Chapter 48

śrīlakṣmīruvāca |
indrasya brahmahatyā tu kathaṃ jāteti me hṛdi |
paraṃ kutūhalaṃ prāptaṃ tatkathāṃ kathaya prabho || 1 ||
[Analyze grammar]

pṛthunā ca kadā pṛthvī samīkṛteti kīrtaya |
tatpūrvaṃ kīdṛśī devī samāsītpṛthivī prabho || 2 ||
[Analyze grammar]

śrīnārāyaṇa uvāca |
śṛṇu lakṣmi  pravakṣyāmi hyāditastāṃ kathāṃ śubhām |
yā śrutā bhagavadyogātpāpahantrī bhavatyapi || 3 ||
[Analyze grammar]

brahmaṇo marīciḥ putrastasya vai kaśyapaḥ sutaḥ |
kaśyapasya tvadityāṃ ca tvaṣṭā putro hyabhūcchubhaḥ || 4 ||
[Analyze grammar]

tvaṣṭā patnyāṃ racanāyāṃ viśvarūpamajījanat |
viśvarūpo'bhavattatra devānāṃ tu purohitāḥ || 5 ||
[Analyze grammar]

ekadendrasabhāyāṃ tu bṛhaspatirupāgamat |
abhyutthānādinā cendraḥ satkāraṃ tasya nā''carat || 6 ||
[Analyze grammar]

tata ārabhya gururāḍ bṛhaspatirdivaukasām |
paurohityaṃ tu tatyāja devānāmityataḥ param || 7 ||
[Analyze grammar]

paurohityaṃ dadāvindro viśvarūpāya tatparam |
indreṇa tu kṛte yajñe viśvarūpaḥ purohitaḥ || 8 ||
[Analyze grammar]

devebhyastu baliṃ datvā'surebhyo'pi dadau rahaḥ |
daityāstu mātulāstasya tasmācchannaṃ baliṃ dadau || 9 ||
[Analyze grammar]

pracchannaṃ tatpradattaṃ vai baliṃ jñātvā tu devarāṭ |
cukrodha jagṛhe śastraṃ ciccheda tacchirastrayam || 10 ||
[Analyze grammar]

ekaṃ tu mastakaṃ tasya somapānakaraṃ hyabhūt |
tacchedane tu sañjātāḥ pakṣiṇo vai kapiñjalāḥ || 11 ||
[Analyze grammar]

dvitīyaṃ mastakaṃ tasya kvāthapānakaraṃ hyabhūt |
tacchedane tu sañjātāḥ kalaviṃkāstu pakṣiṇaḥ || 12 ||
[Analyze grammar]

tṛtīyaṃ mastakaṃ tasya cā'nnabhojanakṛt tvabhūt |
tacchedane tu sañjātāstittirākhyāstu pakṣiṇaḥ || 13 ||
[Analyze grammar]

purohitacchiraśchede brahmahatyā babhūva sā |
raktā kṣārā harit kṛṣṇā bhayadā citrarūpiṇī || 14 ||
[Analyze grammar]

vavalge sā mahendraṃ tu citravarṇo'bhavaddhi saḥ |
tato devairmilitvā tāṃ caturbhāgairvibhajya ca || 15 ||
[Analyze grammar]

yajñā'nte'śrāvayatspaṣṭaṃ deyā vinimayena hi |
brahmahatyāturyabhāgaṃ gṛhṇantu vyaktayastu yāḥ || 16 ||
[Analyze grammar]

tābhyo deyo varastāsāmiṣṭa eva na saṃśayaḥ |
śrutvā tu kāmatṛptyarthaṃ nārībhirīpsito varaḥ || 17 ||
[Analyze grammar]

arthitaḥ kāmabhoge vai bahumaithuna sevane |
kṛte'pi na śramo nityakāmabhogo'stu caicchikaḥ || 18 ||
[Analyze grammar]

devairevaṃ varaṃ datvā brahmahatyā caturthakaḥ |
bhāgo'rpitastu nārībhyastadraktamārtavaṃ hyabhūt || 19 ||
[Analyze grammar]

tata ārabhya nārīṇāṃ kāmadevo navo navaḥ |
māsi māsi rajolābhaḥ puṣpaṃ garbhadhṛgapyabhūt || 20 ||
[Analyze grammar]

atha bhūmyā'rthitaṃ yatra yatra me nimnatā bhavet |
khātatā vā tatra tatra prapūrtirme sadā bhavet || 21 ||
[Analyze grammar]

imaṃ varaṃ dharāyai tu datvā bhāgaṃ caturthakam |
bhūmeḥ khātapradeśāstu pūryante tatsvabhāvataḥ || 22 ||
[Analyze grammar]

tatra tatra kṣārabhāgo bhavatīti tu tatphalam |
athavṛkṣādibhistatrā'rthitaṃ hyākasmikasthitau || 23 ||
[Analyze grammar]

kṣate chinne ca bhugne ca punaḥ saṃrohaṇaṃ bhavet |
datvā drubhyo varastatra hatyābhāgacaturthakaḥ || 24 ||
[Analyze grammar]

drubhyo dattaśca teṣāṃ vai kṛṣṇagundrasravaśca yaḥ |
na bhakṣyate sa vai kīṭo brahmahatyāphalātmakaḥ || 25 ||
[Analyze grammar]

athā'dbhiḥ svepsitastatra varo'pyarthita udgame |
jalapūrtirbhavetprasravaṇādyeṣu samantataḥ || 26 ||
[Analyze grammar]

yatra dravye jalakṣepastasya vṛddhirbhavet sadā |
tatra vāso rasarūpeṇā'smākaṃ bhavatāditi || 27 ||
[Analyze grammar]

tādṛgvarastu tebhyo vai hatvā hatyācaturthakam |
datte tena jale bhūmau sarvadā pūrtirīkṣyate || 28 ||
[Analyze grammar]

jale hatyāsvarūpantu śaivālaḥ phenabudbudāḥ |
ityevaṃ brahmahatyānāṃ bhāgāścatvāra īritāḥ || 29 ||
[Analyze grammar]

icchukebhyaśca dattāste hīndraḥ śuddhiṃ jagāma ha |
tata ārabhya devendro yajñānkārayati prathān || 30 ||
[Analyze grammar]

athendrasya vivadhārthaṃ putraniṣkrayalabdhaye |
hataputrastadā tvaṣṭā juhāvā'gnau samantrakam || 31 ||
[Analyze grammar]

indraśātṛ vivardhasva jahīndraṃ cā'tra satvaram |
iti homena tatraiva puruṣo ghoradarśanaḥ || 32 ||
[Analyze grammar]

samutpede mahākāyaḥ kālasannibharūpadhṛk |
nityaṃ sahasra hastānāṃ vardhamāno'gradhūmrabhaḥ || 33 ||
[Analyze grammar]

kāntyā sandhyā'bbhrasadṛśaḥ triśūlaṃ bhrāmayan sthitaḥ |
tāmrāmakeśajaṭilo madhyāhnārkogranetravān || 34 ||
[Analyze grammar]

garjaṃśca kampayan pṛthvīmākāśaṃ saṃlihanniva |
prakāśaṃ bhakṣayannagre'ndhaṃ tama udvamanniva || 35 ||
[Analyze grammar]

andhakārasvarūpeṇa tena lokāḥ samāvṛtāḥ |
sa vai vṛtra iti nāmnā tvaṣṭrā''hūtastu dāruṇaḥ || 36 ||
[Analyze grammar]

taṃ devāḥ samabhidrutya nijaghnurdivyahetibhiḥ |
astraśastrāṇi sarvāṇi so'grasatsarvataḥ svayam || 37 ||
[Analyze grammar]

vismitāśca tadā devā viṣaṇṇā naṣṭatejasaḥ |
antaḥsthitaṃ prabhu devamastuvan bhagnavṛttayaḥ || 38 ||
[Analyze grammar]

namo'stu te śrīpuruṣottamāya brahmādhidevāya parātparāya |
brahmātmane muktatanusthitāya namo'stu te trāhi bhayāvṛtānnaḥ || 39 ||
[Analyze grammar]

śrīvāsudevaprabhṛtīśvarāṇāṃ vaikuṇṭhadhāmādipatīśvarāṇām |
sadāśivādīśvarakoṭikānāṃ śāstre namastrāṇamatho kuru tvam || 40 ||
[Analyze grammar]

tvayāsvapṛṣṭhe vidhṛtastu śailaḥ śrṛṃge svakīye'vadhṛtā tu naukā |
tvayāsvadante'vadhṛtā vasundhrā sa eva devaḥ prakarotu rakṣām || 41 ||
[Analyze grammar]

vayaṃ visṛṣṭāḥ paripālanāya tannaśyāma īkṣāndhatamaḥ suviklavāḥ |
śastrā'strahīnā ariṇā'rditā muhurdevādhidevo'raṇamārtihā kriyāt || 42 ||
[Analyze grammar]

iti stutvā viraramurdevā brahmapurogamāḥ |
bhagavān śrīharistatrā''virbabhūva dhṛtāyudhaḥ || 43 ||
[Analyze grammar]

sarvāvayavasaundaryadivyadhyeyamanoharaḥ |
daṇḍavatpatitā devāḥ punarutthāya tuṣṭuvuḥ || 44 ||
[Analyze grammar]

pāhi nātha mahāghorād vṛtrāsuramahābhayāt |
hare tvāṃ vai prapannāḥ sma trātāramacyutaṃ prabhum || 45 ||
[Analyze grammar]

śrīhariruvāca |
indra yāhi svasti vo'stu dadhyaṃcaṃ yoginamṛṣim |
vidyātapomayaṃ gātraṃ yācateti pradāsyati || 46 ||
[Analyze grammar]

śrīnārāyaṇa uvāca |
ityuktvā śrīharistāvat tatraivāntardadhe tataḥ |
devā gatvā tu dadhyañcamayācata muhustanum || 47 ||
[Analyze grammar]

dadhyañcā suprasannena paropakṛtiśālinā |
śarīraṃ yogamāsthāya parityaktaṃ tadaiva hi || 48 ||
[Analyze grammar]

tadasthikāritaṃ vajramindraścādāya harṣataḥ |
vṛtramabhyadravaddhantuṃ harṣayandevamaṇḍalam || 49 ||
[Analyze grammar]

tatra devā rudravasvādityāgnivāyavastathā |
pitaraḥ ṛbhavaḥ sādhyā viśvedevāḥ kumārakāḥ || 50 ||
[Analyze grammar]

anye ca devatāstatra militā raṇagāminaḥ |
asurāścāpi vṛtrasthā vṛtrapakṣaprapātinaḥ || 51 ||
[Analyze grammar]

namuciśaṃbarā'narvaṃdvimūrdharṣabhakālayaḥ |
hayagrīvaśaṃkuśiravipracittisvayomukhāḥ || 52 ||
[Analyze grammar]

pulomavṛṣaparvādihetiprahetidānavāḥ |
yakṣāśca rākṣasāścāpi siṃhagarjanakārakāḥ || 53 ||
[Analyze grammar]

sarvaśastrakarāste vai gadāparighapāṇayaḥ |
bāṇatomaramudgaprāsaśūlaparaśvadhaiḥ || 54 ||
[Analyze grammar]

khaḍgaiḥ śastraistathā'straiśca śataghnībhūśuṇḍibhirhi saḥ |
sarvato'vākirankrodhāttumulaṃ vibudharṣabhān || 55 ||
[Analyze grammar]

teṣāṃ śastrāṇi devaistu bhagnānyeva sahasradhā |
vṛtrapakṣāḥ palāyitā devāḥ svāsthyaṃ pralebhire || 56 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne viśvarūpasya hatyāyāścaturdhā vitaraṇaṃ vṛtrotpattirvṛtranāśāya dadhyaṃcā'sthinirmitavajreṇa yuddhamiti nirūpaṇanāmā'ṣṭacatvāriṃśo'dhyāyaḥ || 48 ||
[Analyze grammar]