Chapter 43

śrīnārāyaṇa uvāca |
yadā tu brahmaṇā dṛṣṭaṃ tejaḥ kevalamulbaṇam |
sarvaṃ dahyedvinaśyecca puṣyecchiśyeta naiva ca || 1 ||
[Analyze grammar]

tatastacchāntikārāya puṣṭyai ca prārthayat prabhum |
devaṃ nārāyaṇaṃ tāvannārāyaṇasya mānasāt || 2 ||
[Analyze grammar]

saṃkalpādvāmacakṣuṣṭa udbhūtaṃ teja alpakam |
śītalaṃ poṣakaṃ tṛptikaraṃ cāmṛtavarṣi yat || 3 ||
[Analyze grammar]

tasmādekātkaṇānnānākoṭyarbudakaṇāḥ kṛtāḥ |
golakāste mahānto vai jātā vedhasa icchayā || 4 ||
[Analyze grammar]

vedhobhī rakṣitāste vai brahmāṇḍeṣu svakeṣu ca |
tatra jātāśca te candrāśca śaityaṃ drāvayantyataḥ || 5 ||
[Analyze grammar]

tasya tejaḥ prapūrtyarthaṃ yācito bhagavān yadā |
prāha sūryanivāsena kiraṇena mayā sadā || 6 ||
[Analyze grammar]

poṣaṇaṃ dāsyate tatra pūrtiste tejaso bhavet |
ityataḥ svarṇapuruṣastejo'rpayatyaharniśam || 7 ||
[Analyze grammar]

śāntipuṣṭikaraṃ peyamamṛtaṃ sukhasaṃbhṛtam |
snigdhamānandabhratsarvaṃ tāpanivṛttikāraṇam || 8 ||
[Analyze grammar]

uṣṇaduḥkhāttārakatvāttārakaṃ teja eva tat |
casya śaityasya saṃdānāt cāndraṃ tejo'pi caiva tat || 9 ||
[Analyze grammar]

tādṛśaṃ tu paraṃ tejomayaṃ candraṃ vidhāya ca |
brahmā rakṣitavān svarge miṣṭā''nandāya dehinām || 10 ||
[Analyze grammar]

candro'pi sarvadā pūrṇaḥ sadaikasthitiko hyabhūt |
paścātkālāntare strīṣu pakṣapātātkṣayaṃ gataḥ || 11 ||
[Analyze grammar]

punaśca śaṃkareṇāpi tadrogādardhatāritaḥ |
tathaiva tasya yogyatvādardharakṣā kṛtā tadā || 12 ||
[Analyze grammar]

śrīlakṣmīruvāca |
kathā candramasaḥ strīṣu pakṣapātitayā ca yā |
kṣayaṃkarā'bhavattāṃ me śrāvayasva kṛpānidhe || 13 ||
[Analyze grammar]

kāśca tasya striyaḥ kati kathaṃ tatpakṣapātitā |
kathaṃ śāpaḥ kathaṃ muktiḥ kathaṃ cārdhakṣayiṣṇutā || 14 ||
[Analyze grammar]

etatsarvaṃ samākṣasva paramāścaryamatra me |
devasyā'pīdṛśī pīḍā tava rūpasya he vibho || 15 ||
[Analyze grammar]

śrīnārāyaṇa uvāca |
śṛṇu sāṃgāṃ kathāṃ tasya vicitrāṃ kāmavegajām |
śrutvā sāpatnyaduḥkhā'pi tvaṃ māṃ maivaṃ kariṣyasi || 16 ||
[Analyze grammar]

brahmaṇo mānasaḥ putro dakṣaḥ prajāpatiḥ purā |
manasā kalpayāmāsa kanyakāḥ sṛṣṭi hetave || 17 ||
[Analyze grammar]

saptaviṃśatikanyāstu rohiṇīpramukhā iti |
dadau candramase yāstu nakṣatrāṇi bhavanti tāḥ || 18 ||
[Analyze grammar]

nāmnā'śvinī ca bharaṇī kṛttikā rohiṇī tathā |
mṛgaśīrṣā tathā''rdrā punarvasuśca puṣyakam || 19 ||
[Analyze grammar]

āśleṣā ca maghā pūrvāphālgunyuttaraphālgunī |
hastiścitrā tathā svātirviśākhā cānurādhikā || 20 ||
[Analyze grammar]

jyeṣṭhā mūlaṃ tathā pūrvāṣāḍhā cottaraṣāḍhikā |
śravaṇaṃ ca dhaniṣṭhā ca śatatārā tathā ca vai || 21 ||
[Analyze grammar]

pūrvabhādrapadā caivottarabhādrapadā tathā |
revatī ceti candrasya patnyastu saptaviṃśatiḥ || 22 ||
[Analyze grammar]

sarvā divyāḥ kāṃcanābhā raktā dvādaśahāyanāḥ |
tāsvapi rūpalāvaṇyasaubhāgyasadguṇorjitā || 23 ||
[Analyze grammar]

rohiṇī sarvadā kāmakuśalā prāṇahāriṇī |
candro yathā yathā hīcched rohiṇī vartate tathā || 24 ||
[Analyze grammar]

netraṃ premabharaṃ tasmai darśayatyeva cittahṛt |
mukhaṃ hāsyabharaṃ saumyaṃ sarvaśrṛṃgārataijasam || 25 ||
[Analyze grammar]

vakranetrabhruvorbhaṃgaṃ darśayatyapi cittahṛt |
raktāvoṣṭhau phullagaṇḍau darśayatyeva śāntidau || 26 ||
[Analyze grammar]

puṣpamālāṃ kare dhṛtvā manojñāmarpayatyapi |
stanau svalpau sughaṭau ca kaṃcukīdṛḍhatāṃ gatau || 27 ||
[Analyze grammar]

ramyau kesararaṃgāḍhyau yuvatī darśayatyapi |
udaraṃ suvarṇavarṇaṃ kaṭiṃ tanvīṃ sukomalām || 28 ||
[Analyze grammar]

nitambau madhyakuṃbhābhau vāsastāralyadarśanau |
alomakaṃ sūkṣmamadhyaṃ svarṇābhaṃ darśayatyapi || 29 ||
[Analyze grammar]

sakthnoḥ suvarṇayormūlaṃ mantharaṃ darśayatyapi |
āgatya gaṇḍake tālīṃ datvā gacchati satvaram || 30 ||
[Analyze grammar]

parāvṛtya punaḥ kaṇṭhe hastaṃ kṛtvā ca cumbanam |
spṛṣṭvā guptaṃ mukhaṃ datvā vilāsaṃ bhāvayatyapi || 31 ||
[Analyze grammar]

kvacidvāso vinā bhūtvā svātmānaṃ darśayatyapi |
mano jahāra candrasya lajjāṃ santyajya sarvathā || 32 ||
[Analyze grammar]

candraḥ ṣoḍaśavarṣo'pi vīryasyā'kṣayaśevadhiḥ |
reme reme punā reme tṛptyā reme punaḥ punaḥ || 33 ||
[Analyze grammar]

sarvadaiva tu rohiṇyāṃ reme reme punaḥ punaḥ |
rohiṇyapi navaṃ saumyaṃ rūpaṃ cakre punaḥ punaḥ || 34 ||
[Analyze grammar]

ramitvā'pi punā reme nā'nyāḥ sasmāra candramāḥ |
kvacitkadācidanyābhiḥ saṃreme'pi tathāpi tāḥ || 35 ||
[Analyze grammar]

kvācitkādramaṇāttṛptiṃ na yānti rohiṇīva hi |
sarvāsāṃ yauvane puṣṭe sadṛśe'pi tu candramāḥ || 36 ||
[Analyze grammar]

rohiṇīrodhataḥ sarvā bheje samatayā nahi |
tatastābhiḥ prārthitaḥ svapatiḥ saukhyāya bhāgataḥ || 37 ||
[Analyze grammar]

tathāpi rohiṇī tāsāṃ saukhyārthaṃ nā'nvamanyata |
svārthamātra parākrāntā pakṣapātamakārayat || 38 ||
[Analyze grammar]

tadā tvanyā udāsīnā hyakurvan śokamātmasu |
kiṃ nāma kṛtalagnena yāsāṃ patisukhaṃ nahi || 39 ||
[Analyze grammar]

vegārūḍhayuvatvā''ḍhyakāmavyāptadvayorapi |
yadi kāmasukho yogo na syāt kiṃ tena lagninā || 40 ||
[Analyze grammar]

pūruṣasya striyāścāpi yatheṣṭaṃ kāmatarpaṇam |
na syād yadi kṛtaṃ tena lagnena viphalārthinā || 41 ||
[Analyze grammar]

kāmapūrṇaśarīrā yā navayauvanaśālinī |
patyuḥ sukhaṃ labheccenna kiṃ lagnena kṛtena vai || 4 ||
[Analyze grammar]

vaidhavyaṃ vā kumārītvaṃ tasmāttu varamucyate |
sati patyau na kāmasya sukhaṃ prāpnotyabhāginī || 43 ||
[Analyze grammar]

varaṃ tu kūpapatanaṃ varaṃ dahanamagninā |
varaṃ tu garalaṃ bhakṣyaṃ kāmadāhanaduḥkhataḥ || 44 ||
[Analyze grammar]

varaṃ pitṛgṛhe vāso varaṃ sādhvītvamityapi |
na tu patyau sati kāmāgninā hyātmapradāhanam || 45 ||
[Analyze grammar]

mā vai bhavatu kāsāṃcit patirnapuṃsakaḥ kvacit |
vā mā bhavatu duṣpremā vipremā kṣaṇiko'pi vā || 46 ||
[Analyze grammar]

mā vā bhavatu sāpatnyaṃ śātravaṃ duḥkhamaṇvapi |
evaṃ vilapya bahudhā sarvāstāḥ svapitugṛhe || 47 ||
[Analyze grammar]

gatvā nivedayāmāsuḥ patyurduḥkhaṃ punaḥ punaḥ |
pitaḥ kanyā na dātavyā premahīnāya śuṣmiṇe || 48 ||
[Analyze grammar]

pakṣapātapragantre ca rogiṇe'nyāsu śāyine |
asmābhirnaiva gantavyaṃ candrasya bhavane kvacit || 49 ||
[Analyze grammar]

asmān samatayā candro bhajate naiva karhicit |
pitugṛhaṃ yathā śuṣkaṃ patyugṛhaṃ tato'dhikam || 50 ||
[Analyze grammar]

śuṣkaṃ śuṣkāyate sarvaṃ pūrṇaṃ ratisukhaṃ vinā |
satyaṃ yathānubhūtaṃ vai vadāmaḥ sarvathā pitaḥ || 51 ||
[Analyze grammar]

jāmātā rohiṇīṃ te tu sarvadā bhajate muhuḥ |
nāsmān kvacitkvaciccedvai tatrāpi naiva pūrṇatā || 52 ||
[Analyze grammar]

tato vayaṃ na gantāsmāścandrasya bhavane punaḥ |
martavyaṃ naiva gantavyaṃ yatra duḥkhaṃ hi kevalam || 53 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne candrotpattistato rohiṇyāṃ pakṣapātenā'nyāsāṃ patnīnāṃ dakṣāya nivedanādināmā tricatvāriṃśo'dhyāyaḥ || 43 ||
[Analyze grammar]