Chapter 74

śrīnārāyaṇa uvāca |
antakāle gavāṃ dānaṃ svargavāsaphalaṃ khalu |
aśvārūḍhāśca te yānti dadate ye hyupānahau || 1 ||
[Analyze grammar]

pretastu chatradānena chāyayā vicaretsukham |
evaṃ tathā'nnadānena kṣudhāhīnaścaretsukham || 2 ||
[Analyze grammar]

tadvadvai dīpadānena prakāśe yāti saukhyataḥ |
prāṅmukhodaṅmukho dīpo devāgāre kṛto bhavet || 3 ||
[Analyze grammar]

āsanaṃ bhājanaṃ dadyāt paralokahitāvaham |
kamaṇḍalujalaṃ dadyāt tṛṣitaḥ pibatīti vāḥ || 4 ||
[Analyze grammar]

ekādaśāhe dātavyaṃ kusumaṃ cāṃgulīyakam |
bhājanaṃ cānnadānaṃ ca preto yātyuttamāṃ gatim || 5 ||
[Analyze grammar]

kuṃbhadānaṃ vastradānaṃ gajāśvarathadānakam |
mahiṣīdānamityevaṃ dātavyaṃ mṛtanāmataḥ || 6 ||
[Analyze grammar]

śayyādānaṃ savastraṃ cānyāni vai śaktitastathā |
kāryāṇi pretasaṃtṛptisukhaśāntyupalabdhaye || 7 ||
[Analyze grammar]

śarīrād vāyumiśraḥ sa ātmā yadā prayāti hi |
kaṭyūrdhvaromacchidrebhya indriyagolakāttathā || 8 ||
[Analyze grammar]

prāṇaḥ puṇyakṛto yātyanyasyā'dhobhāgataḥ saret |
daśendriyacaturantaḥkaraṇapaṃcamātrakam || 9 ||
[Analyze grammar]

sūkṣmaṃ dehaṃ puṇyapāpe gṛhītvā yāti yatra ca |
tatra karmānusāreṇa navaṃ dehaṃ gṛhaṃ matam || 10 ||
[Analyze grammar]

ekaviṃśatilakṣāṇi jarāyujāni tāvatā |
svedajā udbhijjāścaiva aṇḍajāścāpi tāvatā || 11 ||
[Analyze grammar]

ityevaṃ caturaśītilakṣāṇi yonayo matāḥ |
tatra tatra gataḥ preto punarduḥkhī punastathā || 12 ||
[Analyze grammar]

punargarbhe nivasati janirmṛtiḥ punaḥ punaḥ |
hariṃ cā'bhajamānasya garbhe vāsaḥ punaḥ punaḥ || 13 ||
[Analyze grammar]

strīṣu puruṣabījena garbhā jāyanta ityataḥ |
ṛtukāle tu nārīṇāṃ tyajed rātricatuṣṭayam || 14 ||
[Analyze grammar]

saptarātrimadhyagato garbhastu malino bhavet |
pūrvasaptakamutsṛjya tato yugmeṣu saṃviśet || 15 ||
[Analyze grammar]

ṣoḍaśartuniśāḥ strīṇāṃ garbhadhāraṇakārikāḥ |
caturdaśyāstu yā rātrirgarbhastiṣṭhati tatra cet || 16 ||
[Analyze grammar]

guṇabhāgyanidhistatra putro jāyeta dhārmikaḥ |
yugmāsu putrā jāyante striyāstvekāsu rātriṣu || 17 ||
[Analyze grammar]

pañcame'hani nārīṇāṃ gaulmamādhuryabhojanam |
kaṭukāraṃ ca tīkṣṇaṃ ca sājyaṃ yuvatībhojanam || 18 ||
[Analyze grammar]

nāryā tvevā''tapo varjyaḥ śītalaṃ kevalaṃ caret |
tāmbūlagandhaśrīkhaṇḍaiḥ samaṃ saṃgaḥ śubhe'hani || 19 ||
[Analyze grammar]

niṣekasamaye śukraśoṇitamiśraṇe yathā |
naranārīpracitte tu bhāvanā tadyutaḥ sutaḥ || 20 ||
[Analyze grammar]

caitanyaṃ bījarūpe tu śukre nityaṃ vyavasthitam |
kāma cittaṃ ca śukraṃ ca yadā hyekatvamāpnuyuḥ || 21 ||
[Analyze grammar]

tadā dravamavāpnoti yoṣāgarbhāśaye naraḥ |
raktā''dhikye bhavennārī śukrādhikye bhavennaraḥ || 22 ||
[Analyze grammar]

śukraśoṇitayoḥ sāmye garbhaḥ ṣaṇḍhatvamāpnuyāt |
ahorātreṇa kalalaṃ budbudṃ pañcabhirdinaiḥ || 23 ||
[Analyze grammar]

daśame'hani karkandhurviṃśāhe ghanamāṃsatā |
tathā māse tu sampūrṇe pañcatattvāni dhārayet || 24 ||
[Analyze grammar]

māsadvaye tvacāmedau majjāsthīni tribhistathā |
caturthe tu gulphakeśāḥ pañcame karṇanāsike || 25 ||
[Analyze grammar]

saptame kaṇṭhaguhyādi hyaṣṭame'ṅgaprapūrṇatā |
navame bahirjigamiṣā daśame tu prasūyate || 26 ||
[Analyze grammar]

pṛthivyāstvagasthināḍīromamāṃsetipañcakam |
apāṃ lāḷāmūtraśukramajāraktetipaṃcakam || 27 ||
[Analyze grammar]

vahneḥ kāntikṣudhānidrātṛṣṇā''lasyetipañcakam |
vāyoḥśvāsagatirodhā''kuṃcaprasārapañcakam || 28 ||
[Analyze grammar]

rāgadveṣabhayalajjāmohā vā pañca vāyujāḥ |
vyomno ghoṣāśrayacchidragāmbhīryaśravaṇā guṇāḥ || 29 ||
[Analyze grammar]

iḍā piṃgalā suṣumṇā gāndhārī gajajihvikā |
pūṣā yaśā hyalambuṣā kuhūḥ śaṃkhinī nāḍikāḥ || 30 ||
[Analyze grammar]

prāṇo'pānaḥ samānaścodāno vyānaśca vāyavaḥ |
nāgaḥ kūrmaḥ kṛkalaśca devadatto dhanaṃjayaḥ || 31 ||
[Analyze grammar]

hṛdi prāṇo gude'pānaḥ samāno nābhimaṇḍale |
udānaḥ kaṇṭhadeśe syād vyānaḥ sarvaśarīragaḥ || 32 ||
[Analyze grammar]

nāgasya jṛṃbhaṇaṃ kūrmavāyo saṃkocanaṃ matam |
śūlaṃ kṛkalajaṃ devadattasyodgāraprabhṛti || 33 ||
[Analyze grammar]

dhanaṃjayo vikāsāya mṛte'pi tridivāsthitiḥ |
karṇākṣināsikānanagudaguhyāni vai nava || 34 ||
[Analyze grammar]

nābhirdaśamī brahmarandhramekādaśakaṃ smṛtam |
strīguhye garbhagarto dvādaśaṃ stanau caturdaśa || 35 ||
[Analyze grammar]

romakoṭistathā tisro hyardhakoṭisamanvitā |
dvātriṃśaddaśanāḥ proktā nakhā viṃśatireva ca || 36 ||
[Analyze grammar]

trilakṣakeśā mūrdhanyā mukhasthāśceti vai sthitiḥ |
trayastu mātṛto romalohitamāṃsasaṃjñakāḥ || 37 ||
[Analyze grammar]

pitṛtaśca snāyvasthimajjānaśca koṣaṣaḍvidham |
māṃsaṃ palasahasraikaṃ raktaṃ palaśataṃ tathā || 38 ||
[Analyze grammar]

palāni daśa medaśca majjā palaṃ daśa dvayam |
raktaṃ palatrayaṃ proktaṃ śukraṃ dvikuḍavaṃ tathā || 39 ||
[Analyze grammar]

śoṇitaṃ kuḍavaṃ śleṣmā ṣaṭ viṇmūtraṃ tathā'rdhakam |
mano buddhirahaṃ cittametatkaraṇamāntaram || 40 ||
[Analyze grammar]

tatsarvaṃ dehasaṃbhūto garbhaḥ prasūtivāyunā |
niṣkāsito bahiryāti mūrchito janma caiti hi || 41 ||
[Analyze grammar]

brahmāṇḍasyā''kṛtiḥ sarvā śarīre samavasthitā |
satyalokaṃ śirorandhraṃ tapolokaṃ lalāṭakam || 42 ||
[Analyze grammar]

janalokaṃ mukhaṃ proktaṃ mahaḥ kaṇṭhamudāhṛtam |
hṛdyaṃ tu svaraṃ vidyādbhuvarlokamudaryakam || 42 ||
[Analyze grammar]

bhūlokaṃ nābhyadhobhāgo hyatalaṃ kaṭisaṃsthitiḥ |
vitalaṃ guhyamākhyātaṃ sutalaṃ sakthimūlayoḥ || 44 ||
[Analyze grammar]

ūrū talātalaṃ mahātalaṃ jānudvayaṃ tathā |
rasātalaṃ mate jaṃghe pādau pātālamucyate || 45 ||
[Analyze grammar]

kṣārodastvatra tu mūtre dugdhe kṣīrodasāgaraḥ |
surodadhiḥ śleṣmasaṃstho majjāyāṃ ghṛtasāgaraḥ || 46 ||
[Analyze grammar]

rasodadhirmiṣṭarase śoṇite dadhisāgaraḥ |
svādūdakaḥ kukṣibhāge garbhodaḥ śukrasaṃsthitaḥ || 47 ||
[Analyze grammar]

netrayoḥ sūryacandrau ca oṣṭhe tu maṃgalaḥ smṛtaḥ |
budhastu hṛdye bodhyo gururjñāne vyavasthitaḥ || 48 ||
[Analyze grammar]

śukre śukraḥ śanirnābhau mukhe rāhurvyavasthitaḥ |
keturguhye sthitaśceti piṇḍaṃ brahmāṇḍamīritam || 49 ||
[Analyze grammar]

āyurvidyā ca vittaṃ ca yaśo nidhanameva ca |
pañcaivaitāni sṛjyante garbhasthasyaiva dehinaḥ || 50 ||
[Analyze grammar]

adhomukhaṃ cordhvapādaṃ garbhādāyāti vai bahiḥ |
rakṣyamāṇo janmakartryā rakṣaṃścānyānnijāśritān || 51 ||
[Analyze grammar]

putraiḥ saṃrakṣitaḥ paścānmṛtaḥ punaḥ sa eva hi |
bhaktyā hariṃ bhajennityamatandritamanukṣaṇam || 52 ||
[Analyze grammar]

tadā muktirbhavedeva svargaṃ sarvasukhāspadam |
yanna duḥkhena sambhinnaṃ na ca grastamanantaram || 53 ||
[Analyze grammar]

abhilāṣopanītaṃ ca tatsukhaṃ svaḥpadāspadam |
so'śnute sarvakāmāṃśca saha brahmaṇā vipaścitā || 54 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne dānaphalaniṣekasamayagarbhanirmāṇaśārīrakoṣabrahmāṇḍaikyatādikathananāmā catuḥsaptatitamo'dhyāyaḥ || 74 ||
[Analyze grammar]