Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 36 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīnārāyāṇa uvāca |
śṛṇu tvaṃ kamale  lokavyavahārapraghaṭṭanām |
yacchrutvā''ścaryameva syātkathayāmi tu tattvataḥ || 1 ||
[Analyze grammar]

karmaloke vyavahāro hyādānapratidānajaḥ |
parasparasahāyena sarvadā bandhanātmakaḥ || 2 ||
[Analyze grammar]

daridrebhyo nirdhanebhyo'śakyebhyo dhanavān sadā |
dravyaṃ dadāti sāhāyyaṃ dehayātrāpravṛttaye || 3 ||
[Analyze grammar]

samayastena kaṭhino niryāti sukhapūrvakam |
yadā svasya suyogaḥ syātsamayaścāpi lābhadaḥ || 4 ||
[Analyze grammar]

tadā tu dhanino dravyaṃ sampradeyamaśeṣataḥ |
grahītā yadi dadyānna ṛṇyeva mriyate yadi || 5 ||
[Analyze grammar]

ṛṇā'pākaraṇārthāya punarjanmani vai tadā |
manuṣyo yadi jāyeta prāk pitā bhavatīti saḥ || 6 ||
[Analyze grammar]

tadānīṃ pūrvadātāraḥ putrā bhavantyakarmaṭhāḥ |
patnīgarbhe sthitā eva kārayanti bahuvyayam || 7 ||
[Analyze grammar]

patnīṃ tu rogiṇīṃ kuryustadarthaṃ dravyanāśakāḥ |
janmanyapi na sāralyaṃ tadānīṃ dravyanāśakāḥ || 8 ||
[Analyze grammar]

janmottaraṃ na susvāsthyaṃ tadānīṃ dravyanāśakāḥ |
bālye'pi sarvathā duṣṭāḥ kārayanti vyayaṃ bahum || 9 ||
[Analyze grammar]

bhojanācchādanāpānavilepanamahotsavaiḥ |
kurvanti vipulaṃ nāśaṃ pitṛdravyasya putrakāḥ || 10 ||
[Analyze grammar]

roge vyayo vrate vyayo vyasane vyaya eva ca |
vidyādhyāye vivāhe ca vyayād vyaya itīyate || 11 ||
[Analyze grammar]

yāvannopārjanārhāste tāvattu vyaya eva vai |
yāvadupārjanārthāya samayaḥ pratidṛśyate || 12 ||
[Analyze grammar]

tāvad yuvā kṛtaḥ putro'kasmād vā mriyate yataḥ |
pūrvajanmani dattaṃ yat sarvamādāya yāti saḥ || 13 ||
[Analyze grammar]

athavā dīrghajīvī ced vicittonmattavadbhavet |
tadartha sarvathā dravyavyaya eva na saṃśayaḥ || 14 ||
[Analyze grammar]

ityevaṃ pūrvadātāro jāyante'tra tu putrakāḥ |
dattaṃ dravyaṃ samāpyaiva yānti karmānusārataḥ || 15 ||
[Analyze grammar]

tasmātpṛrvapradātāraḥ putrāḥ jñeyā svake gṛhe |
ye vā na pratidātāraḥ paśavo'pi bhavanti te || 16 ||
[Analyze grammar]

vṛṣā aśvā rāsabhā vā coṣṭrā bhūtvā vahanti te |
taddvārā svāmino dravyaṃ datvā yāntyanyavigraham || 17 ||
[Analyze grammar]

ṛṇamukto bhavedyastu na kiṃcitkasyacicca vai |
ṛṇaṃ yasyā'vaśiṣyeta sa naivā'patyavān bhavet || 18 ||
[Analyze grammar]

tasmātputrāḥ sadā bodhyā dravyanāśārthamāgatāḥ |
satputrāstvāgate yogye samaye lābhadāyakāḥ || 19 ||
[Analyze grammar]

karmānubandhisaṃsāre yasya yatra ṛṇaṃ bhavet |
sa tat tasya samādāya dūraṃ cirāya gacchati || 20 ||
[Analyze grammar]

na kaścitkasyacit putro na kaścitkasyacitpitā |
ṛṇādānapradānābhyāṃ pitṛputrā''ptayojanāḥ || 21 ||
[Analyze grammar]

