Chapter 73

śrīnārāyaṇa uvāca |
sarveṣāṃ sarvayonyādau sukhaṃ nyūnādhikaṃ kṛtam |
manuṣyayonau dharmātmā sukhī bhavati sarvathā || 1 ||
[Analyze grammar]

puṇyaṃ pāpaṃ manuṣyāṇāṃ vidhijaṃ ca niṣedhajam |
āgarbhāt pañcavarṣāṇi na vai pāpena lipyate || 2 ||
[Analyze grammar]

pañcavarṣottaraṃ dehī tvardhapāpena lipyate |
dvādaśābdaparo dehī sarvapāpaiḥ pralipyate || 3 ||
[Analyze grammar]

yathāvasthaṃ yathāpāpapralepastatpramāpataḥ |
mṛtasya sūtakaṃ cātrā'dhikaṃ nyūnaṃ ca gamyate || 4 ||
[Analyze grammar]

yāvanmāse garbhapātastāvaddināni sūtakam |
tasya kiñcidapi karma kartavyaṃ naiva vidyate || 5 ||
[Analyze grammar]

janmata ācūḍānmṛtyau bālaṃ garte viniḥkṣipet |
dugdhaṃ deyaṃ yathāśakti bālānāṃ tuṣṭi hetave || 6 ||
[Analyze grammar]

ācūḍātpañcavarṣe tu mṛtau dehaṃ dahettataḥ |
kṣīra bhojyaṃ pradātavyaṃ bālānāṃ bhojanaṃ yataḥ || 7 ||
[Analyze grammar]

pūrṇapaṃcamavarṣasya mṛtau karmāṇi sarvathā |
aurdhvadaihikāni yathāvidhi kāryāṇi sarvathā || 8 ||
[Analyze grammar]

kumārāṇāṃ ca bālānāṃ bhojanaṃ vastraveṣṭanam |
mahādānavihīnaṃ tu kumāre kṛtyamācaret || 9 ||
[Analyze grammar]

bāle vā taruṇe vṛddhe ghaṭo bhavati dehinām |
garne nikṣepaṇaṃ bālamāvarṣadvayameva ha || 10 ||
[Analyze grammar]

tataḥ paraṃ vā sarvasya dehadāho vidhīyate |
śiśurādantajananād bālaḥ syād yāvadāśikham || 11 ||
[Analyze grammar]

tataḥ paraṃ kumāraśca syādāmauñcīprabandhanam |
pañcavarṣādhike mṛtyau vṛṣotsargavidhiṃ vinā || 12 ||
[Analyze grammar]

tathā sapiṇḍīkaraṇaṃ vinā hyekādaśe'hani |
śrāddhāni ṣoḍaśa kuryādudakubhaṃ ca dāpayet || 13 ||
[Analyze grammar]

dīpānnajalavastrādisvarṇadānādi bhojanam |
kāraṇīyaṃ yathāyogyaṃ pretatvavinivṛttaye || 14 ||
[Analyze grammar]

putramukhaṃ pitā dṛṣṭvā pituḥ ṛṇātpramucyate |
ata aurasaputrastu kuryācchāddhaṃ tu pārvaṇam || 15 ||
[Analyze grammar]

pautraṃ dṛṣṭvā ṛṇatrayānmucyate svargamāpnuyāt |
anaurasāḥ saṃgṛhītāḥ putrā navavidhā matāḥ || 16 ||
[Analyze grammar]

ekoddiṣṭaṃ navabhistaiḥ kartavyaṃ śrāddhameva hi |
aurasena prakartavyaṃ sapiṇḍīkaraṇaṃ pituḥ || 17 ||
[Analyze grammar]

saṃvatsare tu sampūrṇe kuryāt piṇḍapraveśanam |
varṣānte ca kṛte piṇḍamelane yāti sadgatim || 18 ||
[Analyze grammar]

evaṃ kṛte tata eva pretaḥ pitṛgaṇo bhavet |
bhikṣurbhikṣāṃ na gṛhṇīyād yāvanna syātsapiṇḍanam || 19 ||
[Analyze grammar]

svagotreṣvaśucistāvad yāvat piṇḍaṃ na melayet |
ānantyātkuladharmāṇāṃ puṃsāṃ caivāyuṣaḥ kṣayāt || 20 ||
[Analyze grammar]

asthiratvāccharīrasya dvādaśāhe sapiṇḍayet |
tripakṣe vā ṣaṇmāse vā vatsare yā sapiṇḍayet || 21 ||
[Analyze grammar]

putrā'bhāve priyā kuryāt patnyabhāve sahodaraḥ |
bhrātā vā bhrātṛputro vā sapiṇḍaḥ śiṣya eva vā || 22 ||
[Analyze grammar]

sapiṇḍanakriyāṃ kṛtvā kuryādabhyudayaṃ tataḥ |
sarveṣāṃ putrahīnānāṃ putrī kuryāt sapiṇḍanam || 23 ||
[Analyze grammar]

ṛtvijaḥ kārayedvāpi purohitamathāpi vā |
kṛtacūḍaiḥ sutaiścāpi pitṛśrāddhaṃ ca kārayet || 24 ||
[Analyze grammar]

tena vai pitarastṛptāḥ pretatṛptistathā bhavet |
pretasya sukhalābhāya sarvaṃ putreṇa kāryate || 25 ||
[Analyze grammar]

tārayennarakātputro yadi mokṣo na vidyate |
aputrasya gatirnāsti svargaṃ naiva ca naiva ca || 26 ||
[Analyze grammar]

dāhaḥ putreṇa kartavyo hyagnidātā ca pautrakaḥ |
tilairdarbhaiśca bhūmyāṃ vaikuṇṭhe tatra matirbhavet || 27 ||
[Analyze grammar]

pañcaratnāni vaktre ca tena jīvaḥ prarohati |
pralepyā gomayairbhūmistilāndarbhāṃśca nikṣipet || 28 ||
[Analyze grammar]

tasyāmevā''turo nyastaḥ sarvaṃ dahati duṣkṛtam |
darbhatūlī nayetsvargamāturaṃ tu na saṃśayaḥ || 29 ||
[Analyze grammar]

sarvatra vasudhā puṇyā liptā nirlaṃpajā hyapi |
yātudhānāḥ piśācāśca rākṣasāḥ krūrakarmagāḥ || 30 ||
[Analyze grammar]

alipte hyāturaṃ muktaṃ viśantyete viyonayaḥ |
brahmā viṣṇuśca rudraśca śrīrhutāśana eva ca || 31 ||
[Analyze grammar]

maṇḍale copatiṣṭhanti tasmātkurvīta maṇḍalam |
anyathā mriyate yaḥ saṃkrīḍate vāyunā sa tu || 32 ||
[Analyze grammar]

mama dehasamutpannāstilāḥ lakṣmi pavitrakāḥ |
asurā dānavā daityā vidravanti tilaiḥ sthitaiḥ || 33 ||
[Analyze grammar]

darbhā romasamutpannāstilāḥ svedādato nyaset |
darbhamūle sthito brahmā darbhamadhye tu keśavaḥ || 34 ||
[Analyze grammar]

darbhāgre śaṃkaraścāste trayo devāḥ kuśe sthitāḥ |
viṣṇurekādaśī gaṃgā tulasī vipradhenavaḥ || 35 ||
[Analyze grammar]

asāre durgasaṃsāre ṣaṭpadī muktidāyinī |
nivārayanti caitāni durgatiṃ prāptamāturam || 36 ||
[Analyze grammar]

viṣṇudehasamutpanno yato vai lavaṇo rasaḥ |
prāṇayāne tu lavaṇaṃ deyaṃ vai svargamārgadam || 37 ||
[Analyze grammar]

dāna vai tatra dātavyaṃ tena puṇyena rakṣyate |
tilāṃśca gāṃ kṣitiṃ hema kārpāsaṃ lavaṇaṃ tathā || 38 ||
[Analyze grammar]

saptadhānyaṃ tathā lohaṃ hyekaikaṃ pāvayettu tama |
hemadānātsukhaṃ svargyaṃ bhūmidānānnṛpo bhavet || 39 ||
[Analyze grammar]

saptadhānyaistu dhānyāptistṛptāśca yamakiṃkarāḥ |
lohadānena yāmyāstu nāgacchanti mṛtagṛhe || 40 ||
[Analyze grammar]

kuṭhāro muśalaṃ daṇḍaḥ khaḍgaśca cchurikā tathā |
pāśaḥ kaśā mudgaraṃ ca yamahastāyudhāni vai || 41 ||
[Analyze grammar]

kuriṇāḥ sārvasūtrāpāḥ śūṇḍā markāstvanurvarāḥ |
śabalāḥ śyāmadūtāśca prīṇitā lohadānataḥ || 42 ||
[Analyze grammar]

uddharettu lohadānaṃ hyātmānaṃ pāpasaṃcayāt |
vaitaraṇīṃ tārayedvā svargaṃ mokṣaṃ nayeddhi gauḥ || 43 ||
[Analyze grammar]

gavāṃ sevāṃ mahādevo goloko'pyakaronmuhuḥ |
śrauharistu gavāṃ sevāṃ sarvadā prakaroti vai || 44 ||
[Analyze grammar]

gāvaḥ sarvavidhā lakṣmīḥ goṣu nityaṃ vasāmyaham |
hemadānātsūryalokaṃ candrasyā'gneśca vaibhavam || 45 ||
[Analyze grammar]

dattaṃ tu lavaṇaṃ svargadvāramudghāṭayettathā |
tiladānaṃ tu martyasya mahāpātakanāśanam || 46 ||
[Analyze grammar]

tadanyāni ca dānāni vastūpakaraṇāni ca |
dātavyāni paretasya sukhamokṣaprapattaye || 47 ||
[Analyze grammar]

bhūmisthaṃ pitaraṃ dṛṣṭvā hyardhonmīlitalocanam |
svasthānāccalite śvāse dānamāturamucyate || 48 ||
[Analyze grammar]

tasmin kāle suto yastu sarvadānāni dāpayet |
nārāyaṇa hare kṛṣṇa śrīpate kamalāpate || 49 ||
[Analyze grammar]

vāsudeva parabrahma svāmin śrīrāma gopate |
ityevaṃ bhajanaṃ kāryaṃ prāṇaprayāṇasaṃgatau || 50 ||
[Analyze grammar]

śrīhariḥ śaraṇaṃ mama śrīkṛṣṇa tvaṃ gatirmama |
oṃ namo bhagavate vāsudevāyeti vā japet || 51 ||
[Analyze grammar]

dadyādāturasanyāsaṃ mantraṃ śrīharirityapi |
śrīkṛṣṇa ityapi mantraṃ lakṣmīnārāyaṇetyapi || 52 ||
[Analyze grammar]

śrīmannārāyaṇetyeva svāminnārāyaṇetyapi |
rāmakṛṣṇa harikṛṣṇa rādhākṛṣṇa omityapi || 53 ||
[Analyze grammar]

nṛsiṃha dattātreya śrīśaṃbho viṣṇo japetyapi |
jaya govinda gopāla jaya mādhava ityapi || 54 ||
[Analyze grammar]

viṣṇurmātā pitā viṣṇurviṣṇuḥ svajanabāndhavāḥ |
jalaṃ viṣṇuḥ sthalaṃ viṣṇurviṣṇurbhūrvaiṣṇavaḥ kuśaḥ || 55 ||
[Analyze grammar]

viṣṇurviprastilā gāvo hema dhānyaṃ tu vaiṣṇavam |
viṣṇurdātā gṛhītā ca netā prāpayitā'pi saḥ || 56 ||
[Analyze grammar]

tameva pūjayennityamantakāle tu kīrtayet |
na tasyā'sadgatiḥ kvāpi pretabhāvo'pi naiva ca || 57 ||
[Analyze grammar]

yena santastvantakāle dṛṣṭā natāśca sevitāḥ |
prasāditāḥ sa vai mokṣaṃ yāti drāk nā'tra saṃśayaḥ || 58 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne |
mṛtasya yathāyogyasūtakasapiṇḍīkaraṇāditilādidānā''turamantrapradānādipradarśananāmā trisaptatitamo'dhyāyaḥ || 73 ||
[Analyze grammar]