Chapter 62

śrīnārāyaṇa uvāca |
śṛṇu lakṣmi  tataḥ paścāt saṃjñāyā yā kathā hyabhūt |
nityaṃ sūryaprasaṃge'syā jvalanaṃ duḥsahaṃ hyabhūt || 1 ||
[Analyze grammar]

evaṃ saṃjñā ravestejomahaduḥkhena bhāminī |
asahantīva sā citte cintayāmāsa vai sadā || 2 ||
[Analyze grammar]

kiṃ karomi kva gacchāmi kva yāmi sukhadaṃ sthalam |
yadi yāmi vinā hyājñāṃ sūryo me kopavānbhavet || 3 ||
[Analyze grammar]

tasmādājñāṃ gṛhītvaiva svapiturgṛhamemyaham |
iti sañcintya bahudhā sūryaṃ prāha muhustadā || 4 ||
[Analyze grammar]

deva me jāyate nityaṃ vicārastu piturgraham |
gantuṃ mīlayituṃ sarvān svasṝrbhātṝnsakhījanān || 5 ||
[Analyze grammar]

ājñāpayatu māṃ nātha yāmi devāya rocate |
sūryaḥ prāha na vai devi kālo'yaṃ gamanāya na || 6 ||
[Analyze grammar]

putrapālanakālo'yaṃ gṛhasaṃbhālanāya ca |
patyuḥ sevātilābhāya samayo'yaṃ tava priye || 7 ||
[Analyze grammar]

tatra gatvā nu te lābhaḥ ko vā bhāvī mama priye |
māṃ vihāya viyogasthaṃ kathaṃ sthāsyasi tatra vai || 8 ||
[Analyze grammar]

anāhūtā piturge he putrī gacchati vegataḥ |
satī śaṃkarapatnīva durdaśāmāpnuyāddhi sā || 9 ||
[Analyze grammar]

tasmānmā gaccha rambhoru gantavyaṃ tvanyadā punaḥ |
kanyā vivāhapūrvaṃ vai śobhante tu piturgṛhe || 10 ||
[Analyze grammar]

kṛtodvāhāstu tāḥ paścācchobhante svapatigṛhe |
khānapānavilepā'bhyaṃjanaprābhūṣaṇādibhiḥ || 11 ||
[Analyze grammar]

vastravāhanayānodyānopavanavihārakaiḥ |
vividhaiḥ smaraṇottejisādhanaistu navairnavaiḥ || 12 ||
[Analyze grammar]

ramayanti patiṃ premṇā tṛpyanti patisaukhyataḥ |
nirdhano vā pitā yāsāṃ vyayā'śaktaśca sarvathā || 13 ||
[Analyze grammar]

putryastadgṛhamāgatya duḥkhe taṃ yojayanti hi |
vastrairdhanairābharaṇaiścānyairbhogyaistu vastubhiḥ || 14 ||
[Analyze grammar]

aśakto raṃjane putryā mā duḥkhe pātayantu tam |
dine deha prayāsena śramyaṃ kāryaṃ vidhāya ca || 15 ||
[Analyze grammar]

dhanaṃ svodarapūrtyātma nītvā sāyaṃ gṛhaṃ gataḥ |
evaṃ tu pratidivasaṃ svodyogā'rjyā'lpanāṇakam || 16 ||
[Analyze grammar]

nītvā krīṇātyannavastraṃ mā taṃ duḥkhe nipātaya |
ityevaṃ bahu sandiṣṭā hyanunītā muhurmuhuḥ || 17 ||
[Analyze grammar]

saṃjñā tejo'sahaṃ duḥkhaṃ bhartre naiva vadatyapi |
paścāttu mohamāpannā vicārya ca muhuḥ svayam || 18 ||
[Analyze grammar]

patiryathā na jñāyeta dvitīyaṃ rūpamādadhe |
seyaṃ tanudvitīyā sā chāyā svasyaiva daihikī || 19 ||
[Analyze grammar]

hyabhūttatra tu saṃkalpya cetanaṃ samanodayat |
tejasvinī vahnisamā sūryatejaḥsahā tathā || 20 ||
[Analyze grammar]

pārthivāṃśasamakrāntā chāyā'bhūt strīsvarūpiṇī |
tathā sā cetanavatī nārīrūpā tu sundarī || 21 ||
[Analyze grammar]

saṃjñāsadṛśarūpā ca sarvaṃ saṃjñāmayaṃ hyabhūt |
piturgṛhaṃ tato gantuṃ kṛtabuddhiryaśasvinī || 22 ||
[Analyze grammar]

chāyāmāhūya satkṛtya datvā gṛhadhanādikam |
tāṃ provāca tvayā stheyamatra bhānoryathā mayā || 23 ||
[Analyze grammar]

tathā samyagapatyeṣu vartitavyaṃ yathā ravau |
na duṣṭamapi vācyaṃ te yathā bahumataṃ mama || 24 ||
[Analyze grammar]

saṃjñā'hamasmi saiveti vācyamevaṃ tvayā'naghe |
yadi pṛcchetpatiḥ krodhātpremato vānyakāraṇāt || 25 ||
[Analyze grammar]

tvaṃ tu sūryasya tāpaṃ vai sahiṣyase yathā tathā |
śītalaṃ te śarīraṃ vai bhaviṣyati tathā tathā || 26 ||
[Analyze grammar]

tāpasahanayogye vai śāntide jvaranāśake |
sukhade te śarīre vai tāpaḥ śamiṣyati drutam || 27 ||
[Analyze grammar]

uṣṇasya layakaraṇāt sūryo'pi śāntimeṣyati |
tasmāttvayā sadā sevyaḥ sūryo mayeva bhāvataḥ || 28 ||
[Analyze grammar]

bhartsane tāḍane vātha gālīdāne sumardane |
tvayā nodāsitavyaṃ na prakāśyaṃ mama gopanam || 29 ||
[Analyze grammar]

chāyā provāca saṃjñāṃ tu sahiṣye sarvamādarāt |
ākeśagrahaṇāccāhamāśāpācca vacastathā || 30 ||
[Analyze grammar]

kariṣye pālayiṣyāmi yāvatkeśāpakarṣaṇāt |
yadā vā maraṇaṃ yāvad duḥkhaṃ paśyāmi tāvatā || 31 ||
[Analyze grammar]

na tathāpi kathayiṣye tava vā mama vartanam |
gaccha devi  bhagini  tvaṃ piturgṛhaṃ sukhā bhava || 3 ||
[Analyze grammar]

kadāciccittavaiklavye smartavyā'haṃ tvayā svasaḥ |
ityevaṃ samayaṃ kṛtvā saṃjñā yayau piturgṛham || 33 ||
[Analyze grammar]

dadarśa tatra tvaṣṭāraṃ tapasaidhitavigraham |
namaskṛtya ca pitarau niṣasāda tadantike || 34 ||
[Analyze grammar]

bahumānācca tenā'pi pūjitā viśvakarmaṇā |
piturgṛhe sukhaṃ tasthai bahukālamaninditā || 35 ||
[Analyze grammar]

patyurgṛhaṃ prati gantuṃ yadā necchati putrikā |
tataḥ prāha sa dharmajñaḥ pitā putrīṃ ciroṣitām || 36 ||
[Analyze grammar]

tvāṃ tu me paśyato vatse dināni su bahūnyapi |
muhūrtena samāni syurbālaṃ kasya na rocate || 37 ||
[Analyze grammar]

putro vā yadi vā putryaḥ saguṇā nirguṇāśca vā |
sucittā vā vicittā vā yathā tathā ca vā punaḥ || 38 ||
[Analyze grammar]

tathāpi pitroḥ snigdhāḥ syurāhlādakārakāḥ sadā |
tvaṃ putri yauvanavatī raviṇā ca vivāhitā || 39 ||
[Analyze grammar]

ciraṃ tvatra nivāsena tava dharmo vilupyati |
bāndhaveṣu ciraṃ vāso nārīṇāṃ na yaśaskaraḥ || 40 ||
[Analyze grammar]

icchanti bāndhavā dharmaॆ patnyāḥ patigṛhe sthitim |
sā tvaṃ trailokyanāthena bhartrā sūryeṇa saṃgatā || 41 ||
[Analyze grammar]

piturgehe ciraṃ kālaṃ vastuṃ nārhasi putrike |
patyurgṛhe nivāsaṃ vai kartumarhasi putrike || 42 ||
[Analyze grammar]

ato bhartṛgṛhaṃ gaccha dṛṣṭo'haṃ pūjitā ca me |
punarāgamanaṃ kāryaṃ darśanāya śubhe kṣaṇe || 43 ||
[Analyze grammar]

yadi te manasi kiñcid duḥkhaṃ jāmātṛtaḥ kṛtam |
bhavejjñāpayitavyaṃ me satvaraṃ putrike'tra vai || 44 ||
[Analyze grammar]

no ced duḥkhaṃ sukhaṃ gaccha sevayāṃ'śukaraṃ prabhum |
tena tvamatra cāmutra dharmyāṃ siddhiṃ gamiṣyasi || 45 ||
[Analyze grammar]

ityuktāpi svakaṃ duḥkhaṃ lajjamānā satī tadā |
novāca pitaraṃ kiṃcid vicāryāpi muhurmuhuḥ || 46 ||
[Analyze grammar]

tathetyuktvā ca natvā ca pūjayitvā gurūṃstathā |
bhrātṝnsvasṝśca saṃśliṣya sā jagāmottarān kurūn || 47 ||
[Analyze grammar]

sūryatāpakṛtodvegā tejasastasya bibhyatī |
na gatā sā sūryagṛhaṃ gatāraṇyaṃ tapaḥpriyā || 48 ||
[Analyze grammar]

tatrā'nyeṣāmaviditā vaḍavārūpadhāriṇī |
tapaścacāra paramaṃ ghāsagrāsādijīvanā || 49 ||
[Analyze grammar]

saṃjñāmityeva manvāno chāyāyāṃ tu divākaraḥ |
janayāmāsa tanayau kanyāṃ caikāṃ manoramām || 50 ||
[Analyze grammar]

nāmnā tu sāvarṇimanuṃ tāpīṃ śanaiścaraṃ tathā |
sāvarṇistu manurbhāvī śanaiścaro graho bhavet || 51 ||
[Analyze grammar]

tapatī tu nadī tāpī gaurjare bhāvinī priye |
saṃjñāmityeva niścitya chāyāyāṃ ca divākaraḥ || 52 ||
[Analyze grammar]

ratyā saṃyujyamāno vai reme subahuvatsarān |
nā'vidatseyamanyeti tadā daivavaśāttu sā || 53 ||
[Analyze grammar]

chāyā divāniśaṃ samyak svasyā'patyasya vai muhuḥ |
cakārā'bhyadhikaṃ snehaṃ bhojanācchādanādiṣu || 54 ||
[Analyze grammar]

saṃjñāyā na tathā putrīputrayoścā'pyavartata |
manustatkṣāntavānasyā yamastasyā na cā'kṣamat || 55 ||
[Analyze grammar]

prāgabhūdbahumānaḥ sa sapatnyā duḥkhito'dya ca |
sapatnyāścāvamānāya krodhaṃ sa tu cakāra vai || 56 ||
[Analyze grammar]

tato roṣācca bālyācca bhāvino'rthasya vai balāt |
tāḍanāya tu tāṃ chāyāṃ pādastena samudyataḥ || 57 ||
[Analyze grammar]

tasyāḥ punaḥ kṣāntamanā na tu dehe nyapātayat |
tataḥ śaśāpa taṃ krodhāt sapatnī jananī yamam || 58 ||
[Analyze grammar]

kiñcitprasphuramāṇauṣṭhī vicalatpāṇipallavā |
patnyāṃ pituryadi mayi pādamudyacchase balāt || 59 ||
[Analyze grammar]

bhuvi tasmādayaṃ pādastavādyaiva patatviti |
ityākarṇya yamaḥ śāpaṃ mātaryativiśaṃkitaḥ || 60 ||
[Analyze grammar]

abhyetya pitaraṃ prāha praṇipātapuraḥsaram |
tātaitanmahadāścaryamadṛṣṭamiti ca kvacit || 61 ||
[Analyze grammar]

krodhaṃ karoti nityaṃ me subahu bhartsayatyapi |
mātā vātsalyamutsṛjya śāpaṃ putre prayacchati || 62 ||
[Analyze grammar]

nirguṇeṣvapi putreṣu na mātā nirdayī bhavet |
yathā mātā tu māṃ cakhyau neyaṃ mātā tathā mama || 63 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayuga santāne saṃjñāyāḥ svacchāyārūpanārīṃ sūryāya samarpya svapitṛgṛhagamanaṃ chāyāyā yamaṃ prati snehaśūnyavartanaṃ cetivarṇananāmā dviṣaṣṭitamo'dhyāyaḥ || 62 ||
[Analyze grammar]