Chapter 114

śrīnārāyaṇa uvāca |
śṛṇu lakṣmi tato devyā vaiṣṇavyā prārthitaṃ punaḥ |
śaṃbhoragre kathayāmi śravaṇārhaṃ paraṃ yataḥ || 1 ||
[Analyze grammar]

pārvatyuvāca deveśa mahādeva sureśvara |
viṣṇubhaktiṃ mamā''cakṣva muktidāṃ vistarātpunaḥ || 2 ||
[Analyze grammar]

nārāyaṇasvarūpāṇi mantrapūjāvidhīṃstathā |
tadvibhūtiguṇādīṃśca taddhāmagatisādhanam || 3 ||
[Analyze grammar]

dhāmnastasya svarūpaṃ ca cihnamāhātmyamityapi |
vistareṇa mayi prītyā brūhi sarvamaśeṣataḥ || 4 ||
[Analyze grammar]

iti pṛṣṭo mahādevyā śaṃbhuvaiṣṇavasattamaḥ |
uvāca paramapremṇā natvā nārāyaṇaṃ harim || 5 ||
[Analyze grammar]

sādhu pṛṣṭaṃ mahādevi sarvajīvahitaiṣiṇi |
bhaktavarye śīlarūpaguṇopete maheśvari || 6 ||
[Analyze grammar]

parituṣṭo'smi te praśnād dhanyā'si vaiṣṇavi priye |
kṛtapuṇyā'si bhaktā'si prabhornārāyaṇasya ca || 7 ||
[Analyze grammar]

vakṣyāmyahaṃ ca te devi bhagavadbhaktimuttamām |
nārāyaṇasvarūpaṃ ca mantrapūjāvidhiṃ tathā || 8 ||
[Analyze grammar]

parabrahma paramātmā parameśvara eva saḥ |
sarveśvaro mahāmukteśvaro'kṣaraparaḥ prabhuḥ || 9 ||
[Analyze grammar]

paramaḥ puruṣaḥ puruṣottamaḥ śrīhariḥ svayam |
bhagavānakṣarātīto vāsudevo'cyutaḥ paraḥ || 10 ||
[Analyze grammar]

kṛṣṇo nārāyaṇo deveśvaro viṣṇuḥ sanātanaḥ |
īśeśvaro mahāmāyeśvaraḥ sākṣī sadāśivaḥ || 11 ||
[Analyze grammar]

hiraṇyagarbhaḥ śrīmān śrīyajño nārāyaṇo naraḥ |
lakṣmīpatiḥ svāmyanantaścātmārāmo guṇātigaḥ || 12 ||
[Analyze grammar]

sarvanetrasarvavijñaḥ sarvahṛtstho ya niyāmakaḥ |
guṇākaro divyamūrtiḥ śyāmalo hṛdayaṃgamaḥ || 013 ||
[Analyze grammar]

nityaṃ bhakteṣu vasati rakṣatyapi svakān janān |
śeṣavedopavedādyaiḥ sabṛhaspatidevataiḥ || 14 ||
[Analyze grammar]

māhātmyaṃ tasya devasya vaktuṃ naiva hi pāryate |
tasya bhaktikalāpaṃ te vacmi śṛṇu pṛthakpriye || 15 ||
[Analyze grammar]

mūrtirhareḥ sadā dhyeyā svātmanyeva muhurmuhuḥ |
tasya cakrasya śaṃkhasya hyaṃkana prathamaṃ matam || 16 ||
[Analyze grammar]

dhāraṇaṃ cordhvapuṃḍrāṇā tanmantrāṇāṃ parigrahaḥ |
arcanaṃ tajjapo dhyānaṃ tannāmasmaraṇaṃ muhuḥ || 17 ||
[Analyze grammar]

kīrtanaṃ śravaṇaṃ tasya vandanaṃ caraṇārhaṇam |
caraṇāmṛtapānaṃ ca tanniveditabhojanam || 18 ||
[Analyze grammar]

tadīyānāṃ satāṃ sevā dvādaśyekādaśīvratam |
tulasīropaṇaṃ caiva bhaktiḥ ṣoḍaśadhā hi sā || 19 ||
[Analyze grammar]

atha śrīmandire tasya mārjanaṃ lepanaṃ tathā |
kṣālanaṃ dhūpanaṃ caivāndolanaṃ dīpanaṃ tathā || 20 ||
[Analyze grammar]

2 vījanaṃ mardanaṃ raṃgaraṃjanaṃ cāṃjanaṃ tathā |
sugandhanaṃ tathā vastupradāpanamanuvratam || 21 ||
[Analyze grammar]

hāsanaṃ vārtanaṃ caiva svāpaṇaṃ ṣoḍaśā'parāḥ |
bhaktibhedā bhavantyeva kriyārūpā hareḥ kṛte || 22 ||
[Analyze grammar]

etaiḥ sevāprabhedaiśca bhababandho vinaśyati |
sarveṣāmeva devānāṃ devīnāṃ ca mamāpi ca || 23 ||
[Analyze grammar]

sādhūnāṃ brāhmaṇānāṃ ca vaiṣṇavānāṃ viśeṣataḥ |
pūjanīyo harirnityaṃ vidhivatpūjayeddhi tam || 2 ||
[Analyze grammar]

śaṃkhacakragadāpadmāṃkanaṃ vai bāhumūlayoḥ |
dhārayitvaiva vidhivad brahmapūjāṃ samācaret || 25 ||
[Analyze grammar]

pāpāni kṣālayitvā sa yāti viṣṇoḥ paraṃ padam |
cakrāṃkanavihīnena kṛtā pūjā nirarthikā || 26 ||
[Analyze grammar]

viṣṇucakravihīnena bhuktaṃ śrāddhe nirarthakam |
nirāśāḥ pitaro yānti tadā dṛṣṭvā tvavaiṣṇavam || 27 ||
[Analyze grammar]

deyaṃ gobhūhiraṇyādi cakrāṃkitabhujāya vai |
cakrahīnāya yaddattaṃ tadgṛhṇantyasurā balāt || 28 ||
[Analyze grammar]

taptacakrāṃkitaṃ bāhumūlā yānti hareḥ padam |
cakracihnitabhakteṣu tīrthayajñā vasanti vai || 29 ||
[Analyze grammar]

cakracihnavihīnastu brāhmaṇaḥ prākṛtau mataḥ |
na tasya kiṃcidaśnīyādapi kratusahasriṇaḥ || 30 ||
[Analyze grammar]

cakraṃ nārāyaṇasyaiva saṃsāracakranāśakam |
taptaṃ vā cāndanaṃ cakra dhāryaṃ karmaprasiddhaye || 31 ||
[Analyze grammar]

śrautasmārtādisiddhyarthaṃ mantrasiddhyarthameva ca |
harerarcanasiddhyarthaṃ vaiṣṇavattvasya siddhaye || 32 ||
[Analyze grammar]

jñānasya siddhaye caiva cakraṃ dhāryaṃ viśeṣataḥ |
acakradhāriṇaṃ vipraṃ dūrataḥ parivarjayet || 33 ||
[Analyze grammar]

vāhane taṃ samāropya bahiḥ kuryātsvapattanāt |
śvapākamiva nekṣeta loke vipramavaiṣṇavam || 34 ||
[Analyze grammar]

dakṣiṇe tu bhuje vipro bibhṛyācca sudarśanam |
vāme śaṃkhaṃ tu bibhṛyāditi bodhyaṃ pareśvari || 35 ||
[Analyze grammar]

govindasyā''yudhānyaṃge bibhran suśroṇi vai dvijaḥ |
turīyaṃ dhāma tadviṣṇormahiṣṭhaḥ prāpnuyāditi || 36 ||
[Analyze grammar]

camūṣacchyenaḥ śakuno bibhṛtveti ṛgabravīt |
brāhmaṇe tu śatapathe taptaṃ cakraṃ dvihastayoḥ || 37 ||
[Analyze grammar]

dhāryamagnihotrameva bhavati brahmamuktidam |
taptaṃ cakraṃ bhuje dhāryaṃ viṣṇulokagatirbhavet || 38 ||
[Analyze grammar]

sudarśanaṃ tu sandhāryamityūrdhvapuṃḍramityapi |
dvirekhaṃ bhavati veda brahmasāyujyameti saḥ || 39 ||
[Analyze grammar]

taptaṃ cakraṃ bhuje dhāryaṃ brahmasāyujyamicchatā |
taptaṃ cakraṃ bhuje dhāryaṃ tatpuruṣapareṇa hi || 40 ||
[Analyze grammar]

devāsaḥ pitarau yena vidhūtena ca bāhunā |
sudarśanena prayatātsvargaṃ lokaṃ yadaṃkitaḥ || 41 ||
[Analyze grammar]

manavo lokasṛṣṭiṃ vai vitanvanti tadaṃkitāḥ |
taptaṃ cakraṃ bhuje dhāryamūrdhvapuṃḍraṃ samālikhet || 42 ||
[Analyze grammar]

dvirekhaṃ bhavati tena punarāgamanaṃ nahi |
viṣṇudaivataptaṃ taccakraṃ dhāryaṃ bhujadvaye || 43 ||
[Analyze grammar]

taptaṃ cakraṃ bhuje dhṛtvā devā gacchanti keśavam |
brāhmaṇā dhārayantyūrdhvapuṃḍraṃ dvirekhamīśadam || 44 ||
[Analyze grammar]

nicakṣepa suṣaṇaṃ bhidyamānaṃ madhye bāhumadadhat sudarśanaṃ ca |
viṣṇoridaṃ bhūridaṃ bhūritejo divānaktaṃ bibhṛyustajjanāsaḥ || 45 ||
[Analyze grammar]

pavitramityagnirnemiḥ sahasrārastanneminā |
taptatanūrbrāhmaṇo vai brahmasāyujyamāpnuyāt || 46 ||
[Analyze grammar]

cakraṃ bibharti vapuṣābhitaptaṃ balaṃ devānāmamitasya viṣṇoḥ |
sa eti nākaṃ duritāni vidhūya prayānti yadyatayo vītarāgāḥ || 47 ||
[Analyze grammar]

ebhirvayamuruvikramasya cihnai |
raṃkitā loke nu subhagā bhavāmaḥ |
tadviṣṇoḥ paramaṃ padamakṣarākhyaṃ |
ye gacchanti lāṃchitāstaiḥ parasmin || 48 ||
[Analyze grammar]

pra te viṣṇo hyabjacakre pavitre |
janmāṃbhodhiṃ tartave carṣaṇīndrāḥ |
mūle bāhvordadhate'nye purāṇā |
liṃgānyaṃge tāvakānyarpitāni || 49 ||
[Analyze grammar]

dhṛtordhvapuṃḍraḥ kṛtacakradhārī |
viṣṇuṃ paraṃ dhyāyati yo mahātmā |
svareṇa mantreṇa sadā hṛdisthitaṃ |
parātparaṃ yanmahato mahāntam || 50 ||
[Analyze grammar]

ūrdhvapuṃḍraṃ tathā cakraṃ nityaṃ dhārayate janaḥ |
tena tasyā'śubhaṃ naśyecchubhamasya vivardhate || 51 ||
[Analyze grammar]

upavītādibaddhāryāḥ śaṃkhacakragadādayaḥ |
mahāpastu prarakṣanti viṣṇuriva tadāyudhāḥ || 52 ||
[Analyze grammar]

sudarśanena yasyāṃgaṃ lāṃchitaṃ tu bhavetsadā |
dehe tasya vasennityaṃ śriyā yuktaḥ svayaṃ hariḥ || 53 ||
[Analyze grammar]

cakrāyudhāṃkitaṃ dṛṣṭvā yamo'pi hṛdi śaṃkate |
praṇāmaṃ dūrataḥ kṛtvā viṣṇubhaktaṃ prayāti vai || 54 ||
[Analyze grammar]

paśuputrādikaṃ sarvaṃ gṛhopakaraṇāni ca |
aṃkayecchaṃkhacakrābhyāṃ nāma kuryācca vaiṣṇavam || 55 ||
[Analyze grammar]

aṃkayecchaṃkhacakrābhyāṃ nāma kuryācca vaiṣṇavam || 55 ||
[Analyze grammar]

patnī patiśca kuryātāṃ saṃskārapaṃcakaṃ yadā |
sadharmiṇau bhavetāṃ tu tadā bhaktau na cānyathā || 56 ||
[Analyze grammar]

vaiṣṇavā munayaḥ sarve sudarśanena mudritāḥ |
teṣāṃ pādodakaṃ pītvā sarvapāpaiḥ pramucyate || 57 ||
[Analyze grammar]

dhṛtordhvapuṃḍraḥ parameśitāraṃ |
nārāyaṇaṃ sāṃkhyayogādhigamyam |
dhyātvā vimucyeta naraḥ samastaiḥ |
saṃsārapāśairiha caiti viṣṇum || 58 ||
[Analyze grammar]

dhṛtordhvapuṃḍro dhṛtacakralāṃchano |
nārāyaṇaṃ pūjayati sma lakṣmīm |
arghyādibhiḥ pauruṣasūktamantraiḥ |
sa prāpnuyādviṣṇupadaṃ mahātmā || 59 ||
[Analyze grammar]

tatpriyārthaṃ śubhārthaṃ ca rakṣārthaṃ muktilabdhaye |
sadbhakto dhārayennityamūrdhvapuṃḍraṃ bhayāpaham || 60 ||
[Analyze grammar]

śaṃkhacakragadāpadmakhaḍgaśārgāṃdicihnitaḥ |
tulasīcandanairliptaḥ kuryātsandhyāmupāsanām || 61 ||
[Analyze grammar]

snānaṃ dānaṃ japo homaḥ sandhyā svādhyāyakarma ca |
yaśaḥ pitṛkriyordhvapuṃḍraṃ vinā niṣphalaṃ matam || 62 ||
[Analyze grammar]

ataptatanurna tadāmo aśnute śṛtāsa vai |
idvahantastatsamāśata vṛttadīrghe karādhikṛṇmahe || 63 ||
[Analyze grammar]

asya viṣṇostaptatanavaḥ tareyuḥ pātakāṃbudhim |
pavitraṃ caraṇaṃ nemihareścakraṃ sudarśanam || 64 ||
[Analyze grammar]

dīrghaṃ samūrdhvatilakaṃ kṛtvā yānti paraṃ padam |
tena taptā tanuryeṣāṃ te yānti paramākṣaram || 65 ||
[Analyze grammar]

sahasrāraṃ prākṛtaghnaṃ brahmadvāraṃ mahaujasam |
pavitramarcivadagne brahma tena punīhi naḥ || 66 ||
[Analyze grammar]

yena devāḥ pavitreṇa hyātmānaṃ punate sadā |
tena sahasradhāreṇa pavamānyaḥ punantu mām || 67 ||
[Analyze grammar]

prājāpatyaṃ pavitraṃ tacchatodyāmaṃ hiraṇmayam |
vayaṃ brahmavidastena pūtaṃ brahma punīmahe || 68 ||
[Analyze grammar]

sanemicakraṃ satataṃ cākṣarasya mahātmanaḥ |
tasmiṃścakravṛte dehe mahonnatipadaṃ laset || 69 ||
[Analyze grammar]

divaspateḥ suvitataṃ pavitraṃ yasya dakṣiṇe |
na tapyate bhuje samyaktasya śocanti vai kriyāḥ || 70 ||
[Analyze grammar]

ye vahanti bhuje cakraṃ śaṃkhaṃ ca vidhinā janāḥ |
parānapi vilomasthāṃste rakṣanti hareḥ priyāḥ || 71 ||
[Analyze grammar]

dvividhaṃ vaiṣṇavaṃ proktaṃ bāhyamābhyantaraṃ tathā |
śaṃkhacakrādibhirbāhyamāntaraṃ harirakṣaṇam || 72 ||
[Analyze grammar]

aṃge cakrādihetīnāmaṃkanaṃ vaiṣṇavaṃ purā |
bhaktyā hṛdi sadā śrīmannārāyaṇasusevanam || 73 ||
[Analyze grammar]

tadetaddvayayuktatve vaiṣṇavatvaṃ bhuvaṃ bhavet |
ityevaṃ cakramāhātmyaṃ vaidikārthapuṣaṃ bahu || 74 ||
[Analyze grammar]

tasmāddhāryaṃ mahādevi pārvatī tatsudarśanam |
yena rakṣā tathā muktirubhayaṃ jāyate dhruvam || 75 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne ṣoḍaśavidhabhaktitaptacakrapuṃḍrādimahimavarṇananāmā |
caturdaśādhikaśatatamo'dhyāyaḥ || 114 ||
[Analyze grammar]