Chapter 71

śrīnārāyaṇa uvāca |
yamapuryāstu duḥkhāni samanubhūya nārakāḥ |
viniḥsṛtāśca narakādvicaranti yathā śṛṇu || 1 ||
[Analyze grammar]

te tu pretā yadi janma kimapyāptumaniścitāḥ |
kuṭumbaṃ svaṃ samanviṣya patnyāṃ putre kuṭumbini || 2 ||
[Analyze grammar]

bāndhave vā kṛtasthānā nivasanti gṛhe jane |
vicarantyaśarīrāste kṣutpipāsārditā bhṛśam || 3 ||
[Analyze grammar]

kvacitkadācidbalato rundhanti mohayanti tān |
duḥkhayanti mūrchayanti pīḍayanti muhurmuhuḥ || 4 ||
[Analyze grammar]

kathaṃ tvayā madarthaṃ vai mokṣaṇārthaṃ kṛtaṃ nahi |
tasmād vayaṃ pretabhūtāḥ pīḍayiṣyāma ulbaṇam || 5 ||
[Analyze grammar]

itiroṣeṇa saṃrabdhā pīḍayanti punaḥ punaḥ |
pitṛdvārāṇi rundhanti tanmārgarundhakāstathā || 6 ||
[Analyze grammar]

pitṛbhāgāṃśca gṛhṇanti pathikāṃstaskarā iva |
svaveśmani malamūlotsargādyaśuddhabhūtale || 7 ||
[Analyze grammar]

uṣitvā ca nirīkṣante yaṃ janaṃ syāt sa rogavān |
pīḍayanti jvararūpaistadbhakṣyaṃ bhakṣayanti ca || 8 ||
[Analyze grammar]

pibanti cāpi tadraktaṃ sūkṣmaṃ svalpaṃ kvacitkvacit |
cintayanti sadā'niṣṭamucchiṣṭādisthalasthitāḥ || 9 ||
[Analyze grammar]

pibanti tatra pānīyaṃ bhojanocchiṣṭayojitam |
kuṭumbasyā''tmajādīnāṃ cintayanti chalaṃ sadā || 10 ||
[Analyze grammar]

evamaniṣṭamatayaḥ svakān pīḍāṃ prakurvate |
svakulaṃ pīḍayet pretaḥ paraṃ chidreṇa pīḍayet || 11 ||
[Analyze grammar]

jīvan sa snehavānāsīnmṛto duṣṭatvameti hi |
chidraṃ mālinyamāsādya muhuḥ pīḍāṃ karoti saḥ || 12 ||
[Analyze grammar]

sarvakriyāparimṛṣṭaṃ devapūjāvihīnakam |
aśuddhabhojyabhoktāraṃ janaṃ pretaḥ prapīḍayet || 13 ||
[Analyze grammar]

ekasya putranāśaḥ syātputraṃ na labhate'paraḥ |
ekaḥ santatihīnaḥ syātpretadoṣo'sti tatra vai || 14 ||
[Analyze grammar]

santatirgarbhato naśyet samutpanno vinaśyati |
paśudravyavināśaśca virodho bāndhavaiḥ samam || 15 ||
[Analyze grammar]

prakṛtiśca vivarteta suteṣu kalahastathā |
akasmād vyasanaprāptiḥ sā pīḍā pretasaṃbhavā || 16 ||
[Analyze grammar]

unmattatā hyanidrā ca bhojanā'pācano jvaraḥ |
udgārā udaraśūlaṃ sā pīḍā pretasaṃbhavā || 17 ||
[Analyze grammar]

cauryarucirgṛhakalirdhanadhānyadaridratā |
sampattestu śanairhāsaḥ pīḍeyaṃ pretasaṃbhavā || 18 ||
[Analyze grammar]

bahutpannamapi dravyaṃ viniḥsarati hastataḥ |
subhikṣe kṛṣināśaḥ syād udyoge viparītatā || 19 ||
[Analyze grammar]

hīnakarmā'bhiyānaṃ syāt caurāgnirājabhirbhayam |
mahārogopapattiśca svadehapīḍanaṃ tathā || 20 ||
[Analyze grammar]

pūrvaṃ tu sevikā patnī paścācchūnīva jāyate |
gṛhanāśamatirnityaṃ pīḍā sā pretasaṃbhavā || 21 ||
[Analyze grammar]

bhāvanā smṛtihīnā ca kāryaṃ mānasavarjitam |
kalaho'nudinaṃ sveṣu sā pīḍā pretasaṃbhavā || 22 ||
[Analyze grammar]

strīṇāṃ garbhavināśaḥ syānna puṣpaṃ dṛśyate tathā |
puṣpaṃ pradṛśyate'thāpi phalaṃ naiva pradṛśyate || 23 ||
[Analyze grammar]

jīvitānāṃ kramānnāśo gṛhe dantakaliḥ sadā |
bhojane kopasamudvegādinā tṛptiśūnyatā || 24 ||
[Analyze grammar]

kalaho ghātakāścaiva putrāḥ śatrorivātmajāḥ |
na prītirna ca vai saukhyaṃ sā pīḍā pretasaṃbhavā || 25 ||
[Analyze grammar]

pitrorvākyaṃ na kuruto svapatnīṃ na ca sevate |
patnī patidṛśiṃ nā''yāt sā pīḍā pretasaṃbhavā || 26 ||
[Analyze grammar]

akasmānmṛtikartāraḥ pretā bhavanti pīḍakāḥ |
vikarmaṇā bhavet preto vidhihīnakriyastathā || 27 ||
[Analyze grammar]

tatkāle duṣṭasaṃsargād vṛṣotsargādṛte tathā |
duṣṭamṛtyuvaśādvāpi hyadagdhavapuṣastathā || 28 ||
[Analyze grammar]

dāhakriyādilopācca khaṭvādimṛtidoṣataḥ |
kṣuttṛṭdāhamṛterdoṣāt pretatvaṃ jāyate priye || 29 ||
[Analyze grammar]

vāsanāvaśataḥ kvāpi vāṇīceṣṭāvivarjitam |
pretatvaṃ susthira bhāvi pretamuktiṃ samācaret || 30 ||
[Analyze grammar]

na yo vai manute pretān mṛtaḥ pretatvamāpnuyāt |
pretadoṣaḥ kule yasya sukhaṃ tatra na vidyate || 31 ||
[Analyze grammar]

matiḥ prītiḥ ratirbuddhirlakṣmīḥ pañcavināśanam |
tṛtīye paṃcame puṃsi vaṃśacchedo'bhijāyate || 32 ||
[Analyze grammar]

daridro nirdhanaścaiva pāpakarmā bhave bhave |
pretā evaṃ duḥkhayanti svāneva krūrabhāvataḥ || 33 ||
[Analyze grammar]

kṣutpipāsārditāḥ pretāḥ praviśeyuḥ svaveśmani |
praviṣṭā vāyudehena śayānān svasvavaṃśajān || 34 ||
[Analyze grammar]

svapne putrakalatrādīn darśayanti svarūpakam |
gajo hayo vṛṣo bhūtvā dṛśyante vikṛtānanāḥ || 35 ||
[Analyze grammar]

mārjāro vanitā sarpo dṛśyantevai kṣaṇaṃ muhuḥ |
śayanaṃ viparītaṃ vā svātmānaṃ vā viparyayam || 36 ||
[Analyze grammar]

utthitaḥ saṃvīkṣate vai yaḥ sa pretena pīḍyate |
nigaḍairbadhyate svapne pretakṛt tanna saṃśayaḥ || 37 ||
[Analyze grammar]

annaṃ tu yācate svapne vadhyate bahuśastrakaiḥ |
svayaṃ vā hanti manujaṃ tatsarvaṃ pretadarśitam || 38 ||
[Analyze grammar]

bhuṃjānasya tu pakvānnaṃ gṛhītvā vai palāyate |
svasya vā'nyasya salilaṃ tṛṣārtastu pibed balāt || 39 ||
[Analyze grammar]

vṛṣabhārohaṇaṃ svapne vṛṣabhaiḥ saha vā'ṭanam |
utplutya vyomagamanaṃ tīrthe vā kṣudhayā gatim || 40 ||
[Analyze grammar]

svakalatraṃ svabandhūṃśca svasutaṃ svapatiṃ gurum |
vidyamānaṃ mṛtaṃ paśyet tatsarvaṃ pretadarśitam || 41 ||
[Analyze grammar]

yastvapo yācate svapne kṣuttṛṣābhyāṃ pariplutaḥ |
tasya pretasya muktyarthaṃ tīrthe piṇḍānpradāpayet || 42 ||
[Analyze grammar]

nirgacchato gṛhād rātrau svapne putrāṃstathā paśūn |
pitṛbhrātṛkalatrāṇi pretadoṣeṇa paśyati || 43 ||
[Analyze grammar]

tacchāntyarthaṃ gṛhe tīrthe śrīvṛkṣe tarpaṇaṃ caret |
kṛṣṇadhānyāni saṃpūjya pradadyād vedapārage || 44 ||
[Analyze grammar]

sarvavighnāni santyajya muktyupāyaṃ karoti yaḥ |
tasya karmaphalaṃ sādhu pretatṛptiśca śāśvatī || 45 ||
[Analyze grammar]

ātmaiva śreyasā yujyat pretastṛptiṃ vrajecciram |
te tṛptāḥ śubhamicchanti svātmabandhuṣu sarvadā || 46 ||
[Analyze grammar]

anyathā tu durātmānaḥ kleśayanti svavaṃśajān |
darśanādbhāṣaṇād yastu ceṣṭanātpīḍanādapi || 47 ||
[Analyze grammar]

sadgatiṃ na prāpayati pretaśāpaiḥ prapīḍyate |
aputrako'paśuścaiva daridro vyādhitastathā || 48 ||
[Analyze grammar]

vṛttihīnaśca dīnaśca bhavejjanmani janmani |
tasmānmuktiḥ prakartavyā pretānāṃ tarpaṇaiḥ sadā || 49 ||
[Analyze grammar]

te tṛptā vārayanti svān jāyamānānupadravān |
paścātte muktimāyānti kāle prāpte tu putrataḥ || 50 ||
[Analyze grammar]

sadābandhuṣu yacchanti ṛddhiṃ vṛddhiṃ ca sampadaḥ |
pitṝnuddiśya yaḥ kuryānnārāyaṇabaliṃ śubham || 51 ||
[Analyze grammar]

kṛtena tena vighnāni vinaśyanti na pīḍyate |
bhūtapretapiśācādipīḍābhyo mucyate dhruvam || 52 ||
[Analyze grammar]

nārāyaṇabaliṃ kṛtvā vṛṣotsargādikaṃ kriyāt |
sarvopadravarāhityaṃ sarvasaukhyamavāpnuyāt || 53 ||
[Analyze grammar]

pitṛmātṛsamaṃ loke nā'styanyad daivataṃ param |
prabhuḥ śarīrajanmakṛt pratyakṣadaivataṃ pitā || 54 ||
[Analyze grammar]

hitānāmupadeṣṭā ca guruḥ pratyakṣadaivatam |
tasmāt pitāgururmātā vṛddhāḥ pūjyāḥ patistathā || 55 ||
[Analyze grammar]

śarīraṃ sampado dārāḥ sutā lokāḥ sanātanāḥ |
yasya prasādātprāpyante ko'nyaḥ pūjyatamastataḥ || 56 ||
[Analyze grammar]

puṃnāmno narakād yasmāt pitaraṃ trāyate tu yaḥ |
tasmāt putra iti proktastasmāt pitaraṃ tārayet || 57 ||
[Analyze grammar]

apamṛtyumṛtau syātāṃ pitā mātā ca kasyacit |
dharmaṃ tīrthaṃ vivāhādi śrāddhaṃ sāṃvatsaraṃ kriyāt || 58 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne pretānāmaśuddhabhūvāsapretakṛta vividhapīḍāpretakṛtasvapnacihnatannivṛttyādinirūpaṇanāmā ekasaptatitamo'dhyāyaḥ || 71 ||
[Analyze grammar]