Chapter 119

śrīnārāyaṇa uvāca |
śaṃbhuḥ prāha punardevīṃ śrīharermaṇḍapopari |
prāsādaṃ śṛṇu kalyāṇi na bhūto na bhaviṣyati || 1 ||
[Analyze grammar]

lakṣayojanavistāraḥ sahasrayojanocchrayaḥ |
sahasrastaṃbhapaṃktyekā sahasrapaṃktayastathā || 2 ||
[Analyze grammar]

kammānikācatuṣkīvatsarvatra protthitāḥ śubhāḥ |
madhye mahān ghūmmaṭaśca dikṣu catvāra eva ca || 3 ||
[Analyze grammar]

catuṣkoṇeṣu catvāri śikharāṇi lasanti vai |
śikharāṇi sapta taṃ vai ghūmmaṭaṃ dhruvametya ca || 4 ||
[Analyze grammar]

trīṇi dakṣe ca vāme'pi trīṇi madhye mahattamam |
yatkolyāṃ maṇḍapastatra yadadhaḥ siṃhamāsanam || 5 ||
[Analyze grammar]

saudhopari koṣṭhalo'pi sahasrayojanocchrayaḥ |
koṣṭhalopari śikharaṃ sārdhasahasrayojanam || 6 ||
[Analyze grammar]

tatra sthitā padmaśilā pañcaśatasuyojanam |
tatra sthalīśilā cāste śatayojanamucchrayā || 7 ||
[Analyze grammar]

tadūrdhvaṃ divyasauvarṇakalaśāḥ śatameva ca |
taduparyekakalaśī tatastadgarimo mataḥ || 8 ||
[Analyze grammar]

tai vai pañcaśatocchrāyā dhvajadaṇḍastataḥ param |
sahasrayojanocchrāyo vaṃśaścāpi tathocchrayaḥ || 9 ||
[Analyze grammar]

dhvajastatrā''mūlapucchaṃ pañcaśatasuyojanaḥ |
saptaraṃgo dvipucchaśca koṭisūryasamojjvalaḥ || 10 ||
[Analyze grammar]

ta eta cetanā muktāḥ sevārtharūpadhāriṇaḥ |
cihnadehāḥ sadā muktāstathā tiṣṭhanti sevane || 11 ||
[Analyze grammar]

śikhare sāṃkhyayoginyo yoginyo dikṣu santi vai |
siṃhāścānye narasiṃhā hyavatārā bhavanti vai || 12 ||
[Analyze grammar]

gavākṣāstatra śikhare muktākṣāḥ saṃvasanti vai |
puttalikāstathā cānyā muktānyaḥ saṃvasanti tāḥ || 13 ||
[Analyze grammar]

dhvajadaṇḍe pāṭalikā sādhvī muktā tu sā matā |
ghaṇṭiṇyastāśca muktānyo divyāḥ śrīharisevikāḥ || 14 ||
[Analyze grammar]

dīpastatra mahādīpo mahāmukto na cāparaḥ |
mahato'pi mahīyānvai dīpaḥ sarvottamo hi saḥ || 15 ||
[Analyze grammar]

anyeṣvapi tu śṛṃgeṣu sarve muktā vasanti vai |
saudhopari ghummaṭo'pi sahasrayojanocchrayaḥ || 16 ||
[Analyze grammar]

divyo'yaṃ vai mahāsaudho vyomagastaijasaḥ svayam |
yatheṣṭaśrīhareḥ kāmādgacchatyeva samantataḥ || 17 ||
[Analyze grammar]

tatrarṣīṇāṃ vimānāni kāmagāni bhramanti vai |
pradakṣiṇāṃ mandirasya tāni kurvanti bhaktitaḥ || 18 ||
[Analyze grammar]

divyāḥ śītoṣṇajaladā vahnikuṇḍāśca śāśvatāḥ |
anityāḥ śītagandhāśca prakāśā dugdharūpiṇaḥ || 19 ||
[Analyze grammar]

pradīpāḥ satyasaṃkalpā upaskarāśca kāmajāḥ |
vastrabhojanabhūṣādipānavāhāśca kāmajāḥ || 20 ||
[Analyze grammar]

gṛhā gṛhopasampattiḥ sevakāḥ sevikāstathā |
divyā divyavapuṣmanto muktā mūrtaya eva te || 21 ||
[Analyze grammar]

mahāsaudhe svakaṃ ramyaṃ siṃhāsanaṃ tu madhyage |
tatpārśve dharmadevasya bhakteśca vasatirdhruvā || 2 ||
[Analyze grammar]

vāmapārśve tu mukteśca rateśca vasatirdhruvā |
jñānasya dharmapārśve tu viraktervasatirdhruvā || 23 ||
[Analyze grammar]

muktipārśve upāsteścā''jñāyāśca vasatirdhruvā |
ājñāpārśve mumukṣāyāḥ prapattervasatirdhruvā || 24 ||
[Analyze grammar]

jñānapārśve kathāyāśca vārtāyā vasatirdhruvā |
vārtāpārśve dāsatāyā dīkṣāyā vasatirdhruvā || 25 ||
[Analyze grammar]

itisaptaśikharā'dhovāsaste kīrtito mayā |
ghummaṭe vartulaṃ pradakṣiṇāyāṃ gotramaṇḍalam || 26 ||
[Analyze grammar]

saptakuṭumbakauṭumbitattadvāsā bhavanti vai |
vartulagopure vidyā parā tadāpyate yayā || 27 ||
[Analyze grammar]

vartulastu mahānsvarṇadivyaprākāra ucyate |
paritastatra rājante saudhā anādimuktajāḥ || 28 ||
[Analyze grammar]

nityaṃ teṣāṃ tu saudhāste vimānānīva cetanāḥ |
kāmagāḥ kāmacārāste sarvasmṛddhiprapūritāḥ || 29 ||
[Analyze grammar]

bhojyapānavilepārghyasarvarasasukhāśrayāḥ |
tejasvinaḥ sadā divyā muktāḥ śrīharirūpiṇaḥ || 30 ||
[Analyze grammar]

yatheṣṭasarvasāmarthyā yatheṣṭotpādabhāvanāḥ |
teṣāṃ nāmāni vakṣye tvāṃ śṛṇu pārvati susthirā || 31 ||
[Analyze grammar]

guṇātītaśca gopālo brahma muktaḥ śukaḥ śata |
suvrato niṣkulo bhūmā vidhātā vāsudevakaḥ || 32 ||
[Analyze grammar]

nityo'cintyaśca śāntaśca kṛṣṇastyāgaḥ kṛpastathā |
parahaṃso virāgaścinmayaścākṣara īśanaḥ || 3 || re |
svaprakāśaśca kaivalyo viraktaścetanastathā |
cidrūpaśva naraścaiva śrīcaraṇaśca pāvanaḥ || 34 ||
[Analyze grammar]

dhīro mahāpūruṣaśca śivaścādhāra eva ca |
caitanyo vaiṣṇavo viśvātmako nirguṇa eva ca || 35 ||
[Analyze grammar]

sūriḥ kalyāṇa īśeśo hyarūpo'mṛta eva ca |
gopaḥ padmadharāḥ śveto vaikuṇṭho deva ityapi || 36 ||
[Analyze grammar]

prakāśaśca prasādaśca sudharmaśca sukhaśrayaḥ |
sukharūpaśca santoṣo jñāno vijaya ityapi || 37 ||
[Analyze grammar]

badrikaśca nivṛttaśca nayo dhyānaśca śāntanuḥ |
śamaḥ sukho mahāsukho'cintyo'moghaḥ pramodakaḥ || 38 ||
[Analyze grammar]

gavendro'nubhavaścādityo'calo viśvarūpakaḥ |
prajño bodhaśca vedānto mukundaḥ kṣema ityapi || 39 ||
[Analyze grammar]

puṇḍarīko vidhātā cā'grāhyaḥ śāśvata ityatha |
dhruvo'meyaḥ pavitraśca sthaviṣṭhaśca ṛṣīkakaḥ || 40 ||
[Analyze grammar]

prabhūto niyamo yogo jagadīśo dayālayaḥ |
suro dharmo munirnāro balabhadraḥ prakāśanaḥ || 41 ||
[Analyze grammar]

sidḥ sukhakaraścaiva viśrāmaḥ keśavastathā |
kapilaḥ svayaśo draṣṭā sajjanaḥ sāṃkhya ityapi || 42 ||
[Analyze grammar]

bhāskaraśca prabhaścāpi ṛṣabhaḥ saguṇastathā |
nirdvandvaśca nṛsiṃhaśca videho deva ityatha || 43 ||
[Analyze grammar]

nirālambaśca viśvāso nirvikāraḥ pradīpanaḥ |
nirapekṣo nirannaśca sattvo lakṣmaṇa ityapi || 44 ||
[Analyze grammar]

nirmoho bhūdharaścaiva bhadro mānad ityapi |
haṃsaḥ pradyumna ānando maṃjulaśca pratoṣaṇaḥ || 45 ||
[Analyze grammar]

bhajano nirmalaḥ śāntaḥ praśānto dhanya ityatha |
savitā dharaṇaḥ sujñaḥ satyeśo jyotiṣastathā || 46 ||
[Analyze grammar]

prabodhaśca prabhuścaiva padmaḥ tāpasa ityapi |
turīyaśca svarūpaśca viveko vāmanastathā || 47 ||
[Analyze grammar]

nivāso maṃgalaścaivā'kṣayaḥ suvrata eva ca |
abhedaśca turīyaśca kṣemakaśca dṛḍhavrataḥ || 48 ||
[Analyze grammar]

nirviśeṣo vicāraśca jiṣṇurmadhuśca vaiṣṇavaḥ |
avyayo muktigaścaiva varada saṃśitastathā || 49 ||
[Analyze grammar]

vallabhaśca suparṇaśca viśvadhro durlabhastathā |
dhanaścaiva prasādaśca śyāmaśca daharastathā || 50 ||
[Analyze grammar]

aiśvaryaścāvadātaśca rādhaśca dharmarūpaṇaḥ |
vrajo bhāgavato bālaḥ upaśamaśca svastikaḥ || 51 ||
[Analyze grammar]

saṃkarṣaṇaḥ śrīdharaścāmṛto yajño hiraṇyakaḥ |
īśānaḥ prabhavaḥ pūto bhūgarbhaḥ prāṇadaḥ praṇaḥ || 52 ||
[Analyze grammar]

saṃvatsaraḥ kṛtaḥ śivaḥ kṛtajñaśca sureśvaraḥ |
budho vṛṣo vasuḥ sāma guṇo'dhyakṣaḥ pravedanaḥ || 53 ||
[Analyze grammar]

loko vyūhaḥ sarvagaśca bhrājiṣṇuścaraṇastathā |
sahiṣṇuścaturo'naghaścorjitaḥ kāraṇastathā || 24 ||
[Analyze grammar]

upendraśca dhṛtaścaiva sattvaḥ sāttvata ityapi |
utsāho viśrutaścaivā'nirdeśaścā'nimeṣaṇaḥ || 55 ||
[Analyze grammar]

udāraśca subhūṣaścā'nilaśca vikramastathā |
satkāraḥ saṃvṛto vṛtto viśiṣṭaḥ siddhimāṃstathā || 56 ||
[Analyze grammar]

vardhanaśca viviktaśca bṛhadrūpaḥ pṛthuḥśravaḥ |
aśokaśca sudāmaśca sānukūlo'tulastathā || 57 ||
[Analyze grammar]

ādidevaḥ śrīgarbhaśca nirvāṇo bhājanastathā |
vyavasāyaśca santoṣo virāmo nanda ityatha || 58 ||
[Analyze grammar]

sthiraḥ sudarśanaścaiva viśālo dakṣa ityapi |
dharmayūpastathejyaśca makhaḥ sūkṣmaḥ pramāṇakaḥ || 59 ||
[Analyze grammar]

brahmaṇyo vatsalaścaiva śubhāṃgaśca purātanaḥ |
sandhānaśca pramodaśca nandanaśca supuṇyakaḥ || 60 ||
[Analyze grammar]

durjayaḥ kumudaścaiva sulabhaḥ śuddha ityapi |
yogīśaśca suvidyaśca sākṣyo dhanaṃjayastathā || 61 ||
[Analyze grammar]

akhaṇḍaśca trilokaśca suhṛd bhūmā hiraṇmayaḥ |
bhavo bhāvaḥ kratuścaiva samārādhana ityapi || 62 ||
[Analyze grammar]

vatsalo vātsalaścaiva susnehaśca kuberajit |
somo'larkaśca śūraśca mantro mañcaśca mūlajit || 63 ||
[Analyze grammar]

tilakaḥ kuṇḍalaścaiva kirīṭaḥ kaṭakoṃ'gadaḥ |
naktakaḥ kaustubhaścaiva prāvāraḥ kaṃcukastathā || 64 ||
[Analyze grammar]

ityevaṃ pārṣadāstatra prākāre kṛtasaṃśrayāḥ |
sadā tiṣṭhanti saudheṣu prathamāvaraṇe hi te || 65 ||
[Analyze grammar]

anādinaśca te muktā vasanti harisevinaḥ |
asaṃkhyātāśca te santi dvitīyā'varaṇe'pi ca || 66 ||
[Analyze grammar]

sarve mūrtisamākārā mūrtitulyaiśvarāśca te |
sarve paśyanti sāmyena śrīharermandiraṃ kare || 67 ||
[Analyze grammar]

na nyūnādhikabhāvo'sti tatraiśvaryādisadguṇe |
yathecchanti bhavantyeva nityasārvajñyacākṣuṣāḥ || 68 ||
[Analyze grammar]

koṭiyojanavistāraḥ prākāraḥ prathamo hi saḥ |
abjayojanavistāraḥ prākāro dvitvasaṃkhyakaḥ || 69 ||
[Analyze grammar]

parārdhayojanāyāmaḥ prākārastu tṛtīyakaḥ |
tatra ceśvaralokebhyo gatā mukta vasanti vai || 70 ||
[Analyze grammar]

turyaḥ parārdhaguṇitaparārdhayojanāyataḥ |
prākārastatra muktānāṃ gatānāṃ santi sṛṣṭayaḥ || 71 ||
[Analyze grammar]

tatastu paṃcamaṃ tatrāvaraṇaṃ syādanantakam |
asīmaṃ tatra goloko vaikuṇṭho'mṛta ityapi || 72 ||
[Analyze grammar]

avyākṛtastathā śveto badrikāśrama ityapi |
mātsyalokaḥ kūrmaloko vārāho loka ityapi || 73 ||
[Analyze grammar]

kāpilaṃ dhāma hāreyaṃ vāsudevagṛhaṃ tathā |
pārthavaṃ ca padaṃ dattātreyadhāma ca hāṃsakam || 74 ||
[Analyze grammar]

nṛharerdhāma ca yadvadāryamaṃ vāmaneyakam |
paraśurāmalokaśca yājñaṃ sāketamityapi || 75 ||
[Analyze grammar]

kaumāraṃ dhāma ca hāyagrīva nāradadhāma ca |
rājarājeyadhāmāni vyāsāśrayāṇi yānyapi || 76 ||
[Analyze grammar]

bauddhaṃ dhāma tathā'nyānyasaṃkhyadhāmāni santi vai |
anantā hyavatārāścānantā brahmāṇḍakoṭayaḥ || 77 ||
[Analyze grammar]

anantasṛṣṭayastatrāvatārāṇāṃ na saṃkhyanam |
atastattaddhāmnāṃ vai saṃkhyā naiva ca naiva ca || 78 ||
[Analyze grammar]

paṃcamāvaraṇasyāpi saṃkhyā naiva ca naiva ca |
tatrāraṇyāni nadyaśca pārvatā muktakoṭayaḥ || 79 ||
[Analyze grammar]

udyānāni vihārāṇi bhūmayo'kṣarasaṃjñikāḥ |
dhātavaḥ khanayaḥ khātā ucchrayāḥ śikharāṇi ca || 80 ||
[Analyze grammar]

vimānānyeva sarvāṇi tattatsevakajātayaḥ |
gāndharvā nartakāstatrā''khyānakā vaṃśabodhakaḥ || 81 ||
[Analyze grammar]

sevakā yājñikā sāmnāṃ stāvako vyavasāyakāḥ |
kalākārāśca śrāṃgārā muktānīmuktamaṇḍalāḥ || 82 ||
[Analyze grammar]

asaṃkhyātā na saṃkhyātuṃ ko'pi nārāyaṇamṛte |
so'pi prāha mama dhāmno muktānāṃ nāsti saṃkhyanam || 83 ||
[Analyze grammar]

avatārāṇāṃ ca dhāmnāṃ naivā'sti gaṇanaṃ tathā |
evaṃ divye'kṣare dhāmni vibhūtau tripadi prathe || 84 ||
[Analyze grammar]

vartante dhāmadhāmāni śrīharerlīlayā tataḥ |
mahāmāyākṛtā sṛṣṭirbhavantīśvarakoṭayaḥ || 85 ||
[Analyze grammar]

nānto nāntaṃ varṇane'pi kartuṃ śakyo hi kaścana |
kathamahaṃ tadantena varṇanaṃ pārayāmi vai || 86 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śrīhariprāsādaparikaratatprāvaraṇatanmuktapārṣadatadavatāradhāmādisāmānyaviśeṣoddeśanāmā ekonaviṃśā |
dhikaśatatamo'dhyāyaḥ || 119 ||
[Analyze grammar]