Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 34 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīlakṣmīruvāca |
nārāyaṇasya piṇḍādvai brāhmaṇo yo hyajāyata |
sa kva gataścakārā'tha kiṃ kiṃ tad brūhi me hare || 1 ||
[Analyze grammar]

śrīnārāyaṇa uvāca |
brāhmaṇaḥ puruṣaścādyo divyaḥ ṣoḍaśahāyanaḥ |
pitrā samupadiṣṭo vai sarvavidyāviśāradaḥ || 2 ||
[Analyze grammar]

nārāyaṇasamastanvā guṇaiścāpi sa tatsamaḥ |
rūpeṇa vayasā''kṛtyā nārāyaṇa ivā'paraḥ || 3 ||
[Analyze grammar]

astaunnārāyaṇaṃ devaṃ pitaraṃ svopadeśikam |
nārāyaṇa  gavāṃ nātha  pitā tvaṃ jagatāṃ guruḥ || 4 ||
[Analyze grammar]

kiṃ kāryaṃ me bhavecchādhi pālayāmi na saṃśayaḥ |
pāti yaḥ sa pitā proktaḥ putrastvajñāprapālakaḥ || 5 ||
[Analyze grammar]

pitā viṣṇuḥ pitā daivaṃ pitāṃ'śo vāsudevajaḥ |
pitā kṛṣṇaḥ parabrahma pitā tasmāt prapūjyate || 6 ||
[Analyze grammar]

pitṛtīrthaṃ paraṃ tīrthaṃ tārakaṃ puṇyadaṃ varam |
pitā devo varo devaḥ pitā brahmasanātanam || 7 ||
[Analyze grammar]

pitā bījapradātā yaḥ poṣakaḥ pālakastathā |
sarvaṃ cārpayitā svasya ko'nyastasmātparo mataḥ || 8 ||
[Analyze grammar]

pitā santoṣito yena tena santoṣito hariḥ |
pitā ca sevito yena tena saṃsevito hariḥ || 9 ||
[Analyze grammar]

dāna puṇyavratā''tithyayajñahomadamādayaḥ |
akṛtā api sukṛtāḥ syuḥ pitā yena sevyate || 10 ||
[Analyze grammar]

mahāpāpo'tipāpaśca paśughnaścā''tmaghātakaḥ |
pitṛpādodakaṃ pītvā brahmaloke mahīyate || 11 ||
[Analyze grammar]

pitṛbrahma paraṃbrahma śaraṇyaḥ śaraṇārthinaḥ |
dehajñānadhanādīnāṃ pradātā poṣakaḥ prabhuḥ || 12 ||
[Analyze grammar]

piturājñā kṛtā yena tena sarvaṃ kṛtaṃ bhavet |
anyannaivā'vaśiṣyena pitrāśīrbhyo vidheyakam || 13 ||
[Analyze grammar]

saṃskṛtaḥ saṃskṛto vā na putraḥ pitrā nibhālitaḥ |
nirbhayo bhavate mānyo mahadbhiścāpi sarvathā || 14 ||
[Analyze grammar]

na viṣṇurna mahādevo na vairājo na ceśvarāḥ |
pitṛtulyā bhavantyete pitā hyeva pitā mataḥ || 15 ||
[Analyze grammar]

jalā'nnavastravāhādyaiḥ pādasaṃvāhanādibhiḥ |
vārdhakye pārśvavāsena pituḥ sevāṃ karoti yaḥ || 16 ||
[Analyze grammar]

āhvāne vartane cāpi neti na prativakti yaḥ |
omityeva karotīṣṭaṃ sa mokṣabhāṅ na saṃśayaḥ || 17 ||
[Analyze grammar]

piturmataṃ vinā naiva kiñcitkāryaṃ karoti yaḥ |
ājñayaiva prakartā yaḥ sarvathā phalabhāg hi saḥ || 18 ||
[Analyze grammar]

āpadbhirnīyamāno yo duḥkhairāmarditaśca yaḥ |
vighnaiścāpi parābhūtaḥ pitṛbhaktyā hi rakṣyate || 19 ||
[Analyze grammar]

tādṛśena suputreṇa pitā vai putravān mataḥ |
anājñākaraputreṇa pitā naiva hi putravān || 20 ||
[Analyze grammar]

tasmāttātaḥ karomyājñāṃ yena janmaphalaṃ bhavet |
kṛtaṃ sarva sukutaṃ syāt tadājñāṃ dehi satvaram || 21 ||
[Analyze grammar]

pitṛbhaktiṃ pradarśyaivaṃ yāvad baddhāṃjaliḥ sthitaḥ |
tāvannārāyaṇaḥ sākṣāt pitā prāha suputrakam || 22 ||
[Analyze grammar]

aho putra ciraṃ jīva vardhito'si śubhāśiṣā |
pitṛbhaktiparaḥ putre dharmeṇa vardhate'nvaham || 23 ||
[Analyze grammar]

īdṛśaste vicāro'sti vartanaṃ pitṛbhaktikṛt |
pitṛ bhakti vibeke'haṃ varte vai putra siddhidaḥ || 24 ||
[Analyze grammar]

suputraḥ sa hi vijñeyaḥ pitā yena supālitaḥ |
vanditaḥ sevito nityaṃ pūjitaśca namaskṛtaḥ || 25 ||
[Analyze grammar]

prātarutthāya ye putraḥ pitṝndevāngurūṃstathā |
vandante ca namantyāryāste'kṣayā'rthaprabhāgiṇaḥ || 25 ||
[Analyze grammar]

teṣāṃ vai cā'kṣayā lokāsteṣāṃ cā'kṣayamamṛtam |
teṣāṃ vai cā'kṣayaṃ śreyasteṣāmabhyudayaḥ paraḥ || 27 ||
[Analyze grammar]

teṣāṃ dārāḥ sadā sādhvyaḥ pātivratyaparāyaṇāḥ |
miṣṭavāṇyo miṣṭadātryo miṣṭabhoga pradāstathā || 28 ||
[Analyze grammar]

teṣāṃ gṛhāṇi divyāni smṛddhikoṭibhṛtāni ca |
rasadravyadharāsampallalitāni bhavanti ca || 29 ||
[Analyze grammar]

sevante ye janāḥ pitṝn vastrabhojanavāribhiḥ |
sevā'nuvṛttiśuśrūṣāparicaryādibhistathā || 30 ||
[Analyze grammar]

teṣāṃ syurakṣayā lokā akṣayāśca vibhūtayaḥ |
akṣayaṃ ca sukhaṃ divyaṃ nirvighnaṃ cirajīvanam || 31 ||
[Analyze grammar]

siddhayastatra tiṣṭhanti pitaro yatra satkṛtāḥ |
samṛddhayastatra cā''yānti pitrāśīrvādayojitāḥ || 32 ||
[Analyze grammar]

svarṇaṃ raupyaṃ dhanaṃ dhānyaṃ ratnāni vividhāni ca |
śayyā mṛdvyo dugdhaphenā gauryo nāryastathā rasāḥ || 33 ||
[Analyze grammar]

yānavāhanasaudhāni dīvyanti pitṛsevinām |
udyānopavanā''vāsasarovihārabhūmayaḥ || 34 ||
[Analyze grammar]

vimānāni ca divyāni gāvo dāsyaḥ sumadhyamāḥ |
dāsāścājñākarāḥ saumyā bhavanti pitṛsevinām || 35 ||
[Analyze grammar]

pitṛsevā'kṣayo lābho nā'nyo lābhastathā'paraḥ |
yena lābhena modante putrāścātra paratra ca || 36 ||
[Analyze grammar]

pūrvaṃ yaistu pitā bhaktyā sevitaḥ paritoṣitaḥ |
taiḥ padaṃ pārameṣṭhyādi labdhaṃ cā'thā'punarbhavam || 37 ||
[Analyze grammar]

pitṛprasannatāpātraṃ yamo naivā'bhisarpati |
pitṛprasannatāpātrāt kālaścāpi palāyate || 38 ||
[Analyze grammar]

pitṛprasādapātrasya hareḥ prasādapātratā |
pitṛprasādahīnānāṃ durantā kaṣṭadā gatiḥ || 39 ||
[Analyze grammar]

labdhapitṛprasādānāṃ vaṃśo na śīryate kvacit |
pitṛprasādamāptānāṃ svāsthyaṃ na jīryati kvacit || 40 ||
[Analyze grammar]

pitṛprasādamāptānāmītayo yānti dūrataḥ |
ādhyātmikāni duḥkhāni dṛśyante naiva naiva hi || 41 ||
[Analyze grammar]

indriyāṇi sadā teṣāṃ nirogāṇi bhavanti hi |
pitā bījapradaḥ pūjyo mātā garbhe vivardhinī || 42 ||
[Analyze grammar]

bālye tu sevikā mātā sevyā mātā yathā pitā |
pitā nārāyaṇo bodhyo mātā lakṣmīsvarūpiṇī || 42 ||
[Analyze grammar]

mātṛsevā kṛtā yena sevitā devakoṭayaḥ |
mātā dadhāti vai garbhe garbhārthaṃ niyame sthitā || 44 ||
[Analyze grammar]

iṣṭānbhogyānbhojyapānādikān tyaktvā'pi rakṣati |
janmadāne paraṃ duḥkhaṃ sahate mṛtimūrchanam || 45 ||
[Analyze grammar]

bālaṃ mūtramalopetaṃ nirmalaṃ prakaroti sā |
nidrāṃ tyaktvā'pi bālārthaṃ cintā grastā bhavatyasau || 46 ||
[Analyze grammar]

dhyāyatīśvaravad bālaṃ sevate poṣayatyapi |
rakṣati svārjitaṃ sarvaṃ dadāti tatkṛte sadā || 47 ||
[Analyze grammar]

kiṃ ṛṇaṃ tūlanāṃ yāti putre mātuḥ ṛṇasya vai |
putrastatpratikartuṃ na kṣamo varṣaśatairapi || 48 ||
[Analyze grammar]

yādṛśau tādṛśau vāpi pitarau brahmavanmatau |
pūjyau sevyau sadā vandyau putraiḥ puṇyābhilāṣibhiḥ || 49 ||
[Analyze grammar]

andhau rugṇau daridrau vā kṛpaṇau vyabhicāriṇau |
stenau hiṃsāparau vāpi pitarau pūjanārhaṇau || 50 ||
[Analyze grammar]

dhanyo'si tvaṃ sadā putra yanmadājñāṃ karoṣi hi |
madājñaiva ca dharmaste dharmātmā bhava sarvadā || 51 ||
[Analyze grammar]

patnīvratamitiprakhyāṃ karomi tava putraka |
patnīvratastvamevā'si brāhmaṇo divyasiddhimān || 52 ||
[Analyze grammar]

mama kṛṣṇasya rūpastvaṃ mamā'tivallabho yataḥ |
kṛṣṇavallabha ityākhya ācāryo bhava putraka || 53 ||
[Analyze grammar]

mamā'vatāra eva tvaṃ bhagavān sarvamokṣakṛt |
matsṛṣṭyasaṃkhyasādhvīnāmekalaḥ satpatirbhava || 54 ||
[Analyze grammar]

sarvasṛṣṭau divyarūpo bhūtvā vyāpaka eva ca |
nare nare nivāsaṃ ca kuru koṭiguṇo bhava || 55 ||
[Analyze grammar]

śṛṇu patnīvrataṃ te'hamupadiśāmi tattvataḥ |
tathā nareṣu vṛttyaṃ vai tathāsanmokṣado bhava || 56 ||
[Analyze grammar]

patyurbhāgaṃ svake garbhe nayate rakṣaṇāya yā |
patnī proktā ca sā'pyagnisākṣiṇī sahacāriṇī || 57 ||
[Analyze grammar]

tadarthaṃ tatsukhārthaṃ ca tasyāmeva pumarthakam |
vartanaṃ vratamityevaṃ patnīvratamitīritam || 58 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne pitṛsevāpatnīvratapuruṣātmakabrāhmaṇamahimakathananāmā catustriṃśo'dhyāyaḥ || 34 ||
[Analyze grammar]

Other editions:

Also see the following editions of the Sanskrit text or (alternative) English translations of the Lakshminarayana Samhita Chapter 34

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: