Chapter 142

śrīnārāyaṇa uvāca |
vāmanaṃ śrīhareḥ rūpaṃ yannimittamabhūt priye |
tatsarvaṃ susphuṭaṃ te'haṃ kathayāmi yathātatham || 1 ||
[Analyze grammar]

saurāṣṭre paścime prānte raivatādrirmahāngiriḥ |
yatra devagaṇā''vāsāḥ siddhā vasanti lakṣaśaḥ || 2 ||
[Analyze grammar]

yoginyaścāpi tīrthāni nivasanti nirantaram |
prahlādasyā'bhavat putro virocana itīrataḥ || 3 ||
[Analyze grammar]

tasya putro mahābāhurbalī rājā'bhavadbalī |
tena yajñāḥ kṛtāḥ śreṣṭhā bahavo bhinnabhūmiṣu || 4 ||
[Analyze grammar]

eko yajñaḥ kṛtastatra raivatādritalasthale |
yatrāgatya svayaṃ devo vāmano'bhyarthayadbalim || 5 ||
[Analyze grammar]

tatkathāṃ paramāṃ divyāṃ pāvanīṃ mokṣadāyinīm |
kathayāmi mahālakṣmi  tṛptirnāsti kathāmṛte || 6 ||
[Analyze grammar]

yatra dāmodaraṃ tīrthaṃ nārāyaṇahradastathā |
kimanyairbahubhistīrthaistayoḥ snātvā pramucyate || 7 ||
[Analyze grammar]

siṃhāraṇyasyottare vai vyāghrāraṇyamaye sthale |
somanāthasya sānnidhye hyudayānto girirmahān || 8 ||
[Analyze grammar]

yaḥ kṛtasmara ityukto vāḍavānalabhasmitaḥ |
tasyaiva pārśvabhāge tu revatākhyo giriḥ smṛtaḥ |
śrīhareḥ kaustubhamaṇeḥ khaṇḍo'yaṃ sthūlatāṃ gataḥ || 9 ||
[Analyze grammar]

raivatākhyo manustatra tadadhyātmatayā sthitaḥ |
so'yaṃ vai raivatagirirdivyaḥ kṛṣṇahṛdi sthitaḥ |
mahato hastinaḥ kaṇṭhe svarṇaghaṃṭādvayaṃ yathā || 10 ||
[Analyze grammar]

pūrṇimāyāstathā sāyaṃ cālambete śaśī raviḥ |
svargaṃ yāvat taducchrāyo'ntarīkṣaṃ kaṭisaṃśritam || 11 ||
[Analyze grammar]

dattātreyādayaḥ siddhā vasanti śikhare'sya vai |
śikharāṇāṃ kukṣibhāge vasanti sarvadevatāḥ || 12 ||
[Analyze grammar]

parvatasya kaṭibhāge'rhannāthagautamādayaḥ |
vasanti bhagavanto vai munayaḥ sādhuyoginaḥ || 13 ||
[Analyze grammar]

parvatasyorubhāge tu gāndharvāḥ kinnarāstathā |
vidyādharāstathā saumyāḥ kiṃpuruṣā vasanti hi || 14 ||
[Analyze grammar]

parvatasya jānubhāge yoginyaḥ śaṃkarapriyāḥ |
devyaśca kṛttikāścaivā''bhīrāṇyaḥ sādhvikāstathā || 15 ||
[Analyze grammar]

jaṃghābhāge parvatasya kāmadhenukulāni vai |
devāśca devakariṇaḥ śvetāścatuḥsudantakāḥ || 16 ||
[Analyze grammar]

siṃhā vyāghrāstathā daivā narasiṃhakuṭumbinaḥ |
vasanti vyomagatayo divyāḥ sūryasamaprabhāḥ || 17 ||
[Analyze grammar]

pādasthāne raivatasya gopyaḥ kṛṣṇapriyāḥ śubhāḥ |
divyāstathāpi mānuṣarūpeṇa vicaranti hi || 18 ||
[Analyze grammar]

mucukundasya mahatī guhā pātālasaṃcarā |
rādhāyā mandiraṃ ramyaṃ svarṇarakṣānadīgatam || 19 ||
[Analyze grammar]

rukmāṃgadādirājñāṃ vai rājadhānī ca vartate |
patnīvratākhyaviprasya camatkārā bhavanti ca || 20 ||
[Analyze grammar]

yatrāraṇyāni cūtānāṃ kṣīrikāṇāṃ vanāni ca |
karmadānāṃ ṭimburūṇāṃ jāmbūnāṃ pravaṇāni ca || 21 ||
[Analyze grammar]

sītāphalānāṃ sauvarṇakadalīnāṃ vanāni ca |
ikṣūṇāṃ śarkarākandamūlānāṃ prasthalāni ca || 22 ||
[Analyze grammar]

boriyākhyamahāsthalyāṃ devyaḥ snānti vasanti ca |
nārāyaṇahṛdasthalyāṃ yoginyo vicaranti ca || 23 ||
[Analyze grammar]

devyastu kāṣṭhavāhinyo'raṇye tīrthe bhramanti ca |
pārijātaprasūnānāṃ kundānāṃ kalpaśākhinām |
vanānyatra bhavantyeva sugandhaśatayojanam || 24 ||
[Analyze grammar]

paritaḥ pavano nītvā karoti surabhisthalīḥ |
agneruṣṇāḥ prakuṇḍāśca kvacicchaityajalāśayāḥ || 25 ||
[Analyze grammar]

saritaḥ svarṇarūpyābhā nirmalodakasaṃcarāḥ |
sarasā oṣadhimiśrarasavatyo vahanti ca || 26 ||
[Analyze grammar]

yajjalāni janāḥ pītvā devā devyo bhavanti ca |
pārthivā api nṛnāryo tajjalauṣadhibhogikāḥ || 27 ||
[Analyze grammar]

ṣoḍaśābdāḥ sadā hṛṣṭapuṣṭāḥ kāmātigojjvalāḥ |
candramukhyo vilasanti svargabhramaṇakārikāḥ || 28 ||
[Analyze grammar]

navaraṃgapanasādiphalānāṃ nālpatā kvacit |
kharjūrāṇāṃ śrīphalānāṃ nārīkelā'mṛtātmanām || 29 ||
[Analyze grammar]

āmalakatriphalānāṃ saṃghātsaṃghā bhavanti vai |
guṃdrakāṇāmiṅgudīnāṃ śimbipatraphalatvacām || 30 ||
[Analyze grammar]

vṛkṣāṇāṃ vaṃśamālānāṃ bilvatindukaśākhinām |
udumbaravaṭasarjatilakānāṃ vanāni ca || 31 ||
[Analyze grammar]

tulasīnāṃ vanānyatra devadārupraśākhinām |
drākṣāṇāṃ nāgavallīnāṃ tiktānāṃ vallayastathā || 32 ||
[Analyze grammar]

mālatīmallikāśvetājīvantīsvarṇavallayaḥ |
phalapuṣpapatrasampadvilasantyo'tra bhānti vai || 33 ||
[Analyze grammar]

sthale sthalyāṃ niriाraṇā jalānāṃ pravahanti ca |
svarṇakārāstāmrakārāḥ kāyākalpakarāstathā || 34 ||
[Analyze grammar]

kṣuttṛṭvināśikāścāpi vallyo vṛkṣā bhavanti ca |
kuṇḍā divyāstatra santi snānenā'dṛśyatā bhavet || 35 ||
[Analyze grammar]

svarṇajalāstathā kuṇḍā lauhaṃ svarṇaṃ bhavejjalāt |
patratṛṇāni vai santi chinno dehaḥ susīvyate || 36 ||
[Analyze grammar]

raktaṃ ghaṭṭaṃ bhavatyeva saṃjīvanī ca vartate |
jalakuṇḍāstathā santi snātvā nārī naro bhavet || 37 ||
[Analyze grammar]

naro vā jāyate nārī tatastu parvate gatiḥ |
nānyathā iti sāmarthyaṃ raivatādrau samīkṣyate || 38 ||
[Analyze grammar]

kvacitkuṇḍe kṛtasnānāt pakṣau bhavata uḍḍane |
punaḥ snānānmānavatvaṃ yathāvasthaṃ bhavennanu || 39 ||
[Analyze grammar]

yaddroṇyāṃ yonidānena nāryo bhavanti devatāḥ |
narā liṃgapradānena jāyante siddhayonayaḥ || 40 ||
[Analyze grammar]

kvacidoṣadhayogena janaḥ siṃhavapurbhavet |
mārgayitvā hariṇādīn punaśca mānavo bhavet || 41 ||
[Analyze grammar]

kāmarūpajalāḥ kuṇḍāḥ svalpakāḥ santi parvate |
yathecchati tathārūpaṃ jāyate snāturatra vai |
tatratyāstu prajāḥ sarvā svargānnyūnaṃ na bhuṃjate || 42 ||
[Analyze grammar]

vanāni vividhānyeva kāmapūraṇakāni hi |
sarvadā phalavantyeva patrapuṣpādimanti ca |
meghāstatra sadā madhye śroṇyāṃ vasanti vṛṣṭidāḥ || 43 ||
[Analyze grammar]

vidyutaśca sadā rātrau śanaistejo dadatyamum |
tārāḥ sthirāḥ kvacittatra vasanti śramanodane || 44 ||
[Analyze grammar]

rājatyaḥ svarṇakhanyaśca vividhadhātumiśritāḥ |
khanyo hīrakamāṇikyasphāṭikaratnavidrumāḥ || 45 ||
[Analyze grammar]

rasāyanāni divyāni pātālamūlavanti ca |
vidyante'tra raivatādrau labhyante puṇyaśālibhiḥ || 46 ||
[Analyze grammar]

apsarasaḥ svargavatyo'trā''gatya snānti yānti ca |
yātrālavo lakṣakoṭisuramānavasajjanāḥ |
narā nāryo mahāprādakṣiṇyamūrje bhramanti hi || 47 ||
[Analyze grammar]

gaṇāśca gaṇikāścaiva śuddhyanti tanudānataḥ |
parīsarovaraṃ tatra parīṇāṃ snānakāraṇāt |
indrasarovaraṃ tadvad devīnāṃ snānakāraṇāt || 48 ||
[Analyze grammar]

rohasarovaraṃ tatra devā''plavanakāraṇāt |
dātṛsarovaraṃ droṇyāṃ dātṝṇāṃ snānakāraṇāt |
vīrasarovaraṃ droṇyāṃ pitṝṇāṃ snānakāraṇāt || 49 ||
[Analyze grammar]

satīsarovaraṃ śreṣṭhaṃ satīnāṃ snānakāraṇāt |
bhaveśvarataḍāgaṃ ca sarvauṣadhirasāyanam |
bhavantyevaṃ tatra śaile divyāni ca sarāṃsi ca || 50 ||
[Analyze grammar]

paritastatra sarito niḥsarantyakṣayairjalaiḥ |
raivatādrau sthitāḥ sarve paśyanti medinīṃ diśam |
samudrānparvatāndeśān grāmān lokān pradeśakān || 51 ||
[Analyze grammar]

sadehena yadā vāñcchā svargaṃ gantuṃ bhavet tadā |
raivatādreḥ śikhare vai gatvā snānena siddhatām || 52 ||
[Analyze grammar]

prāpya yāyāt tato naiva pated yadi na vāsanā |
gaumukhyāṃ snānamātrācca kamaṇḍalujalāplavāt |
dattātreyajalabindupānāt siddhā bhavanti hi || 53 ||
[Analyze grammar]

grahāstacchikhare śrāntiṃ labdhvā yānti diśāntaram |
divojuṣāṃ vimānāni tatra viśramya yānti ca || 54 ||
[Analyze grammar]

brāhmaṃ caiśaṃ vaiṣṇavaṃ ca mokṣīyaṃ caiśvaraṃ tathā |
yāmyaṃ svargyaṃ ca panthānaṃ tacchṛṃgād yānti vai janāḥ || 55 ||
[Analyze grammar]

bhīravajapanāmānaṃ sthalamāsādya mānavaḥ |
patatyaraṇye tasyaiva tatra svargaṃ bhavatyapi || 56 ||
[Analyze grammar]

na svargānnyūnatā tatra kiṃcinmātramapi dhruvam |
tatra tīrthāni devānāmanekāni bhavanti vai || 57 ||
[Analyze grammar]

raivatādriṃ pradakṣiṇaṃ kartumāyānti devatāḥ |
ṛṣayo munayaḥ svargyāḥ pitaro yoginastathā || 58 ||
[Analyze grammar]

siddhā vidyādharāścaiva cāraṇā devayonayaḥ |
sādhurūpeṣu devāśca siddhāḥ krāmyanti taṃ pari || 59 ||
[Analyze grammar]

sādhvīrūpeṣu devyaśca parikrāmyanti taṃ girim |
śrīkṛṣṇaḥ śrīrāmacandro dattātreyaśca nṛhariḥ || 60 ||
[Analyze grammar]

kapilo vāmano haṃsaḥ ṛṣabho nāradastathā |
parśurāmaśca vai vyāsaḥ kumāro buddha ityapi || 61 ||
[Analyze grammar]

sanandanādayaḥ sarve vyūhā brahmādayastathā |
kārtikyāṃ tu prabodhinyāṃ pūrṇimāyāṃ ca yāvatā || 62 ||
[Analyze grammar]

save devāśca tīrthāni pūryaḥ kṣetrāṇi dhāma ca |
parvatāḥ saritaḥ sarve sāgarā bhūmayastathā || 63 ||
[Analyze grammar]

āyānti ca vasantyatra raivatādrau sthale sthale |
patre patre vasantyete devāḥ kartuṃ pradakṣiṇam || 64 ||
[Analyze grammar]

raivatādrestadānīṃ vai kṛtaṃ yena pradakṣiṇam |
kṛtaṃ tena pṛthivyāṃ vai savidhānapradakṣiṇam || 65 ||
[Analyze grammar]

raivatādriparikrāmayitāro mānavāstadā |
manuṣyā nahi draṣṭavyā draṣṭavyā devakoṭayaḥ || 66 ||
[Analyze grammar]

teṣāṃ pādarajolābhe mucyante janmakoṭayaḥ |
bālāḥ kumārāḥ sthavirā narā nāryopi ye tadā || 67 ||
[Analyze grammar]

raivataṃ parikrāmanti pāvanāste hariśritāḥ |
sādhuḥ sādhvī ca sanyāsī sanyāsinī virāgiṇī || 68 ||
[Analyze grammar]

vaiṣṇavī śāṃkarī devī vaiṣṇavaḥ śāṃkaro'thavā |
gāṇapatyāśca vā mokṣamārgagāste tu devatāḥ || 69 ||
[Analyze grammar]

tebhyo vai bhojanaṃ dānaṃ vastraṃ vā'nyat svakaṃ bhavet |
taddātavyaṃ samastaṃ vai sevāyāṃ svargadaṃ bhavet || 70 ||
[Analyze grammar]

yasyāgre yadbhavedvastu taddeyaṃ tatra sarvathā |
santaḥ sādhvyastoṣaṇīyāḥ kāyavāṅmānasairapi || 71 ||
[Analyze grammar]

sarvasvārpaṇakartre vai nārāyaṇahariḥ svayam |
svīyaṃ sarvaṃ dadātyeva bhaktāya brahmarūpiṇe || 72 ||
[Analyze grammar]

dāmodare'titīrthe ye mṛtā vai yatra tatra hi |
te vasanti harergehe na patanti bhave kvacit || 73 ||
[Analyze grammar]

svārpaṇaṃ prathamaṃ dānaṃ dvitīyaṃ tu dhanārpaṇam |
kṣetrādikaṃ tṛtīyaṃ ca naijārpaṇaṃ caturthakam || 74 ||
[Analyze grammar]

etatsarvaṃ girestasya parikramaṇajaṃ phalam |
labhyate tatra pāpāni jvalanti nodbhavanti vai || 75 ||
[Analyze grammar]

yatkiṃcidvā paropakārākhyaṃ svārthaṃ parārthakam |
daihyaṃ caindriyikaṃ hārdaṃ kṛtaṃ puṇyaṃ ca mokṣakṛt || 76 ||
[Analyze grammar]

jayed brahmātmabhāvastu dehabhāvaḥ parājayet |
asaṃśayo vimucyeta saṃśayātmā vinaśyati || 77 ||
[Analyze grammar]

tanmamāpi mahālakṣmi sthānaṃ raivataparvakam |
atīva rocate tatra dāmodaro vasāmyaham || 78 ||
[Analyze grammar]

rukmadurge mandire'haṃ trivikramo vasāmi vai |
madhyenagaraṃ nṛsiṃharūpeṇāpi vasāmyaham || 79 ||
[Analyze grammar]

sthale vṛkṣe sume patre mūle rajasi parvate |
saritsu bhūtale vāpyāṃ taḍāge ca vane jale || 80 ||
[Analyze grammar]

tatratye kamale padme kumude sthalapadmake |
pāṣāṇe bhūvivare ca valmīke tarugulmake || 81 ||
[Analyze grammar]

yatra kvāpi raivatosti tatsarvatra vasāmyaham |
ahaṃ vai raivatagiriḥ raivato'haṃ na bhinnatā || 82 ||
[Analyze grammar]

mama bhūṣā mama tanuḥ raivataḥ pāvanaḥ paraḥ |
saurāṣṭravāsināṃ naiva yamāḥ paśyanti vai gṛham || 83 ||
[Analyze grammar]

ānartena tapaḥ kṛtvā golokāt kṣatriyeṇa vai |
kṛṣṇātprāpyā'tra ca maṇerbhāgo bai sthāpito'sti saḥ || 84 ||
[Analyze grammar]

saurāṣṭra itivikhyātastatratyānāṃ kutobhayam |
tadasminparvate divye gatānāṃ tu kuto bhayam || 85 ||
[Analyze grammar]

yatra vai dhātavo raktāḥ śvetā nīlāḥ sitāstathā |
pāṣāṇā kuṃjarākārāḥ santyanye svarṇarājatāḥ || 86 ||
[Analyze grammar]

caṇakākṛtayaścānyā bālukā gokṣurāyatāḥ |
divyāśca taravo vallyo gulmāḥ santānapādapāḥ || 87 ||
[Analyze grammar]

sarvaṃ tejomayaṃ svarṇaṃ mūlaṃ puṣpaṃ phalaṃ dalam |
nahi paśyati pāpātmā muktaḥ pāpena paśyati || 88 ||
[Analyze grammar]

sevyate sa girirnityaṃ dhātvādikhanimārgaṇaiḥ |
varṇāścāśramiṇastatra bhramanti ca vasanti ca || 89 ||
[Analyze grammar]

pakṣiṇastatra bahavaḥ sārasā vyomavāsinaḥ |
kokilāścātakā menā haṃsā mayūrakāstathā || 90 ||
[Analyze grammar]

garuḍā gṛdhrajātīyāḥ kapotā dīrghadarśinaḥ |
cakravākāḥ kṛkavākuḥ tittirā divyajātayaḥ || 91 ||
[Analyze grammar]

sarve śubhākṣarabhāṣāḥ śivāḥ śivakarāḥ sadā || 1 ||
[Analyze grammar]

mṛgāśca vānarendrāśca vyāghrāḥ siṃhāstathaiva ca || 92 ||
[Analyze grammar]

bhallukāśca gajāścaiva daivāśvāḥ sāttvatāstathā |
tasya tīrthaprabhāveṇa duṣṭaṃ naivā''caranti te || 93 ||
[Analyze grammar]

kālena nidhanaṃ cāptāḥ paśupakṣisarīsṛpāḥ |
sarve vimānamārūḍhā gacchanti vaiṣṇavaṃ padam || 94 ||
[Analyze grammar]

vāyunā patitaṃ yacca patrapuṣpaphalādikam |
svarṇarakṣājale tatra sarvaṃ vai muktimeti yat || 95 ||
[Analyze grammar]

suvarṇākhyā hareḥ patnī premadraveṇa sarvadā |
dāmodarasya sevāyāṃ nadīrūpeṇa vartate || 96 ||
[Analyze grammar]

nadī suvarṇarakṣā sā svarṇavālukayā yutā |
cakāsti svarṇamayyeva svarṇāṃścānyān karoti ca || 97 ||
[Analyze grammar]

tatra snātuṃ nāgarājo bhitvā bhūmiṃ tu vāsukiḥ |
tena mārgeṇa mūlena vivareṇā''gate hyabhūt || 98 ||
[Analyze grammar]

svargādāgatya cendro'pi yaṣṭvā yajñeṣu puṣkalam |
puṇyamādāya muktyarthaṃ gataḥ svargaṃ nirāmayam || 99 ||
[Analyze grammar]

kurvantyanaśanaṃ caikadivasīyamatho janāḥ |
te śrīhareḥ pratāpena cāpnuyurdhāma vai hareḥ || 100 ||
[Analyze grammar]

vāsudevo'niruddhaśca pradyumnaśca sukarṣaṇaḥ |
tathā'nye tvīśvarāḥ śatalakṣakoṭyo vasanti hi || 101 ||
[Analyze grammar]

prakrīḍanti priyāsteṣāṃ nityaṃ dāmodarāgrataḥ |
sucandravadanā gauryaḥ śyāmāśca dṛḍhamadhyamāḥ || 102 ||
[Analyze grammar]

nitambinyaḥ sukeśyaśca sunāsāyatalocanāḥ |
sugulphāḥ subhruvastatra sukukṣyaḥ supayodharāḥ || 103 ||
[Analyze grammar]

śobhanāsyāḥ sujaṃghāśca supādāṃghryudarāstathā |
raivatākhye girau tasmin ramante ca hasanti ca || 104 ||
[Analyze grammar]

tatrā'sti revatīkuṇḍastatra snātvā tu yā'ṅganā |
dadyāt svarṇādidānāni putriṇī subhagā bhavet || 105 ||
[Analyze grammar]

gītikānartanairdāmodarāgre tu punaḥ punaḥ |
deśabhāṣāvibhāṣiṇyo rāmā jāgrati kārtike || 106 ||
[Analyze grammar]

tāstu bhūtvā ramā lakṣmyo yānti śrīharimandiram |
pañcapāṣāṇakaṃ ramyaṃ sundaraṃ harimandiram || 107 ||
[Analyze grammar]

kṛtvā vā śikharaṃ daivaṃ bahurūpasamanvitam |
sarvān kāmānatikramya paraṃbrahmā'dhigacchati || 108 ||
[Analyze grammar]

paṃcavarṇaṃ dhvajaṃ dadyād dāmodaragṛhopari |
tantupramāṇavarṣāṇi divyāni viṣṇulokagaḥ || 109 ||
[Analyze grammar]

dāmodarasvarūpeṇa vāmano'tra virājate |
tasya ṣaḍgavyūtimātraṃ kṣetraṃ vastrāpathaṃ śubham || 110 ||
[Analyze grammar]

girerārohaṇād yāvat paścime vāmanasthalīm |
sāṣaṭgavyūtidīrghā vastrāpathā''ntarabhūmikā || 111 ||
[Analyze grammar]

gayo rājā harerbhakto hyekavāraṃ samāgataḥ |
viṣṇuyāgaṃ sa kṛtavān prajābhiḥ saha vaiṣṇavaḥ || 112 ||
[Analyze grammar]

datvā dānānyanekāni havirhutvā hutāśane |
viṣṇuyāgaṃ cakārātra raivatācalasannidhau || 113 ||
[Analyze grammar]

kecit tadānī tadyajñe'piban dhūmamadhomukhāḥ |
śuṣkapatrāśanāścānye'pare vai phalabhojanāḥ || 114 ||
[Analyze grammar]

mūlānāṃ bhakṣakāścānye pare vāyvaśanā dvijāḥ |
paṃcāgnisādhakāḥ kecitkecicca salilāsanāḥ || 115 ||
[Analyze grammar]

kecijjapanti gāyatrīṃ daivīmanye sarasvatīm |
kecijjapanti sūktāni dvādaśārṇaṃ japanti ca || 116 ||
[Analyze grammar]

aṣṭākṣaraṃ tathā kecit kaściddhaririti gṛṇan |
ekabhaktaṃ tathā naktamayācitamupoṣitam || 117 ||
[Analyze grammar]

evamādīni puṇyāni kṛtvā dāmodarāgrataḥ |
kṛtakṛtyāśca te jātā viṣṇuyāge mahāmakhe || 118 ||
[Analyze grammar]

gayo rājā tu ṛṣyādyairyāvadbhiḥ saha rājate |
vimānānāṃ sahasrāṇāṃ sahasrāṇyāgatāni ca || 119 ||
[Analyze grammar]

gandharvā'psarasastatra siddhacāraṇakinnarāḥ |
viṣṇostu pārṣadaiḥ sākaṃ vaikuṇṭhaṃ netumāgatāḥ || 120 ||
[Analyze grammar]

samārūḍhā vimāneṣu ṛṣyādayastadā prajāḥ |
sarvairjānipadaiḥ sārdhaṃ sa rājā bhāryayā saha || 121 ||
[Analyze grammar]

gato vimānamārūḍho viṣṇorlokaṃ nirāmayam |
tatra kṣetre vāmanastu baliṃ bhikṣāmayācata || 122 ||
[Analyze grammar]

tādṛśaṃ tatparaṃ kṣetraṃ na bhūtaṃ na bhaviṣyati |
yatra vāsādbhavenmuktiḥ kartavyaṃ nāvaśiṣyate || 123 ||
[Analyze grammar]

tatra bahūni tīrthāni santi tāni vadāmyaham |
sthānaṃ balavatā puṃsā balavad bhavatītyataḥ || 124 ||
[Analyze grammar]

tīrthāni tatra cāyānti svapāvitryāya padmaje |
tāni vai prathamaṃ smṛtvā vakṣye trivikramaṃ tataḥ || 125 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne raivatācale dāmodarākhyavāmanapratāpadevādinivāsacamatkārikamāhātmyavibhūtikārtikaparikramaṇadivyavasatigayakṛtayajñādinirūpaṇanāmā dvicatvā |
riṃśadadhikaśatatamo'dhyāyaḥ || 142 ||
[Analyze grammar]