Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 111 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi tato dharmadevaḥ sevāviniścayau |
putrau prāha paraṃ dharmaॆ paro yasmānna vidyate || 1 ||
[Analyze grammar]

sarvadharmasamāveśo yatra dharme pratiṣṭhitaḥ |
taṃ dharmaॆ prathamaṃ dhāmni hariṇā saṃpradarśitam || 2 ||
[Analyze grammar]

sarvaśreyaskaraṃ dharmamṛṇā'bādhyaṃ pramokṣadam |
śrutaṃ nārāyaṇamukhānmuktidaṃ sādhanottaram || 3 ||
[Analyze grammar]

dharmaḥ prāha śṛṇutaṃ vai putrau paramaśobhanau |
dharmavantau pitṛbhaktau yaduktaṃ tatsuśobhate || 4 ||
[Analyze grammar]

lakṣaṇaṃ tatsuputrasya mātāpitroḥ susevanam |
tattato'pyadhikaṃ dharmaṃ śṛṇutaṃ hariṇoditam || 5 ||
[Analyze grammar]

brahmacaryasamo dharmo nāsti nāstyeva naiva hi |
anye sarve tu dharmāṇaḥ kalāṃ nārhanti ṣoḍaśīm || 6 ||
[Analyze grammar]

brahmacaryaṃ brahmadharmo brahma vai sa svayaṃ matam |
brahmarūpaṃ brahmamūrtirbrahmātmā brahmarūpadaḥ || 7 ||
[Analyze grammar]

tuṣṭe brahmaṇi sarveśe sarvaṃ tuṣṭaṃ sadā bhavet |
sevā ṛṇāni dānāni tadagre svalpamātrakam || 8 ||
[Analyze grammar]

yajñaprāpyaṃ tu yatproktaṃ brahmacaryeṇa labhyate |
tasmād yajño brahmacarye saṃpratiṣṭhati sarvathā || 9 ||
[Analyze grammar]

iṣṭāpūrtena yatprāpyaṃ brahmacaryeṇa labhyate |
tasmādiṣṭaṃ brahmacarye sampratiṣṭhati sarvadā || 10 ||
[Analyze grammar]

yadidaṃ brahmaṇo rūpaṃ brahmacaryamiti smṛtam |
paraṃ tatsarvadharmebhyastena mokṣaḥ pralabhyate || 11 ||
[Analyze grammar]

brahmacarye sthito dharmo brahmacarye sthitaṃ tapaḥ |
brahmacarye sthitā ye te brahmadhāmni sthitā matāḥ || 12 ||
[Analyze grammar]

yogena jāyate siddhiḥ siddhyā kīrtiḥ pravartate |
kīrtiḥ siddhiśca tapasā tapo brahmaṇi caryayā || 13 ||
[Analyze grammar]

indriyanigraho'sādhyo brahmacaryeṇa sādhyate |
brahmacaryeṇa tapasā brahmaloko hyavāpyate || 14 ||
[Analyze grammar]

brahmacaryapravṛttasya brahmaloko'pi kāmadaḥ |
kiṃ punardevalokādyā brahmādhānaṃ hi tattataḥ || 15 ||
[Analyze grammar]

sattrāyaṇena yatprāpyaṃ brahmacaryeṇa labhyate |
sattrāyaṇaṃ brahmacarye saṃpratiṣṭhati sarvathā || 16 ||
[Analyze grammar]

maunavratena labhyaṃ yadbrahmacaryeṇa labhyate |
maunaṃ tato brahmacarye saṃpratiṣṭhati sarvathā || 17 ||
[Analyze grammar]

anāśakāyanenā''pyaṃ brahmacaryeṇa labhyate |
anāśakāyanaṃ brahmacarye tiṣṭhati sarvathā || 18 ||
[Analyze grammar]

araṇyayanasaṃprāpyaṃ brahmacaryeṇa labhyate |
araṇyāyanamapyatra brahmacarye pratiṣṭhati || 19 ||
[Analyze grammar]

tyāgāyanena saṃprāpyaṃ brahmacaryeṇa labhyate |
dṛṣṭānuśravike tyāgo brahmacarye pratiṣṭhati || 20 ||
[Analyze grammar]

ahiṃsayā ca yatprāpyaṃ brahmacaryeṇa labhyate |
ahiṃsā sārvabhaumā sā brahmacarye pratiṣṭhati || 21 ||
[Analyze grammar]

satyavratena yatprāpyaṃ brahmacaryeṇa labhyate |
satyaṃ tasmād brahmacarye trividhaṃ pratitiṣṭhati || 22 ||
[Analyze grammar]

asteyena ca yatprāpyaṃ brahmacaryeṇa labhyate |
asteyaṃ sarvathā dvedhā brahmacarye pratiṣṭhati || 23 ||
[Analyze grammar]

aparigrahalabhyaṃ yadbrahmacaryeṇa labhyate |
aparigraha evāpi brahmacarye pratiṣṭhati || 24 ||
[Analyze grammar]

śaucena prāpyate yadvai brahmacaryeṇa labhyate |
śaucaṃ dvedhā brahmayogād brahmacarye pratiṣṭhati || 25 ||
[Analyze grammar]

santoṣāllabhyate yattadbrahmacaryeṇa labhyate |
santoṣaḥ sarvathā''tmīyo brahmacarye pratiṣṭhati || 26 ||
[Analyze grammar]

tapaścaryā vividhā yā brahmacaryeṇa pūryate |
tatastapomahākāṇḍo brahmacarye samāpyate || 27 ||
[Analyze grammar]

svādhyāyena ca yallabhyaṃ brahmacaryeṇa labhyate |
svādhyāyaḥ sarvatovyāpto brahmacarye pratiṣṭhati || 28 ||
[Analyze grammar]

īśvarasya praṇidhānaṃ brahmacarye pravartate |
tata īśapraṇidhānaṃ brahmacarye pratiṣṭhati || 29 ||
[Analyze grammar]

gorakṣādīnyāsanāni brahmacarye phalanti vai |
tasmādāsanakūṭastu brahmacarye pratiṣṭhati || 30 ||
[Analyze grammar]

prāṇāyāmena yallabhyaṃ brahmacaryeṇa labhyate |
prāṇāyāmaścaturdhā'to brahmacarye vyavasthitaḥ || 31 ||
[Analyze grammar]

pratyāhārastvindriyāṇāṃ sati brahmavrate phalet |
tasmādindriyarodho vai brahmacarye pratiṣṭhati || 32 ||
[Analyze grammar]

dhyānena yadbhavellabhyaṃ brahmacaryeṇa labhyate |
dhyānaṃ pratyayaikatānaṃ brahmacarye pratiṣṭhati || 33 ||
[Analyze grammar]

dhāraṇā yatra kartavyā brahmacaryeṇa labhyate |
tasmāttu dhāraṇā sarvā brahmacarye pratiṣṭhati || 34 ||
[Analyze grammar]

samādhiryatra kartavyo brahmacaryeṇa siddhyati |
tasmāddvedhā caturdhā sa brahmacarye pratiṣṭhitaḥ || 35 ||
[Analyze grammar]

damaśāntititikṣehoparamādibhirāpyate |
yacca tadvai brahmacaryāllabhyate nā'tra saṃśayaḥ || 36 ||
[Analyze grammar]

vivekācca vibho kāccā'bhyāsātsatkriyayā tathā |
kalyāṇāccā'navasādādanuddharṣācca yadbhavet || 37 ||
[Analyze grammar]

tatsarvaṃ tu brahmacaryāllabhyate nātra saṃśayaḥ |
jñānāddharmācca vijñānādbhaktyā vividhayā tathā || 38 ||
[Analyze grammar]

tattvajñānānmṛṣāprajñālopāccāpi tu yadbhavet |
tatsarvaṃ brahmacaryeṇa labhyate nātra saṃśayaḥ || 39 ||
[Analyze grammar]

śabdabrahmaṇi niṣṇātaḥ paraṃbrahmādhigacchati |
śabdabrahmātra vistārād brahmacarye pratiṣṭhati || 40 ||
[Analyze grammar]

brahmavimarśasadbindunādadhvānagiro'pi ca |
pravartante brahmaṇastadbrahmacaryaphalaṃ matam || 41 ||
[Analyze grammar]

aṇimā mahimā prāptirgarimā laghimā tathā |
prākāmyamīśitā sarvavaśitā'pi ca siddhayaḥ || 42 ||
[Analyze grammar]

tārasutāratārātāraramyakasalilakāḥ |
pramodamuditamodamānāścāpi ca siddhayaḥ || 43 ||
[Analyze grammar]

ūhaḥ śabdo'dhyayanaṃ ca duḥkhaghātāstrayastathā |
suhṛtprāptirjñānasiddhiścāpyaṣṭau siddhayaśca yāḥ || 44 ||
[Analyze grammar]

dūraśravaṇadarśanādānagamanā'dṛśyatāḥ |
siddhayaśca tathā sarvā labhyante brahmacaryataḥ || 45 ||
[Analyze grammar]

netyā dhotyā ca bastyā ca kuṃjarakriyayā tathā |
yadāpyate tvāpyate tadbrahmacaryeṇa sarvathā || 46 ||
[Analyze grammar]

pitṝṇāṃ tarpaṇāt śrāddhād yadāpyate tadāpyate |
brahmacaryeṇa śrāddhādi brahmacarye pratiṣṭhati || 47 ||
[Analyze grammar]

putrotpattyā vidyayā'gnihotreṇā''rādhyate tu yat |
tatsamārādhyate brahmacaryeṇaiveti nirṛṇam || 48 ||
[Analyze grammar]

śrutyā smṛtyā ca yallābhastalābho brahmacaryataḥ |
pratīkopāsanālabhya yanmataṃ dhāma tatkhalu || 49 ||
[Analyze grammar]

brahmacaryeṇa samprāpyaṃ bhavatyeva na saṃśayaḥ |
mātṛpitṛkuṭumbānāṃ lokānāṃ sevayā ca yat || 50 ||
[Analyze grammar]

labhyate tadbrahmacaryāllabhyate nātra saṃśayaḥ |
goviprāṇāṃ surāṇāṃ ca sādhvīnāṃ mahatāṃ tathā || 51 ||
[Analyze grammar]

sādhūnāṃ sevayā labhyaṃ brahmacaryeṇa labhyate |
pativratāyā lokāste labhyante brahmacaryataḥ || 52 ||
[Analyze grammar]

karmaṭhānāṃ śarmavatāṃ dharmiṣṭhānāṃ ca yā gatiḥ |
tato'pyuccatarā sā vai brahmacaryeṇa labhyate || 53 ||
[Analyze grammar]

puṇyātmanāṃ dānināṃ ca yā gatirjāyate śubhā |
tato'pyuccatarā prāptirbrahmacaryavato bhavet || 54 ||
[Analyze grammar]

yakṣarakṣobhūtavaināyakakūṣmāṇḍamātaraḥ |
piśācapretavetālāstrasyanti brahmacaryataḥ || 55 ||
[Analyze grammar]

ḍākinīśākinīśūlāyoginītālikāstathā |
vidravanti brahmacāribalānnāstyatra saṃśayaḥ || 56 ||
[Analyze grammar]

mānuṣā bhūtayaḥ sarvā devānāṃ smṛddhayastathā |
labhyante brahmacaryadvai brahmacarye pratiṣṭhitāḥ || 57 ||
[Analyze grammar]

aindraṃ ca vāruṇaṃ sthānaṃ kauberaṃ saumameva vā |
sauryaṃ ca gāṇapatyaṃ ca bhaumaṃ svargyaṃ ca paitṛkam || 58 ||
[Analyze grammar]

vairājamaiśvaraṃ vārṣaṃ pārameṣṭhyaṃ padaṃ ca vā |
labhyate brahmacaryeṇa brahmacarye pratiṣṭhati || 59 ||
[Analyze grammar]

āgneyaṃ vaiṣṇavaṃ brāhmaṃ śāṃbhavaṃ ca hiraṇmayam |
prākṛtaṃ pauruṣaṃ mauktaṃ labhyante brahmacaryataḥ || 60 ||
[Analyze grammar]

avyākṛtaṃ ca golokaṃ vaikuṇṭhaṃ cāmṛtaṃ tathā |
kṣairaṃ śvaitaṃ bādrikaṃ ca labhyante brahmacaryataḥ || 61 ||
[Analyze grammar]

brahmacaryaprabhāveṇa jīvo'pi yāti śaṃbhutām |
yo'yamātmā hatapāpmā viśoko mṛtyuvarjitaḥ || 62 ||
[Analyze grammar]

akṣudhaścātṛṣaścāpyajaraḥ satyamanorathaḥ |
satyaphalo bhavatyeva brahmacaryapratāpataḥ || 63 ||
[Analyze grammar]

parabrahmasamo bhūtvā sarvatadbhāvabhāvitaḥ |
samaśnute sarvakāmān brahmacaryapratāpataḥ || 64 ||
[Analyze grammar]

āprakṛṃtipūruṣaṃ yad dāsa''yogasthamaṇḍalam |
kiṃkaraṃ caraṇe bhūtvā patati brahmacāriṇaḥ || 65 ||
[Analyze grammar]

apraskhalitadhātostu brahyacaryavataḥ sadā |
tadūrdhvaretaso devā dāsā bhavanti kiṃkarāḥ || 66 ||
[Analyze grammar]

brahmacārikṛte lokā vartante śāśvatāḥ sadā |
pragacchedyena mārgeṇa brahmacārī janastadā || 67 ||
[Analyze grammar]

vighnāḥ kṛtyā grahā daityāḥ śūlāścā'maṃgalāni ca |
prayāntyapaśakunāni dūrādbrahmapratāpataḥ || 68 ||
[Analyze grammar]

yatra mārge brahmacārī pragacchati pratāpavān |
samīpe svāgatārthaṃ taṃ samāyānti surādayaḥ || 69 ||
[Analyze grammar]

lokapālā diśāmpālāḥ prajeśā manavaśca tam |
abhiyānti brahmacaryapratāpaṃ brahmacāriṇam || 70 ||
[Analyze grammar]

samvatsarāśca ṛtavo māsāśca divasā niśāḥ |
abhiyānti svāgatārthaṃ brahmacaryapratāpinam || 91 ||
[Analyze grammar]

viśvedevā marutaśca vidyādhrāḥ kinnarādayaḥ |
devyaścābhiprayāntyenaṃ brahmacaryapratāpinam || 72 ||
[Analyze grammar]

agnayo dakṣiṇāhomāvasathagṛhiṇo janāḥ |
abhiyānti brahmacaryabalinaṃ brahmacāriṇam || 73 ||
[Analyze grammar]

sādhyāḥ kiṃpuruṣāścaiva gandharvāścāraṇādayaḥ |
brāhmaṇāścā'pyabhiyānti brahmacārijanaṃ mudā || 74 ||
[Analyze grammar]

naranārīmithunāni brahmāṇḍe santi koṭiśaḥ |
tāni pavitratāṃ yānti brahmacāripadāśrayāt || 75 ||
[Analyze grammar]

brahmacārī svayaṃ brahma brahmacaryabalena vai |
pṛthvījalāditattvāni parāvartayituṃ kṣamaḥ || 76 ||
[Analyze grammar]

brahmacārī svayaॆ svasya prāṇasya rakṣaṇe tathā |
visarjane samartho vai na kālastatra vai prabhuḥ || 77 ||
[Analyze grammar]

mahākālo yāti dūraॆ yamo yamānugāstu ke |
vālakhilyāḥ sanakādyā siddhā yogeśvarāstathā || 78 ||
[Analyze grammar]

haryaśvāḥ śabalāśvāśca sādhavaḥ sādhvikāstathā |
brahmacaryapratāpena brahmabhāvamito gatāḥ || 79 ||
[Analyze grammar]

hanumānkārtikeyaśca vartete brahmacāriṇau |
bhagavatyo mahābhāgāḥ sarasvatyādikāstathā || 80 ||
[Analyze grammar]

brahmacāriṇya evaitā brahmabhāvamito gatāḥ |
tasmātputrau brahmacarye tiṣṭhantau kurutaṃ tapaḥ || 81 ||
[Analyze grammar]

brahmacaryapratāpena ṛṇaṃ sarvaṃ nivartate |
brahmacaryasamaṃ nānyattapo bhavati duṣkaram || 82 ||
[Analyze grammar]

brahmacāriśarīre vai brahma sākṣāddhi vartate |
brahmacāripūjanena parabrahma prapūjitam || 83 ||
[Analyze grammar]

brahmacāribhojanena parabrahma subhojitam |
brahmacāridarśanena parabrahmapradarśanam || 84 ||
[Analyze grammar]

brahmacārisparśanena parabrahmaspṛśirmatā |
brahmacārinamaskāre parabrahmanamaskṛtiḥ || 85 ||
[Analyze grammar]

brahmacāriparicaryā brahmaśuśrūṣaṇaṃ matam |
brahmacārijalapāne brahmaṇā pīyate jalam || 86 ||
[Analyze grammar]

brahmacāripārśvavāse brahmaṇyāvāsa ucyate |
brahmacāripranetrābhyāṃ brahmaiva saṃprapaśyati || 87 ||
[Analyze grammar]

brahmacārināsikayā brahmajighrāti vai mudā |
brahmacārijihvayā vai brahma vaktyeva sarvathā || 88 ||
[Analyze grammar]

brahmacārirasanayā brahmaivāsvādayatyapi |
brahmacāryānanadvārā bhuṃkte brahmaparaṃ sadā || 85 ||
[Analyze grammar]

brahmacārikarapādā brahmaṇaḥ karapatkajāḥ |
brahmacārimanovṛttyā manute brahma sarvathā || 90 ||
[Analyze grammar]

brahmacārikṛtabhogaṃ brahmabhogyaṃ tu tanmatam |
brahmacārikṛtāvāso brahmavāso mataḥ sadā || 91 ||
[Analyze grammar]

ūrdhvaretā naiṣṭhikaścopakurvāṇo hariḥ svayam |
mātā'pi pūjitā tena pitā saṃsevitastathā || 92 ||
[Analyze grammar]

brahmacaryavrataṃ yena rakṣitaṃ brahmarūpiṇā |
brahmacārikṛtaṃ sarvaṃ brahmaṇā kṛtameva tat || 93 ||
[Analyze grammar]

tasmād brahmaparo dharmo brahmacaryānna śiṣyate |
avatārā harerye vai brahmacāriṇa eva te || 94 ||
[Analyze grammar]

brahmacāriṇa āmuktiḥ sadā karatale sthitā |
atiṣṭhataṃ brahmacaryaṃ putro naranarāyaṇau || 95 ||
[Analyze grammar]

ityājñā pitṛbhyāṃ dattā gṛhītvā tau naro hariḥ |
natvābhivandyaśaityādriṃ taptuṃ tu duṣkaraṃ tapaḥ || 96 ||
[Analyze grammar]

jagmatustatra badryādiśobhite śikhare sadā |
badryadhastāttapo lokasukhārthaṃ kuruto hi tau || 97 ||
[Analyze grammar]

tathā'yaṃ kārtikeyo'pi tapatyeva dṛḍhaṃ tapaḥ |
brahmacārivrato bhūtvā viṣṇuṃ bhajati nityaśaḥ || 98 ||
[Analyze grammar]

nāstyato yogyatā tatrā'parādhasyāpi leśataḥ |
brahmacaryatulāyāṃ tvasevā'kiṃcitkarī matā || 99 ||
[Analyze grammar]

asevā vai na sā bodhyā sevā tapaḥsvarūpiṇī |
brahmacaryatapoyogāduddhārayati yatsvakau || 100 ||
[Analyze grammar]

mātāpitarau sā sevā nā'nyatulyā'lpikā matā |
yatkṛtena sadā mātuḥ pituḥ prasannatā bhavet || 101 ||
[Analyze grammar]

tatkṛtaṃ sarvadā sevā nā'nyā sevā viśiṣyate |
kārtikena kṛtā sevā brahmavratatapomayī || 102 ||
[Analyze grammar]

iṣṭaṃ tapastu pārvatyāstathā śaṃbhorapi dhruvam |
loke yogyaṃ ca śāstre'pi tapaḥ kāryamiti prathā || 103 ||
[Analyze grammar]

brahmavrataṃ tapo lakṣmi mokṣadaṃ duritaṃ na tat |
mātā śivā prasannā''sīt pitā śaṃbhuḥ prasādavān || 104 ||
[Analyze grammar]

senāpatitvamāpyaiva tārakāsuranāśanam |
kṛtaṃ pitrorvacana tat tvājñāsevātmakaṃ param || 105 ||
[Analyze grammar]

mayaiva vihitā ceyaṃ skandasthitiranuttamā |
iti te kathitaṃ lakṣmi kimanyacchrotumicchasi || 106 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne brahmacaryamāhātmyavarṇanapūrvakakārtikeyā'duritatādipradarśananāmā ekādaśādhikaśatatamo'dhyāyaḥ || 111 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 111

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: