Chapter 37

śrīnārāyaṇa uvāca |
patnīvratapativrate śrīhariṇā vivāhite |
namaskṛtya paraṃ devaṃ tato lokeṣu ceratuḥ || 1 ||
[Analyze grammar]

tābhyāṃ saṃkalpamātreṇa koṭiśo brāhmaṇāḥ kṛtāḥ |
ete tu brāhmaṇāḥ sarve saṃkalpasiddhayo'bhavan || 2 ||
[Analyze grammar]

teṣāṃ na maithunī sṛṣṭirnā'nyasādhanabandhinī |
na ca puṇyasya sāpekṣā na vā vedhaḥsahāyinī || 3 ||
[Analyze grammar]

iyaṃ tu brahmasṛṣṭirvai brāhmaṇā brahmarūpiṇaḥ |
nārāyaṇasamāḥ sarve nārāyaṇasvarūpiṇaḥ || 4 ||
[Analyze grammar]

brahmā svakīyasṛṣṭyarthaṃ yadā svaṃ tvakarottapaḥ |
tadā tu samaye sṛṣṭiriyaṃ brāhmaṇamātrajā || 5 ||
[Analyze grammar]

prajāpatestu divase prathame brāhmaṇāśca te |
sarve nārāyaṇī sṛṣṭirna tu vaidhasī sā'bhavat || 6 ||
[Analyze grammar]

viprāṇāṃ tatra sarveṣāmāyuṣyaṃ brahmaṇā samam |
vedhasā ca sahotpannāḥ saha yānti pralīnatām || 7 ||
[Analyze grammar]

divyāste brāhmaṇāḥ sarve yānti brahmapure pare |
atha satyātmake sthāne divye vai parameṣṭhinaḥ || 8 ||
[Analyze grammar]

tiṣṭhanto brāhmasṛṣṭau tu viprāsta eva sarvaśaḥ |
brahmarṣayaḥ saṃbhavanti brāhmadivasavartinaḥ || 9 ||
[Analyze grammar]

prathamaṃ tu dināraṃbhe satyaloke'pyanantakāḥ |
tapoloke'pi ta eva jane'pi brāhmaṇāśca te || 10 ||
[Analyze grammar]

maharloke'pi ta eva brāhmaṇā divyamūrtayaḥ |
svarge caivā'ntarīkṣe ca pṛthvyāṃ pātālasaptake || 11 ||
[Analyze grammar]

sarvatra brāhmaṇā divyāścaikarūpaikabhāvanāḥ |
ekasaṃskṛtabhāṣājñāścaikavarṇaikavṛttayaḥ || 12 ||
[Analyze grammar]

sarve ṣoḍaśavarṣāśca nāryā dvādaśahāyanāḥ |
samāvasthā vikārādirahitāḥ kāmavarjitāḥ || 13 ||
[Analyze grammar]

nā'śuddhirna manojanyo vikāro mithunā'rthitaḥ |
brahmadhyātāra evaite brahmayajñaparāḥ sadā || 14 ||
[Analyze grammar]

caturdaśasu lokeṣu gamanā'gamanakṣamāḥ |
ākāśagāminaḥ sarve yatheṣṭarūpadhāriṇaḥ || 16 ||
[Analyze grammar]

dṛśyā'dṛśyasvarūpajñāḥ sūkṣmasthūlādisaṃbhavāḥ |
ekajñātaya evaite saṃkalpakṛtasādhanāḥ || 16 ||
[Analyze grammar]

bhojanaṃ cāmṛtaṃ teṣāṃ gavāṃ dugdhaṃ phalāni ca |
gāvaḥ kāmadughāḥ sarvāḥ pradattā hariṇā ca yāḥ || 17 ||
[Analyze grammar]

tā eva saha vartante caturdaśastareṣu yat |
na nyūnaṃ jāyate teṣāṃ nārāyaṇasvarūpiṇām || 18 ||
[Analyze grammar]

yadyadapekṣyate vastu tattadbhavati tatra vai |
śīlasantoṣatṛptyādiśālināṃ ca tapasvinām || 19 ||
[Analyze grammar]

nā''san varṇāśramāstatra nāsan grāmādayastathā |
nāsan bālādijanmāni nāsan maraṇavṛddhatāḥ || 20 ||
[Analyze grammar]

nāsan dehapariṇāmā nāsan gṛhanivāsinaḥ |
nāsan kṣetrāṇi kṛṣyarthaṃ nāsan vāhanajātayaḥ || 21 ||
[Analyze grammar]

nadīparvatakāsāraguhoccabhūmivāsinaḥ |
jale kecit sthale kecitkecidvyomanivāsinaḥ || 22 ||
[Analyze grammar]

vāyvādhārāḥ starādhārā bāṣpādhārāśca kecana |
siddhyādhārāstathaiśvaryādhārāḥ sarve nivāsinaḥ || 23 ||
[Analyze grammar]

brahmapūjāparā brahmadhyānādiniratāśca te |
brāhmaṇāḥ sarvalokānāmanantā yugalāḥ smṛtāḥ || 24 ||
[Analyze grammar]

pativratākṛtāḥ sarvāḥ kanyā hyarbudakoṭayaḥ |
patnīvratakṛtāḥ sarve kumārāścā'bjakoṭayaḥ || 25 ||
[Analyze grammar]

yāvantaḥ satyaloke te tāvantastāpase jane |
maharloke ca tāvantaḥ svarge bhuvari bhūsthale || 26 ||
[Analyze grammar]

atale vitale tadvatsutale ca talātale |
mahātale ca pātāle brāhmaṇyo brāhmaṇā hi vai || 27 ||
[Analyze grammar]

vyavasthāstu tadā nā''san keṣāñcitkutracitprathāḥ |
āsan snānaṃ tathā dhyānaṃ japaḥ śrīharipūjanam || 28 ||
[Analyze grammar]

ātitheyaśca satkāraḥ svādhyāyaḥ ṣaṭ ca satkriyāḥ |
saṃkalpenopatiṣṭhanti kimarthaṃ kośarakṣaṇam || 29 ||
[Analyze grammar]

sarve vaikuṇṭhagantāraḥ punarāvartanā muhuḥ |
paraloke pragantāraḥ punarāvāsasaṃgatāḥ || 30 ||
[Analyze grammar]

bhavantyeva yathā muktā muktānyaśca yathā sadā |
avyāhataśarīrāste'vyāhatā'rthyapadārthakāḥ || 31 ||
[Analyze grammar]

apratihatasaṃkalpā avyāhataśriyaśca te |
vaikuṇṭhe brahmaṇo loke nāsīdbhedo manāgapi || 32 ||
[Analyze grammar]

caturdaśasu lokeṣu nāsīd vaiṣamyamaṇvapi |
yathā puṃsu tathā strīṣu nāsīd bhedo'ṅgamantarā || 32 ||
[Analyze grammar]

divyadṛṣṭyā tu te sarve parasparaprabhālinaḥ |
divyarūpairvirājante yathāsaṃkalpasaṃpadaḥ || 34 ||
[Analyze grammar]

teṣāṃ tu premabhaktyā yā śrīhareḥ syātprasannatā |
saiva dharmaḥ sadācāraḥ saivā''nandaprasādhanam || 35 ||
[Analyze grammar]

sarve tu vaiṣṇavā āsannārāyaṇaparāyaṇāḥ |
nārāyaṇaprapannāste muktāviva pariplutāḥ || 36 ||
[Analyze grammar]

vasanti ca jarājanmamṛtivyādhivivarjitāḥ |
na cintā na ca vopādhirna vighno nāstyariṣṭakam || 37 ||
[Analyze grammar]

na bhāgyā''laṃbanaṃ tatrā''lambanaṃ harireva yat |
śāsturālambanaṃ naiva śāstā śrīharireva yat || 38 ||
[Analyze grammar]

ityevaṃ prathamaḥ kālaḥ samāraṃbhasya vartate |
vedhaso hi mahādivyaḥ satkālaḥ sa hi vartate || 39 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne prajāpateḥ prathamadivasīyasarvādibrāhmaṇamātrasṛṣṭinirūpaṇanāmā saptatriṃśo'dhyāyaḥ || 37 ||
[Analyze grammar]