Chapter 133

śrīlakṣmīruvāca |
hiraṇyākṣo yathā jāto yathā pṛthvīṃ jahāra saḥ |
prabhustasya vināśāya kadā kroḍo'bhavatpunaḥ || 1 ||
[Analyze grammar]

iti divyāṃ kathāṃ viṣṇoḥ sambandharasadāyinīm |
kathayasva hare kṛṣṇa tṛpyāmi na kathāśrave || 2 ||
[Analyze grammar]

śrīnārāyaṇa uvāca |
śṛṇu lakṣmi māricestu kaśyapasyā'dhikāriṇī |
patnī ditiścakārograṃ tapaḥ putrasulabdhaye || 3 ||
[Analyze grammar]

prathamaṃ sā mṛtaṃ putraṃ śuśoca bahuvāsarān |
hayagrīvaṃ punaḥ punaḥ saṃsmṛtya tanutāṃ gatā || 4 ||
[Analyze grammar]

na khādati subhojyāni vāripānādi necchati |
na vai śrāṃgārike bhāve prahṛṣyati kadācana || 5 ||
[Analyze grammar]

yadā yadā kaśyapasya mukhaṃ paśyati bhāminī |
netrayorjaladhārā vai tadā patati śokataḥ || 6 ||
[Analyze grammar]

pravāsito niṣkāsito vicitto vidhuro'pi vā |
sannyastaḥ paralokasthaḥ putro dahati mātaram || 7 ||
[Analyze grammar]

hayagrīvaṃ gṛhātsvāt vai niṣkāsitamapi mṛtam |
śrutvā śuśoca bahudhā putrasneho hi tādṛśaḥ || 8 ||
[Analyze grammar]

viṣṇoḥ putranāśayiturnāśārthaṃ sā mano dadhe |
naṣṭaputrapratīkāraṃ bahudhā''ptuṃ samīhate || 9 ||
[Analyze grammar]

balavantau mama putrau bhavetāṃ viṣṇunāśinau |
yena jyeṣṭhahayāsyasya niṣkṛtiṃ bahudhā labhe || 10 ||
[Analyze grammar]

vinā vai tapasāṃ siddhiṃ naiva syānme manorathaḥ |
evaṃ vicārya sā devī śatavarṣaṃ tapo'karot || 11 ||
[Analyze grammar]

kandamūlaphalāhārā pañcāśadvarṣamāsthitā |
pañcaviṃśativarṣāṇi jalāhārā'bhavattathā || 12 ||
[Analyze grammar]

pañcadaśapravarṣāṇi bāṣpāhārā'bhavatpunaḥ |
daśavarṣāṇi sā devī nirāhārā'bhavattathā || 13 ||
[Analyze grammar]

ditistapasā brahmāṇamārādhayatpunaḥ punaḥ |
nānyatpaśyati subhagā nānyaṃ spṛśati sarvathā || 14 ||
[Analyze grammar]

nānyatkaroti śṛṃgāraṃ sarvadā tapasi sthitā |
svapiti bhūtale nityaṃ nāṃgamardanamicchati || 15 ||
[Analyze grammar]

oṃ namo brahmaṇe tubhyaṃ prajānāṃ pataye namaḥ |
prajāṃ dehi prajāṃ dehi viṣṇutulyaparākramām || 16 ||
[Analyze grammar]

evaṃ mantrajapaṃ nityaṃ niyamena karoti sā |
varṣaśataṃ nītavatī tapo nirvighnameva hi || 17 ||
[Analyze grammar]

tvagasthiśeṣaśuṣkā sā mahāpūjanamācarat |
uktamantreṇa homaṃ vai cakāra daśalakṣakam || 18 ||
[Analyze grammar]

ante brahmā samāgatya prāha tāṃ tāpasīṃ vadhūm |
kiṃ te labhyaṃ bhaveddevi brūhi dadāmi mā tapa || 19 ||
[Analyze grammar]

vṛṇu śīghraṃ ca te kāmyaṃ pūrayiṣye tapobalāt |
nā'deyaṃ te kṛte me'sti kimapyatra drutaṃ vṛṇu || 20 ||
[Analyze grammar]

ditistaṃ vedhasaṃ natvā salajjā prāha mānasam |
svāgataṃ me vṛddhamānyaśvaśurasya karomyaham || 21 ||
[Analyze grammar]

prapituśca padornatvā vande pūjyaṃ prapūrvajam |
kṣamāṃ yāce'parādhasya yadi syādavinītatā || 22 ||
[Analyze grammar]

vṛddhā vaṃśā'vitāro'nugrahaṃ kuryurna ced yadi |
tarhi vaṃśyā duḥkhino vai kva ceyuḥ śaraṇaṃ param || 23 ||
[Analyze grammar]

yadi śaktāḥ pūrvavṛddhā vaṃśyānāṃ kāmapūraṇam |
na kuryuścettadā vaṃśyoddhārakāḥ syuśca ke'pare || 24 ||
[Analyze grammar]

tato'haṃ nirṇayaṃ kṛtvā pūjyād vṛddhapitāmahāt |
prāpsye sveṣṭasya saṃsiddhimevaṃ tapasi saṃsthitā || 25 ||
[Analyze grammar]

vṛṇomi prabalau putrau viṣṇuvīryaparākramau |
yābhyāṃ jyeṣṭhasya putrasyā'pacitiḥ syānmadīṃgitā || 26 ||
[Analyze grammar]

brahmā prāha tathā'stveva nārāyaṇaḥ karotu tat |
bhaviṣyataste satputrau viṣṇutulyaparākramau || 27 ||
[Analyze grammar]

viṣṇurvā viṣṇubhaktau vā viṣṇusāmyaparākramau |
nānyatrā'sti kvacitkvāpi viṣṇutulya parākramam || 28 ||
[Analyze grammar]

tasmānnārāyaṇaṃ gatvā vaikuṇṭhaṃ prārthayāmyaham |
ditimāśīḥ pradatvaiva brahmā tvantaradhīyata || 29 ||
[Analyze grammar]

gataḥ sa drāṅmahāvegānmahāvaikuṇṭhamityatha |
yatra nārāyaṇo devo bhagavān bhaktarakṣakaḥ || 30 ||
[Analyze grammar]

rājādhirājaḥ sarveṣāṃ śaṃkartā hi virājate |
natvā stutvā copaviśyā''sane kṛṣṇaṃ jagāda ha || 31 ||
[Analyze grammar]

dīnabandho dayāsindho jagaduddhārakṛdbhavān |
dityai tapaḥphalaṃ dātuṃ samartho'sti sadā'cyuta || 32 ||
[Analyze grammar]

tayā'rthitau sutau nārāyaṇatulyau parākramaiḥ |
tvameva tau pradānāya vicāraṃ kuru mādhava || 33 ||
[Analyze grammar]

yathā tasyā bhavetāṃ vai putrau sveṣṭau tathā kuru |
nārāyaṇastadā svasya jyeṣṭhabhrātustu vedhasaḥ || 34 ||
[Analyze grammar]

vacanaṃ saphalīkartuṃ vicāraṃ kṛtavān hṛdi |
nimittaṃ kiṃcidutpādya pūrayeyaṃ manoratham || 35 ||
[Analyze grammar]

yannimittamupāgṛhya mamāpi gamanaṃ bhuvi |
yanmiṣeṇa manuṣyāṇāṃ mallīlācaritāni ca || 36 ||
[Analyze grammar]

geyāni ca miliṣyanti tena yāsyanti mokṣaṇam |
tasmādetannimittaṃ me bhaktārthaṃ sukhadaṃ bhavet || 37 ||
[Analyze grammar]

madbhaktau matsamau syātāṃ madanyūnaparākramau |
ditestāveva satputrau kārayitvā mama druhau || 38 ||
[Analyze grammar]

tapaḥphalaṃ pradātavyaṃ mama kāryaṃ tathā bhavet |
vicāryeti hariḥ sākṣādavinayaṃ svapārṣadau || 39 ||
[Analyze grammar]

dvāsthau jayavijayākhyau prāveśayan svavāñcchayā |
sanandanādicaturaḥ prairayannijadarśane || 40 ||
[Analyze grammar]

yāvacca vedhasā sākaṃ viṣṇorvārtā bhavatyati |
tāvattu brahmaṇaḥ putrāḥ saṃkalpavegavattamāḥ || 41 ||
[Analyze grammar]

viṣṇostu darśanaṃ kartumājagmuḥ sanakādayaḥ |
sanātanaśca sanakaḥ sanandanastṛtīyakaḥ || 42 ||
[Analyze grammar]

sanatkumārasturyaśca sarve te brahmavarcasaḥ |
brahmaṇo mānasāḥ putrāḥ sarvajñā jñānamūrtayaḥ || 43 ||
[Analyze grammar]

vairāgyaṃ ca tṛṇīkṛtya vartamānā digambarāḥ |
te pañcahāyanāḥ saumyā brahmamūrtaya eva ca || 44 ||
[Analyze grammar]

naranārīśarīrasthā doṣā yatra na santi vai |
bhagavantaṃ vinā yeṣāṃ vṛttayo nānyasañcarāḥ || 4 ||
[Analyze grammar]

brahmadṛṣṭiṃ vinā yeṣāṃ dṛṣṭirnodbhavati kvacit |
yeṣāṃ hṛtsu harermūrtiṃ vinā nānyadviśatyapi || 46 ||
[Analyze grammar]

nāmāni pragṛṇantaste cāyānti rājamārgataḥ |
vaikuṇṭhavāsino'neke vaiṣṇavā yānti tānanu || 47 ||
[Analyze grammar]

praśaṃsanti ca tānbālānaho paśyata vaiṣṇavāḥ |
rūpe kṛṣṇasamāścaite mandahāsyāsyacandrakāḥ || 48 ||
[Analyze grammar]

svarṇavarṇāḥ sūryatulyāstejoparidhiśobhanāḥ |
manohāryaṃgasaṃpuṣṭāḥ sthalapadmāṃgakomalāḥ || 49 ||
[Analyze grammar]

nātidīrghasvarṇavarṇasnigdhaprāntā'lakā'nvitāḥ |
kiraṇodgamabhālena muṣṇanto janamānasam || 50 ||
[Analyze grammar]

śaradabjadalanetrasthiradṛṣṭyatihṛdgamāḥ |
raktapallavasattāmraraktauṣṭhacittahārakāḥ || 51 ||
[Analyze grammar]

kṛtordhvapuṃḍrakāḥ sarve karṇapuṣpāvataṃsakāḥ |
devairdhṛtārcanahārāḥ koṭikoṭyarkabhāsurāḥ || 52 ||
[Analyze grammar]

vāmaskandhabrahmasūtrāḥ kaṭisthamuñjamekhalāḥ |
rūpānurūpāvayavāḥ svarṇābhakarapattalāḥ || 53 ||
[Analyze grammar]

kaṇṭhe kare ca tulasīmālāṃ bibhranta aiśvarīm |
svarṇarekhāmahālakṣmīvāso vakṣasi dṛśyate || 54 ||
[Analyze grammar]

nārāyaṇasamā rūpe cākṛtau kṛṣṇasadṛśāḥ |
śvaitye dhyāne śaṃbhurūpāḥ śarīre brahmaṇāḥ samā || 55 ||
[Analyze grammar]

bhaktau lakṣmīsamāścaite ke bhaveyurjanā ime |
paśyantu vaiṣṇāvāstvetānmahāpuruṣalakṣaṇān || 26 ||
[Analyze grammar]

asmadbhāgyavaśādetānpaśyāmo devapurūṣān |
itidvitīyavaikuṇṭhavāsino vaiṣṇavā hyamūn || 57 ||
[Analyze grammar]

praśaṃsanti prapaśyanti tṛptiṃ yānti na darśane |
āgacchatāṃ ca nagnānāṃ sarveṣāṃ bālarūpiṇām || 58 ||
[Analyze grammar]

gopura āgato yatra dvāḥsthau dvāraṃ hi rakṣataḥ |
jayaśca vijayaścaiva prottasthatuḥ savetrakau || 59 ||
[Analyze grammar]

tāvanāpṛcchya gacchanti yāvattāvatsavetrakau |
prāhatuḥ kā ime nagnā gacchantyantaḥpuraṃ katham || 60 ||
[Analyze grammar]

tiṣṭhantu naiva gacchantu pratyāvartantu ke gatāḥ |
avinayena cāviṣṭāḥ pratiṣedhanti tānmuhuḥ || 61 ||
[Analyze grammar]

tathāpi tāvanādṛtya gacchanti brahmamānasāḥ |
kiṃ dvāraṃ ke dvārapālā naiva paśyanti yoginaḥ || 62 ||
[Analyze grammar]

ātmatattvaṃ vinā cānyad yeṣāṃ dṛṣṭau na kilbiṣam |
teṣāṃ ko vā vidhiścātha niṣedho rodha eva kaḥ || 63 ||
[Analyze grammar]

mā gacchantu ca mā yāntu ka ete badhirāḥ kimu |
re stabdhāḥ kanyakādṛśyāḥ ke yūyaṃ pāyugūbharāḥ || 64 ||
[Analyze grammar]

ajñātāḥ kva nvime yānti jaya gaccha nivartaya |
ke vai gardabhikāputrāḥ kasmācchūnīsutā ime || 65 ||
[Analyze grammar]

atra caivāgatāḥ santi sabadhnantu janā imān |
tāḍayantu ca pāṣāṇairbandhayantu drumaiḥ saha || 66 ||
[Analyze grammar]

nirlajjā yāntyagaṇayya dṛśyante vai nirañjanāḥ |
are vaḥ pitarau sto vā mṛtiṃ yāntau kathaṃ mṛgāḥ || 67 ||
[Analyze grammar]

vivastrā niṣparigrahāḥ kasya bhramatha mārgaṇe |
na santi mātaro vo'tra drutaṃ dhāvantvitaḥ sthalāt || 68 ||
[Analyze grammar]

nivartante na cedete yaṣṭiṃ kuru gudasthale |
ityevaṃ vijayo yāvajjayaṃ vakti tadā punaḥ || 69 ||
[Analyze grammar]

parāvṛtya ca saṃsthitvā śrutaṃ sarvamamaṃgalam |
na gacchantyagratastāvanna vadanti kimuttaram || 70 ||
[Analyze grammar]

jayo gatvā svavetreṇa tānpṛṣṭhe mṛdvatāḍayat |
madhye nitambayosteṣāṃ lakuṭyā samapīḍayat || 71 ||
[Analyze grammar]

datvā capeṭikāṃ gaṇḍe mastake samatāḍayat |
liṃgāṃ gṛhītvā caiteṣāṃ chedayantvityabhīṣayat || 72 ||
[Analyze grammar]

iti bhartsya tiraskṛtya prakoṣṭhe parigṛhya ca |
baddhvaikavallikārajjvā caturo'pyaniṣkāsayat || 73 ||
[Analyze grammar]

dhūlīḥ prakṣipya pṛṣṭhe tān mukhe kārṣṇamakārayat |
ityevaṃ jayavijayāvavinayena mohitau || 74 ||
[Analyze grammar]

bālānmatvā tiraskārādyaparādhānpracakratuḥ |
tāvadramā jayā cānyāḥ sakhyo vihartumutsukāḥ || 75 ||
[Analyze grammar]

tadgopureṇa nirgatya yāntyastāndadṛśustadā |
paricitānviṣṇurūrpauṃścaturnārāyaṇānimān || 76 ||
[Analyze grammar]

patitvā pādayosteṣāmarhaṇaṃ cakrire'vanam |
dhūlīnirdhūnanaṃ rajjubandhapramokṣaṇaṃ tathā || 77 ||
[Analyze grammar]

pādayoścumbanaṃ caiva mārjanaṃ cakrire muhuḥ |
aho keneva duṣṭena nāthānāmardanaṃ kṛtam || 78 ||
[Analyze grammar]

kasya hastau ca pādau ca bhagnau bhāgyaṃ ca visphuṭam |
vā kasyā'nnamitaḥ sthānāt samāptimagamat khalu || 79 ||
[Analyze grammar]

kasya jalaṃ tūdvinaṣṭamudiyāya ravirghṛṇī |
kasya vā puṇyarekhā'dya trūṭitā dharaṇīṃ gatā || 80 ||
[Analyze grammar]

etādṛśānāṃ sādhūnāmavamānaṃ tu kaiḥ kṛtam |
teṣāṃ naivātra vāso'sti bhavennaiva vidantu te || 81 ||
[Analyze grammar]

yāvannārāyaṇonaiva jānāti tāvadeva hi |
avamānayitustvatra sthitiḥ paścāttu nāsti hi || 82 ||
[Analyze grammar]

ityevaṃ lapamānāstā dṛṣṭvā dṛṣṭvā rudanti ca |
tāvallalitayā gatvā nārāyaṇāya veditam || 83 ||
[Analyze grammar]

yāvacchṛṇoti deveśo drāk padbhyāṃ dhāvitaḥ svakāt |
siṃhāsanāt samutthāyā'prāvṛtābhyāṃ ciraveda ca || 84 ||
[Analyze grammar]

yāvadāyāti vai tatra gopure śrīhariḥ svayam |
tāvattu lakṣaśaḥ patnyaḥ koṭiśo vaiṣṇavā api || 85 ||
[Analyze grammar]

samājagmuḥ sthale tatra praṇemuḥ sanakādikān |
śrīharistān catuḥsādhūn praṇanāma sadaṇḍavat || 86 ||
[Analyze grammar]

kiṃ kṛtaṃ kena cetyevamapṛcchadavamānakam |
bhavādṛśānāṃ sādhūnāṃ kṛtaṃ yenā'vamānanam || 87 ||
[Analyze grammar]

na sa me gopure caiva vaikuṇṭhe vāsamarhati |
mama pādau ca hastau sādhvaparādhakarau yadi || 88 ||
[Analyze grammar]

chindyāṃ tau yadi netraṃ vā jihvāṃ vā kartayāmi tām |
lakṣmīṃ svakāṃ jahāmyeva sādhvaparādhakāriṇīm || 89 ||
[Analyze grammar]

lokavāyusparśahīnāḥ kilbiṣā'spṛṣṭamānasāḥ |
bālā api viharanti kalyāṇāya gṛhārthinām || 90 ||
[Analyze grammar]

bālā api na vai bālā mokṣādeḥ pitaro matāḥ |
pāvanāḥ pāpināṃ lokapāvakā vicaranti hi || 91 ||
[Analyze grammar]

kṣamāpayantvaparādhān kṛpāṃ kṛtvā mamopari |
antaḥsaudhaṃ samāyāntu gṛhṇantu dāsasevanam || 92 ||
[Analyze grammar]

ityabhyarthya ca teṣāṃ vai pādapāṃsūn śirasyadhāt |
nītvā nārāyaṇastāṃśca yāvadāyācca gopure || 93 ||
[Analyze grammar]

pārṣadau jayavijayau tāvattejovihīnakau |
mlānamukhau sakampau ca dṛṣṭau nārāyaṇena vai || 94 ||
[Analyze grammar]

tāvattaiḥ śiśubhiḥ proktaṃ harerdhāmnyatra nirguṇe |
pavitre sarvathā śānte sukhade mokṣabhūmike || 95 ||
[Analyze grammar]

nirvikāre mahāsaumye divye hariniketane |
nedṛśau dvārapau yogyau duḥkhadau maukṣanāśakau || 96 ||
[Analyze grammar]

savikārau tathā kruddhāvaślīlavācau stabdhakau |
śiṣṭācārarahitau cā'suravatkṛtyakāriṇau || 97 ||
[Analyze grammar]

yato yogyāvāsuriṃ vai yonimeva prasevitum |
na tu yogyau śuddhasattvavaikuṇṭhaṃ dhāma sevitum || 98 ||
[Analyze grammar]

śrīhareḥ pādayoretau krūrau yogyau na vai matau |
yatpāpāmāsurīṃ yoniṃ yuvāṃ yātaṃ padacyutau || 99 ||
[Analyze grammar]

yāvadvai patataḥ sthānāt śāpayogāttadā punaḥ |
prārthayāmāsaturviprānkṣamārthaṃ cāśrunetrakau || 100 ||
[Analyze grammar]

nārāyaṇecchayā prahvībhāvaṃ yātā dayālavaḥ |
munayaḥ śiśavaścāhustānātrijanma tattathā || 101 ||
[Analyze grammar]

tataścāsurabhāvaṃ tu vihāyaitatsamāpsyathaḥ |
punardauvārikatvaṃ vai gamiṣyāmo na saṃśayaḥ || 102 ||
[Analyze grammar]

evaṃ śaptau svabhavanātpatitau viṣṇulokataḥ |
diteḥ putrau tu tau jātau mahādaityau mahābalau || 103 ||
[Analyze grammar]

vaikuṃṭhe ca tayoḥ sthāne ajaṃ ajayameva ca |
niyuyoja harirdvārapālau yāvattadāgamaḥ || 104 ||
[Analyze grammar]

lakṣakoṭidāsadāsīramārāmājayādibhiḥ |
ātithyaṃ pūjanaṃ cāpi bhojanaṃ pādavāhanam || 105 ||
[Analyze grammar]

vividhaṃ sevanaṃ pānaṃ mardanaṃ śayanādikam |
sampāditaṃ caturṇāṃ tu sanakādikaśaṃjuṣām || 106 ||
[Analyze grammar]

kṛtvaiva darśanaṃ samyak datvā ca darśanaṃ svakam |
puṇyaṃ nītvā ca datvā cāgatā lokaṃ tu satyakam || 107 ||
[Analyze grammar]

vedhasā saha cāyātāste vai svapitṛmandiram |
tato gatāḥ kaśyapaṃ vai draṣṭuṃ merau tataśca te || 108 ||
[Analyze grammar]

putrayorharisamayorāśīrvādānvidhāya ca |
jagmurdhāma harerdivyaṃ śvetadvīpaṃ sadāsanam || 109 ||
[Analyze grammar]

atha jayaśca vijayo hyāsuraṃ bhāvamāsthitau |
hiraṇyakaśipurjyeṣṭho hiraṇyākṣo'nujo'bhavat || 110 ||
[Analyze grammar]

varṣaśataṃ garbhasaṃsthau na ca janma hyavāpatuḥ |
yadi janma bhavettarhi duḥkhaṃ prāpsyāvahe yataḥ || 111 ||
[Analyze grammar]

janma naiva parigrāhyamiti matvā na nirgatau |
nāradena tadāgatya tatra tau tu prabodhitau || 112 ||
[Analyze grammar]

janmanāṃ grahaṇenaiva trijanmānte punaḥ svakam |
prāpsyatho vaiṣṇavaṃ dhāma pārṣadau ca bhaviṣyathaḥ || 113 ||
[Analyze grammar]

ityādiśya tato mantramādideśa punastathā |
lakṣmīnārāyaṇetyevamāśrāvyā''jñāpayattadā || 114 ||
[Analyze grammar]

dveṣabhāvena vai lakṣmīnārāyaṇaṃ bhajiṣyathaḥ |
dvitīye janmani sītārāmaṃ caiva bhajiṣyathaḥ || 115 ||
[Analyze grammar]

tṛtīye janmani kṛṣṇaṃ naraṃ cāpi bhajiṣyathaḥ |
tato muktiṃ pragantārau bhaviṣyatho na saṃśayaḥ || 116 ||
[Analyze grammar]

iti coktvā gato devo nāradaḥ svaṃ trilokanam |
aṭanārthaṃ pārṣadau tvāsurau janma hyavāpatuḥ || 117 ||
[Analyze grammar]

itiśrīlakṣmīnārāyaṇīyasaṃhitāyāṃ prathamaṃ kṛtayugasantāne diteḥ putrārthaṃ tapo vedhasa āśīrvādo vaikuṇṭhagamanaṃ tatra viṣṇuṃ samprārthya vedhasā nārāyaṇasamaputraprāptivaradānakathanaṃ tato haripreraṇayā sanakādīnāṃ vaikuṇṭhagamane jayavijayābhyāṃ tiraskṛte janmatrayā'surabhāvaprātiśāpena hiraṇya |
kaśipuhiraṇyākṣajanmādivṛttāntakathananāmā trayastriṃśadadhikaśatatamo'dhyāyaḥ || 133 ||
[Analyze grammar]