Chapter 78

śrīlakṣmīruvāca |
gatayo vividhāḥ karmaprāpyāstu saṃśrutā mayā |
pretānāṃ mokṣaṇaṃ dānaṃ prabhuṇā śrāvitaṃ tathā || 1 ||
[Analyze grammar]

prasaṃgādyamarājñastu yamaloko'pi bodhitaḥ |
dhanvantareḥ kathā cāpi śrotumicchāmi mādhava || 2 ||
[Analyze grammar]

śrīnārāyaṇa uvāca |
pūrve satye tathā tretāyuge saṃkalpasiddhijam |
sarvamāsīd yatheṣṭaṃ vai yadecchātyupatiṣṭhate || 3 ||
[Analyze grammar]

nāsīdapūrṇatā kācitkasyacidvastuno'pi ca |
sadā tṛptiḥ sadā toṣaḥ sadaivaḥ kāmanāphalam || 4 ||
[Analyze grammar]

pañcabhūtāni ca tadā parivartanta icchayā |
jano yadicchati bhūtāt tattasmāllabhate drutam || 9 ||
[Analyze grammar]

sarvalokā hṛṣṭapuṣṭā nīrogāḥ svātmatṛptayaḥ |
āsanprāpte dvāpare tu jātaṃ tatparivartanam || 7 ||
[Analyze grammar]

śaktistu kalpavṛkṣāṇāṃ kiñcinnaṣṭā'bhavattadā |
cintāmaṇīnāṃ sāmarthyaṃ kiṃcinnāśonmukhaṃ gatam || 7 ||
[Analyze grammar]

aiśvaryaṃ kāmadhenūnāṃ layamāpat kvacitkvacit |
tadā kṣetravane svatvaṃ janā hyasthāpayan svakam || 8 ||
[Analyze grammar]

bhojyādilabdhikā cintā janānāmabhavad hṛdi |
svatvaparatvabhedena cintāśokaspṛhā''dhayaḥ || 9 ||
[Analyze grammar]

adharmavaṃśāḥ svā''vāsaṃ cakrurjanahṛdi drutam |
janāścintādyākulāstu śuṣkāyante śarīrataḥ || 17810 ||
[Analyze grammar]

teṣāṃ vyathāṃ nirbalatvaṃ dūrīkartuṃ tadā khalu |
hyapekṣā samabhūttatrauṣadhānāṃ baladāyinām || 11 ||
[Analyze grammar]

bhojyauṣadhikaṇādīnāṃ bhājānāṃ phalamūlinām |
janānāṃ bhojyasampattyai kṛṣisiddhyai tadā khalu || 12 ||
[Analyze grammar]

apekṣā samabhūdudbhijjātīnāṃ lokavṛttaye |
kā cauṣadhirbhakṣyaphalakaṇapatrātmiketi vai || 13 ||
[Analyze grammar]

kā ca kathaṃ susampoṣyā hyupayojyā kathaṃ bhuji |
ityevamudbhidvijñānī kaścinnāsīttadā hyajaḥ || 14 ||
[Analyze grammar]

jñātṛguruṃ prasasmāra punarnārāyaṇaṃ punaḥ |
āgato bhagavāṃstatra sarvajñānamayo vibhuḥ || 15 ||
[Analyze grammar]

śaṃkhacakragadāpadmadharaḥ sauvarṇakuṇḍalaḥ |
suvarṇamukuṭaḥ svarṇamālākaustubharājitaḥ || 16 ||
[Analyze grammar]

mandahāsyaṃ sravaṃstejaḥ saṃvyāptamukhamaṇḍalaḥ |
pītāmbaradharaḥ āyurvedasaṃstutasadyaśāḥ || 17 ||
[Analyze grammar]

sarvarasaprapūrṇo hi yāvaddugdhābdhipūjitaḥ |
yāvacchākarasairvandyaḥ sarvagundrā'bhisannataḥ || 18 ||
[Analyze grammar]

divyauṣadhilatāvṛkṣatṛṇakandādisaṃstutaḥ |
śubhramukho haridvarṇo raktapādakarāmbujaḥ || 19 ||
[Analyze grammar]

yuñjan śubhāśiṣā viśvasṛjaṃ prāha dayāmayaḥ |
brahman kathaṃ tvayā saṃsmārito'haṃ dvāpure yuge || 17820 ||
[Analyze grammar]

brahmovāca tadā devaṃ sarvagaṃ bhiṣajāṃ varam |
namaskaromi deveśa vande yugalapatkajam || 21 ||
[Analyze grammar]

namo hyaṇusvarūpāya dvyaṇukāya namo namaḥ |
tryaṇukāya namaścaturaṇukāya namonamaḥ || 22 ||
[Analyze grammar]

namaḥ pañcāṇurūpāya rajorūpāya te namaḥ |
namo dhūlīsvarūpāya namaste kaṃkarātmane || 23 ||
[Analyze grammar]

namo grāvasvarūpāya namaste piṇḍanāmine |
namaḥ piṇḍāḍhyabījāya namo'vyaktāṃ'kurātmane || 24 ||
[Analyze grammar]

namaḥ patrasvarūpāya namaḥ kāṇḍādirūpiṇe |
namaḥ śākhapraśākhāya namaḥ stambādihetave || 5 ||
[Analyze grammar]

namo nālāya puṣpāya namo rasaphalātmane |
namaḥ kaṇasvarūpāya namaḥ piṣṭarasātmane || 26 ||
[Analyze grammar]

namo'pākajarūpāya pakvarūpāya te namaḥ |
namo bhakṣyabhojyalehyacośyarūpāya te namaḥ || 27 ||
[Analyze grammar]

namo miśrasvarūpāya nama oṣadhirūpiṇe |
namaḥ kvāthādirūpāya namaścūrṇādirūpiṇe || 28 ||
[Analyze grammar]

namo recakamātrāya namo bhasmādivedine |
nama āyuḥpradātre te nama oṣadhiśaktaye || 29 ||
[Analyze grammar]

namaste parameśāna kṣemakuśalakīrtaye |
bhoktre bhogyapradānāya sarvāntaryāmiṇe namaḥ || 17830 ||
[Analyze grammar]

devadeva śarīrāṇāṃ dhātā tvaṃ poṣako'vitā |
yuge'smin kalpanāsiddhirlayaṃ prayāti dehinām || 31 ||
[Analyze grammar]

saṃkalpitaṃ na cāyāti nopatiṣṭhati nekṣyate |
tasmādvṛttikaraṃ dhānyaṃ patraṃ puṣpaṃ phalādikam || 32 ||
[Analyze grammar]

kaṇaṃ mūlaṃ tathā stambaṃ tṛṇaṃ sasyaṃ payobhṛtam |
ṣaḍrasaṃ madhuraṃ snigdhaṃ pathyaṃ vai sarvadehinām || 33 ||
[Analyze grammar]

mṛgayitvā saṃviśuddhya miśrayitvā mahauṣadhīn |
bhojyaṃ cā'pyauṣadhaṃ lokān prabodhayitumarhasi || 34 ||
[Analyze grammar]

na kaścit tvāmṛte cāsya prodbhidvargasya bodhakaḥ |
vijñātā'pi bhavennaiva yaḥ sarvaśaḥ sa sarvavit || 35 ||
[Analyze grammar]

kāryakāraṇavijñātā yasya jñānamayaṃ tapaḥ |
tasmād rasāyanaṃ sarvaṃ yadbhojyaṃ peyameva vā || 36 ||
[Analyze grammar]

yallehyaṃ mṛdyamāghreyamāsevyaṃ śāntidaṃ bhavet |
āsvādanīyamābandhyaṃ tatsarvaṃ kartumarhasi || 37 ||
[Analyze grammar]

yattapyaṃ yacca vai kvathyaṃ yadbhṛjyaṃ cūrṇyameva yat |
yanmiśryaṃ yatsārarūpaṃ tatsarvaṃ kartumarhasi || 38 ||
[Analyze grammar]

ityevamarthito viṣṇurmerostu śikhare svakām |
kuṭīṃ cakre nivāsaṃ ca tasyāmevā'karotprabhuḥ || 39 ||
[Analyze grammar]

devarṣimunipitṛbhyo mānavādibhya eva ca |
dattāstu mārgaṇaṃ kṛtvā kṛṣyoṣadhaya ityatha || 17840 ||
[Analyze grammar]

karṣukāstāḥ sasyarūpā vardhayāmāsurutsukāḥ |
tābhyo vividhadeśeṣu vividhānnāni jajñire || 41 ||
[Analyze grammar]

tāḥ kṛṣivṛttayo jātā udyānāni ca bhūriśaḥ |
athāpi prāṇināṃ tābhirvanauṣadhibhirapyayam || 42 ||
[Analyze grammar]

balalābhāya bhagavān āyurvedaṃ lilekha vai |
tādṛśāḥ saṃprayogāśca vyāptā dhanvantarikṛtāḥ || 43 ||
[Analyze grammar]

rasāyanādiśālāśca kṛtā merau bahuprathāḥ |
yatrauṣadhaṃ trikālīyaṃ jñātavyaṃ nāvaśiṣyate || 44 ||
[Analyze grammar]

kartavyaṃ miśraṇaṃ yatrauṣadhīnāṃ nāvaśiṣyate |
iti tu prathame caturyuge tvevā'bhavaddhariḥ || 45 ||
[Analyze grammar]

svayaṃ dhanvantarirdivyaḥ prabhurbrahmāṇḍarakṣakaḥ |
athāpi kalimāpannā lokāstu bahuduḥkhitāḥ || 46 ||
[Analyze grammar]

tadā vai bhagavān sākṣādavatarītumicchati |
sa vai dvitīyarūpeṇa dhanvantarirbabhūva ha || 47 ||
[Analyze grammar]

vaṃśaparamparājanmā kāśyāṃ so'bhūd bhiṣagvaraḥ |
śṛṇu tāṃ ca kathāṃ lakṣmi kasmin vaṃśe babhūva saḥ || 48 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne ādyasatyugīyadhanvantariprādurbhāvakathanādināmā'ṣṭasaptatitamo'dhyāyaḥ || 78 ||
[Analyze grammar]