Chapter 30

śrīlakṣmīruvāca |
dayālo paramānanda devadeva kṛpānidhe |
apūrvaṃ kathyate sarvaṃ brahmaṇaḥ paricāyakam || 1 ||
[Analyze grammar]

purupuṇyena kṛpayā śrotumetaddhi labhyate |
vinā tvāṃ kaḥ samarthoṃ vai devacihnavivecane || 2 ||
[Analyze grammar]

nārīrūpe nṛrūpe vā sacihnastu yadā bhavān |
prāpyate prajayā tarhi bhavettāsāṃ tu mokṣaṇam || 3 ||
[Analyze grammar]

bhāgyahīnaprajānāntu kathaṃ syāttava sannidhiḥ |
sākṣānna prāpyate yāvattāvanneyādvimokṣaṇam || 4 ||
[Analyze grammar]

santaḥ sādhvyaśca vā loke sarveṣāṃ gṛha medhinām |
vikaṭeṣu nivāseṣu kathaṃ gaccheyurādarāt || 5 ||
[Analyze grammar]

satāṃ vā susatīnāṃ ca nairapekṣyācca sarvataḥ |
gṛhasthānāṃ na lābhaḥ syātkathaṃ mokṣo bhavediti || 6 ||
[Analyze grammar]

yugabhedācca gārhasthyaṃ bahudhā vañcanāyutam |
anācārā''nṛtā'dharmakāpaṭyādipravardhitam || 7 ||
[Analyze grammar]

kuṭumbapoṣaṇā'saktaṃ lubdhaṃ durvṛttameva ca |
paraghātakaraṃ svārthasādhakaṃ malināntaram || 8 ||
[Analyze grammar]

bahvā''yāsā'lpabhogyaṃ ca prātipadikavañcanam |
apatyānnadhanavastravāhanā''varitaṃ sadā || 9 ||
[Analyze grammar]

arjanakleśasaṃghṛṣṭaṃ vyāpṛtaṃ cā'pyaharniśam |
kāmādyarthaparākṛṣṭaṃ kathaṃ muktiṃ vrajediti || 10 ||
[Analyze grammar]

sādhusaṃgavihīnaṃ tatsatkāryavidhuraṃ tathā |
yena gṛhasthakauṭumbaṃ yāyānmuktiṃ ca tadvada || 11 ||
[Analyze grammar]

śrīnārāyaṇa uvāca |
satyamuktaṃ tvayā lakṣmi  puṇyahīnanarasya tu |
prāpto'pi sādhusaṃgo vai dūre gacchatyabhāgyataḥ || 12 ||
[Analyze grammar]

sasūyā cāpyaviśvāso hyaśraddhā bhāvahīnatā |
nāstikyaṃ svīyasarvā'nyaśreṣṭhatvābhimatiḥ sadā || 13 ||
[Analyze grammar]

sarvathā sarvadā doṣamātradarśitvamapyuta |
atyarthaṃ ca mahattāsatkāramāneṣaṇāḥ sadā || 14 ||
[Analyze grammar]

ajñānitvaṃ ca mūrkhatvaṃ daṃbhitvaṃ tāmasātmatā |
nindakatvaṃ cā''suratvaṃ vairaṃ pāpacayastathā || 15 ||
[Analyze grammar]

puṇyāśīrvādahīnatvaṃ daivīsampadviyogitā |
doṣā hyete sadā svasya ghnanti sādhusamāgamam || 16 ||
[Analyze grammar]

puṇyena labhyate patnī tapasā labhyate patiḥ |
dānena labhyate putraḥ smṛddhirdakṣiṇayā''pyate || 17 ||
[Analyze grammar]

dīpena labhyate cakṣurghṛtenā''yurhi labhyate |
rasaistu labhyate dhātuḥ śāstreṇa jñānamāpyate || 18 ||
[Analyze grammar]

yatnena labhyate siddhirvidyā'bhyāsena labhyate |
yajñena labhyate svargaṃ patnyā saṃprāpyate ratiḥ || 19 ||
[Analyze grammar]

dharmeṇa prāpyate saukhyaṃ strībhirvaṃśo hyavāpyate |
satkāryeṇā''pyate kīrtirbhaktyā prasannatā''pyate || 20 ||
[Analyze grammar]

sevayā sādhyate svāmī lubdho dravyeṇa sādhyate |
kṣudhitaḥ sādhyate bhojyairmānī mānena bhajyate || 21 ||
[Analyze grammar]

śaṃsayā patyate garvī vīro vegena patyate |
tena tena kṛtenāpi nā''pyate satsamāgamaḥ || 22 ||
[Analyze grammar]

sarveṣāṃ durlabhaḥ sādhvi  satsamāgama īritaḥ |
teṣāṃ tu bhāgyahīnānāṃ svārthārthaṃ gṛhamedhinām || 23 ||
[Analyze grammar]

rakṣaṇārthaṃ ca mokṣārthaṃ paralokārthameva vā |
manmūrtisthā''tmaniveditvaṃ vai saṃkṛśya matpṛthak || 24 ||
[Analyze grammar]

pātivratyaṃ mayā sṛṣṭaṃ divyaṃ sarvārthasādhakam |
patyurnāryā kṛtā sevā pātivratyamihocyate || 25 ||
[Analyze grammar]

pātivratyātmikā sevā kanyārūpā babhūva ha |
svargamokṣau kare dhṛtvā puṇyānyādhāya pādayoḥ || 26 ||
[Analyze grammar]

devāṃstu śarīre dhṛtvā yajñān yonau viguhya ca |
pattale sarvatīrthāni sakthnostu kalpapādapāna || 27 ||
[Analyze grammar]

kucayoḥ kāmadhenūśca hṛdi cintāmaṇiṃ tathā |
puṇyavallīstu keśeṣu śaśisūryau ca netrayoḥ || 28 ||
[Analyze grammar]

dharmaṃ savaṃśaṃ manasi vāci siddhīstu yāvatīḥ |
dhṛtvā mastakakeśeṣu puruṣārthacatuṣṭayam || 29 ||
[Analyze grammar]

karṇayordikprapālāṃśca lalāṭe yāvadīśvarān |
ātmani śrīhareḥ sarvānavatārān sugṛhya ca || 30 ||
[Analyze grammar]

jihvāyāṃ satyugaṃ dhṛtvā kukṣāvānandamityapi |
oṣṭhayorarcidhūmrākhyau mārgau dhṛtvā suśobhanau || 31 ||
[Analyze grammar]

ramyā divyā suprakāśā tejaḥparidhimaṇḍitā |
vikasadyauvanastanī pūrṇā dvādaśahāyanā || 32 ||
[Analyze grammar]

ratyudbhavadaśāpannā dravā'nāptarajasvalā |
sūkṣmaromāvalīsvarṇā kāmasaundaryahāriṇī || 33 ||
[Analyze grammar]

salajjā satyavṛtyāḍhyā nārāyaṇasarūpiṇī |
akṣatā śāśvatī devī varārhā gūḍhacaṃcalā || 34 ||
[Analyze grammar]

pātivratyāhvayā sādhvī satī baddhakarāñjaliḥ |
natvā hariṃ sthitā cāgre prārthayāmāsa deśanām || 35 ||
[Analyze grammar]

ājñāpaya hare svāminnārāyaṇa jagadguro |
kimarthaṃ cā'hamutpannā kiṃ kāryaṃ ca mameṣyate || 36 ||
[Analyze grammar]

nārāyaṇo'pyahaṃ tāṃ tu yojayāmāsa sarvathā |
nārīvargeṇa sākaṃ vai tvayā stheyaṃ tu sarvadā || 37 ||
[Analyze grammar]

rādhāyāṃ ca ramāyāṃ ca lakṣmyāṃ śrīṣu satīṣu ca |
īśāsu jīvanārīṣu sādhvīṣu muktidāsu ca || 38 ||
[Analyze grammar]

nārīsṛṣṭiṣu subhage  sarvadā vasa bhāminī |
saṃvivāhitadampatyorgṛhe jāyāsu saṃvasa || 39 ||
[Analyze grammar]

tava vāsātkuṭumbaṃ tanmalinaṃ pāpakṛcca vā |
śuddhaṃ satsvargamokṣākhyān lokān yāsyatyayatnataḥ || 40 ||
[Analyze grammar]

yābhirārādhyate tvaṃ tu tatra stheyaṃ tvayā'pi ca |
sahasrayajñakṛdgehe tvayā stheyaṃ sadā'naghe || 41 ||
[Analyze grammar]

pitrostu sevino gehe tvayā stheyaṃ sadā'naghe |
brahmātmavedino gehe tvayā stheyaṃ sadā'naghe || 42 ||
[Analyze grammar]

ātmanivedibhaktasya gehestheyaṃ tvayā'naghe |
ṣaṭkarmakṛdbhūdevasya gṛhe stheyaṃ tvayā'naghe || 43 ||
[Analyze grammar]

naiṣṭhikavratasādhvyāstu tanau stheyaṃ tvayā'naghe |
dehe sadā sāṃkhyayoginīnāṃ stheyaṃ tvayā'naghe || 44 ||
[Analyze grammar]

yogārūḍhāsu sādhvīṣu dehe stheyaṃ tvayā'naghe |
yāsāṃ na sāgnikaḥ svāmī tāsāṃ patirahaṃ mataḥ || 45 ||
[Analyze grammar]

vaidhavyadharmanārīṣu sadā stheyaṃ tvayā'naghe |
tyā mama pratāpena lokā neyā pade'kṣare || 46 ||
[Analyze grammar]

omityaṅgīcakāraiṣā prārthayatpunareva tam |
prativyaktiśarīraṃ me rūpaṃ bhinnaṃ bhavediti || 47 ||
[Analyze grammar]

nānyathā mama sarvāsu sādhvīṣvāptiḥ prasaṃbhavet |
tathāstviti hariḥ prāha tato'nantasvarūpiṇī || 48 ||
[Analyze grammar]

pātivrātyā ca sā kanyā bhūtvā bhūtvā praveśitā |
yatra yatrā'rpitā''vāsā tatra sarvatra saṃgatā || 49 ||
[Analyze grammar]

naikasṛṣṭiṣu nārīṣu naikātmā sā'bhivartate |
sakāmebhyastu susvargān akāmebhyastu mokṣaṇam || 50 ||
[Analyze grammar]

dadāti śrīharerdevī nārāyaṇī gṛhe gṛhe |
yuge yuge ca lokeṣu brahmāṇḍe'dhamatāriṇī || 51 ||
[Analyze grammar]

tasmātpativratā nārī sevyā pūjyā hi me tanuḥ |
dṛśyā prabhojanīyā satkāryā namyā ca sarvadā || 52 ||
[Analyze grammar]

sāpi sādhvyeva saṃbodhyā na nyūnā māmakī tanuḥ |
adhamānāṃ samuddhārāyā'tra loke mayā kṛtāḥ || 53 ||
[Analyze grammar]

sādhvyaḥ pativratānāryo mama mūrtaya eva tāḥ |
tāsāṃ kāmo na kāmāya patyuḥ śuśrūṣaṇāya tu || 54 ||
[Analyze grammar]

tāsāṃ rāgo na rāgāya patyuḥ saṃramaṇāya tu |
tāsāṃ ratirna bhogāya patyurvaṃśakarāya tu || 55 ||
[Analyze grammar]

tāsāṃ bhogo na saukhyāya patyurānandanāya tu |
tāsāṃ sparśo na śaityārthaṃ patyuḥ śāntikarāya tu || 56 ||
[Analyze grammar]

tāsāṃ srāvo na saktyarthaṃ patyustṛptikarāya tu |
tāsāṃ garbho na duḥkhāya patyuriṣṭakarāya hi || 57 ||
[Analyze grammar]

tāsāṃ vrataṃ na naijārthaṃ patyurmuktikarāya hi |
tāsāmāyurna sṛṣṭayarthaṃ patyuḥ pāraṃgamāya hi || 58 ||
[Analyze grammar]

tāsāṃ mṛtirna śokārthaṃ patyuḥ śokaharāya tu |
tāsāmāśīrna mohāya patyurmohaharāya tu || 59 ||
[Analyze grammar]

tāsāṃ gehaṃ sarvadā puṇyapātraṃ tāsāṃ dehaḥ sarvadā devapātram |
tāsāṃ dharmaḥ sarvadā saukhyapātraṃ tāsāṃ prāptiḥ sarvadā dhāmapātram || 60 ||
[Analyze grammar]

tāsāṃ gatiścā'kṣaradhāmagāminī tāsāṃ matirbrahmasurūpayāminī |
tāsāṃ kṛtirnirguṇabhāvabhāvinī tāsāṃ dhṛtiḥ śrīharisaṃgamāpinī || 61 ||
[Analyze grammar]

iti te sādhanaṃ lakṣmi  pāpānāṃ śuddhikārakam |
gṛhasthānāṃ mayā proktaṃ kṛtaṃ cā'pyupadhāryatām || 62 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāyāḥ samudbhavasāmarthyādipradarśananāmā triṃśo'dhyāyaḥ || 30 ||
[Analyze grammar]