Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 92 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyaṇa uvāca |
śṛṇu lakṣmi  tvayā tulyāstanvyo dvādaśahāyanāḥ |
apsarasaḥ surūpāśca śaśiśītalamadhyamāḥ || 1 ||
[Analyze grammar]

svargaṃ jagmuḥ svakaṃ sthānaṃ tvājñayā śrīharestataḥ |
paśyatāṃ daityavaryāṇāṃ dānavādipramāthinām || 2 ||
[Analyze grammar]

dhanvantariṃ tadā prāha dānavendro baliḥ svayam |
bhagavan kiṃ dhṛtaṃ haste kalaśe'tra prapūritam || 3 ||
[Analyze grammar]

svakaṃ vā sārvajanikaṃ sudhā notpadyate kutaḥ |
dhanvantarirbaliṃ prāha sudhā'tra kalaśe sthitā || 4 ||
[Analyze grammar]

nātaḥ parā samudre vai sudhā svalpāpi śiṣyate |
tāvattu daityadhaureyā hartukāmād balād yayuḥ || 5 ||
[Analyze grammar]

vṛṣaparvā mahādaityo ghaṭaṃ nītvā palāyitaḥ |
asurāstu tadā sarve jagarjuritibhīṣaṇam || 6 ||
[Analyze grammar]

mandaraṃ vāsukiṃ tyaktvā labdhakāryāḥ svamāninaḥ |
svārthamātraparāstatrā'mṛtaṃ labdhvāticukruśuḥ || 7 ||
[Analyze grammar]

nārāyaṇo garuḍena mandaraṃ nītavān sthale |
anyarūpāṇi saṃhṛtya saṃsthito'bdhitare prabhuḥ || 8 ||
[Analyze grammar]

daityāḥ sudhādharaṃ nītvā palāyante payo'rṇavāt |
ratnānyanyāni devaistu gṛhītānyeva kevalam || 9 ||
[Analyze grammar]

tasmātsudhāṃ grahīṣyāmo'nyebhyo dāsyāma eva na |
ityuccārya sudhāṃ nītvā palāyante tu yāvatā || 10 ||
[Analyze grammar]

tāvadviṣṇuḥ svayaṃ kanyā babhūva mohinī śubhā |
śvetatejaḥ pūritāṃgā samaṃkuritayauvanā || 11 ||
[Analyze grammar]

mitahāsyā kaṃjanetrā hāvabhāvavilāsinī |
anaṃgapūrṇā netrābhyāmāhvayantī vilāsinaḥ || 12 ||
[Analyze grammar]

netrāpāṃgaiḥ sudhāyuktaṃ daityaṃ cānyān vimohitum |
teṣāṃ pālāyane mārge samīpe samupasthitā || 13 ||
[Analyze grammar]

ślathayantī śanairnīvīṃ vastraṃ hastena bibhratī |
sakthistanau darśayantī kāmavyāpteva kāminī || 14 ||
[Analyze grammar]

daityā ayatnalabhyāṃ tāṃ parirabdhuṃ prapedire |
ahaṃ pūrvamahaṃ pūrvaṃ mama bhāryā na vai tava || 15 ||
[Analyze grammar]

mayā netreṇa pūrvaṃ vai dṛṣṭā ca dyotitā mayā |
na tvayeti muhurmugdhāḥ sudhāṃ tyaktvā parasparam || 16 ||
[Analyze grammar]

tadā vivadire devī sudhāyāḥ kalaśaṃ kare |
dhṛtvā prāha ca tāndaityān matkṛte vivadantu mā || 17 ||
[Analyze grammar]

sudhāpānaṃ kārayitvā no bhajiṣye sadā'mṛtān |
ye vai mayoktaṃ gṛhṇīyustānpāsyāmi sudhāmṛtam || 18 ||
[Analyze grammar]

teṣāṃ dāsī bhavāmyeva bhujyatāṃ pramadāmṛtam |
dhanyā yūyaṃ mahābhāgā vinā yatnena cāgatam || 19 ||
[Analyze grammar]

prāpsyatha pramadāratnaṃ sudhāpānottara dhruvam |
aho mayā'tra saṃsāre narāḥ sarve'valokitāḥ || 20 ||
[Analyze grammar]

bhavatāṃ sadṛśā naiva jñātāro bhadrakāriṇaḥ |
śāntā vibhajya bhoktāro viśvastā nirmalāntarāḥ || 21 ||
[Analyze grammar]

paropakāradharmajñāḥ strīvaconyastanirṇayāḥ |
strīṇāṃ sukhena sukhinaḥ strīkṛcchāsanamārdavāḥ || 26 ||
[Analyze grammar]

strīpradattaprabhoktāro dhanyā yūyaṃ bhavādṛśāḥ |
vidvāṃso naiva kurvanti viśvāsaṃ pramadājane || 23 ||
[Analyze grammar]

vṛthā doṣānkalpayanti māyāsāhasamanṛtam |
atilobho'timūrkhatvamaśaucaṃ nirdayālutā || 24 ||
[Analyze grammar]

asneho dhūrtatā svārthaḥ pracchannakāritādayaḥ |
mamāsti yadi viśvāsastadā pibantu matkarāt || 25 ||
[Analyze grammar]

sarva tiṣṭhantu paṃktyā vai nā'pāṃkto'mṛtamaśnute |
vāme devāḥ pratiṣṭhantu dakṣiṇe daityadānavāḥ || 26 ||
[Analyze grammar]

dvayoḥ pariveṣayitrī bhavāmi nyāyataḥ kramāt |
eṣā ghaṭaṃ ca gṛhṇāmi dadhatvagre prapāpuṭam || 27 ||
[Analyze grammar]

mohinī cetyabhidhāya tūṣṇīmāsīt kṣaṇaṃ hṛdi |
paścādvicārya provāca hṛdyaṃ sarvābhisammatam || 28 ||
[Analyze grammar]

śṛṇvantu cāsurāḥ sarve bhavanto jyeṣṭhapūrvajāḥ |
avibhajya na bhoktavyaṃ yallabdhaṃ sārvayatnikam || 29 ||
[Analyze grammar]

surāsurāṇāṃ yatnastu samāno'styabdhimanthane |
kiñcidapi pramāthibhyo nyāyyaṃ deyaṃ sudhāmṛtam || 30 ||
[Analyze grammar]

mahadbhyaścādhikaṃ deyaṃ svalpebhyo nyūnameva ca |
balābale parijñāyā'vaśyaṃ deyaṃ pramāthine || 31 ||
[Analyze grammar]

yatne ye tu sahārthāḥ syuḥ phale tu pakṣapātinaḥ |
teṣāṃ pātaḥ sadā bhāvī labdhārtho'pi vinaśyati || 32 ||
[Analyze grammar]

asurāṇāṃ yadi mānyaṃ maduktaṃ nyāyato bhavet |
tadā surebhyo dātavyamamṛtaṃ bhāgaśaḥ kṛtam || 33 ||
[Analyze grammar]

pucche surā mukhe yūyaṃ madhye devo janārdanaḥ |
tasmādardhaṃ surebhyaścā'surebhyo'rdhaṃ pradīyate || 34 ||
[Analyze grammar]

balistatra pramāṇaṃ vai kāryākāryavicakṣaṇaḥ |
evameva baliḥ prāha sarve prāhuśca omiti || 35 ||
[Analyze grammar]

athāmṛtavibhāgārthaṃ ghaṭo'nyo'pyarthitastvayā |
daityaistu saṃbhramāt tūrṇaṃ ghaṭo rikto'tra yo bhavet || 36 ||
[Analyze grammar]

dātavya iti kṛtvaiva madirāyā ghaṭaśca yaḥ |
madirāpātṛbhiḥ pītvā madirāṃ tu visarjitaḥ || 37 ||
[Analyze grammar]

rikto ghaṭaḥ pradattaḥ sa mohinyā saṃdhṛtastataḥ |
madirāyā ghaṭe tasmiṃścānamayya sudhāghaṭam || 38 ||
[Analyze grammar]

yathā'rdhamamṛtaṃ tatra dīyate dhārayā tathā |
mṛṣaiva darśitaṃ sarvaṃ mohinyā svaprabhāvataḥ || 39 ||
[Analyze grammar]

dṛśyate cāmṛtaṃ kṣiptaṃ jāyate madirā tu sā |
sāpi mṛṣaiva madirā miṣṭā cā'mṛtasadṛśī || 40 ||
[Analyze grammar]

saṃklṛptā madirā mithyā mohinyā māyayā svayā |
amṛtaṃ ceti vai tatrā'surāṇāṃ niścayo'bhavat || 41 ||
[Analyze grammar]

satyāmṛtaghaṭaṃ vāme mithyāmṛtaṃ tu dakṣiṇe |
kare dhṛtvā mohinī sā paṃktimadhye cacāra vai || 42 ||
[Analyze grammar]

sā mithyāmadirādānaṃ karotyasurapātrake |
satyāmṛtapradānaṃ tu karoti surapātrake || 43 ||
[Analyze grammar]

pradadāti samastāṃśca mohayatyapi narmaṇā |
agre tvagre gatā tuṣṭā datvā datvā'surānsurān || 44 ||
[Analyze grammar]

praśaṃsantaḥ pibanti sma devā daityādayastathā |
ghaṭukaṃ ghaṭukaṃ pītvā ḍakārayanti tṛptitaḥ || 45 ||
[Analyze grammar]

mohinyapi tadā devān pibatā'mṛtamutsavāt |
daityān prāhā''svādayantu miṣṭaṃ paramamutsavāt || 46 ||
[Analyze grammar]

aho surāṇāṃ paramo bhāgyodaya upasthitaḥ |
yadamṛtaṃ prāpyate'dyā''svādayantu muhurmuhuḥ || 47 ||
[Analyze grammar]

aho devā pibantvatrā'mṛtaṃ bhāgyā'valambitam |
indra sūrya śaśinnagre jaleśa yama nirṛta || 48 ||
[Analyze grammar]

kubereśāna vāyo maṃgala cāndra bṛhaspate |
dharma vasavo rudrāśca brahmaviṣṇumaheśvarāḥ || 49 ||
[Analyze grammar]

nidhayaḥ ṛṣayaḥ sādhyā nakṣatrā maruto'pi ca |
gandharvāḥ kinnarāḥ kiṃpuruṣā vidyādhraviśvinaḥ || 50 ||
[Analyze grammar]

saṃvatsarāḥ pāvakāḥ pitaro devyaśca pārṣadāḥ |
pibantvamṛtamākaṇṭhaṃ divyabhāṇḍātpradīyate || 51 ||
[Analyze grammar]

atha daityānprasaṃbodhya mohinī prāha vai śaṭhā |
bale rājan vṛṣaparvan namuce śaṃkhabudbudau || 52 ||
[Analyze grammar]

sudaṃṣṭra śṛṇu saṃhlāda kālaneme vibhīṣaṇa |
vātāpe celvala kuṃbha nikuṃbha praghasa śṛṇu || 53 ||
[Analyze grammar]

upasunda bho niśuṃbha śuṃbha bho sunda saṃśṛṇu |
mātaṃga māhiṣa mahiṣa biḍālāsya ca cikṣura || 54 ||
[Analyze grammar]

bahubāho jṛṃbha vṛṣa vibāho ghoradarśana |
ghorākṣa bho mahādaityāḥ śṛṇvantu pānakālikam || 55 ||
[Analyze grammar]

nā'yaṃ lābho bhavetkvāpi mama hastātsukomalāt |
kumārikākarāt prāptaṃ svādānandaṃ bhajantviha || 56 ||
[Analyze grammar]

nāsā netre tu sammīlya gṛhṇantu ghuṭakān bahūn |
dāsye punaḥ punaḥ peyaṃ mṛṣā deho'yamityataḥ || 57 ||
[Analyze grammar]

saṃpibantu mahābhāgā nāmnā'pyamṛtavatsukham |
prāptaṃ yasya tu satyaṃ sa jāyate tvamṛtaḥ sadā || 58 ||
[Analyze grammar]

vadamānā dadānā ca ramyā'gre yāti mohinī |
vākyārthajño rāhunāmā jānanvai svāmṛtaṃ mṛṣā || 59 ||
[Analyze grammar]

satyāmṛtaprapānāya devānāṃ rūpadhārakaḥ |
upaviṣṭo devapaṃktau madhye candrārkayoḥ kramāt || 60 ||
[Analyze grammar]

mohinī pradadānā cā''gatā tatra kramāgatam |
sūryaṃ rāhuṃ tathā candraṃ devaṃ dṛṣṭvā dadau sudhām || 61 ||
[Analyze grammar]

tāvatsūryeṇa saṃdiṣṭo rāhuḥ paṃktau praveśitaḥ |
śaśinā'pi sa ādiṣṭo devo nā'yaṃ surārirāṭ || 62 ||
[Analyze grammar]

mohinī tu nijaṃ kāryaṃ karotyagre pragacchati |
viṣṇurūpaḥ svayaṃ rāhoḥ śiraściccheda cakrataḥ || 63 ||
[Analyze grammar]

galordhvaṃ sudhayā vyāptaṃ kabandhaḥ klinatāṃ gataḥ |
ekasmāttu sudhāyogād rāhuketū babhūvatuḥ || 64 ||
[Analyze grammar]

dvau tau cāmaratāṃ prāptau grahāvabhavatāṃ tataḥ |
śiraḥ ketuḥ kabandhastu rāhurgraho'sti daityarāṭ || 65 ||
[Analyze grammar]

sūryaṃ parvaṇi grasati kvaciccandraṃ sa rāhukaḥ |
tau dvau tadā sudhāṃ tyaktvā paṃktito vai palāyitau || 66 ||
[Analyze grammar]

dhūmrarūpo'bhavatpūrvaṃ dhūmrarūpau babhūvatuḥ |
ākāśe bhramati so'yaṃ dhūmraketurgraho hi saḥ || 67 ||
[Analyze grammar]

diteḥ putrāstathā cānye vyomni vai dhūmraketavaḥ |
na sūryaṃ na ca candraṃ te grasante na grahā yataḥ || 68 ||
[Analyze grammar]

athaitat kautukaṃ vīkṣya śaṃkamānā tu mohinī |
tadānīṃ tvaritā paṃktau devānapāyayatsudhām || 69 ||
[Analyze grammar]

rāhuṇā dvisvarūpeṇa daityebhyastatra sūcitam |
yuṣmābhirnā'mṛtaṃ pītaṃ pītā yā madirā tu sā || 70 ||
[Analyze grammar]

nāryā paṃktivibhedastu kṛto nāśakaro mahān |
tasmādyuddhaṃ prakurvantu mārayantu surāndrutam || 71 ||
[Analyze grammar]

kāpaṭyena tayā dattā madirā'pi mṛṣātmikā |
viṣṇunā strīsvarūpeṇa devebhyaścārpitā sudhā || 72 ||
[Analyze grammar]

yaugapadyena sarvaistu kṣīrābdhermathanaṃ kṛtam |
siddhirjātā hi devānāmasiddhistu surāriṇām || 73 ||
[Analyze grammar]

vinā daivena jānīdhvamudyamaṃ hi nirarthakam |
tataḥ kopānalo māyāmohitā'suramaṇḍale || 74 ||
[Analyze grammar]

prodbhūtastena śastrāstrairyutā yuddhāya niryayuḥ |
devāścāpi tathā sajjā babhūvurbhayavarjitāḥ || 75 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne asurāṇā pratāraṇāya mohinīrūpa viṣṇunā devebhyaḥ sudhā daityebhyo mṛṣāmadirā pāyitā rāhuśiracchedaḥ ketugrahaśca kṛta ityādi nirūpaṇanāmā dvinavatita |
mo'dhyāyaḥ || 92 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 92

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: