Chapter 124

śrīnārāyaṇa uvāca |
śaṃbhustato mahādevīṃ prāha tatparavarṇanam |
sākete tatra vartulābhyantare rājamārgakaḥ || 1 ||
[Analyze grammar]

koṭiyojanadīrgho'sti yāti nārāyaṇālayam |
pārśve vanānyanantāni kalpadrumanti santi vai || 2 ||
[Analyze grammar]

dharmaśālāḥ śāntiśālā viśrāntibhūmayo'pi ca |
dvayostu pārśvayoḥ santi kūpataḍāgadīrghikāḥ || 3 ||
[Analyze grammar]

kvacitsaudhāśca dhavalāḥ prāsādāśca kvacit tathā |
santi pravāsināṃ sarvasatkārārhāḍhyasadgṛhāḥ || 4 ||
[Analyze grammar]

maṇisvarṇamayāḥ sarve svarṇakalaśaśṛṃgiṇaḥ |
sudhāsadrasasaraso nāgavallyādiśobhitāḥ || 5 ||
[Analyze grammar]

sodyānāḥ sopabhogāśca varakanyānivāsadāḥ |
vaiṣṇavavaiṣṇavīsaudhāḥ pārśvayorvilasanti hi || 6 ||
[Analyze grammar]

patākātoraṇadhvajamañcadarpaṇadīpakaiḥ |
saumyamṛdūpakaraṇairbhakṣyapeyādivardhitaiḥ || 7 ||
[Analyze grammar]

vividhaiḥ sādhanairyuktāḥ prāsādāste lasanti hi |
vaikuṇṭhānnaiva kiñcidvai nyūnatā'sti vibhūtiṣu || 8 ||
[Analyze grammar]

sāketāttu samārabhya vaikuṇṭho divyalokakaḥ |
antarīkṣe brahmadhāmni sthito vai vartate paraḥ || 9 ||
[Analyze grammar]

tasya vai paritaḥ sarvavaiṣṇavānāṃ nivāsinām |
vartule vai vasatayaḥ sākete saṃvasanti hi || 10 ||
[Analyze grammar]

sāketakṛnnivāsānāṃ madhye vaikuṇṭhamuttamam |
pūrve sāketasadbhāge brahmapanasapādapaḥ || 11 ||
[Analyze grammar]

pañcayojanavistīrṇo daśayojanamūrdhvagaḥ |
sahasraskandhaśobhāvān koṭiśākhāpravistaraḥ || 12 ||
[Analyze grammar]

pītapakvaphalāḍhyaśca haritpallavaśobhitaḥ |
succhāyāsukhadastasyā'dhaścaturasravedikāḥ || 13 ||
[Analyze grammar]

santi tatra ramante vai ramāvaiṣṇavabālakāḥ |
nārāyaṇasamā rūpe pītavastrāścaturbhujāḥ || 14 ||
[Analyze grammar]

gandhacandanakastūrīprabhativarṣmavāsitāḥ |
sarvalakṣaṇaśobhāḍhyā ramante viharanti ca || 15 ||
[Analyze grammar]

tataḥ pārśve dvitīyastu lakṣmīpanasapādapaḥ |
vartate vistṛtaḥ paṃcayojane dviguṇocchrayaḥ || 16 ||
[Analyze grammar]

vihāriṇyā ramāyāstadviśrāntisthalamasti vai |
sadratnasāramāṇikyavedikāḥ santi vartule || 17 ||
[Analyze grammar]

vaiṣṇavīnāṃ kanyakānāṃ vihārāṇi ca tatra vai |
sarvāstāḥ kanyakā lakṣmīsamarūpaguṇāśrayāḥ || 18 ||
[Analyze grammar]

bhāsurāstā ramante sma divyā dvādaśahāyanāḥ |
nārāyaṇaṃ pratīkṣante yāntyāyānti punaḥ punaḥ || 19 ||
[Analyze grammar]

nārāyaṇaṃ prāṇapatiṃ saṃsevyaiva prayānti tāḥ |
tayoḥ panasayormadhye rājamārgo manoharaḥ || 20 ||
[Analyze grammar]

lakṣmīnārāyaṇasaudhaṃ pratigacchati pārataḥ |
tasya pārśvadvaye ratnamāṇikyamaṇivedikāḥ || 21 ||
[Analyze grammar]

divyagṛhāśca prāsādā vaiṣṇavā''vāsaśobhitāḥ |
vaiṣṇavyaḥ kanyakāḥ pūjāpātrāṇyādāya yānti ca || 22 ||
[Analyze grammar]

vividhodyānapuṣpāṇāṃ mālāśekharahastakāḥ |
nārāyaṇaṃ prapūjyaiva punarāyānti tatra vai || 23 ||
[Analyze grammar]

taptakārtasvaravastrāstaptakāṃcanavigrahāḥ |
koṭikāmavimohāsyāḥ sevante śrīhariṃ gṛhe || 24 ||
[Analyze grammar]

vaikuṇṭhavāsināṃ caiva sāketavāsināṃ tathā |
bahirantargamo mārgaḥ saṃkulito'sti sarvadā || 25 ||
[Analyze grammar]

pārśve kvacitsahakāratarūdyānāni santi vai |
kvacitpanasaraṃbhādiphalodyānasumaṇḍitaḥ || 26 ||
[Analyze grammar]

puṣpodyānamanohārisaraḥśobhāsamanvitaḥ |
so'yaṃ viśati pūrvasmātpūrvaṃ prākāragopuram || 27 ||
[Analyze grammar]

prākārāntargataṃ sarvaṃ vaikuṇṭhaṃ harimandiram |
prākārābhyantare santi bhaktāvāsāstu koṭiśaḥ || 28 ||
[Analyze grammar]

prākāro vartulākāraḥ koṭiyojanavistṛtaḥ |
brahmadhāmni sthito vyomni mahāvaikuṇṭha ucyate || 29 ||
[Analyze grammar]

nityavaikuṇṭha ityeva paravaikuṇṭha ityapi |
nāmnā paricayastatra kurvanti vaiṣṇavā janāḥ || 30 ||
[Analyze grammar]

prākāropari vartante vimānāni tu koṭiśaḥ |
vrahmadhāmni pragacchanti sākete viharanti ca || 31 ||
[Analyze grammar]

brahmāṇḍeṣu svakān bhaktānādayā''yānti dhāma tat |
sarve te pārṣadā nārāyaṇapādāgryasevakāḥ || 32 ||
[Analyze grammar]

divyā vasanti prākāre prāsādeṣu mahatsu ca |
sadratnamaṇimāṇikyahīrakādisukoṣṭhikāḥ || 33 ||
[Analyze grammar]

sthale sthale tu vartante prāsāde tatra śobhanāḥ |
bahubhogārthasampūrṇā vahusaukhyapradadravāḥ || 34 ||
[Analyze grammar]

bhavanti tatra prākāraprāsādeṣūttarottarāḥ |
nārāyaṇārthasarvasvārpitavaiṣṇavakanyakāḥ || 35 ||
[Analyze grammar]

paṃcāśatkoṭisaṃkhyāko vasanti śrīharipriyāḥ |
āśramā vartule tatra prākāre saptabhūmiṣu || 36 ||
[Analyze grammar]

koṭyabjāḥ santi divyāste nārāyaṇasya pārṣadaiḥ |
kṛtāvāsāḥ śāśvatāḥ śrīharyanyūnavibhūtayaḥ || 37 ||
[Analyze grammar]

vyomodyānasudhākhanyo nisargānandarāśayaḥ |
bhaktāśca vaiṣṇavaśreṣṭhāḥ śatakoṭirvasanti vai || 38 ||
[Analyze grammar]

sarve caturbhujāḥ ṣoḍaśābdā nārāyaṇā iva |
dvādaśavatsarāḥ kanyāḥ sarvāstāḥ kamalā iva || 39 ||
[Analyze grammar]

tato'pyante mahābhaktāḥ sātvatāḥ harirūpiṇaḥ |
prāsādeṣu kṛtāvāsā vartante koṭiśo'pare || 40 ||
[Analyze grammar]

lakṣmīdevyāḥ kiṃkarīṇāṃ dvātriṃśatkoṭayo'parāḥ |
vasanti tatra prākārasaudheṣu haritanmayāḥ || 41 ||
[Analyze grammar]

nārāyaṇaṃ parabrahma viditvaityatimṛtyutām |
tasya tatra bhavedvāso mahāvaikuṇṭhamaṇḍale || 42 ||
[Analyze grammar]

nārāyaṇaparābhaktyā ramāyāḥ sevayā tathā |
gacchantyapunarāvṛttiṃ mahāvaikuṇṭhameva te || 43 ||
[Analyze grammar]

teṣāṃ kṛte nivāsāste prākāre maṇinirmitāḥ |
puṣpaśayyāpuṣpamālā'mṛtabhojyādismṛddhayaḥ || 44 ||
[Analyze grammar]

chatracāmaradarpaṇasvarṇakalaśabhūṣaṇāḥ |
vastrābharaṇaśobhāḍhyāsteṣāṃ vāsā bhavanti te || 45 ||
[Analyze grammar]

avyayā'moghavīryā''ptahṛṣṭapuṣṭaśarīrakāḥ |
nivasanti svasaudheṣu vaiṣṇavāḥ koṭikoṭayaḥ || 46 ||
[Analyze grammar]

aṣṭau santi mahānto vai prākāre tatra gopurāḥ |
rakṣitā dvārapālairvai caturdaśādhibhūmayaḥ || 47 ||
[Analyze grammar]

aindraṃ ca pāvakaṃ caiva yāmyaṃ ca nairṛtaṃ tathā |
vāruṇaṃ caiva vāyavyaṃ saumyamaiśānameva ca || 48 ||
[Analyze grammar]

dvārapālatvamevaitaddevānāṃ nirmitaṃ sadā |
devāste vaiṣṇavāḥ sarve nityā muktā vasanti ye || 49 ||
[Analyze grammar]

te vai dvārādhipāḥ santi na tu svargādipālakāḥ |
indraśca pāvakaścaiva yamaśca nirṛtastathā || 50 ||
[Analyze grammar]

varuṇaḥ pavanaścaiva kubera īśa ityapi |
etannāmāna ityete muktā vaikuṇṭhavāsinaḥ || 51 ||
[Analyze grammar]

|| 97 ||
[Analyze grammar]

teṣāṃ vaśāstu vaikuṇṭhe koṭyarbudāstu vaiṣṇavāḥ |
ekaikasya tu te sarve prākārābhyantare sthitāḥ || 52 ||
[Analyze grammar]

ayaṃ tu saptamo vyūhastato'pyabhyantare'param |
śaṃkhacakragadāpadmakhaḍgaśārṅgahalāni ca || 53 ||
[Analyze grammar]

musalaṃ cā''yudhānyaṣṭau tattannāmnā tu pārṣadāḥ |
caturbhujā mūrtimanto mantraśastrāstrasaṃyutāḥ || 54 ||
[Analyze grammar]

ṣaṣṭhaṃ vyūhaṃ viracayyā'ṣṭadikṣu santi vai kramāt |
ekaikasya vaśe santi vaiṣṇavāścārbudāstathā || 55 ||
[Analyze grammar]

atha vai pañcame vyūhe ṣaṣṭhasyābhyantarasthite |
ṛgvedaśca yajurvedaḥ sāmavedo hyatharvaṇaḥ || 56 ||
[Analyze grammar]

sāvitrī garuḍo dharmo makhaścāṣṭau tu pārṣadāḥ |
vaikuṇṭhasthā mūrtimanto vasanti divyaṛddhayaḥ || 57 ||
[Analyze grammar]

teṣāṃ vaśyā bhavantyeva koṭikoṭyastu vaiṣṇavāḥ |
atha vyūhe caturthe vai tiṣṭhanti divyavigrahāḥ || 58 ||
[Analyze grammar]

satyaścaivā'cyutaścaivā'nanto durgastathā'paraḥ |
viśvakseno gaṇeśaśca divyā muktāśca te smṛtāḥ || 59 ||
[Analyze grammar]

eteṣāmapi vaśyā vai koṭiśaḥ santi vaiṣṇavāḥ |
atha vyūhe tṛtīye tu canurthā'bhyantare sthite || 60 ||
[Analyze grammar]

matsyaśca kacchapaścaiva vārāho narasiṃhakaḥ |
vāmanaḥ paraśurāmo rāmacandraśca kalkikaḥ || 61 ||
[Analyze grammar]

divyā vibhūtayo nārāyāṇasyāṃśāstu vaiṣṇavāḥ |
tadadhīnāstathā tatra vaiṣṇavāḥ koṭikoṭiśāḥ || 62 ||
[Analyze grammar]

atha vyūhe dvitīye tu prahlādo nāradastathā |
parāśaraḥ puṇḍarīkaḥ kṛṣṇadvaipāyanastathā || 63 ||
[Analyze grammar]

ambarīṣo dhruvaścaiva vālmikādyā maharṣayaḥ |
koṭiśaḥ santi divyā vai bhaktā vaikuṇṭhavāsinaḥ || 64 ||
[Analyze grammar]

prathame vyūhane vai prāgvāsudevasya mandiram |
āgneyyāṃ vasati lakṣmīryāmyāṃ saṃkarṣaṇālayaḥ || 65 ||
[Analyze grammar]

sārasvataṃ nu nairṛtyāṃ prādyumnaḥ paścime tathā |
ratilokastu vāyavyāmudīcyāmaniruddhabhūḥ || 66 ||
[Analyze grammar]

aiśānyāṃ śāntilokaścetyevaṃ prathamamaṇḍalam |
ete sarve svasvabhaktārbudapārārdhyakoṭibhiḥ || 67 ||
[Analyze grammar]

nivasanti pare mahāvaikuṇṭhe harisannidhau |
naiteṣāṃ tu vibhūtīnāṃ prāsādānāṃ ca hīnatā || 68 ||
[Analyze grammar]

smṛddhīnāṃ bhogyabhāvānāṃ bhojyapeyavilāsinām |
pramadānāṃ suvastrāṇāṃ mṛdyānāṃ dravabhāvinām || 69 ||
[Analyze grammar]

sugandhānāṃ sudrasyānāṃ spṛśyānāṃ śravamārgiṇām |
dṛśyānāṃ divyabhogānāmudyānānāṃ sudhārthinām || 70 ||
[Analyze grammar]

dadhidugdhādimiṣṭānāṃ śayanāsanavāhinām |
śītoṣṇavyaṃjanādīnāṃ vyajanā''darśavarttinām || 71 ||
[Analyze grammar]

ramārāmāvihārāṇāṃ saudhaprāsādaśālinām |
vibhūṣāṇāṃ kajjalānāṃ raṃgāṇāṃ svādināṃ tathā || 72 ||
[Analyze grammar]

lepyānāṃ ca prabhakṣyāṇāṃ pātrāṇāṃ karmiṇāṃ tathā |
dāsīnāṃ dāsadāsānāṃ vaiṣṇavānāṃ susevinām || 73 ||
[Analyze grammar]

kiṃkarīṇāṃ sulokānāṃ phalapuṣpasupatriṇām |
vṛkṣodyānavanānāṃ ca madhuvāpīsaritsatām || 74 ||
[Analyze grammar]

bhautikānāṃ ca divyānāṃ kācakambaladrutvacām |
mukhavāsādivastūnāṃ vimānānāṃ vimāninām || 75 ||
[Analyze grammar]

sevakānāṃ suratānāṃ vilāsinīvilāsinām |
rūpāṇāṃ komalānāṃ ca vastūnāṃ vāsadāyinām || 76 ||
[Analyze grammar]

vādyānāṃ sāmanṛtyānāṃ samājotsavaśālinām |
siṃhāsanānāṃ bṛsīnāṃ pātrāṇāṃ patriṇāṃ tathā || 77 ||
[Analyze grammar]

rūpe guṇe ca sāmarthye vaibhave caiśvare tathā |
nārāyaṇānna vai nyūnaṃ lakṣmyā nyūnaṃ ca vā nahi || 78 ||
[Analyze grammar]

sarve nārāyaṇasamā bhaktā nāryo ramāsamāḥ |
mahāvaikuṇṭhavāse vai nārāyaṇānna hīnatā || 79 ||
[Analyze grammar]

lakṣmīnārāyaṇe yadvat tadvatsvasminna bhinnatā |
na balirna jarā palitatā naiva ca kṣīṇatā || 80 ||
[Analyze grammar]

na hrāso nā'pyakāntiśca na śoko maraṇaṃ kutaḥ |
na vai saṃkalpahāniśca yadyadicchati tadbhavet || 81 ||
[Analyze grammar]

sarvaṃ cintāmaṇivyāptaṃ saṃkalpadrumanaityakam |
sarvamakṣayakaraṇaṃ brahmadhāmaprapūritam || 82 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne mahāvaikuṇṭhe rājamārgabrahmapanasalakṣmīpanasamahāprākāraprāsādagopurasaptavyūhādivarṇananāmā caturviṃśa |
tyadhikaśatatamo'dhyāyaḥ || 124 ||
[Analyze grammar]