Chapter 27

saptaviṃśo'dhyāyaḥ - 27
śakraḥ---
namastubhyaṃ jagannāthe puṇḍarīkākṣavallabhe|
aśeṣajagadīśāne sarvajñe sarvabhāvini || 1 ||
1. - - - - - - - - - -
śrutametanmayā samyagvidyānāṃ{1} tattvamuttamam|
bhūyaśca tārikāyā me vidhiṃ vyākhyātumarhasi || 2 ||
2. - - - - - - - - - - - - -
{1. vijñānaṃ B. F. }
śrīḥ{2}---
ādyamekaṃ paraṃ brahma sarvajñaṃ saccidātmakam|
{3}svaśakticaritaṃ divyaṃ lakṣmīnārāyaṇaṃ mahaḥ || 3 ||
3. - - - - - - - - - - - - -
{2. śrīruvāca I. }
{3. svaśaktyā churitaṃ I. }
{4}ahaṃ sā paramā śaktirahaṃtākhyā sanātanī|
taddharmadharmiṇī nityā prabhā bhānorivāmalā || 4 ||
4. - - - - - - - - - - - -
{4. sāhaṃtā I. }
tadīyāni vidhīyante pañca kṛtyāni sarvadā|
tadunmeṣasvarūpiṇyā mayaivāditinandana || 5 ||
5. - - - - - - - - - - -
mama divyā parā śaktirnityaṃ{5} maddharmadharmiṇī|
hṛllokhā paramā vidyā {6}matsvarūpā puraṃdara || 6 ||
6. hṛllekhā pañcaviṃśādhyāye nirdiṣṭatārikāparanāmā hrīṃmantraḥ| atrāpyanupadameva mantrasvarūpaṃ nirdekṣyate|
{5. nityā B. F. I. }
{6. matsvarūpam A. D. I. }
asyā vyākhyāmimāṃ śaśvat sāvadhānena cetasā|
śraddadhānaḥ prapannastvamupasanno gṛhāṇa me || 7 ||
7. - - - - - - - - - -
āmananti yamātmānaṃ jagatastasthuṣaḥ param|
{7}prasavasthitisaṃhārakāraṇaṃ sūryasaṃjñitam{8} || 8 ||
8. - - - - - - - - - - - - - -
{7. prabhava F. }
{8. saṃjñakam B. C. F. }
nityaṃ{9} prerayitāraṃ ca prāṇasaṃjñaṃ sanātanam|
taṃ viddhi prathamaṃ varṇaṃ hakāraṃ puruṣottamam || 9 ||
9. - - - - - - - - - - - -
{9. nitya B. D. }
yastasya prathamonmeṣaḥ kroḍīkṛtajagattrayaḥ{10}|
aśeṣabhuvanādhāro jvaladrūpo'mito'nyataḥ || 10 ||
10. - - - - - - - - - - - -
{10. jagatkriyaḥ G. }
rephaṃ tatparamaṃ viddhi tejorūpaṃ sanātanam|
unmeṣa eva samyak sa{11} vyāpnuvan sakalāṃ gatim || 11 ||
11. - - - - - - - - - - - - - - - - -
{11. saṃ B. D. }
vyāpārān pañca bibhracca bindūn sṛṣṭyādilakṣaṇān|
āscaryajñānarūpaśca nimeṣonmeṣasaṃtateḥ || 12 ||
12. - - - - - - - - - - -
icchājñānakriyārūpaṃ bibhracca {12}vitatikramam|
iīrūpasya yugmasya sthitireṣā sanātanī || 13 ||
13. - - - - - - - - - - - -
{12. viditakramaḥ B.; vitatiṃ kramāt I. }
tadevaṃ{13} paramonmeṣarūpāhaṃ vitatodayā|
icchājñānakriyārūpā pañcakṛtyakarī vibhoḥ || 14 ||
14. - - - - - - - - - - - - -
{13. tadeva C. }
nānāvidhāścaryamayī ciddhanā sukharūpiṇī|
vijñeyā paramātmasthā vyāpinī viṣṇuvallabhā || 15 ||
15. - - - - - - - - - - - - -
vidhāya kṛtyamakhilaṃ trailokyaiśvaryadāyinī|
tasminneva punardeve vyomeśe paramātmani || 16 ||
16. - - - - - - - - - - -
