Chapter 98

śrīnārāyaṇa uvāca |
śivaḥ prāha tadā devān kumāro'yaṃ pratāpavān |
jātamātro yuvā divyo devānāṃ kāryakṛnmataḥ || 1 ||
[Analyze grammar]

tad bhavadbhiḥ sanniyojyo yatheṣṭaṃ balavān kṛtī |
devāḥ prāhustadā śaṃbhuṃ sarveṣāṃ sukhahetave || 2 ||
[Analyze grammar]

tārakādbhayamastyeva sarveṣāṃ jagatāṃ vibho |
tasmāt senāpatitve'bhiṣecanīyaḥ sutastvayam || 3 ||
[Analyze grammar]

ityevaṃ sammatau tatra śaṃkaraḥ sumuhūrtake |
saināpatyapradānāya lilekhotsavapatrikāḥ || 4 ||
[Analyze grammar]

gaṇā maṃgalapatrāṇi yayurnītvā caturdaśa |
caturdaśasu lokeṣu ṛṣipitṛdyuvāsinām || 5 ||
[Analyze grammar]

yakṣarākṣasagandharvabhūtapretapalāśinām |
mānavāsurasarpāṇāṃ kinnaroragabhūbhujām || 6 ||
[Analyze grammar]

pratigṛhaṃ pradadustāḥ patrikāśca śivājñayā |
āyayuḥ ṛṣayaḥ satyalokāttu brahmaṇā saha || 7 ||
[Analyze grammar]

pitaraśca tapolokādagniṣvāttādayastathā |
barhiṣadā ājyapāśca somapā vatsarādayaḥ || 8 ||
[Analyze grammar]

pāvanā vahnayaḥ sarve yamapretā digīśvarāḥ |
samīyuśca sthale tatra manavo marutastathā || 9 ||
[Analyze grammar]

indraḥ kubero varuṇo yamo yamagaṇāstathā |
bālakhilyāstathā sarve saptarṣayaśca nairṛtāḥ || 10 ||
[Analyze grammar]

adharmadharmasantānāḥ sumedhāḥ stanayitnavaḥ |
vasantādyā ṛtavaśca kāmo bāṇādinā'nvitaḥ || 11 ||
[Analyze grammar]

viṣṇurlakṣmīpatirlakṣmyā pārṣadaiḥ saha cāgamat |
devyaḥ sādhvyaścaturdaśalokagārhasthyaśobhanāḥ || 12 ||
[Analyze grammar]

vilāsinyaśca nartakyaḥ sevikāśca pativratāḥ |
samājagmuśca bhūdevā nadā nadyaśca parvatāḥ || 13 ||
[Analyze grammar]

araṇyāni ca tīrthāni puryoṃ dhāmāni mūrtayaḥ |
bhūtāni prāṇinastatra sūtamāgadhabandinaḥ || 14 ||
[Analyze grammar]

mānavā nāgasarpāśca vṛkṣā vallyaśca pakṣiṇaḥ |
gaganasthā jalacaryāḥ sthalasthāḥ sthāsnujaṃgamāḥ || 15 ||
[Analyze grammar]

divyadehāḥ samājagmuḥ saināpatyamahotsave |
gāyakā nartakā narmakāriṇo nāṭakaṃvidaḥ || 16 ||
[Analyze grammar]

vādakāḥ sevakāścānye ye devā'devajātayaḥ |
sarve tatra samāhūtā āgatāḥ protsavārthinaḥ || 17 ||
[Analyze grammar]

saināpatyasthānayogyaṃ bālakaṃ draṣṭumutsukāḥ |
vidhiṃ draṣṭuṃ samājagmuḥ prāyo draṣṭuṃ svarakṣakam || 18 ||
[Analyze grammar]

samājaṃ ca tathā draṣṭuṃ prāyaḥ sarve samāgatāḥ |
śaṃkareṇa tadā svasya kailāsaḥ supariṣkṛtaḥ || 19 ||
[Analyze grammar]

maṇḍapo hi mahān svarṇaratnavastrādibhiḥ kṛtaḥ |
kadalīstaṃbhakalaśatoraṇollecaśobhitaḥ || 20 ||
[Analyze grammar]

paṭamaṇḍapalakṣāṇi koṭiśaḥ parṇaśālikāḥ |
sabhāsthānāni ramyāṇi vihārodyānagopurāḥ || 21 ||
[Analyze grammar]

bhakṣyabhojyānyanantāni lehyacoṣyāṇi koṭiśaḥ |
peyāni svādumiṣṭāni saugandhīnyapi lakṣaśaḥ || 22 ||
[Analyze grammar]

dṛśyāni ca manoraṃjanakānyagaṇitāni vai |
amṛtāni vividhāni svāduphalānyanekaśaḥ || 23 ||
[Analyze grammar]

pakvānnāni sudivyāni sitāsudhājyavanti vai |
atitṛptipradānyevaṃ tāmbūlādīni cā'bhavan || 24 ||
[Analyze grammar]

sthānopaveśanabṛsyo ratnasiṃhāsanāni ca |
javanikāsusaudhāni vimānāni hyanekaśaḥ || 25 ||
[Analyze grammar]

vāhanāni jalavyomabhūgāmīni ca koṭiśaḥ |
bhājanāni ca bhogyāni darpaṇāḥ keśadanturāḥ || 26 ||
[Analyze grammar]

puṣpāṇi tailasaugandhyacandanāni ca bhūriśaḥ |
kuṃkumāni ca dhūpāśca dīpā vādyāni bhūriśaḥ || 27 ||
[Analyze grammar]

sthale sthale pṛtanādhipatyasūcakasudhvajāḥ |
prasphuranti smāntarīkṣe gīyante jayagītikāḥ || 28 ||
[Analyze grammar]

muhūrte'bhijiti prāpte svastivācanapūrvakam |
vedaghoṣān pracakrurvai bhūdevāḥ ṛṣayastathā || 29 ||
[Analyze grammar]

yajñopavītaṃ rakṣāyāḥ sūtraṃ jayamaṇiṃ tadā |
dhārayāmāsa taṃ skandaṃ bṛhaspatirudāradhīḥ || 30 ||
[Analyze grammar]

tilakaṃ sākṣataścandraḥ kauṃkumaśca kṛtaḥ śubhaḥ |
guruṇā gāṃgatoyaiśca prokṣaṇaṃ ca kṛtaṃ śubham || 31 ||
[Analyze grammar]

mantrā balapradāstatra yojitā dakṣakarṇake |
darbhaḥ karṇopari nyasto maṃgalaṃ mastake tathā || 32 ||
[Analyze grammar]

dravyaṃ tu prokṣitaṃ mūrdhni mukuṭo brahmaṇā'rpitaḥ |
karṇayoḥ kuṇḍale datte kubereṇa tadā śubhe || 33 ||
[Analyze grammar]

samudreṇa tadā ratnahārāstasya gale'rpitāḥ |
himālayena svarṇānāṃ bhūṣaṇānyarpitāni vai || 34 ||
[Analyze grammar]

dikpālaistattatpradeśodbhavadvastu samarpitam |
varuṇenārpitaṃ chatraṃ śvetaṃ candrasamaṃ tadā || 35 ||
[Analyze grammar]

gaṃgayā ramayā tatra cāmare karayordhṛte |
indreṇa kavacaṃ dattaṃ saināpatyasya rakṣakam || 36 ||
[Analyze grammar]

saināpatyasya veṣaśca datto vai viṣṇunā svayam |
ādityena ratho datto raṇā'kṣatadṛḍhāṃgakaḥ || 37 ||
[Analyze grammar]

khaḍgaṃ carma pradatte vai dṛḍhe tu viśvakarmaṇā |
śaṃbhunā tu dhanurdattamiṣudhyakṣayyasāyakau || 38 ||
[Analyze grammar]

cakraṃ tu hariṇā dattaṃ gadādaṇḍau yamena vai |
vajraṃ tadā'gninā dattaṃ śaktiśca vāyunā'rpitā || 39 ||
[Analyze grammar]

mayūrā'śvagajā dattāḥ parvatairvyomagāminaḥ |
astraśastrāyudhahetipāśarṣṭitomarādayaḥ || 40 ||
[Analyze grammar]

pradattā vividhairdevaiḥ tadutsavasamāgataiḥ |
devībhirvividhāstasmai pradattāḥ śaktayo'kṣayāḥ || 41 ||
[Analyze grammar]

pārvatyā''śīrvaco dattaṃ sarvadā vijayī bhava |
senābhogyaḥ parikaro munibhiścārpitastadā || 42 ||
[Analyze grammar]

nyūnaṃ sarvaṃ pūritaṃ ca tadā dakṣādirājakaiḥ |
tato vijayaghoṣo'bhūtkārtikasya mahātmanaḥ || 43 ||
[Analyze grammar]

avādyanta ca vādyāni babhūvurjayaghoṣaṇāḥ |
āsannugrāḥ surapakṣāḥ senāpatikṛtāvanāḥ || 44 ||
[Analyze grammar]

maṃgalāni vividhāni jātāni surayoṣitām |
samājastatra lokebhyaścaturdaśabhya āgataḥ || 45 ||
[Analyze grammar]

bhojyairmiṣṭairmiṣṭapānaiḥ suvāsyaiśca sutarpitaḥ |
puruṣāḥ pramadāścaiva vardhayanti sma śāṃkaram || 46 ||
[Analyze grammar]

senāpatiṃ mahāśaktaṃ durdharṣaṃ sarvato'dhikam |
sainyānyapi suklṛptāni lokapālaistadā tataḥ || 47 ||
[Analyze grammar]

tadanyebhyastu saṃdatvā pātheyānyupadāstathā |
śaṃbhunā preṣitāḥ sarve svasvadhāmāni te yayuḥ || 48 ||
[Analyze grammar]

atha sammilitā devāḥ brahmaviṣṇupurogamāḥ |
mantrayāṃcakruradyaiva divāniśi mahāsuraḥ || 49 ||
[Analyze grammar]

diviṣadāṃ tārakākhyastrāsayate mahābalaḥ |
ayaṃ skando mahāsatvo haniṣyati tu tārakam || 50 ||
[Analyze grammar]

dināni saptajātāni janmato'sya tathāpi vai |
mahāsenāpatirjāto devadattabalairbalī || 51 ||
[Analyze grammar]

tasmādadyaiva yāsyāmastārakaṃ hantumudyatāḥ |
matvā tatheti sahasā nirjagmustārakāsuram || 52 ||
[Analyze grammar]

tadā bheryo mṛdaṃgāśca paṭahā''nakagomukhāḥ |
avādyanta ca vādyāni tūryāṇi vividhāni ca || 53 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne kārtikeyasya senāpatitvadhikāratadaṃgāyudhādivarṇananāmā'ṣṭanavatitamo'dhyāyaḥ || 98 ||
[Analyze grammar]