Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 112 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīlakṣmīruvāca |
nārāyaṇa harekṛṣṇa prāṇanātha mahāprabho |
bhavatoktaṃ mahādevo vaiṣṇavāgryo'sti sarvathā || 1 ||
[Analyze grammar]

kathaṃ sa vaiṣṇavaḥ proktastatkathāṃ śrotumutsahe |
kva kadā vaiṣṇavo jātaḥ śrāvayā'dya mama priya || 2 ||
[Analyze grammar]

śrīnārāyaṇa uvāca |
śṛṇu devi kathāṃ divyāṃ mahāvaiṣṇavakāriṇīm |
mokṣadāṃ viṣṇusambaddhāṃ kathayāmi samāsataḥ || 3 ||
[Analyze grammar]

santi pṛthvyāṃ parvatāśca devādivāsadāyinaḥ |
teṣāṃ priyatamaḥ śaityaprado mokṣapradastathā || 4 ||
[Analyze grammar]

himālayaḥ sadā śāntastatra badarikāśramam |
puruṣau tatra vartete naranārāyaṇāvubhau || 5 ||
[Analyze grammar]

tatraikaḥ śvetapuruṣaścānyaḥ kṛṣṇastu rūpataḥ |
anujaḥ piṃgalaḥ proktaḥ kṛṣṇo nārāyaṇaḥ svayam || 6 ||
[Analyze grammar]

dvibāhuśca caturbāhurnaro nārāyaṇaḥ kramāt |
tatra devā vasantīha ṛṣīṇāṃ cāśramāḥ śubhāḥ || 7 ||
[Analyze grammar]

gaṃgā yatrā'lakanandā divyā vahati sarvadā |
ekasminvatsare tatra maheśastaptavāṃstapaḥ || 8 ||
[Analyze grammar]

tadā nārāyaṇo devo bhaktanāmabhayaṃkaraḥ |
suprasanno'bravīcchaṃbhuṃ varaṃ varaya śaṃkara || 9 ||
[Analyze grammar]

yaṃ yamipsasi deva tvaṃ taṃ taṃ kāmaṃ dadāmyaham |
śaṃbhuḥ prāha tadā nārāyaṇaṃ tu karuṇākaram || 10 ||
[Analyze grammar]

ahaṃ gṛhṇāmi bho deva yadi dātuṃ tvamicchasi |
dvau varau mama dīyetāṃ suprasanno janārdana || 11 ||
[Analyze grammar]

tava bhaktiḥ sadaivā'stu bhaktarājo bhavāmyaham |
sarvaloke prasiddhaḥ syāṃ śivo bhakto mahāniti || 12 ||
[Analyze grammar]

viṣṇubhakta itikhyātirlokeṣu bhuvaneṣvapi |
jāyatāṃ sarvadā viṣṇu nārāyaṇa jagatprabho || 13 ||
[Analyze grammar]

atha ye māṃ bhajiṣyanti grahīṣyantyāśrayaṃ mama |
tasya tava prasādena muktidātā bhavāmyaham || 14 ||
[Analyze grammar]

yasyāhaṃ varadātā syāṃ tasya muktirbhaved dhruvā |
viṣṇubhakto muktidātā syāṃ me dehi varadvayam || 15 ||
[Analyze grammar]

iti śrutvā svayaṃ kṛṣṇaḥ prāha śaṃbhuṃ guṇākaram |
bhava śaṃbho mama bhakto dātā mukteśca saṃbhava || 16 ||
[Analyze grammar]

evaṃ varau tadā labdhvā śaṃkaraḥ prāha taṃ harim |
dehi dīkṣāṃ ca me nātha vaiṣṇavaśca bhavāmyaham || 17 ||
[Analyze grammar]

nā'vaiṣṇavo bhavedbhakto muktido nā'pyavaiṣṇavaḥ |
bhuktirmuktiśca te yogādvaiṣṇavatve sati dhruvā || 18 ||
[Analyze grammar]

vaiṣṇavena tato bhāvyaṃ dehi dīkṣāṃ kṛpāṃ kuru |
viṣṇurnārāyaṇo devaḥ śrutvā prāha tu śaṃkaram || 19 ||
[Analyze grammar]

sādhu saṃkalpitaṃ śaṃbho sarvalokahitārthi yat |
gṛhāṇa śaṃbho prathamaṃ mantraratnaṃ śubhāvaham || 20 ||
[Analyze grammar]

brahmāhaṃ brahmabhaktosmi japasvainaṃ nirantaram |
mantraratnamidaṃ nāma prapāti śaraṇāgatam || 21 ||
[Analyze grammar]

lakṣmīnārāyaṇaśceti mantraḥ sarvaphalapradaḥ |
śrīmannārāyaṇaśceti mantraḥ sarvārthasādhakaḥ || 22 ||
[Analyze grammar]

svāminārāyaṇaśceti mantro mokṣapradaḥ smṛtaḥ |
naranārāyaṇaśceti mantro brahmagatipradaḥ || 23 ||
[Analyze grammar]

harinārāyaṇaśceti mantro duḥkhavināśakaḥ |
kṛṣṇanārāyaṇaśceti mantro vibhūtidāyakaḥ || 24 ||
[Analyze grammar]

mantro vāsudevanārāyaṇastvaiśvaryadāyakaḥ |
rāmanārāyaṇaśceti mantraḥ pāpavināśakaḥ || 25 ||
[Analyze grammar]

oṃ śrīnārāyaṇo mantro bhuktimuktipradāyakaḥ |
mantraḥ prapattidastveṣaḥśrīhariḥ śaraṇaṃ mama || 26 ||
[Analyze grammar]

ityevaṃ mantradaśakaṃ deyaṃ bhaktebhya uttamam |
oṃ namo bhagavata vāsudevāyeti mantrarāṭ || 27 ||
[Analyze grammar]

mantrarājaṃ mantraratnaṃ daśamantrāṃśca śaṃkara |
etān dvādaśamantrāṃstvaṃ dehi śiṣyajanāya vai || 28 ||
[Analyze grammar]

mantroccāraṇamātreṇa cātituṣṭo'smi nityadā |
mantrādhikāriṇaḥ sarve ye me bhaktā mumukṣavaḥ || 29 ||
[Analyze grammar]

jñānino yoginaścānye jaḍā nāryastathā''śritāḥ |
bhaktiśraddhānvitāḥ sarve mānavā hyadhikāriṇaḥ || 30 ||
[Analyze grammar]

brahmāṇḍe ye'tra tiṣṭhanti surādyāścādhikāriṇaḥ |
tebhyo'nyatamamantro vai dātavyaḥ śreyase bhavet || 31 ||
[Analyze grammar]

śaṃkhaṃ cakraṃ gadāṃ padmaṃ gṛhāṇa bhujayostathā |
taptamudrāṃkanaṃ caitaccandanāṃkanameva vā || 32 ||
[Analyze grammar]

gṛhāṇa śaṃbho bāhvostadviṣṇurūpatvadāyakam |
pañcaviṃśatyakṣarāṃ ca gāyatrīṃ ca gṛhāṇa vai || 33 ||
[Analyze grammar]

oṃ nārāyaṇāya vidmahe vāsudevāya dhīmahi |
tanno brahma pracodayāditi japyā'nvahaṃ tvayā || 24 ||
[Analyze grammar]

dhyāyasva māṃ surūpaṃ ca dvibhujaṃ vā caturbhujam |
dvibhujaṃ brahmaṇo rūpaṃ brahmadhāmani saṃsthitam || 35 ||
[Analyze grammar]

sarvāvatārasaṃdhartṛ parabrahmātmakaṃ śubham |
cakrahastaṃ tathā'bhayapradahastaṃ dvihastakam || 36 ||
[Analyze grammar]

hārakuṇḍalamālākaṭakamukuṭabhūṣaṇam |
pītāmbaraṃ ṣoḍaśābdaṃ prasannaṃ parameśvaram || 37 ||
[Analyze grammar]

caturbhujaṃ śaṃkhacakragadāpadmakarānvitam |
vāmāṃkasthaśriyā sārdhaṃ rūpaṃ dhyāyasva hṛdgamam || 38 ||
[Analyze grammar]

atha māṃ ṣoḍaśadivyopacāraiḥ pūjayasya ca |
āvāhanaṃ svāsanaṃ ca pādyamarghyaṃ tataḥ param || 39 ||
[Analyze grammar]

ācamanaṃ tathā snānaṃ madhuparkaṃ tathā'mbaram |
candanaṃ bhūṣaṇaṃ puṣpaṃ dhūpaṃ dīpaṃ nivedanam || 40 ||
[Analyze grammar]

yajñasūtraṃ ca tāmbūlaṃ dehi me bhaktibhāvataḥ |
sugandhyarkaṃ karpūraṃ ca sugandhaṃ dehi me'nagham || 41 ||
[Analyze grammar]

kuru pradakṣiṇāṃ daṇḍavacca namaskriyāḥ kuru |
stutiṃ puṣpāñjaliṃ dehi kṣamāṃ yācasva mat tathā || 42 ||
[Analyze grammar]

visarjaya bahiṣṭo māṃ sve hṛdi sthāpayā''tmani |
śravaṇaṃ kīrtanaṃ caiva smaraṇaṃ pādasevanam || 43 ||
[Analyze grammar]

arcanaṃ vandanaṃ dāsyaṃ sakhyamātmanivedanam |
dhyānaṃ samādhiraikyaṃ ca kuru bhajasva sādhanaiḥ || 44 ||
[Analyze grammar]

ūrdhvapuṇḍraṃ ca tilakaṃ lalāṭe kuru śaṃkara |
bāhvośca hṛdaye cāpyūrdhvapuṇḍraṃ tilakaṃ kuru || 45 ||
[Analyze grammar]

candanena sugandhena satkesarayutena ca |
tanmadhye candrakaṃ tena kuṃkumenā'thavā kuru || 46 ||
[Analyze grammar]

kaṇṭhe gṛhāṇa tulasīgraiveyaṃ dvisaraṃ śubham |
kaṇṭhī sā tu sadā dhāryā na tu tyājyā kadācana || 47 ||
[Analyze grammar]

tulasīmālikāṃ cāṣṭottaraśatārthapūritām |
gṛhāṇa japakāryāya maṇyādinirmitāṃ ca vā || 48 ||
[Analyze grammar]

īśvarāntaṃ ca te nāma prakaromi maheśvaram |
pālakena ramayā ca kṛtastvaṃ parameśvaraḥ || 49 ||
[Analyze grammar]

pareṇa ca mayā lakṣmyā kṛtastvaṃ parameśvaraḥ |
paṃ viṣṇuṃ raṃ ramāṃ maśca mimīte bhajate tu yaḥ || 50 ||
[Analyze grammar]

aiśvaryāśraya ityuktastvaṃ śaṃbhuḥ parameśvaraḥ |
īśvarāntāni nāmāni tava śaṃbho bhavantu vai || 51 ||
[Analyze grammar]

evaṃ lakṣmi mayā dīkṣā dattā śrīśaṃkarāya vai |
tadārabhya sadā śaṃbhurbhajate māmananyabhāg || 52 ||
[Analyze grammar]

dīkṣāmādāya śaṃbhu sa gato vai gandhamādane |
svīyāvāse tu kailāse bhajate māmaharniśam || 53 ||
[Analyze grammar]

patraṃ puṣpaṃ phalaṃ kandaṃ toyaṃ grāhyaṃ ca yadbhavet |
tatsarvaṃ māmanivedya naiva gṛhṇāti śaṃkaraḥ || 54 ||
[Analyze grammar]

karoti tilakaṃ sthāne māṃ ca japati mālayā |
tiṣṭhati dhyānamagno'sau mama mūrtāvanīhayā || 55 ||
[Analyze grammar]

dṛṣṭvaivaṃ vaiṣṇavīṃ bhaktiṃ śaṃkaraṃ prāha pārvatī |
kasya dhyānaṃ ca mālābhirjapaśca tilakādikam || 56 ||
[Analyze grammar]

kriyate lokanāthena parameśvararūpiṇā |
bhavāneva parabrahma parātparataraḥ svayam || 57 ||
[Analyze grammar]

ityevaṃ pūrṇarūpasya kasya dhyānaṃ japaśca vai |
iti śrutvā mahādevaḥ pārvatīṃ prāha tāttvikam || 58 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne badarikāśrame nārāyaṇena śaṃkarāya vaiṣṇavīdīkṣāpradānaṃ tadaṃgakalāpādipradarśana ceti nirūpaṇanāmā |
dvādaśādhikaśatatamo'dhyāyaḥ || 112 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 112

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: