Lakshmi-tantra [sanskrit]

44,377 words | ISBN-10: 8120817354 | ISBN-13: 9788120817357

The Sanskrit text of the Lakshmi Tantra, an ancient text belonging to the Pancaratra tradition possibly dating to the 9th century A.D. The Lakshmitantra is devoted to the worship of Goddess Lakshmi (the Shakti of Vishnu-Narayana) although it also glorifies all women in general. Alternative titles: Lakṣmītantra (लक्ष्मीतन्त्र), Lakṣmī-tantra (लक्ष्मी-तन्त्र), Laksmitantra.

ekonapañcāśo'dhyāyaḥ - 49
śrīḥ---
caturthī tanurmāntrī māyākhyā mama vāsava|
tasyā vidhānamadhunā śṛṇu mantrakriyānvitam || 1 ||
1. - - - - - - - - - - - -
mūrtyaṅgasakhidāsākhyāṃ māyīyāṃ mantrasaṃtatim|
svahaste pūrvavannyasya vigrahe tadanantaram || 2 ||
2. - - - - - - - - - - - -
hṛdayāntargatāṃ ceṣṭvā bhogaiḥ sarvaiśca pūrvavat|
bāhye tu maṇḍalaṃ kṛtvā madhye ca kamalaṃ śubham || 3 ||
3. - - - - - - - - - - - - - - -
tatrotsaṅgagatāṃ viṣṇorhṛdayādavatārya ca|
ārādhayettato māyāmaṅgasakhyādisaṃyutām || 4 ||
4. - - - - - - - - - - - -
bhrāmaṇyādyāstato dhyeyāḥ sakhyaḥ kamalalocanāḥ|
{1}sitāmbaradharā divyāścatasro ratnabhāsurāḥ || 5 ||
5. - - - - - - - - - - - - -
{1. pītāmbara C. }
cāmarāṅkuśahastāśca baddhapadmāsanasthitāḥ|
māyāmayādayo dhyeyāścatvāro'nucarāstathā || 6 ||
6. cāmarāṅkuśahastā ityanena dvibhujatvaṃ dyotyate| māyāmayādayo'nucarāḥ pañcacatvāriṃśādhyāye'traiva nāmnā nirdiṣṭāḥ|
saṃpūrṇasarvāvayavāḥ snigdhālikulasaṃnibhāḥ|
caturbhujā mahākāyāḥ saumyavaktrāḥ smitānanāḥ || 7 ||
7. - - - - - - - - - - - - - -
keyūrābharaṇopetāḥ pītāmbaradharāstathā|
hāranūpurasaṃyuktā nānākusumamaṇḍitāḥ || 8 ||
8. - - - - - - - - - - -
tuṣāradhūlidhavalāḥ khaḍgapāśakarodyatāḥ|
bāṇaṃ kārmukamanyasminnātapatraṃ karadvaye || 9 ||
9. - - - - - - - - - - - -
darśayitvā tathā mudrā yasya yasya hi yāḥ smṛtāḥ|
homaṃ tadanu kurvīta tilaiḥ siddhārthakānvitaiḥ || 10 ||
10. - - - - - - - - - - - -
tato niyamamāśritya kṛtvā tadanu vāsava|
devīrūpaṃ svamātmānaṃ bhāvenāvyabhicāriṇā || 11 ||
11. - - - - - - - - - - - -
prayāyādvijanasthānaṃ{2} prauḍhottarasahāyavān|
japellakṣāṇi vai sapta pūrvoktavidhinā vratī || 12 ||
12. - - - - - - - - - - - -
{2. vijayasthānaṃ I. }
kṣīramūlaphalāhāro deśakālavaśāttu vai|
ayācitaikabhikṣāśī yāvakenāpi vartayan || 13 ||
13. - - - - - - - - - - - -
svaśiṣyasādhitaṃ vānnaṃ mantrapūtamasaindhavam{3}|
tailamāṃsavinirmuktaṃ saṃdhyākāle hyupasthite || 14 ||
14. - - - - - - - - - - - -
{3. pūtaṃ sutaṇḍulam B. G. }
{4}ātṛpterabhibhuñjīta bhāvitaṃ madhusarpiṣā|
japānte vidhivanmantrī homaṃ kuryāt prayatnataḥ || 15 ||
15. - - - - - - - - - - - - -
{4. ātṛptiṃ I. }
balāṃ moṭāṃ tathā māṃsīṃ cakrāṅgīṃ nāgakesaram|
candanaṃ kuṅkumakṣodaṃ rajanīcūrṇameva ca || 16 ||
16. - - - - - - - - - - - -
melayet sughṛtānāṃ ca tilānāṃ{5} madhunā tataḥ|
bhāvayet saghṛtenaiva{6} trilakṣaṃ juhuyāt tataḥ || 17 ||
17. - - - - - - - - - - - - -
{5. tilānnaṃ C.; tilāṃstān I. }
{6. svadhitānnaṃ ca I. }
madhyamānāmikābhyāṃ ca sāṅguṣṭhābhyāṃ puraṃdara|
ante'yutatrayaṃ caiva samidhāṃ parihomayeta || 18 ||
18. - - - - - - - - - - - -
prāgrājārkatarūtthānāṃ khādirāṇāṃ tataḥ param|
suradārumayīnāṃ ca tṛtīyamayutaṃ tataḥ || 19 ||
19. rājataruḥ karṇikāraḥ| suradāruḥ devadāruḥ|
dadyāt pūrṇāhutiṃ samyak suśuddhenāntarātmanā|
patitāyāṃ tu pūrṇāyāmāyāti gaganāntarāt || 20 ||
20. - - - - - - - - - - - -
parivārānvitā māyā bhāṣate sādhu sādhviti|
kuru kāryamabhīṣṭaṃ ca manmantreṇādhunā vraja || 21 ||
21. - - - - - - - - - - - -
idamukatvā vrajet tūrṇaṃ devī {7}viṣṇuniketanam|
{8}tatastu sādhakavaraḥ karmāṇi vividhāni ca || 22 ||
22. - - - - - - - - - - - - -
{7. viṣṇorniketanam F. }
{8. tataḥ sa B. C. I. }
prārabhetāñjasā śakra yānyabhīṣṭāni cetasā|
ātmārthe parārthe leśatastāni me śṛṇu || 23 ||
23. - - - - - - - - - - - - -
prajapyāmalakaṃ bilvaṃ sakṛnnṛpagṛhaṃ{9} viśet|
kośasyāgre vinikṣipya yatra yatra sthitaḥ sa tu || 24 ||
24. - - - - - - - - - - - -
{9. bhūpagṛhaṃ C. }
gaganāt prapatet tūrṇaṃ yadyadvittaṃ samīhate|
yadyaccābharaṇaṃ ślāghyaṃ yadyadvā vasanaṃ śubham || 25 ||
25. - - - - - - - - - - - -
evaṃ vai vrīhigulikāṃ{10} tathaiva tilataṇḍulam|
kṣipeddhānyakule pūrṇae goṣṭhāgāre'tha khātake || 26 ||
26. - - - - - - - - - - - -
{10. gulikaṃ A. I. }
rājakīye tathātmīye yatra yatra sthitastataḥ|
yadyat samīhate ghānyaṃ sasyaṃ taṇḍulānvitam || 27 ||
27. - - - - - - - - - - - - - -
tattadagre'tha gaganāt patatyeva yathepsitam|
evameva tu siddhānnagulikāṃ parijapya ca || 28 ||
28. - - - - - - - - - - - -
kṣiptvā mahānasoddeśe siddhānnaṃ karṣayet kṣaṇāt|
gulikāṃ gomayenaiva kṛtvā tu badarīsamām || 29 ||
29. - - - - - - - - - - - -
nikṣipya govrajasyāntaḥ saptavārābhimantritām|
dhyānamātrāt kṣaṇasyānte dadhikṣīrājyapūritān || 30 ||
30. - - - - - - - - - - - -
bhāṇḍāṃsca pṛṣṭhataḥ paśyedyatra yatra sthito vratī|
prajapya badaraṃ samyak phalamanyattu vkacit || 31 ||
31. - - - - - - - - - - - - - -
kṣipenmadhuvane rājñaḥ phalākṛṣṭiṃ karoti ca|
supuṣpavāṭikāyāṃ tu puṣpamekaṃ vinirdiśet || 32 ||
32. - - - - - - - - - - - -
japtvā vāratrayaṃ mantrī puṣpāṇyākarṣayet kṣaṇāt|
yatra yatra tadaṅgotthaṃ saptajaptaṃ vinikṣipet || 33 ||
33. - - - - - - - - - - - -
tatra tatra tu tat tiṣṭhete saṃkalpe tu kṛte sati|
yathecchaṃ{11}tu samākṛṣṭaṃ tatra tatra tu tadvrajet || 34 ||
34. - - - - - - - - - - - - - - -
{11. yatheṣṭaṃ C. }
na cāpi sādhakavaraḥ saṛṇo{12} jāyate vkacit|
kṛtvāṅgārakaṇaṃ caiva śataṃ japtaṃ samāhitaḥ{13} || 35 ||
35. - - - - - - - - - - - - - -
{12. jīrṇo B. C. }
{13. samāhitam C. }
kṣipet salilamadhye tu jvalat tad dṛśyate jalam|
kuśāgrasthaṃ jalakaṇaṃ śatavārābhimantritam || 36 ||
36. - - - - - - - - - - - -
kṛtvā hutāśarāśau tu jvalamāne vinikṣipet|
bhavet pānīyamiva ca sa vahnirdṛśyate kṣaṇāt || 37 ||
37. - - - - - - - - - - - - -
vālukāparipūrṇaṃ cāpyaraṇyaṃ tu tṛṇojjhitam|
dṛṣṭvā tatra vinikṣipya tṛṇaṃ dviśatamantritam || 38 ||
38. - - - - - - - - - - - - - -
puṣpapatrasamākīrṇaṃ patrapallavasaṃkulam|
kuryānnandanatulyaṃ tat toyarāśisamāvṛtam || 39 ||
39. - - - - - - - - - - - -
{14}nānāvihagasaṃpūrṇaṃ pattanopavanānvitam|
puraprākārasaṃpūrṇaṃ devatāyatanānvitam || 40 ||
40. - - - - - - - - - -
{14. nānāvibhava I. }
geyavedadhvaniyutaṃ lalanābhiśca śobhitam|
nṛpāṇāmetadāścaryaṃ{15} darśanīyaṃ sadaiva hi || 41 ||
41. - - - - - - - - - - - - -
{15. ācaryaṃ B. }
{16}tanūdakeṣvaraṇyeṣu niranneṣu sadaiva hi|
icchayāpastathānnāni bhogāṃśca vividhānapi || 42 ||
42. - - - - - - - - - - - -
{16. A. omits this line. }
karoti mantritairloṣṭairgomayenāṣṭasaṃkhyayā|
arivarge gṛhītāsre saṃmukhe sati tiṣṭhati || 43 ||
43. - - - - - - - - - - - -
krodhāccaiva tathodyukta ekākī yadi tiṣṭhati|
japamānastu vai mantraṃ saṃkalpya manasā mahat || 44 ||
44. - - - - - - - - - - - - -
ātmīyaṃ ca balaṃ pattisyandanāśvagajākulam|
tasya saṃpadyate kṣipraṃ camūrghoraparākramā || 45 ||
45. - - - - - - - - - - -
dṛṣṭvā tāṃ vimukhaṃ yāti hataujaskaṃ riporbalam|
karoti śakra yatkiṃcinmanasā mantramuccaran || 46 ||
46. - - - - - - - - - - - - -
{17}vyalīkaṃ satyabhūtaṃ ca tattathā paridṛśyate|
dṛṣṭvā tu pādapaṃ śuṣkaṃ tāḍayeccaraṇena tu || 47 ||
47. - - - - - - - - - - - -
{17. alīkaṃ I. }
japamāno mahāmantraṃ {18}sa syāt puṣpaphalākulaḥ|
patrapuṣpaphalopetaṃ pāṇibhyāṃ mantramuccaran || 48 ||
48. - - - - - - - - - - - -
{18. syātsa I. }
pīḍhayet pādapaṃ mantrī sa śoṣamadhigacchati|
parvatāgrasthito mantraṃ {19}tannāśārthaṃ japedyadi || 49 ||
49. - - - - - - - - - - - - -
{19. nāśārthāya I. }
patedadhastācchailastu yāvadicchati sādhakaḥ|
tuṣṭaḥ protthāpayet paścāt pātālāt parvatottamam || 50 ||
50. - - - - - - - - - - - - - -
cāndanena rasenaiva mantraṃ padmodare nyaset|
patreṣvaṅgāni cālikhya suśubhe divase tataḥ || 51 ||
51. - - - - - - - - - - - -
pūjayitvātha puṣpādyairveṣṭanairveṣṭayettathā|
pūrvavad dhārayedyantraṃ tasya sarvā vibhūtayaḥ{20} || 52 ||
52. - - - - - - - - - - - - -
{20. hi siddhayaḥ G. }
{21}samyagāvirbhavantyatra loke niṣkaṇṭakaḥ sa ca|
subhagaścaiva dīrghāyuḥ paratra sukhamāpnuyāt || 53 ||
53. - - - - - - - - - - - -
{21. G. omits three lines from here. }
mūrteścaturthyā vṛtrāre prabāvo'yaṃ mahādbhutaḥ|
leśato darśitastasyāḥ sākalya mama durvacam || 54 ||
54. - - - - - - - - - - - - -
devīcatuṣṭayasyaiṣa siddhisaṃghaḥ samāsataḥ|
kiṃcittu leśataḥ proktaḥ sādhakānāṃ hitāptaye || 55 ||
55. - - - - - - - - - - - -
tebyo divyāni bhautāni prayacchati śubhāni ca
vimalāṃ ca manaḥśuddhimante ca paramaṃ padam || 56 ||
56. - - - - - - - - - - - -
prakāśayati bhaktānāṃ vaiṣṇavaṃ cāvināśitam|
vistīrṇāmiti māṃ lakṣmīmiyatībhirvibhūtibhiḥ || 57 ||
57. - - - - - - - - - - - -
bhajeta vividhairbhāvaiḥ kṣemaṃ kṛtvā manaḥsthitam|
śakraḥ---
namo devādidevyai te namo vaikuṇṭhavallabhe || 58 ||
58. - - - - - - - - - - - -
kasmin lakṣe manaḥ kṛtvā bhajeyaṃ tvāṃ saroruhe|
śrīḥ---
eko nārāyaṇo haṃsaḥ ṣāḍguṇyāmṛtavāridhiḥ || 59 ||
59. - - - - - - - - - - - -
tasyāhaṃ paramā śaktirviṣṇoranapagāminī{22}|
sāhamaṅkasthitā tasya yathā te pūrvamīritā || 60 ||
60. - - - - - - - - - - - -
{22. śrīranapāyinī B. G. }
lakṣaṃ tadeva te śakra manasaḥ sthairyakāraṇam|
sarvalakṣaṇasaṃpannāṃ suvarṇarajatādibhi- || 61 ||
61. - - - - - - - - - -
nirmāya māṃ vibhoraṅkasthāyinīṃ śāsradarśanāt|
pratiṣṭhāpya vidhānena taistairbhāvairbhajasva mām || 62 ||
62. - - - - - - - - - - - -
śakraḥ---
namaste jagadāvāse manonayananandini|
yuvayoḥ sthāpanaṃ kīdṛgbimbe ṣāḍguṇyanirmite || 63 ||
63. - - - - - - - - - - - -
śrīḥ---
sarvabhūto yathā viṣṇurdevaḥ ṣāḍguṇyavigrahaḥ|
sarvabhūtātmabhūtasthā tādṛśyevāhamadbhutā{23} || 64 ||
64. - - - - - - - - - - - -
{23. mahādbhutā F. }
pratiṣṭhitāyāḥ sarvatra mama nārāyaṇasya ca|
vastutaḥ pratiṣṭhā syāt sarvaṃ yadvaiṣṇavaṃ yaśaḥ || 65 ||
65. - - - - - - - - - - - - - -
tamimaṃ vāstavaṃ bhāvamārūḍhaṃ mānasaṃ yateḥ|
arcā pratiṣṭhā cetyete vikalpāḥ pravijṛmbhitāḥ || 66 ||
66. - - - - - - - - - - - - -
śṛṇu tatra pratiṣṭhāṃ me yathāvadbalasūdana|
yayā vihitayā dehī kṛtārthatvaṃ prapadyate || 67 ||
67. - - - - - - - - - - - -
nirmāpya śāsrataḥ samyagyogoktaṃ rūpamāvayoḥ|
sūktābhyāṃ sapavitrābhyāṃ snāpayet tīrthavāriṇā || 68 ||
68. - - - - - - - - - - - -
ācchādya navavasreṇa viprairadhyāpayet saha|
vimalairdharmatattvajñaisrayīsāttvataśāsrayoḥ || 69 ||
69. - - - - - - - - - - -
tārakaṃ tārikāṃ caiva tathaivāpyanutārikām|
sūktaṃ ca śākunaṃ caivāpyadhīyīran pavitravat || 70 ||
70. śākunaṃ sūktam ṛgvede (mao 2. sūo 42. . 1) draṣṭavyam|
sūryasyāstamayaṃ prāpya tadbimbaṃ vasraveṣṭitam|
ṛtaṃ cetyādisūktena tathā sārasvatena ca || 71 ||
71. - - - - - - - - - - - -
ṛgbhirhiraṇyavarṇābhiḥ kuryādvāryadhivāsanam|
udgate vimale sūrye kuryāddiksthāpanaṃ tataḥ || 72 ||
72. - - - - - - - - - - - -
uttiṣṭha brahmaṇa iti prāpayeyuśca vedikām|
apanīya tato vasraṃ snāpayecchuddhavāriṇā || 73 ||
73. - - - - - - - - - - - -
yāmye ca vedibhāge tu mṛdvāstaraṇaśobhite|
bimbaṃ pūrvaśiraskaṃ tu śāyayejjapapūrvakam{24} || 74 ||
74. - - - - - - - - - - - - - -
{24. pūrvavat B. }
tataḥ śalākāṃ sauvarṇīṃ gṛhītvāsrābhimantritām|
{25}ullikhennayane netramantrajāpī śalākayā || 75 ||
75. - - - - - - - - - - - - -
{25. ullikhecca tato netre I. }
snātaḥ śuddhāmbaraḥ śilpī divyadṛṣṭyāvalokitaḥ|
{26}asramantritaśasreṇa netre prakaṭatāṃ nayet || 76 ||
76. - - - - - - - - - - - -
{26. asramantreṇa śasreṇa I. }
pūrayenmadhusarpirbhyāṃ tatpātre ca pradarśayet|
sālaṃkāraṃ dhenuyugmaṃ tasmin kāle nivedayet || 77 ||
77. - - - - - - - - - - - -
nayanonmīlanīyaṃ tat sarvaṃ dadyāttu śilpine|
tataḥ sitena sūtreṇa baddhvā rājīḥ suvāsasi{27} || 78 ||
78. rājiḥ kṛṣṇasarṣapaḥ|
{27. vāsasī I. }
badhnīyāttārayā tasya kautukaṃ dakṣiṇe kare|
bhadrapīṭhe samāropya tathā bimbaṃ tu susthire || 79 ||
79. - - - - - - - - - - - -
ādhārādikramopet samyagbhāvena pūjite|
tato bimbaṃ nirīkṣeta dhiyā{28} ṣāḍguṇyapūritam || 80 ||
80. - - - - - - - - - - - - - - -
{28. tāvat I. }
tāḍayitvāsramantreṇa kavacenāvakuṇṭhya ca|
sarvauṣadhyudakenaiva snāpayet kevalena ca || 81 ||
81. - - - - - - - - - - - -
saṃmṛjyāhatavasreṇa kautukaṃ mocayettataḥ|
mantraviccakramantreṇa dadyādarghyaṃ tu mūrdhani || 82 ||
82. - - - - - - - - - - - -
bhāvayitvā tato bimbaṃ bimbaṃ cāruruceriva|
pūjitairmantritaiḥ śuddhaiḥ kalaśairdravyapūritaiḥ || 83 ||
83. - - - - - - - - - - - -
ṣoḍaśacchadapadmotthapatraṣoḍaśakasthitaiḥ|
prathamaṃ pañcagavyena gomūtreṇa dvitīyakam || 84 ||
84. - - - - - - - - - - - -
tṛtīyaṃ gomayāmbhobhisturyaṃ tretāgnibhasmanā|
gajagovṛṣaśṛṅgāgravalmīkorvyambunā param || 85 ||
85. - - - - - - - - - - - -
śālikṣetranadīpadmavanādyurvyambunā param|
saptamaṃ sarṣapāmbhobhiḥ sarvauṣadhibhiraṣṭamam || 86 ||
86. - - - - - - - - - - - -
kṣīreṇa navamaṃ dadhnā daśamaṃ sarpiṣā param|
dvādaśaṃ madhunā sarvabījāmbhobhisrayodaśam || 87 ||
87. - - - - - - - - - - - -
phalaiḥ paraṃ paraṃ dhānyaiḥ {29}sugandhādbhistu ṣoḍaśam|
abhimantrya hṛdā pūrṇamekaikaṃ kalaśaṃ purā || 88 ||
88. - - - - - - - - - - - -
{29. susugandhaistu I. }
snāpayenmūlamantreṇa taiḥ ṣoḍaśabhirādarāt|
udakāntaritaiḥ sārghyapuṣpadhūpapradīpakaiḥ || 89 ||
89. - - - - - - - - - - -
{30}masūramāṣagodhūmacūrṇairatha vighṛṣya ca|
praśrālya payasā mūrdhni tārikāṃ vinyaset parām || 90 ||
90. - - - - - - - - - - - - - -
{30. masūramatha I. }
tataḥ sūkṣmāṃ tataḥ sthūlāṃ sthāneṣveṣu kramāt sudhīḥ|
mūrdhni vaktre'sayoḥ karṇe hṛdi nābhau tu pṛṣṭhataḥ || 91 ||
91. - - - - - - - - - - - - - -
kaṭimūle tathorvośca jānugulphe'tha pādayoḥ|
tārakaṃ vinyasedevaṃ tathaivāpyanutārikām || 92 ||
92. - - - - - - - - - - - -
nyasyaivaṃ pauruṣaṃ sūktaṃ nyasecchrīsūktamapyatha|
{31}śiro me śrīryajurbhiśca nyaselliṅgānurūpakam || 93 ||
93. śiro me śrīrityādi| taittirīyabrāhnaṇe (2-6-5-3) draṣṭavyam|
{31. I. omits four lines from here. }
kuryācca hotṛvinyāsaṃ yathā proktaṃ yajurmaye|
evaṃ vinyasya puruṣe mayi paścāt samācaret || 94 ||
94. hotṛvinyāsamiti| daśahotrādayo mantrāḥ taittirīyāraṇyake paṭhitāḥ| teṣāṃ vinyāsamityarthaḥ|
vinyasya pūrvaṃ śrīsūktaṃ śiro me śrīryajūṃṣi ca|
tataśca hotṛvinyāsaṃ vidhāyaivaṃ tanudvaye || 95 ||
95. - - - - - - - - - - - -
kuṇḍe pūrvavidhānānte juhuyāt sarvaśāntaye|
uktāśca vartamānāśca yāvantyo mantrajātayaḥ || 96 ||
96. - - - - - - - - - - - -
juhuyāt tāvatībhistu sarvadoṣapraśāntaye|
ṛcaḥ pūrvadiśābhāge dakṣiṇasyāṃ yajūṣi ca || 97 ||
97. - - - - - - - - - - - -
pratīcyāṃ caiva sāmāni saumya ātharvaṇāni ca|
samīpe sāttvatānmantrānevamadhyāpayed dvijān || 98 ||
98. - - - - - - - - - - - -
pūrvaṃ ṣoḍaśapatrābjakarṇikāsthaiścaturdiśam|
kalaśaiḥ snāpayenmantraistāratārānutāravat || 99 ||
99. - - - - - - - - - - - -
vasavastveti mantreṇa puṣpāmbhaḥkalaśena tu|
rudrāstvā gandhatoyena svarṇāmbhaḥkalaśena tu || 100 ||
100. vasavastveti| rudrāstveti| (taittirīyabrāhnaṇam 2-7-15-5).
adityāstveti viśveti ratnodakalaśena tu|
tāratārānutārābhirabhiṣiñcecca mantravit || 101 ||
101. ādityāstveti| viśveti| (taittirīyabrāhnaṇam 2-7-15-5).
tataḥ śuddhodamādāya parāditrividhātmanā|
tārayā tvabhiṣicyātha tathārghyaṃ mūrdhni nikṣipet || 102 ||
102. - - - - - - - - - - - - -
samālabhya tato bimbaṃ candanādyanulepanaiḥ|
vāsaḥ prabhṛtibhirbhogaiḥ prāpaṇāntaiḥ samarcayet || 103 ||
103. - - - - - - - - - - - -
mudrāṃ baddhvārcayet paścāt pīṭhaṃ brahmaśilānvitam|
samastādvamayaṃ pīṭhaṃ dhyāyedvaiṣṇavamujjvalam || 104 ||
104. - - - - - - - - - - - -
ādhāraśaktibhūtāṃ ca divyāṃ brahmaśilāṃ smaret|
{32}pīṭhabrahmaśile tvevaṃ sahabhāvena nirmite || 105 ||
105. - - - - - - - - - - - -
{32. pīṭhaṃ brahmasilā A.; pīṭhabrahmaśilā B. }
pṛthagvinirmite te ca kuryāttu śayanottare|
śayanaṃ sthirabimbasya vakṣyamāṇaṃ vidhīyate || 106 ||
106. - - - - - - - - - - - -
prāsādagamanaṃ caiva pīṭhabrahmaśilāsthitiḥ|
tatpratiṣṭhāpanaṃ caiva bimbasyāvāhanaṃ tataḥ || 107 ||
107. - - - - - - - - - - - -
dvādaśāṅgakalānyāsastryahādyutsavasādhanam|
{33}tathāvabhṛthakarmādi sarvametadvidhīyate || 108 ||
108. - - - - - - - - - - - -
{33. tathā prabhṛti A. B. }
calabimbapratiṣṭhāṃ ca catuṣkalaśasecane|
ārādhyāvāhanaṃ kuryādyathā tadavadhāraya || 109 ||
109. - - - - - - - - - - -
kāryamāvāhanāt pūrvaṃ bhogānāṃ tritayaṃ kramāt|
{34}svarūpe'vikṛte śuddhe nistaraṅge nirāmaye || 110 ||
110. - - - - - - - - - - - - - -
{34. A. B. C. omit three lines from here. }
parātīte guruḥ sthitvā punaḥ svahṛdayāmbuje|
śaktiṃ sattāmayīṃ viṣṇoranurūpāmanusmaret || 111 ||
111. - - - - - - - - - - - -
yadbimbaṃ saṃskṛtaṃ pūrvaṃ tanmayaṃ tadanusmaret|
agnīṣomamayau bāvau svadehasthāvanusmaret || 112 ||
112. - - - - - - - - - - - -
ūrdhvādhovyāpakatvena sthitau paramabhāsvarau|
yathātmani tathā bimbe yathā bimbe tathātmani || 113 ||
113. - - - - - - - - - - - - -
dakṣiṇena tato yāyādagnimārgeṇa dehataḥ|
praviśedvāmamārgeṇa bimbasya hṛdayaṃ dhiyā || 114 ||
114. - - - - - - - - - - - -
yathātmanātmā hṛdaye svānubhūto hyanūpamaḥ|
tathā taddhṛdayāntaḥ sthamātmānamanusaṃsmaret || 115 ||
115. - - - - - - - - - - - -
dṛṣṭvā svaraśmikhacitamānandāpūritaṃ mahaḥ|
tasmiṃstasmin parabrahmaṇyaikadhyaṃ{35} tasya cintayet || 116 ||
116. - - - - - - - - - - - - - - - -
{35. ektavaṃ I. }
evamekārṇavīkṛtya vaiṣṇavaṃ tat paraṃ mahaḥ|
tiṣṭhet samādadhānastadaspandaṃ svamano dadhat || 117 ||
117. - - - - - - - - - - - - -
manasi{36} spandamāne'tha smṛtvā taṃ svaṃ dhiyā{37} punaḥ|
bimbād dakṣiṇamārgeṇa bahirniṣkramya medhayā || 118 ||
118. - - - - - - - - - - - - -
{36. manasvī F. }
{37. dvidhā A. G. }
saṃviśedvāmabhāgena svameva hṛdayāmbujam|
yogo'yaṃ dravyabimbasya {38}nāḍībṛndapravartakaḥ || 119 ||
119. nāḍībṛndeti| atredaṃ pāramesvaravacanamanusaṃdheyam---"yogo'yaṃ muniśārdūla bimbasya dravyajasya ca| āpādamūrdhaparyantaṃ nāḍībṛndasya vyañjakaḥ|| yena sarveśitā vipra bimbasyāsya prajāyate| taṃ yogamadhunā vacmi ekāgramavadhāraya ||" (15-447,448) iti|
{38. nāḍībimba A.; nānābimba I. }
yogāntaramathātiṣṭhet tasya sarveśitāptaye|
dhyāyītāto hṛdambhojāt tārikāṃ tāriṇīṃ gṛṇan || 120 ||
120. - - - - - - - - - - - - -
yāyādūrdhvapravāheṇa paraṃ padamanāmayam|
tataḥ smaret paraṃ{39} tacca {40}bhogaṃ prāptaṃ svayecchayā || 121 ||
121. - - - - - - - - - - - - - - - - -
{39. padaṃ I. }
{40. kṣobhaṃ I. }
tatastatspandamādāya vijñānaiśvaryaśaktimat|
anākulaṃ punaryāyāt pathā tena hṛdambujam || 122 ||
122. spandaṃ kṣobham| tathā ca pārameśvare---"avyucchinno'pyatho'kṣubdhaḥ svecchayā kṣobhameti ca|" (15-451) iti|
dakṣiṇena viniṣkramya parasparasahāyavān|
tadbimbahṛdayāmbhojaṃ vāmenaiva tu saṃviśet || 123 ||
123. - - - - - - - - - - - - -
dhyātvā pūrvavadekatvaṃ viniṣkramyordhvamārgataḥ|
dvāśāntaṃ samāviśya pūrvavat spandametya ca || 124 ||
124. - - - - - - - - - - - - -
yathābimbaṃ hṛdambhojaṃ tenaiva praviśet sudhīḥ|
tato'gninā viniṣkramya savyena hṛdayaṃ viśet || 125 ||
125. - - - - - - - - - - - - -
smaret spandamathaiśvaryaṃ svacakṣurdvayagolakam|
parasparaṃ nirīkṣyātha tanvānāvekatāmiva || 126 ||
126. - - - - - - - - - - -
anyonyālokanābyāṃ tāvanuviddhāvanusmaret|
etadīśvarasaṃdhānaṃ nāma yogo'nuvarṇitaḥ || 127 ||
127. - - - - - - - - - - -
yena sarveṣu bimbeṣu sarveśitvaṃ sadā bhavet|
atha śabdānusaṃdhānaṃ mantrabimbaikatā hi {41} || 128 ||
128. - - - - - - - - - - - - - -
{41. abhidhā I. }
{42}smṛtā vaiṣṇavī sūkṣmā śaktirviṣṇornirañjanā|
tatsāmānaymayo bhūtvā tasmin svaṃ lopayed dhvanim || 129 ||
129. - - - - - - - - - - - - - - -
{42. sattā G. I. }
sarvasaṃkalpahīnaṃ tacchabdamātravivarjitam|
{43}śāntaṃ viddhi paraṃ sūkṣmaṃ {44}tatparaṃ bodhanirmitam || 130 ||
130. - - - - - - - - - - - - - - - -
{43. I. omits this line. }
{44. tadberaṃ G. }
tataḥ śabdārthasaṃskārasārdhaspandodyamo hi yaḥ|
tat smaret paramaṃ sūkṣmaṃ paśyantīpadamunmiṣat || 131 ||
131. - - - - - - - - - - - - -
saṃkalpapadavīrūḍhastattatsaṃskārarañjitaḥ|
svakaṃ vācyaṃ pṛthakkṛtya taduddiśyodayo hi yaḥ || 132 ||
132. - - - - - - - - - - - - -
śābdaṃ tanmadhyamaṃ rūpaṃ smareddhṛtpadmamadhyagam|
nānāsthānaprayatnotthaiḥ karaṇaśvasaneritaiḥ || 133 ||
133. - - - - - - - - - - -
taraṅgairvyaktimāyāti sphuṭo varṇapadādikaiḥ|
{45}yo vācakasvarūpeṇa tatpadaṃ vaikharīṃ viduḥ || 134 ||
134. - - - - - - - - - - - - -
{45. yena vācakarūpeṇa I. }
bodhaśabdātmakaṃ tasmāt parasūkṣmādibhedavat|
vapurityanusaṃdhāya tadbimbaṃ bhāvayet tataḥ || 135 ||
135. - - - - - - - - - - - - -
śabdasaṃhārayogena svaṃ vapustacca bimbakam|
niṣkampabodhaśabdātma{46} smṛtvā taddvitayaṃ tathā || 136 ||
136. - - - - - - - - - - - - - - -
{46. śabdārthau F. }
pūrvoktakramayogena śabdabrahma hyanāhatam|
paśyantyādikrameṇaiva śabdabimbamayaṃ{47} smaret || 137 ||
137. - - - - - - - - - - - - -
{47. brahmamayaṃ G. }
evaṃ śabdānusaṃdhānaṃ kṛtvā mantrānusaṃhitam|
ārabheta sudhīḥ karma tasya yogo'yamucyate || 138 ||
138. - - - - - - - - - - - - -
anāhataṃ paraṃ nābhau paśyantīpadamāgatam|
nālasūtramivāntaḥsthaṃ madhyame hṛdayāmbuje || 139 ||
139. - - - - - - - - - - - -
sthitvā tadvaikharīdvārā bimbāntaḥ saṃviśat smaret|
sphurannādasvarūpaṃ ca mantrairvyāptaṃ tathākhilaiḥ || 140 ||
140. - - - - - - - - - - - - -
{48}mantrātmānaṃ jagannāthaṃ bimbahṛnmadhyagaṃ smaret|
evaṃ saṃsthāpitaṃ bimbaṃ bhuktimuktiphalapradam || 141 ||
141. - - - - - - - - - - - - -
{48. mantranāthaṃ I. }
āvāhanaṃ tataḥ kuryād bimbe'smin harimedhasaḥ|
pūrvamāvāhayāmīti tathā sarvāṅgamantrataḥ || 142 ||
142. - - - - - - - - - - -
praveśanirgamau lakṣmyāḥ smareddevasya dehataḥ|
ṛgbhiḥ pañcabhirādyābhistasyā āvāhanaṃ smṛtam || 143 ||
143. - - - - - - - - - - - - -
dvādaśāṅgakalānyāsaṃ devanyāsavadācaret|
bhavataṃ naḥ sumanasāviti dvāvanusāntvayet || 144 ||
144. - - - - - - - - - - - - -
etāvatī cale bimbe pratiṣṭhānyatra tu sthire|
kuryāt pūrvoktamārgeṇa sāttvatādividhānavit || 145 ||
145. - - - - - - - - - - - - -
yadetadanusaṃdhānatritayaṃ{49} pūrvamīritam|
etadeva {50}pratiṣṭhānamubhayatreti me matiḥ || 146 ||
146. - - - - - - - - - - - - -
{49. tṛtīyaṃ B. }
{50. pratiṣṭhāyāṃ I. }
itthaṃ saṃskārasaṃpanne tadbimbadvitaye sudhīḥ|
lakṣmīṃ lakṣmīpatiṃ caiva dhiyā paśyannupasthitau || 147 ||
147. - - - - - - - - - - - - -
tanmanāścaiva tadbhaktastadyājī tajjapodyataḥ|
tadyogī satataṃ bhūtvā tāvevānte prapadyate || 148 ||
148. - - - - - - - - - - - -
pratiṣṭheyamiti proktā sākṣājjñānamayī parā|
jñānaṃ vinā na caivānyannarāṇāṃ tārakaṃ {51}smṛtam || 149 ||
149. - - - - - - - - - - - - - - -
{51. matam I. }
iti {52}śrīpāñcarātrasāre lakṣmītantre {53}pratiṣṭhāvidhānaṃ nāmaikonapañcāśo'dhyāyaḥ
{52. śrīpañcarātra A.; śrīpāñcarātre B. }
{53. māyāsiddhiprakāśaḥ B. F. }
********ityekonapañcāśo'dhyāyaḥ********

Other print editions:

Also see the following print editions of the Sanskrit text or (alternative) English translations of the Lakshmi-tantra Chapter 49

Cover of edition (2016)

Lakshmi Tantra (Hindi translation)
by Shri Kapildev Narayan (2016)

728 pages; [Publisher: Chaukhamba Surbharati Prakashan]

Buy now!
Like what you read? Consider supporting this website: