Chapter 7

śrīnārāyaṇa uvāca |
tatasteṣāṃ trayāṇāntu syāgrapūjyatvalabdhaye |
durāgraheṇa mahatā jātaḥ kolāhalaḥ paraḥ || 1 ||
[Analyze grammar]

ahaṃ pūrvaṃ tu pūjyaḥ syāṃ na tvaṃ nānya itīśvarāḥ |
svasya pūjyatvasaṃprāptyai kalahaṃ samacakrire || 2 ||
[Analyze grammar]

tiraskurvanti cānyonyamadhikṣepaṃ dadhatyapi |
duruktairvākprabāṇaiśca vidhyanta iva marmasu || 3 ||
[Analyze grammar]

kalahaṃ cakrire yāvattāvatteṣāṃ matānugāḥ |
koṭiśo viṣṇavo rudrā brahmāṇaḥ samudāyudhāḥ || 4 ||
[Analyze grammar]

yuyudhurbhṛśamatyugramardanaṃ tadabhūnmahat |
yadaikasya prapūjyatve nirṇayo na kṛtaśca taiḥ || 5 ||
[Analyze grammar]

tadā vairājapuruṣairmahāviṣṇusamanvitaiḥ |
īśo devo hariḥ sākṣānnirṇayāya samarthitaḥ || 6 ||
[Analyze grammar]

paraṃbrahma svayaṃ teṣāmarthanāmavagatya vai |
nyāyālayaṃ paraṃ sthānamavyākṛtasudhāma yat || 7 ||
[Analyze grammar]

viracayyā'kṣare dhāmni nyāyakartā'pi ca svayam |
bhūmapūruṣarūpeṇa nyāyādhīśo virājitaḥ || 8 ||
[Analyze grammar]

nyāyasampādakāścānye īśvarāstena yojitāḥ |
bhūmnā svasya vāmabhāgād bhūmnī lakṣmīḥ prasaṃkṛtā || 9 ||
[Analyze grammar]

sāpi nyāyaparādhīśā nyāyakartrī pareśvarī |
avyākṛtaṃ ca taddhāma bhūmabhūmnyoḥ paraṃ kṛtam || 10 ||
[Analyze grammar]

nyāyakartryastathā nyāyādhīśāstatrā'pyanekaśaḥ |
upanirṇayadāḥ santi parāvaraniyāmakāḥ || 11 ||
[Analyze grammar]

santi prakṛtipuruṣapradhānapuruṣātmakaḥ |
mahāviṣṇuvirājādīśvarāṇāṃ nirṇayapradāḥ || 12 ||
[Analyze grammar]

tatra tatra teṣu teṣu sthāneṣvīśvarakoṭayaḥ |
nyūnātiriktasukhadaiśvaryavatyo bhavanti hi || 13 ||
[Analyze grammar]

parārdhabhujavān viṣṇuḥ pūjyo rājasusammataḥ |
bhūmnā nyāyaḥ kṛtastadvad rājasūyo'pi nirvṛtaḥ || 14 ||
[Analyze grammar]

nyāyājñayā kṛtanyāyaprotasarveśasṛṣṭibhiḥ |
phalantu nyāyakāryasya tatra tatra hyavāpyate || 15 ||
[Analyze grammar]

ekarājakṣaye'nyasya paṭṭābhiṣekasūtsavaḥ |
kārye vinimaye prāpte netṝṇāṃ parivartanam || 16 ||
[Analyze grammar]

yuddhakāle vināśe vā cākasmika upadrave |
vyūhāṃśavibhavā''veśavibhūtīnāṃ prakāśane || 17 ||
[Analyze grammar]

brahmāṇḍeṣvavatārāṇāṃ preṣaṇe ca vikarṣaṇe |
sarvathā'pyadhikāro'sti bhūmno bhagavataḥ sadā || 18 ||
[Analyze grammar]

śrīharistu svayaṃ sākṣādbhūmūpūruṣarūpataḥ |
avyākṛte svake dhāmni nyāyakāryārthamāsthitaḥ || 19 ||
[Analyze grammar]

brahmāṇḍe ca yadā yarhi yasmin yasmin sthale sthale |
hānirdharmasya budhyeta tadāṃ'śaṃ prerayatyayam || 20 ||
[Analyze grammar]

rāmakṛṣṇādayaḥ sarve vibhinnā vai yuge yuge |
avatārā anantā vai bhavantyaṇḍe pṛthakpṛthak || 21 ||
[Analyze grammar]

īśvarāṇāṃ ca lokeṣu hyavatārā anantakāḥ |
bhavanti samaśīlāstatsamarūpāḥ samakriyāḥ || 22 ||
[Analyze grammar]

śrīhareravatārāṇāṃ nā'ntaḥ saṃkhyā na vidyate |
kālā''nantyātsṛṣṭyapārātkāryā''nantyācca kṛtsnaśaḥ || 23 ||
[Analyze grammar]

atheśvarāṇāṃ sarveṣāṃ sarvadā sukhalabdhaye |
śrīhariṇā hṛdi dhyātaṃ tapaścātha bṛhadvratam || 24 ||
[Analyze grammar]

sarveśvarāḥ sadā santu sukhinaḥ sattvasaṃbhṛtāḥ |
prakṛtipūruṣaścātha pradhānapuruṣastathā || 25 ||
[Analyze grammar]

bhūmapūruṣalokasthā mahāviṣṇumaheśvarāḥ |
hiraṇyagarbhā vairājā aṣṭāvaraṇakeśvarāḥ || 26 ||
[Analyze grammar]

golokasthā vikuṇṭhasthāḥ śvetadvīpasthitāstathā |
avyākṛtasthitā viṣṇurudramāyākṣarasthitāḥ || 27 ||
[Analyze grammar]

sarve bhavantu sukhinaḥ sadā mattapasā tviti |
dayayā hariṇā caivaṃ kṛtaṃ dhāma tapaḥkṛte || 28 ||
[Analyze grammar]

akṣarākhyapradeśe taddivyaṃ badarikāśramam |
tapastyāgamayaṃ ramyaṃ śāntyānandamayaṃ sadā || 29 ||
[Analyze grammar]

bṛhadvratadharaṃ rūpaṃ divyaṃ śrīhariṇā dhṛtam |
sa vai nārāyaṇaḥ svāmī divyaṣoḍaśavārṣikaḥ || 30 ||
[Analyze grammar]

akṣareṇa tadā tasya sevārthaṃ rūpamarthitam |
narākāraṃ ca tadrūpa dhṛtaṃ ṣoḍaśavārṣikam || 31 ||
[Analyze grammar]

sevakaḥ sa naraḥ svāmī nārāyaṇa iti hariḥ |
naranārāyaṇaḥ so'yamakṣarādiparaḥ prabhuḥ || 32 ||
[Analyze grammar]

rājate tatra tejasvī brahmavarcasvavāridhiḥ |
ūrdhvasrotā brahmacārī naranārāyaṇaḥ prabhuḥ || 33 ||
[Analyze grammar]

īśvarāstatra gacchanti darśanārthaṃ harermuhuḥ |
muktāstatra hyasaṃkhyātā kāśyo naiṣṭhikāḥ sthitāḥ || 34 ||
[Analyze grammar]

te vai dayālavaḥ śāntāḥ sādhavo munayo matāḥ |
īśānāntu gṛhasthānāmuddhārakaraṇāya vai || 35 ||
[Analyze grammar]

bhramantīśvaralokeṣu śaraṇāgatarakṣakāḥ |
mantraṃ nārāyaṇasyaiva datvā mokṣaṃ nayantyapi || 36 ||
[Analyze grammar]

upāsanāṃ hareḥ sākṣātparabrahmaṇa ityapi |
pravartayanti ceśeṣu mokṣayanti ca tāṃstataḥ || 37 ||
[Analyze grammar]

goloko'pyatha vaikuṇṭhaḥ śvetadvīpo'tha divyakaḥ |
avyākṛtaśca badarikāśramaśceti nāmabhiḥ || 38 ||
[Analyze grammar]

kīrtyamānāni dhāmāni dīvyānyakṣaradhāmani |
akṣarasya pradeśeṣu hariṇā racitāni hi || 39 ||
[Analyze grammar]

śrīkṛṣṇaḥ śrīrāmacandraḥ śrīnārāyaṇaṃ ityayam |
śrībhūmā śrīnaranārāyaṇaḥ śrīharireva ca || 40 ||
[Analyze grammar]

svayaṃ brahmeśvaraḥ sākṣādakṣarādhipatiḥ prabhuḥ |
brahmalokeśvarastāni rūpāṇi dhārayatyataḥ || 41 ||
[Analyze grammar]

puruṣottamasaṃjño yo bhagavānparameśvaraḥ |
sarvatra saṃsthitaḥ so'yaṃ bhinnarūpeṇa rājate || 42 ||
[Analyze grammar]

dhāmnastvakṣarasaṃjñasya pradeśeṣu kṛtāni vai |
dhāmānyanyāni tatteṣu sarvatrā'kṣaramasti hi || 43 ||
[Analyze grammar]

tasmād golokādimadhye dhāma vyāpakamakṣaram |
paraṃdhāma brahmalokaḥ sarvatrāstīti varṇyate || 44 ||
[Analyze grammar]

īśvarāṇāṃ ca lokānāṃ sīmā prakṛtirucyate |
sīmni dhāmāni caitāni brahmalagnāni santi hi || 45 ||
[Analyze grammar]

tasmādakṣarasaṃjñāste'kṣaravyāpyā bhavanti ca |
prakṛteḥ sparśarahitāḥ prakṛterupari sthitāḥ || 46 ||
[Analyze grammar]

lokā mokṣabhūmayaste gadyante marmavedibhiḥ |
itīśasṛṣṭisaṃsthānaṃ lakṣmi saṃjñeyamañjasā || 47 ||
[Analyze grammar]

tavaiva sarvasāmarthyaṃ tavaivaitatprabhāvajam |
sarvamīśvarasaṃsthānaṃ tvāṃ vinā naiva śobhate || 48 ||
[Analyze grammar]

tvaṃ cā'haṃ ca sadā tatra sarvātmarūpadhārakau |
tvāṃ vinā na mameśatvaṃ māṃ vinā na ratistvayi || 49 ||
[Analyze grammar]

saccitoḥ sarvathā tatra prānandaḥ sukhamucyate |
sarve lokā īśvarāścā'śnuvate sukhamāvayoḥ || 50 ||
[Analyze grammar]

tasmānnārāyaṇalakṣmyātmakamīśvaramaṇḍalam |
prādurbhūtaṃ tadāvābhyāṃ tirobhavati cāvayoḥ || 51 ||
[Analyze grammar]

ātyantike laye līnaṃ prāraṃbhe punarutthitam |
bhavatīti vicāryaiva bhajantīśāḥ sadā nu mām || 52 ||
[Analyze grammar]

madaiśvaryaṃ samāpannā īśvarā madadhiṣṭhitāḥ |
madyogādīśvarā jātā madvinā neśvarā iti || 63 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne'vyākṛtadhāmabadarikāśramadhāmapradarśananāmā saptamo'dhyāyaḥ || 7 ||
[Analyze grammar]