Chapter 25

śrīlakṣmīruvāca |
nārāyaṇa pate viśvaṃbhara deva mahāprabho |
tava gītādayaḥ sarvā mūrtayo mokṣadā iti || 1 ||
[Analyze grammar]

yaduktaṃ tattathaivāsti paraṃ yatnamayaṃ hi tat |
ayatnasādhyaṃ saralaṃ kṛtameva phaled drutam || 2 ||
[Analyze grammar]

nā'nyā'pekṣaṃ paraṃ śreṣṭhaṃ sādhanaṃ yaddhi saṃbhavet |
tanme brūhi mahārāja  sarveṣāṃ hitakṛd bhavet || 3 ||
[Analyze grammar]

bālaiśca vṛddhairyuvabhiḥ striyā vā nareṇa mūrkhaṇa supaṇḍitena |
smṛddhena dāridyasuduḥkhitena yenāpi kenāpi vidhāpitena || 4 ||
[Analyze grammar]

sādhanena paro devo bhagavān puruṣottamaḥ |
prāpyate tattathā strībhiḥ samāśroyaṃ taducyatām || 5 ||
[Analyze grammar]

śrīnārāyaṇa uvāca |
gītādayo'pi sādhvyo'pi yasyā āśrayaṇād drutam |
parāṃ muktiṃ susaṃyānti tāṃ devīṃ kathayāmyaham || 6 ||
[Analyze grammar]

sarvāsu sādhvīṣu śiraḥsvarūpā hyayatnasādhyā harivallabhā yā |
āraṃbhitā drāksukhamuktidātrī bhaktistu mātā bahusammatā me |
īśasṛṣṭisamāraṃbhe vāsudevādayo hi mām |
prārthayāmāsuranujāḥ premapūritabhāvataḥ || 8 ||
[Analyze grammar]

nārāyaṇa jagaddhātarjagacchreyovidhāyaka |
asmākaṃ mūlarūpo yaḥ śrīharirdhāmni rājate || 9 ||
[Analyze grammar]

tanmūrterdivyasāmarthyā'nantakalyāṇaśaktayaḥ |
prāvirbhavanti sādhvyastāḥ kalyāṇāya tu dehinām || 10 ||
[Analyze grammar]

tāsāṃ caiva tathā'smākaṃ śrīharāvaikyasādhanam |
samāśritaṃ bhaveccheṣṭhaṃ paraṃ kiñcidbhavenna vā || 11 ||
[Analyze grammar]

iti jijñāsitaścāhaṃ na kiñcidavadaṃ tadā |
hṛdi prasphuritaṃ samyag gacchāmaḥ sannidhau hareḥ || 12 ||
[Analyze grammar]

vāsudevādayaḥ sarve bhagavantastatheśvarāḥ |
jagmuryatra hariḥ sākṣātparaṃ brahma virājate || 13 ||
[Analyze grammar]

parame'kṣaraloke tannikaṣopasthitā vayam |
natvā stutvā daṇḍavacca kṛtvopāviviśustale || 14 ||
[Analyze grammar]

svāgataṃ tena saṃpṛṣṭhamātithyaṃ ca kṛtaṃ mudā |
asmābhiḥ kuśalaṃ pṛṣṭhaṃ kṛpā jijñāsitā parā || 15 ||
[Analyze grammar]

pitrā'smākaṃ tu hārdaṃ tadvijñāya viniveditam |
yūyaṃ sarve yadarthaṃ vai cāyātāḥ santi taddhayayam || 16 ||
[Analyze grammar]

vimṛśāmi parāṃ sādhvīṃ mama mūrtimayīṃ janum |
rāmakṛṣṇavāsudevanārāyaṇaparātmanām || 17 ||
[Analyze grammar]

tatpatnīnāṃ tathā pūjyāṃ tanuṃ sṛjāmi manmayīm |
mūrtāṃ tathā hyamūrtāṃ ca mūrtāṃ tu mattanuṃ śubhām || 18 ||
[Analyze grammar]

amūrtāṃ tu tattadātmanivāsārhāṃ janiprathām |
saṃkalpyaivaṃ svayaṃ sākṣāt śrīhariḥ puruṣottamaḥ || 19 ||
[Analyze grammar]

svīyaṃ vivṛtya puṃrūpaṃ bhaktirūpo babhūva ha |
sā ca devī mahādivyā parabrahmamayī śubhā || 20 ||
[Analyze grammar]

saumyā ramyā surūpā ca sarvasadguṇabhūṣaṇā |
sarvaiśvaryasusampannā mātā sarvasukhānvitā || 21 ||
[Analyze grammar]

paraṃbrahma svayaṃ cāpi bhaktirūpo vyavartata |
tatra kā nyūnatā vā syāt kiṃ kiṃ na saṃbhavet tataḥ || 22 ||
[Analyze grammar]

yāvattadrasasaṃpūrṇā yāvatsaubhāgyaśālinī |
sarvaiśvaryasamāpūrā parabrahmamayī tanuḥ || 23 ||
[Analyze grammar]

premapūrvakasevāyā rūpaṃ śrīhariṇā dhṛtam |
sarvasvaṃ nihitaṃ tatra nā'ṇvapi nyūnatā tataḥ || 24 ||
[Analyze grammar]

sā ca mātā'vatārāṇāṃ tathā bhagavatāmapi |
īśānāṃ ca sadā mātā bhaktirmokṣakarī matā || 25 ||
[Analyze grammar]

ayatnasādhyā sarvatra bhaktirmātā tu vartate |
mānasī bhāvanārūpā premarūpā tu cetane || 26 ||
[Analyze grammar]

kriyārūpā śarīre sā divyā snehamayī smṛtā |
vividhā vividhākārā vividhārthanibandhinī || 27 ||
[Analyze grammar]

bhaktiḥ sādhvī mahādevī bahudhā paritaḥ sthitā |
bhagavanto hyavatārā īśāstatpramadādayaḥ || 28 ||
[Analyze grammar]

ṛṣayaḥ pitaro devā mānavā yakṣarākṣasāḥ |
bhūtapretapiśācāśca kūṣmāṇḍāśca vināyakāḥ || 29 ||
[Analyze grammar]

vetālā ḍākinī caiva śākinī yoginī tathā |
sūtāśca māgadhāścaiva bandino bhāṭacāraṇāḥ || 30 ||
[Analyze grammar]

vidyādharāśca sādhyāśca viśvedevāśca mārutāḥ |
nāgāḥ sarpāstathā daityā dānavā uragāśca ye || 31 ||
[Analyze grammar]

sthāvarā jaṃgamāścaiva tiryañco'pi ca ye punaḥ |
sūkṣmāḥ sthūlāśca mūrtāścā'mūrtā divyāśca kecana || 32 ||
[Analyze grammar]

sṛṣṭau jīvāḥ sadehā vā adehā lokajāśca ye |
aloke vartamānaśca yāmye dharmapure tathā || 33 ||
[Analyze grammar]

svarge vā narake divye satye vaiśvarabhūmiṣu |
ye ca kecana sṛṣṭisthāḥ pāpāḥ puṇyāśca jīvinaḥ || 34 ||
[Analyze grammar]

malināścā'malināśca pātrāṇyapātrajātayaḥ |
jñānino jñānahīnā vā vedyāvedyadhurojjhitāḥ || 35 ||
[Analyze grammar]

tebhyo bhaktirmahāsādhvī muktidā nā'tra saṃśayaḥ |
śrīharau premarūpā sā drāgeva mokṣadāyinī || 36 ||
[Analyze grammar]

sarvaiḥ kāryā sadā pūjyā mānyā sevyā hṛdi priyā |
sadā dhāryā ca dṛśyā ca drāvyā muktipradāyinī || 37 ||
[Analyze grammar]

naitādṛśī parā devī kvāpi jātā na jāyate |
janiṣyate na cānyā vai bhaktirmātā parā matā || 38 ||
[Analyze grammar]

sarveṣāṃ kevalā bhaktirbrahmasāyujyakāriṇī |
iti niścitya sarveśo sadrūpāṃ tāṃ sasarja ha || 39 ||
[Analyze grammar]

paramānandacinmūrtiḥ sundarī kṛṣṇavallabhā |
hariṃ papraccha deveśī kiṃ karomīti sāṃjaliḥ || 40 ||
[Analyze grammar]

tadā tvājñāpayad devo madbhaktān poṣayeti ca |
aṃgīkṛtaṃ tayā tadvai prasanno'bhūddharistadā || 41 ||
[Analyze grammar]

muktiṃ dāsīṃ dadau tasyai putrau jñānavirāgakau |
bhaktirgolokavaikuṇṭhākṣarāvyākṛtadhāmasu || 42 ||
[Analyze grammar]

poṣitā bhagavadrūpaiḥ pārṣadaiḥ śāśvatīkṛtā |
īśvarāṇāṃ tu lokeṣu poṣiteśvarakoṭibhiḥ || 43 ||
[Analyze grammar]

svarge bhūmau ca pātāle poṣitā nāradādibhiḥ |
muktijñānavirāgaiśca sahitā yatra saṃgatā || 44 ||
[Analyze grammar]

tatra sarvatra sā bhaktirmahānandena saṃsthitā |
satyā'satyamaye kāle dharmādharmamaye yuge || 45 ||
[Analyze grammar]

bhaktistu sarvathā divyā muktidā prabalā matā |
sṛṣṭau sadbhirvardhamānā gehe gehe jane jane || 46 ||
[Analyze grammar]

vartate muktimādāya svebhyo muktiṃ dadāti hi |
bhaktyānvitāśca ye jīvā bhaviṣyanti yuge yuge || 47 ||
[Analyze grammar]

pāpino'pi gamiṣyanti nirbhayaṃ haridhāma yat |
yeṣāṃ citte vased bhaktiḥ sarvadā premarūpiṇī || 48 ||
[Analyze grammar]

na te paśyanti kīnāśaṃ svapne'pyamalamūrtayaḥ |
na preto na piśāco vā rākṣaso vā'suro'pi vā || 49 ||
[Analyze grammar]

bhaktiyuktamanaskānāṃ darśane'pi prabhurbhavet |
ne tapobhirna vedaiśca na jñānena na karmaṇā || 50 ||
[Analyze grammar]

haristu labhyate bhaktyā bhaktirūpo yato hariḥ |
prāṇināṃ sukṛtabalād bhaktau premā vivardhate || 51 ||
[Analyze grammar]

harau bhaktirharirbhaktirbhaktyā kṛṣṇaḥ puraḥsthitaḥ |
bhaktidrohakarā ye syuste sīdanti jagattraye || 52 ||
[Analyze grammar]

alaṃ vratairalaṃ tīrthairalaṃ yogairalaṃ makhaiḥ |
alaṃ jñānakathālāpairbhaktirekaiva muktidā || 53 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne bhaktimāhātmyakathananāmā |
pañcaviṃśo'dhyāyaḥ || 25 ||
[Analyze grammar]