Chapter 67

śrīnārāyaṇa uvāca |
narakāṇāṃ mahākaṣṭamanubhūya tu nārakāḥ |
svakarmaśeṣabhāgena prāpnuvanti ca vai tanum || 1 ||
[Analyze grammar]

daivikīṃ paitṛkīṃ yoniṃ mānuṣīṃ vātha nārakīm |
prāpya dharmasya vacanānmuktirbhavati vā tataḥ || 2 ||
[Analyze grammar]

yathā yathā kṛtaṃ karma tāṃ tāṃ yoniṃ vrajennaraḥ |
tattathaiva hi bhuñjāno vicaretsarvayoniṣu || 3 ||
[Analyze grammar]

yena karmavipākena yathā nirayabhāgbhavet |
yathā taduttara janma tattanme śṛṇu padmaje || 4 ||
[Analyze grammar]

yātanā'nte vimuktāste hyanekāṃ jīvasantatim |
gatvā mānuṣayonau tu pāpacihnā bhavanti te || 5 ||
[Analyze grammar]

tatrā'nṛtapravāhī tu galatkaṇṭho'rdhajihvakaḥ |
yadvā mūko bhavedeva devādīnāṃ vinindakaḥ || 6 ||
[Analyze grammar]

jīvahā tu kṣayī kuṣṭhī śyāvadantastu madyapaḥ |
svarṇahārī kunakhī duścarmā strībhogakṛd balāt || 7 ||
[Analyze grammar]

mātsaryādapi jātyandho janmāndho'nyākṣisaṃharan |
phalahartā vānaraḥ syāt kākaścauryā'nnabhojanāt || 8 ||
[Analyze grammar]

anyavaṃśaṃ vinindanvai vaṃśahīno'napatyakaḥ |
dravyahartā bhaved godhā garadaḥ sarpajanmavān || 9 ||
[Analyze grammar]

prasahya tu balātkārī jāyate'tra piśācakaḥ |
cātako jalahartā syād dhānyahartā tu mūṣakaḥ || 10 ||
[Analyze grammar]

jalaprasravaṇabhettā jale matsyo bhavediti |
vañcanākarmakṛtprāṇī hyulūko jāyate muhuḥ || 11 ||
[Analyze grammar]

anyādācchidya bhuṃjānaḥ sārameyo'bhijāyate |
pratiśrutyā'dadanprāṇī jambūko jāyate vane || 12 ||
[Analyze grammar]

cauryaṃ kṛtvā sadā bhuṃjan viḍvarāhaḥ prajāyate |
pūjyānāṃ tvavamānādvai labhate kācchapī tanum || 13 ||
[Analyze grammar]

sarveṣāṃ tu tiraskartā cāṇḍālo jāyate'tra vai |
syādanyasya ṛṇagrāhī vṛṣo'śvo gardabhaśca vā || 14 ||
[Analyze grammar]

rativighnakaraḥ ṣaṇḍho mārjāraḥ paramāṃsabhuk |
pārakyasya prahartā vai tittiro jāyate vane || 15 ||
[Analyze grammar]

prasahya vaśakartāro nārījanma hyavāpnuyuḥ |
prasahya ratikartāro bhagaliṃgādirogiṇaḥ || 16 ||
[Analyze grammar]

gṛhāvāsādihartāro jāyante'raṇyajantavaḥ |
paśūnāṃ ghātakāścātra jāyante ghātyajantavaḥ || 17 ||
[Analyze grammar]

svāmidravyāpahartāro draridrāḥ saṃbhavantyapi |
vidvannindāprakartāro mūrkhā bhavanti bāliśāḥ || 18 ||
[Analyze grammar]

viśvāsayitvā jantūnāṃ bandhakā ghātakā janāḥ |
pañjarīyapaśupakṣijanmānaḥ saṃbhavanti hi || 19 ||
[Analyze grammar]

manuṣyāṇāṃ tiraskartā vicitto jāyate'tra vai |
śāṭhyakāpaṭyanairghṛṇyapoṣṭā kitavatāṃ vrajet || 20 ||
[Analyze grammar]

manuṣyahā jāyate'tra pāśadhṛk pāradhiśca vai |
paśuhā ghātakī bhūtvā śatajanmā hyajo bhavet || 21 ||
[Analyze grammar]

matsyādo matsyajanmā syāt sarvādo jhaṣa eva ca |
anyānnavastragehāderhartā vṛkṣomarusthale || 22 ||
[Analyze grammar]

gandhacandanasaṃhartā nāsāhīnaḥ prajāyate |
gurupitṛpūjyanindāśrotā syād badhiro'tra vai || 23 ||
[Analyze grammar]

pādahartā bhavet paṅgurhastaghno vṛkṇa eva ca |
nārīṇāṃ duḥkhakṛtkuṃbhakārasya gardabho bhavet || 24 ||
[Analyze grammar]

patyurduḥkhakarī nārī gardabhī saṃbhavettathā |
karmacāridravyachettā daridro vānaro bhavet || 25 ||
[Analyze grammar]

jantujāṃ nāśako bhittijantvadā godhakī bhavet |
malino makṣikājanma krodhī sarpatvamāpnuyāt || 26 ||
[Analyze grammar]

dveṣī grāmyaśunaḥ pipīlikānāṃ janma cāpnuyāt |
anyāyakāmī vṛṣaṇocchettā syāt ṣaṇḍhagovṛṣaḥ || 27 ||
[Analyze grammar]

dharmānnadravyavasvādehartā syādārtikukkuraḥ |
pārakyānnādibhoktāraḥ kukkuṭīṃ yonimāpnuyuḥ || 28 ||
[Analyze grammar]

kāryahantā tu ghūkaḥ syāt kāryaroddhā śṛgālakaḥ |
pariveṣitapātrāṇāṃ hartā syādvṛkṣavāgulī || 29 ||
[Analyze grammar]

nārīhartā rākṣasaḥ syāt māntrikaḥ syāt piśācakaḥ |
vāsanikastu bhūtaḥ syāt krūradṛṣṭistu śākinī || 30 ||
[Analyze grammar]

samātsaryā ḍākinī syāt piśācinyabhicārikā |
garbhahantrī gaṇikā syāt kulaṭā patyakāmanā || 31 ||
[Analyze grammar]

parā'patyā'sahā'pyatrā'patyahīnā bhavatyapi |
ṛtudānā'grāhikā tu ṣaṇḍhā bhavati sarvathā || 32 ||
[Analyze grammar]

parocchedakarī svīyocchedakartrī bhavetpunaḥ |
suptanāśaprakartāro hanyante ghātakīgṛhe || 33 ||
[Analyze grammar]

parasasya praloptāro bhavantyakṣetravṛttayaḥ |
parakarmaviloptāro jāyante'karmayoniṣu || 34 ||
[Analyze grammar]

tailahārī tailapāyī pūtivaktrastu sūcakaḥ |
dhānyahāryatiriktāṃgaḥ piśunaḥ pūtināsikaḥ || 35 ||
[Analyze grammar]

brahmahā śvāḥ svaroṣṭaḥ syānmūkaścānte bhavatyapi |
dravyacauraḥ kṛmiḥ kīṭastṛṇādo gurunāśakaḥ || 36 ||
[Analyze grammar]

kṣayarogī śyāvadantaḥ kunakhī svaṇacauryakṛt |
pakvahartā tvanāhārī mūko rāgā'pahārakaḥ || 37 ||
[Analyze grammar]

tulakūṭapramākartā vaṭavāgulikā bhavet |
vikreyakūṭasāṃkaryakartā śvāsārtiko bhavet || 38 ||
[Analyze grammar]

anyeṣāṃ prāṇaroddhā vai kṣayarogārtiko bhavet |
krayavikrayakauṭilyakartā'rṣarogavānbhavet |
ucchiṣṭajalapātā syānmūtrakṛcchrādirogavān |
anyavṛttiharo loke bhikṣukaḥ satiraskṛtaḥ || 40 ||
[Analyze grammar]

anyonyā'tyasaho duṣṭaścāṇḍālo vāghgharirbhavet |
chalachadmaprakartā syād dhīvaraḥ śabaro'pi ca || 41 ||
[Analyze grammar]

vastravikrayakāpaṭyatantuvāyo bhavatyapi |
rathyācatuṣkamālinyakartā malaharo'ntyajaḥ || 42 ||
[Analyze grammar]

snānaśuddhiniṣeddhā syād rajako vastraśodhakaḥ |
anyā'niṣṭecchukacauro mārjāro jāyate rudan || 43 ||
[Analyze grammar]

kūṭauṣadhapradātā syānnakūlo nirjane vane |
kūṭavastuprakartā syāt kūṭastrīputrako'tra vai || 44 ||
[Analyze grammar]

svarṇarūpyādisāṃkarye kāpaṭyena karoti yaḥ |
varṇasaṃkarajanmā syād galatkuṣṭho bhavettathā || 45 ||
[Analyze grammar]

kaumāryaduṣakāśca syurājīvanaṃ vidhūrakāḥ |
svāminyasatpravaktā syānnāpitaḥ kṣurakarmakṛt || 46 ||
[Analyze grammar]

āyudhānāṃ tu nirmātā jalaukā saṃprajāyate |
paśupakṣigavājādimāṃsādāḥ gṛdhraviḍbhujaḥ || 47 ||
[Analyze grammar]

siṃhā vyāghrā vṛkā dīpā jāyante māṃsabhojinaḥ |
kanyāvikrayakartāro jāyante yonikīṭakāḥ |
rasasāṃkaryakartāro jāyante malakīṭakāḥ || 48 ||
[Analyze grammar]

nirādhārapradogdhāro bhavanti māstikīyūkāḥ |
paṃktibhettodaraṃbharo jāyate cāntrarogavān || 49 ||
[Analyze grammar]

dampatīkleśakartāro bhāṃḍā bhavanti nartakāḥ |
kāmāsaktaviyoktāro vṛndalāḥ saṃbhavanti hi || 50 ||
[Analyze grammar]

kāmasukhaprabhaṃktāro'raṇye śūnyaraṃtimṛgāḥ |
maṇḍukāścaiva jāyante ratimātsaryavannarāḥ || 51 ||
[Analyze grammar]

sādhusādhvīdrohakartā syānmūko badhiro janeḥ |
poṣyā'poṣaṇakartṝṇāṃ malamūṣakatā bhavet || 52 ||
[Analyze grammar]

dugdhadaprāṇihantṝṇāṃ janma nirjalabhūphaṇam |
vāgbāṇamarmabhettṝṇāṃ kaṃkiṭakṛkalāsajam || 53 ||
[Analyze grammar]

piṣṭacauryaprakartṝṇāṃ janma bhallukarūkṣajam |
mahaccauryaprakartṝṇāṃ janma tvandhasarīsṛpe || 54 ||
[Analyze grammar]

devatīrthagurudrohī dharmāṇāṃ nindakastathā |
kuṭumbakleśakartā syādaraṇye kākadīpakaḥ || 55 ||
[Analyze grammar]

madirāmāṃsasaṃjīvī siṃho'raṇye nṛpo bhavet |
jālatarkaṭapāśā'śī bahuśrṛṃgo mṛgo bhavet || 56 ||
[Analyze grammar]

snānālasastu khaḍgākhyamṛgo genḍo bhavediti |
bhallukaḥ syāt piṣṭahartā vāgulī guptabhojinī || 57 ||
[Analyze grammar]

citrapicchā chalakartrī śilakī syāt svatantriṇī |
guptapibā gṛhagodhā gavayo guptabhojanaḥ || 58 ||
[Analyze grammar]

yathā vā vāsanāyogājjāyante citradehinaḥ |
caturaśītikhanyantāścitrakarmakarā muhuḥ || 59 ||
[Analyze grammar]

jāyante tāmasāḥ kīṭā vṛkṣādyā vā tṛṇaukasaḥ |
vṛddhāpamānakartāro jāyante māhiṣā vṛṣāḥ || 60 ||
[Analyze grammar]

dāmpatyabhaṃgakartāro vidhurā janmajanmasu |
malendriyātilubdhāstu kīṭā malagatāḥ sadā || 61 ||
[Analyze grammar]

guptaghātāstu jhallādāḥ pāśinaḥ śvapacādayaḥ |
indriyahā bhavedindriyeṇa hīnaḥ kṣatiśritaḥ || 62 ||
[Analyze grammar]

ātatāyijanā yānti bhugnadehān sadārtidān |
tāmasāḥ saṃprajāyante yavanā daityarākṣasāḥ || 63 ||
[Analyze grammar]

patyurhantryaḥ prajāyante vidhavā janmajanmasu |
śvaśrūduḥkhapradā nārī gardabhī jāyate kṛśā || 64 ||
[Analyze grammar]

vadhūdveṣṭrī bhavenmārjārikā kuṣṭhādirogiṇī |
sāpatnyadveṣakartrī syācchunī kharjanarogiṇī || 65 ||
[Analyze grammar]

pakṣapātakarī yāyād daridre pāśavīṃ daśām |
kāryahantrī bhaved ghūkī kleṣadā kābarī bhavet || 66 ||
[Analyze grammar]

anaivedyarasāsvādā bhaved gṛdhrā ca garjukī |
śyenā bakī bhavet sā yā gṛhe kāpaṭyavartinī || 67 ||
[Analyze grammar]

dhūrtā kākī bhavet kṛṣṇā śṛgālī nāpitī tathā |
jāṃgulikī bhaved dviṣṭā santāne dveṣacāriṇī || 68 ||
[Analyze grammar]

ṣaṇḍhā syāt liṃgapātātmā'bhicārādiprayogiṇī |
mantrābhicārakartrī syād bhūtī piśācikā tathā || 69 ||
[Analyze grammar]

bālahā garbhahā bījahantrī tu rākṣasī bhavet |
antardāhakarī duḥkhapradā syād yavanī khasī || 70 ||
[Analyze grammar]

ityevaṃ bahujanmāno bhavanti nārakā janāḥ |
punaḥ karma punarjanma lakṣayoniṣu jāyate || 71 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne nārakāṇāṃ punarjanmacihnaparicayādikathananāmā saptaṣaṣṭitamo'dhyāyaḥ || 67 ||
[Analyze grammar]