ādāya sarvasaṃbhāraṃ pratitiṣṭhāmi niṣkalā|
asyā rūpāṇi pañceha tattvajñāḥ saṃpracakṣate || 17 ||
17. - - - - - - - - - - - -
tāni rūpāṇi deveśa gadantyā me niśāmaya|
vyomeśāntamidaṃ rūpamekaṃ yattatprakīrtitam || 18 ||
18. vyomeśāntamiti| bindvantamityarthaḥ|
vyomeśāt parataḥ kecidvāñchanti parameśvaram|
vyomeśamapahāyānye pradhānaṃ viniyojya tu || 19 ||
19. parameśvaraḥ visargaḥ| pradhāno makāraḥ|
bindunādau ca vāñchanti tadante praṇavopamam|
ante pradhānamevaikaṃ keciddhīrāḥ pracakṣate || 20 ||
20. - - - - - - - - - - -
sṛṣṭikartāramante'nye vaidikāḥ samadhīyate|
evaṃ pañca svarūpāṇi tārikāyā vidurbudhāḥ || 21 ||
21. sṛṣṭikartā visargaḥ|
śāntasthāyāḥ sureśāna rūpāṇyevaṃvidhānyapi|
pradhānānte visṛṣṭyante vyomeśānte tathaiva ca || 22 ||
22. mantrāṇāmeṣāṃ phalatāratamyamāha---pradhānānte ityādinā|
vyomeśordhvavisṛṣṭyanta iti rūpacatuṣṭaye|
aihikī paramā siddhistattaccāmutrikī{14} parā || 23 ||
23. - - - - - - - - - - - - - -
{14. tatra cāmuṣmikī D.; tatra cāmutrikī I. }
pradhānabindunādānte mokṣaśrīreva kevalā|
ityevamanusaṃdhāya tārikāyāḥ parāṃ sthitim || 24 ||
24. - - - - - - - - - - - - -
śiṣyāya sādhuśīlāya gurubrahmahitaiṣiṇe|
ācārya ādiśedvidyāṃ parabrahmasvarūpiṇīm || 25 ||
25. - - - - - - - - - - - - -
hastadehāṅgavinyāsaṃ vidhāyātmani vai purā|
vinaysya śiṣyadehe ca tataścopadiśenmanum || 26 ||
26. - - - - - - - - - - - - -
sthāpayeddhṛdi śiṣyasya bhāvapūrvaṃ manuṃ param|
punaśca sthāpayet svasya{15} hṛdaye mantramuttamam || 27 ||
27. - - - - - - - - - - - - - - -
{15. svasmin B. F. I. }
dīkṣābhiṣekapūrvaṃ ca sarvametat samācaret|
ācāryādatha saṃprāpya vidyāṃ śiṣyo vicakṣaṇaḥ || 28 ||
28. - - - - - - - - - - - - -
ātmānamātmanaścaiva vittaṃ dattvā tu dakṣiṇām|
sakalaṃ tvardhamaṃśaṃ vā yena vā toṣyate guruḥ || 29 ||
29. - - - - - - - - - - - - -
vaidike ca samācāre{16} laukike ca vyavasthite|
apramādyan sadācārye{17} guruṣu brāhnaṇeṣu ca || 30 ||
30. - - - - - - - - - - - - - -
{16. samayācāre B. F. I. }
{17. sadācāre D. }
adrohaṃ śīlayan śaśvadbhūtagrāme caturvidhe|
nityamātmaguṇopeto dharmalakṣaṇasevakaḥ || 31 ||
31. - - - - - - - - - -
saṃskāraiḥ saṃskṛtaḥ śubhrairdevapitratithikriyaḥ|
divyaśāsrāṇyadhīyāno nigamāṃścaiva vaidikān || 32 ||
32. - - - - - - - - - - - - -
alolupena cittena siddhāntānanusaṃcaran|
yāvadarthaṃ tu vijñānamādadānastatastataḥ || 33 ||
33. - - - - - - - - - -
adūṣayaṃśca śāsrāṇi pramāṇairanusaṃcaran|
āhnikaṃ vidhivat kurvan śāsrārthaṃ karmaṇāṃ kramaiḥ || 34 ||
34. - - - - - - - - - - - - - -
aharādi tvahorātraṃ punā rātryavasānakam|
avandhyaṃ{18} satataṃ kurvaṃścoditaiḥ karmaṇāṃ kramaiḥ || 35 ||
35. - - - - - - - - - - - - - - -
{18. avaśyaṃ B. F. }
pañcakālarato{19} nityaṃ pañcayajñaparāyaṇaḥ|
bhūṣito damadānābhyāṃ satyenāhiṃsanena ca || 36 ||
36. - - - - - - - - - - - -
{19. paro D. E. }
coditena krameṇemāṃ vidyāṃ saṃsādhya yatnataḥ|
{20}prasannayā dhiyā yukto nityaṃ svārthaparārthayoḥ || 37 ||
37. - - - - - - - - - - - - - - -
{20. prapannayā B. }
bhūtimeva parāmicchan {21}vibhūtiṃ parivarjayet|
pāvanaḥ sarvabhūtānāṃ manasā cakṣuṣā girā || 38 ||
38. - - - - - - - - - - - -
{21. abhūtiṃ I. }
cittaprasādanīrdevīścatasraḥ pariśīlayan|
maitryādyāḥ śāntimanvicchan japayajñaparāyaṇaḥ || 39 ||
39. - - - - - - - - - - - -
apramādyan svakarmasthaḥ pramāde sati daivataḥ|
prāyaścittaṃ caran samyagyasminyasmiṃstu{22} yādṛśam || 40 ||
40. - - - - - - - - - - - - - - - - -
{22. yasmiṃśca B. }
karmaṇā manasā vācā devadevaṃ janārdanam|
prapannaḥ śaraṇaṃ śaśvanmāṃ ca taddharmadharmiṇīm || 41 ||
41. - - - - - - - - - - - -
uttamaṃ puruṣaṃ srīṃ ca saṃdṛṣṭvā māmanusmaran|
daṃpatī {23}pūjayannityaṃ dāṃpatyaṃ cāpyalopayan || 42 ||
42. - - - - - - - - - - - - - -
{23. yasmiṃsca B. }
śabdasthamarthagaṃ vāpi puṃbhāvaṃ vividhātmakam|
srībhāvaṃ viddhi tadrūpaṃ lakṣmīnārāyaṇaṃ smaran‌{24} || 43 ||
43. - - - - - - - - - - - - - -
{24. smaret B. }
uttamāṃ guṇasaṃpannāṃ rūpayauvanaśālinīm|
alolupena cittena dṛṣṭvā māmeva cintayan || 44 ||
44. alolupeneti| atyāsaktirahitenetyarthaḥ|
srīṣu kṣāntamanā nityamavadannapriyaṃ sadā|
{25}atikramaṃ pariharan‌ saṃjātaṃ cāpyatarkayan{26} || 45 ||
45. - - - - - - - - - - - - - - - -
{25. atikāmaṃ A. B. D. }
{26. akīrtayan A. B. }
kṣālayan pāvanaiḥ srīṇāṃ jāyamānaṃ vyatikramam|
kubjāṃ vā vikalāṃ vāpi sarvāvasthāṃ gatāṃ sriyam || 46 ||
46. pāvanairiti| śuddhikarmabhirityarthaḥ| vyatikramaḥ pramādaḥ|
avinindaṃścaraṃsrīṇāṃ priyaṃ śāsrānukūlataḥ|
evaṃvṛttaḥ sadācāro naro vigatakalmaṣaḥ || 47 ||
47. - - - - - - - - - - - -
{27}madbhakto matpriyakaro madyājī matparāyaṇaḥ|
prāpnoti paramaṃ dhāma tadviṣṇoḥ paramaṃ padam || 48 ||
48. - - - - - - - - - - - - -
{27. F. omits three lines from here. }
iti te kathitā śakra tārikāyāḥ parā sthitiḥ|
vidyānāmapi cānyāsāṃ kiṃ bhūyaḥ śrotumicchasi || 49 ||
49. tārikāyā iti| hṛllekhāparanāmnyā ityarthaḥ|
iti {28}śrīpāñcarātrasāre lakṣmītantre sadācāraprakāśo nāma saptaviṃśodhyāyaḥ
{28. śrīpañcarātra A.; śrīpāñcarātre B. D. }
********iti saptaviṃśo'dhyāyaḥ********