Kubjikamatatantra [sanskrit]

27,635 words | ISBN-10: 8186569421 | ISBN-13: 9788186569429

The Sanskrit edition of the Kubjikamatatantra: an ancient and authoritative text exposing the Goddess Kubjika and belonging to the Kaula tradition praised in Tantric Shaktism and Shaivism. The extant Kubjikamata-tantra contains roughly 3,000 shlokas (metrical verses), although traditionally the text is derived from a version containing 24,000 verses (or even more). It is known also by the names Kubjinimata or Anamamata

śrīkubjikā uvāca |
devadeva mahādeva śaśāṅkakṛtaśekhara |
tadgrahākhye tu ye rudrāḥ sṛṣṭinyāsena me śrutāḥ || 1 ||
[Analyze grammar]

saṃhāreṇa sureśāna kathayasva prasādataḥ |
niścayārthaṃ mahādeva kṣakārādyā yathāsphuṭam || 2 ||
[Analyze grammar]

śrībhairava uvāca |
kathayāmi na sandehaḥ sphuṭārthaṃ tadgrahātmakam |
pañcāśadvyutkrameṇaiva śṛṇuṣva gadato mama || 3 ||
[Analyze grammar]

kṣa saṃvartaḥ sthitaḥ krodhe ha prāṇe lākulī sthitaḥ |
sa bhṛguḥ śukrato nityaṃ ṣa śveto majjamāsthitaḥ || 4 ||
[Analyze grammar]

śa bakīśo'sthimadhye tu va khaḍgīśaḥ sirānvitaḥ |
la pinākī sthito māṃse ra bhujaṅgo'sṛgāsthitaḥ || 5 ||
[Analyze grammar]

ya vālīśastvacāmadhye kathitaṃ tava suvrate |
mahākālo makārastu hṛdaye sarvajantuṣu || 6 ||
[Analyze grammar]

dviraṇḍastu bha nābhyāṃ tu ba vaṃśe chagalaṇḍinaḥ |
pha śikhī vāmapārśve tu kathitaṃ tu varānane || 7 ||
[Analyze grammar]

pakāro lohito rudro dakṣiṇe kukṣimāśritaḥ |
na meṣo vāmapāde tu dha mīno jaṅghamāśritaḥ || 8 ||
[Analyze grammar]

da dhātṛ jānumadhye tu saṃsthito varavarṇini |
tha diṇḍī ūrudeśe tu ta āṣāḍhī tatordhvataḥ || 9 ||
[Analyze grammar]

loṇa umākānta pāde tu dakṣiṇe ca mahābalaḥ ḍhārdhanārī sthito devi jaṅghikāyāṃ varānane |
ḍakāre dāruko rudro jānumadhye prakīrtitaḥ |
ṭha lāṅgalyūrudeśe tu nātra kāryavicāraṇāt || 11 ||
[Analyze grammar]

someśvaras ṭakāre tu jaṅghāmūle sthitastu saḥ |
ña haste saṃsthitaḥ śarmā jhājeśo vāmabāhugaḥ || 12 ||
[Analyze grammar]

ja caturmukha madhye tu cha ekākṣastu kakṣagaḥ |
cakāraḥ kūrma evātra śikhare vāmake sthitaḥ || 13 ||
[Analyze grammar]

atordhve dakṣiṇe haste ṅādikāntamataḥ śṛṇu |
ṅakāraḥ kara-agre tu ekarudro vyavasthitaḥ || 14 ||
[Analyze grammar]

gha śiveśaḥ karasyordhve ga pracaṇḍaśca kurpare |
kha caṇḍo bāhumadhye tu ka krodhaḥ śikhare sthitaḥ || 15 ||
[Analyze grammar]

aḥ mahāsenarudrastu visargabrahmarandhragaḥ |
aṃ krūro madhyaghaṇṭānte au'nugrahīśordhva-oṣṭhake || 16 ||
[Analyze grammar]

o oṣṭhe sadyadevastu ai bhauktī dvija-m-ūrdhvagaḥ |
e jhaṇṭīśo' dhapaṅktistu dvijabhūto vyavasthitaḥ || 17 ||
[Analyze grammar]

ḹ haro vāmagaṇḍe tu ḷ sthāṇurdakṣagaṇḍagaḥ |
ṝ tithīśa iḍāyāṃ tu ṛ bhārabhūti piṅgalā || 18 ||
[Analyze grammar]

ū arghīśo vāmakarṇe u amarīśastu dakṣiṇe |
ī trimūrtirvāmacakṣuṣi i sūkṣma dakṣacakṣugaḥ || 19 ||
[Analyze grammar]

ā ananto maṇḍale vaktre a śrīkaṇṭho lalāṭagaḥ |
tadgrahe rudra-m-ākhyātā mālinyāṃ śṛṇu sāmpratam || 20 ||
[Analyze grammar]

vāme phetkārikā caiva dahanī dakṣapādagā |
sāvitrī caiva gāyatrī au o jaṅghau prakīrtitau || 21 ||
[Analyze grammar]

e ai jānū kriyā jñānī tārā takāramūrugā |
śukradevītyanusvāraṃ śukraṃ devyāstu bhairavi || 22 ||
[Analyze grammar]

śa guhyaṃ kusumākhyā ca mahākālī nitambagā |
kṣa saṃhārī sthitā nābhau ṣodaraṃ lambanodarā || 23 ||
[Analyze grammar]

ha prāṇe ambikā devī sakāre ca parāparā |
āmoṭī tadgataṃ kṣīramā varṇaṃ parikīrtitam || 24 ||
[Analyze grammar]

pūtanā chagalaṇḍā ca la-chau stanau prakīrtitau |
pāvanī tu pa hṛllagnā jayantyā śūlajā smṛtā || 25 ||
[Analyze grammar]

dīpanī śūladaṇḍā tu rephaṃ dakṣakare sthitam |
kapālinī vāmakare ṭa varṇaḥ parikīrtitaḥ || 26 ||
[Analyze grammar]

icchāśaktirvisargākhyā karapṛṣṭhāv ubhāvapi |
kurdanī jhaṅkarī caiva ña-jhāvaṅgulayaḥ kramāt || 27 ||
[Analyze grammar]

sampūrṇapūrṇimā caiva ṭhavarṇastalahastayoḥ |
vināyakī ca lāmā ca ḍa-ḍhau bāhudvayaṃ priye || 28 ||
[Analyze grammar]

vāyuvegā ca bhīṣaṇyā skandhayorubhayorapi |
va kaṇṭhe śikhivāhinyā a vāgvāgeśvarī matā || 29 ||
[Analyze grammar]

māyā devī i jihvā tu jihvā devyā virājate |
khirvirā ghoraghoṣā ca śivā kālī ca kaṅkaṭā || 30 ||
[Analyze grammar]

kavarge daśanāstīkṣṇā evaṃ devyā virājate |
bakāraṃ vadanaṃ tasyā vajriṇī śaktiravyayā || 31 ||
[Analyze grammar]

ī guhyaśakti nādasthā nāsāyāṃ netramadhyataḥ |
prajñā ca mohanī caiva ū u bhūṣaṇa-m-īkṣagau || 32 ||
[Analyze grammar]

nārāyaṇī ṇa karṇau tu vāmadakṣiṇayorubhau |
priyadarśanā dha netrasthā ubhau netrau virājate || 33 ||
[Analyze grammar]

cāmuṇḍā ca lalāṭasthā tha vaktraṃ grasanī smṛtā |
ḹ ḷ ṛ ṝ tu śāntyādyāḥ śiromālā tu mālinī || 34 ||
[Analyze grammar]

nādinī tu śikhāntasthā nakārākṣarasambhavā |
mālinyāstadgraho hyeṣa śaktitrayamataḥ śṛṇu || 35 ||
[Analyze grammar]

kriyā ca śukrasahitā bindu-ardhendusaṃyutā |
nādaśaktiśikhākrāntā prathamaṃ bījamuttamam || 36 ||
[Analyze grammar]

ambikā śūladaṇḍasthā guhyaśaktyā tvalaṅkṛtā |
binduyuktaṃ dvitīyaṃ tu tṛtīyaṃ śṛṇu sāmpratam || 37 ||
[Analyze grammar]

vāktattvaṃ kevalaṃ śuddhaṃ ghoraghoṣā tathāparā |
dakṣajaṅghāsamāyuktā dīpanī dakṣajānugā || 38 ||
[Analyze grammar]

ambikā dīpanīsaṃsthā guhyaśaktīcchayānvitā |
ambikā ca parārūḍhā icchāyuktaṃ padaṃ bhavet || 39 ||
[Analyze grammar]

abhinnā pāvanī tadvacchūladaṇḍaṃ tathaiva ca |
mahākālīsvarūpeṇa daśanaṃ tu caturthakam 1 || 40 ||
[Analyze grammar]

gāyatryā bheditaṃ kāryaṃ jñānabhinnā ca dīpanī |
mohanyā bheditaṃ prāṇaṃ mahākālyā samāhitam || 41 ||
[Analyze grammar]

ṣaḍakṣaraṃ dvitīyaṃ tu padaṃ devyāḥ samuddhṛtam |
gāyatryā bheditaṃ kṛtvā ghoraghoṣā mahābalā || 42 ||
[Analyze grammar]

dīpanīṃ kevalāṃ dadyātprajñayā śūladaṇḍakam |
jñānabhinnaṃ tu hṛdayaṃ prāṇaṃ jīvasamanvitam || 43 ||
[Analyze grammar]

sāvitrīsahitaṃ kāryaṃ padaṃ vidyāttṛtīyakam |
dakṣajaṅghāsamāyuktā ghoraghoṣā kuleśvarī || 44 ||
[Analyze grammar]

dīpanī kevalā cātra nitambaṃ mohanānvitam |
kālikā jihvayā yuktā caturthaṃ caturakṣaram || 45 ||
[Analyze grammar]

bhīṣaṇānāsamāyuktā mahākālī tu kevalā |
bhīṣaṇā guhyaśaktisthā lambikā kevalāpyataḥ || 46 ||
[Analyze grammar]

nārāyaṇī jñānaśaktyā yuktā syātpañcamaṃ padam |
vajriṇī tu mahākālī dvirabhyāsaṃ tu kārayet || 47 ||
[Analyze grammar]

pāvanī māyayā bhinnā abhinnā śikhivāhinī |
dvirabhyāsamidaṃ kāryaṃ prāṇamicchāsamanvitaṃ || 48 ||
[Analyze grammar]

ṣaṣṭhamaṃ tu padaṃ devyā uddhṛtaṃ tu navākṣaram |
ambikā jñānabhinnā vai dīpanyā ca catuṣṭayam || 49 ||
[Analyze grammar]

bhūṣitaṃ bhūṣaṇenaiva vāmakarṇasya suvrate |
dīpanyā kevalā caiva caturdhā tu prakalpayet || 50 ||
[Analyze grammar]

navavarṇamidaṃ devi saptamaṃ padamuddhṛtam |
ambikā śūladaṇḍasthā guhyaśaktyā vibhūṣitā || 51 ||
[Analyze grammar]

punareva tathāpyevaṃ śūladaṇḍāsane sthitā |
prajñāyuktā tu kartavyā vāmapādaṃ tataḥ punaḥ || 52 ||
[Analyze grammar]

śūladaṇḍāsanāsīnaṃ jñānadevyā hyalaṅkṛtam |
prāṇaṃ jīvasamāyuktaṃ śūladaṇḍāsane sthitam || 53 ||
[Analyze grammar]

sāvitryā sahitaṃ kāryaṃ bhūṣitaṃ bhūṣaṇena tu |
vāmakarṇasya deveśi kriyādevyā tataḥ punaḥ || 54 ||
[Analyze grammar]

binduyuktaṃ tu kartavyaṃ padaṃ devyāstu cāṣṭamam |
kubje te prītipūrveṇa kathitaṃ tu viśeṣataḥ || 55 ||
[Analyze grammar]

phetkārādiniyogena nādiphāntaṃ tu mālinī |
vidyātrayaṃ tathāpyevaṃ'ghoryāṣṭakasamanvitam || 56 ||
[Analyze grammar]

dvādaśāṅgaṃ tu suśroṇi vidyāṅgāśca navātmakam |
navātmā-aṅgasaṃyuktaṃ mālinyāṅgasamanvitam || 57 ||
[Analyze grammar]

nigrahastu samākhyāto vilomenopadeśataḥ |
athānyaṃ sampravakṣyāmi arcanaṃ vidhipūrvakam || 58 ||
[Analyze grammar]

kaulikena vidhānena yathāśāstravidhānataḥ |
susame bhūpradeśe tu gomayenopalepite || 59 ||
[Analyze grammar]

yogapīṭhe'thavā ramye gandhadhūpasuvāsite |
puṣpaprakarasaṅkīrṇe sugupte janavarjite || 60 ||
[Analyze grammar]

tatrārcanaṃ samārabhya ekacitto dṛḍhavrataḥ |
śuklavastraparīdhānaḥ suklayajñopavītinaḥ || 61 ||
[Analyze grammar]

