Chapter 35

pañcatriṃśo'dhyāyaḥ - 35
śrīḥ---
antaryāgādisiddhyarthaṃ bhūtaśuddhiṃ niśāmaya|
kathyamānaṃ mayā śakra sāvadhānena cetasā || 1 ||
1. bhūtaśuddhirnāma sādhakasya prākṛtadehasthānāṃ māṃsamedo'sthibhūyiṣṭhānāṃ bhūtānāṃ śuddhīkaraṇam| tacca bhagavadārādhanayogyatāsaṃpattyai| tatprakāraśca prākṛtānāṃ teṣāṃ svasvakāraṇeṣu layacintanapūrvakaṃ bhagavati samarpaṇaṃ kṛtvā punastatsakāśāt bhagavanmayāprākṛtabhūtāvirbhāvapūrvakaṃ tadārabdhadehāvasthitibhāvanam| eṣā ca bhūtaśuddhiḥ sarvairapi tāntrikaiḥ svasvasamayānusāreṇa svasvatantreṣu pratipāditā dṛsyate|
{1}prakṛtyantasya pṛthvyādeḥ {2}kādibhāntatayaiva ca|
manmayīkaraṇaṃ buddhyā bhūtaśuddhirihocyate || 2 ||
2. kādi bhāntamiti| kakāreṇa pṛthivī bhakāreṇa prakṛtiśca gṛhyate|
{1. F. omits verses 2 to 23. }
{2. kādihānta A. }
pṛthivyādi prakṛtyantaṃ yat prakṛtyaṣṭakaṃ sthitam|
sthūlasūkṣmavibhedena tatra rūpadvayaṃ viduḥ || 3 ||
3. - - - - - - - - - - - -
cakṣurgocarasaṃsthānaṃ sthūlarūpaṃ tu varṇyate|
kāraṇākāratā yatra tattu tanmātramucyate || 4 ||
4. - - - - - - - - - - - -
sthūlasūkṣmavibhedena tattvametad dviraṣṭakam|
viṣayendriyavṛttīśca tatra tatra niveśayet || 5 ||
5. - - - - - - - - - - - -
ghrāṇādi pāyūpasthādi gandhādīti trayaṃ trayam|
tanmātravarge pṛthvyādau prātilomyācchamaṃ nayet || 6 ||
6. - - - - - - - - - - - - -
taraṅgā jaladhau yadvadastaṃ yānti samīraṇāt|
viṣayendriyakallolā mahābhūtamahodadhau || 7 ||
7. pūrvoktaṃ layaṃ nidarśanamukhenāha---taraṅgā iti|
susamīcīnayā buddhyā tadvadastaṃ nayed budhaḥ|
{3}mano'bhimāna ityetāvahaṃkāre śamaṃ nayet || 8 ||
8. - - - - - - - - - - - - -
{3. G. omits this line. }
prāṇamadhyavasāyaṃ ca buddhitattve {4}nibarhayet|
sattvaṃ rajastamaścaiva traiguṇyaṃ prakṛtau nayet || 9 ||
9. - - - - - - - - - - - -
{4. nigūhayet A. }
yattat traiguṇyamavyaktaṃ kāraṇaṃ mahadādike|
traiguṇyaṃ ca prasūtiśca māyetyetat tridhā tu tat || 10 ||
10. traiguṇyamiti| eṣāṃ krameṇa pradhānamavyaktaṃ tama ityaupaniṣadau vyavahāraḥ|
evaṃ {5}tattvavidāṃ jñeyā etāḥ prakṛtayo daśa|
sthūlasūkṣmavibedena tāḥ punarviṃśatiḥ smṛtāḥ || 11 ||
11. - - - - - - - - - - - -
{5. tatra vidhā B. }
sthūlānāṃ prakṛtīnāṃ tu daśa mantrā ime smṛtāḥ|
tattatsaṃjñā huṃphaḍantāstārikādyā dhruvādikāḥ || 12 ||
12. tattatsaṃjñā iti| ādau praṇavaḥ, tatastārikā, tato bhūtasaṃjñāḥ, tato huṃ phaṭ| āhatya oṃ hnīṃ pṛthivyai huṃ phaṭ iti mantraḥ| jayākhye tu (10-15) tārikāsthāne mantrāntarāṇyuktāni|
māṃsaṃ medastathā smṛtvā raso vyomākṣaratrayam{6}|
parāt paradvayaṃ caiva bindunādavibhūṣitam || 13 ||
13. - - - - - - - - - - - -
{6. vyomākṣaraṃ punaḥ C. }
daśānāṃ sūkṣmarūpāṇāṃ śaktyādyāstā nava smṛtāḥ|
deheṣu jīvabhūtā yāḥ śaktayaḥ parasaṃjñitāḥ || 14 ||
14. - - - - - - - - - - - -
māyāvyomayutānetān śaktyādīṃstadanu smaret|
nivṛttiśca pratiṣṭhā ca vidyā śāntistathaiva ca || 15 ||
15. jīvaśaktīnāṃ nāmānyāha---nivṛttirityādi|
śāntyatītābhimānā ca prāṇā guṇavatī tathā|
guṇasūkṣmā nirguṇā ca etāḥ saṃjñāḥ kramāt smṛtāḥ || 16 ||
16. - - - - - - - - - - - - - -
bījānāṃ {7}daśake tasmin vahniviṣṇvardhacandrakān{8}|
saṃyojya mantrān jānīyādadhiṣṭhātrīgatānimān || 17 ||
17. vahnītyādi| rīṃ ityetat saṃyojyetyarthaḥ|
{7. daśa śakte'smin A. B. }
{8. candramāḥ A. B. C. }
gandhaśrīśca rasaśrīśca rūpaśrīḥ sparśapūrvikā|
śabdaśrīrabhimānaśrīḥ prāṇaśrīrguṇapūvikā || 18 ||
18. gandhaśrīrityādīni śaktināmāni|
tathaiva guṇasūkṣmaśrīrmāyāśrīriti saṃjñayā|
adhiṣṭhātryo'pi{9} vartante śaktayo daśake mama || 19 ||
19. - - - - - - - - - - - - - -
{9. hi B. C. }
evaṃ parikaraṃ buddhvā bhūtaśuddhiṃ samācaret|
sthānaśuddhiṃ purā kuryādyathā tadavadhāraya || 20 ||
20. pureti| bhūtaśuddheḥ pūrvamityarthaḥ|
kālāgnyarkasahasrābhāṃ nirdhūmāṅgārasaṃnibhām|
māṃ smṛtvā manmukhotthena vahninā nirdahedbhuvam || 21 ||
21. - - - - - - - - - - - - - -
somāyutābhamadvaktrajenāsiñcedathāmbunā|
sthānaśuddhirbhavedevaṃ bhūtaśuddhimatho śṛṇu || 22 ||
22. evaṃ nirdagdhasya sthānasya punarujjīvanamāha---sometyādi|
caturaśrāṃ samāṃ pītāṃ vajracihnāṃ vasuṃdharām|
mantreṇākṛṣya dehāntaḥ svasthānasthāṃ layaṃ nayet || 23 ||
23. mantreṇeti| atra mantraḥ ślāṃ iti jayākhye uktaḥ (10-17).
gandhamātre tatastacca svabījenāstamānayet|
mayyadhiṣṭhānabhūtāyāṃ māṃ ca bāhyāmbhasi kṣipet || 24 ||
24. - - - - - - - - - - - - - -
mantreṇārdhendusaṃkāśaṃ padmāṅkaṃ tacca daivatm|
svasthāne vilayaṃ nītvā rasamātre svamantrataḥ || 25 ||
25. - - - - - - - - - - - - -
mantreṇa taṃ pratiṣṭhāpya tacca mayyānayellayam|
māṃ ca bāhye kṣipedvahnāvāmāyaṃ tatkramastvayam || 26 ||
26. mantreṇeti| ṣvāṃ iti jayākhye mantra uktaḥ| āmāyamiti| māyāparyantamityarthaḥ|
sarvatra naikaṃ budhyeta macchaktervilayaṃ budhaḥ|
yathā hi sarpirāsiñcet kṣīre tanmathanodbhavam || 27 ||
27. naikamiti| layaṃ sarvatraikavidhaṃ na budhyetetyanvayaḥ| tadeva nidarśanamukhenāha--yathā hīti| tanmathanodbhavamiti sarpirviśeṣaṇam|
sarpiranyatra ca kṣīre tatsarpiṣyapi{10} cānyakam|
evamā prakṛteḥ śaktīradhiṣṭhātrīḥ smared budhaḥ || 28 ||
28. - - - - - - - - - - - - -
{10. sarpirapi B. G. }
evaṃ {11}māṃ paramāṃ śaktiṃ navaśaktisamanvitām|
{12}nirguṇāntavidhāṃ dhyātāṃ māyādhiṣṭhānakāriṇīm || 29 ||
29. - - - - - - - - - - - - - - -
{11. tāṃ B. C. }
{12. nirguṇāṃ tu vidhāmetāṃ A. B. }
daśamīṃ tatparaṃ nītvā śaktimekādaśīṃ sthitām|
mahākṣobhamayīṃ lakṣmīṃ vyūhābhyudayarūpiṇīm || 30 ||
30. - - - - - - - - - - - -
ekādaśīṃ ca tāṃ nītvā dvādaśīṃ paramātmikām|
anirdeśyāmanaupamyāṃ dvādaśīṃ tāṃ mayi kṣipet || 31 ||
31. - - - - - - - - - - - - - -
evaṃ tāṃ paramāṃ śaktiṃ dvādaśīmaśilātmikām|
dvādaśāntāntamunnīya varṇamayyāṃ mayi smaret{13} || 32 ||
32. dvādaśānteti| mūrdhna upari māyāto dvādaśāṅgulādūrdhvaṃ sthānaṃ dvādaśāntamiti sāṃpradāyiko vyavahāraḥ|
{13. anusmaret C. }
agnīṣomārkakoṭyābhā{14} sarvato'kṣiśiromukhī|
dhārāsaṃtānarūpā me sūkṣmā varṇamayī tanuḥ || 33 ||
33. varṇamayīṃ tanuṃ viśiniṣṭi---agnītyādi| dhārāsaṃtāneti| amṛtadhārāsaṃtānarūpetyarthaḥ|
{14. koṭyāsca B. }
sarvajīvopakārāya sarvasaṃbhārasaṃbhṛtā|
uditā sā {15}purā viṣṇormeghādvidyudivojjvalā || 34 ||
34. - - - - - - - - - - - - - -
{15. parā B. }
śakraḥ---
kāni sthānāni dehe'smin yatra kāryo layaḥ kramāt|
kīdṛśāni ca bimbāni bhūmyādīnāṃ vadāmbuje || 35 ||
35. - - - - - - - - - - - - - -
śrīḥ---
ā jānuto bhuvaḥ sthānamā kaṭyāḥ payasaḥ smṛtam|
ā nābhestejasaḥ sthānaṃ vāyoḥ sthānaṃ tadā hṛdaḥ || 36 ||
36. - - - - - - - - - - - - - -
ā karṇānnabhasaḥ sthānamā bilāccāpyahaṃkṛteḥ|
ā bhruvormahataḥ sthānamākāśe tu{16} paraṃ smṛtam || 37 ||
37. - - - - - - - - - - - - - - -
{16. ākāśebhyaḥ A. }
tataḥ prādeśamātrāgre mūrdhataścaturaṅgule|
sthāne prakṛtyāḥ śeṣaṃ tadaṅgulīnāṃ dviraṣṭakam || 38 ||
38. prakṛtyāḥ sthānamākāśe āha---tata iti| mūrdhnaścaturaṅgulordhvabhāge prakṛtyā avasthānam| tataḥ ṣoḍaśāṅgulopari bhāge avyaktasyāvasthānam|
ekādaśyāṃ dviṣaṭ‌kāyāṃ sthānaṃ tattvakṣaraśriyaḥ|
caturaśraṃ bhavedbimbaṃ vajrāṅkaṃ pārthivaṃ mahat || 39 ||
39. tata ekādaśāṅgulopari bhāge māyāsthānam| tato dvādaśāṅgulopari bhāge śabdabrahmasthānamiti vivekaḥ| idameva dvādaśāntamityucyate|
ardhendusadṛśaṃ śuklaṃ padmāṅkaṃ payasaḥ smṛtam|
trikoṇaṃ svastikāṅkaṃ ca raktaṃ taijasamucyate || 40 ||
40. - - - - - - - - - - - - - -
{17}dhūmraṃ ṣaḍ‌bindusaṃyuktaṃ{18} vṛttaṃ vāyavyamucyate|
añjanābhaṃ tathākāśaṃ bimbamātraṃ smṛtaṃ param || 41 ||
41. bimbamātramiti| pradhānādīnāṃ bimbamātrameva| na varṇādikamityarthaḥ|
{17. C. omits this line. }
{18. piṇḍasaṃyuktaṃ F. }
evaṃ tattvopasaṃhāre kṛte hṛtkuharodgatam|
jñānarajjvavalambaṃ ca suṣumnāmadhyamānugapt || 42 ||
42. - - - - - - - - - - - - - -
ūrdhvamājānumunnīya śaktisopānapaṅ‌ktibhiḥ|
dvādaśāntāntarājīvaṃ madhyasthāyāṃ mayi kṣipet || 43 ||
43. mayi kṣipediti| dehasya dahanacintane tadantaḥsthajīvasyāpi dahancintanaprasaktau tannivāraṇāya jīvasya devyāṃ nikṣepa ucyate|
tadante ca{19} mahāpadmaṃ sahasradalasaṃyutam|
sūryakoṭisahasrābhamindukoṭyayutaprabham || 44 ||
44. tadante dvādaśānte| mahāpadmamiti| astīti śeṣaḥ|
{19. tu A. C. }
agnīṣomamayāntaḥsthā mahānandamayī tanuḥ|
anirdeśyopamā saṃvinmayī sā māmikā parā || 45 ||
45. - - - - - - - - - - - - - -
aṃśataḥ prasarantyasyā jīvānandā saridvarā|
svānandamenamānīya mahānandamayīṃ nayet || 46 ||
46. asyāḥ; mama tanvāḥ|
tato lavaṇakūṭābhaṃ piṇḍamasmanmukhodgataiḥ|
mahājvālairmahāvegaiścinmayaiḥ parito dahet || 47 ||
47. jīve dehānnirgamathya dvādaśāntaṃ prāpite sati, dehasya dahanacintanamucyate---tata ityādinā| lavaṇakūṭābhamiti nirgamitajīvasya dehasya nirdeśaḥ|
yuktaḥ sarasakaḥ ṣaṣṭho bindumān dāhapāvakaḥ|
tārikānatimadhyastho vijñeyaḥ śāsracakṣuṣā || 48 ||
48. dāhakāgnimantra ucyate| hrīṃ rthūṃ nama iti|
somamayyā mamāsyotthaiḥ pīyūṣaiḥ plāvayettataḥ|
candrī sūkṣmastu savyomā piṇḍasyāpyāyane smṛtaḥ || 49 ||
49. punaḥ aprākṛtadehasaṃpatticintanamāha--somamayyā iti| tatra mantraḥ---ṭhyaṃ iti| jayākhye tu vsaṃ ityuktaḥ (10-78)|
sisṛkṣayā mayodyatyā saṃvitprāṇopagūḍhayā|
preritāstāḥ smarecchaktīrvarṇamayyāṃ mayi sthitāḥ || 50 ||
50. - - - - - - - - - - - - - -
tatastābhiḥ svaśaktībhiścodanādvārapūrvakam{20}|
māyādi kṣitiparyantaṃ nirmitaṃ saṃsmaret kramāt || 51 ||
51. māyā pradhānasya susūkṣmāvasthā; yāṃ tama ityaupaniṣadā vadanti|
{20. pūrvataḥ A. B. }
tataḥ piṇḍasamutpattiṃ karaṇavyañjanojjvalām|
evaṃ piṇḍaṃ samutpādya śuddhalakṣmīmayaṃ mahat || 52 ||
52. - - - - - - - - - - - - -
{21}pūrvoktamārgeṇa tato hṛdayaṃ jīvamānayet|
piṇḍabhūtāsrayo varṇā analaḥ somacandriṇau || 53 ||
53. jīvamantramāha---piṇḍabhūtā iti| rṭsa iti jātaḥ| jayākhye'pyevamevoktaḥ|
{21. pūrvoktena ca mārgeṇa B. }
tārikānatimadyasthā jīvamantra udāhṛtaḥ|
viśuddhavigrahastvevaṃ mantranyāsaṃ samācaret || 54 ||
54. - - - - - - - - - - - - -
adhikārāya pūjāyāṃ pūjakānāṃ mude'pi ca|
{22}nibarhaṇāya daityādevignānāṃ vijayāya ca || 55 ||
55. - - - - - - - - - - - - - -
{22. B. omits this line. }
kṣitāvupari vinyastaṃ yat purā phalakādikam|
svena svena tu mantreṇa taṃ mantrī{23} pañcadhā smaret || 56 ||
56. - - - - - - - - - - - - - - - -
{23. tanmantraṃ B. }
ādhāraśaktikūrmorvīdugdhābdhyambujarūpataḥ|
tārkṣyaṃ tatra sthitaṃ dhyāyet kharvabījātmanā sthitam || 57 ||
57. kharvabījamiti| khamityākārakamityarthaḥ|
tatropaviśya lakṣmīśaṃ rūpaṃ svamanucintya ca|
diśo nibadhya cāsreṇa punarevaṃ muhurmuhuḥ || 58 ||
58. svaṃ rūpamiti| "ātmeti tūpagacchanti" ityuktarītyā svātmakamityarthaḥ|
śarajālopamaṃ kṛtvā prākāraṃ cāsanādbahiḥ|
{24}saprākāraṃ tu tat sthānaṃ kavacenāvakuṇṭhayet || 59 ||
59. asreṇa; asramantreṇa vīryāyāsrāya phaḍityanena| evaṃ kavacena; kavacamantreṇa balāya kavacāya humityanena|
{24. satprakāraṃ B. C. }
gaganasthairadṛśyaṃ syādyathā nyāsaṃ samācaret|
karanyāsaṃ purā kṛtvā dehanyāsaṃ samācaret || 60 ||
60. - - - - - - - - - - - - - -
aṅguṣṭhe tārikāṃ nyasyettacchaktīraṅgulīṣu tu|
tarjanyāṃ tu nyasellakṣmīṃ madhyāyāṃ kītimapyatha || 61 ||
61. - - - - - - - - - - - - - -
anāmāyāṃ jayāṃ māyāṃ kaniṣṭhāyāṃ tato nyaset|
satāratārikāsaṃjñānatyantastanmanukramaḥ || 62 ||
62. satāretyādi| oṃ hrīṃ lakṣmyai tarjanībhyāṃ namaḥ ityādi prakāreṇetyarthaḥ|
kaniṣṭhikādyāsu tato hṛdayādīnyanukramāt|
aṅgāni pañca vinyasya netramaṅgeṣu saṃsmaret || 63 ||
63. - - - - - - - - - - - - - -
kaustubhaṃ dakṣiṇatale vanamālāṃ tathāpare|
dakṣiṇe madhyataḥ padmaṃ nyasedvāmatale'pi ca || 64 ||
64. atha karanyāsaḥ---kaustubhamityādinā| madhyataḥ; tala ityarthaḥ|
aḍkuśaṃ dakṣiṇe nyasyet pāśaṃ vāmatale tathā|
anena vidhinā pūrvaṃ hastanyāsaṃ samācaret || 65 ||
65. - - - - - - - - - - - - -
tatastu vigrahanyāsaṃ yathā kuryāttathā śṛṇu|
ā mūrdhnaścaraṇāntaṃ cācaraṇācca śiro'vadhi || 66 ||
66. mūrdhānamārabhya caraṇaparyantaṃ caraṇamārabhya mūrdhaparyantaṃ ca dehanyāsamāha---ā mūrdhna iti|
{25}tārakaṃ tārikāṃ caiva tau ca candrātapopamau|
vāmaskandhe tato lakṣmīṃ nyasetkīrtiṃ ca dakṣiṇe || 67 ||
67. - - - - - - - - - - - - - -
{25. B. omits five lines from here. C. omits four lines from here. }
jayāṃ dakṣiṇapāṇisthāṃ māyā vāmakarasthitām|
nāsāntare ca hṛnmantraṃ śiromantraṃ ca mūrdhani || 68 ||
68. - - - - - - - - - - - - - -
śikhāṃ caiva śikhāsthāne skandhayoḥ kavacaṃ tataḥ|
vinyasya netrayonetramaśraṃ pāṇitaladvaye || 69 ||
69. - - - - - - - - - - -
nābhau pṛṣṭe karadvandva ūrujānupadeṣu ca|
nyaset samyagupāṅgāni triyugaṃ mantravittamaḥ || 70 ||
70. - - - - - - - - - - - - -
vakṣaḥsthaṃ kaustubhaṃ madhye kaṇṭhe ca vanamālikām|
paṅkaje karayornyasya mantramāvartayan dvidhā || 71 ||
71. - - - - - - - - - - - - -
vāmahaste tataḥ pāśamaṅkuśaṃ dakṣiṇe kare|
pādayostārikāṃ sthūlāṃ sūkṣmāṃ caivopasaṃdhike || 72 ||
72. - - - - - - - - - - - - - -
caramāṃ brahmarandhre tu mantrāṇāṃ nāyikā hi sā|
candrikātapasaṃkāśaṃ nyāse nyāse manuṃ smaret || 73 ||
73. - - - - - - - - - - - - - -
manasā bhāvayenmudrāstatra tatra ca sādhakaḥ|
tārikā yā parā devī tayā vyāptānanusmaret || 74 ||
74. - - - - - - - - - - - - - -
vinyastān sakalān mantrān sarvataḥ saṃplutodavat|
evaṃ kṛte'nusaṃdhāne mantrāṇāṃ bhinnavartmanām || 75 ||
75. - - - - - - - - - - - -
apāmivodadhisthānāmekīkāraḥ{26} prajāyate|
evaṃ nyāse kṛte mantrī sākṣāllakṣmīmayo bhavet || 76 ||
76. - - - - - - - - - - - - - -
{26. ekākāraḥ B. }
sarvādhikārabhāgī syādāśritya dhyānajaṃ balam|
dhyāyinaḥ sarvasiddhīnāmāvirbhāvaśca jāyate || 77 ||
77. - - - - - - - - - - - - -
nyastāṅgo nirbhayastiṣṭheddeśe duṣṭasamākule|
vijayetāpamṛtyūṃśca sarvāṃścaivaupasargikān || 78 ||
78. - - - - - - - - - - - -
nyastāṅgo vidhivanmantrī yathāśāsreṇa cetasā|
tanuṃ mantramayīṃ tāṃ tu māṃ dhyāyet parameśvarīm || 79 ||
79. - - - - - - - - - - - - - -
ahaṃ sa bhagavān viṣṇurahaṃ lakṣmīḥ sanātanī|
ityevaṃbhāvavān yogī bhūyo naiva prajāyate || 80 ||
80. - - - - - - - - - - - -
itīyaṃ bhūtaśuddhiste yathāvacchakra varṇitā|
antaryāgamatho vakṣye tattvatastanniśāmaya || 81 ||
81. - - - - - - - - - - - -
iti {27}śrīpāñcarātrasāre lakṣmītantre bhūtaśuddhiprakāśo nāma pañcatriṃśo'dhyāyaḥ
{27. śrīpañcarātra A.; śrīpāñcarātre B. }
********iti pañcatriṃśo'dhyāyaḥ********