Chapter 106

śrīlakṣmīruvāca |
gaṇeśasya śironāśaḥ kathaṃ vai kena karmaṇā |
gajamastakasandhānaṃ kathaṃ vai kena karmaṇā 1 || 1 ||
[Analyze grammar]

paripūrṇatamaḥ śrīmānparamātmā parātparaḥ |
golokanāthaḥ svāṃśena pārvatīputratāmagāt || 2 ||
[Analyze grammar]

āścaryaṃ śrīharestasya mastakacchedanādikam |
vighneśasya kathaṃ vighnaṃ saṃbhavetparamātmanaḥ || 3 ||
[Analyze grammar]

śrīnārāyaṇa uvāca |
sāvadhānā śṛṇu lakṣmi  samaitihyaṃ purātanam |
ekadā śaṃkaraḥ sūryaṃ jaghāna paramaṣṭadhā || 4 ||
[Analyze grammar]

sumālimālihantāraṃ śūlena ca tadā raviḥ |
jahau svacetanāṃ sadyo rathācca nipapāta ha || 5 ||
[Analyze grammar]

dadarśa kaśyapaḥ putraṃ mṛtavattūrdhvalocanam |
kṛtvā vakṣasi taṃ śokādvilalāpa bhaśaṃ muhuḥ || 6 ||
[Analyze grammar]

andhībhūtaṃ jagatsarvaṃ babhūva bhayakātaram |
niṣprabhaṃ tanayaṃ dṛṣṭvā cā'śapat kaśyapaḥ śivam || 7 ||
[Analyze grammar]

matputrasya yathā tejaśchinnaṃ śūlena vakṣasi |
tvatputrasya śiraśchinnaṃ bhaviṣyati sataijasam || 8 ||
[Analyze grammar]

śivaśca galitakrodho jīvayāmāsa taṃ ravim |
vakṣaḥ sandhānayāmāsa pūrayāmāsa tejasā || 9 ||
[Analyze grammar]

sūryastu cetanāṃ prāpya samuttasthau pituḥ puraḥ |
sūryo yayau nijā''vāse brahmaṇā kṛtamaṃgalaḥ || 10 ||
[Analyze grammar]

mālī sumālī daityau tu vyādhigrasto babhūvatuḥ |
śvitrau galitasarvāṃgau śaktiśūnyau hataprabhau || 11 ||
[Analyze grammar]

sūryakopena malinau brahmovāca tadā tu tau |
oṃ hrīṃ namo bhagavate sūryāya paramātmane svāhā || 12 ||
[Analyze grammar]

ityanena tu mantreṇa sāvadhānaṃ divākaram |
bhaktyā saṃpūjya saṃdattvā tūpacārāṃśca ṣoḍaśa || 13 ||
[Analyze grammar]

evaṃ saṃvatsaraṃ yāvad dhruvaṃ muktau bhaviṣyathaḥ |
atha sūryasya kavacaṃ bibhrato vyādhayo nahi || 14 ||
[Analyze grammar]

prajāpatiḥ ṛṣiśchando gāyatrī devatā raviḥ |
vyādhipraṇāśe saundarye viniyogaḥ prakīrtitaḥ || 15 ||
[Analyze grammar]

oṃ klīṃ hrīṃ śrīṃ śrīsūryāya svāhā me pātu mastakam |
aṣṭādaśākṣaro mantraḥ kapālaṃ me sadā'vatu || 16 ||
[Analyze grammar]

vakṣaḥ pātu raviḥ śaśvannābhiṃ sūryaḥ sadā'vatu |
kaṃkālaṃ me sadā pātu sarvadevanamaskṛtaḥ || 17 ||
[Analyze grammar]

karau pātu sadā bradhnaḥ pātu pādau prabhākaraḥ |
vibhākaro me sarvāṃgaṃ pātu santatamīśvaraḥ || 18 ||
[Analyze grammar]

ityetatkavacaṃ dhṛtvā nīrujau tu bhaviṣyathaḥ |
stavanaṃ sāmavedoktaṃ sauryaṃ vyādhivināśakam || 19 ||
[Analyze grammar]

sarvapāpaharaṃ sāraṃ dhanārogyakaraṃ param |
tatastau rākṣasau gatvā puṣkaraṃ tīrthamuttamam || 20 ||
[Analyze grammar]

dhṛtvā varma raviṃ stotramantreṇārādhya bhāvataḥ |
tataḥ sūryād varaṃ prāpya nijarūpau babhūvatuḥ || 21 ||
[Analyze grammar]

gaṇeśamastakacchedavighnaṃ śāpoṃ'śumālinaḥ |
jātastu śaṃkarāyeti kāraṇaṃ kathitaṃ tava || 22 ||
[Analyze grammar]

atha hastikathāṃ vacmi śiraḥsambandhabodhinīm |
sthiteṣvanyeṣu bahuṣu jantuṣvapi gajasya yat || 23 ||
[Analyze grammar]

mastakaṃ yojitaṃ tasya kāraṇaṃ śṛṇu padmaje |
ekadā devarājo vai puṣpabhadrānadīṃ yayau || 24 ||
[Analyze grammar]

tattīre'tirahaḥsthāne puṣpodyāne sugandhini |
dadarśa kāmukīṃ raṃbhāṃ candralokātsamāgatām || 25 ||
[Analyze grammar]

hāvabhāvā'naṃgaceṣṭāsvedakaṭākṣacaṃcalām |
āhvayantīmiva rantuṃ provācendro gaje sthitaḥ || 26 ||
[Analyze grammar]

raṃbhoru  vāmanāśliṣya na gantumiṣyate mayā |
raṃbhovāca na cāhaṃ te santoṣajananī matā || 27 ||
[Analyze grammar]

kṛtakāryajanānāṃ tu dhūrtānāṃ kā nu mitratā |
nārī svāduttamaṃ yāti madhu tyaktveva makṣikā || 28 ||
[Analyze grammar]

kāmukī kākavallolā phalaṃ bhuktvā prayāti vai |
yuvānaṃ rasikaṃ śāntaṃ suveṣaṃ sundaraṃ priyam || 29 ||
[Analyze grammar]

guṇinaṃ dhaninaṃ svacchaṃ kāntamicchati kāminī |
duḥśīlaṃ rogiṇaṃ vṛddhaṃ ratiśaktivihīnakam || 30 ||
[Analyze grammar]

adātāramavijñaṃ ca naiva vāñcchanti yoṣitaḥ |
tavā''jñākāriṇīṃ dāsīṃ gṛhāṇā'tra yathāsukham || 31 ||
[Analyze grammar]

ityuktvā''gatya devendraṃ kaṇṭhe lagnā babhūva sā |
puṣpabhadrātaṭe tatra tayoḥ ratisamāgame || 32 ||
[Analyze grammar]

etasminnantare tena vartmanā śaṃkarālayam |
vaikuṇṭhād yāti durvāsā dṛṣṭaścendreṇa mānitaḥ || 33 ||
[Analyze grammar]

pārijātaprasūnaṃ tu durvāsā haraye dadau |
puṣpaṃ yasya gṛhe caitallakṣmīstaṃ na jahāti vai || 34 ||
[Analyze grammar]

tasmādrakṣa sadaivaitadamlānaṃ smṛddhivardhanam |
sarvavighnaharaṃ nārāyaṇaprasādalabdhikam || 35 ||
[Analyze grammar]

mālayā sahitaṃ mūrdhni yasya tasya jayaḥ sadā |
puraḥ pūjā ca sarveṣāṃ devānāmagraṇīrbhavet || 36 ||
[Analyze grammar]

tacchāyeva mahālakṣmīrna jahāti kadāpi tam |
jñānena tejasā buddhyā vikrameṇa balena ca || 37 ||
[Analyze grammar]

sarvadevādhikaḥ śrīmān viṣṇutulyaparākramaḥ |
bhaktyā mūrdhni na gṛhṇāti yo'haṃkāreṇa mānavaḥ || 38 ||
[Analyze grammar]

naivedyaṃ ca hareratra sa naṣṭaśrīḥ svajātibhiḥ |
durvāsāstu tataḥ sthānādagacchacchāṃkaraṃ girim || 39 ||
[Analyze grammar]

indro raṃbhāntike vegī tat tāṃ cikṣepa hastini |
kuṃbhayoḥ patitāṃ puṣpamālāṃ hastī nije pade || 40 ||
[Analyze grammar]

śuṇḍhenā''ptvā mamardā'pi taddṛṣṭvā śrīrvinirgatā |
tathā raṃbhā divaṃ yātā gajo'raṇyaṃ viveśa ca || 41 ||
[Analyze grammar]

pāvanaṃ mastakaṃ tasya mālāpuṣpaprasaṃgataḥ |
chitvā nītvā haristadvai yojayāmāsa bālake || 42 ||
[Analyze grammar]

evaṃ śvetagajasyāsya gaṇeśasthaṃ śiraḥ sadā |
lakṣmi  prapūjyatāṃ yātaṃ tvairāvatasya kaṃ hi tat || 43 ||
[Analyze grammar]

atha kaśyapaśāpena preritastu śaniścaraḥ |
saṃjñāsūryātmajo vakradṛṣṭimān duḥkhadāyakaḥ || 44 ||
[Analyze grammar]

tatra vyomapathā''yāto dadarśa gaṇanāyakam |
gopure sa yadā devyā rakṣārthaṃ sthāpitastadā || 45 ||
[Analyze grammar]

śaṃkareṇa saha tasya gaṇeśasyā'bhavadraṇaḥ |
savyalocanakoṇena sandadarśa śiśormukham || 46 ||
[Analyze grammar]

śanestu dṛṣṭimātreṇa cicchide mastakaṃ haraḥ |
ityevaṃ kāraṇaṃ tatra śanerdṛṣṭiḥ raveḥ śapiḥ || 47 ||
[Analyze grammar]

gajakuṃbhaḥ pārijātamālā lakṣmīranantakā |
trayaṃ tvekasya bhāgye na devānāmapi durlabham || 48 ||
[Analyze grammar]

sarve svakarmaṇā sādhvi  bhuṃjate vividhaṃ phalam |
koṭikalpairapyaluptaṃ karma kartāramīyate || 49 ||
[Analyze grammar]

karmaṇā brahmarudrādyā mānavāḥ paśupakṣiṇaḥ |
rājā bhṛtyāśca vaikuṇṭhavāsino'pi svakarmabhiḥ || 50 ||
[Analyze grammar]

vyādhiviṣayasaundaryadhanadāridryaśālinaḥ |
sudārāputrasukhavān bandhukuṭumbakaṇṭakaḥ || 51 ||
[Analyze grammar]

adārāputraduḥkhāḍhyā jāyante karmabhirjanāḥ |
vibhinnakarmaṇāṃ teṣāṃ mūrtiḥ śaniścaraḥ svayam || 52 ||
[Analyze grammar]

tattatkarmānusāreṇa vakradṛṣṭyā sa paśyati |
śaniścaro'pi duḥkhena jīvatītyapi karmaṇā || 53 ||
[Analyze grammar]

śaniścarāya kanyāṃ svāṃ dadau citrarathastataḥ |
ṛtusnātā suveṣaṃ svaṃ vidhāya manmathā'rditā || 54 ||
[Analyze grammar]

śaniṃ smarati dānārthaṃ śanirnaiva smaratyapi |
ṛtunāśād ratyalābhāt kopataḥ sā śaśāpa tam || 55 ||
[Analyze grammar]

na dṛṣṭā'haṃ tvayā yena na kṛtaṃ ṛturakṣaṇam |
tasmāt sadaiva te dṛṣṭiḥ sukhadā naiva jāyatām || 56 ||
[Analyze grammar]

tvayā dṛṣṭaṃ bhavedvastu tatsarvaṃ vai vinaśyatu |
itiśāpācchanirvakradṛṣṭyā paśyati yad yadā || 57 ||
[Analyze grammar]

tadvai naśyati sarvaṃ drāk tattatkarmānuyogataḥ |
śaniḥ prakṛtinamrāsyo vinā karma na paśyati || 58 ||
[Analyze grammar]

karmaṇā prerito vai saḥ kartāramabhipaśyati |
iti te kathitaṃ sarvaṃ kimanyacchrotumicchasi || 59 ||
[Analyze grammar]

gajāsyayojanāyāśca kāraṇaṃ gahanaṃ mahat |
yajjñātvā sukhaduḥkhādau śubhā'śubhe na muhyati || 60 ||
[Analyze grammar]

aṃśenātmāntarasthasya kṛṣṇasyātmāntarakṛtāt |
karmaṇo naiva lepyatvaṃ bhuṃkte tvātmāntaraḥ kṛtam || 61 ||
[Analyze grammar]

avatārāḥ sadā sarve nirlepāḥ santi padmaje |
yatrātmanyavatīrṇāste sa ātmā karmabhogabhāk || 62 ||
[Analyze grammar]

sakhāyau sayujau dvau ca suparṇau karmadrusthitau |
tayoḥ karmakṛdaśnātyakarmakṛto na tatspṛśiḥ || 63 ||
[Analyze grammar]

tasmāt kṛṣṇasya naivāsti kaṇṭhacchedakṛtivyathā |
sā tu tatrānyabhoktuḥ syādātmāntaraṃ hi tanmatam || 64 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne gaṇeśopari śanidṛṣṭiḥ śivasya sūryaśāpaḥ indrasya śvetakarikṛtaṃ durvāsaḥpradattaprasādipuṣpamālāmardanaṃ tanmālāpuṣpasparśajanyakuṃbhamastakapāvanatāprayojya gaṇeśamastakayojanāpūjyatā cetyādinirūpaṇanāmā ṣaḍadhikaśatatamo'dhyāyaḥ || 106 ||
[Analyze grammar]