Chapter 95

śrīnārāyaṇa uvāca |
śrutvā vratasya kartavyaṃ pārvatī hṛṣṭamānasā |
sarvaṃ vratavidhānaṃ tu papraccha śaṃkara punaḥ || 1 ||
[Analyze grammar]

puṇyakaṃ tadvrataṃ nātha niyamena yutaṃ mayā |
kayā rītyā prakartavyaṃ kāni dravyāṇi tatra ca || 2 ||
[Analyze grammar]

phalānyanyāni deyāni bhavantīti nirūpyatām |
yadyadapekṣitaṃ vastu tanniyojaya kalpaya || 3 ||
[Analyze grammar]

nārīṇāṃ vratakartrīṇāṃ svāmī sarvārthado mataḥ |
pitā kaumārasamaye sadā pālayate sutām || 4 ||
[Analyze grammar]

lagnottaraṃ patiḥ pātā vārdhakye tu sutādayaḥ |
pitā prāṇasamāṃ putrīṃ datvā satpataye sukhī || 5 ||
[Analyze grammar]

patiḥ patnīṃ svaputreṣu sannyasyaiva sukhī bhavet |
evaṃ trayayutā nārī loke bhāgyavatī matā || 6 ||
[Analyze grammar]

ekena rahitā madhyā sarvahīnā tu duḥkhinī |
etaistu rakṣitā dhanyā ninditā'nyāśrayasthitā || 7 ||
[Analyze grammar]

pitṛrakṣaṇayogyaṃ tu kaumāraṃ vigataṃ mama |
bhartṛrakṣaṇayogyaṃ ca yauvanaṃ tu gamiṣyati || 8 ||
[Analyze grammar]

vinā putraṃ tu vārdhakye ko me rakṣāṃ kariṣyati |
ato dehi sutaṃ nātha mama nirvṛttikāraṇam || 9 ||
[Analyze grammar]

sarvajñasya samīpe vai pāṇḍityaṃ kaluṣāyate |
na mamā'nyadyācitavyaṃ sutadāṃ satkṛpāṃ vinā || 10 ||
[Analyze grammar]

iti śrutvā tu pārvatyāḥ śaṃkaraḥ prāha pārvatīm |
śṛṇu devi kṛṣṇavratātsaphalaḥ syānmanorathaḥ || 11 ||
[Analyze grammar]

māghaśuklatrayodaśyāṃ vratāraṃbhaḥ śubhaḥ priye |
dvādaśyāṃ māghaśuklasya vratasya pūrṇatā bhavet || 12 ||
[Analyze grammar]

sāṃvatsaraṃ vratametatpuṇyakaṃ kṛṣṇatuṣṭikṛt |
kartavyaṃ tu vidhānena putrārthinyā tu yoṣayā || 13 ||
[Analyze grammar]

dvādaśyāṃ tu samupoṣya śiraḥsaṃskārapūrvakam |
gātraśuddhiṃ vastraśuddhiṃ kṛtvā rātrau hariṃ smaret || 14 ||
[Analyze grammar]

nidrottaraṃ brāhmakāle talpādutthāya vai harim |
smaran śaucādikaṃ dantadhāvanaṃ snapanaṃ tathā || 15 ||
[Analyze grammar]

kṛtvā cā''camya haraye dattvā'rghyaṃ dhautavāsasī |
dhṛtvopaviśya ca tataḥ punarācamya cāndanam || 16 ||
[Analyze grammar]

binduṃ vā tilakaṃ kṛtvā kauṃkumaṃ ca hariṃ smaret |
svāhnikaṃ naityakaṃ kṛtvā vṛṇuyātsupurohitam || 17 ||
[Analyze grammar]

ghaṭaṃ saṃsthāpya vidhivatsvastivācanapūrvakam |
saṃkalpaṃ vedavihitaṃ kārayitvā vrataṃ caret || 18 ||
[Analyze grammar]

upacāraiḥ ṣoḍaśabhiḥ pūjanīyo hariḥ svayam |
āvāhanamāsanaṃ ca pādyamarghyaṃ tataḥ param || 19 ||
[Analyze grammar]

ācamanaṃ tathā snānaṃ madhuparkaṃ tathā'mbaram |
candanaṃ bhūṣaṇaṃ puṣpaṃ dhūpaṃ dīpaṃ nivedanam || 20 ||
[Analyze grammar]

yajñasūtraṃ ca tāmbūlaṃ deyāni bhaktibhāvataḥ |
tatra nyūnaṃ na kartavyaṃ phalahānikaraṃ hi tat || 21 ||
[Analyze grammar]

dānāni tu yathāśakti deyāni kṛṣṇaviṣṇave |
yadyaddānena yatprāptirbhavet tadvacmi saṃśṛṇu || 22 ||
[Analyze grammar]

puṣpaṃ tu pārijātasya deyaṃ surūpahetave |
śvetacampakapuṣpaṃ tu deyaṃ saundaryahetave || 23 ||
[Analyze grammar]

padmaṃ deyaṃ tu kṛṣṇāya mukhasaughaṭyahetave |
ratnāḍhyaṃ darpaṇaṃ deyaṃ netrayordīpti hetave || 24 ||
[Analyze grammar]

nīlotpale tathā deye cakṣuṣo rūpahetave |
śvetaṃ tu cāmaraṃ deyaṃ keśasaundarya hetave || 25 ||
[Analyze grammar]

ratnāktapuṭakaṃ deyaṃ nāsāsaundaryahetave |
deye bandhūkapuṣpe ca svoṣṭhayoḥ raktatākṛte || 26 ||
[Analyze grammar]

muktāphalāni deyāni dantasaundaryahetave |
ratnagaṇḍūṣake deye gaṇḍasaundaryahetave || 27 ||
[Analyze grammar]

ratnapāśāstathā deyā suṣṭhu cibukahetave |
saratnakarṇabhūṣāśca deyāḥ karṇaprasuṣṭhave || 28 ||
[Analyze grammar]

mādhvīkaṃ śārkaraṃ deyaṃ svaramādhuryahetave |
miṣṭaṃ sudhā'mṛtaṃ deyaṃ vāṇīmādhuryahetave || 29 ||
[Analyze grammar]

deyo ratnapradīpaśca dṛṣṭinairmalyahetave |
jalapātrādayo deyā baladārḍhyasya hetave || 30 ||
[Analyze grammar]

padmanālāni deyāni bāhudārḍhyasya hetave |
raktapadmāni deyāni karasaundarya hetave || 31 ||
[Analyze grammar]

aṃgulīyāni deyāni tvaṃgulīṣṭatvahetave |
deyāstu śvetamaṇayo nakhasaundarya hetave || 32 ||
[Analyze grammar]

ratnahārāstathā deyā vakṣaḥsaughaṭyahetave |
pakve'rpye śrīphale tasmai stanasaundaryahetave || 33 ||
[Analyze grammar]

svarṇapatraṃ tathā deyaṃ dehasaundaryahetave |
deyā ratnakṛtā nābhirnābhisaundaryahetave || 34 ||
[Analyze grammar]

dve ratnakhacite cakre deye nitambasuṣṭhave |
raṃbhāstaṃbhāḥ pradeyāśca śroṇisaundaryahetave || 35 ||
[Analyze grammar]

sthalapadmāni deyāni pādasaundarya hetave |
svarṇamatsyāni deyāni gaticāṃcalyahetave || 36 ||
[Analyze grammar]

svarṇahaṃsagajendrāśca deyāḥ sugatihetave |
deyaṃ cāmīkaracchatraṃ mūrdhnaḥ saundarya hetave || 37 ||
[Analyze grammar]

mālatīkusumaṃ deyaṃ saumyahāsyādihetave |
deyānyamūlyaratnāni vratapūrtyai sukhāptaye || 38 ||
[Analyze grammar]

deyāḥ sphāṭikamaṇayo manaḥpraśāntaye'malāḥ |
deyāḥ pravālamaṇayaḥ priyārāgavivṛddhaye || 39 ||
[Analyze grammar]

deyā māṇikyamaṇayaḥ svāmisaubhāgyahetave |
kūṣmāṇḍaṃ navaraṃgaṃ ca jambīraṃ śrīphalaṃ tathā || 40 ||
[Analyze grammar]

deyāni harikṛṣṇāya pūjāyāṃ putrahetave |
ratnasārāṇi deyāni svāmino dhanavṛddhaye || 41 ||
[Analyze grammar]

vādyaṃ sampattivṛddhyarthaṃ śrīhariṃ śrāvayed vrate |
pāyasaṃ piṣṭakaṃ sarpiḥ śarkarāḥ kesaraṃ tathā || 42 ||
[Analyze grammar]

deyāni haraye bhaktyā svāmino bhogavṛddhaye |
puṣpamālāḥ pradātavyā harau bhaktivivṛddhaye || 43 ||
[Analyze grammar]

madhurasvādunaivedyaṃ deyaṃ miṣṭānnalabdhaye |
tulasīpatrapuṣpāṇi deyāni kṛṣṇatuṣṭaye || 44 ||
[Analyze grammar]

sādhūn sādhvīśca dīnāṃśca bhojayet sasyavṛddhaye |
puṣpāñjalipraṇāmāstu kartavyā bhaktivṛddhaye || 45 ||
[Analyze grammar]

ṣaṇmāsāṃśca haviṣyānnaṃ māsānpaṃca phalādikam |
haviḥ pakṣaṃ payaḥ pakṣaṃ bhakṣayettu vrate sthitā || 46 ||
[Analyze grammar]

akhaṇḍadīpakaṃ kuryādāsaṃvatsaramacyute |
nityaṃ kuśāsane madhyarātrijāgaraṇaṃ caret || 47 ||
[Analyze grammar]

brahmacaryaṃ sadā pālyaṃ vratasya phalalabdhaye |
kṣatau tu niṣkṛtiḥ kāryopavāso'ṣṭau śataṃ japāḥ || 48 ||
[Analyze grammar]

pratikṣati prakartavyā vratā'khaṇḍitatāptaye |
māghaśuklatrayodaśyāṃ kāryastadutsavo mahān || 49 ||
[Analyze grammar]

yathāśakti pradātavyā svarṇamudrā ca rājatī |
vastrāṇāṃ triśataṃ ṣaṣṭyadhikaṃ tāvacca rūpyakāḥ || 50 ||
[Analyze grammar]

svarṇamudrāśca tāvatyo bhojyāstāvanta ārṣakāḥ |
tilahomaḥ prakartavyastriśataṃ cāpi ṣaṣṭikaḥ || 51 ||
[Analyze grammar]

etat pratidinaṃ kṛtyaṃ varṣānte kāryameva vā |
haritulyo bhavetputro vijetā'gryā'rcya eva ca || 52 ||
[Analyze grammar]

saundaryaṃ pratisaubhāgyamaiśvaryaṃ vipulaṃ dhanam |
sarveṣṭasiddhayaścāsyā jāyante vratavaibhavāt || 53 ||
[Analyze grammar]

vratānte svapatiśayyā rantavyā na vrate'ntarā |
vratasya vatsare nāryā na rantavyaṃ kadācana || 54 ||
[Analyze grammar]

vratamadhye tu ramaṇe vratabhaṃgo bhavedataḥ |
ṛtukālā'sevanaṃ yaddūṣaṇaṃ cātra bhūṣaṇam || 55 ||
[Analyze grammar]

evaṃ tvaṃ vārṣikaṃ caikaṃ vrataṃ kuru maheśvari |
putrastvayonijaste syānmama dhātostu pārvati || 56 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne putrārthaṃ puṇyakākhyavārṣikavratanirūpaṇadeyadānanirūpaṇanāmā |
paṃcanavatitamo'dhyāyaḥ || 95 ||
[Analyze grammar]