasa || 118 ||
[Analyze grammar]

udārāḥ svāmino yeṣāṃ sasyodyānavanasvinām |
parvatānāmaraṇyānāṃ kṣetrāṇāṃ tatra saṃvasa || 119 ||
[Analyze grammar]

dānayajñāḥ kriyāyajñā yogayajñāśca yadgṛhe |
bhaktiyajñā jñānayajñā yatra tatra sadā vasa || 120 ||
[Analyze grammar]

bhūtayajñā brahmayajñā devayajñāśca yatra vai |
svādhyāyayajñā bhaktiśca sevā tatra sadā vasa || 121 ||
[Analyze grammar]

madyaṃ māṃsaṃ tathā cauryamanyāyastryādisevanam |
vyasanāni vṛthā yatra na santi tatra saṃvasa || 122 ||
[Analyze grammar]

jīve duṣṭo hṛdi duṣṭo vāci duṣṭaśca karmaṇi |
svārthe cāpi parārthe vā nāsti yastatra saṃvasa || 123 ||
[Analyze grammar]

pātivratyaṃ yatra dharmaḥ patnīvrataṃ ca śīlatā |
viśvāsitvaṃ kṛtajñatvaṃ yatra tatra sadā vasa || 124 ||
[Analyze grammar]

nītyā vai karmakāritvaṃ nītyā dravyapradānatā |
prajāyā rakṣaṇaṃ nītyā nītimatsu sadā vasa || 125 ||
[Analyze grammar]

prajāyāḥ śoṣaṇaṃ yatra nārīṇāṃ krandanaṃ tathā |
dīnānāmardanaṃ yatra nāsti tatra sukha vasa || 126 ||
[Analyze grammar]

ramaṇīnāṃ ca sammānaṃ paropakāriṇāṃ tathā |
saphalīkṛtayatnānāṃ gṛhe dhyeye sadā vasa || 127 ||
[Analyze grammar]

putravatsvaprajāpālakānāṃ prāṇārpiṇāṃ tathā |
dhārmikāṇāṃ ca bhaktānāṃ rājñāṃ rāṣṭre sadā vasa || 128 ||
[Analyze grammar]

śatrusāhasikastenastabdhalubdhakavañcakāḥ |
śaṭhā dhūrtāśca pākhaṇḍā na yadrāṣṭre sadā vasa || 129 ||
[Analyze grammar]

svāmyamātyarājaputrarājñīmantripurohitāḥ |
senāpatyaṭavīpālā na duṣṭāstatra saṃvasa || 130 ||
[Analyze grammar]

kārāgārapatirdharmā'dhyakṣaprākārarakṣakāḥ |
antaḥpurapratīhārā na duṣṭāstatra saṃvasa || 131 ||
[Analyze grammar]

śreṣṭhiratniprabhūtānnisvarṇiśilpiprakarmiṇaḥ |
saṃviśāstrinyāyinaśca na duṣṭāstatra saṃvasa || 132 ||
[Analyze grammar]

āśrameṣu ca varṇeṣu nārīṣu ca nareṣu ca |
grāmyeṣu vaniṣu naiva duṣṭatvaṃ tatra saṃvasa || 133 ||
[Analyze grammar]

bhṛtyeṣu cāravargeṣu śiṣyeṣu cāśriteṣu ca |
guruṣu rājasu naiva duṣṭatvaṃ tatra saṃvasa || 134 ||
[Analyze grammar]

pātāle bhūstare bhūmau khanau svarge'ntarīkṣake |
satye ṛtau ca garbhe ca dauṣṭyaṃ na tatra saṃvasa || 135 ||
[Analyze grammar]

bhakṣye bhojye tathā peye'laṃkāre pācane'nale |
vāyau rūpe rase gandhe dauṣṭyaṃ na tatra saṃvasa || 136 ||
[Analyze grammar]

yatra nāsti manodauṣṭyaṃ netṛdauṣṭyaṃ janacchalam |
rājadauṣṭyaṃ gurordauṣṭyaṃ strīdauṣṭyaṃ tatra saṃvasa || 137 ||
[Analyze grammar]

yatra nāsti tvayi dauṣṭyaṃ mayi dauṣṭyaṃ pratāriṇām |
nāstikānāṃ vṛttidauṣṭyaṃ na yatra tatra saṃvasa || 138 ||
[Analyze grammar]

yatphalaṃ devanaivedye yallābho devakarmaṇi |
upayujyeta sarvatra tatra vāso'stu te sadā || 139 ||
[Analyze grammar]

kiṃ bahunā vistareṇa saṃkṣepātkathayāmyaham |
yatra dharmaśca bhaktiśca tathā nārāyaṇo'pyaham || 140 ||
[Analyze grammar]

yatra santo dharmavaṃśastatra vāso'stu te sadā |
iti te sthānabāhulyamākhyātaṃ vāsakāmyayā || 141 ||
[Analyze grammar]

paropakaraṇe tatra vastavyaṃ me yathā hṛdi |
abhakṣyabhakṣaṇaṃ yatra yatra cā'peyapānakam || 142 ||
[Analyze grammar]

akāryakaraṇaṃ yatra yatrā'nācārabhraṣṭatā |
nāsti cāsti satyayugastatra sākaṃ mayā vasa || 143 ||
[Analyze grammar]

īśvareṣu ca jīveṣu dharmavaṃśo mama priyaḥ |
tatra vāsaḥ sadā kāryo yathā raivatake girau || 144 ||
[Analyze grammar]

sāyaṃ yatra devapūjā kathā ca kīrtanotsavāḥ |
virāmaḥ prāṇināṃ yatra tatra vāsaḥ sadā tava || 145 ||
[Analyze grammar]

yatrā'styacyutagotrāṇāṃ sādhūnāṃ bahupūjanam |
tatra tvayā sadā vāsaḥ kāryo lakṣmi mamā''jñayā || 146 ||
[Analyze grammar]

vedaśāstrādidharmāṇāṃ sadā yatrāsti pālanam |
nāstikyaṃ daivakārye na vāsastatrā'stu te sadā || 147 ||
[Analyze grammar]

āprātarudyamo yatra cā''sāyaṃ vartate jane |
tatra tvayā hyavaśyaṃ tu vastavyaṃ sarvathā priye || 148 ||
[Analyze grammar]

yatra svatve parasvatvaṃ kiñcidapi na vidyate |
tatra svatve sadā stheyaṃ kiṃ bahūktyā śubhānane || 149 ||
[Analyze grammar]

tava bhaktā janā devā daityā nāgāstatheśvarāḥ |
ṛṣayo munayo'devāḥ sarve sṛṣṭinivāsinaḥ || 150 ||
[Analyze grammar]

tava pūjāparā nityaṃ tavā''gamasukāṃkṣiṇaḥ |
tavārthaṃ kṛtayatnāśca prāṇārpaṇaṃ ca te kṛte || 151 ||
[Analyze grammar]

tavehayā tu kaṣṭāni sahante'pi videśake |
tavārthaṃ svajanaṃ tyaktvā gacchantyanyatra nirjane || 152 ||
[Analyze grammar]

tava prāptirbhavenmā vā mṛteḥ prāptistu jāyate |
dṛṣṭvā teṣāṃ tapastatra vasa te yadi rocate || 153 ||
[Analyze grammar]

tattatprayatnasadṛśī vasa tattadgṛhe sadā |
tattatkāryakṛtāṃ haste yathāpekṣaṃ vasa priye || 154 ||
[Analyze grammar]

yatra kvāpi yāhi bhadre punarāgaccha madgṛham |
nā'nyadgṛhaṃ śāśvataṃ vai vasitavyaṃ mayā vinā || 155 ||
[Analyze grammar]

mayā klṛptaṃ tava gṛhaṃ hṛdyaṃ me sadā'naghe |
maddhṛdayaṃ saha nītvā yatra kvāpi vasa priye || 156 ||
[Analyze grammar]

yatheṣṭaṃ vasa sarvatra spṛśā mā tadgrahādhipam |
pātivratyaṃ sarvathaiva rakṣitavyaṃ ca me priye || 157 ||
[Analyze grammar]

yatra yatra ca te vāsastatrā'ntaryāmitā mama |
sarvatraiva vyāpako'smi nivasāmi mama priye || 158 ||
[Analyze grammar]

ataḥ sarvatra māmeva pātivratyād bhajasva vai |
na te pativratādharmo lupto bhavati kaścana || 159 ||
[Analyze grammar]

yasya gehe ca te vāsastadbhāle vasatirmama |
vastrā'laṃkārarūpā tvaṃ bhāle tejasvitā'pyaham || 160 ||
[Analyze grammar]

yatra te bhaginī jyeṣṭhā hyalakṣmīrvasati gṛhe |
tadgṛhe'rdhe'pi sammīlya vāsaṃ tu kurutaṃ hyubhe || 161 ||
[Analyze grammar]

na vai sarve salakṣmīkāḥ sarve nā'lakṣmikāstathā |
ardhe lakṣmīścārdhabhāge'pyalakṣmīrvartate gṛhe || 162 ||
[Analyze grammar]

kiñcinnyūnaṃ duḥkhadaṃ ca kiñcicchreṣṭhaṃ sukhapradam |
ekasminneva gehādau sarvaṃ sarvasya nottamam || 163 ||
[Analyze grammar]

tādṛśe ca jane gehe hyalakṣmyā saha śāntitaḥ |
kṛtvaiva sahanaṃ sarve vartitavyaṃ tvayā'naghe || 164 ||
[Analyze grammar]

ekakoṇe tvayā stheyamanyakoṇe'grajātayā |
alakṣmyā jyeṣṭhayā stheyaṃ na kāryaḥ kalahaḥ kvacit || 165 ||
[Analyze grammar]

balā'bale tu draṣṭavye bhāgyarekhānusārataḥ |
nirbalena sthalaṃ deyaṃ prabalāyeti śāsanam || 166 ||
[Analyze grammar]

nītirastītisarvatra sukhāyaivopakalpitā |
aya tvāṃ kathayiṣye'nyatīrthāni raivatācale || 167 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne |
dvādaśyā harivāsaratve kāraṇatā lakṣmyā vidhivatpūjanaṃ |
tatphalaṃ lakṣmyā nivāsasthānāni cetyādinirū |
paṇanāmā ṣaṭpaṃcāśadadhikaśatatamo'dhyāyaḥ || 156 ||
[Analyze grammar]