śucirbhūtvā susannaddhaḥ ṣoḍhānyāsena kubjike |
sabāhyābhyantare dhyātvā ekacitto vyavasthitaḥ || 62 ||
[Analyze grammar]

tataḥ karma samārabhya pūrvoktena vidhānavit |
kuṅkumākṣatasammiśraistrirasraṃ vartayetkramam || 63 ||
[Analyze grammar]

raktacandanacūrṇena sindūreṇa-m-athāmbike |
hiṅgulena tathā rakte likhyākṣaraṃ yathoditam || 64 ||
[Analyze grammar]

nādabindusamāyuktaṃ ṣaṭprakārasamanvitam |
sarvākārasamopetaṃ paramaṃ divyarūpiṇam || 65 ||
[Analyze grammar]

tatra pūjā prakartavyā śāstroktena vidhānavit |
ādau pīṭhāni catvāri catvāraḥ pīṭhadevatāḥ || 66 ||
[Analyze grammar]

yoginīpañcakaṃ caiva ḍādiyāntāḥ krameṇa tu |
punarmahāntārikāḥ pañca jñānaṃ ṣaḍvidhamucyate || 67 ||
[Analyze grammar]

sraṣṭāraḥ siddhasadbhāvāḥ siddhāścatvāryanukramāt |
oṃkārapīṭhamadhyasthaṃ devyāyā saha vinyaset || 68 ||
[Analyze grammar]

dakṣiṇe caiva jālākhyaṃ pūrṇapīṭhaṃ tathottare |
kāmarūpaṃ tato'gre tu devyāsiddhasamanvitam || 69 ||
[Analyze grammar]

ṣaṭprakāravidhānena kulāṣṭakamataḥ śṛṇu |
prayāge tu mahākṣetre ā-kṣā-maṅgalasaṃyutā || 70 ||
[Analyze grammar]

vairiñcī ādinā pūjyā pūrvabhāge vyavasthitā |
vārāṇasyāṃ mahākṣetre ī-lā-carcikasaṃyutā || 71 ||
[Analyze grammar]

māheśī kādinā pūjyā āgneyīṃ diśamāśritā |
kolāgirye mahākṣetre ū-hā-yogīsamanvitā || 72 ||
[Analyze grammar]

kaumārī cādinā pūjyā yāmyāyāṃ diśi saṃsthitā |
aṭṭahāse mahākṣetre ṝ-sā-siddhiharānvitā || 73 ||
[Analyze grammar]

ṭādinā vaiṣṇavī hyevaṃ nairṛtyakoṇamāśritā |
jayantī ca mahākṣetre ḹ-ṣā-bhaṭṭasamanvitā || 74 ||
[Analyze grammar]

vārāhī tādinā hyevaṃ vāruṇyāṃ diśi bhūṣitā |
caritre ca mahākṣetre ai-śā-kilakilānvitā || 75 ||
[Analyze grammar]

aindrī pādyena sampūjyā vāyavyakoṇake sthitā |
ekāmrake mahākṣetre kālarātryā ca au-va-kā || 76 ||
[Analyze grammar]

cāmuṇḍā yādinā pūjyā kauberīdiśi saṃsthitā |
devikoṭṭe mahākṣetre aḥ-hlā-bhīṣaṇasaṃyutā || 77 ||
[Analyze grammar]

lakṣmī śādyena sampūjyā aiśānyāṃ diśi bhūṣitā |
kṣavarṇe kubjinīśānaṃ madhyasaṃsthaṃ prapūjayet || 78 ||
[Analyze grammar]

ḍakāre ḍākinī pūjyā rakāre rākṣasī tathā |
lakāre lākinī'pyevaṃ kakāre kusumālikā || 79 ||
[Analyze grammar]

śakāre śākinī viddhi yakāre yakṣiṇī matā |
bhrāmaṇī madhyataḥ pūjyā dakṣaṣaṭkaṃ prakīrtitam || 80 ||
[Analyze grammar]

uttaraṃ sampravakṣyāmi yathāvadanupūrvaśaḥ |
guhyākhyā ca mahākhyā ca balākhyā maṇicandrikā || 81 ||
[Analyze grammar]

mālinī vidyayā sārdhaṃ ṣaṭkamuttarasaṃjñakam |
ūrdhvataḥ siddhasantānaṃ mitrādau guravāvadhim || 82 ||
[Analyze grammar]

ādhārīśastu oṃkāre kuraṅgīśastu jālake |
cakrīśaḥ pūrṇagiryāyāṃ mathanaṃ kāmarūpake || 83 ||
[Analyze grammar]

yoginyaśca yugāścaiva kramaśaḥ samprapūjayet |
caṇḍā ghaṇṭā mahānāsā sumukhī durmukhī balā || 84 ||
[Analyze grammar]

revatī prathamā ghorā bhaumyā bhīmā mahābalā |
jayā ca vijayā caiva'jitā caivāparājitā || 85 ||
[Analyze grammar]

mahotkaṭā virūpākṣī śuṣkā cākāśamātarā |
sehārī jātahārī ca daṃṣṭrālī śuṣkarevatī || 86 ||
[Analyze grammar]

pipīlikā puṣpahārī aśanī śaspahārikā |
bhadrakālī subhadrā ca bhadrabhīmā subhadrikā || 87 ||
[Analyze grammar]

kādivarṇaiḥ prapūjyaitāḥ svaraiḥ pīṭhādhipāstathā |
siddhakramamidaṃ devi siddhamātṭḥ prapūjayet || 88 ||
[Analyze grammar]

gopanīyaṃ prayatnena yadīcchecchirajīvitam |
na deyaṃ duṣṭabuddhīnāmityājñā pārameśvarī || 89 ||
[Analyze grammar]

pūjanīyaṃ prayatnena nit yameva na saṃśayaḥ |
yogācārasamo yogī mānasaṃ samprapūjayet || 90 ||
[Analyze grammar]

trikālamekakālaṃ vā ṣoḍhānyāsaprapūrvakam |
ṣaṭprakāramidaṃ devi trisandhyaṃ samprapūjayet || 91 ||
[Analyze grammar]

svaraiḥ ṣoḍaśabhirdevyaḥ siddhāścaiva prapūjayet || 92 ||
[Analyze grammar]

pīṭhaṃ pīṭheśvarīmīśaṃ pīṭhādhipasapālakam |
nāthadevyā samāyuktaṃ siddhadevyānvitaṃ yajet || 93 ||
[Analyze grammar]

pañcamaṃ pīṭhamadhyasthaṃ devīcatuṣṭayānvitam |
siddhaiścaturbhiḥ saṃyuktaṃ pūjayetsamanukramāt || 94 ||
[Analyze grammar]

ṣaḍaṅgabhogasaṃsthānaṃ paṅkti ratnaṃ ca pañcakam |
guhyaṣaṭkaṃ tathā ḍādi sthānaṣaṭkamataḥ param || 95 ||
[Analyze grammar]

yoginīṣaṭkametaddhi pañcakaṃ ca tataḥ punaḥ |
kṣetrāṣṭa-m-aṣṭakaṃ caiva aṣṭakaṃ ca catuṣṭayam || 96 ||
[Analyze grammar]

ṣaṭkamanyattato bāhye pūjanīyaṃ prayatnataḥ |
yo vetti yogyatā tasya anyathā nāmadhārakaḥ || 97 ||
[Analyze grammar]

ṣoḍhānyāsaṃ tataḥ paścādvācanīyaṃ prayatnataḥ |
svabhrā caiva nirabhrā ca bhūcarī khecarī tathā || 98 ||
[Analyze grammar]

gocarī gaṇamukhyā ca yoginyaḥ ṣaṭ kule sthitāḥ |
sūkṣmā caiva susūkṣmā ca antimāmṛta-m-antimā || 99 ||
[Analyze grammar]

kāmarūpāditaḥ kṛtvā yoginyaḥ siddhasaṃyutāḥ |
kamalā barbarā caiva mahāntārī tṛtīyakā || 100 ||
[Analyze grammar]

laghvinī ca caturthī syādbimbākhyā vṛddhapañcakam |
raktākhyā ca karālākhyā caṇḍā ucchuṣmasaṃjñikā || 101 ||
[Analyze grammar]

khaṇḍikā pañcamī jñeyā pañca devyā udāhṛtāḥ |
mātaṅgī ca pulindā ca śabarī campakā tathā || 102 ||
[Analyze grammar]

madhyataḥ kubjanāmā tu ratnabhūṣaṇabhūṣitā |
viśuddhānāhataṃ caiva tathā ca maṇipūrakam || 103 ||
[Analyze grammar]

svādhiṣṭhānaṃ tathādhāraṃ pañcaratnaṃ prapūjayet |
ṣoḍhānyāsasya tattvajño anyathā ca vilomakṛt || 104 ||
[Analyze grammar]

pūjyapūjakadigbhāge kramaśuddhikrameṇa tu |
sa ca yogyo'nvayī śiṣyo anyathā nāmadhārakaḥ || 105 ||
[Analyze grammar]

gandhaiśca vividhaiḥ puṣpairjavābandhūkapāṭalaiḥ |
karavīrakubjakuṇḍaiśca jātīmallikacampakaiḥ || 106 ||
[Analyze grammar]

saivalyotpalayūthībhiḥ sindūraiḥ kiṃśukaistathā |
ebhiśca bahubhiścānyaiḥ sugandhairdhūpaguggulaiḥ || 107 ||
[Analyze grammar]

vāmāmṛtādibhirdravyaiḥ kuṇḍagolodbhavaistathā |
pañcāmṛtaistathā cānyairaliphalgusamanvitaiḥ || 108 ||
[Analyze grammar]

mahāpiśitadhūpaistu nālājairdīpakaiḥ saha |
evaṃ kuryādvidhānena arcanaṃ vidhipūrvakam || 109 ||
[Analyze grammar]

mahāśaṅkhārghapātreṇa arghaṃ dattvā yathākramam |
tasyāpi pūrvato devi maṇḍalānāṃ catuṣṭayam || 110 ||
[Analyze grammar]

pītapuṣpaiḥ samabhyarcya ekaikasya krameṇa tu |
punardakṣiṇato devi catvāraḥ kṛṣṇapuṣpakaiḥ || 111 ||
[Analyze grammar]

uttare caiva catvāri raktapuṣpaiḥ prapūjayet |
catvāraḥ paścime devi śvetapuṣpaiḥ prapūjayet || 112 ||
[Analyze grammar]

praṇāmaḥ kriyate paścādaṣṭāṅgaṃ mānasena tu |
stotraṃ paścātprakurvīta tacca devi vadāmyah am || 113 ||
[Analyze grammar]

namo'stu te mahāmāye sūkṣmadehe parāpare |
ekākini viśuddhātme nādākhye bindumālini || 114 ||
[Analyze grammar]

adehācca samutpanne acale viśvadhāriṇi |
mahākuṇḍalinī nitye haṃsamadhye vyavasthite || 115 ||
[Analyze grammar]

somasūryāgnimadhyasthe vyomavyāpī parāpare |
oṃkāravigrahāvasthe hakārārdhārdhadhāriṇi || 116 ||
[Analyze grammar]

vālāgraśatadhāsūkṣme anante cākṣaye'vyaye |
hakārārdhakalādhāre padmakiñjalkamāśrite || 117 ||
[Analyze grammar]

sakalākhye mahāmāye varade lokapūjite |
ekaikanāḍimadhyasthe marma-m-ekaikabhedini || 118 ||
[Analyze grammar]

aṣṭatriṃśatkalā devi bhedini brahmarandhrage |
brahmā viṣṇuśca rudraśca īśvaraśca sadāsivaḥ || 119 ||
[Analyze grammar]

ete pañca mahāpretāḥ pādamūle vyavasthitāḥ |
trailokyajananī devi namaste śaktirūpiṇī || 120 ||
[Analyze grammar]

iḍāpiṅgalamadhyasthe mṛṇālatanturūpiṇi |
bindumadhyagate devi kuṭile cārdhacandrike || 121 ||
[Analyze grammar]

tuṣārakaṇikābhāse dvādaśāntāvalambini |
umākhye hṛdgate gauri dvādaśādityavarcase || 122 ||
[Analyze grammar]

śūnye śūnyāntarāvasthe haṃsākhye prāṇadhāriṇi |
lambākhye parame devi dakṣiṇottaragāmini || 123 ||
[Analyze grammar]

nāsāgre tu samuttīrṇe madhyasūtrapravāhini |
hṛllekhe paramānande tālumūrdhni vyavasthite || 124 ||
[Analyze grammar]

nādaghaṇṭikasaṅghṛṣṭe guṇāṣṭakasamanvite |
sthūlasūkṣme tu saṅkṣubdhe dharmādharmapuṭadvaye || 125 ||
[Analyze grammar]

kāryakāraṇakartṛtve triśūnye nādavigrahe |
parāparapare śuddhe caitanye śāśvate dhruve || 126 ||
[Analyze grammar]

sarvavarṇadharī devi guhyatattveti viśrute |
aśarīre mahābhāge saṃsārārṇavatāriṇi || 127 ||
[Analyze grammar]

jayā ca vijayā caiva jayantī cāparājitā- |
tumburubījamadhyasthe namaste pāpamocani || 128 ||
[Analyze grammar]

bandhamokṣakarī devi ṣoḍaśānte vyavasthite |
bhrāmaṇī śaktiśūlena mahāvyūhasamanvite || 129 ||
[Analyze grammar]

bhramaṇi bhrāmaṇī gauri māyāyantrapravāhini |
svacchandabhairavī devi krodha-unmattabhairavi || 130 ||
[Analyze grammar]

pañcāśadvarṇarūpasthe tvayā rudrāḥ prakīrtitāḥ |
amṛtākhye ruruścaṇḍe namaste jñānabhairavi || 131 ||
[Analyze grammar]

daṃṣṭrotkaṭe vidyujjihve tārakākṣi bhayānake |
namāmi devadeveśi aghore ghorarūpiṇi || 132 ||
[Analyze grammar]

jvālāmukhī vegavatī umādevi sarasvati |
haṃsasvarodvahe devi gomukhi śaktimālini || 133 ||
[Analyze grammar]

kroṣṭuke subhage devi durge kātyāyanī tathā |
nityaklinnāsamākhyāte rakte ekākṣare pare || 134 ||
[Analyze grammar]

brāhmī māheśvarī caiva kaumārī vaiṣṇavī tathā |
vārāhī caiva māhendrī cāmuṇḍā tvabhayānanā || 135 ||
[Analyze grammar]

yogeśī tvaṃ hi deveśi kulāṣṭakavibhūṣite |
aindrī caiva tu āgneyī yāmyā nairṛtyavāruṇī || 136 ||
[Analyze grammar]

vāyavyā caiva kauberī īśānī samudāhṛtā |
prayāgā varuṇā kollā aṭṭahāsā jayantikā || 137 ||
[Analyze grammar]

caritrekāmrake caiva devikoṭṭaṃ tu cāṣṭadhā |
tathā kālī umā devī devadūti namo'stu te || 138 ||
[Analyze grammar]

bhadrakāli mahādevi carmamuṇḍe bhayāvahe |
mahocchuṣme mahāśānte namaste śaktirūpiṇi || 139 ||
[Analyze grammar]

bhūrbhuvaḥ sveti svāhānte dayāṃ nāthe kuruṣva me |
jñānārthino mahāmāye etadicchāmi veditum || 140 ||
[Analyze grammar]

yastvidaṃ paṭhate stotraṃ trisandhyaṃ caiva mānavaḥ |
prāpnoti cintitān kāmān strīṇāṃ bhavati vallabhaḥ || 141 ||
[Analyze grammar]

iti śivaśaktisamarasamahāmāyāstavaḥ samāptaḥ |
śrīkubjikā uvāca |
kulajānāṃ maheśāna pavitrārohaṇaṃ katham |
kasmin kāle kathaṃ kāryaṃ kimarthaṃ vada me prabho || 142 ||
[Analyze grammar]

śrībhairava uvāca |
purā devāsurairdevi kṣīrodo mathito yadā |
tatra netro mahābhāge kaśyapasya suto balī || 143 ||
[Analyze grammar]

manthāne yojito bhadre viṣanidrāvimūrchitaḥ |
na śaknoti talasyānte varṣāsu vasituṃ yadā || 144 ||
[Analyze grammar]

tenāhaṃ rādhito devi pavitreṇa mahātmanā |
divyaṃ varṣasahasraṃ tu vāyubhakṣo mahābalaḥ || 145 ||
[Analyze grammar]

tuṣṭo'haṃ tasya deveśi kiṃ kartavyaṃ puroditam |
tato'sau daṇḍavadbhūmau mama pādāgrataḥ sthitaḥ || 146 ||
[Analyze grammar]

prāvṛṭkāle na śaknomi talānte vasituṃ hara |
tataḥ so'pi mayā devi karābhyāṃ gṛhya bhūtalāt || 147 ||
[Analyze grammar]

śirasā dhārito devi jaṭājūṭe varānane |
tataḥ sarvaistu deveśi śirasā dhāritaḥ śuciḥ || 148 ||
[Analyze grammar]

daśakoṭistu pūjānāṃ pavitrārohaṇe samā |
vṛthā dīkṣā vṛthā jñānaṃ gurvārādhanameva ca || 149 ||
[Analyze grammar]

harate nāgarājastu vinā devi pavitrakāt |
vṛthā pariśramastasya yo na kuryātpavitrakam || 150 ||
[Analyze grammar]

tasmātsarvaprayatnena kartavyaṃ kulajaiḥ priye |
āṣāḍhe śuklapakṣe tu mithunasthe divākare || 151 ||
[Analyze grammar]

tadālābhe prakartavyaṃ karkaṭasthe divākare |
avirodhena kartavyaṃ yāvatsyāttulapūrṇimā || 152 ||
[Analyze grammar]

sauvarṇaṃ tu kṛtaṃ sūtraṃ sūkṣmaṃ tu triguṇīkṛtam |
tatra tantuśataṃ proktaṃ granthipādaṃ gurormatam || 153 ||
[Analyze grammar]

pūjyasya dvyadhikaṃ kāryaṃ pratipūjye caturādhikam |
saptādhikaṃ śivasyoktaṃ yogeśīnāṃ ṣaḍuttaram || 154 ||
[Analyze grammar]

vidyāpīṭhasya sarvasya kuryāttacca ṣaḍuttaram |
pādukānāṃ prakartavyaṃ śatamaṣṭādhikaṃ priye || 155 ||
[Analyze grammar]

aṣṭatriṃśacca granthyo vai pañcāśadvā vikalpanā |
aṣṭādhikaṃ guroruktaṃ vaṭukasya tathā bhavet || 156 ||
[Analyze grammar]

athavā rājataṃ sūtramabhāvādvastrajaṃ bhavet |
śuklasūtraṃ samādāya triguṇaṃ triguṇīkṛtam || 157 ||
[Analyze grammar]

tena tantuśataṃ kuryādaṣṭādhikaṃ mahātape |
śrīkaṇṭhādi caturviṃśairajeśādyaistu ṣoḍaśa || 158 ||
[Analyze grammar]

aṣṭābhiśca mahākālairvidyāmātā catuṣṭayam |
ṣaṭtantu ḍādiṣaṭkasya kulāṣṭe cāṣṭatantukam || 159 ||
[Analyze grammar]

granthayaśca yathāśobhā yathāśaktyā pavitrakam |
gorocanā prakartavyā athavā kuṅkumena tu || 160 ||
[Analyze grammar]

evaṃ niṣpādayitvā tu yāgaṃ kṛtvā varānane |
dātavyaṃ bhaktiyuktena pūjānte tu pavitrakam || 161 ||
[Analyze grammar]

gītaṃ nṛtyaṃ prakartavyaṃ sa evātra varānane |
hindolaṃ vātha kartavyaṃ mandatārayutena tu || 162 ||
[Analyze grammar]

prāptāḥ samayino ye tu te pūjyāstu prayatnataḥ |
tatsarvaṃ tu prakartavyaṃ cāturmāsyaṃ varānane || 163 ||
[Analyze grammar]

saptavāsaramevaṃ tu trīṇi vā ekameva vā |
vīrakrīḍākṛte devi sampannaṃ bhavate priye || 164 ||
[Analyze grammar]

tatpavitraṃ varārohe kṛtvā caiva kṣamāpayet |
bahuyajñaphalaṃ devi bahutīrthaphalaṃ tathā || 165 ||
[Analyze grammar]

dānadharmasya deveśi kalāṃ nārghanti ṣoḍaśīm |
pavitraṃ paramaṃ puṇyaṃ sarvadoṣavivarjitam || 166 ||
[Analyze grammar]

tena kāryamidaṃ devi kulajaistu varānane |
laṅghanaṃ samayānāṃ tu karma vidhivinākṛtam || 167 ||
[Analyze grammar]

te doṣā nāśamāyānti pavitreṇa varānane |
varṣe varṣe prakartavyaṃ yathāvibhavavistarāt || 168 ||
[Analyze grammar]

kāśaiḥ kuśaiḥ prakartavyaṃ bhaktiyuktena bhairavi |
vittaśāṭhyaṃ na kartavyamihaiva tu kulāgame || 169 ||
[Analyze grammar]

śāṭhyena yatkṛtaṃ karma na tatsiddhipadaṃ bhavet |
evaṃ jñātvā varārohe vittaśāṭhyaṃ na kārayet || 170 ||
[Analyze grammar]

tadgrahaśca tathā pūjā pavitrārohaṇaṃ param |
etatsarvaṃ samākhyātaṃ kimanyatparipṛcchasi || 171 ||
[Analyze grammar]

Other editions:

Also see the following editions of the Sanskrit text or (alternative) English translations of the Kubjikamatatantra Chapter 24

Cover of edition (2004)

A Journey in the World of the Tantras
by Mark S.G. Dyczkowski (2004)

[Indica Books, Varanasi]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: