Chapter 80

śrīnārāyaṇa uvāca |
yaḥ purūravasaḥ putra āyustasyā'bhavan sutāḥ |
pañcā''dyastatra nahuṣaḥ kṣatravṛddho dvitīyakaḥ || 1 ||
[Analyze grammar]

rajastatra tṛtīyastu caturtho raṃbhanāmakaḥ |
pañcamastuanenā vai pitṛtulyaparākramāḥ || 2 ||
[Analyze grammar]

kṣatravṛddhasya caiko vai sutahotro'bhavat sutaḥ |
sutahotrasya dāyādāstrayaḥ paramadhārmikāḥ || 3 ||
[Analyze grammar]

kāśyaḥ kuśo gṛtsamado gṛtsamadasya vai sutaḥ |
śunakastasya sutaḥ śaunakākhyastasya vai sutāḥ || 4 ||
[Analyze grammar]

brāhmaṇāḥ kṣatriyā vaiśyāḥ śūdrāścaivā'bhavan śubhāḥ |
kuśātmajo hyārṣṭiṣeṇaścarantastasya cātmajaḥ || 5 ||
[Analyze grammar]

śaunakāścārṣṭiṣeṇāśca kṣatropetā dvijātayaḥ |
kāśyasya kāśistatputro rāṣṭro dīrghatapāstataḥ || 6 ||
[Analyze grammar]

dīrghatapaso bhagavān dhanvantariḥ sutaḥ prabhuḥ |
so'yaṃ kāśīpurīrājo hyāyurvedapravartakaḥ || 7 ||
[Analyze grammar]

yasya nāma smarejjantustasya rogo vinaśyati |
dvitīyo'yaṃ dhanvantariḥ parameśvara eva ha || 8 ||
[Analyze grammar]

prāk tu jātaḥ samudre tu mathyamāne'mṛtārthadhṛk |
sa provāca tadā nārāyaṇaṃ putro'smi te prabho || 9 ||
[Analyze grammar]

vidhatsva bhāgaṃ sthānaṃ ca mama loke'tra me pitaḥ |
śrīhariḥ prāha taṃ putraṃ dhanvantariṃ samudrajam || 10 ||
[Analyze grammar]

kṛto yajñavibhāgastu yajñiyairhi suraistathā |
vedeṣu vidhiyuktaṃ ca vidhihotraṃ maharṣibhiḥ || 11 ||
[Analyze grammar]

na śakyastu tvayā homaḥ kartuṃ tattulya eva ha |
arvāk suto'si he deva nāmamantro'si vai prabho || 12 ||
[Analyze grammar]

tasmādidānīṃ te bhāgo naiva yajñe bhaviṣyati |
kintu dvitīye tvaṃ tatra janmani khyātimeṣyasi || 13 ||
[Analyze grammar]

aṇimādiyutā siddhirgarbhasthasya bhaviṣyati |
tenaiva ca śarīreṇa devatvaṃ prāpsyasi dhruvam || 14 ||
[Analyze grammar]

carumantrairghṛtairgandhairyakṣyanti tvāṃ dvijātayaḥ |
atha ca tvaṃ punaścaiva āyurvedaṃ vidhāsyasi || 11 ||
[Analyze grammar]

avaśyaṃbhāvi hyartho'yaṃ prathamastvaṃ tu mānasaḥ |
samudrajo dvitīyo vai kāśīrājastṛtīyakaḥ || 16 ||
[Analyze grammar]

ityevaṃ trividhaṃ dhanvantareḥ prākaṭyamasti vai |
dvāpare tatra samprāpte putrārthaṃ tapa ācaran || 17 ||
[Analyze grammar]

dīrghatapā vyapaśyadvai bhagavantaṃ hariṃ puraḥ |
prasannāsyaṃ praśāntaṃ ca kiṃciddātuṃ samāgatam || 18 ||
[Analyze grammar]

jagād bhagavān dīrghatapasaṃ vṛṇu cepsitam |
dārghatapāstadovāca prāṃjalirvinayānvitaḥ || 19 ||
[Analyze grammar]

bhagavān yadi tuṣṭastvaṃ putro me dhṛtimān bhava |
tatheti samanujñāya prabhurantaradhīyata || 20 ||
[Analyze grammar]

tasya dehāt samutpanno lakṣmi dhanvantarirhariḥ |
kāśīrājo mahārājaḥ sarvarogapraṇāśakaḥ || 21 ||
[Analyze grammar]

dhanuścihnakaro devo bhagavān lokarakṣakaḥ |
poṣakaḥ sarvavastūnāṃ jñānado mokṣadastathā || 22 ||
[Analyze grammar]

āyurvedaṃ sa vai devaścakāra sabhiṣakkriyam |
tamaṣṭadhā punarvyasya śiṣyebhyaḥ pratyapādayat || 23 ||
[Analyze grammar]

dhanvantarisutaścāsīt ketumān sumahāyaśāḥ |
ketumato bhīmaratho divodāsā'parā'bhidhaḥ || 24 ||
[Analyze grammar]

divodāso mahānāsīd bhakto viṣṇusamo balī |
prajāyāṃ vardhitā tena harerbhaktistu sarvathā || 25 ||
[Analyze grammar]

sthito'pi bhagavān śaṃbhurmandaraṃ cārukandaram |
kāśīṃ vinā sukhaṃ nā''pa divodāsanṛpoṣitām || 26 ||
[Analyze grammar]

bhagavān śaṃkaro devo vaiṣṇavo'styeva sarvathā |
nārāyaṇaṃ paraṃbrahma bhajatyeva samādhinā || 27 ||
[Analyze grammar]

divodāso'pi tu tadvatparamo vaiṣṇavo mataḥ |
niṣkāsayitvā taṃ bhaktaṃ vāsamaicchattu śaṃkaraḥ || 28 ||
[Analyze grammar]

śrīśvetavyāsa uvāca |
suśikhaivaṃ śaṃkarasya kathāyogaṃ praśāntidam |
divodāsasya bhaktasya cāpi śrutvā drutaṃ tadā || 29 ||
[Analyze grammar]

lakṣmīḥ papraccha cākarṇya divodāsaṃ trilocanaḥ |
kāśīṃ saṃtyājayāmāsa kathaṃ tatrā'gamat nagāt || 30 ||
[Analyze grammar]

kiṃ kṛtaṃ tena devena divodāso yadatyagāt |
kāśīṃ tu rājadhānīṃ svāṃ śrotumicchāmi mādhava || 31 ||
[Analyze grammar]

hāṭakāṃgad ityevaṃ lakṣmīḥ pṛṣṭvā patiṃ prabhum |
ekāgramānasā'bhūt tāṃ nārāyaṇa uvāca ha || 32 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayuga |
santāne dhanvantaryavatāratrayakathananāmā'śītitamo'dhyāyaḥ || 80 ||
[Analyze grammar]