svapitṛsevanaṃ putrāstyaktvotpathagatā yadi |
pitṛniḥśvāsasaṃdagdhā yāntyadho'pyadhamāṃ gatim || 22 ||
[Analyze grammar]

mātaraṃ pitaraṃ vāpi vṛddhaṃ pālyaṃ gṛhād yadi |
niṣkāsayati kuputro naṣṭapuṇyo bhavatyaram || 21 ||
[Analyze grammar]

guruṃ hūṃkṛtya tūṃkṛtya pitaraṃ mātaraṃ vadet |
śmaśāne jāyate vṛkṣaḥ kaṃkagradhropasevitaḥ || 24 ||
[Analyze grammar]

mātre pitre vṛddhatāyāṃ yo'nnaṃ naiva dadāti ca |
devāḥ syustasya vai ruṣṭā annanāśakarāstathā || 25 ||
[Analyze grammar]

tābhyo vāsaṃ tu vṛddhatve jīvikāṃ na dadāti yaḥ |
tasya vāsaṃ jīvikāṃ ca haranti devayonayaḥ || 26 ||
[Analyze grammar]

pitrostu bhartsanaṃ yadvā tāḍanaṃ cā'vamānanam |
karoti yaḥ kuputraḥ sa pare tattatprapadyate || 27 ||
[Analyze grammar]

kuputrairbhavitavyaṃ na bhavitavyaṃ suputrakaiḥ |
suputrasya kṛte svargaṃ sampanmokṣo'pi hastagaḥ || 28 ||
[Analyze grammar]

sudevā''rādhanaṃ yadvā yābhyāṃ puṇyaṃ purā kṛtam |
tābhyāṃ tu labhyate putraḥ suputro dhārmikaḥ śuciḥ || 29 ||
[Analyze grammar]

sevako mānadātā''jñāpālako'nusṛtaḥ sadā |
gurvarthaṃ sukhaduḥkhādisahanaḥ paripoṣakaḥ || 30 ||
[Analyze grammar]

satputrajanane yogā apekṣyante śubhāḥ sadā |
garbhasya dhāraṇe yogāḥ suyogā vai suputradāḥ || 31 ||
[Analyze grammar]

ṛtudāne pituryādṛga vicāro vartate hṛdi |
kāmaḥ krodho'thavā lābho bhartsanaṃ cauryameva vā || 32 ||
[Analyze grammar]

moho daṃbho malinatvaṃ śāṭhyaṃ kauṭilyameva vā |
śauryaṃ vidyā sāttvikatvaṃ rājasaṃ tāmasaṃ ca vā || 33 ||
[Analyze grammar]

dyūtaṃ pānaṃ vyasanaṃ ca yadyadaniṣṭameva vā |
vartate tanmayo binduḥ putro'pi tanmayo bhavet || 34 ||
[Analyze grammar]

dānadharmadayāpremakomalāntaratāstathā |
varteran tanmayo bindustatputrastadguṇo bhavet || 35 ||
[Analyze grammar]

ṛtudāne śunaḥ śabdā gardabhādestathā'śubhāḥ |
kleśakalahaśabdā vā śrūyante cettathā tadā || 36 ||
[Analyze grammar]

bindavastanmayā bhūtvā garbhe te vai patanti yat |
putrā api śvakharavat jāyante tadguṇāstathā || 37 ||
[Analyze grammar]

nīcajāteḥ sahavāsāt tadbhāvānāṃ ca vartanāt |
tādṛśā bindudāne vai jāyante bālakāstathā || 38 ||
[Analyze grammar]

gṛhe sarvatra bhittyādau yādṛśyaḥ santi mūrtayaḥ |
tādṛśā''kṛtayasteṣāṃ putrāṇāntu bhavanti hi || 39 ||
[Analyze grammar]

kṛṣṇavarṇāstāmasāśca yuddhāraṃbhāḥ pratārakāḥ |
caurāśca kāmanāvanto hāsyasadanakārakāḥ || 40 ||
[Analyze grammar]

daridrāśca dhanāḍhyaśca vijayinaḥ palāyitāḥ |
rākṣasāśca tathā pretā bhūtā bhāṇḍāśca nartakāḥ || 41 ||
[Analyze grammar]

naṭā naṭyo yathā yā yā ākṛtayo bhavanti vai |
gṛhe vā darśane vā'tha smaraṇe bindupātane || 42 ||
[Analyze grammar]

tathā tathā guṇāsteṣāṃ bhavantyeva prajāsu vai |
tasmānniṣekakārye'pi sukṛtaṃ cintayed budhaḥ || 43 ||
[Analyze grammar]

santaṃ dharmayutaṃ bhaktaṃ yaśobhājaṃ ca sukṛtam |
śvetaṃ puṇyayutaṃ śāntaṃ sadguṇaṃ mānavaṃ tathā || 44 ||
[Analyze grammar]

guruṃ patiṃ ca pitaraṃ mātaraṃ devameva vā |
vidvāṃsaṃ satkriyaṃ śūraṃ surekhaṃ bhāgyaśālinam || 45 ||
[Analyze grammar]

gauraṃ prakhyātakāryaṃ ca śīlavantaṃ tapasvinam |
lokahitakaraṃ devapūjanā''stikameva vā || 46 ||
[Analyze grammar]

udyaminaṃ ca nītijñaṃ saumyaṃ devaguṇākaram |
paropakāraśīlaṃ ca subhagaṃ dānaśālinam || 7 ||
[Analyze grammar]

sarvasadguṇasadvāsaṃ pavitraṃ cintayet tadā |
naraṃ vā'pyathavā nārīṃ devaṃ devīṃ tathāpi vā || 48 ||
[Analyze grammar]

santaṃ sādhvīṃ bhagavantaṃ tathā bhagavatīṃ ca vā |
yādṛśaṃ yādṛśīṃ caiva niṣekasamaye tu yaḥ || 49 ||
[Analyze grammar]

yā ca saṃsmarati tādṛgapatyaṃ labhate tathā |
ṛtudāne yathā yādṛgbhāvo bhavati dehinoḥ || 50 ||
[Analyze grammar]

tathā'patyāni jāyante dampatyorbhāvavanti hi |
atra sṛṣṭau tu bahudhā svabhāvāḥ saṃkarīkṛtāḥ || 51 ||
[Analyze grammar]

parasparānumiśreṇa śuddhā naiva bhavanti hi |
tathāpi sukhadaṃ cintyaṃ yāvadbuddhibalodayam || 52 ||
[Analyze grammar]

tenā'patyaṃ bhavettasya sukhadaṃ mānadaṃ sadā |
ārtavastu guṇaḥ sarvā'patyeṣvāviśati dhruvam || 53 ||
[Analyze grammar]

ṛtvāraṃbhād bhavedgarbhakamalaṃ vyāttasammukham |
āṣoḍaśadinaṃ paścād garbhaṃ gṛhṇāti naiva tat || 54 ||
[Analyze grammar]

madhyarātryuttaraṃ matvā cā''gāmimadhyarātrikam |
yadā rajaḥ sudṛśyeta taddinādgaṇanā bhavet || 55 ||
[Analyze grammar]

rajodināni catvāri vihāyā''ṣoḍaśā'vadhim |
garbhā''dhānasya yogyatvaṃ bhavatītyavadhārya ca || 56 ||
[Analyze grammar]

yadvā tadvā rajoyuktā rātryaścatasra eva tu |
hātavyāstapare kāle pañcamī kanyakāpradā || 57 ||
[Analyze grammar]

ṣaṣṭhī rātriḥ putradā vai bhavatītyevamaṃkataḥ |
gaṇayitvā yatheṣṭaṃ tu yogaḥ kāryaḥ phalapradaḥ || 58 ||
[Analyze grammar]

putradāstasya yugmāḥ syurayugmāḥ kanyakāpradāḥ |
ṛturajo'nvitā rātryaścatasrastatra garhitāḥ || 59 ||
[Analyze grammar]

tāsu yogo na kartavyo garbhanāśaka eva saḥ |
tasmāddhairyapado bhūtvā śuddhiṃ kṛtvā tu saṃviśet || 60 ||
[Analyze grammar]

tyaktvā candramasaṃ duṣṭaṃ maghāṃ mūlaṃ vihāya ca |
śuciṃ sanniviśetpatnīṃ punnāmarkṣe viśeṣataḥ || 61 ||
[Analyze grammar]

patiḥ patnyāḥ saha śuddhiṃ kṛtvā śayyāṃ samāviśet |
śuciṃ putraṃ prapadyeta pumarthasya prasādhakam || 62 ||
[Analyze grammar]

mālinye tu tayoḥ putrā malināḥ syuśca pāpinaḥ |
nāryā śṛṃgārahāsyādi kāryaṃ maithunakarmaṇi || 63 ||
[Analyze grammar]

tenā'patyaṃ prakṛṣṭaṃ syāt sukhabhāk saumyadarśanam |
hāsyayug divyarūpaṃ ca bhavenmānasaraṃjanam || 64 ||
[Analyze grammar]

dugdhapākaṃ tathā miṣṭaṃ śuklaṃ bhuktvā tu saṃviśet |
tenojjvalamapatyaṃ syād rūpāḍhyaṃ sudṛḍhaṃ sadā || 65 ||
[Analyze grammar]

śākaṃ bhuṃktvā yadā gacchet striyaṃ tasya tu bālakam |
kṛṣṇavarṇaṃ bhavettasmācchākaṃ bhojyaṃ na taddine || 66 ||
[Analyze grammar]

ujjvalena prabhojyena vīryaṃ bhavati cojjvalam |
tasmād dvābhyāṃ tadā bhakṣyamujjvalaṃ paya ādikam || 67 ||
[Analyze grammar]

tataḥ ṛtuprasaṃgastu kāryaḥ sarvaśubhāvahaḥ |
śubhe kāle śubhe yoge mūhūrtādau śubhe tathā || 68 ||
[Analyze grammar]

saṃgaḥ kāryo nā'nyathā tu sadapatyasulabdhaye |
satsamayaṃ tvanādṛtya kāmavegena ye janāḥ || 69 ||
[Analyze grammar]

akāle garbhadātārasteṣāṃ bālāstu durbhagāḥ |
alpavīryā alpasattvā alpasukṛtakāriṇaḥ || 70 ||
[Analyze grammar]

buddhihīnā duḥkhadāśca jāyante duḥkhavartanāḥ |
tasmācchrubhaprajāyāstu lābhāya sarvadā yuvām || 71 ||
[Analyze grammar]

vartethāṃ dharmasadbhāve nā'nyabhāve kadācana |
tena saukhyaṃ paraṃ bhūyād bhavatorekabhāvayoḥ || 72 ||
[Analyze grammar]

lokadvayavijetārau bhavatāṃ śaṃ bhavatvapi |
bhūyāstaṃ ca sadā sārthau viyogarahitau tathā || 73 ||
[Analyze grammar]

dāmpatyasukhamaśnantau nityamānandaśālinau |
dehasampatkṛtau pṛṣṭau bhūyāstaṃ bhāgyaśālinau || 74 ||
[Analyze grammar]

rajasvalārajo doṣo hyaśuddhibhrājako hi saḥ |
tāvaddūre'nvahaṃ stheyaṃ yāvaddinacatuṣṭayam || 75 ||
[Analyze grammar]

nāryā rajasvalādharmasthayā spṛśyaṃ na sarvathā |
gṛhavastvādikaṃ yattatsparśādaśucitāṃ vrajet || 76 ||
[Analyze grammar]

ajñānādvā prasaṃgādvā spārśano doṣa udbhavet |
tannivṛttirbhavedvarṣe tad ṛṣipaṃcamīvratāt || 77 ||
[Analyze grammar]

upavāstatra kāryo nāryā devaprapūjanam |
bhādraśuklasupakṣasya pañcamī ṛṣipañcamī || 78 ||
[Analyze grammar]

tadvrate tu phalāhāro hyaśaktānāṃ mataḥ śubhaḥ |
tathākṛte vratasyāpi bhaṃgo naiva bhavediti || 79 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne ṛṇānubandhasantatidāmpatyaniṣekānurūpasantānarājasvalyadoṣaparihārakavratādinirūpaṇanāmā |
ṣaṭūtriṃśo'dhyāyaḥ || 36 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 36

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: