Chapter 21

śrīlakṣmīruvāca |
gītābhyastu vyatiriktāḥ santi sādhvyo'parā na vā |
lokakalyāṇakārāya brūhi deva jagadguro || 1 ||
[Analyze grammar]

śrīnārāyaṇa uvāca |
gītābhyaḥ khalu sādhvībhyo'pyatiśreṣṭhā atipriyāḥ |
upaniṣadaḥ sādhvyaḥ santyāśrayeṇa pramuktidāḥ || 2 ||
[Analyze grammar]

yāsāṃ saṃsevanānmūrtau harerlīnā bhavantyaram |
brahmarūpapradā brahmā'bhinnatāprāpikāśca tāḥ || 3 ||
[Analyze grammar]

akṣarabrahmadhāmasthaśrīhariṇā svayaṃ punaḥ |
svātmatattvaparānandarasarūpād vibhāvitāḥ || 4 ||
[Analyze grammar]

muktānyo brahmasādharmyāvacchinnā divyamūrtayaḥ |
hiraṇyakeśā hiraṇyabhrūkuṭinetragolakāḥ || 5 ||
[Analyze grammar]

kundadatyaḥ sthalapadmacchadaraktoṣṭhakāntayaḥ |
raktotpalāntararājadgaṇḍottamakapolakāḥ || 6 ||
[Analyze grammar]

svarṇavarṇānanakāntisaumyahāsyamanoharāḥ |
svalpajaṃbīrasaṃsthānastanavakṣaḥsuśobhanāḥ || 7 ||
[Analyze grammar]

varadānā'bhayadānānvitaraktasuhastakāḥ |
sūkṣmakaṭyaḥ svalpamadhyāḥ śuṇḍhasakthnyaḥ supatkajāḥ || 8 ||
[Analyze grammar]

nityaṃ tā brahmacāriṇyo vivāhavarjitā'kṣatāḥ |
upaniṣatsamākhyātā jñānavāridhayo'vyayāḥ || 9 ||
[Analyze grammar]

īśvarāśca tathā jīvā ye ke cādhyātmasaṃcarāḥ |
muktiṃ yānti parāṃ brāhmīmupaniṣatsamāśrayāt || 10 ||
[Analyze grammar]

aprāptayauvanodbhedā brahmacāriṇya ātmadāḥ |
sādhvīrūpaistu lokeṣu vicaranti dayālayāḥ || 11 ||
[Analyze grammar]

asaṃkhyāḥ santi tāḥ sādhvīrūpā jñānātmikāstathā |
jñātvā tāḥ śaraṇāpannā nāryo yānti parāṃ gatim || 12 ||
[Analyze grammar]

īśvariṇyaśca devānyo mānavyastalajāśca yāḥ |
api bhraṣṭāśca pāpāśca muktiṃ yānti tadāśrayāt || 13 ||
[Analyze grammar]

smṛtamātrādbrahmalokaṃ prāpayanti mahābalāḥ |
sarvā upaniṣatsādhvyaḥ śrayaṇīyā mumukṣubhiḥ || 14 ||
[Analyze grammar]

ātmajñānapradānena brahmamantrārpaṇena ca |
śaraṇāgatidānena tārayantyātmano'niśam || 15 ||
[Analyze grammar]

tṛṣṇākṣayavidhānena vāsanāvilayena ca |
ātmatṛptipradānena tārayantyātmano'niśam || 16 ||
[Analyze grammar]

karmāśayavināśena hetūnāṃ dahanena ca |
tamovidhvaṃsanenaiva tārayantyātmano'niśam || 17 ||
[Analyze grammar]

svātmā'parokṣalābhena brahmātmayojanena ca |
brahmatvā''pādanenaiva tārayantyātmano'niśam || 18 ||
[Analyze grammar]

nityānandavidhānena nityatṛptyāhitena ca |
sarvapūrṇarasāptyā vai sukhayantyātmano'niśam || 19 ||
[Analyze grammar]

sarvajñatvapradānena pūrṇakāmabhavena ca |
sarvātmatvaprakāśena hlādayantyātmano'niśam || 20 ||
[Analyze grammar]

hareḥ sālokyaṭānena sarṣṭirāpādanena ca |
sārūpyāsādanenaivā''nandayantyātmano'niśam || 21 ||
[Analyze grammar]

sāyujyasaṃgraheṇaivā'pyekatvāpādanena ca |
brahmāmṛtatvalābhenā''svādayantyātmano'niśam || 22 ||
[Analyze grammar]

yāvadbrahmātmabodhena brahmadṛṣṭyāgamena ca |
aparokṣānubhūtyā ca mokṣayantyātmano'niśam || 23 ||
[Analyze grammar]

sādhvyaḥ paropakaraṇaśīlā muktipradāśca tāḥ |
sarvathā ca mayā sevyāstvayā cāpi muhurmuhuḥ || 24 ||
[Analyze grammar]

muktā vai sarvadhāmasthā īśvarā īśasṛṣṭayaḥ |
jīvā jīvāṇḍamadhyasthā santyupaniṣadāśritāḥ || 25 ||
[Analyze grammar]

tathopaniṣadā dāsyaḥ kumāryo brahmasaṃbhavāḥ |
śrutayo vividhākārāḥ sādhvyo divyā asaṃkhyakāḥ || 26 ||
[Analyze grammar]

parabrahmastavakaryaḥ parabrahmanirūpikāḥ |
parabrahmārthasarvasvāḥ parabrahmāptisaṃpradāḥ || 27 ||
[Analyze grammar]

sarvā divyāḥ surūpāśca hyupaniṣatsamaprabhāḥ |
sarvā dvādaśavārṣikyaḥ sarvasṛṣṭisusaṃcarāḥ || 28 ||
[Analyze grammar]

śrīharerdivyarūpasya pratyekāṃ'gasamudbhavāḥ |
apārāḥ śrutayo devyo dhāraṇānmuktidā matāḥ || 29 ||
[Analyze grammar]

naikārthā naikarūpāstāḥ sākārā''kāravarjitāḥ |
hiraṇyavarṇā hariṇyaḥ svarṇakanakakāntayaḥ || 30 ||
[Analyze grammar]

śvetapāṇḍuraraktāśca kamalacchadakomalāḥ |
peśalāḥ pāpanāśinyaḥ śrayaṇācchravaṇāttathā || 31 ||
[Analyze grammar]

gītāstathopaniṣadaḥ śrutayaścā'kṣare pare |
dhāmni svīyakṛtā''vāsā muktarūpāḥ sadā tu tāḥ || 32 ||
[Analyze grammar]

athāpi vedhasā cātra prārthitā dhāmataḥ khalu |
samāgatya pare satye loke vasanti nityaśaḥ || 33 ||
[Analyze grammar]

tāsāṃ sṛṣṭiranantā vai hyasaṃkhyā bhavanādayaḥ |
amūlyāḥ smṛddhayastāsāṃ parameṣṭhisamūrdhdhayaḥ || 34 ||
[Analyze grammar]

sadā divyāḥ sadā kanyāḥ kumāryaśca sadā hi tāḥ |
dhyeyāḥ pūjyā vicintyāśca sevyā devyo'nvahaṃ ca tāḥ || 35 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne upaniṣacchrutyātmakasādhvīmāhātmyakathananāmā ekaviṃśo'dhyāyaḥ || 21 ||
[Analyze grammar]