Chapter 40

śrīlakṣmīruvāca |
pitaraḥ katidhā bodhyāḥ kiṃ deyaṃ kiṃ phalaṃ tathā |
abhisandhāya pitaraṃ pituśca pitaraṃ tathā || 1 ||
[Analyze grammar]

pituḥ pitāmahaṃ caiva triṣu piṇḍeṣu nāmataḥ |
kāni śrāddhāni deyāni kathaṃ gacchanti vai pitṝn || 2 ||
[Analyze grammar]

bhuvi bhuvari svarge vā duḥkhinaḥ sukhino'pi vā |
pūrvajā dehamāpannā bhaveyuḥ pitaro na vā || 3 ||
[Analyze grammar]

śrīnārāyaṇa uvāca |
devāśca ṛṣayaścaiva jīvāścāpi hyanekaśaḥ |
karmaloke samāgamya kṛtvā karmāṇi bhūriśaḥ || 4 ||
[Analyze grammar]

jāyante pitaraste vai pṛthvyādilokavāsinaḥ |
kecitpṛthvyāṃ saṃvasanti tiṣṭhantyanye bhuvaḥ stare || 5 ||
[Analyze grammar]

te tu sarve vāsanābhirjātā''kasmikamṛtyavaḥ |
kecitsvarge tu gacchanti ye vai puṇyaparāyaṇāḥ || 6 ||
[Analyze grammar]

kecinmaharjanatapolokānprayānti puṇyataḥ |
somalokaṃ sūryalokaṃ vidyullokaṃ tathā pare || 7 ||
[Analyze grammar]

agnilokaṃ cendralokaṃ nakṣatrādigrahastarān |
yānti puṇyānusāreṇa devāste pitaraḥ smṛtāḥ || 8 ||
[Analyze grammar]

bhavanti pitaro devā devāśca pitaraḥ punaḥ |
lokāḥ sāntānikā nāma pitṝṇāṃ bhāsvarā matāḥ || 9 ||
[Analyze grammar]

yatra kvāpi sthitān pitṝn smaranti vaṃśajāstu yān |
sāntānikaistu pitṛbhistatrā''gantavyameva yat || 10 ||
[Analyze grammar]

pitṝṇāṃ tu bhavedrājā somaścā'pyaryamā tathā |
aryamā kiraṇaiḥ somamuttejayati cā'nvaham || 11 ||
[Analyze grammar]

somaśca kiraṇaiḥ sarvamāpyāyayati vai jagat |
tasmāśca pitaraḥ sarve somaṃ tṛpyanti cā''pya vai || 12 ||
[Analyze grammar]

somaṃ tu pitaraṃ śrāddhairāpyāyya tṛptimāpnuyuḥ |
somalokanivāsā ye pitaraḥ somajīvanāḥ || 13 ||
[Analyze grammar]

śrāddhairāpyāyitaḥ somo lokonāpyāyayiṣyati |
kṛtsnaṃ saparvatavanaṃ jaṃgamājaṃgamairvṛtam || 14 ||
[Analyze grammar]

śrāddhāni puṣṭikāmāśca ye kariṣyanti mānavāḥ |
tebhyaḥ puṣṭiṃ prajāścaiva dāsyanti pitaraḥ sadā || 11 ||
[Analyze grammar]

śrāddhe yebhyaḥ pradāsyanti trīn piṇḍān nāmagotrataḥ |
sarvatra vartamānāste pitaraḥ prapitāmaham || 16 ||
[Analyze grammar]

teṣāmāpyāyayiṣyanti śrāddhadānena ca prajāḥ |
sukhino duḥkhino vāpi pitarastu savāsanaḥ || 17 ||
[Analyze grammar]

tebhyo'vaśyaṃ jalamannaṃ deyaṃ śaktyā tu vaṃśajaiḥ |
pitarastena tṛptāḥ syuḥ sumūrtā vāpyamūrtayaḥ || 18 ||
[Analyze grammar]

teṣāṃ sapta samākhyātā gaṇāstrailokyapūjitāḥ |
amūrtayastrayasteṣāṃ catvārastu samūrtayaḥ || 19 ||
[Analyze grammar]

upariṣṭāt trayasteṣāṃ vartante bhāvamūrtayaḥ |
teṣāmadhastād vartante catvāraḥ sūkṣmamūrtayaḥ || 20 ||
[Analyze grammar]

śraddhayā bhāvanayā ca tṛpyanti bhāvamūrtayaḥ |
annādipuṇyatṛptāste bhavanti sūkṣmamūrtayaḥ || 21 ||
[Analyze grammar]

manojavāḥ svadhābhaktāḥ sarvadeya suvastavaḥ |
annaṃ somaṃ ca saṃlabdhvā''pyāyante tṛptamānasāḥ || 22 ||
[Analyze grammar]

tatra śrāddhe jalānnaiste tṛpyanti dānabhāvanaiḥ |
jñānino viṣṇubhaktāste brahmārpaṇakriyādibhiḥ || 23 ||
[Analyze grammar]

pūrṇayugasahasrānte jāyante brahmavādinaḥ |
utsṛjya dehajātāni mokṣaṃ gacchantyamūrtayaḥ || 24 ||
[Analyze grammar]

kriyayā gurupūjābhistṛpyanti tu samūrtayaḥ |
śrāddhe tṛptāḥ punaḥ somaṃ pibanti pitaraśca te || 25 ||
[Analyze grammar]

sahasraśastu viprānvai sādhūn bālāṃśca bhojayet |
tṛpyanti pitarasteṣāṃ sādhvīnāṃ bhojanena ca || 26 ||
[Analyze grammar]

viprāṇāṃ tu sahasreṇa snātakānāṃ śatena ca |
anāthānāṃ sahasreṇa vānaprasthaśatena ca || 27 ||
[Analyze grammar]

sādhvī caikā sādhureko bhojane tu viśiṣyate |
sādhuḥ sādhvī harerbālau jñānadhyānamayau yataḥ || 28 ||
[Analyze grammar]

divyau mokṣakarau tuṣṭau yoginau brahmatanmayau |
putraḥ pautraḥ prapautro vā bālau tau bhojayiṣyati || 29 ||
[Analyze grammar]

pitarastasya tṛpyanti suvṛṣṭeneva karṣukaḥ |
alābhe sādhusādhvīnāṃ bhojayed brahmacāriṇau || 30 ||
[Analyze grammar]

tadalābhe tu dauhitraṃ hyatithiṃ cāpi bhojayet |
siddhāśca guptarūpeṇa caranti bahudhā'nvaham || 31 ||
[Analyze grammar]

sādhusādhvīsvarūpaṃ tamatithiṃ pūjayetsadā |
urvī sāgaraparyantāṃ devā yogeśvarāstathā || 32 ||
[Analyze grammar]

nānārūpaiścarantyete prajādharmaprapālakāḥ |
siddhāḥ santaśca sādhvyaśca vicaranti mahītale || 33 ||
[Analyze grammar]

lakṣmīnārāyaṇarūpāsteṣāṃ pūjanamācaret |
dadyācca bhojanaṃ ramyaṃ vyaṃjanāni phalāni ca || 34 ||
[Analyze grammar]

devāśca pitaraścaica vahriścā'tithirūpakān |
āviśya bhuṃjate tadvai pūjayeda tithīnsadā || 35 ||
[Analyze grammar]

bālānabhyāgatān khinnānsādhūn sādhvīrnirāśrayān |
bhaktāṃśca yācakān jānīyādatithyātmakān sadā || 36 ||
[Analyze grammar]

abhyāgato yācakaḥ syādatithiḥ syādayācakaḥ |
pipāsināya śrāntāya bhrāntāyā'tibubhukṣate || 37 ||
[Analyze grammar]

viduṣe sādhave sādhvyai bālāyā'nāśrayāya ca |
tasmai satkṛtya dātavyaṃ yajñasya phalamicchatā || 38 ||
[Analyze grammar]

sādhavaśca mahātmānaḥ śrāddhe satkṛtya pūjitā |
mokṣaṃ yogamathaiśvaryaṃ prayacchanti pitāmahāḥ || 39 ||
[Analyze grammar]

sarveṣāṃ rājataiḥ pātrairapi vā rajatānvitaiḥ |
dattaṃ svadhāṃ purodhāya tathā prīṇāti vai pitṝn || 40 ||
[Analyze grammar]

pitṝn prīṇāti vai bhaktyā pitaraḥ prīṇayanti tam |
pitaraḥ puṣṭikāmasya pūjākāmasya vā punaḥ || 41 ||
[Analyze grammar]

puṣṭi prajāṃ ca susvargaṃ prayacchanti na saṃśayaḥ |
vimānāni sahasrāṇi yuktānyapsarasāṃ gaṇaiḥ || 42 ||
[Analyze grammar]

sarvakāmaprasiddhāni prayacchanti pitāmahāḥ |
prajñāṃ puṣṭiṃ smṛtiṃ medhāṃ rājyamārogyamityapi || 43 ||
[Analyze grammar]

muktāvaidūryavāsāṃsi vājināgā'yutāni ca |
koṭiśaścāpi ratnāni prayacchanti pitāmahāḥ || 44 ||
[Analyze grammar]

sauvarṇaṃ rājataṃ tāmraṃ pitṝṇāṃ pātramucyate |
rajataṃ rajatāktaṃ vā pitṝṇāṃ pātramuttamam || 45 ||
[Analyze grammar]

rajatasya kathā vāpi darśanaṃ dānameva ca |
anantamakṣayaṃ svargyaṃ pitṝṇāṃ dānamucyate || 46 ||
[Analyze grammar]

pitṝnetena dānena satpātrāstārayantyuta |
kāṃcanaṃ rājataṃ tāmraṃ dauhitraḥ kutapāstilāḥ || 47 ||
[Analyze grammar]

vastraṃ ca pāvanīyāni sādhvī ca sādhurityapi |
prīyante pitaro yena bhojyena surasena ca || 48 ||
[Analyze grammar]

tāni teṣāṃ pravakṣyāmi sarvakāmapradāni vai |
śrāddhakāle subhojyāni pitṝṇāṃ toṣaṇāya vai || 49 ||
[Analyze grammar]

paramānnaṃ dugdhapākaḥ pūrikāḥ polikāstathā |
śatacchidrāṇyapūpāśca miṣṭāḥ pūraṇapolikāḥ || 50 ||
[Analyze grammar]

rutalyaśca tathā ghāripūrikāśca praroṭakāḥ |
phāphaṭāḥ sthirakāścaiva ghṛtacūrṇā guḍaudanāḥ || 51 ||
[Analyze grammar]

śaśkulyaḥ khājakāścaiva saṃyāvo modakāstathā |
kaṃsāraḥ parpikākhaṇḍāḥ piṇḍakā granthakāstathā || 52 ||
[Analyze grammar]

kalikālaḍaḍukāścāpi kalikāḥ sevikāstathā |
sohālikā maṇḍakāśca vaṭikā ghṛtapūraṇāḥ || 53 ||
[Analyze grammar]

pūpāśca mauktikāścaiva śāṭakāḥ sūtrapheṇikāḥ |
sukhadāḥ śālipiṣṭāśca mudgamodakaghurgharāḥ || 54 ||
[Analyze grammar]

tilaśrṛṃkhā gundrapākaḥ pītasārāśca śarkarāḥ |
meśubho mohanasthāla odanaḥ puṣpavaṭṭikāḥ || 55 ||
[Analyze grammar]

nivārāśca yavāścaiva rājagarvādayastathā |
śrṛṃgāṭakā raktālavo vaṭāṇā dvidalāstathā || 56 ||
[Analyze grammar]

vhālāśca parpaṭāścaiva parpaṭyaḥ kvathikā dadhi |
harinmāṣāśca mudgāśca tuvaryaścaiva dugdhakam || 57 ||
[Analyze grammar]

śākāni tvaṅlavaṃgailāsaṃskṛtāni madhūni ca |
gavāhārā bhiṇḍakāśca raktālavaśca cirbhaṭāḥ || 58 ||
[Analyze grammar]

karkaṭyaḥ kāravellāśca kūṣmāṇḍāḥ sūraṇastathā |
vṛntākaḥ śarkarākandaḥ śimbikākharbujastathā || 59 ||
[Analyze grammar]

paṭolā gaṇḍakāścāpi ghṛtaṣoḍhāḥ parāvalāḥ |
lūnikā methikā rājñī jīvantī suvamūlakāḥ || 60 ||
[Analyze grammar]

tāṇḍulājyo hyamblalūnī rājagrahaśca dugdhikā |
kunarāḥ śarkarātiktāḥ patravalyraśca naikadhā || 61 ||
[Analyze grammar]

vṛntākabharjanaṃ cāpi caṭanyo navanītakam |
dhānyākākauthumībuddhihīnānāṃ caṭanī tathā || 6 ||
[Analyze grammar]

drākṣākhārikakadalai rājikātiktavastujam |
dadhyāktaṃ rājikārāddhamāranālānyanekadhā || 63 ||
[Analyze grammar]

miṣṭānnāni navānyeva bhojyākāni varāṇi ca |
peyāni miṣṭamiśrāṇi sugandhīni rasāni ca || 64 ||
[Analyze grammar]

ikṣunāraṃgakadalajambīrāṅgudasanturāḥ |
seturā'mṛtasaphalajananaspatijāmbavaḥ || 65 ||
[Analyze grammar]

iṅgudīnārikelā''mrapanasalipsikācikāḥ |
badarāṅgurapūpīyā'nānasā''malakāstathā || 66 ||
[Analyze grammar]

rāmaphalapapanasasītāphalasubilvakāḥ |
phalānyetāni tāmbūlapūgīvarīyasītvacaḥ || 67 ||
[Analyze grammar]

jalaṃ tu tīrthasaṃbhūtaṃ puṣpāṇi susugandhayaḥ |
deyaṃ śrāddhe viśeṣeṇa pitṝṇāṃ tṛptihetave || 68 ||
[Analyze grammar]

yena pradīyate yasmai yattṛptyarthaṃ ca yatra vai |
triṣvatra bhagavān sākṣād dātā grahītā nāyakaḥ || 69 ||
[Analyze grammar]

yajamānena svarūpaṃ dātāraṃ vyāpakaṃ harim |
vibhāvya pātrarūpāya haraye deyameva ha || 70 ||
[Analyze grammar]

sa harirvyāpakaḥ śrīmān pitaryapi suvartate |
sarvatra tu hareryogāt tṛptistu pitṛṇāṃ bhavet || 71 ||
[Analyze grammar]

pitṝṇāṃ nāma vyāhṛtyaḥ dātavyaṃ haribuddhitaḥ |
akṣayyā sā bhavet tṛptiḥ svalpamapyatulaṃ bhavet || 72 ||
[Analyze grammar]

kanyakā vidhavā nāryo vṛddhā ādhāravarjitāḥ |
saubhāgyā bhojanīyāśca śrāddhe phalamanantakam || 73 ||
[Analyze grammar]

grāmo dhūmranirodhena bhojanīyāḥ phalārthinā |
yajñādhikaṃ phalaṃ tasya bhujyante paśupakṣibhiḥ || 74 ||
[Analyze grammar]

jalasthaiścāpi bhujyante yatra kīṭādibhistathā |
śrāddhaḥ sarvāntarātmātmā sārvabhaumaḥ sa kathyate || 75 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne vividhapitṛtatpātrataddeyānnaphalāditatprāptiphalādivarṇananāmā catvāriṃśo'dhyāyaḥ || 40 ||
[Analyze grammar]