Chapter 104

śrīnārāyaṇa uvāca |
etasminnantare tatra vāg babhūvā'śarīriṇī |
mā śokaṃ kuru deveśi  sutaste kṛṣṇa īśvaraḥ || 1 ||
[Analyze grammar]

yattejo yoginaḥ śaśvad dhyāyanti satataṃ mudā |
dhyāyanti vaiṣṇavā devā brahmaviṣṇuśivādayaḥ || 2 ||
[Analyze grammar]

yasya pūjyasya sarvāgre kalpe kalpe ca pūjanam |
yasya smaraṇamātreṇa sarvavighno vinaśyati || 3 ||
[Analyze grammar]

nāsīt sa bhikṣuko vipraḥ sa āsīdvai janārdanaḥ |
kiṃ vā vilāpaṃ kuruṣe na nāśastava śāṃkareḥ || 4 ||
[Analyze grammar]

eṣāṃ sarasvatīṃ śrutvā dhairya cālambya yatnataḥ |
tathāpi virahāt sā'bhūd vilapya kṣaṇamūrchitā || 5 ||
[Analyze grammar]

vismitāste surāḥ sarve putradehoparipragām |
mṛtāmiva prapaśyanti citraputtalikāṃ yathā || 6 ||
[Analyze grammar]

devyaścaiva surāścaiva sarve'pi duḥkhamūrchitāḥ |
tānsarvāṃstu tadavasthān dṛṣṭvā kṛṣṇaḥ svayaṃ hariḥ || 7 ||
[Analyze grammar]

sadvākyairbodhayāmāsa śītādbhirvyajanaistathā |
sukhayitvā'karot tatra prastāva śāṃkarikṛte || 8 ||
[Analyze grammar]

kiṃ kāryamasya bālasya mastakasya suyojane |
prāṇa ātmā tu pārvatyāḥ śaktyā nihita eva vai || 9 ||
[Analyze grammar]

sa cātra punarāgacchetpārvatyāstu prabhāvataḥ |
mastakaṃ tu gaṇeśasya kṛṣṇe vilīnatāṃ gatam || 10 ||
[Analyze grammar]

tasmād dvitīyamāptavyaṃ mastakaṃ tu śivādibhiḥ |
gaṇeśo jīvito bhūyādasmābhiḥ pūjito bhavet || 11 ||
[Analyze grammar]

brahmā prāha tadā viṣṇuṃ bhavān sarvajña ucyate |
karmaṇāṃ gativettā tvaṃ ṛṇānubandhabhānavān || 12 ||
[Analyze grammar]

kasya kena samaṃ karma bhogyaṃ vetti na cā'paraḥ |
vṛkṣaśākhā paricchinnā bhuvi nyastā'pi rohati || 13 ||
[Analyze grammar]

tatra bījaṃ vinā jīvaḥ karmabalāt suyujyate |
kecid bījācca kecidvai dehāt kīṭādayo'pare || 14 ||
[Analyze grammar]

pārthivakardamādanye stambāt kāṇḍācca māṃsataḥ |
annādanye dehayogāddhātuyogāt tathā'pare || 15 ||
[Analyze grammar]

jāyante jantavasteṣāṃ svasvakarmānusārataḥ |
tasmāt tvameva vijñātā mastakaṃ kīdṛśaṃ bhavet || 16 ||
[Analyze grammar]

yasmā'nena śarīreṇa mastakasyaṛṇaṃ bhavet |
tasyaiva mastakaṃ tvatra kabandhe yojyameva vai || 17 ||
[Analyze grammar]

brahmā prāha tadā sarvān yamo gacched vanāntare |
prathamaṃ yo milet prāṇī tadā tasyaiva mastakam || 18 ||
[Analyze grammar]

gṛhītvā ca samāgatya gaṇaskandhe niyojayet |
viṣṇuḥ prāha tadā tatra mama śṛṇvantu devatāḥ || 19 ||
[Analyze grammar]

uttarasyāṃ diśi puṣpabhadrāyāḥ saritastaṭe |
asya ṛṇānubandhyeko hastī vartata ityamum || 20 ||
[Analyze grammar]

hastinaṃ prati gatvā'haṃ mastakaṃ tasya śobhanam |
kabandhaitatpariṇāhamānagrīvasumaṇḍalam || 21 ||
[Analyze grammar]

chitvā sudarśanenaiva nayāmi tatra yāmi ca |
ityāśvāsya ca tānsarvānāruhya garuḍaṃ hariḥ || 22 ||
[Analyze grammar]

jagāma puṣpabhadrāyāstaṭe yatra sa ībharāṭ |
sughaṭṭavṛkṣavallyādisaṃvṛte tatra kānane || 23 ||
[Analyze grammar]

gajendraṃ divyavapuṣaṃ śvetaṃ svahastinīyutam |
tathodakaśirasaṃ ramyaṃ sukhinaṃ surataśramāt || 24 ||
[Analyze grammar]

paritaḥ śāvakān kṛtvā paramānandamānasam |
dadarśa bhagavāṃstaṃ vai prāha cainaṃ gajādhipam || 25 ||
[Analyze grammar]

sukhito'si kuṭumbena dārāpatyajanādibhiḥ |
athottaraṃ mahatsaukhyaṃ labhyaṃ dānādikarmabhiḥ || 26 ||
[Analyze grammar]

gajaḥ prāha bhavān ko'sti me'tithiḥ prasamāgataḥ |
kadalīvanajātāni svarṇāni kadalāni vai || 27 ||
[Analyze grammar]

dāsye bhuṃkṣva paraṃ śreyaḥ kurvasmākaṃ vanaṃjuṣām |
paśūnāṃ nedṛśo lābho kadāpi bhavati prabho || 28 ||
[Analyze grammar]

pūrvajātismarāt tvāṃ vai manye kṛṣṇaḥ samāgataḥ |
matpūrvakarmaṇaḥ pāśād bandhanaṃ pāśavaṃ mayā || 29 ||
[Analyze grammar]

jñātaṃ ca jñāsyate yadvai bhāvi tadapi me kuru |
bhagavānapi taddattaṃ jagrāha yāvadarhaṇam || 30 ||
[Analyze grammar]

tvarā me'sti mama prārthyaṃ dehi śreyo bhaviṣyati |
gajaḥ prāha prabhuḥ sākṣānmadarthaṃ tu samāgataḥ || 31 ||
[Analyze grammar]

tasmātputraiḥ striyā cānyairmā śokastu vidhīyatām |
nātha gṛhāṇa yanneyaṃ śīghraṃ kuru prasannatām || 32 ||
[Analyze grammar]

tava yogānmama muktiḥ kuṭumbasyāpi vai dhruvā |
iti procya praṇamyā'tha samīpe samupasthitā || 33 ||
[Analyze grammar]

hariḥ sudarśanenaiva cicchede tacchiro mudā |
garuḍe sthāpayāmāsa rudhirāktaṃ manoharam || 34 ||
[Analyze grammar]

vicchinnāṃgaṃ patiṃ dṛṣṭvā ruroda hastinī priyā |
ruruduḥ śāvakāratasya vilapya ca śucāturāḥ || 35 ||
[Analyze grammar]

sā tuṣṭāva ramākāntaṃ śāntaṃ sasmitamāsthitam |
śaṃkhacakragadāpadmadharaṃ pītāmbaraṃ harim || 36 ||
[Analyze grammar]

garuḍasthaṃ jagannāthaṃ bhrāmayantaṃ sudarśanam |
saṃsārasukhadātāraṃ taddhartāraṃ namāmyaham || 37 ||
[Analyze grammar]

anāthinyai punarnāthapradātāraṃ namāmyaham |
bhaktāyāḥ sukhakartāraṃ namāmi patijīvanam || 38 ||
[Analyze grammar]

prabhustatstavanāttuṣṭastasyai prāha praharṣitaḥ |
tava kāryaṃ punaḥ kṛtvā jīvayitvā patiṃ tava || 39 ||
[Analyze grammar]

tato gamiṣye bhadraṃ te kṣaṇaṃ śokaṃ parityaja |
ityuktvā ca mahāraṇyaṃ jagāma tatra yūthapaḥ || 40 ||
[Analyze grammar]

prāptaḥ kālavaśācchubhro mṛto'bhūtkaścidībharāṭ |
akhaṇḍitaśarīrasya tasyaiva mṛtamastakam || 41 ||
[Analyze grammar]

pṛthakkṛtya yuyuje'trā''gatya kabandhamaṇḍale |
yadyapi bhagavān kṛṣṇaḥ sarvasāmarthyavān vibhuḥ || 42 ||
[Analyze grammar]

gaṇeśasya mastakaṃ vai yoktuṃ tadeva cārhati |
navaṃ vā mastakaṃ tatra cāṃkurayitumarhati || 43 ||
[Analyze grammar]

hastino'pi mastakaṃ tad dvitīyaṃ kartumarhati |
tathāpi yatkṛtaṃ cātra svecchāyā ṛṇabandhanāt || 44 ||
[Analyze grammar]

evaṃ taṃ jīvayāmāsa hastinaṃ caraṇāṃbujam |
sarvāṃge yojayāmāsa parivāraṃ pavitrayan || 45 ||
[Analyze grammar]

tvaṃ jīvā''kalpaparyantaṃ parivāraiḥ samaṃ gaja |
ityuktvā ca garuḍena kailāsaṃ hyājagāma vai || 46 ||
[Analyze grammar]

kabandhaṃ tu gaṇeśasya nītvā svasyaiva vakṣasi |
ruciraṃ tacchiraḥ samyag yojayāmāsa bālake || 47 ||
[Analyze grammar]

jīvayāmāsa taṃ śīghra huṃkāroccāraṇena ca |
sarve prasannāḥ saṃjātāḥ kaṇṭhe tu sandhinīṃ dadhau || 48 ||
[Analyze grammar]

gaṇeśaḥ putrarūpo'sau praṇanāmā''gatānmuhuḥ |
sarvaiḥ sabhājito devairāśīrbhiścirajīvitā || 49 ||
[Analyze grammar]

pradattā'tha tato viṣṇuruvāca pārvatīṃ satīm |
brahmādikīṭaparyantaṃ phalaṃ bhuṃkte svakarmaṇaḥ || 50 ||
[Analyze grammar]

śubhā'śubhaṃ kṛtaṃ yadyat pratiyonau prapadyate |
indraḥ svakarmaṇā kīṭayonau janma vrajet sati || 51 ||
[Analyze grammar]

kīṭaścāpi bhavedindraḥ pūrvakarmaphalena vai |
siṃho'pi makṣikāṃ hantumakṣamaḥ prāktanaṃ vinā || 52 ||
[Analyze grammar]

maśako hastinaṃ hantuṃ kṣamaḥ prāktanakarmaṇā |
sukhaṃ duḥkhaṃ bhayaṃ śokamānandaḥ karmaṇaḥ phalam || 53 ||
[Analyze grammar]

sukarmaṇaḥ sukhaṃ harṣamitare pāpakarmaṇaḥ |
ihaiva karmaṇāṃ bhogaḥ paratra ca śubhāśubhaiḥ || 54 ||
[Analyze grammar]

golokanāthaḥ śrīkṛṣṇaḥ paripūrṇatamaḥ svayam |
tava putraḥ samutpannaḥ śrutvā tuṣṭā ca pārvatī || 55 ||
[Analyze grammar]

stanaṃ dadau ca śiśave taṃ praṇamya gadādharam |
tuṣṭāva prāṃjalirbhaktyā viṣṇuṃ taṃ kamalāpatim || 56 ||
[Analyze grammar]

āśiṣaṃ yuyuje viṣṇuḥ śiśuṃ ca śiśumātaram |
dadau kaṇṭhe bālakasya kaustubhaṃ ca svabhūṣaṇam || 57 ||
[Analyze grammar]

brahmā dadau mukuṭaṃ ca dharmo vai ratnabhūṣaṇam |
siddhāsanaṃ dadau dharmastasmai vedhāḥ kamaṇḍalum || 58 ||
[Analyze grammar]

śaṃkaro yogapaṭṭaṃ ca tattvajñānaṃ sudurlabham |
ratnasiṃhāsanaṃ śakraḥ sūryaśca maṇikuṇḍale || 59 ||
[Analyze grammar]

māṇikyamālāṃ candraśca kuberaśca kirīṭakam |
vahniśuddhaṃ ca vasanaṃ dadau tasmai hutāśanaḥ || 60 ||
[Analyze grammar]

ratnachatraṃ ca varuṇo vāyū ratnāṃgulīyakam |
kṣīrododbhavasadratnaracitaṃ valayaṃ varam || 61 ||
[Analyze grammar]

mañjīraṃ cāpi keyūraṃ dadau lakṣmīrharipriyā |
kaṇṭhabhūṣāṃ ca sāvitrī bhāratī hāramujjvalam || 62 ||
[Analyze grammar]

krameṇa sarve devāśca devyaśca yautakaṃ daduḥ |
munayaḥ parvatāṃcaiva ratnāni vividhāni ca || 63 ||
[Analyze grammar]

vasundharā dadau tasmai vāhanāya ca mūṣakam |
krameṇa devā devyaśca munayaḥ parvatādayaḥ || 64 ||
[Analyze grammar]

gandharvāḥ kinnarā yakṣā manavo mānavāstathā |
nānāvidhāni dravyāṇi svādūni madhurāṇi ca || 65 ||
[Analyze grammar]

pūjāṃ cakruśca te sarve kramādvai bhaktipūrvakam |
pārvatī jagatāṃ mātā smerānanasaroruhā || 66 ||
[Analyze grammar]

ratnasiṃhāsane putraṃ vāsayāmāsa jīvitam |
kartuṃ pūjāṃ tatastasya viśeṣeṇopacakrame || 67 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne vyomavāṇyā śrīkṛṣṇo'yaṃ gaṇeśa iti vijñāpite śrīhariṇā hastimastakasandhānaṃ kṛtaṃ brahmādibhi |
rupadādānaṃ kṛtamityādinirūpaṇanāmā caturadhikaśatatamo'dhyāyaḥ || 104 ||
[Analyze grammar]