Chapter 89

śrīlakṣmīruvāca |
bhagavān sarvahṛdvāsa sarvajña bahurūpadhṛk |
dhanvantaristṛtīyo vai jajñe ratnākarātkatham || 1 ||
[Analyze grammar]

tāṃ kathāṃ śrāvaya svāminnārāyaṇa jagadguro |
śrutvā patimukhād vārtāṃ naiva tṛpyāmi mokṣadām || 2 ||
[Analyze grammar]

śrīnārāyaṇa uvāca |
dvāpare tu yuge cānte yadā sarve'lpabuddhayaḥ |
svārthasādhanamātrārthā atṛptasvasvavṛttayaḥ || 3 ||
[Analyze grammar]

lobhamānādyadharmāṃśavyāptā devāśca mānavāḥ |
āsaṃstadā yuge cendro rājyābhimānavānapi || 4 ||
[Analyze grammar]

rājasena tu bhāvena samāviṣṭaḥ purandaraḥ |
tarkayāmāsa manasā dṛṣṭvā kāle sadūṣaṇam || 5 ||
[Analyze grammar]

aho satyaṃ tathā tretā kīdṛśau samayau śubhau |
vyatītau subhagau sarvasampatpradau yatheṣṭadau || 6 ||
[Analyze grammar]

dvāpare gamyamāne'tra mānasāni phalanti na |
neṣṭaṃ ca prāpyate kiṃcit durāpaṃ jāyate muhuḥ || 7 ||
[Analyze grammar]

doṣo'tra na prajānāṃ syād yathā rājā tathā prajā |
ato'trā''hūya dikpālān śāsmi kālasya śuddhaye || 8 ||
[Analyze grammar]

rājño'pi vā kiyān doṣo rājāno guruśāsitāḥ |
guravo'tra tu dṛśyante lubdhāḥ svārthaparāyaṇāḥ || 9 ||
[Analyze grammar]

tasmād daṇḍyāśca guravaḥ kālaśuddhistato bhavet |
yādṛśā rājyaguravastādṛśā rājyapālakāḥ || 10 ||
[Analyze grammar]

tasmādāhūya sarvān vai kenā'pyutsavachadmanā |
vijñāpayāmi saukhyārthaṃ stheyaṃ satyayuge yathā || 11 ||
[Analyze grammar]

kālaḥ kaluṣatāṃ neyāt vartantāṃ tattathaiva hi |
evaṃ vicārya śakreṇa svarge hyākāritā sabhā || 12 ||
[Analyze grammar]

śrāvitaṃ ca trilokyāṃ vai svarge cendrasabhāgṛhe |
samāgantavyamānāgamartyadevamunīśvaraiḥ |
samāje cātra devānāṃ bhaviṣyati mahotsavaḥ |
narotpannā'psarasāṃ tu navaṃ nṛtyaṃ bhaviṣyati || 14 ||
[Analyze grammar]

dharmasya patnyāṃ mūrtyāṃ yau jātau naranarāyaṇau |
pitrorājñāmanuprāpya tapo'rthaṃ kṛtamānasau || 15 ||
[Analyze grammar]

tapatastau vighnakartuṃ mayendreṇa praṇoditāḥ |
apsaraso mohanārthaṃ tadā nareṇa cājñayā || 16 ||
[Analyze grammar]

nārāyaṇasyā''mrapuṣpairūrvaśī prakaṭīkṛtā |
surūpā yauvanavyāptā rūpamūrdhanyabhāsvarā || 17 ||
[Analyze grammar]

yadagre'nyāḥ kṛṣṇavarṇā nistejaskā ivā'bhavan |
saivorvaśī tu me dattā sā vai nṛtyaṃ kariṣyati || 18 ||
[Analyze grammar]

taddarśanāya sarvaistu samāgantavyameva ha |
ityudghoṣayitvendreṇa kṛtā svarge mahāsabhā || 19 ||
[Analyze grammar]

nṛtyaṃ karotyūrvaśī ca nṛtye rūpe ca mohitā |
kaṇṭhasvare pralīnā ca hyamānā tvabhavatsabhā || 20 ||
[Analyze grammar]

lokapālāśca devāśca ṛṣayo'psarasastathā |
gandharvāśca tathā siddhā vidyādhrāścāraṇādayaḥ || 21 ||
[Analyze grammar]

devyaścāpi tadā sarvā mugdhāstallagnamānasāḥ |
abhavaṃstāvadāgacchad devarājaguruḥ sudhīḥ || 22 ||
[Analyze grammar]

bahuśiṣyaiḥ parivṛto bṛhaspatirudāradhīḥ |
nṛtye saṃvartamāne'tra sabhākṣobho bhavedataḥ || 23 ||
[Analyze grammar]

indrastatrā''gataṃ paśyan guruṃ vācaspatiṃ dvijam |
novāca kiṃcid durmedhā vaco mānapuraḥsaram || 24 ||
[Analyze grammar]

nā''hvānaṃ nā''sanaṃ tasya satkāraṃ nā'karottadā |
devāstu sahasā dṛṣṭvā praṇemustamupasthitam || 25 ||
[Analyze grammar]

tadorvaśī svayaṃ tatra guruṃ jñātvā bṛhaspatim |
nanāma nṛtyaṃ saṃtyajya sabhākṣobho'bhavattadā || 26 ||
[Analyze grammar]

indra utthāya yāvadvai kālaḥ śubho bhaved yathā |
bhaved yadi śubho rājā so'pi syād cet śubho guruḥ || 27 ||
[Analyze grammar]

śubhena guruṇā rājā prajā kālaḥ śubhā matāḥ |
ityupadiśati tāvat surācāryoṃ ruṣānvitaḥ || 28 ||
[Analyze grammar]

jñātvā śakraṃ pramattaṃ ca madād rājyasya durmatim |
tirodhānamanuprāptaḥ kva gato naiva bhālitaḥ || 29 ||
[Analyze grammar]

gate devagurau tasmin vaimanasyaṃ gatāḥ surāḥ |
yakṣanāgāśca gandharvā apsarasa dvijarṣayaḥ || 30 ||
[Analyze grammar]

nṛtyagānā'vasāne tu hariḥ prāha surāṃstadā |
kva gato'yaṃ devagururnāradaḥ prāha taṃ tadā || 31 ||
[Analyze grammar]

tvayā kṛtā hyavajñā vai gurormānaṃ tu na kṛtam |
guroravajñayā rājyaṃ līyate bhayamāgatam || 32 ||
[Analyze grammar]

naro yatate saukhyārthaṃ tadeva dukhakṛd bhavet |
so'yaṃ kālasya saṃvego na rājā kālakāraṇam || 33 ||
[Analyze grammar]

na gururna prajā heturyugaḥ kālasya kāraṇam |
yugaḥ paryāvartayati mānasāni mahātmanām || 34 ||
[Analyze grammar]

tathāpi bhadrasantatyai yatitavyaṃ yathābalam |
guruḥ kṣamāpanīyo vai sarvabhāvena tu tvayā || 35 ||
[Analyze grammar]

nāradasya vacaḥ śrutvā sadaḥsthai parivāritaḥ |
āsanātsahasothāyā'gacchad gehaṃ bṛhaspateḥ || 36 ||
[Analyze grammar]

dṛṣṭvā tārāṃ praṇamyāha kva gato hi mahātapāḥ |
na jānāmītyuvācetthaṃ tārā devān gṛhasthitā || 37 ||
[Analyze grammar]

tadā cintānvito bhūtvā śakraḥ svālayamāvrajat |
airāvataṃ samāruhya gurormārgaṇakāmyayā || 38 ||
[Analyze grammar]

vyomamārgātpṛthivyāṃ vai yāvadāgacchati drutam |
mārge munirmahākrodho durvāsā rudrakāṃśajaḥ || 39 ||
[Analyze grammar]

pārijātaprasūnānāṃ mālāmādāya cāgataḥ |
gurościntanajānmohād bhāvibhāgyaparikṣayāt || 40 ||
[Analyze grammar]

kālāvegāttathā tatra turāṣāṇna nanāma tam |
tathāpi ṛṣiṇā rājñaḥ satkāryadharmagauravāt || 41 ||
[Analyze grammar]

mālā vyomnaiva mārgeṇa tvindrakaṇṭhe samarpitā |
indrastāṃ tu samuttārya dattavān hastimastake || 42 ||
[Analyze grammar]

hastinā sā kareṇaiva phālitā nihitā pade |
kaccaritā marditā ca dṛṣṭvā cukrodha tāṃ muniḥ || 43 ||
[Analyze grammar]

krodhajvālāparītāṃgo vikarālabhayaṃkaraḥ |
oṣṭhau daśan garaṃ netre darśayan sphārayan tharan || 44 ||
[Analyze grammar]

uvāca duṣṭa deveśa dūre tiṣṭhatu mānanam |
pratyuta mānito'pi tvaṃ mālāṃ gaṇayase nahi || 45 ||
[Analyze grammar]

viditvā devarājaṃ tvāṃ pūjayitvā tathāpi vai |
śaṭharājaḥ prabhūtvā manmālāṃ kṣipasi bhūtale || 46 ||
[Analyze grammar]

mardanaṃ hastipādena kārayasyavamānanam |
puṣpe puṣpe tu ratnāni lakṣmyo vasanti madbalāt || 47 ||
[Analyze grammar]

vaikuṇṭhācchrīhareḥ prāsādikī labdhā'rpitā'tra te |
sā pradattā mayā tāṃ tvaṃ kaccarayasi pattale |
ratnānāṃ lakṣmīnāṃ cāpi nāśaṃ karoṣi mauḍhyataḥ || 48 ||
[Analyze grammar]

tasmāt trilokirājyaṃ te vināśaṃ yātu sarvathā |
sampadaḥ smṛddhayo lakṣmyo ratnāni vividhāni ca || 49 ||
[Analyze grammar]

layaṃ yāntu mahāvārdhau tvamanidro bhava kṣaṇāt |
durvāsā evamuktaiva kailāsamagamat tataḥ || 50 ||
[Analyze grammar]

ambālikādhvajastatraivā'patadbhūtale tataḥ |
mukuṭo'pyapatanmūrdhnaḥ kṣauti sma ca karī tadā || 51 ||
[Analyze grammar]

aṃkuśaṃ vai vigalitaṃ hastāt hastipakasya tu |
etasminnantare svarge tvaniṣṭānyabhavankṣaṇāt || 52 ||
[Analyze grammar]

airāvataścālito'pi svargaṃ prati na gacchati |
unmattaḥ san devarājaṃ drāvayatyeva cābhitaḥ || 53 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne naranārāyaṇotpāditorvaśyā nartanotsavasamāje bṛhaspateravamānanaṃ durvāsaso'vamānaṃ rājyalakṣmīnāśakaśāpaścendrasyetyādinirūpaṇanāmā ekonanavatitamo'dhyāyaḥ || 89 ||
[Analyze grammar]