Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 102 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi  tato yadvai sampannaṃ kathayāmyaham |
ityabhyarthya svapitaraṃ śaṃkaraṃ lokaśaṃkaram || 1 ||
[Analyze grammar]

tūṣṇīmāsa yadā vipraḥ śaṃbhurāśvāsya taṃ dvijam |
gṛhāntare gataḥ śaṃbhuḥ pārvatīṃ nidritāṃ priyām || 2 ||
[Analyze grammar]

śīghraṃ prabodhayāmāsa bhikṣārthaṃ ca dvijātaye |
sarvaṃ nivedayāmāsa yadyadicchati vāḍavaḥ || 3 ||
[Analyze grammar]

pārvatī karapādādi śodhayitvā jalena ca |
viprepsitāni vastūnyāhārayāmāsa cāṃgaṇe || 4 ||
[Analyze grammar]

saṃkalpena tu siddhāni yānyapyanyāni vāñcchati |
tatsarvaṃ tatra vṛddhāya brāhmaṇāya samarpayat || 5 ||
[Analyze grammar]

na vai nyūnamabhūt kiṃcit tutoṣāti sa vāḍavaḥ |
vastūnyādāya vipraḥ saḥ śrīkṛṣṇaḥ parameśvaraḥ || 6 ||
[Analyze grammar]

putro bhavitumicchan vai tatraivā'dṛśyatāṃ gataḥ |
pārvatyāstu śarīre yo dhāturlagno'sti śāṃkaraḥ || 7 ||
[Analyze grammar]

tatra dhātau praviṣṭo'yaṃ śrīkṛṣṇaḥ puruṣottamaḥ |
pārvatyapi tadā svāṃgeṣvabhilagnaṃ sacetanam || 8 ||
[Analyze grammar]

dhātuṃ dṛṣṭvā śārīraṃ tan malaṃ dhūlyādisaṃbhavam |
matvā śuddhiṃ tadā naiva cakāra parameśvarī || 9 ||
[Analyze grammar]

śarīraṃ bahudhūlyādimalāḍhyaṃ pravilokya ca |
snānaṃ viśālaṃ sodgandhaṃ kariṣye'dya dine śanaiḥ || 10 ||
[Analyze grammar]

nirmalaṃ vai śarīraṃ ca nadyāmeva bhaviṣyati |
evaṃ vicāraṃ dadhatī sthitā prātaḥ śubhāsane || 11 ||
[Analyze grammar]

snānayogyavicitrāṇi gandhadravyāṇyakārayat |
dāsībhirgṛhakāryāṇi maṃgalādīnyakārayet || 12 ||
[Analyze grammar]

atha śaṃbhuḥ svayaṃ devanadyāṃ snānāya nirgataḥ |
gaṇaiḥ saha sa vai yāto'nye gaṇāstamanudrutāḥ || 13 ||
[Analyze grammar]

kelāse pārvatīkṣetre gopure nāsti rakṣakaḥ |
sarve gaṇāstadā yātā jñātvā snānotsavaṃ param || 14 ||
[Analyze grammar]

śaṃbhumarghyaiścandanaiśca tailaiḥ sugandhibhistathā |
saurabhaistilapiṣṭaiśca kaisareḥ karpuraistathā || 15 ||
[Analyze grammar]

upamṛdya mahādevaṃ snāpayanti sma dhārayā |
gaṇānāmapi sarveṣāṃ vihārasnānatāraṇaiḥ || 16 ||
[Analyze grammar]

jalakelyādibhistatra sumahānutsavo'bhavat |
snānānte tu gaṇaiḥ śaṃbhoḥ saṃskṛtā tu śirojaṭā || 17 ||
[Analyze grammar]

bhasmapuṣpasugandhyādidravaiḥ saṃprokṣitā'bhavat |
lalāṭe bālacandrasya rekhayā saha candanam || 18 ||
[Analyze grammar]

lekhayā kṛtarekhaṃ tu carcitaṃ puṇḍrakaṃ yathā |
karṇapūrau ca rudrākṣaiḥ kṛtau kaṇṭhe ca vāsukiḥ || 19 ||
[Analyze grammar]

hāro rudrākṣasampanno muṇḍamālā'pi pauraṭī |
karṇayordhatttūrapuṣpe rudrākṣadvayavuṭṭike || 20 ||
[Analyze grammar]

bhujayoḥ sarparājau ca prakoṣṭhe bhujagadvayam |
kauśyastu mudrikā ratnaśrṛṃkhaleṃ'gulihastayoḥ || 21 ||
[Analyze grammar]

yajñopavītaṃ śubhagaṃ hasticarmasukaṃcukam |
siṃhacarmakṛtadhautraṃ kaṭyāṃ ca muñjamekhalā || 22 ||
[Analyze grammar]

triśūlaṃ hastasannyastaṃ kaupīnaṃ mṛgacarmaṇaḥ |
satkāṣṭhapāduke ramye śarīre bhasma saṃdhṛtam || 23 ||
[Analyze grammar]

atha netre dhyānayukte parāvṛtyā'rdhamelite |
vyāghracarmaṇā prātarvai sandhyārthaṃ saṃsthito haraḥ || 24 ||
[Analyze grammar]

apāṃ kamaṇḍaluḥ pārśve pañcapātrāṇi cāgrataḥ |
kuśapuṣpā'kṣatadhūpadīpacandanakuṃkumam || 25 ||
[Analyze grammar]

nyastaṃ gaṇaiḥ svayaṃ devo dhyānamagno babhūva ha |
samādhiṃ svātmani prāpto nispṛhaḥ sarvathā sadā || 26 ||
[Analyze grammar]

yadā tiṣṭhati dhyāne vā samādhau śaṃkarastadā |
nāsti kālasya niyamo nispṛhasya tṛṇaṃ jagat || 27 ||
[Analyze grammar]

samādhau saṃsthito devo gaṇāstatra tvitastataḥ |
nṛtyanti ca pragāyanti ramante ca vanādiṣu || 28 ||
[Analyze grammar]

vṛkṣeṣvārohā'varohau kurvanti ca svapanti ca |
phalamūlānyāharanti gṛhṇanti mādakāni ca || 29 ||
[Analyze grammar]

puṣpapatrāṇi cinvanti nayanti harasannidhau |
nivedya dhyānamagnāya śaṃbhave'tha ca te gaṇāḥ || 30 ||
[Analyze grammar]

phalakandādi khādanti rasānāsvādayanti ca |
evamutsavakartṛṇāṃ saṃgavastatra vai gataḥ || 31 ||
[Analyze grammar]

gaṇāḥ śaṃbhuṃ vihāyaiva na cāyānti haragṛham |
pratīkṣate pārvatī tu nā''yādeko'pi sevakaḥ || 32 ||
[Analyze grammar]

tataḥ snātuṃ samīhānā tailasaurabhavāribhiḥ |
sugandhitadravairdevī sakeśaṃ snānamicchati || 33 ||
[Analyze grammar]

dvāre kaścinmayā sthāpyo dvārapālo nirodhakaḥ |
snāne kaścinna cā''gacched rahasīti vicārya vai || 34 ||
[Analyze grammar]

svasyā dhūlyādikaṃ lagnaṃ śaṃbhudhātumayaṃ malam |
svedamiśraṃ dravaṃ matvā viśliṣya kṛtapeśikam || 35 ||
[Analyze grammar]

puttalaṃ sundaraṃ tasya sarvāvayavaśobhitam |
satyaḥ putro yathā vā syāt tādṛśaṃ viracayya ca || 36 ||
[Analyze grammar]

yāvatkareṇa dehaṃ taṃ snigdhacikkaṇatāptaye |
parimārjayate mohāttāvat tāvattu tat svayam || 37 ||
[Analyze grammar]

caitanye sadrūpe bhāve vivṛtiṃ prāpya śobhate |
śiraḥ karatalenaiva yāvanmārjayate śivā || 38 ||
[Analyze grammar]

tāvattu mastakaṃ tasya sakeśaṃ sūjjvalaṃ hyabhūt |
lalāṭe mukhanetrādau yāvaddhastau suyojitau || 39 ||
[Analyze grammar]

tāvannetre surūpe sugrāhake'bhavatāṃ tadā |
kapolau prollasadgolau lalāṭaṃ cārucandrakam || 40 ||
[Analyze grammar]

oṣṭhau raktau mukhaṃ mandahāsyakṛt kalidantavat |
sunāsaṃ ca surūpaṃ ca nirvṛttaṃ tatkṣaṇācchubham || 41 ||
[Analyze grammar]

tāvattu pārvatī devī sahāsyā svasakhīstadā |
āhvayate prapaśyantu bālo'yaṃ nirmito mayā || 42 ||
[Analyze grammar]

hasan bālo'pi mandaṃ svanetre tudghāṭya paśyati |
mātaraṃ tatsakhīśceti sarvānandakaro'bhavat || 43 ||
[Analyze grammar]

tato mātrā kṛtaṃ svasti putrasya karayostathā |
pṛṣṭhe vakṣasi kaṭyāṃ ca sakthnostathaiva jānunoḥ || 44 ||
[Analyze grammar]

jaṃghayoḥ pādayoścāṃguliṣu prokṣyadravaiḥ śubhaiḥ |
svahastau bhrāmitau tasyāṃgāni pramārjitāni ca || 45 ||
[Analyze grammar]

yatra yatra pradeśe ca spṛṣṭe hastatale śubhe |
pārvatyāstatra tatrāyaṃ bālo bhavati cetanaḥ || 46 ||
[Analyze grammar]

surūpaḥ suṣṭhvavayavaḥ puṣṭaśca mātṛjo yathā |
krīḍayā puttalaṃ sṛṣṭaṃ putro jātaḥ sa cetanaḥ || 47 ||
[Analyze grammar]

ityāścaryaṃ mahatprāpya pūjanaṃ prāṇarakṣaṇam |
sarvāvayavapūrṇatvaṃ kṛtaṃ devyā viśeṣataḥ || 48 ||
[Analyze grammar]

saṃsmṛtya pārvatī kṛṣṇapradattaṃ varadānakam |
ayonijo'grapūjyaste putraścānyo bhavediti || 49 ||
[Analyze grammar]

tadidaṃ varadānaṃ vai kṛṣṇarūpaṃ suputrakam |
matvā niścayatastasya mahāpūjanamācarat || 50 ||
[Analyze grammar]

sugandhaiḥ snāpito dravyairarcito bhojitastathā |
śrṛṃgāravastubhiḥ samyaka śobhito bodhitastayā || 51 ||
[Analyze grammar]

mama putreti cāhūya cumbanaṃ sā vyadhānmuhuḥ |
stanyapānaṃ nidhāyāṃ'ke'kārayatprāha pārvatī || 52 ||
[Analyze grammar]

mama rakṣākaraḥ putraḥ kṛṣṇo'yaṃ bhagavān svayam |
prādurbhūto mama kalpavādapaḥ phalito'dhunā || 53 ||
[Analyze grammar]

aho sakhyaḥ kumāraṃ me vardhayantu śubhāśiṣā |
sakhya āyāntu putraṃ me balaṃ dadatu rakṣakam || 54 ||
[Analyze grammar]

aho ālyaḥ kumāraṃ me śirastrāṇaṃ sukaṃcukam |
yajñopavītakaṃ ramyaṃ hāraṃ kāṃcanajaṃ tathā || 55 ||
[Analyze grammar]

ratnahīrakabhūṣāśca dhārayantu yathāsthalam |
dhautraṃ pītāmbaraṃ kaṭisūtraṃ ca kaṭibandhanam || 56 ||
[Analyze grammar]

samarpayantu tadyogyaṃ dadatvanyadapekṣitam |
kurvantu jayatilakaṃ candrakaṃ sākṣataṃ tathā || 57 ||
[Analyze grammar]

evaṃ śrṛṃgāritaścāpi vardhitaśca sakhījanaiḥ |
satyā ca bodhito me tvaṃ rakṣako bhava gopure || 58 ||
[Analyze grammar]

dattānyasmai mahaddhāryaṃ triśūlaṃ carma khaḍgakam |
śaktiḥ pāśaḥ kuṭhāraśca rakṣāyā māliketi ca || 59 ||
[Analyze grammar]

evaṃ susajjya putraṃ taṃ śaṃbhoranyūnasadbalam |
svasnānodyānamārgasya gopure'sthāpayat satī || 60 ||
[Analyze grammar]

tayā''jñapto vayaṃ snāmo devanadyā hṛde śubhe |
udyāne saṃsthite tatra jalāgādhe ramāmahe || 61 ||
[Analyze grammar]

mama putro gaṇeśastvaṃ mā praveśaya kaṃcana |
yāvadvayaṃ nivṛttāḥ sma snānādatra gṛhāṃgaṇe || 6 ||
[Analyze grammar]

tāvatkaścijjano nāyād gopurāntaramityayam |
ādeśo me tvayā rakṣyo mā pumān viśatu sthalīm || 63 ||
[Analyze grammar]

yadi prasahya cāgacched balāttaṃ vinivārya vai |
rakṣaṇaṃ tava mātustu pārvatyā me karotviti || 64 ||
[Analyze grammar]

yāvatsnānāni jāyante tāvanna praviśennara |
evamuktvā dṛḍhayitvā'rpayitvā cā''yudhāni sā || 65 ||
[Analyze grammar]

mantrāṇyapi tadā datvā'tiṣṭhipadgaṇanāyakam |
so'yaṃ gopuramavati yathādeśamatandritaḥ || 66 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne kṛṣṇātmakaviprasya bhikṣāprāptyuttaramadṛśyatā pārvatyāḥ śārīradhātumalād gaṇeśotpattiḥ saprāṇagaṇeśasya pārvatyāḥ snānakāle gopurarakṣārthaṃ niyuktiścetyādivarṇananāmā dvyadhikaśatatamo'dhyāyaḥ || 102 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 102

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: