Chapter 32

śrīlakṣmīruvāca |
sarvavyāpinnantarātmannātmātmannakṣarādhipa |
svāminnārāyaṇā'rthyastvaṃ sarvaṃ pūrayasi prabho || 1 ||
[Analyze grammar]

gāvastu paśavaḥ proktāḥ kathaṃ vai tārayejjanān |
samarthastārayedanyān nā'samarthaḥ kathañcana || 2 ||
[Analyze grammar]

śrīnārāyaṇa uvāca |
pāśo bandhanamityuktaṃ bandho māyātmako mataḥ |
yatra māyā bhavet tatra sarve vai paśusaṃjñitam || 3 ||
[Analyze grammar]

śarīraṃ tu samānaṃ vai bhojanā''pānasaṃśritam |
kāmalobhātmakasvārthavyāptaṃ paśumanuṣyayoḥ || 4 ||
[Analyze grammar]

manuṃ vai bhagavanmantraṃ divyaṃ saṃyāti yo janaḥ |
sa vai manuṣya ityukto'nyathā tu paśusattamaḥ || 5 ||
[Analyze grammar]

gāvastu mama goloke sarvathā matsvarūpikāḥ |
kṛṣṇa kṛṣṇa japantyo vai modante brahmatanmayāḥ || 6 ||
[Analyze grammar]

suramyastu sadā mantraṃ nārāyaṇa iti dhruvam |
raṭantyaścā'ṭanaṃ svarge kurvanti mama mokṣadāḥ || 7 ||
[Analyze grammar]

vaikuṇṭhe'pi ca tā gāvo muktānyo'pi vasanti vai |
mama nāma bhajantyaśca sarvānandapariplutāḥ || 8 ||
[Analyze grammar]

na tā bodhyā hi paśavaḥ paśavastvajñamānavāḥ |
vṛndāvane kṛṣṇa kṛṣṇa smarantyanvahamādarāt || 9 ||
[Analyze grammar]

devyaḥ svargādiṣu yāstāḥ kṛṣṇārthaṃ stanyadā matāḥ |
samīhāpūrṇatārthaṃ vai gāvo bhūtvā vasanti tāḥ || 10 ||
[Analyze grammar]

sarvajñāḥ sarvabhāṣājñā mokṣadāḥ sarvadā matāḥ |
bhagavanmukhapiṇḍāstā amṛtā''dhānamātaraḥ || 11 ||
[Analyze grammar]

romṇi romṇi matāḥ pūjyā mamāṃgasaṃbhavā yataḥ |
ahaṃ tāsu vasāmyeva dharmo vṛṣātmakastathā || 12 ||
[Analyze grammar]

goṣu vasāmyahaṃ gopo gāvo brāhmī tanurmama |
lalāṭe tu gavāṃ brahmadhāma tatra vasāmyaham || 13 ||
[Analyze grammar]

śṛṃge me dhvajadaṇḍau sto madhye siṃhāsanaṃ mama |
netre dve mama golokavaikuṇṭhau dhāmanī mate || 14 ||
[Analyze grammar]

nāsā me'vyākṛtaṃ dhāma mukhaṃ māyātmakaṃ mama |
dantāḥ ṣoḍaśatattvāni jihvā buddhirmahaddhi tat || 15 ||
[Analyze grammar]

rāṃbhaṇaṃ praṇavastāsām oṣṭhau rajastamo mate |
śvetadvīpaviśāle tu karṇau sāsnā hiraṇmayam || 16 ||
[Analyze grammar]

tāsāṃ sadāśivaḥ kaṇṭhaḥ pādā vedacatuṣṭayam |
stanāḥ pumarthacatvāro nābhirvairājanālakam || 17 ||
[Analyze grammar]

udaraṃ tāsāṃ vairājo mahāviṣṇururo mataḥ |
jaṭharaṃ brahmatejo'gniḥ pṛṣṭhaḥ satyaṃ tu vedhasaḥ || 18 ||
[Analyze grammar]

mūtraṃ gaṃgājalaṃ divyaṃ śakṛllakṣmīḥ svayaṃ matā |
ārtavaṃ tu jalaṃ sārasvataṃ kukṣiḥ samudrakāḥ || 19 ||
[Analyze grammar]

yoniraṇḍakaṭacchidraṃ pucchamūlaṃ janādayaḥ |
pucchaṃ svargastathā guccho romṇāṃ devādimaṇḍalam || 20 ||
[Analyze grammar]

śivaviṣṇū nitambau sto brahmā odha udāhṛtaḥ |
garbhastu pārvatī devī romāṇi devayonayaḥ || 21 ||
[Analyze grammar]

asthīni pitarastāsāṃ khurāḥ pātālajātayaḥ |
ityevaṃ tu mayā piṇḍaḥ saṃkalpyaiva tadā kṛtaḥ || 22 ||
[Analyze grammar]

gāvo vibhūtayo me syuramṛtāni vasanti yat |
tadamṛtakṛtagrāsāt sarve tṛpyanti manmukhāḥ || 23 ||
[Analyze grammar]

gāvaścāhamahaṃ gāvo mātaro jagatāṃ matāḥ |
poṣaṇāttāraṇād brahmagāmanātpuṣṭimuktidāḥ || 24 ||
[Analyze grammar]

pūjanāt puṇyadāḥ proktā vṛddhidāstu tṛṇārpaṇāt |
dānānmokṣaṃ gamayati svargaṃ dadāti sevanāt || 25 ||
[Analyze grammar]

dānād dahanti pāpāni yāntyamṛtaṃ jalārpakāḥ |
daṃśānāṃ vāraṇād yāvad dāridryaṃ ghnanti sarvaśaḥ || 26 ||
[Analyze grammar]

tāsāṃ pradakṣiṇā proktā pṛthivyāstu pradakṣiṇā |
pañcagavyaṃ sadā tāsāṃ svargyaṃ bhavati dehinām || 27 ||
[Analyze grammar]

tāsāṃ pucchajalaṃ duṣṭān pavitrayati pāpinaḥ |
tāsāṃ khurarajastīrthaṃ prakṣālayati māyinaḥ || 28 ||
[Analyze grammar]

ubhayatomukhīṃ datvā sarvayajñaphalaṃ labhet |
vatsaprasavakālīnā matā hyubhayatomukhī || 29 ||
[Analyze grammar]

pretānāṃ rakṣasāṃ bhūtajanmanāmagatiṃjuṣām |
gatirbhavati godānāt pāpanāśanapūrvikā || 30 ||
[Analyze grammar]

pretasya pāpayuktasya yamavāṭagatasya ca |
vaitaraṇīprataraṇaṃ godānādbhavati dhruvam || 31 ||
[Analyze grammar]

svarge martye ca pātāle aiśvare'pi sahāyadāḥ |
pūjyā vandyā ca dātavyā bhojanīyāḥ sadā janaiḥ || 32 ||
[Analyze grammar]

sevyā bhālyā rakṣaṇīyā namyāḥ spṛśyāśca tāḥ sadā |
sadā mahāpāpī nijānprāṇān gavāṃ madhye jahāti cet || 33 ||
[Analyze grammar]

sa vai divyagatiṃ yāti dūraṃ yānti yamānugāḥ |
gavāṃ śuśruṣakastvatra pare tābhistu rakṣyate || 34 ||
[Analyze grammar]

gavāṃ prasādamāpto'tra sarvaprasādavān bhavet |
anyannaiva kṛtaṃ kiñcit gavāṃ tu sevanaṃ kṛtam || 35 ||
[Analyze grammar]

tatphalaṃ brahmalokādi tadarthaṃ śāśvataṃ bhavet |
gavāṃ prasādanaṃ caiva brahmaprasādanaṃ tathā || 36 ||
[Analyze grammar]

dvayaṃ tulyaṃ mataṃ cātra paratra hariṇā svayam |
gavāṃ nāryāśca kanyāyāḥ svasurmātastathā'tra yaḥ || 37 ||
[Analyze grammar]

prapannāyā adhīnāyā duḥkhakṛd duḥkhabhāg bhavet |
vatsaṃ vatsāṃ vṛṣaṃ gāṃ ca yo vai pālayate gṛhī || 38 ||
[Analyze grammar]

tena vai pālitā pṛthvī pṛthvīpālaphalaṃ labhet |
na dravyaṃ dhanamityāhurgodhanaṃ dhanamucyate || 39 ||
[Analyze grammar]

atra rasān vitarati paraloke sahāyakṛt |
bhakṣayanti tṛṇān bhūmau nivasanti sadā'pyadhaḥ || 40 ||
[Analyze grammar]

sahante śītatāpādi cārpayanti rasān bahūn |
poṣayanti kuṭumba svaṃ tarpayantyamarān pitṝn || 41 ||
[Analyze grammar]

tārayanti tvadhaḥpātāt gāvo devyo hareḥ smṛtāḥ |
brāhmaṇāstārakāḥ proktā vedamantrajapādibhiḥ || 42 ||
[Analyze grammar]

paraṃ pāpaparābhūtāstaranti te'pi gobalāt |
gāvaśca brāhmaṇāścaiva hyekaṃ tattvaṃ dvidhā kṛtam || 43 ||
[Analyze grammar]

mantrā hyekatra nihitā haviranyatra cārpitam |
mantreṇa haviṣā yajño yajñād vṛṣṭirbhavatyatha || 44 ||
[Analyze grammar]

vṛṣṭerannaṃ jalaṃ caiva tato dhātustataḥ prajāḥ |
prajayā prāpyate svarge svargāt saukhyaṃ samutsavaḥ || 45 ||
[Analyze grammar]

utsavādutsavaṃ yānti sevyā gāvastato'nvaham |
kiṃbahunā samuktena gāvo brahmapadaṃ hi me || 46 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dhenumāhātmyakathananāmā |
dvātriṃśo'dhyāyaḥ || 32 ||
[Analyze grammar]