Chapter 68

śrīnārāyaṇa uvāca |
śṛṇu lakṣmi  pravakṣyāmi janaṃ śārīracihnakam |
kīdṛgrūpo janaḥ kīdṛkkarmā kīdṛgguṇo bhavet || 1 ||
[Analyze grammar]

saṃkṣepāttatpravakṣyāmi lokavijñāna hetave |
śarīrāṇi samānyeva naranārīdivaukasām || 2 ||
[Analyze grammar]

ākṛterbhedabhāvo vai paricāyaka eva ha |
cihnānāṃ bhedabhāvastu karmaṇāṃ paricāyakaḥ || 3 ||
[Analyze grammar]

dhanahīnasya tu pādau śūrpākārau śirālakau |
vakrau rukṣau ca saṃśuṣkau pāṇḍunakhaudarāṃgulī || 4 ||
[Analyze grammar]

vaṃśasya nāśakau pādāvutkamaṭhau kaṣāyakau |
brahmaghnasya bhavetāṃ tu caraṇau śaṃkusannidhau || 5 ||
[Analyze grammar]

nirdhanasya romakūpe ekaika eva romakaḥ |
nṛpasya śrotriyasyāpi dvau dvau śrīdhīmatāṃ tathā || 6 ||
[Analyze grammar]

tryādyairniḥsvā duḥkhabhājo ninditāśca bhavanti hi |
yasya keśāḥ kuṃcitāḥ syuḥ sa pravāse mriyeta vai || 7 ||
[Analyze grammar]

yasya jānū tu nirmāṃsau saubhāgyaḥ sa bhavejjanaḥ |
nimnā'lpajānumān bodhyaḥ sarvadā strīrato janaḥ || 8 ||
[Analyze grammar]

daridro viṣamajānuḥ puṣṭajānurnṛpo bhavet |
mahajja़ाnurdīrghajīvī vakrajānustu kāmukaḥ || 9 ||
[Analyze grammar]

yasya pādau mṛdutalau kamalodarasannibhau |
śliṣṭāṃgulī tāmranakhau supārṣṇī va śirojjhitau || 10 ||
[Analyze grammar]

uṣṇau kūrmonnatau gūḍhagulphau sa nṛpatirbhavet |
yo naro hyalpaliṃgaḥ syādapatyarahitastu saḥ || 11 ||
[Analyze grammar]

yastu bhavet sthūlaliṃgaḥ sāpatyo'pi dhanojjhitaḥ |
meḍhraṃ vāmanataṃ yasya tasya putrārthahīnatā || 12 ||
[Analyze grammar]

liṃgamadhonataṃ yasya dāridryaṃ tasya sarvadā |
dakṣavakraṃ yasya meḍhraṃ putravānsa matau janaḥ || 13 ||
[Analyze grammar]

sthūlagranthiyute liṃge śirāle bahuputrakaḥ |
koṣagūḍhe prajanane nṛpaḥ syādbahuputrakaḥ || 14 ||
[Analyze grammar]

dīrghakāṣo bhugnakoṣo dhanahīnaḥ sadā bhavet |
durbalatvekavṛṣaṇo viṣamavṛṣaṇaścalaḥ || 15 ||
[Analyze grammar]

samābhyāṃ nṛpatiḥ proktaḥ pralambena śatābdavān |
bhavet siṃhakaṭī rājā niḥsvaḥ kapikaṭirnaraḥ || 16 ||
[Analyze grammar]

sarpodarā daridrāḥ syurdhaninaḥ sthūlapārśvakāḥ |
samakakṣāśca bhogāḍhyā nimnakakṣā dhanojjhitāḥ || 17 ||
[Analyze grammar]

nṛpāśconnatakakṣāḥ syurjihmā viṣamakakṣakāḥ |
aśīghramaithunyalpāyurdīrghāyuḥ śīghramaithunī || 18 ||
[Analyze grammar]

sukhī syādvistīrṇanābhirduḥkhyatinimnanābhikaḥ |
valimadhyagato nābhiḥ śūlapīḍāṃ karoti vai || 19 ||
[Analyze grammar]

medhāvī dakṣiṇāvarto vāmāvarto vaśī naraḥ |
pārśvāyatā cirāyuḥ syādupariṣṭhāddhaneśvaraḥ || 20 ||
[Analyze grammar]

ekavaliḥ śatāyuḥ syāt śrībhogī dvivalirnaraḥ |
trivaliḥ kṣmeśa ācārya ṛjubhirvalibhiḥ sukhī || 21 ||
[Analyze grammar]

dakṣiṇāvartaromā syācchāsakaḥ sumahān janaḥ |
vāmāvartā'nyathāvartaromā preṣyaśca duḥkhitaḥ || 22 ||
[Analyze grammar]

anuddhataiścucukaiśca bhavanti subhagā janāḥ |
uddhatairviṣamairdīrghaiḥ pītāgrairnirdhanā narāḥ || 23 ||
[Analyze grammar]

samonnataṃ ca hṛdayamakampaṃ māṃsalaṃ pṛthu |
nṛpāṇāmadhamānāṃ ca khararomaśirālakam || 24 ||
[Analyze grammar]

samavakṣāstu dhanavān pīnavakṣāḥ ramāpatiḥ |
nirdhano viṣamavakṣāḥ śastreṇa mṛtyumāpnuyāt || 25 ||
[Analyze grammar]

viṣamajatruko niḥsvaḥ pīnajatrurdhanādhipaḥ |
nirdhanaścipiṭakaṇṭhaḥ śirāśuṣkagalaḥ sukhī || 26 ||
[Analyze grammar]

śūraḥ syānmahiṣagrīvaḥ śāstrānto mṛgakaṇṭhakaḥ |
kambugrīvaśca nṛpatirlambakaṇṭho'tibhakṣakaḥ || 27 ||
[Analyze grammar]

kakṣā'śvatthadalā śreṣṭhā sugandhirmagaromikā |
anyathā tvarthahīnānāṃ dāridryasya ca kāraṇam || 28 ||
[Analyze grammar]

samāṃsau vipulau śliṣṭau bhugnālpau pīvarau tathā |
vṛttāvājānulambau ca bhujau daivau ca rājakau || 29 ||
[Analyze grammar]

niḥsvānāṃ romaśau hrasvau śreṣṭhau karikaraprabhau |
hastāṃgulaya eva syuḥ svarṇavarṇā dhaneśituḥ || 30 ||
[Analyze grammar]

tāśca medhāvināṃ sūkṣmā bhṛtyānāṃ cipiṭāḥ smṛtāḥ |
susthūlāṃgulayo niḥsvāḥ kapitulyakarāstathā || 31 ||
[Analyze grammar]

pitṛdravyavināśī syānnimnakaratalo janaḥ |
maṇibandho nigūḍhaḥ syād rājyado dhanado vṛtaḥ || 3 ||
[Analyze grammar]

karaiḥ karatalaiścaiva lākṣābhai raktakomalaiḥ |
guravaḥ syuḥ pītarukṣairnidhanā eva sarvadā || 33 ||
[Analyze grammar]

tuṣatulyanakhāḥ klībā niḥsvāḥ sphuṭitavakrakaiḥ |
kunakhaiśca vivarṇaiśca paratarkakarā matāḥ || 34 ||
[Analyze grammar]

tāmraiśca vartulairdevā madhyonnatanakhairmatāḥ |
sayavāṃ'guṣṭhako rājā putrī parvaprapūrṇakaḥ || 35 ||
[Analyze grammar]

yugamīnāṃkitakaro bhavetsatraprado naraḥ |
vajracihnaṃ tu dhanināṃ viduṣo matsyapucchakam || 36 ||
[Analyze grammar]

śaṃkhā''tapatraśibikāgajapadmāni bhūbhrati |
kuṃbhāṃ'kuśapatākāśca mṛṇālaśca nidhīśvare || 37 ||
[Analyze grammar]

dāmarekhā gavāḍhye vai svastikaśca nṛpeśvare |
cakrā'sitomaradhanurdantarekhā nṛpeśvare || 38 ||
[Analyze grammar]

ulūkhalasamā rekhā yājñikasya kare matā |
cakrāṇi bahūni caiva vedīrekhā'gnihotriṇi || 39 ||
[Analyze grammar]

vāpīdaivīnadīrekhāstrikoṇo dhārmike kare |
aṃguṣṭhamūlagā rekhāḥ sukhakṛtsutabodhikāḥ || 40 ||
[Analyze grammar]

kaniṣṭhāmūlataḥ pradeśinīmūlagatā ca yā |
śatāyurbādhikā rekhā chinnā cet taruto bhayam || 41 ||
[Analyze grammar]

niḥsvāśca bahurekhāḥ syurnidhanāścibukaiḥ kṛśaiḥ |
māṃsalaiḥ raktavarṇaiśca hyadharairdhanavānbhavet || 42 ||
[Analyze grammar]

bimbopamaiśca sphuṭitai rūkṣairviṣamakhaṇḍitaiḥ |
oṣṭhairdhanarahitāḥ syurdantāḥ snigdhā ghanā śubhāḥ || 43 ||
[Analyze grammar]

tīkṣṇā dantāḥ samāḥ śreṣṭhā jihvā raktā samā śubhā |
ślakṣṇā dīrghā tu vijñeyā tāluḥ śveto dhanakṣayaḥ || 44 ||
[Analyze grammar]

kṛṣṇā tu paruṣā jihvā raktāgrā rogiṇī matā |
vaktraṃ saumyaṃ samaṃ ślakṣṇaṃ saṃvṛtaṃ nṛpateḥ smṛtam || 45 ||
[Analyze grammar]

viparītaṃ tu duḥkhānāṃ durbhagāṇāmalokakam |
āḍhyānāṃ vartulaṃ vaktraṃ nirdravyāṇāṃ tu dīrghakam || 46 ||
[Analyze grammar]

bhīruvaktraḥ pāpakārī dhūrtānāṃ caturasrakam |
nimnaṃ vaktraṃ tvaputrāṇāṃ kṛpaṇānāṃ ca hrasvakam || 47 ||
[Analyze grammar]

sampūrṇaṃ bhogināṃ kāntaṃ śmaśrusnigdhaṃ śubhaṃ mṛdu |
saṃhataṃ cā'sphuṭitāgraṃ raktaśmaśru ca caurakam || 48 ||
[Analyze grammar]

śaṃkukarṇāstu rājāno romakarṇā gatāyuṣaḥ |
bṛhatkarṇā dhaninṛpāḥ kṛpaṇā hrasvakarṇakāḥ || 49 ||
[Analyze grammar]

bhogī vai nimnagaṇḍaḥ syānmantrī sampūrṇagaṇḍakaḥ |
śukanāsaḥ sukhī proktaḥ śukanāso'tijīvanaḥ || 50 ||
[Analyze grammar]

chinnāgrakūpanāsastu bahunārīvyavāyakaḥ |
dīrghanāsaḥ saubhagaḥ syāccauraḥ kuñcitanāsikaḥ || 51 ||
[Analyze grammar]

cipiṭanāsaḥ krūraḥ syāttathā bhāgyavihīnakaḥ |
svalpachidrā supuṭā cā'vakrā sā nṛpatermatā || 5 ||
[Analyze grammar]

krūre dakṣiṇavakrā syād vāmavakrā hyaniṣṭadā |
vakrāntaiḥ padmapatrābhairlocanaiḥ sukhabhāginaḥ || 53 ||
[Analyze grammar]

mārjāralocanaiḥ pāpmā durātmā madhupiṃgalaiḥ |
krūrāḥ kekaranetrāśca haritākṣāḥ sakalmaṣāḥ || 54 ||
[Analyze grammar]

jihmaiśca locanaiḥ śūrāḥ senānyo gajalocanāḥ |
gaṃbhīrākṣā īśvarāḥ syurmantriṇaḥ sthūlacakṣuṣaḥ || 55 ||
[Analyze grammar]

nīlotpalākṣā vidvāṃsaḥ saubhagāḥ śyāmacakṣuṣaḥ |
syurutpāṭanakartāraḥ kṛṣṇatārakacakṣuṣaḥ || 56 ||
[Analyze grammar]

maṇḍalākṣāśca pāpāḥ syurniḥsvā syurdīnalocanāḥ |
dhanī dīrghasaṃsaktabhrūrdaridrā viṣamabhruvaḥ || 57 ||
[Analyze grammar]

viśālonnatabālendūnnatabhruvaḥ sukhāḍhyakāḥ |
niḥsvo bhavati khaṇḍabhūrdārakabhrūśca nirdhanaḥ || 58 ||
[Analyze grammar]

nirdhanā vipulaiḥ śaṃkhairlalāṭairviṣamaistathā |
ardhendusamabhālaistu dhanavanto matā janāḥ || 59 ||
[Analyze grammar]

śuktiviśālairācāryāḥ śirālaiḥ pāpakāriṇaḥ |
unnatābhiḥ śirābhiśca svastikābhirnareśvarāḥ || 60 ||
[Analyze grammar]

nimnairbhālairvadhārhāśca krūrakarmāratāstathā |
saṃvṛtaiśca lalāṭaiśca kṛpaṇā unnatairnṛpāḥ || 61 ||
[Analyze grammar]

akampaṃ hasitaṃ śreṣṭhaṃ nimīlitamaghāvaham |
asakṛddhasitaṃ duṣṭaṃ sadarpaṃ ghātakaṃ bhavet || 62 ||
[Analyze grammar]

lalāṭopasṛtāstisro rekhāḥ syuḥ śatavarṣiṇām |
nṛpaḥ sa syāccatasṛbhiḥ paṃcanavatirjīvati || 63 ||
[Analyze grammar]

arekhenā''yurnavatirvicchinnābhistadardhakam |
keśāntopagatābhiśca hyaśītyāyurnaro bhavet || 64 ||
[Analyze grammar]

paṃcabhiḥ saptabhiḥ ṣaḍbhiḥ paṃcāśat bahubhistathā |
catvāriṃśacca raktābhistriṃśad bhrūlagnagāmibhiḥ || 65 ||
[Analyze grammar]

viṃśatirvāmavakrābhirāyuḥ kṣudrābhiralpakam |
chatrākāraiḥ śirobhistu nṛpo bāṇasamo dhanī || 66 ||
[Analyze grammar]

ghaṭamūrdhā pāparuciḥ piturmṛtyuścipīṭakaḥ |
kṛṣṇā''kuṃcitasnigdhāgrā'bhinnāntakeśavān nṛpaḥ || 67 ||
[Analyze grammar]

rājñyāḥ pādau mṛdutalau matsyāṃkuśadhvajāṃ'citau |
vajrābjahalacihnau ca nigūḍhagulphakau matau || 68 ||
[Analyze grammar]

aśvatthapatrasadṛśaṃ vipulaṃ guhyamuttamam |
gūḍhaḥ śukaśva śubhado māṃsalaṃ vartulaṃ mukham || 69 ||
[Analyze grammar]

nābhiḥ pradakṣiṇāvartā madhyaṃ trivaliśobhitam |
āraktāvadharau śreṣṭhau māṃsalaṃ vartulaṃ mukham || 70 ||
[Analyze grammar]

snigdhanīlāśca mṛdavo mūrdhajāḥ kuṃcitāḥ śubhāḥ |
strīṇāṃ pādatale yadvā pāṇidvayatale imāḥ || 71 ||
[Analyze grammar]

vājikuṃjaraśrīvṛkṣayūpeṣuyavatomarāḥ |
dhvajacāmaramālāśca śailakuṇḍalavedikāḥ || 72 ||
[Analyze grammar]

śaṃkhātapatrakamalamatsyasvastikasadrathāḥ |
aṃkuśādyāśca rekhāḥ syurdevyastā rājavallabhāḥ || 73 ||
[Analyze grammar]

haryaṃśāḥ svastikadhanustriśūladhvajamatsyakāḥ |
rekhā yā maṇibandhotthā gatā madhyāṃgulīkare || 74 ||
[Analyze grammar]

ūrdhvarekhā tu sā proktā haste pāde'thavā bhavet |
strīṇāṃ puṃsāṃ tathā sā syād rājyāya ca sukhāya ca || 75 ||
[Analyze grammar]

naracihnavatī nārī naraśca strīsvarūpakaḥ |
na maṃgalakṛtau syātāṃ vaiparītyakarāvubhau || 76 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne naranārīdaivīśārīracihnapradarśananāmā'ṣṭaṣaṣṭitamo'dhyāyaḥ || 68 ||
[Analyze grammar]